Blog

Nyuma yo gusoza amasezerano mu ikipe ya AFC Eskilstun, umunyarwanda ukinira iyi kipe ikina mu cyiciro cya kabiri muri Sweden, Rafael York ashobora kutongerera iyi kipe amasezerano kuko yananiwe kuzamuka mu cyiciro cya mbere.

Tariki ya 5 Ugushyingo ni bwo shampiyona y’icyiciro cya kabiri muri Sweden yashyizweho akadomo, AFC Eskilstuna yatsindwaga na Västerås SK 2-0. Yasoje ku mwanya wa 8 n’amanota 40 ni mu gihe Brommapojkarna ya mbere yazamutse mu cyiciro cya mbere n’amanota 62.

Muri Kamena 2022, Rafael York yari yabwiye ikinyamakuru ISIMBI ko asigaranye amasezerano y’amezi 6 muri iyi kipe ndetse ko abona igihe kigeze ngo iyi kipe bayizamure mu cyiciro cya mbere kuko ifite abakinnyi beza, aho yashimangiye ko yo nitazamuka we azazamuka bityo ko mu gihe yaguma mu cyiciro cya kabiri nta masezerano yayongerera.

Icyo gihe yagize ati 'Umwaka w’imikino nurangira ndakeka tuzazamuka nitutazamuka bizaba ari bibi kuko turi ikipe nziza buri gihe tuba turi mu makipe meza muri shampiyona, rero uyu mwaka tugomba kuzamuka kuko turi abakinnyi beza bo gukina icyiciro cya mbere.'

'Ndatekereza nsigaranye amasezerano y’amezi 6 ariko batangiye kumvigisha ngo twongere amasezerano ariko nasabye umpagarariye kuba ategereje kubera ko nizamuka 100% nzagumana na yo ariko mu gihe itazamuka na bo barabazi nzanzamuka njyenyine. Amakipe menshi yo mu cyiciro cya mbere yifuza kuba yansinyisha, umwaka ushize amakipe agera muri 5 yifuzaga kunsinyisha.'

Rafael York w’imyaka 23 yakiniye amakipe atandukanye muri Sweden aho 2014-18 yakiniraga Sandvikens IF, ubwo yari muri iyi kipe 2016 yatijwe muri Gefle IF, 2017 atizwa muri VFL Bochum. Umwaka wa 2018-19 yawukinnye muri AFK Varnamo aho yakinnye imikino 7 ihita imutiza muri Sandvikens IF. 2019 kugeza 2021 yakiniraga Kalmar FF muri 2021 ni bwo yerekeje muri AFC Eskilstuna yakiniraga kugeza uyu munsi.

Abanye-Congo baba mu Rwanda bavuga ko bashyigikiye ko habaho ibiganiro by’amahoro byarangiza intambara iri hagati y’inyeshyamba za M23 na Guverinoma ya (…)

Mu Karere ka Rubavu mu Murenge wa Nyakiriba habereye impanuka y’ikamyo, yari ipakiye amafi ivuye ku mupaka wa Cyanika mu gihugu cya Uganda, umushoferi wari (…)

Nyuma y'uko Elon Musk afashe Twitter, bamwe mu bayikoresha barimo gushaka izindi mbuga bajyaho. Rumwe mu rwabyungukiyemo ni Mastodon. Ese uru ni ubwoko ki? 

Uru rubuga ubu ruravuga ko rufite abarukoresha 655,000 — barimo abarenga 230,000 barugiyeho mu cyumweru gishize.

Kagere yongeye kubona izamu, York Rafael asoza shampiyona mu marina, ikibuga gikomeza kujya kure Djihad Bizimana

Impera z’icyumweru gishize amakipe akinamo abanyarwanda hanze yarwo yari yakomeje, Rafael York yasoje shampiyona mu marira nyuma y’uko ikipe ye ya AFC Eskilstuna itabashije kuzamuka mu cyiciro cya mbere ni mu gihe Meddie Kagere yahesheje ikipe ye intsinzi imbere ya Polisi Tanzania.

Tariki ya 5 Ugushyingo ni bwo shampiyona y’icyiciro cya kabiri muri Sweden yashyirwagaho akadomo, AFC Eskilstuna ya Rafael York ntiyabashije kuzamuka mu cyiciro cya mbere ni nyuma yo gusoza shampiyona batsindwa na Västerås SK 2-0. Yasoje ku mwanya 8 n’amanota 40 mu gihe
Brommapojkarna ya mbere yazamutse n’amanota 62.

Mu cyiciro cya gatatu kandi muri Sweden n’aho bakinaga umunsi wa nyuma, Sandvikens IF ya Yannick Mukunzi umaze umwaka adakina kubera imvune, yasoje shampiyona batsinda Forward 3-1 ku munsi w’ejo hashize ku Cyumweru tariki ya 6 Ugushyingo 2022.

Iyi kipe ikaba yarasoje ku mwanya wa kabiri n’amanota 65, igomba gukina umukino wa kamarampaka kugira ngo irebe ko yazamuka mu cyiciro cya kabiri. Gefle ni yo yatsindiye kuzamuka mu cyiciro cya kabiri kuko yasoje ku mwanya wa mbere n’amanota 70.

Muri Tanzania n’aho shampiyona yari yakomeje, Singida Big Stars ikinamo rutahizamu w’Amavubi, Meddie Kagere yari yasuye Polisi Tanzania.

Igitego kimwe rukumbi cya Meddie Kagere ku munota wa 22 ni cyo cyafashije Singida Big Stars kubona amanota 3. Meddie akaba atari aherutse kubona izamu.

Mu cyiciro cya kabiri mu Bubiligi bakinaga umunsi wa 12, KMSK Deinze ya Bizimana Djihad utarakandagira mu kibuga kuva shampiyona yatangira, ku wa Gatandatu w’icyumweru gishize yatsindaga Excelsior Virton 1-0. Ubu iri ku mwanya wa 8 n’amanota 14, SK Beveren ya mbere ifite 24.

Ntabwo icyumweru cyagenze neza kuri Sahabo Hakim ukinira Lille y’abatarengeje imyaka 19 kuko iyi kipe yanyagiwe na Montfermeil 4-0.

Ntabwo Habimana Glen yari mu bakinnyi ba FC Victoria Rosport yitabaje ku munsi w’ejo hashize bakina na Differdange 03 mu mukino w’umunsi wa 11 wa shampiyona y’icyiciro cya mbere muri Luxembourg, baje no gutakaza uyu mukino batsindwa 3-2. Iyi kipe iri ku mwanya wa nyuma n’amanota 7, Swift Hesperange ya mbere ifite 31.

Uyu munsi mu cyiciro cya 2 muri Portugal, CD Trofense ya Mutsinzi Ange Jimmy irakira Benefica B.

FAR Rabat yo muri Maroc ikinamo myugariro w’umunyarwanda Imanishimwe Emmanuel Mangwende izakina ku wa Gatatu w’iki cyumweru tariki ya 9 Ugushyingo 2022 na AC Djoliba muri CAF Confederation Cup.

Minisiteri y’Ubuzima (MINISANTE) yatangaje ko mu cyumweru cyo kuva tariki 01-06 Ugushyingo 2022 mu Rwanda habonetse abantu 27 banduye Covid-19, bakaba (…)

Mu mpera z’icyumweru gishize ni bwo Umunyamakuru ukunzwe Cyuzuzo Jeanne d’Arc yasabwe ndetse anakobwa n’umukunzi we Thierry Eric Niyigaba.

Ni umuhango wabaye ku wa Gatandatu tariki ya 5 Ugushyingo 2022 aho ababyeyi be bemeye inkwano bati “turagutanze wibanire n’uwo wakunze Thierry”.

Uyu muhango ukaba warabereye mu Magepfo y’u Rwanda mu Karere ka Huye i Butare.

Biteganyijwe ko nyuma y’umuhango wo gusaba no gukwa, ku wa Gatandatu w’iki cyumweru tariki ya 12 Ugushyingo 2022 ari bwo hazaba indi mihango y’ubukwe irimo gusezerana imbere y’Imana.

Akoze ubukwe nyuma y’uko mu mpera z’ukwezi gushize k’Ukwakira 2022, Cyuzuzo yari yakorewe ibirori byo gusezera ku bukumi bizwi nka 'Bridal Shower’.

Cyuzuzo na Thierry bakaba bamaze igihe bakundana, mu Kuboza 2021 ni bwo Thierry yari yamwambitse impeta ya fiançailles amusaba ko yazamubera umugore undi akabyemera.

Cyuzuzo yakoreye ibitangazamakuru bitandukanye birimo Isango Star, Radio 10 na Royal FM mbere y’uko yerekeza kuri KISS FM.

Kimenyi Tito amaze guhiga abandi bari bahataniye iki gihembo nyamukuru yagize ati: 'Ni ishimwe rikomeye ndishimye cyane, murakoze kubw'iki gihembo kandi byose nimwe, mudahari sinaba ngeze aho njyeze.'

Uyu musore uri mu bakoresha cyane imbuga nkoranyambaga by'umwihariko urwa TikTok yegukanye miliyoni 1Frw yagenewe na Udustar, ikompanyi ifite ibikorwa by'ikoranabuhanga yahise inamugira Brand Ambassador.

N'ubwo ari cyo gihembo nyamukuru, ariko uwa kabiri we yahawe ibihumbi 300Frw n'ikompanyi y'ubukerarugendo ya MB Simba Safaris Rwanda, igenda itembereza ba mukerarugendo yaba ab'imbere mu gihugu n'abaturutse imahanga baza kwihera ijisho ibyiza bitatse u Rwanda.

Hari kandi n'icumi bahize abandi mu matora yabaye binyuze kuri events.noneho.com hateranijwe amajwi yo mu byiciro bibiri, harimo icyabaye kuva muri Nzeri 2022 kugera mu ntangiriro z'Ukwakira 2022 cyarimo 30, n'icyabaye rwagati mu Ukwakira 2022 cyari gisigayemo 15 nabo bagenewe 20% y'amafaranga yinjiye binyuze mu majwi y'ababatoye. Ibi birori byabereye kuri Hilltop Hotel i Remera, bikaba byitabiwe n'abantu batandukanye biganjemo urubyiruko.

Byasusurukijwe n'abahanzi b'abahanga barimo abavandimwe babiri bazwi nka Fela Music bamaze kugira indirimbo zitandukanye zikunzwe, zirimo Imboni n'Icyihebe baheruka gushyira hanze.

Umuhanzi kandi na we umaze kwigarurira imitima y'abatari bacye Jowest yanyuze ababyitabiye mu ndirimbo zirimo Ndatinda, Agahapinesi na Hejuru yamufunguriye amarembo.

Ibyishimo byari igisagirane kuri Kimenyi TitoGreyson Manzi wabaye uwa kabiri na Kimenyi Tito wahize boseGreyson ashyikirizwa ibihumbi 300 na MB Simba Safaris RwandaByari ibyishimo kubitabiriye ibi biroriJowest ari mu bahanzi bataramiye abitabiriye ibi biroriUmwe mu bakobwa bakoraga protocolAfsana ni umwe mu bari bahataniye ibihembo TiktokHumble Designer bari mu  baterankunga b'igikorwa batanze CertificateUbwo abari bahatanye bari bafatanye urunana bategereje kumenya uwahize abandiNyiri Rwanda Update ari mu bitabiye ibi biroriMavado Sandra na General Benda