Blog

Ku wa Mbere tariki 26 Nzeri 2022, Perezida Paul Kagame akaba n’Umugaba w’Ikirenga w’Ingabo z’u Rwanda, yazamuye mu ntera Maj Gen Innocent Kabandana, amuha (…)

Abanyeshuri bo mu Karere ka Kicukiro na Gasabo bagera kuri 67 bitabiriye umukino wa Karate mu gihe cy’ibiruhuko, bakoreye imikandara bava mu cyiciro bajya (…)

Iyi dosiye yashyikirijwe Ubushinjacyaha ku wa 26 Nzeri 2022 nyuma y’uko Ubugenzacyaha bumaze gukusanya ibimenyetso by’ibyaha byatumye Danny Nanone atabwa muri yombi ku wa 19 Nzeri 2022.

Danny Nanone yatawe muri yombi akurikiranyweho icyaha cyo gukubita no gukomeretsa ku bushake umugore w’imyaka 30 akaba umubyeyi w’umwana babyaranye.

Amakuru yamenyeka ubwo uyu muhanzi yari amaze gutabwa muri yombi, ni uko uyu mugore akurikiranyweho gukubita no gukomeretsa ari uwo babyaranye.

Icyaha Danny Nanone akurikiranyweho aramutse agihamijwe n’Urukiko yahanwa n’itegeko nimero 68/2018 ryo ku wa 30 Kanama 2018 riteganya ibyaha n’ibihano muri rusange.

Iri tegeko rivuga ko uwahamijwe iki cyaha n’Urukiko ahanishwa igifungo kitari munsi y’imyaka itatu ariko kitarenze imyaka itanu n’ihazabu y’amafaranga atari munsi ya miliyoni eshanu ariko zitarenze miliyoni 10 z’amafaranga y’u Rwanda.

Ibyavuye mu bizamini bya Leta by’umwaka w’amashuri wa 2021-2022, byatangajwe ku gicamunsi cyo kuri uyu wa Kabiri tariki 27 Nzeri 2022, mu muhango wayobowe na Minisitiri w’Uburezi, Dr Uwamariya Valentine.

Abarangije amashuri abanza, hakoze abanyeshyri 227 472 barimo abakobwa 125 169 n’abahungu 102 303. Muri aba bose, abatsinze ni 206 286 bangana na 90,69% mu gihe abatsinzwe ari 21 186 bangana na 9,31%.

Minisitiri w’Uburezi, Dr Uwamariya Valentine ati 'Tugereranyije n’umwaka ushize, twari dufite igipimo cya 82,8%, bigaragara ko imitsindire y’uyu mwaka yagenze neza kurushaho.'

Naho mu basoje icyiciro rusange cy’amashuri yisumbuye, Minisitiri w’Uburezi yagaragaje ko hari hiyandikishije abanyeshuri 127 589, hagakora 126 735, hakaba haratsinze 108 566 bangana na 85,66% mu gihe abatsinzwe ari 18 469 bangana na 14,34%.

Ati 'Tugereranyije n’umwaka ushize, bitandukanye no mu cyiciro cy’abarangiza amashuri abanza, ho byasubiye inyuma kuko umwaka ushize twatsinze ku gipimo cya 86,3% mu gihe uyu mwaka ari 85,66%.'

Minisitiri w’Uburezi kandi yavuze ko mu barangije amashuri abanza, abaziga mu bigo bibacumbikira ari 26 922 naho abazajya biga bataha bakaba ari 179 364.

Naho abagiye mu mwaka wa kane w’amashuri yisumbuye, abazajya mu mashuri y’ubumenyi rusange bazajya biga bacumbikira bakaba ari 35 381 mu gihe abaziga mu mashuri biga bataha ari 15 737 bose hamwe bakaba ari 51 118 bangana 47,1%.

Naho abagiye mu mashuri y’imyuga n’ubumenyingiro, abaziga bacumbikiwe ni 44 836 mu gihe abaziga bataha ari 5 251 bose hamwe bakaba ari 49 687 bangana na 45,8%. Naho abagiye mu mashuri nderabarezi ni 3 099 bose bakaziga mu mashuri abacumbikira bangana na 2,9%.

Abagiye kwiga ibijyanye no gufasha abaforomo (Associate Nursing) bakaba ari 210 bangana na 0,2% bose bakazaba mu bigo bigamo bacumbikiwe.

Uyu mwaka kandi abiga ibijyanye n’ibaruramutungo bajyaga babarirwa mu myuga n’ubumenyingiro, baratandukanyijwe, bakaba ari 4 852 bangana na 4,1% na bo bakaziga mu mashuri abacumbikira bose.

Minisiteri y’Uburezi kandi yatangaje ko ubu amanota yamaze kugera ku mbuga agomba gushyirwaho ku buryo abashaka kuyareba bakoresha uburyo bw’ikoranabuhanga burimo urubuga rwa NESA bakandikamo imyirondoro ubundi bakabasha kuyabona.

Hari uburyo kandi bwo kwifashisha ubutumwa bugufi bwa telefone aho umuntu ajya ahandikirwa ubutumwa bakandikamo nimero y’umwana wakoze ikizamini (index number) ubundi bakohereza ku 8888.

Ikipe y’igihugu y’u Rwanda y’abatareneje imyaka 23 yakoreye amateka kuri Stade Mpuzamahanga ya Huye ihanyagirira Libya 3-0 maze inayisezerera mu mikino yo gushaka itike y’igikombe cy’Afurika cy’abatarengeje imyaka 23.

Amavubi yagiye gukina umukino wo kwishyura adahabwa amahirwe yo kuba yasezerera Libya yayinyagriiye iwayo 4-1, akaba yasabwaga gutsinda 3-0.

Abasore b’u Rwanda bakaba batangiye umukino bashyira igitutu kuri Libya wabonaga yaje yo intego ari ugutinza umukino kuva ku munota wa mbere kugeza ku wa nyuma.

Ntabwo ubusatirizi bw’u Rwanda bwari buyobowe na Gitego Arthur wari ufite abamuha imipira nka Anicet na Nyarugabo borohewe no kuba babona igitego mu minota ya mbere y’umukino nubwo basatiraga.

Abari muri Stade Mpuzamahanga ya Huye kimwe n’abandi banyarwanda bari mu bice bitandukanye by’igihugu, baje kuremwa agatima na Niyigena Clement ku munota wa 38 ubwo yatsindiraga u Rwanda igitego cya mbere n’umutwe, ku mupira w’umuterekano watewe na Isimwe Jean Rene ahana ikosa bari bamaze gukorera Kamanzi Ashraf.

Iki gitego cyongereye imbara Amavubi U23 noneho yumva ko no kubona ibindi 2 bishoboka. Amakipe yagiye kuruhuka ari 1-0.

Abasore b’u Rwanda bagarukanye imbaraga nyinshi mu gice cya kabiri, maze Niyigena Clement yongera guhagarutsa abanyarwanda ku munota wa 52, ku mupira w’umuterekano n’ubundi wari utewe bahana ikosa ryakorewe Kamanzi Ashraf.

U Rwanda rwahise rubona ko byose bishoboka maze ruhita rukora impinduka, Ashraf wagize imvune asimburwa na Hoziana Kennedy ni mu gihe Gitego Arthur yahaye umwanya Rudasingwa Prince.

Abakinnyi b’u Rwanda ntabwo bacitse intege bakomeje gusatira bashaka igitego cy’intsinzi gishobora kubatwara mu cyiciro gikurikiyeho, baje kubigeraho ku munota wa 70 ku gitego cyatsinzwe na Rudasingwa Prince kuri penaliti, ni nyuma y’ikosa ryari rikorewe Ishimwe Anicet.

Ibi byahise bikangura Libya itangira gushyira igitutu ku Rwanda ari n’ako abakinnyi b’Amavubi bagerageje kwihagararaho barinda igitego batsinzwe. Umukino warangiye ari 3-0 maze biba 4-4 mu mikino yombi maze Amavubi U23 aba ari yo akomeza kubera igitego yatsinze muri Libya.

Mu cyiciro gikurikiyeho u Rwanda rukaba rugomba kuzahura na Mali.

AMAFOTO: ISHIMWE Yvan

Ikigo gishinzwe Ibizamini n’Ubugenzuzi bw’Amashuri mu Rwanda (NESA), kiributsa ko kumenya amanota y’abarangije amashuri abanza, imyuga, icyiciro rusange (…)