Blog

Uyu mukecuru usanzwe utuye mu Murenge wa Bigogwe mu Karere ka Nyabihu, yabanje gufungirwa mu kigo cy’inzererezi cya Karago akurikiranyweho gukora ibikorwa bibangamiye umudendezo w’abaturage nk’uko ubuyobozi bubitangaza.

Kuwa 18 Ugushyingo uyu mwaka, inka ze zasanzwe ziragirwa ahatemewe maze umwe mu bashinzwe gucunga ko amatungo ataragirwa ku gasozi amuca amande angana na 20.000Frw.

Ubusanzwe mu Murenge wa Bigogwe iyo inka zisanzwe ziragirwa ahatemewe ,imwe icibwa amande y”ibihumbi 25Frw.

Uwahaye amakuru UMUSEKE yavuze ko uyu mukecuru yarebye gucibwa ibihumbi 60Frw ahitamo gutanga ibihumbi 20Frw.

Uyu yavugaga ko nyuma yo guhabwa ayo mafaranga yahise abwira bagenzi be ko nabo bayaryaho, baza bakamuca andi niko guhita asaba ko nayo yatanze mbere yayasubizwa.

Uwaduhaye amakuru yavuze ko babonye batageze ku mugambi wabo, bamuhimbira ibyaha, bahamagaza polisi, imujyana kumufungira mu kigo cy’inzererezi.

Umuyobozi w’Akarere ka Nyabihu wungirije ushinzwe imibereho myiza, Pascal Simpenzwe, yabwiye UMUSEKE dukesha iyi nkuru ko yamaze gutabwa muri yombi nyuma yo gukurikiranywaho ibindi byaha.

Yagize ati 'Nyuma haje kugaragara ibindi bigaragaza ko agomba gukurikiranwa n’Urwego rw’Ubugenzacyaha,ubu ari muri RIB .'

Abajijwe ibyaha yaba akurikiranyweho yagize ati 'Inzego zibishinzwe zaje kugaragaza ko hari ibyaha agomba gukurikiranwaho. Iyo bikiri mu iperereza, inzego zibishinzwe nizo zigomba kugaragaza icyo umuturage akurikiranyweho.'

Umuvugizi w’Urwego rw’Igihugu rw’Ubugenzacyaha (RIB),Dr Murangira B Thiery,iki kinyamakuru kivuga ko cyamubajije ibyaha uyu mukecuru yaba akurikiranyweho ariko ntiyasubiza.

Gusa andi makuru avuga ko yaba akurikiranyeho kurwanya inzego z’umutekano. Andi akavuga ko baba bamwihimuyeho nyuma yo kugaragaza ikibazo mu itangazamakuru.

Mukangarambe Anonciata afungiye kuri sitasiyo ya KORA iri mu Murenge wa Bigogwe, mbere y’uko dosiye ye ishyikirizwa Ubushinjacyaha.

Kuri uyu wa Gatatu kuri stade ya Kigali, ikipe ya APR FC irakira Kiyovu Sports mu mukino w’umunsi wa cumi wa shampiyona.

Umutoza wa Sunrise FC, Seninga Innocent yavuze ko ibyo kwirukanwa muri iyi kipe atari byo ariko na none yemeza ko hari ibyamaze kwangirika.

Mbere y’uko akina umukino w’umunsi wa 10 wa shampiyona ya 2022-23 na Gasogi United ku munsi w’ejo hashize, byavugwaga ko umutoza wa Sunrise FC, Seninga Innocent naramuka atsinzwe agomba guhita yirukanwa muri iyi kipe.

Uyu mukino waje kurangira amakipe yombi anganyije igitego kimwe kuri kimwe.

Nyuma y’uyu mukino umutoza Seninga Innocent yavuze ko mu ikipe imaze iminsi irimo ibibazo ariko bicaranye n’ubuyobozi bakabiganiraho.

Yavuze ko ibyavuzwe byo kwirukanwa atari byo kuko nta manota bamutumye gusa yemeza ko hari ibyamaze kwangirika mu masezerano ye.

Ati “Ayo makuru ngira ntabwo ari yo, navuga ko atari ko bimeze, ngira ngo amasezerano yanjye hari ibyanditsemo, hari ibyo tugenda tugerageza guhuza kandi kugeza iki gihe nta manota barantuma ngo uzabone aya, gusa hari ibiri mu masezerano kandi kugeza ubu ntabwo birangirika cyane.”

Gusa bivugwa ko mu masezerano ye harimo ko naramuka atsinzwe imikino 3 yikurikiranya azahita asezererwa ku nshingano zo gutoza Sunrise FC.

Kugeza ubu Sunrise FC iri ku mwanya wa 12 n’amanota 9 aho mu mikino 10 yatsinzemo imikino 2 banganya imikino 3 batsindwa imikino 5.

Umunyarwandakazi Mukansanga Salima yaraye agaragaye ku mukino we wa mbere w’igikombe cy’Isi nk’umusifuzi wa 4 ubwo u Bufaransa bwanyagiraga Australia 4-1.

Mukansanga yabaye umusifuzi w’umugore wa mbere w’umunyafurika usifura hagati watoranyijwe gusifura igikombe cy’Isi cy’abagabo.

Umukino we wa mbere w’igikombe cy’Isi kirimo kubera muri Qatar, ni uwo u Bufaransa bwaraye butsinzemo Australia 4-1, akaba yari umusifuzi wa kane.

Umusifuzi wa mbere yari umunya-Afurika y’Epfo Victor Gomes kimwe n’umusifuzi wa mbere w’igitambaro, umusifuzi wa 2 w’igitambaro yari umunya-Lesotho, Souru Phatsone.

Mukansanga Salima Rhadia akaba ari mu gikombe cy’Isi nyuma yo kwandika amateka yo kuba umugore wa mbere wasifuye igikombe cy’Afurika cy’abagabo.

Muri iki gikombe cy’Isi kirimo abasifuzi 6 b’abagore harimo 3 bo hagati na 3 bo ku ruhande.

Abasifuzi batatu bo hagati ni; Yoshimi Yamashita ukomoka mu Buyapani na Stéohanie Frappart ukomoka mu Bufaransa. Aba batatu bazasifura hagati.

Abo ku ruhande b’abagore bagiriwe icyizere, ni Neuza wo muri Brazil, Karen Díaz wo muri Mexique na Kathryn Neabitt ukomora muri Leta Zunze Ubumwe za Amerika.

Umukobwa wa Kobe Bryant ufite imyaka 19 avuga ko afite ubwoba kuko arimo guhigwa n'umuntu ufite amateka y'ubugizi bwa nabi bwitwaje intwaro, nk'uko ikinyamakuru TMZ kibivuga.

Natalia Bryant ibi yabibwiye urukiko kuwa mbere kugira ngo rumurinde umugabo w'imyaka 32 uhora amukurikirana nk'uko abivuga.

Mu nyandiko z'urukiko, TMZ ivuga ko yabonye, Natalia avuga ko uwo mugabo yagerageje kumuvugisha mu myaka ibiri ishize, akavuga ko uwo afite ikibazo cyo kwibwira yibeshya ko bakundana.

Natalia avuga ko atarigera ahura cyangwa avugana n'uwo mugabo.

Eng Mulindahabi yarekuwe kuri uyu wa 22 Ugushyingo 2022, ari kumwe n’abandi 11 baregwaga hamwe muri dosiye y’ubujura, gukoresha inyandiko mpimbano no kunyereza umutungo wa leta.

Bari bafunganywe ari 19, aho batawe muri yombi n’Urwego rw’Igihugu rw’Ubugenzacyaha (RIB) ku wa 23 Ukwakira kugira ngo hakorwe iperereza ku byaha bakekwaho.

Eng Mulindahabi na bagenzi be baje kugezwa imbere y’urukiko mu ntangiro z’Ugushyingo, baburana ku ifungwa n’ifungurwa ry’agateganyo mbere yo gutangira kuburana mu mizi.

Umwanzuro w’Urukiko rw’Ibanze rwa Kicukiro wasomwe ku gicamunsi cyo kuri uyu wa Kabiri, aho rwategetse ko 12 barimo Eng Mulindahabi Diogène barekurwa.

Abakomeje gufungwa ni batandatu barimo uwari ushinzwe kubika ibikoresho. Ni ukuvuga ko mu gihe abandi bazaburana badafunzwe, abo bo bazaburana bafunzwe.

Mu iburanisha ku ifungwa n’ifungurwa ry’agateganyo, Ubushinjacyaha bwavuze ko ibikoresho bashinjwa kwiba bifite agaciro k’asaga miliyoni 113Frw.

Aba bakozi bashinjwa ubujura bwakozwe ku bikoresho by’ubwubatsi, ibikoreshwa n’abakora amazi, ibyuma byifashishwa mu gukora za muvero.

Eng Mulindahabi wari Umuyobozi wa IPRC Kigali, yavuzweho kunyereza umutungo ndetse ngo hari imashini ikurura amazi basanze iwe mu rugo ndetse n’indi mashini na yo ikora mu bijyanye no gutunganya amazi.

Ni ibyaha bihanwa mu buryo butandukanye, aho kunyereza umutungo itegeko riteganya igifungo kitari munsi y’imyaka irindwi ariko kitarenze imyaka 10 n’ihazabu yikubye inshuro kuva kuri eshatu kugeza kuri eshanu z’umutungo wanyerejwe.

Ni mu gihe guhimba inyandiko cyangwa gukoresha inyandiko mpimbano, iyo byakozwe n’umukozi wa Leta, igihano kiva ku myaka irindwi kikagera ku myaka 10 y’igifungo n’ihazabu iri hagati ya miliyoni 2-3 Frw cyangwa kimwe muri ibyo bihano.

Icyaha cyo kwiba cyo gihanishwa igifungo cy’umwaka umwe ariko itarenze ibiri n’ihazabu miliyoni hagati ya 1-2 Frw

Eng Mulindahabi yarekuwe kuri uyu wa 22 Ugushyingo 2022, ari kumwe n’abandi 11 baregwaga hamwe muri dosiye y’ubujura, gukoresha inyandiko mpimbano no kunyereza umutungo wa leta.

Bari bafunganywe ari 19, aho batawe muri yombi n’Urwego rw’Igihugu rw’Ubugenzacyaha (RIB) ku wa 23 Ukwakira kugira ngo hakorwe iperereza ku byaha bakekwaho.

Eng Mulindahabi na bagenzi be baje kugezwa imbere y’urukiko mu ntangiro z’Ugushyingo, baburana ku ifungwa n’ifungurwa ry’agateganyo mbere yo gutangira kuburana mu mizi.

Umwanzuro w’Urukiko rw’Ibanze rwa Kicukiro wasomwe ku gicamunsi cyo kuri uyu wa Kabiri, aho rwategetse ko 12 barimo Eng Mulindahabi Diogène barekurwa.

Abakomeje gufungwa ni batandatu barimo uwari ushinzwe kubika ibikoresho. Ni ukuvuga ko mu gihe abandi bazaburana badafunzwe, abo bo bazaburana bafunzwe.

Mu iburanisha ku ifungwa n’ifungurwa ry’agateganyo, Ubushinjacyaha bwavuze ko ibikoresho bashinjwa kwiba bifite agaciro k’asaga miliyoni 113Frw.

Aba bakozi bashinjwa ubujura bwakozwe ku bikoresho by’ubwubatsi, ibikoreshwa n’abakora amazi, ibyuma byifashishwa mu gukora za muvero.

Eng Mulindahabi wari Umuyobozi wa IPRC Kigali, yavuzweho kunyereza umutungo ndetse ngo hari imashini ikurura amazi basanze iwe mu rugo ndetse n’indi mashini na yo ikora mu bijyanye no gutunganya amazi.

Ni ibyaha bihanwa mu buryo butandukanye, aho kunyereza umutungo itegeko riteganya igifungo kitari munsi y’imyaka irindwi ariko kitarenze imyaka 10 n’ihazabu yikubye inshuro kuva kuri eshatu kugeza kuri eshanu z’umutungo wanyerejwe.

Ni mu gihe guhimba inyandiko cyangwa gukoresha inyandiko mpimbano, iyo byakozwe n’umukozi wa Leta, igihano kiva ku myaka irindwi kikagera ku myaka 10 y’igifungo n’ihazabu iri hagati ya miliyoni 2-3 Frw cyangwa kimwe muri ibyo bihano.

Icyaha cyo kwiba cyo gihanishwa igifungo cy’umwaka umwe ariko itarenze ibiri n’ihazabu miliyoni hagati ya 1-2 Frw