Blog

Uwitwa MUHORAKEYE Uwimanzi Niwe yasabye guhindura amazina mu buryo bwemewe n'amategeko akitwa MUHORAKEYE Kevelyne mu bitabo by'irangamimerere.

Impamvu atanga zituma asaba guhindura amazina akaba ari uko ari amzina yakoreshaga kuva yatangira kwiga .

Source : https://umuryango.rw/amatangazo/article/itangazo-muhorakeye-uwimanzi-niwe-yasabye-guhindura-amazina-akitwa-muhorakeye

UMUHESHA W'INKIKO W'UMWUGA, ARAMENYESHA ABANTU BOSE KO AZATEZA MURI CYAMUNARA KU NSHURO YA GATATU UMUTUNGO UTIMUKANWA WA YADUFASHIJE ALPHONSINE NA HITIMANA NOEL UGIZWE N'INZU IRI MU KIBANZA GIFITE UFITE UPI:5/07/07/03/2489 GIHEREREYE MU MUDUGUDU WA RUGAZI, AKAGALI KA RUGUNGA, UMURENGE WA MWOGO,AKARERE KA BUGESERA.

IPIGANWA MU CYAMUNARA MU BURYO BW'IKORANABUHANGA RIZATANGIRA TARIKI YA 14/04/2023 I SAA TANU Z'AMANYWA (11H00) KUGEZA TARIKI YA 21/04/2023 I SAA TANU Z'AMANYWA(11H00).

WIFUZA IBINDI BISOBANURO YASOMA ITANGAZO RIRI HANO HASI CYANGWA SE AGAHAMAGARA KURI:+250788734008.

Source : https://umuryango.rw/amatangazo/article/itangazo-rya-cyamunara-y-umutungo-utimukanwa-uherereye-bugesera-70690

Ku mugoroba wo ku wa kane,tariki ya 13 Mata 2023, Raila Amolo Odinga, umuyobozi w'ishyaka rya Azimio la Umoja Kenya, yijeje abaturage ba Kenya ko imyigaragambyo yo kwamagana imibereho ihenze no kugwa k'ubukungu bwa Kenya izagaruka nyuma ya Ramadhan.

Uyu muyobozi w'ishyaka ritavuga rumwe n'ubutegetsi muri Kenya, Azimio La Umoja yatangaje ko azagaruka mu myigaragambyo iba kabiri mu cyumweru, anashinja Kenya Kwanza kutaba inyangamugayo mu nzira ihuriweho kandi yizewe y'ibiganiro by'amashyaka abiri akomeye muri Kenya.

Iyi myigaragambyo Raila Odinga yari yahagaritse mu byumweru bibiri bishize nyuma yo kwiyemeza kugirana ibiganiro na guverinoma izakomeza kuko umuyobozi wa Azimio la Umoja atekereza ko guverinoma itigeze ifatana uburemere ikibazo cy'ibiganiro kandi bigaragara ko idashobora kwemeranya n'urundi ruhande mu masezerano.

Ku wa kane, tariki ya 13 Mata, Raila yavuze ko abamushyigikiye babonye ibimenyetso biteye impungenge byerekana ko nta buremere ubutegetsi bwa Kenya Kwanza bwahaye ibiganiro bigomba gukorwa n'amashyaka yombi.

Odinga yagize ati “Tuzagira uruhare mu biganiro by'amashyaka yombi kuko twohereje abaduhagarariye bashoboye kandi babishoboye. Ariko abaturage ntibagomba gusigara inyuma cyangwa ngo birengagizwe. Ntabwo tuzajya muri ibi biganiro kugira ngo twumvikanire mu byumba byuzuye umwotsi. Tugiye muri ibi kugira ngo turinde kandi turinde ubuzima n'urupfu abaturage ndetse n'igihugu cyacu.”

Yongeyeho ati: 'Tuzahangana na Goliyati kandi tuzi uko bizagendekera Goliyati. Twemeye ko ibiganiro bikomeza, ariko kandi nemeranya n'icyifuzo cyawe ko ibiganiro bikomeza icyarimwe n'imyigaragambyo. Dawa ya moto ni moto. Twe tuzakomeza.Turategereje ngo Ramazani irangire..Nirangira tuzatangaza.”

Odinga yavuze ko nyuma y'igifungo cya Ramadhan ku bayisilamu azatangaza itariki nshya y'imyigaragambyo.

Source : https://umuryango.rw/amakuru/mu-mahanga/umutekano/article/kenya-raila-odinga-yahishuye-igihe-azagarurira-imyigaragambyo

Ayo mashyaka yishyize hamwe ni Rassemblement pour la démocratie et le développement (RDD) rya Jacques Joachim Yhomby Opango wahoze ari Perezida, ishyaka Mouvement républicain (MR) ndetse n'ishyaka Parti du people.

Iri huriro ry'aya mashya ryiswe 2AD2026, rikaba rishaka ko habaho ihererekanyabutegetsi rikozwe mu mahoro, nyuma y'imyaka isaga 20 Denis Sassou-Nguesso ayoboye Congo Brazzaville.

Itegeko Nshinga Congo igenderaho ubu ryemerera Denis Sassou-Nguesso kongera kwiyamamariza manda ya gatanu aramutse abishatse.

Ni ibintu bidakozwa abatavuga rumwe na Leta bamushinja gutegekesha igitugu no kuniga demokarasi.

Visi Perezida w'ishyaka RDD, Jean-Jacques Serge Yhomby Opango yavuze ko intego yabo ari ugutsinda amatora ya 2026 ngo kuko babizi ko abaturage babashyigikiye.

Bavuze ko bashaka mbere na mbere kugira uruhare mu itegurwa ry'amatora kugira ngo azagende neza kuko kuri ubu amatora yategurwaga bikozwe n'ishyaka riri ku butegetsi.

Source : https://umuryango.rw/amakuru/mu-mahanga/politiki/article/ubutegetsi-bwa-perezida-sassou-nguesso-bwugarijwe-n-amashyaka-batavuga-rumwe

Ikipe ya Bayern Munich yahagaritse Sadio Mane nyuma yo gukubita igipfunsi mu maso Leroy Sane Ku wa kabiri, bakimara gutsindwa na Man City ibitego 3-0 muri UEFA Champions League.

Mane yakubise mugenzi we Sane igipfunsi umunwa we uva amaraso nyuma y'uko ikipe yabo itsinzwe na Manchester City ibitego 3-0 mu mukino ubanza wa kimwe cya kane cy'irangiza muri Champions League wabereye kuri Etihad.

Uyu kizigenza wo muri Senegal,yagaragaye agaruka mu myitozo ya Bayern mu gitondo cyo kuwa Kane hamwe na Sane.

Bayern ntiyigeze yirukana uyu mukinnyi nkuko byari byitezwe ahubwo yamukuye mu ikipe izakoresha ku mukino ukomeye wa Bundesliga bazakina na Hoffenheim kuri Allianz Arena ku wa gatandatu.

Iyi kipe yavuze kandi ko Mane uhembwa miliyoni 17 z'amapound ku mwaka – azacibwa amande ataramenyekana.

Bayern yagize ati: 'Sadio Mané w'imyaka 31, ntabwo azaba ari mu ikipe ya FC Bayern mu mukino wo mu rugo na 1899 Hoffenheim ku wa gatandatu.

Impamvu ni imyitwarire idahwitse ya Mané nyuma y'umukino wa Champions League wa FC Bayern na Manchester City. Byongeye kandi, Mané azacibwa amande.'

Sane na Mane bagaragaye bashwana ubwo basohokaga mu kibuga kuri Stade Etihad maze bageze mu rwambariro bakozanyaho.

Amakuru avuga ko Sadio Mane atishimiye amagambo Sane yamubwiye bari mu kibuga ndetse ngo bageze mu rwambariro barashwanye birangira amukubise icyo gipfunsi.

Uyu Mane ngo yari yiteguye gukomeza kurwana n'uyu mugenzi we iyo bagenzi be batabajya hagati ndetse ngo byabaye ngombwa ko basohora Sane kugira ngo umwuka mwiza uboneke.

Bayern iri kwitegura umukino wo kwishyura na Man City uzaba mu cyumweru gitaha kuwa Gatatu.

Source : https://umuryango.rw/imyidagaduro/imikino/article/sadio-mane-yafatiwe-ibihano-nyuma-yo-gukubita-mugenzi-we-bakinana-igipfunsi-mu

Shampiyona y'Icyiciro cya mbere mu Bagabo (Primus National League) irakomeza mu mpera z'iki cyumweru aho izakinwa ku munsi wayo wa 26, ni imikino igiye gukinwa habayeho impinduka ko imikino ya APR FC na Kiyovu SC igiye kuzajya ibera amasaha amwe.

Izi mpinduka zibayeho nyuma y'uko aya makipe yombi bigaragara ariyo ari guhatanira igikombe cya shampiyona y'u Rwanda ya 2022-2023, kugeza ubu ikipe y'Ingabo z'Igihugu ya APR FC iri ku mwanya wa mbere n'amanota 52 naho Kiyovu iri ku mwanya wa kabiri ikaba ifite amanota 50.

Biteganyijwe ko imikino y'aya makipe yombi izakinwa kuri uyu wa gatandatu tariki ya 15 Mata 2023, ku ikipe ya Kiyovu SC irakira ikipe ya AS Kigali kuri sitade y'Akarere ka Muhanga naho ikipe ya APR FC yo izakira ikipe ya Gasogi United kuri Sitade ya Bugesera.

Uko amakipe yose azahura ku munsi wa 26 wa shampiyona y'u Rwanda:

Ku wa Gatandatu, tariki ya 15 Mata 2023:

Gorilla FC vs Etincelles (12:30) i Bugesera
APR FC vs Gasogi United (15:00) i Bugesera
Kiyovu SC vs AS Kigali (15:00) i Muhanga
Rwamagana City vs Musanze FC (15:00) i Ngoma

Ku Cyumweru, tariki ya 16 Mata 2023:
Mukura VS&L vs Marine FC (15:00) i Huye
Police FC vs Rutsiro FC  (15:00) i Muhanga
Espoir FC vs Sunrise FC  (15:00) i Rusizi
Bugesera FC vs Rayon Sports  (15:00) i Bugesera

Abakinnyi batemerewe kugaragara ku mukino wa 26 wa shampiyona y'u Rwanda:

The post Impinduka ku mikino ya Shampiyona y'u Rwanda y'umunsi wa 26, Kiyovu SC na APR FC zashyizwe ku munsi umwe appeared first on RUSHYASHYA.

Source : https://rushyashya.net/impinduka-ku-mikino-ya-shampiyona-yu-rwanda-yumunsi-wa-26-kiyovu-sc-na-apr-fc-zashyizwe-ku-munsi-umwe/?utm_source=rss&utm_medium=rss&utm_campaign=impinduka-ku-mikino-ya-shampiyona-yu-rwanda-yumunsi-wa-26-kiyovu-sc-na-apr-fc-zashyizwe-ku-munsi-umwe

Source : http://isimbi.rw/siporo/article/abakinnyi-9-batemerewe-gukina-umunsi-wa-26

Aho iminsi y’urukundo yanyuze ntihaca urwango! Nyuma y’uburyo yavuye muri Uganda ameze nabi, benshi batunguwe no kubona Sandra Teta yasubiye muri iki gihugu ndetse akakirwa na Weasel umugabo we washinjwe kumuhohotera.

Ku wa Kane w’icyumweru gishize ni bwo Sandra Teta yasubiye muri Uganda ndetse ageze ku kibuga cy’indege cya Entebbe yakiriwe na Weasel wari witwaje indabo zirimo akandiko kagira kati 'Mama star urakaza neza mu rugo wari ukumbuwe. Turagukunda.'

Weasel akaba yarabwiye itangazamakuru ko yishimiye kuba nyuma y’amagambo yose yavuzwe Sandra Teta yagarutse mu rugo, yahishuye ko n’ubukwe buri hafi.

Ati 'Nyuma y’amagambo yose yavuzwe yagarutse mu rugo, ndagukunda aho uri hose niba uri kureba iki kiganiro. Mu byukuri ntabwo yigeze agenda ahubwo yari yafashe ikiruhuko gito kandi twese twari dukumburanye. Ubu tumeze neza!'

'Ubukwe buzaba kuko nkunda umugore wanjye, twabyaranye abana babiri, rero tugomba kubishyira ku mugaragaro.'

Sandra Teta muri Kanama 2022 ni bwo yavuye muri Uganda ameze nabi afite inguma hafi umubiri wose bivugwa ko ari ihohoterwa yakorerwaga n’umugabo we Weasel, ni inkuru yatumye n’ababyeyi be bahaguruka bagashaka uko umwana wa bo yataha, gusa Sandra nta na rimwe yigeze avuga ku mubano we na Weasel, yararuciye ararumira.

Akandiko kari mu ndabyo yamuhaye

Yamwakiranye urukumbuzi rwinshi

Source : http://isimbi.rw/imyidagaduro/article/aho-yanyuze-sandra-teta-yongeye-gusanga-weasel-byavuzwe-ko-yamuhohoteye-ateguza-ubukwe

Igihugu cy' u Buhinde cyamaze gujuraho ahahigo kari gafitwe n'ubushinwa mu kugira abaturage benshi ku Isi.

Umuryango w'Abibumbye watangaje ko kuri uyu wa Gatanu tariki 14 Mata mu 2023, u Buhinde bwaciye k'u Bushinwa mu kugira umubare munini w'abaturage ku Isi, agahigo iki gihugu cyari gifite kuva mu 1950.

Kugeza ubu imibare igaragaza ko u Buhinde butuwe n'abagera kuri miliyari 1,43 mu gihe u Bushinwa butuwe n'abagera kuri 1,42. Ibi bihugu byombi byihariye miliyari 2,8 muri miliyari 7,8 z'abatuye Isi.

Source : https://yegob.rw/u-buhinde-bwakuyeho-agahigo-kari-gafitwe-nu-bushinwa-ku-isi/

Umuherwekazi w'umugande uba muri Afurika y'Epfo, Zari Hassan avuga ko ku mu gihe umugore aciye inyuma umugabo we ku bintu byamuhindurira ubuzima, yumva nta kibazo yabikora.

Uyu mugore w'abana 5, avuga ko abagabo bo babikora nta n'icyo bibinjiriza ariko umugore we mu gihe byamuha inzu nta cyaha yaba akoze.

Ati 'muce inyuma kubera inzu, muce inyuma ushaka ubataka, muce inyuma kubera imodoka y'inzozi za we. Ni ko bimeze. '

Nyuma yo kotswa igitutu, Zari mu mashusho yashyize kuri Instagram Stories, yongeye kubishimangira avuga ko niba umugabo aca inyuma umugore kubera ikibuno kubera iki umugore atabikora kubera inzozi ze.

Ati 'turi muri 2023 umugore ntabwo aguca inyuma, wowe umuciye inyuma kubera ikibuno kinini, kuki we ataguca inyuma kugira ngo abone inzu?'

Avuga ko abagabo na bo bagomba kwiga kubabarira nk'uko abagore babababarira iyo babaciye inyuma.

Zari kandi avuga ko guca inyuma atari ibintu umuntu abyuka ngo akore ahubwo bitangira gake gake, wemera kwakira ubushuti ku mbuga nkoranyambaga (friend request), ukora like ku mafoto ye kugeza mutangiye kohererezanya utuntu tuganisha ku rukundo.

Zari Hassan muri 2018 yatandukanye na Diamond Platnumz bari bamaze kubyarana abana babiri, yashinjaga uyu mugabo kumuca inyuma.

Source : https://yegob.rw/umuherwekazi-zari-hassan-yagiriye-inama-abagore-yogukorera-abagabo-babo-igikorwa-cyitari-kiza/