Blog

Imirasire y'izuba yashyizwe ku nzu z'imiryango 20 iri kumwe n'amatara atatu na Radiyo. Ni mu gihe indi miryango ibiri yahawe ibiribwa na matela.

Ni igikorwa cyateguwe n'ubuyobozi bwa IPRC Tumba, gikorwa n'abanyeshuri biga ibijyanye n'ingufu zisubira.

Umuyobozi wa IPRC Tumba Eng. Mutabazi Ritha, yatangaje ko intego nyamukuru ari ugufasha urubyiruko kumenya amateka y'ibyabaye mu Rwanda.

Ati 'Kubacanira urumuri ntabwo ari igikorwa twahisemo gutyo gusa, mubona ko n'iyo twibuka ducana urumuri. Twabihisemo kugira ngo tujye twifatanya n'abacitse ku icumu tubafasha kongera kugira icyizere cyo kubaho ariko kandi tunigisha urubyiruko.'

Abahawe iyi mirasire y'izuba ni abo mu mirenge ya Burega, Cyinzuzi na Tumba; batangaje ko kubona abaje babagana bw'umwihariko ababazaniye ibikorwa nk'ibi, bibasubizamo icyizere cy'ejo hazaza.

Mukakamanzi Donatha utuye mu Murenge wa Burega yagize ati 'Ubu ndishimye cyane! Najyaga ntaha nkagwa ku gikuta, ubu ndumva umutima wanjye ucyeye! Ibi bindemyemo icyizere kuko nahoraga mfite umutima uhagaze ariko iyo ubonye abaza bagusura uba wumva wishimye'.

Yakomeje avuga ko nubwo ashaje agifite icyizere cy'ejo hazaza, bitewe no kubona abamwitaho bikaba bimukura mu bihe by'icuraburindi yanyuzemo.

Karasi Faustin w'imyaka 72, nyuma yo guhabwa amashanyarazi aturuka ku mirasire y'izuba yashimiye aba banyeshuri by'umwihariko Leta y'Ubumwe yabagaruriye icyizere cyo kubaho.

Ati 'Nari aho ntacana ariko ubu ndatambuka nakanda ku rukuta inzu yose ikaka. Aba banyeshuri turabashimira'.

Uyu musaza yishimiye ko yahawe na matola akaba aryama agasinzira neza.

Umunyamabanga Nshingwabikorwa w'Umurenge wa Burega, Kabayiza Arcade, yabwiye IGIHE ko ibikorwa nk'ibi byo gucanira abarokotse Jenoside yakorewe Abatutsi bibaha icyizere, bikanatanga igisubizo ku kibazo cy'umuriro w'amashanyarazi kikigaragara muri uyu murenge.

Akomeza avuga ko kuba IPRC Tumba yaratekereje ibi bikorwa muri uyu murenge by'umwihariko udahana imbibi n'ishuri, ari iby'agaciro. Yasabye ko habaho kwagura umubano w'uyu murenge n'ishuri mu rwego kuzamura abaturage ndetse n'abayobozi mu bijyanye n'ikoranabuhanga.

IPRC Tumba imaze imyaka 16 ishinzwe, kugeza ubu iri shuri rimaze gucanira abasaga 100, aho bahawe amashanyarazi aturuka ku mirasire y'izuba mu bihe byo kwibuka Jenoside yakorewe Abatutsi.

Mu bikoresho byatanzwe harimo na matola zo kuryamira

Ibyishimo byari byose kuri Mukakamanzi wacaniwe amashanyarazi aturuka ku mirasire y’izuba

Mukakamanzi arakora ku gikuta inzu yose ikaka

Mu byo abanyeshuri ba IPRC Tumba bageneye abatishoboye harimo n’ibiribwa

Iyi yari irimo abantu 44. Impanuka yabaye ahagana saa tatu z'ijoro zo ku wa Kane tariki 13 Mata 2023 mu Mudugudu wa Munini mu Kagari ka Kagitumba mu Murenge wa Matimba.

Amakuru agera ku IGIHE avuga ko ubwo iyi bisi yageraga ku mupaka yasatswe maze umushoferi ayiha undi mukozi bakorana aba ari we uyitwarana umuvuduko mwinshi ahita agonga igiti cyari hafi y'umuhanda igenda yikuba hasi.

Umuyobozi w'Akarere wungirije ushinzwe imibereho myiza y'abaturage, Murekatete Juliet, yabwiye IGIHE ko iyi mpanuka yahitanye abantu batatu abandi 29 bagakomereka.

Yagize ati 'Impanuka ikimara kuba twajyanye abantu 34 ku Kigo Nderabuzima ariko nyuma 29 twahise tubohereza ku Bitaro bya Nyagatare.'

Yakomeje avuga ko abapfiriye muri iyi mpanuka ari abagore batatu ndetse kugeza ubu batari bamenya niba bose ari Abanyarwanda kubera ko ibyangombwa byabo bitaraboneka. Imirambo yabo ngo iri mu buruhukiro bw'Ibitaro bya Nyagatare.

Babisabwe mu muhango wo kwibuka ku nshuro ya 29 Jenoside yakorewe Abatutsi mu 1994 wabaye mu cyumweru gishize.

Ni nyuma y'aho mu mwaka ushize wa 2022 ahitwa mu Gahoromani muri uyu Murenge wa Masaka mu rugo rw'umuturage hari ahagaragaye imibiri irenge ibihumbi umunani y'Abatutsi bishwe muri Jenoside.

Amakuru avuga ko nta mubare nyir'izina uzwi w'abatutsi bo mu Murenge wa Masaka bishwe muri Jenoside yakorewe Abatutsi bitewe n'uko hari abanangiye banga gutanga amakuru.

Uwimana Ernestine warokotse Jenoside yakorewe Abatutsi yabwiye IGIHE ko bifuza ko abafite amakuru y'ahiciwe Abatutsi bava ku izima bakayatanga kugira ngo imibiri yabo na yo ishyingurwe mu cyubahiro.

Ati 'Icyo dusaba ni uko buri muntu wese uzi ahagiye hicirwa Abatutsi yatanga amakuru kugira ngo imibiri yabo tuyishyingure mu cyubahiro ndetse n'inzira y'ubumwe n'ubwiyunge ibashe kugerwaho 100% kubera ko burya ntiwanabarira umuntu uguhisha aho uwawe yiciwe kandi iyo umushyinguye nawe uraruhuka.'

Uhagarariye Ibuka mu Murenge wa Masaka, Karangwa Vedaste, na we avuga ko bigoye kumenya umubare nyirizina w'Abatutsi bo muri uyu Murenge bishwe muri Jenoside bitewe n'uko hari abantu banga gutanga amakuru y'aho ubwo bwicanyi bwakorewe kandi bayazi.

Ati 'Turasaba ubuyobozi bwite bwa Leta n'inzego zitandukanye ko badufasha bakumvisha abakoze ariya mahano gutanga amakuru kugira ngo dushyingure imibiri y'abacu mu cyubahiro kuko hari benshi bakoze Jenoside batamenyekanye bagiye banga kuduha amakuru.'

Yakomeje avuga ko bafite amakuru y'uko hari Abatutsi bo muri aka gace bicwaga bakajugunywa muri Nyabarongo ariko hari n'abandi baturage bazi ahagiye hatabwa imibiri yabo ariko abahazi ntibahagaragaze.

Umunyamabanga Nshingwabikorwa w'Umurenge wa Masaka, Nduwayezu Alfred, na we yaboneyeho gusaba abazi ahiciwe izo nzirakarengane gutanga amakuru kugira ngo imibiri yabo na yo ishyingurwe mu cyubahiro.

Ubwo hafatwaga umunota wo kwibuka Abatutsi bishwe muri Jenoside mu Murenge wa Masaka

Uhagarariye Ibuka mu Murenge wa Masaka, Karangwa Vedaste na we yasabye ko abafite amakuru y’ahajugunywe imibiri y’Abatutsi bakwiye kuyatanga

Hashize iminsi ku mbuga nkoranyambaga hagaragara inkuru zivuga ku bantu bibasiwe n'abajura, bamwe bagaterwa mu nzu, abandi bagategerwa mu nzira n'ibindi nk'ibyo.

Umuvugizi wa Polisi y'u Rwanda, CP John Bosco Kabera, yabwiye IGIHE ko urwego ayobora, rushyize imbere kurwanya ubujura n'ibindi bikorwa by'ubugizi bwa nabi.

Ati 'Turwanya ubujura ku muntu ubikora cyangwa uwabukoze. Tuburwanya no mu bitekerezo byabo binyuze muri ubu butumwa: Ubitekereza nabireke kuko binyuranyije n'amategeko. Uzabikora bizamugiraho ingaruka.'

CP Kabera yavuze ko kugira ngo iki kibazo gihashywe, abantu bakwiriye gutanga amakuru. Gusa ngo hari abandika ubutumwa ku mbuga nkoranyambaga bavuga ko bibasiwe n'abajura, ariko ugasanga ibyo bari kuvuga ni ibintu bimaze amezi menshi.

Ati 'Nk'uwo ntabwo aba atangiye amakuru ku gihe, n'iyo byaba byarabaye byagorana cyane. Undi agashyiraho amashusho y'abantu bigeze kumwiba, ndetse bagafatwa. Ariko yabona hari undi ubivuze na we akagarukana bya bindi nk'aho ari bwo bikiba.'

Polisi ivuga ko iyo ihawe amakuru y'ahari ubujura ibikurikirana bwangu, kandi ababigizemo uruhare bagahita bafatwa.

Yatanze urugero ku musore wo mu Murenge wa Kanombe winjiye mu rugo rw'abandi ku wa Kabiri tariki 11 Mata ashaka kwiba, agakubitana n'umwana waho.

Uwo mujura ngo yahise akomeretsa uwo mwana mu ijosi no ku nda mu buryo bworoheje arangije ariruka. Uwakomeretse yajyanywe kwa muganga, ahabwa ubuvuzi bw'ibanze arataha.

Polisi ivuga ko uwo mujura yafashwe ku bufatanye n'abaturage batanze amakuru kuko abaturanyi batabaye babonye imyenda yari yambaye akaza no gufatwa akiyambaye.

Ati 'Mu gihe tubonye amakuru y'ako kanya, y'umugizi wa nabi cyangwa umujura, abaturage bakwiriye guhita babibwira polisi. Ntaho umuntu yatwihisha mu gihe akiri muri iki gihugu, ntibabireke ngo babigire ikiganiro, batumenyeshe isaha iyo ari yo yose kugira ngo bikurikiranwe mu maguru mashya.'

CP Kabera yavuze ko muri Werurwe, Polisi y'Igihugu yabonye ubutumwa 30 kuri Twitter buvuga ibijyanye n'ubujura. Abari banditse ubwo butumwa, basabwe nimero kugira ngo batange amakuru arambuye ariko muri bo 11 nibo bazitanze. Ashishikariza n'abandi kugira uwo muco wo gutanga amakuru.

CP John Bosco Kabera yahumurije abaturage bamaze iminsi bibasirwa n'abajura, abasaba kujya batanga amakuru kuko ntaho abajura bashobora kwihisha inzego z'umutekano

Mu kiganiro na InyaRwanda, Paulette Ndekwe uhagarariye Embrace Africa mu Rwanda itegura Rwanda Global Top Model, yasobanuye byinshi ku irushanwa boherejemo Diane Ngabonziza n'inyungu bategereje mu barihataniye.

Paulette ati: 'Igikorwa yitabiriye ni Supermodel Worldwide kiri kuba ku nshuro ya 4, hakorwamo ibikorwa birimo Fashion Show, uhize abandi baba baturutse mu bihugu binyuranye, ahabwa ibihembo bitandukanye.'

Akomeza avuga ku bihembo bahataniye ati: 'Uwegukanye iri rushanwa ahabwa ibihumbi 20 by'amadorali [Asaga miliyoni 20Frw] akanafashwa mu iterambere ry'umwuga we mu ruhando mpuzamahanga.'

Kuwa 15 Mata 2023 ni bwo hazaba ibirori byo gusoza iri rushanwa rya Supermodel Worldwide 2023 riba ririmo ibyiciro bitatu icy'abari, abasore n'abakobwa babyaye ariko bifitemo impano yo kumurika imideli.

Kuwa 28 Ukuboza 2022 ni bwo irushanwa rya Rwanda Global Top Model 2023 ryafunguye amarembo aho abasore n'inkumi bagera ku 150 biyandikishije nyuma haba ibyiciro birimo n'amatora kugera muri Gashyantare ubwo hamenyekanaga batandatu bahize abandi.

Muri abo harimo Diane Ngabonziza uhagarariye u Rwanda mu Buhinde mu marushanwa ya Supermodel Worldwide, Munyana Kenson, Sarah Laura, Mwiza Amelia, Rwemerakurinda Mac Alan na Nshogoza Jean.

Aba bose biteganijwe ko bazitabira ibirori n'ibikorwa bitandukanye bahagarariye u Rwanda mu bihugu binyuranye byo ku mugabane w'u Burayi na Aziya.

Ifoto y’urwibutso ubwo Diane Ngabonziza mu minsi micye ishize yerekezaga mu Buhinde, aha yari kumwe n’Umuyobozi Mukuru wa Embrace Africa Rwanda Ltd, Paulette NdekweDiane Ngabonziza yitwaye neza mu bihembo yakwegukana harimo Miliyoni 20FrwYitabiriye Supermodel Worldwide nyuma yo kuba umwe mu begukanye Rwanda Global Top Model 2023Akanyamuneza ku matama kari kose ubwo yabaga umwe mu begukanye Rwanda Global Top Model 2023 mu birori byabereye kuri Olympic Hotel mu mpera za GashyantareDiane Ngabonziza ubwo yari kumwe n’abandi bakobwa begukanye Rwanda Global Top ModelAbasore babiri n’abakobwa 4 nibo begukanye Rwanda Global Top Model 2023

Mu kiganiro gito yagiranye na inyaRwanda mu ijwi ryuzuyemo ibyishimo, Kecapu yahamije amakuru y’uko yamaze kwibaruka.

Ni nyuma y’uko mu mwaka wa 2022 yiyemeje kubana akaramata n'umugabo we Jean Luc. Aba bombi bibarutse abana batatu b’impanga barimo abahungu babiri n'umukobwa umwe.

Urukundo rwa Kecapu na Jean Luc rukaba rutaramenyekanye cyane, ariko rwari rumaze igihe kitari gito.

Muri Werurwe 2022 ubwo yaganiraga na InyaRwanda, Kecapu yavuze ku rugendo rw'urukundo rwabo.

Yatangiye agira ati: 'Twamenyanye 2009 dutangira gukundana 2010, ariko urumva icyo gihe nari umwana nigaga mu mashuri abanza mu wa 5 ndumva niba ntibeshye, nawe ntabwo yari mukuru cyane ariko yarandutagaho gato.'

Akomeza agira ati: 'Na none kandi urukundo rw'abantu bato ntabwo ruba rufite gahunda, hakabaho igihe tuburanye urumva ariko iyo wakunze umuntu uri umwana nta kibazo cyavutsemo ntacyababuza gukomeza.'

Agaruka ku buryo bagiye baburana ariko bakaba bari mu rukundo ruzira kwihishira, ati: 'Hagati aho ariko twarahuraga n'ubwo hari n'igihe hacagamo igihe tukaburana, kuri ubu ariko ntiwavuga ngo umuntu ni umwana cyangwa se n'ibindi, turi kumwe neza.'

Ku kijyanye no kuba Jean Luc yabangamirwa no kuba Kecapu ari icyamamare, abisubiza agira ati: 'Urumva rero twamenyanye tukiri bato azi uwo ndiwe akanamenya na Kecapu uwo ari we kandi azi kubitandukanya kuko anzi wese.'

Kecapu asobanura akazi k'umukunzi we n'icyo amukundira ati: 'Akora akazi gasanzwe ntari buvuge, ariko hari aho gahuriye n'imyidagaduro. 

Mukundira uko ankunda, kandi ko atankunda ku bwo kubihatiriza cyangwa kubera ko aje kuko hari izina mfite, kuko hari abagiye baza kubera izina mfite ubu.'

Arakomeza ati:'Rero ankunda bitari iby'izina, atari uko ashaka ko abantu bamenya ko turi kumwe bituma kandi mukunda cyane. Ikindi rero aranyumva, ni umuntu udashobora kuvuga kuki wakoze ibi ahubwo areba ibiri imbere.'

Mu gosoza ikiganiro yagiranye na inyaRwanda, Kecapu yagarutse ku bukwe bwabo agira ati: 'Sinavuga igihe neza tuzakorera ubukwe, ariko burahari.'

Bibarutse abana batatu nyuma y’imyaka itari micye bamenyanye banakundana Mu mwaka wa 2022 ni bwo biyemeje kubana akaramata