Blog

Ubwo yaganirizaga abanyeshuri bo muri Kaminuza y’u Rwanda, ishami ry’Ubumenyi n’Ikoranabuhanga ku wa Gatatu tariki 02 Ugushyingo 2022, Umujyanama wa Perezida (…)

Mu ijoro ryo kuri uyu wa 01 Ugushyingo 2022 ku isaha ya saa mbiri, nibwo hasojwe icyiciro cyari gihatanyemo abagera kuri 50 hasigara 30, nabo bazavamo 10 bazahatana mu cyiciro cya nyuma.

Abakobwa babiri bakaba aribo bihariye umusaruro munini w'abatoye, abo bakaba ari Umuhoza Clarisse wagize amajwi menshi angana na 18.24% na Gwizimpundu Aimée chartine (Gwiza) wamukurikiye wihariye 17.35%.

Aba uko ari babiri nk'uko byari byatangajwe hatangira amatora, bakaba bahise bagera kuri finale ni mu gihe abandi 28 basigaye bategerejwe mu yandi marushanwa azasiga 8 babasanze mu cyiciro cya nyuma.

Abo 28 bakaba ari Rukundo Ishimwe Kevin, Byukusenge Malachi, Niyonsaba Daniel (Legacy), Irakoze Ange Regis (Rex Bigwi), Niwemugore Natete Nasila (NatyChivah), Teyamo, Niyomubyeyi Cadette (Nicah), Uwineza Alice, Ufitinema Daniel, Bizimana Olivier (Oli Bizi).

Hari kandi, Manzi Handsome (McCall), Muhamiriza Charles, Benie Hunter, Nkundimana Olivier, Tuyikundire Jean François, Twins (Kesha&Jose Dayna), Haguma Deborah, Gaudence Nikie, Nambajimana Innocent (Prince), Hagenimana Jean Paul (Boskira), Uwiringiyimana Alexis (Zad Boy), Tuyishime Emmanuel (EMA LION), Lenny Silver, Rutayisire Jean Pierre (Jay Pason), Jabo Clever, Riziki Etienne, Ingabire Claudine na Eligaby.

Amarushanwa ya One Nyota Music Competitition 2022 akaba yarafunguwe kuwa 05 Nzeri 2022, hatangira kwiyandikisha abahanzi batandukanye mu Rwanda kuwa 10 Ukwakira 2022, ubwo hasozwaga igikorwa cyo kwiyandikisha hari hamaze kwiyandikisha 214.

Amajonjora yabaye kuwa 14 Ukwakira 2022 abera kuri Elite Music School yitabiriwe na mirongo 85 bakuwemo 50, nyuma y'uko buri umwe anyuze imbere y'akanama nkemurampaka aririmba.

Wakurikirana uko irushanwa rizakomeza rigenda unyuze ku mbuga nkoranyambaga zirimo Instagram na Youtube

KANDA HANO UREBE UKO AMAJONJORA YEGENZE

“>

KANDA HANO UREBE UKO ABAHATANYE BAKURIKIRANYE MU MAJWI

Umuhoza Clarisse waririmbye indirimbo ya gakondo yatumye akomeza ni we wasoje ayoboye abandi mu matoraGwiza ni we wakomeje kuyobora abandi mu matora kugera ku munsi wa nyuma aho yarushijwe ubwo yahatanaga mu majanjora yaririmbye indirimbo ya Yvan Buravan

Kuri uyu wa Gatatu tariki 2 Ugushyingo 2022 nibwo ibigo byombi byatangije imikoranire ku mugaragaro, mu muhango wabereye ku Cyicaro cya Airtel Rwanda i Kigali ahazwi nko mu Kabuga ka Nyarutarama.

Mu gihe mu Rwanda habarirwa abantu bagera ku bihumbi 40 bishyura Serivisi za Parikingi buri munsi, ubu buryo bw’ikoranabuhanga rigezweho bwatangiye gukoreshwa n’abafite umurongo wa Airtel, aho bakanda *799# bagakurikiza amabwiriza.

Ubu buryo buzajya bugaragariza umuntu amafaranga yishyuye n’ayo asigayemo, ndetse butange umusoro kuri Serivisi ako kanya, bitandukanye n’uko Umukiliya yabaga yishyuye abakozi ba MISIC mu ntoki.

Rukundo Willy ushinzwe itumanaho no guhuza Koperative ya MISIC n’abo ikorera, yavuze ko uretse guteza imbere uburyo bwo kwishyura hakoreshejwe ikoranabuhanga, bashyizeho uburyo bworohereza abakiliya benshi ba Airtel Rwanda batajyaga babona uko bishyura hakoreshejwe Telephone.

Yagize ati “Airtel Money iratwunganira ngo tuve mu kugendana amafaranga mu ntoki, umuntu ashobore kwishyura akoresheje uburyo bworoshye cyane bw’ikorabuhanga, ukishyura Amahoro ukanakomeza kubaka igihugu.”

“Abafatabuguzi ba Airtel ntitwari twarabashyiriyeho uburyo bwo kwishyura kandi ni benshi, byasaga n'aho twabateye imbogamizi, Iyo mbogamizi niyo dukuyeho mu bufatanye na Airtel Money.”

Rukundo Willy ushinzwe itumanaho muri MISIC asobanura imikorere yayo

Umuyobozi Mukuru wa Airtel Money, Gaga Jean Claude yavuze ko basanze ari ngombwa ko hajyaho iyi mikoranire na MISIC mu rwego rwo korohereza Abakiliya ba Airtel kwishyura Parikingi.

Yagize ati “Ni uburyo bwo korohereza abafatabuguzi bacu kuba bakwishyura Parikingi. Muri iki gihe inote n’ibiceri biri kugabanuka cyane, uburyo bugezweho ni ukwishyura ‘Cashless’ twasanze ari ngombwa. Ku munsi hari abantu barenga ibihumbi 40 bishyura Parikingi, byumvikana ko ari umubare munini utakwirengagiza.”

Yashimangiye kandi ko kwishyura Parikingi hakoreshejwe Airtel Money ari uburyo bwo kurinda amafaranga kuzimira, ati “Iyo ugendana amafaranga mu mufuka agatakara undi muntu arayatwara ariko iyo ari kuri Telephone, n'iyo yo wayita, kuko uba uzi umubare wawe w’ibanga amafaranga agumaho.”

Yongeyeho kandi ko imikoranire ya Airtel Money na MISIC izatuma Amahoro yishyurwa kuri Parikingi agera aho agomba kujya neza, kuko hazaba hakoreshejwe uburyo bw’ikoranabuhanga buyarinda.

Gaga Jean Claude uyobora Airtel Money asobanura imikoranire na MISIC

Didier Mukezangango Ushinzwe Ubucuruzi no kwamamaza muri Airtel, yabwiye inyaRwanda ko usibye izi serivisi za Airtel Money ubu bashyize hanze na ‘Pack’ nshya yitwa ‘Chrono Pack’.

Iyi ‘Pack’ ifasha abantu kugura interineti ndetse n’iminota yo guhamagara bikoreshwa mu masaha abiri kuri 290 Frw gusa, ikagufasha gukomeza kuryoherwa na serivise utasanga ahandi.

Yavuze kandi ko Airtel nk’Umuterankunga rukumbi w’irushanwa mpuzamahanga rya The Voice Africa, ubu yatangije uburyo bwo kwiyandikisha aho abanyempano bose babyifuza biyandikisha ku rubuga rwa www.thevoice.africa.

Abiyandikisha babasha kugira mahirwe yo guhatana n’abandi baturutse ku isi yose. Abageze mu kiciro cya nyuma bazahurira muri Nigeria ahazatorerwa uwahize abandi agatsindira akayabo k’ibihumbi ijana by’amadorali y’amanyamerika.

Airtel Rwanda ifite abafatabuguzi basaga Miliyoni 4 mu Ntara zose z’igihugu, aho 45% muri bo bakoresha Serivisi za Airtel Money babitsa, bohererezanya amafaranga, bishyura ibyo bagura n’ibindi.

Koperative ya MISIC (Millenium Savings and Investment Cooperative) yahawe iri zina mu mwaka wa 2018, yashinzwe mu mwaka wa 2004 yitwa KVSS, iba umwe mu miyoboro ituma abahoze mu NGABO (Inkeragutabara) bakomeza gutanga umusanzu mu kubaka igihugu kandi nabo bikabagirira inyungu bwite.

Airtel Money na MISIC batangiye gukorana nyuma yo gusinya amasezerano y’imyaka itanu biteganywa ko izongererwa, kubera imikoranire myiza izazanira inyungu ibigo byombi ndetse n’abanyarwanda muri rusange.

Rukundo Willy na Gaga Jean Claude bishimiye imikoranire ya Airtel Money na MISIC

Abanyamakuru basobanuriwe birambuye imikoranire ya Airtel Money na MISIC ije korohereza abantu kwishyura Parikingi

Abo ku mpande zombi; Airtel Rwanda na MISIC bishimiye gutangiza imikoranire ku mugaragaro

Kuri uyu wa Gatatu, Guverinoma y’u Rwanda yahembye abarimu icumi babaye indashyikirwa mu bice bibiri, icya mbere kirimo abarimu batanu bahize abandi mu kuzamura ireme ry’uburezi, icya kabiri kirimo abandi batanu bakoresheje neza inguzanyo bahawe na koperative Umwalimu Sacco, mu ku bafasha kwiteza imbere.

Ibi bihembo byatangiwe mu muhango wo kwizihiza umunsi mpuzamahanga wa mwarimu wabereye muri BK Arena, aho wari witabiriwe n’abarimu baturutse mu turere dutandukanye tw’igihugu ndetse n’abayobozi barimo Minisitiri w’Intebe Dr. Edouard Ngirente, Minisitiri w’Uburezi Dr. Uwamariya Valentine n’abandi bayobozi mu nzego zitandukanye.

Guverinoma y’u Rwanda yahembye moto nshya abarimu 10 babaye indashyikirwa 

Mu kiganiro InyaRwanda.com yagiranye na bamwe mu barimu bahawe ibihembo birimo moto nshya ndetse n’icyemezo cyerekana ko babaye indashyikirwa, bagarutse ku gushimira Leta y’u Rwanda idahwema kubazirikana.

Umwarimu mu kigo cya EAV Rushashi kiri mu Karere ka Gakenke, Habumuremyi Jean Baptiste yagize ati “Biranejeje cyane, ariko mbere na mbere ndashimira Nyakubahwa Perezida wa Repubulika washyizeho iriya koperative y’Umwalimu Sacco, ikaba iduha inguzanyo tukarushaho kwiteza imbere.” 

Nsiimenta Nafutali, umwarimu mu kigo cya Gashora Girls Academy kiri mu karere ka Bugesera nawe yagarutse ku kamaro izi moto bahawe zizabagirira. Yagize ati “N'ubundi buri gitondo mfata taxi z’abandi njya ku ishuri, ubu ngiye kuba ngenda kuri moto yanjye cyangwa se ninumva nshaka n’inyungu, nayishyira ku muhanda nkayiha umumotari akayitwara, nkunguka nayo ikungura umushahara wanjye.”

Uyu munsi mukuru witabiriwe n’abarimu ibihumbi birindwi, ndetse bagaragaza ko bishimiye iki gikorwa nk'uko twabitangarijwe n’umwarimu w’ikigo cya Le petit Prince, Mukamazera Charlotte. Uyu mwalimu yagize ati “Ibi bintu ni byiza turabyishimira mu burezi, kuko bitwongerera n’imbaraga cyane mu murimo wacu wa buri munsi”. 

Minisitiri w’Intebe yagejeje ibihembo ku barimu 10 babaye indashyikirwa 

Umunsi mpuzamahanga w’umwarimu wizihirijwe muri BK Arena

AMAFOTO: Serge Ngabo

Nk’uko bigaragazwa n’ibyavuye mu matora y’Abadepite yabaye ku wa Kabiri tariki 1 Ugushyingo 2022, n’ubwo bitaratangazwa byose, ishyaka rya Likoud rya Netanyahu (…)

Niyonizera w’imyaka 18 y’amavuko wari umaze umwaka mu bitaro bya Gatunda i Nyagatare kubera imvune y’umugongo, yitabye Imana nyuma yo kubura ubuvuzi kubera (…)