Blog

Byatangajwe ku mugoroba wo kuri uyu wa Kane tariki 2 Gashyantare mu itangazo ryashyizwe hanze n'Ibiro bya Minisitiri w'Intebe.

Dr Telesphore Ndabamenye yagizwe Umuyobozi Mukuru w'Ikigo cy'Igihugu gishinzwe Ubuhinzi n'Ubworozi (RAB) mu gihe Madamu Clarisse Umutoni yagizwe Umuyobozi Mukuru ushinzwe Imari muri RAB.

Dr Musafiri, Minisitiri w'Ubuhinzi n'Ubworozi mushya yari asanzwe ari Umunyamabanga wa Leta muri Minisiteri y'Ubuhinzi n'Ubworozi guhera muri Kanama 2022.

Mbere yaho yari Dr Ildephonse Musafiri yari asanzwe ari umuyobozi w'akanama gashinzwe ingamba na politiki za leta mu biro bya Perezida.

Ni umwe mu bagize inama y'ubutegetsi ya Banki Nkuru y'u Rwanda, akaba umwalimu mukuru muri Kaminuza y'u Rwanda, Ishami ry'ubukungu n'ubucuruzi, aho yigishije ndetse akaba umuyobozi w'agashami k'ubukungu.

Ubushakashatsi yakoze bwibanda ku iterambere ry'ubukungu na politiki za leta by'umwihariko ubusesenguzi kuri politiki zo kurandura ubukene n'ubusumbane, iterambere ry'ubuhinzi n'ibiribwa.

Ni umugabo ufite impamyabumenyi y'ikirenga mu bukungu bushingiye ku buhinzi yakuye muri Kaminuza ya Bonn mu Budage.

Icyiciro cya gatatu cya Kaminuza yacyize muri Kaminuza y'u Rwanda.

Musafiri abaye Minisitiri mu gihe ibiciro by'ibiribwa ku masoko y'u Rwanda bikomeje kwiyongera birimo n'iby'ibihingwa byera imbere mu gihugu.

Mu nama y'Umushyikirano iherutse Dr Musafiri yavuze ko kugira ngo u Rwanda rwihaze mu biribwa, hakenewe gushyirwa imbaraga mu kongera ubuso bwuhirwa, kongera gahunda zigamije gufasha umuhinzi kubona inyongeramusaruro mu buryo bworoshye kandi buhendutse, gufata neza umusaruro w'ubuhinzi n'ubworozi, kwegera abahinzi n'aborozi, kuborohereza kubona inguzanyo n'ubwishingizi.

Ati 'Nka leta twafata umugambi wo gushyira amafaranga menshi mu buhinzi kuko niho abaturage bari, niho Abanyarwanda bari […] muduhe 10%, ibisigaye mubitubaze.'

Dr Ndabamenya Telesphore wagize Umuyobozi Mukuru wa RAB yari asanzwe ari Umujyanama muri Minisiteri y'Ubuhinzi n'Ubworozi. Mbere yaho yabaye Umuyobozi ushinzwe umusaruro w'ubuhinzi no kwihaza mu biribwa muri RAB.

Dr Ndabamenye asimbuye Dr Alexandre Rutikanga utari umaze iminsi muri RAB dore ko yagizwe Umuyobozi Mukuru wayo tariki 31 Mutarama 2023. Yari amaze iminsi 32 ku buyobozi bw'icyo kigo.

Reba Ikiganiro IGIHE iheruka kugirana na Dr Musafiri, Minisitiri mushya

Dr Musafiri yari asanzwe ari Umunyamabanga wa Leta muri Minisiteri y’Ubuhinzi n’Ubworozi

Dr Mukeshimana yari amaze imyaka umunani ayoboye MINAGRI. Ni we wari umaze imyaka myinshi muri Guverinoma

Dr Telesphore Ndabamenye yagizwe Umuyobozi Mukuru w'Ikigo cy'Igihugu gishinzwe Ubuhinzi n'Ubworozi (RAB)

Ni igikorwa kizaba binyuze mu ihuriro rya 13 ry'uburezi bw'abanyeshuri bo muri Afurika 'Africa Students Education Fair', aho kaminuza zitandukanye ziza gusobanura byimbitse uko zikora ku bifuza kuzigamo.

Iri huriro ritegurwa n'Ikigo kizobereye mu gushakira abantu amashuri hanze , Global Africa Education ifatanyije na WR education placement consultancy (WREPC).

Mu Rwanda iki gikorwa giteganyijwe kuva tariki ya 6 n'iya 7 Werurwe 2023 kuri Galaxy Hotel. Ni igikorwa kizabanza muri Uganda, gikomereze mu Burundi.

Ibikorwa by'ingenzi bikorwa ni uko izi kaminuza aza kwigisha abifuza kuyigamo uburyo bworoshye babonamo imyamya, guhitamo amasomo yo kwiga ajyanye n'aho isoko ry'umurimo rigeze.

Ibi bisobanurwa n'abajyanama b'abanyeshuri, abarimu n'abahagarariye izi kaminuza.

Umuyobozi wa Global Africa Education Rwanda, Burora Aaron Steven, yavuze ko iri huriro abazaryitabira bazungukiramo byinshi kuko byagaragaye ko abajya kwiga muri biriya bihugu hari amahirwe bakurayo.

Ati 'Uko uburezi bwo muri biriya bihugu nka Canada bumeze bitandukanye n'ubwo mu Rwanda. Hariya bagufasha guhitamo ibyo wiga ariko bikajyana n'ibigezweho ku isoko ry'umurimo.'

'Ikindi kandi bigufasha kugira imitekerereze yagutse ku buryo usanga abandi banyeshuri bo muri ibyo bihugu nta kintu kinini bakurusha ukaba wabasha guhangana nabo ku isoko ry'umurimo.'

Iri huriro rizitabirwa na kaminuza zitandukanye zirimo Loyalist college, Seneca College, Langara College, International Business College , Norquest College , Eastern European University Association (EEUA) n'izindi.

Byitezwe ko ubu buryo buzafasha abanyarwanda benshi kujya kwiga mu mahanga

Muri aya mahuriro abanyeshuri bahura n’abakozi ba kaminuza zikomeye, bagasubiza ibibazo byose bibaza

Umuyobozi wa Global Africa Education Rwanda, Burora Aaron Steven, yavuze ko iri huriro abazaryitabira bazungukiramo byinshi

Ni umuhango wabaye mu ibanga rikomeye kuko ba nyirubwite yaba Elsa cyangwa Prince Kid, ntibigeze bifuza ko hari n'uwafata amafoto cyangwa amashusho ngo ayasangize.

N'ubwo batabyifuje gusa ntihigeze habura abayasakaza, kuko ku mbuga nkoranyambaga ho hari hatigise hacicikana amafoto y'aba bombi, nabwo bari gusinya gusa.

Bombi basezeraniye mu Murenge wa Rusororo, ku manywa yo kuri uyu wa Kane tariki 2 Werurwe 2023.

Aya ni amwe mu mafoto yaranze umuhango wabo mu gihe cyo gusezerana mu matego, uko byari bimeze.

Ubwo Prince Kid yahamyaga isezerano rye afashe ku ibendera

Ubwo Miss Elsa yemeraga indahiro ye yo kubana na Prince Kid 

Bafashe icyemezo cy'uko bashyingiranywe 

Nyuma yo guhamya isezerano ryabo bafashe agafoto k'urwibutso

Ishimwe Dieudonne [Prince Kid] mbere yo gusubira imbere y’Urukiko yasezeranye imbere y’amategeko na Nyampinga w’u Rwanda 2017, Miss Iradukunda Elsa.

Ni umuhango wabaye kuri uyu wa Kane tariki ya 2 Werurwe 2023 ubera mu Murenge wa Rusororo mu karere ka Gasabo.

Aba bombi bakaba bahisemo kugira uyu muhango ibanga rikomeye aho n’abawitabiriye nta wari wemerewe gufata amafoto cyangwa amashusho.

Urukundo rw’aba bombi rwavuzwe cyane mu itangazamakuru ariko bakagerageza kubihisha.

Byatijwe umurindi umwaka ushize ubwo Ishimwe Dieudonne yafungwaga ashinjwa ihohotera yakoreye abakobwa bitabiriye Miss Rwanda mu bihe bitandukanye.

Miss Iradukunda Elsa na we yaje gufungwa ashinjwa kuba yarasinyishije bamwe mu bakobwa bitabiriye Miss Rwanda ngo bavuge ko iryo hohoterwa ritabaye.

Basezeranye imbere y’amategeko mu gihe tariki ya 10 Werurwe Prince Kid azaburana mu bujurire nyuma y’uko Ubushinjacyaha bujuririye icyemezo cyo kumugira umwere.

Prince Kid yamanitse akaboko arahirira kuzabana na Miss Iradukunda Elsa mu byiza n’ibibi

Elsa yagiye kubisinyira

Bahawe icyemezo cy’uko ubu ari umugabo n’umugore

Byari ibyishimo bikomeye

Kapiteni w’ikipe y’igihugu ya Argentine, Lionel Messi yahaye impano abakinnyi bagenzi be batwaranye igikombe cy’Isi impano ya telefoni za iPhone 14 zikozwe muri Zahabu.

Ni nyuma y’uko tariki ya 18 Ukuboza 2023 begukanye igikombe cy’Isi cya 2022 cyabereye muri Qatar kuri penaliti 4-2, ni nyuma y’uko amakipe yombi yari yanganyije 3-3 n’u Bufaransa.

Messi yahise atangira ibiganiro na Idesign Gold ayibwira ko yifuza impano idasanzwe yo kuzaha bagenzi be abashimira.

Umuyobozi wa Idesign yabwiye The Sun ko yamuhaye igitekerezo cya telefoni zikozwe muri zahabu undi akakemera.

Ati “Messi yashakaga gukora ikintu kidasanzwe yishimira ibihe bidasanzwe. Yavuze ko yashakaga impano idasanzwe ku bakinnyi bose n’abatoza mu kwishimira impano idasanzwe, ntiyashakaga amasaha asanzwe. Namugiriye inama ya iPhones za Zahabu ziriho amazina ya bo arabikunda.”

Izi telefoni inyuma ziriho izina ry’umukinnyi, nimero yambara mu ikipe y’igihugu, ikirango cy’ikipe y’igihugu n’inyenyeri 3 nk’umubare w’ibikombe by’Isi imaze kwegukana ndetse n’ijambo “World Cup Champions 2022”.

Zose hamwe ni telefoni 35 zatwaye ibihumbi 175 by’amapawundi, ni ukuvuga miliyoni 229 z’amafaranga y’u Rwanda.