Webrwanda Backend

Blog

  • Rayon sports itsinze Rutsiro 2-0, ihita ifata umwanya wa mbere ku rutonde rwa shampiyona #rwanda #RwOT

    Shampiyona y'ikiciro cya mbere mu Rwanda yakomezaga hakinwa umunsi wa 21, kuri uyu wa gatandatu ikipe ya Rayon Sports itsinze Rutsiro ibitego bibiri ku busa ihita ifata umwanya wa mbere.

    Ni umukino wabereye mu karere ka Rubavu kuri Sitade Umuganda, ikipe ya Rayon Sports izwi nka Gikundiro ikaba yatsindiwe na Musa Esenu ku munota wa 41 na Joackiam Ojera ku munota wa 80.

    Gutsinda uyu mukino kwa Rayon Sports bitumye irara ku mwanya wa mbere w'agateganyo aho mu mikino 21 imaze gukina ifite amanota 42 ikaba ikurikiwe na Kiyovu SC na 41 yo yatsinze Bugesera 1-0.

    Mu yindi mikino y'umunsi wa 21 yabaye, kuwa gatanu As Kigali yanganyije na Etincelles 2-2, naho kuri uyu wa gatandatu ikipe ya Gorilla FC yatsinze Rwamagaana City 1-0.

    Kuri iki cyumweru, Police FC irakira ikipe Sunrise FC, Marines FC yakire Espoir FC, Mukura Vs izakine na Gasogi United naho Musanze FC izakine na APR FC.

    The post Rayon sports itsinze Rutsiro 2-0, ihita ifata umwanya wa mbere ku rutonde rwa shampiyona appeared first on RUSHYASHYA.

    Source : https://rushyashya.net/rayon-sports-itsinze-rutsiro-2-0-ihita-ifata-umwanya-wa-mbere-ku-rutonde-rwa-shampiyona/?utm_source=rss&utm_medium=rss&utm_campaign=rayon-sports-itsinze-rutsiro-2-0-ihita-ifata-umwanya-wa-mbere-ku-rutonde-rwa-shampiyona

  • Twereke na Prince Kid! Miss Elsa mu ikanzu y… – #rwanda #RwOT

    Miss Elsa abinyujije kuri konti ye ya Instagram yasangije abamukurikira amafoto atandukanye yafashwe mu bihe bitandukanye ariko mu masaha amwe no mu bihe bimwe yitabiriye ubukwe bw'inshuti ze.

    Ubwo yasangizaga abakunzi be aya mafoto uyu mukobwa yavuze ko ari kwishimira ubukwe bushya bwa Hirwa aho yagize ati 'Ukwishimira Mr na Mrs Hirwa.''

    Nyuma y'iyi foto abantu barenga ibihumbi 10 bayikunze kugeza ubwo mu minsi itatu gusa imaze abamaze kuyigenera ubutumwa buganisha kuri nyirabwo barenga 70 bamwifuriza ibyiza gusa ndetse banagaruka ku rukundo rwabo na Prince Kid.

    Uwitwa Kwizera Valentine wabimburiye abandi gutanga ibitekerezo yabwiye Miss Elsa ko iyi ari imipango y'Imana amubwira ko ari mwiza kandi amwigiraho byinshi.

    Hari kandi Rutayisire we wagize ati '…Umwali u Rwanda rusigaranye komerezaho lmana ikomeze ikwagure muri byose komeza ube intwari iguherekeze kugera kutsinzi.'

    Si abo gusa kuko hari nka bavugaga ko Miss Elsa ariwe u Rwanda rusigaranye. cyane cyane bashingiye ku kuntu yafashije Prince Kid ndetse akemera no gufungwa kubwe.

    Nyuma yo gufungurwa hagiye havugwa byinshi birimo no kuba agiye gushyingiranwa na Prince Kid nyuma nabwo andi makuru akavugwa ko uyu mukobwa yaba yarambitswe impeta n'ubwo bombi nta n'umwe atarabitangaza.

    Mu ijoro rya tariki 25 Gashyantare 2017, nibwo Iradukunda Elsa yatorewe kuba Nyampinga uhiga abandi mu buranga n'ubuhanga. Yahawe ibihembo bikomeye birimo imodoka nziza ya Suzuki SX4 ifite agaciro ka miliyoni 15 z'amafaranga y'u Rwanda.

    Mu gihe cy'umwaka yamaranye iri kamba yahembwaga umushahara w'amafaranga ibihumbi magana inani (800,000frw) ku kwezi bivuze ko ku mwaka yahawe miliyoni icyenda n'ibihumbi Magana atandatu (9,600,000Rwf) hakiyongeraho n'ibindi bihembo bitandukanye.

    Kimwe n’ibindi bihembo yagenewe uyu mukobwa yabaye na 'Brand Ambassador' wa 'Made in Rwanda'. Yitabiriye Miss World gusa nubwo atabashije kwegukana ikamba yitwaye neza.

    Yize amashuri abanza muri Le Petit Prince ayisumbuye ayarangiriza muri King David Academy mu ishami ry'Amateka, Ubukungu n'Ubuvanganzo.

    Miss Elsa yasabwe kwerekana na Ishimwe Dieudonne uzwi nka Prince Kid

    Miss Elsa yerekana ikanzu y’agaciro yambaye mu bukwe yari yatashye

    Yahindukiye mu mwambaro mwiza, maze abantu bawutangaho ibitekerezo

    Miss Elsa yasabwe ko ariwe wakurikiraho agakora ubukwe na Prince Kid

    Source : https://inyarwanda.com/inkuru/126443/twereke-na-prince-kid-miss-elsa-mu-ikanzu-yibirori-yaryoheje-ibiganiro-kuri-murandasi-amaf-126443.html

  • Sosiyete Sivile yagaragaje ibikwiye kuganirwaho mu nama y'Umushyikirano igiye kuba ku nshuro ya 18 #rwanda #RwOT

    Mugihe Abanyarwanda bitegura Inama y'Igihugu y'Umushyikirano, abagize sosiyete Sivile bagaragaje ko ibirarane by'imanza mu nkiko, abangavu baterwa inda, ruswa no kudahabwa ingurane ikwiye kubimurwa kubw'inyungu rusange, ari bimwe mubibazo bikwiye kuzaganirwaho bitewe n'uburyo bihangayikishije umuryango nyarwanda muri iki gihe.

    Kuva ku wa 27-28 Gashyantare 2023, mu Rwanda hazaba inama y'Igihugu y'umushyikirano izaba iba ku nshuro ya 18, nyuma y'imyaka itatu itaba kubera ingaruka z'icyorezo cya Covid-19. 

    Bamwe mu baturage bavuga ko muri iyi nama, ingingo yo kuzamura imibereho y'abakennye idakwiye kubura ku mpamvu basobanura.

    Umwe ati 'Inama y'umushyikirano ikintu mba numva kitaburamo, ni ugufasha abaturage b'ababashomeri, bakaturebera ibijyanye n'abari kurangiza kwiga uko babona imikorere.'

    Undi ati 'Numva bagabanya imisoro, abantu bagatangira kubona ibyo bahaha, kuko ibiciro biri hejuru.'

    Mugenzi we ati 'Ikintu mbona kidakwiriye kubura ni ibijyanye n'imibereho muri rubanda, hari ubukene.'

    Ku ruhande rwa Sosiyete Sivile, nabo hari abagaragaza ibibazo bibagamiye umuryango nyarwanda muri iki gihe, bidakwiye kubura mu bizaganirwa mu nama y'igihugu y'umushyikirano igiye kuba.

    Aha harimo ibirarane by'imanza mu nkiko, abangavu baterwa inda, ruswa no kudahabwa ingurane ikwiye kubimurwa ku bw'Inyungu rusange  n'ibindi.

     John Mudakikwa ayobora Umuryango Cerular, uharanira kubaka igihugu kigendera ku mategeko.

    Ati 'Ikintu mbona kidakwiriye kubura mu nama y'igihugu y'umushyikirano dukurikije ibibazo duhura nabyo, icya mbere ni ukuganira ku ngamba zatuma ubutabera bwihuta, kuko mu nkiko hari ibirarane by'imanza. Icya kabiri ni ibyerekeranye no kubona ingurane ikwiye kubimurwa ku nyungu rusange, ikindi ni ubutabera kubyerekeranye no gusambanya abana. Ikindi tubona ni ibijyanye na ruswa, urebye mu myaka itatu ishize amanota u Rwanda rubona mu byekereye kurwanya ruswa, aragenda agabanuka.'

     Ingingo y'umutekano w'Igihugu nayo ishobora kutabura mu ngingo zizagarukwaho mu nama y'igihugu y'umushyikirano igiye kuba, cyane ko isanze u Rwanda rutabanye neza n'umuturanyi warwo wa Repubulika ya Demokarasi ya Congo, ndetse mu bihe bitandukanye Congo kinshassa yagiye ikora ibikorwa by'ubushotoranyi k'u Rwanda.

     Ibya vuba aha ni aho ingabo za leta ya Congo, FARDC, zahagaze mu mupaka w'Ibihugu byombi ,zikarasa ku biro bishinzwe Abinjira n'Abasohoka(Border Post) by'u Rwanda mu Karere ka Rusizi nk'uko  Ubuyobozi bw'Ingabo z'u Rwanda (RDF) bwabitangaje.

     Mu nama y'igihugu y'umushyikirano iheruka, Perezida Paul Kagame, yagaragaje ko uwashaka guhungabanya umutekano w'u Rwanda atazihanganirwa.

    Ati ' Hari abagerageza guhungabanya umutekano wacu, ngira ngo ibyo murabizi tubimazemo nk'imyaka ibiri ishize byongeye kugenda bigaragara, ariko nabyo navuga ko tubigerereye. Kandi ni uko ngira ngo wenda abantu bafite amatwi barabwirwa ntibumve, bafite amaso barerekwa ntibabone, ngira ngo ibyo byari bikwiye ko byumvwa na buri wese. Byari bikwiye kuba bibonwa na buri wese ko twagiye tubabwira ko ari uko bizagenda.'

    Umushyikirano ni urubuga ruhuza buri mwaka abayobozi n'abaturage, bakaganira ku iterambere ry'igihugu.

    By'umwihariko Abanyarwanda b'ingeri zose, bahabwa amahirwe yo kugeza ibibazo byabo ku bayobozi.

    Daniel Hakizimana

    The post <strong>Sosiyete Sivile yagaragaje ibikwiye kuganirwaho mu nama y'Umushyikirano igiye kuba ku nshuro ya 18</strong> appeared first on FLASH RADIO&TV.

    Source : https://flash.rw/2023/02/25/sosiyete-sivile-yagaragaje-ibikwiye-kuganirwaho-mu-nama-yumushyikirano-igiye-kuba-ku-nshuro-ya-18/?utm_source=rss&utm_medium=rss&utm_campaign=sosiyete-sivile-yagaragaje-ibikwiye-kuganirwaho-mu-nama-yumushyikirano-igiye-kuba-ku-nshuro-ya-18

  • Umutaliyani yegukanye agace ka karindwi ka Tour du Rwanda 2023 #rwanda #RwOT

    Umutaliyani Manuele Tarozzi niwe wegukanye agace ka karindwi ka Tour du Rwanda katangiriye i Nyamata mu Karere ka Bugesera, gasorezwa mu Mujyi wa Kigali.

    Iyi Etape ya Nyamata-Mont Kigali, ibanziriza iya nyuma, yareshyaga n'ibilometero 115,8.

    Umutaliyani Manuele Tarozzi ukinira ikipe ya Green Project-Bardianic yatsinze nyuma yo kuzamuka kwa Mutwe ari uwa mbere.

    Abanyarwanda babiri Hakizamana (May Stars) na Nsengimana (Team Rwanda) bayoboye isiganwa ry' uyu munsi igihe kirekire ariko ntibabasha kuzamuka Mont Kigali ari aba mbere .

    Umunya-Eritrea Henok Mulueberhane ni we wongeye kwambara umwambaro w'umuhondo, arusha Umunyarwanda Muhoza Eric amasegonda umunani gusa.

    Tarozzi wasize abandi ubwo bamanukaga berekeza kuri Ruliba, yatsinze nyuma yo gukoresha amasaha abiri, iminota 58 n'amasegonda 53, arusha amasegonda 32 Mark Stewart wa Bolton Equities ndetse na Unai Iribar wa Euskaltel Euskadi.

    Nsengimana Jean Bosco wari mu bayoboye isiganwa igihe kirekire ndetse akaba yageze kuri Mont Kigali ari imbere ubwo bahacaga mbere yo gusoza, yabaye uwa 12 arushwa umunota n'amasegonda 12.

    Hakizimana Félicien wa May Stars, bari kumwe icyo gihe, we yasoreje ku mwanya wa 19 yasizwe iminota ibiri n'amasegonda abiri, mu gihe Muhoza Eric wa Bike Aid yabaye uwa 21 asizwe iminota ibiri n'amasegonda ane.

    Umunya-Eritrea Henok Mulueberhane wa Green Project Bardiani, wabaye uwa 17 asizwe umunota n'amasegonda 54, ni we wahise yambara umwenda w'umuhondo aho amaze gukoresha amasaha 26, iminota 53 n'amasegonda icyenda, ibihe anganya na Walter Calzoni wa Q36.5 Pro Cycling Team.

    Kuba abakinnyi ba mbere banganya ibihe, byatumye hitabazwa itegeko ry'Impuzamashyirahamwe y'Umukino w'Amagare ku Isi (UCI) rivuga ko hateranywa imyanya bagize mu duce bakinnye kuva isiganwa ritangiye.

    Lecerf William Junior wari wambaye umwenda w'umuhondo, ni uwa gatatu ku rutonde rusange arushwa amasegonda ane mu gihe Victor de la Parte (TotalEnergies) na Anatolii Budiak (Terengganu Polygon) barushwa amasegonda ane.

    Umunyarwanda uza hafi ku rutonde rusange ni Muhoza Eric wa gatandatu aho arushwa amasegonda umunani gusa, bimuha amahirwe yo guhatanira gutwara Tour du Rwanda izasozwa ku Cyumweru, tariki ya 26 Gashyantare 2023, hakinwa Agace ka Munani kazabera i Kigali ku ntera y'ibilometero 75,3.

    Source : https://umuryango.rw/imyidagaduro/imikino/article/umutaliyani-yegukanye-agace-ka-karindwi-ka-tour-du-rwanda-2023

  • Umukinnyi wa Man United yiyemeje kwica ariko igatwara igikombe cya Carabao Cup #rwanda #RwOT

    Myugariro ukomeye wa Manchester United ukomoka muri Argentina,Lisandro Martinez yiyemeje kwica abakinnyi ba Newcastle baraba bahanganye kuri iki cyumweru,kugira ngo aheshe ikipe ye igikombe cya mbere kuva muri 2017.

    Lisandro Martinez ukunzwe cyane n'abafana kubera ubushake agira mu kibuga ndetse no kubagaragariza urukundo,yagaragaje icyo uyu mukino wa nyuma wa Carabao Cup uvuze kuri we.

    Uyu munya Argentine babatije umubazi 'The Butcher',yemeje ko rimwe na rimwe bimugora kwitwararika.

    Martinez w'imyaka 25,ati: 'Nibyo biragoye,rimwe na rimwe mba nshaka kwica ariko ubu ugomba kwitwararika.”

    Uyu mukinnyi uheruka gufasha Argentina gutwara igikombe cy'isi yarigaragaje cyane mu mukino wo kuwa Kane batsinze ibitego 2-1 FCBarcelona bayisezerera muri Europa League.

    Uyu ngo arashaka kongera gukoresha uyu mwuka w'abanya Argentina wo guhatana bakegukana igikombe.

    Ati “Abakinnyi bo muri Argentina niko duhora,duhorana ishyaka.Kuri twe umupira ni buri kimwe niyo mpamvu buri gihe dutanga ibyo dufite byose.”

    Nkiri umwana,ndibuka ku myaka ine cyangwa 5 natangiraga kurwana, nkarira igihe ntsinzwe,ni ibintu tuba dufite mu maraso no ku mutima.Niwo muco wacu.

    Nubwo yahawe ikarita itukura rimwe ari muri Argentina nyuma yo guhabwa amakarita abiri y'umuhondo,Martinez ntabwo ari umukinnyi ugira imyitwarire mibi nubwo ahatana cyane.

    Uyu musore yageze muri Man United mu mpeshyi ishize aguzwe asaga miliyoni 57 z'amapawundi.

    Source : https://umuryango.rw/imyidagaduro/imikino/article/umukinnyi-wa-man-united-yiyemeje-kwica-ariko-igatwara-igikombe-cya-carabao-cup

  • #TduRda: Umutaliyani Tarozzi yegukanye agace ka 7, Henok yisubiza umwambaro w’umuhondo (AMAFOTO) #rwanda #RwOT

    Umutalitani Manuela Tarozzi ni we wegukanye agace ka 7 ka Tour du Rwanda 2023, Lecerf William Junior yamburwa umwenda w’umuhondo ufatwa n’umuya-Eritrea, Henok Mulueberhan.

    Uyu munsi nibwo hakinwaga agace ka 7 ka Tour du Rwanda 2023 ku ntera y’ibilometero 115,8, abasiganwa hari hasigayemo 65, ni agace kabanziriza aka nyuma kazakinwa ejo.

    Nyamata-Karumuna-Gahanga-Nyanza-Kicukiro Centre – Sonatubes – GoodYear – Alpha Palace – Kabeza – Rubirizi – Busanza – Airforce – Kanombe Hospital – Nyarugunga – Murindi – 15 – Economic Zone – Zindiro – Kimironko – Kibabaga – Mu Kabuga – Utexrwa – Kinamba – Urwibutso rwa Jenoside – ULK – Beretwari – Kagugu – Batsinda – Gasanze – Nyacyonga – Gatsata – Nyabugogo- Poids Lourds – Kanogo – Rugunga – Rwampara – Kuri 40 – Tapis Rouge – Ku rya nyuma – Mont Kigali – Norvege Karama – Ruriba – Nyabugogo- Kimisagara- Kwa Mutwe – Kuri 40 – Tapis Rouge – Mont Kigali

    Amanota yo kuzamuka yatanzwe inshuro eshanu: Mu Busanza yegukanywe na Arefayne, Special Economic Zone yegukanwa na Pritzen, Musezero na yo Pritzen, Mont Kigali (ku nshuro ya mbere) na Mont Kigali (ku nshuro ya kabiri) basoza.

    Nyuma y’ibilometero 17 ni bwo hatanzwe amanota ya ‘sprint’ ya mbere ku muhanda ujya ku Rwibutso rwa Nyanza yegukanywe na Arefayne mu gihe andi yatangiwe i Kigali (Nyabugogo) ku kilometero cya 84 na yo yayegukanye.

    Ku kilometero cya 25, abakinnyi 12 bari bayoboye isiganwa bari basize igikundi 1’05”. Abo bakinnyi ni: Meijers (Soudal-QuickStep), Weinberg (Israël-Premier Tech), Iribar, Etxeberria na Berasategi (Euskaltel), Brough (GBR), Mattheis (Bike Aid), Tarozzi, Fiorelli na Gaburro (Green Project), Crause (Afrique du Sud), Fjellheim (EF Education), Hakizamana (May Stars), Stewart na Oram (Bolton), Mohd Zariff (Terengganu), Arefayne na Teklehaimanot (Erythrée), Nsengimana (Rwanda), Pritzen (EF Education).

    Ubwo bari bageze ku Rwibutso rwa Gisozi, Nsengimana Jean Bosco yafashwe n’igikundi. Ku kilometero cya 70 igikundi cyari cyasizweho iminota 3 n’amasegonda 10.

    Abasiganwa bari imbere bageze ku kilometero cya 87 bari bamaze gusiga igikundi ho 2’45”.

    Mu bilometero 10 bya nyuma, Abakinnyi 3 Teklehaimanot, Nsengimana na Nsengiyumva ni bo bari bayoboye isiganwa.

    Hafi yo kugera Nyabugogo, Tarozzi ni we uyoboye isiganwa wenyine yashyizemo iminota 2 n’amasegonda 10. Uyu mutaliyani no mu bilometero 4 bya nyuma ni we wari ukiyoboye isiganwa.

    Manuela Tarozzi ni we waje kwegukana aka gace aho yakoresheje amasaha 2 n’iminota 58 n’amasegonda 53 yarushije umunyarwanda waje hafi umunota n’amasegonda 20, Nsengimana Jean Bosco yabaye uwa 12.

    Umwambaro w’umuhondo wahise ufatwa n’umunya-Eritrea Henok Mulueberhan amaze gukoresha amasaha 26, iminota 53 n’amasegonda 3, anganya ibihe na Calzoni Walter, arusha amasegonda 2 Lecerf William Junior akarusha amasegond 4 De La Parte na Budiak Anatolii akarusha Muhoza Eric amasegonda 8.

    Manuela Tarozzi yegukanye agace ka 7

    Source : http://isimbi.rw/siporo/article/tdurda-umutaliyani-tarozzi-yegukanye-agace-ka-7-henok-yisubiza-umwambaro-w-umuhondo-amafoto

  • Kidum yahawe ibendera, asendereza ibyishimo n… – #rwanda #RwOT

    Ni umuhanzi w'inararibonye umaze imyaka irenga 25 ari mu muziki. Ariko, avuga ko atibuka neza imyaka amaze mu muziki kuko yaririmbye ubuzima bwe bwose.

    Ajya anatera urwenya akavuga ko nta muntu ukwiye kumugereranya n'abandi bahanzi kuko 'Ndi umupfubuzi w'umuziki'-Yabitangaje ku wa Gatatu.

    Inganzo ye yaragutse cyane, indirimbo ze ziracengera ku buryo abo mu Karere k'Afurika y'Iburasirazuba, bazimize- Iyo aziririmba bafatanya nawe.

    Imyaka ine yari ishize adataramira Abanyarwanda, kubera impamvu zitandukanye zirangajwe imbere na Politiki.

    Yakomeje gukora umuziki nk'ibisanzwe, ashyira hanze ibihangano, ariko Abanyarwanda bagakomeza kumugaragariza ko bamukumbuye cyane!

    Mu 2022, yaje mu Rwanda mu rugendo rwaharuye inzira y'umuziki w'u Rwanda mu Burundi, n'umuziki w'u Burundi mu Rwanda.

    Icyo gihe yaganiriye na Ambasaderi w'u Burundi, nyuma asubira muri gahunda ze yirinda gutangaza ibyo baganiriye.

    Ijoro rya tariki 24 Gashyantare 2023 ryasize amateka avuguruye mu muziki no mu mibanire y'ibihugu.

    Kidum yongeye gukandagira ku rubyiniro ataramira Abanyarwanda, Abarundi n’abandi mu gitaramo cyabereye muri Kigali Conference and Exhibition Village ahazwi nka Camp Kigali, mu gitaramo yahuriyemo na B2C bo muri Uganda na Confy wo mu Rwanda.

    Uyu muririmbyi ageze ku rubyiniro, yavuze ko yagarutse mu Rwanda kubera ko yaganirijwe, kandi nawe akumva neza icyo yabwiye.

    Ati 'Ndanezerewe kubabona. Njye naravugishijwe (kuganirizwa) ubu nagarutse mu Rwanda. Na Pasiporo ndayifata (Avuga mu ndimi z’abarokore) arenzaho ati ‘Allelluah.'

    Ku rubyiniro, Kidum yaranzwe no kuririmba yizihiwe, yari yambaye ikositimu, yitwaje ababyinnyi, abaririmbyi n'abacuranzi, kandi yanyuzagamo akaganiriza abafana be n'abakunzi b'umuziki.

    Buri ndirimbo yose yateye yikirijwe, kugeza n'aho bamwe muri bo bafatwaga n'amarangamutima bakamusanga ku rubyiniro bakaramukanya. Cyangwa se bakamukora ku birenge, akabasuhuza.

    Ni we muhanzi wagombaga gusoza iki gitaramo, ahagana saa sita z'ijoro, ariko yongewe indi minota irenga 16'. Yasabaga abantu gufatanya nawe kuririmba, no kubyina kugira ngo igitaramo batagifunga.

    Amarangamutima mu Banyarwanda no mu Barundi:

    Iki gitaramo cyabaye indorerwamu ishimangira imibanire myiza hagati y'ibihugu byombi. Umubare munini w'abitabiriye iki gitaramo ni Abarundi.

    Bamwe bari bitwaje imyenda iriho amabara y'idarapo ry'u Burundi, abandi bari bitwaje ibendera ry’u Rwanda.

    Kidum ni we muhanzi waririmbye abantu bahagaze bafatanya nawe kugeza asoje. Bamwe bagiye bakora amatsinda bakabyinira aho bari bari, abandi bakegera urubyiniro kugira ngo bafatanye na Kidum kubyina.

    Ibi byose byabaga ari nako bamwe bafata amashusho n'amafoto nk'urwibutso rw'uko bitabiriye iki gitaramo.

    Abasore babiri basanze Kidum ku rubyiniro baramushimira, bigaragaza uburyo banyuzwe no kongera kubona uyu munyamuziki.

    Kidum yahawe ibendera ry'u Rwanda, araryifubika:

    Mu gice cya nyuma cy'indirimbo ari kugana ku musozo, Kidum yaririmbye indirimbo ze z'urukundo zakunzwe mu buryo bukomeye.

    Mbere y'uko aziririmba, umwe mu bafana yamusanze ku rubyiniro, maze amuha ibendera ry'u Rwanda, aririmba aryifubitse (Niba ariko navuga).

    Yakoresheje imbaraga nyinshi, ndetse ahagaragara ahantu heza ku rubyiniro ku buryo buri wese amwitegereza neza.

    Bigeze hagati yafashe akanya abaza abitabiriye iki gitaramo ati “Ni bangahe babonye Perezida w’u Rwanda aza mu Burundi'- bose bamanika amaboko’.

    Yavuze ibi, kubera ku wa 4 Gashyantare 2023, Perezida Kagame yagiriye uruzinduko rw'amateka mu gihugu cy'u Burundi nyuma y'imyaka 10 atahagera.

    Ibi byose byaturukaga ku mubano w'ibihugu byombi utari wifashe neza. Perezida Kagame, kuri iriya tariki yari mu Burundi yitabiriye Inama y'Abakuru b'Ibihugu bya EAC yatumijwe na mugenzi we w'u Burundi, Evariste Ndayishimiye.

    Mu minsi ishize, ifoto ya Perezida Kagame na Ndayishimiye yashyizwe kuri imwe mu modoka zo mu Mujyi wa Bujumbura mu Burundi.

    Muri iki gitaramo, Kidum yaririmbye indirimbo nka ‘Intimba y’urukundo’, ‘Pokea Sifa’, ‘Amosozi y’urukundo’, ‘Mbwira’ yakoranye Marina, ‘Haturudi Nyuma’, ‘Tucheze Rhumba’ n’izindi.

    Uyu mugabo wibera mu gihugu cya Kenya, afite album zirimo nka Yaramenje (2001), Shamba (2003), Ishano (2006), Haturudi Nyuma (2010), Hali Na Mali (2012) n'izindi.

    Mu kabati ke abitsemo ibikombe birimo nka: Pearl of Africa Music Awards (2011), Kora Award. Best Male Artist of East Africa (2012), ISC'S WORLD MUSIC AWARD (2015), Buja Music Awards (2017) n'ibindi.

    Confy yazanye umubyeyi we mu gitaramo, B2C ishimangira imyaka umunani ishize bari mu muziki:

    Yari amahirwe adasanzwe kuri Confy kuririmba muri iki gitaramo, bikaba urugendo rwo gushimangira kuri B2C bamaze imyaka umunani mu muziki.

    Ni ubwa mbere Confy yari aririmbye mu gitaramo cya Kigali Jazz Junction. Ni ubwa mbere B2C bakoreye igitaramo mu Rwanda.

    Ubwo bageraga ku kibuga cy'indege Mpuzamahanga cya Kigali, ku wa Gatatu, B2C bavuze ko 'twishimiye gutaramira i Kigali ku nshuro yacu ya mbere'.

    Confy ni we wafunguye iki gitaramo, ariko yabanjirijwe n'itsinda rya Shauku Band ryafashije abaririmbye muri iki gitaramo.

    Iri tsinda ryabanje kwinjiza abantu muri iki gitaramo binyuze mu ndirimbo nka 'Umurashi', 'Sebasare' bakoranye na Riderman izasohoka kuri album yabo n'izindi.

    Nyuma, Confy yabasanze ku rubyiniro baranzika mu ndirimbo nka 'Pole Pole', 'Kloza', Jowana', 'Panga', 'Mali' ndetse na 'Igikwe' yamuhaye ijambo mu muziki.

    Muri iki gitaramo, Confy yavuze ko ari kumwe n'umubyeyi aramushimira cyane ku bwo kumushyigikira. 

    Si ubwa mbere, uyu musore agaragaje umubyeyi we, kuko ubwo yakiraga igihembo cy'umuhanzi mushya mu bihembo bya Kiss Summer Awards mu 2021, nabwo yashimiye umubyeyi we ku bwo kumushyigikira.

    Uyu musore yagaragaje ko kuririmba mu buryo bwa 'Live' ari ibintu yashyizemo imbaraga, ariko kandi ntiyibagiwe no kubyina.

    B2C baserutse mu myambaro ihuje ibara ry'umukara! Bahamagawe ku rubyiniro n'umunyarwenya Michael Sengazi wari umushyushyarugamba muri iki gitaramo, binjirana imbaraga bagaragaza urukumbuzi bari bafitiye gutaramira Abanyarwanda.

    Aba basore bakoze uko bashoboye, baganiriza abafana, baririmba indirimbo zizwi, ubundi bashimangira ibigwi by'imyaka umunani ishize.

    Ku rutonde bari bateguye, baririmbye indirimbo nka 'No you no Life' bakoranye na Mugisha Benjamin [The Ben], 'Gutamiza' bakoranye na Radio na Weasel, 'Obulungi bunuma', 'Curvy Neighbour' bakoranye na Bruce Melodie, 'Kiss you', 'Gutujja' bakoranye na Rema, basoreza kuri 'Munda Awo'.

    Itsinda rya B2C [Born to Concur] rigizwe n'abasore batatu b'abanyamuziki, Bobby Lash, Delivad Julio ndetse na Mr Lee.

    Ni abasore b'abahanga bamaze imyaka irindwi batanga ibyishimo ku mubare munini. Iri tsinda rifite intego yo kumenyekanisha umuziki wa Uganda ku rwego mpuzamahanga no gufasha abiyumvamo impano y'umuziki kuba ibihangange.

    Ryashinzwe mu 2016 bigizwemo uruhare na Andy Events, inzu ifasha abahanzi mu bya muzika inategura ibitaramo. 




    Imyaka ine yari ishize Kidum adataramira mu Rwanda- Yavuze ko umutima we wishimye




    Abanyarwanda banyuzwe n’inganzo ya Kidum, ku buryo buri ndirimbo yose yahimbye kuva mu myaka 10 ishize yacengeye muri bo





    Kidum yahawe ibendera ry’u Rwanda nyuma y’uko atanze ibyishimo mu bantu basatira ibihumbi 3000 bitabiriye igitaramo cye





    Uyu muririmbyi yitwaje abaririmbyi n’abacuranzi be basanzwe bazi uburyo yitwa ku rubyiniro








    Kidum yatangaje ko yagiranye ibiganiro na Ambasaderi w’u Burundi mu Rwanda byaganishije ku gutaramira i Kigali




    Abaririmbyi n’abacuranzi b’abahanga Kidum yazanye i Kigali mu gitaramo cy’amateka yahakoreye


    Kidum yabajije abitabiriye iki gitaramo niba baramenye ko Perezida Paul Kagame yagiye mu Burundi

    Confy ari kumwe n’umubyeyi we umushyigikira mu buryo bukomeye-Yamushimye

    Umunyarwenya ubimazemo igihe kinini, Michael Sengazi wari umushyushyarugamba muri iki gitaramo

    Rukabuza Rickie wiyise Dj Pius yari kumwe na B2C mbere na nyuma yo kuva ku rubyiniro


    Umuhanzi akaba n’umunyamakuru Luwano Tosh [Uncle Austin] ndetse na Victor Rukotana ntibacitswe n’iki gitaramo


    Umunyarwenya Nkusi Arthur yari kumwe n’umugore we Fiona muri iki gitaramo cya Kigali Jazz Junction

    Mu gitaramo nk’iki, ukora uko ushoboye ugatahana amafoto n’amashusho by’urwibutso


    Confy yaririmbye indirimbo ze zirimo ‘Mali’, ‘Jowana’ n’izindi zitandukanye zakunzwe

    Itsinda ry’abaririmbyi n’abacuranzi rya Shauku Band ribarizwamo abarimo Neema ryafashishije benshi gususuruka

    Confy yaririmbye ‘bwa mbere’ mu bitaramo bya Kigali Jazz Junction

    Inkumi yasanganiye Kidum baganira umwanya muto, ubundi uyu muhanzi aranzika mu muziki

    Abaririmbyi bagize B2C batangaje ko bishimiye gutaramira ku nshuro yabo ya mbere mu Rwanda

    B2C yaririmbye indirimbo zirimo iyo bakoranye na The Ben, Radio&Weasel, Rema n’abandi

    B2C bamaze imyaka umunani bari mu muziki- Kuva mu myaka itatu ishize bahisemo no kwitwa ‘Kampala Boys’

    Kanda hano urebe amafoto menshi yaranze iki gitaramo ‘Lovers Edition’ cya Kigali Jazz Junction

    AMAFOTO: Nathanael Ndayishimiye &Jean Nshimiyimana-INYARWANDA.COM

    Source : https://inyarwanda.com/inkuru/126437/kidum-yahawe-ibendera-asendereza-ibyishimo-nurukumbuzi-mu-gitaramo-yahuriyemo-na-b2c-na-co-126437.html

  • Daddy Andre yatumiwe mu gitaramo cya Kigali J… – #rwanda #RwOT

    Byatangajwe mu ijoro ryo kuri uyu wa Gatanu tariki 24 Gashyantare 2023 nyuma y'igitaramo gikomeye cyiswe 'Lovers Edition' cya Kigali Jazz Junction cyahuje Kidum wo mu Burundi, B2C bo muri Uganda ndetse na Confy wo mu Rwanda.

    Hagaragajwe integuza y'iki gitaramo 'Affiche' igaragaza Daddy Andre ndetse na Alyn Sano, barenzaho ko amakuru arambuye arimo nk'aho kizabera, ibiciro byo kwinjira n'ibindi bizatangazwa mu gihe kiri imbere. Abakunzi be barahishiwe!

    Inyandiko zitandukanye zihuriza ku kuvuga ko uyu mugabo yavutse ku wa 8 Ukuboza 1980, ku babyeyi Marget Nekesa ndetse na Jackson Ojambo.

    Yavutse yitwa Andrew Ojambo ahitamo kwitwa Daddy Andre nk'izina ry'ubuhanzi. Yakuriye cyane mu gace ka Nsambya mu Mujyi wa Kampala.

    Ubwo yari afite imyaka itandatu nibwo Nyina, Nekesa yitabye Imana. Nyuma, ubwo yari agejeje imyaka 13 y'amavuko, Se Jackson yitaba Imana.

    Uyu muririmbyi uzwi cyane mu ndirimbo zirimo nka 'Sikikukweeka', 'Tugende Mu Church' n'izindi, yigeze kuvuga ko nyuma y'uko ababyeyi be bitabye Imana, yanyuze mu bihe bigoye n'abavandimwe be batanu kuko babayeho ubuzima bw'impfubyi, bimenyera buri kimwe- imyaka irahita.

    Daddy Andre yize amashuri abanza ahitwa Modern, akomereza ayisumbuye kuri Old Kampala. Yigeze kubwira bimwe mu binyamakuru ko atakomeje kwiga Kaminuza, kubera ko 'ahanini bitari mu byo nifuza cyane mu buzima'.

    Imyaka icyenda ya mbere y'urugendo rwe rw'umuziki, yashyize imbaraga cyane mu gutunganya indirimbo (Production), kwandika indirimbo ndetse no kumenya kuririmba neza.

    Kuva ku myaka 13, imbaraga nyinshi yazishyize mu kwiga cyane uburyo injyana zitandukanye bazikora kandi bazaririmba. Yagerageje kandi kwiga no gukora neza injyana nka Dancehall, RnB, Hi Hop, Afrobeat n'izindi zamwaguye mu rugendo rwe rw'umuziki.

    Bimwe mu binyamakuru byo muri Uganda, mu 2022 byatangaje ko indirimbo 'Tugende Mu Church' y'uyu muhanzi yatumye izina rye ryigwizaho igikundiro.

    Uyu mugabo yamaze imyaka 10 akorera indirimbo abahanzi banyuranye. Yarambitse ikiganza ku ndirimbo 'Sweet Love' ya John Blaq, 'Weekend' ya Sheebah na Runtwon bakoreye mu Rwanda, 'Easy' ya Bebe Cool n'izindi.

    Ijwi rye kandi ryumvikana mu ndirimbo nka 'Don't Stop' yakoranye na John Blaq, 'Now' na Spice Diana, 'You and Me' yakoranye na Lydia Jazmine n'izindi.

    Daddy yavuzwe mu nkuru z'urukundo n'abakobwa banyuranye barimo nka Kankunda Nina [Nina Roz] afasha mu muziki binyuze mu inzu ifasha abahanzi ya Black Market Records, Angella Katatumba batandukanye bivugwa ko bafitanye abana n'abandi.

    Alyn Sano bagiye guhurira ku rubyiniro, yihagazeho muri iki gihe. Uyu mukobwa mu 2022 yegukanye igikombe cy'umuhanzikazi w'umwaka (Best Female Artist) mu bihembo bya Kiss Summer Awards bitangwa na Radio Kiss Fm ivugira kuri 102.3 Fm.

    Mu mezi abiri ishize yasohoye amashusho y'indirimbo yise 'Say Less' yakoranye na Fik Fameica wo muri Uganda ndetse na Sat B wo mu Burundi.

    Ku wa 1 Ukuboza 2022, ashyira hanze iyi ndirimbo, yabwiye InyaRwanda ko yatangiye gukora ku mushinga w'iyi ndirimbo mbere y'umwaduko wa Covid-19.

         

    Daddy Andre agiye gutaramira i Kigali ku nshuro ye ya mbere mu Rwanda binyuze muri Kigali Jazz Junction 

    Daddy yafashe igihe kinini cyo kwiga gutunganya indirimbo, kuririmba, gukorana n'abandi bikomeza urugendo rwe rw'umuziki 

    Imyaka icyenda ya mbere y'urugendo rwe rw'umuziki, yashyize imbaraga cyane mu gutunganya indirimbo (Production) 

    Uyu mugabo yamaze imyaka 10 akorera indirimbo abahanzi banyuranye 

    Alyn Sano uherutse gushyira hanze indirimbo yise 'Boo and Bae' ategerejwe mu gitaramo cya Kigali Jazz Junction kizaba ku wa 31 Werurwe 2023


    Alyn Sano uherutse gushyira hanze amashusho y’indirimbo ‘Boo and Bae’ agiye gutaramira abakunzi be nyuma y’amezi macye abataramiye muri East African Party

    KANDA HANO UREBE AMASHUSHO Y'INDIRIMBO 'SIKIKUKWEEKA' YA DADDY ANDRE

    “>

    KANDA HANO UREBE AMASHUSHO Y'INDIRIMBO 'FOLO FOLO’

    “>

    KANDA HANO UREBE AMASHUSHO Y'INDIRIMBO 'SAY LESS' YA ALY SANO, FIK FAMEICA NA SAT-B

    “>

    KANDA HANO UREBE AMASHUSHO Y'INDIRIMBO 'TUGENDE MU CHURCH' YA DADDY ANDRE

    Source : https://inyarwanda.com/inkuru/126435/daddy-andre-yatumiwe-mu-gitaramo-cya-kigali-jazz-junction-azahuriramo-na-alyn-sano-126435.html

  • APR BBC yacishije bugufi RP-IPRC Kigali, Ian… – #rwanda #RwOT

    Ku mugoroba wo kuri uyu wa Gatanu tariki 24 Gashyantare 2023, byari bishyushye mu nzu y’imikino ya Lyceé de Kigali, ahakomereje imikino ya Shampiyona ya Basketball mu cyiciro cya mbere.

    APR BBC yabanje gukina na RP-IPRC Kigali, mu mukino wasize ikipe y’ingabo yongeye gutanga ubutumwa bukomeye ko yagarutse ku ruhando rw’amakipe ahataniye ibikombe ndetse no guhagararira u Rwanda mu mikino Nyafurika.

    Kuva umukino utangiye kugeza urangiye, APR BBC yagiye imbere mu manota, isoza itsinze amanota 106 kuri 59 ya RP-IPRC Kigali yo itagikanganye. Abafana ba APR BBC bari hafi kuzura Gymnase ya LDK batashye banezerewe.

    Jean Jacques Wilson Nsobozwa uherutse kuva muri REG BBC ni umwe mu bari gufasha APR BBC kwitwara neza

    Muri uyu mukino, Ian Kagame, umuhungu wa Perezida Kagame wari ufite abafana benshi, yakinnye iminota 15, atsinda amanota 3 icyarimwe ndetse atanga imipira 5 yavuyemo amanota (Assists) byiyongeraho rebounds 4.

    Mu wundi mukino ukomeye, REG BBC yatsinze Patriots BBC amanota 83 kuri 69, mu mukino wahiriye Umunyamerica, Cleverand Thomas watsinzemo amanota 26 yose.

    Ian Kagame agerageza gutambutsa umupira

    Abafana bo bari benshi




    Kanda hano urebe amafoto menshi

    AMAFOTO: NGABO Serge-INYARWANDA.COM

    Source : https://inyarwanda.com/inkuru/126434/apr-bbc-yacishije-bugufi-rp-iprc-kigali-ian-kagame-arigaragaza-amafoto-126434.html

  • Perezida Zelensky yahaye izina rikomeye umwaka amaze ahangana n'Uburusiya #rwanda #RwOT

    Perezida wa Ukraine, Volodymyr Zelensky, yavuze ko igihugu cye kitigeze gitsindwa n'Uburusiya kandi ko cyiteguye guhangana kugeza ku ntsinzi.

    Uyu mukuru w'igihugu yise umwaka ushize amaze ahangana n'Uburusiya ko ari umwaka wo kudatsinda.

    Ati 'Umwaka urangiye tudatsinzwe, kandi tuzakora ibishoboka byose ngo dutsinde muri uyu mwaka. Ukraine yubahwe.'

    Yakomeje agira ati 'Tuzatsinda ibitubangamiye byose; amasasu, bombe, misile, ibitero bya drone, umwijima n'ubukonje.Turakomeye kurenza ibyo byose.'

    Umuryango w'Abibumbye watoye umwanzuro wo gusaba u Burusiya gusubiza inyuma ingabo zabwo ndetse abakuru b'ibihugu birindwi bikize byibumbiye muri G7 biyemeje gukomeza gufasha Ukraine.

    Abategetsi b'Umuryango OTAN [ugamije kurwanyiriza umwanzi hamwe] na G7 bongeye kwibutsa ko bashyigikiye Ukraine,atari gusa mu magambo, ahubwo no mu gutanga indi mfashanyo no gufatira ibindi bihano Uburusiya

    Pologne yamenyesheje ko yamaze guha Ukraine ibifaru bya Leopard bine, mu gihe G7, harimo Ubwongereza na Amerika,batangaje imigambi y'ibihano bishya ku Burusiya kugira babangamire kurushaho ububasha bw'intambara bwa Vladimir Putin.

    Ntacyo Perezida w'Uburusiya aravuga uyu munsi, ahubwo uwo yasimbuye, Dmitry Medvedev niwe wavuze abwira ubutegetsi bw'igihugu gusunika ingabo za Ukraine zigasubira ku mupaka na Pologne.

    Nta birori bikomeye byabaye byo kwibuka umwaka ushize mu Burusiya, kandi nta n'icyo bwavuzekuri televion y'igihugu.

    nteko Rusange y'Umuryango w'Abibumbye watoye umwanzuro kuri uyu wa Kane isaba u Burusiya guhagarika intambara.

    Ibihugu bitandatu byifatanyije n'u Burusiya mu gutora byamagana uyu mwanuro; ibyo birimo Belarus, Koreya ya Ruguru, Eritrea, Mali, Nicaraguay na Syria.

    U Bushinwa bigaragara ko bushyigikiye u Burusiya buri mu bihugu 32 byifashe.

    Source : https://umuryango.rw/amakuru/mu-mahanga/umutekano/article/perezida-zelensky-yahaye-izina-rikomeye-umwaka-amaze-ahangana-n-uburusiya