Blog

Urubyiruko rw’abanyeshuri rurasabwa kuzirikana ko ibiruhuko atari igihe cyo kwicara imbere ya televiziyo gusa, ahubwo ari n’umwanya wo kwitoza (…)

Perezida Paul Kagame ku gicamunsi cyo kuri uyu wa Kabiri tariki 09 Kanama 2022, muri Village Urugwiro, yakiriye impapuro za ba Amabasaderi bashya babiri (…)

Myugariro w’ikipe y’igihugu Amavubi Rwatubyaye Abdul amaze gusinyira Rayon Sports amasezerano y’imyaka ibiri

Iyi ntumwa ya rubanda yanigeze kuba Visi Perezida w’Inteko Ishinga Amategeko, yatawe muri yombi kuri uyu wa Kabiri tariki 09 Kanama 2022.

Uyu munsi yari yitabye Umushinjacyaha uri kumukoraho iperereza ku byaha yatangiye gukurikiranwaho nyuma y’amagambo yavuze mu minsi ishize yumvikanamo gutuka ubutegetsi bwa Congo, ariko ntiyabasha gutaha.

Nyuma yo kubazwa n’Umushinjacyaha, yahise yurizwa imodoka ya Polisi ahita ajya gufungirwa kuri Gereza ya Makala aho afunzwe by’agateganyo.

Umunyamategeko we Me Henriette Bongwalanga na we yemeje ifungwa ry’umukiriya we, aho yavuze ko nyuma yo kwitaba Umushinjacyaha, bahise bajya kumufunga.

Abari ku cyumba cy’Ubushinjacyaha aho uyu munyapolitiki yabarizwaga n’Umushinjacyaha, bavuga ko imodoka yagiye kumufunga yari icungiwe umutekano mu buryo budasanzwe.

Depite Kabund aherutse gutangaza amagambo akomeye cyane aho yavuze ko ubutegetsi bwa Congo burangajwe imbere n’amabandi asahura Igihugu.

Ni amagambo yarakaje Guverinoma ya Congo yahise itangaza ko Ubutabera bugiye kumukurikirana ndetse n’Inteko Ishinga Amategeko ya kiriya Gihugu igahita imwamaganira kure aho yahise inatangira inzira yo kumwambura ubudahangawa nubwo yatawe muri yombi bitarashyirwa mu bikorwa.

Abashinzwe ubuhinzi hirya no hino mu gihugu batangiye gahunda yo kugenzura ko buri rugo rufite ikimoteri cyo gukusanyirizwamo imyanda, mu rwego rwo kugira (…)

Ibi biro byuzuye bitwaye arenga miliyoni 37Frw bikaba bifite ibyumba bitandukanye birimo, ahazakorera umukuru w'Umudugudu, Ushinzwe umutekano n'ushinzwe Iterambere n'icyumba mberabyombi kizajya kiberamo Inama.

Iyi nzu yubatswe ku musanzu w'abaturage 2901 baba mu ngo 377.

Bamwe mu batuye muri uyu Mudugudu wa Rebero babwiye IGIHE, ko bahisemo kwiyubakira ibiro kugira ngo bakemure ibibazo bitandukanye bahuraga nabyo birimo gusanga abayobozi babo mu ngo zabo, kubura aho bakorera inama n'ibindi.

Bemeza ko nyuma y'uko batashye ibiro by'Umudugudu wabo batazongera kujya bicwa n'izuba cyangwa banyagirwe igihe bakoresheje inama.

Uwitwa Mushimiyimana Sylvie, yagize ati ' Mbere twashakaga nka serivisi ugasanga tugiye gusanga mudugudu iwe cyangwa ushinzwe imibereho myiza ugasanga birabangamye cyane kuko hari n'ubwo umuntu yajyag akubareba nijoro kandi atari byiza ariko ubu umuntu azajya agenda abasange ku biro.'

Umukuru w'Umudugudu wa Rebero, Damascene Nyabyenda, we avuga ko ibi biro by'umudugudu binafite ibyumba bizajya byinjiza amafaranga buri kwezi azajya akemura bimwe mu bibazo bitandukanye bijya bigaragara mu batuye muri aka gace.

Ati ' Hari igihe habonekaga abaturage bagize ibibazo babuze uko bishyura mituweli ariko kuko twubatse n'inzu mberabyombi izajya iberamo inama ishobora gukodeshwa nk'ibihumbi 150Frw kandi hakaba hari n'ibyumba bizajya bikadeshwa ibihumbi 100Frw, ayo mafaranga yose akinjira ku kwezi azajya akemura utwo tubazo twagaragaraga.'

Umunyamabanga Nshingwabikorwa w'Umurenge wa Jabana, Rwamucyo Gonzague, yabwiye IGIHE ko iki gikorwa cyo kwiyubakira ibiro by'umudugudu ari intanga rugero.

Yagize ati 'Ni igikorwa cy'intanga rugero kigaragaza ubushobozi bw'abaturage, twacyakiriye nk'igikorwa cy'indashyikirwa cyane indi midugudu ikwiriye kureberaho kuko kigaragaza ko iyo abaturage bayobowe neza ntacyo batageraho.'

Nawe yashimangiye ko Akagari ka Kabuye uyu mudugudu wa Rebero uherereyemo ibiro gakoreramo atari ibyako ndetse bari gushakisha ubutaka bw'aho ibiro byako n'Iby'Umurenge wa Jabana byazubakwa.

---

Iyi miryango igera kuri 17 ndetse n’inzobere zirimo Abanye-Congo ndetse n’Abanyamerika, basohoye itangazo kuri uyu wa Mbere tariki 08 Kanama 2022 rivuga ko hari ibyifuzo bifuza kugeza kuri Antony Blinken utegerejwe muri DRC kuri uyu wa Kabiri.

Bavuga ko bifuza ko uyu muyobozi wo muri Leta Zunze Ubumwe za America, azaba ubutegetsi bwa Congo ko muri iki Gihugu hagomba kubaho amatora anyuze mu mucyo, kubahiriza uburenganzira bwa muntu no kurwanya ruswa.

Itangazo ryabo rigira riti 'Antony Blinken kandi agomba kwemeza ko Leta Zunze Ubumwe za America zifatira ibihano Guverinoma ndetse n’abantu bafasha imitwe yitwaje intwaro. Agomba kandi gushimangira igitekerezo cyo kuvugurura igisirikare cya Congo.'

Rigobert Minani Bihuzo Bakomeza uyobora umuryango wa CEPAS (Centre d’études pour l’Action sociale) yagize ati 'Umunyamabanga wa Leta Blinken kandi agomba kuzamenyesha Perezida w’u Rwanda Paul Kagame ko Leta Zunze Ubumwe za America zitazakomeza kwihanganira gufasha M23 nkuko byakozwe na Perezida Barack Obama muri 2012.'

Yakomeje agira ati 'Agomba kandi gushyigikira ko Guverinoma ya Congo ivugurura igisirikare cyacyo byumwihariko mu rwego rwo kurwanya ruswa ndetse hakirukanwa abasirikare bose bakuru bakoresheje nabi ububasha bwabo ndetse hakanakorwa iperereza ku bijanditse mu byaha by’intambara.'

Umunyamabanga wa Leta Zunze Ubumwe za America, Antony Blinken ategerejwe muri Repubulika Iharanira Demokarasi ya Congo kuri uyu wa Kabiri aho ku munsi w’ejo tariki 10 Kanama azava ahita yerecyeza mu Rwanda.

Byemejwe na Minisitiri w’Ingabo mu Burundi, Alain-Tribert Mutabazi wavuze ko ingabo z’iki Gihugu ziteguye kwerecyeza muri Repubulika Iharanira Demokarasi ya Congo.

Yagize ati 'Imyiteguro y’Abasirikare b’u Buru bazajya mu butumwa bw’amahoro muri DRC, igeze kuri 90%.'

Yakomeje agira ati 'Ndizera ko mu gihe cya vuba, tuzaba turangije imyiteguro ubundi tugategereza ko boherezwa muri ubu butumwa bw’akarere.'

Izi ngabo z’u Burunzi zizaba zigizwe n’itsinda ry’ingabo zihuriweho z’Umuryango wa Afurika y’Iburasirazuba nkuko byemejwe mu nama y’abakuru b’Ibihugu yabaye mu kwezi kwa Kamena 2022 bemeje ko bagomba kohereza ingabo zo guhangana n’umutwe wa M23 ndetse n’indi mitwe ikomeje iri mu burasirazuba bwa Congo.

Ibihugu nka Kenya na Tanzania na byo byamaze kwemeza ko bizagira uruhare muri ubu butumwa bw’ingabo zihuriweho za EAC zizajya kurandura iyi mitwe yitwaje intwaro yazahaje uburasirazuba bwa Congo.

U Rwanda rwo rwamaze kwemera icyifuzo cya Repubulika Iharanira Demokarasi ya Congo yagaragaje kenshi ko idakeneye ingabo zarwo muri ubu butumwa kubera ibyo iki Gihugu gishinja u Rwanda byo kuba rufasha M23.

Mu kiganiro Perezida Paul Kagame yagiranye n’Ikigo cy’Igihugu cy’Itangazamakuru mu ntangiro za Nyakanga, yagarutse kuri ibi byifuzo byanagiye bishimangirwa na mugenzi we Felix Tshisekedi, avuga ko kuba ingabo z’u Rwanda zitajya muri Congo ntakibazo abifiteho.

Icyo gihe yagize ati 'Nakwishima cyane bikozwe nta ruhare tubigize kuko kubijyamo byadutwara imbaraga. Ni gute nakwemera kwishyura mu gihe hari undi muntu uvuga uti 'Oya, ndashaka kubigukorera ?'

Perezida Paul Kagame yavuze ko abazajya muri ubu butumwa bagomba kuzirikana gukemura ibibazo by’imitwe yose iri mu burasirazuba bwa Congo irimo na FDLR.

Agaruka kuri iri tsinda ry’ingabo rihuriweho rya EAC, Perezida Kagame yagize ati 'Niba uwo mutwe uzemerera u Rwanda ko nta gisasu na kimwe kizagwa ku butaka bwarwo, yaba icya FDLR cyangwa FARDC ninde wabirwanya !.'

Gusa bamwe mu banyapolitiki bakomeye muri Repubulika Iharanira Demokarasi ya Congo barimo n’abari mu myanya mu nzego nkuru z’Igihugu barwanyije uyu mugambi wo kujyanayo ingabo zihuriweho za EAC, bavuga ko izi ngabo zitazajyanwa na kamwe ndetse ko n’izindi zimazeyo imyaka n’imyaka zirimo iza MONUSCO ntacyo zakoze.

Umutwe w’Iterabwoba urwanya u Rwanda, FDLR uherutse gusaba ko wahuzwa n’Ingabo z’u Burundi mu kurimbura abo wise Abatutsi n’ababatera inkunga bose.

Umutwe wa FDLR wasabye Leta ya DR Congo ko yagira uruhare mu rugamba rwo kurwanya M23 yanga urunuka ivuga ko ugizwe n’Abatutsi bafashwa n’u Rwanda bityo ko ugamije kubarimbura burundu.

Itangazo ry’umutwe wa FDLR ryo kuwa 20 Nyakanga 2022, ryashyizweho umukono na Maj Cure Ngoma, umuvugizi wa FDLR rivuga ko FDLR itewe impungenge ndetse ko yamaze kubona ko Umuryango w’ibihugu by’Uburasirazuba bwa Afurika EAC ,urimo gutinza gahunda yo kohereza umutwe w’ingabo uhuriwe n’ibihugu bigize uyu muryango mu rwego rwo gurwanya M23 n’indi mitwe y’inyeshyamba yitwaje intwaro mu Burasirazuba bwa DR Congo.

FDLR kandi ivugako yakiriye neza ikifuzo cya leta y’u Burundi cyo kohereza umutwe udasanzwe mu ngabo z’u Burundi uzaba uyobowe na Gen Maj Sibomana Ignace na Lt Col Baranyikwa Ildephonse kugirango uhangane na M23 bityo ko FDLR yifuza ko abarwanyi bawo bazivanga n’uwo mutwe udasanzwe mu Ngabo z’u Burundi kugirango bafashe FARDC guhashya umutwe wa M23.

Cure Ngoma arangiza avuga ko ibyo byakoroha ngo kuko abarwanyi ba FDLR bamenyereye ndetse bakaba basanzwe bazi neza uduce twinshi two muri Kivu y’Amajyaruguru byumwihariko muri teritwari ya Rustshuru ahari ibirindiro bya M23

FDLR binyuze mu muvugizi wayo Cure Ngoma ikomeza ivuga ko M23 ari umutwe ugizwe n’Abatutsi bo muri Kivu y’Amajyaruguru, bashyigikiwe n’u Rwanda bityo ko byaba byiza indi mitwe yose yo mu karere yifatanyije na FDLR maze bakarimbura Abatusti n’ababashyigikiye bose mu karere

Yagize ati : Turasaba indi mitwe yose yo mu karere kwifatanya natwe maze tukarandura burundu Abatutsi mu karere n’afatanyabikorwa babo.'

FDLR isanzwe ari umutwe ugizwe ahanini n’abahoze mu ngabo za EX FAR n’Interahamwe bagize ruhare muri Jenoside yakorewe Abatutsi mu 1994 kugeza ubu ukaba ukibungana ingengabitekerezo ya Jenoside n’urwango rukomeye ufitiye Abatutsi.

FDLR yanga urunuka umutwe wa M23 ngo kuko ahani ari umutwe ugizwe n’Abakongomani bo mu bwoko bw’Abatutsi .

Ku rundi ruhande ariko hari abasanga umutwe wa FDLR utagakwiye gusaba kugira uruhare mu kurwanya indi mitwe ,ko ahubwo ariwo wagakwiye kurwanywa mbere y’indi mitwe yose ,cyane cyane ko ariwo ntandaro y’umutekano mucye mu Burasirazuba bwa DR Congo no mu karere muri rusange.

Hari nabafashe ibi byatangajwe na FDLR nko kujijisha kuko n’ubusanzwe bizwi ko uyu mutwe usanzwe warashowe imbere ku rugamba FARDC ihanganyemo na M23.