Blog

Ikinyamakuru The Huffington Post U.K. cyatangaje ko uyu mugore Kim West afite imyaka 51, naho umuhungu we bakundana, Ben Ford, akaba afite 32 y’amavuko.

Biravugwa kandi ko bamaze imyaka ibiri bari mu munyenga w’urukundo, bakaba bari gupanga gushyingiranwa ngo barusheho kwinezeza bidasanzw nk’uko byatangajwe n’ikinyamakuru The New Day.

Binyuze kuri icyo kinyamakuru kandi, ngo uyu mugore n’umuhungu we bagiranye umunezero udasanzwe mu gikorwa cy’abashakanye kugeza ubwo Ford yatse gatanya akisangira nyina bafitanye rukuruzi idasanzwe hagati y’abo.

Mu 2015 ni bwo New York Magazine yashyize hanze ikiganiro yari yagiranye n’umukobwa w’imyaka 18 wavugaga ko yambuwe ubusugi na se ku myaka 12. Bijya gusa n’uyu West na Ford, Maze se aza kuvuga ko bumva bakururana ku buryo bazanashyingiranwa mu gihe kiri imbere.

Gusa icyo iyo miryango yose ihuriyeho, ni uko ababyeyi ari bo bashinjwa kuba babi. Abahanga muri bisikoroji (psychology) bo bakavuga ko mu gihe iyo miryango yaramuka ibanye, ko hari amahirwe make yuko abana babo bavuka bameze neza.

West ukundana n’umungu we akaba yarahize ati:” ndabyumva abantu baraturakariye, baba bumva badutera amabuye, ariko iyo wakubiswe n’urukundo ntiwita ku kindi kintu icyo aricyo cyose, uba ufite kururwanira ishyaka”.

Umuhungu na nyina bari mu kibatsi cy’urukundo

Umwanditsi: Nigabe Emmanuel

Umusore witwa Rudy Villalobos wo muri Leta Zunze Ubumwe za Amerika akomeje kuvugisha benshi ku mbuga nkoranyambaga nyuma yaho atangaje amafaranga yakoresheje kugira ngo abaganga bamutereho ikibuno gisa neza n’icy’umuraperikazi Nicki Minaj.

Si ibanga ko umuraperikazi Nicki Minaj ari mu byamamarekazi byihinduje imiterere irimo n’ikibuno aho bacyongereye kikaba kinini, ibi byatumye bamwe mu bafana be n’abandi bamureberaho bagakoresha nk’ibyo nawe yakoresheje ubwo yakoraga plastic surgery. 

Umusore yitereshejeho ikibuno kimeze nk’icy’umuraperikazi Nicki Minaj

Umwe mu barebeye kuri uyu muraperikazi harimo umusore Rudy Villalobos wemera ko aryamana n’abo bahuje ibitsina (Gay). 

Yahishuye ko yishuye ibihumbi mirongo itandatu by’amadolari ($60k) ahwanye na miliyoni 66.453.830. Mu kiganiro Rudy yagiranye n’ikinyamakuru All Hip Hop News yahishuye icyatumye yitereshaho ikibuno nk’icya Nicki Minaj.

Uyu musore yatangaje ko yishyuye $60k arenga miliyoni 60 Frw

Rudy Villalopos w’imyaka 28 yagize ati: ”Kuba nkunda Nicki Minaj sibyo byatumye nishyirishaho ikibuno nk’icye ahubwo n’uko nabonaga ariwe mugore wabashije kwitereshaho ikibuno kinini kimeze neza. Kwa muganga bakimbaza ikibuno nshaka nababeretse amafoto ya Nicki Minaj, mbasaba ko bampa ikimeze nk’icye kuko mbona kigaragara neza”.

Rudy yitereshejeho ikibuno nk’icya Nicki Minaj kuko yabonaga gisa neza

Rudy avuga ko adatewe isoni no kuba aryamana nabo bahuje igitsina

Uyu musore uvuga ko adatewe isoni n’uko ari umutinganyi no kuba yitwara nk’abakobwa yahishuye ko abantu benshi bamwibasira ku mbuga nkoranyambaga. 

Yagize ati: ”Turi mu 2023 sinibaza impamvu abantu banyibasira bambaza impamvu nkunda abasore cyangwa impamvu nitereshejeho ikibuno. Numva ko buri muntu yakwakira undi uko ameze ntamuzize amahitamo ye”.

Rudy avuga ko benshi bamwibasira kubera ko yihinduje imiterere

Iyo yagiye kurya ubuzima ku mazi yifotoza nk’abakobwa

All Hip Hop News yatangaje ko Rudy Villalopos asanzwe akora akazi ko gusiga ibirungo (Make Up Artist) abagore n’abakobwa kandi ko ari umwe mu bitabazwa n’abenshi mu mujyi wa Los Angeles.

Mu byamamare Rudy yasize ibirungo harimo icyamamarekazi Madonna, umukinnyi wa filime Zendaya, Teyana Taylor b’abandi.

Rudy akora akazi ko gusiga ibirungo by’ubwiza igitsinagore

Kugeza ubu Rudy akomeje kugarukwaho cyane aho amafoto ye ari guhererekwanywa ku mbuga nkoranyambaga, aho benshi bibaza icyatumye umuhungu yitereshaho ikibuno. All Hip Hop News yatangaje ko Rudy ariwe musore wa mbere wakwitereshaho ikibuno nk’icya Nicki Minaj kuko abasanzwe babikora ari igitsinagore.

Imiterere ya Rudy witereshejeho ikibuno nk’icya Nicki Minaj akomeje kuvugisha benshi

Mu cyumweru gishize ni bwo Miss Mutesi Jolly yasangije abamukurikira inkuru mpamo y’ubutekamitwe yakorewe, asaba urubyiruko kugira amacyenga no kugisha inama mu gihe hari abashatse kubafasha mu buryo bumwe n'ubundi cyane cyane mu buryo bunyuze mu ikoranabuhanga kuko hateye abatekamutwe.

Mutesi Jolly wabaye Miss Rwanda 2016, yanditse ku mbuga nkoranyambaga ze ubutumwa bugaragaza ko hari abantu bashatse kumwereka ibintu by'agatangaza bamuhishiye, nyamara birangira abatahuye.

Abo batubuzi ni abantu bakomoka muri South Africa bifuzaga ko yazabafasha mu bikorwa bya Netflix afatanije na Drake na Kylie Jenner, bakamubwira ko bazamuhemba agera kuri Miliyoni 4 z'amadorali mu mwaka (Miliyari 4 Frw).

Gusa yagize amacyenga agisha inama inzego z'Ubuyobozi bw'u Rwanda zirimo na Ambasade y'u Rwanda muri South Africa, birangira bamufashije gutahura ko abo ari abatekamutwe, akira atyo.

Abo batekamitwe ni Thabo Bester ikigenge kabuhariwe na Dr Nandipha inzobere mu buvuzi ariko ushinjwa gukorana n'uyu muhezanguni wigize umunyamerika agacucura benshi.

InyaRwanda igiye kubagezaho ubuzima bw’aba batekamitwe bombi kuri ubu bamaze no gutabwa muri yombi aho basanzwe mu gihugu cya Tanzania bagahita bajyanwa muri South Africa.

Thabo Bester

Bester wamamaye cyane mu buriganya n'uruhando rw'abanyabyaha, yubatse ikompanyi yaruburika y'ubwubatsi yitwa Arum yari afatanije n'umukunzi we Dr Nandipha.

Iyi kompanyi yagiye yitabazwa na benshi ngo ibagezeho ibikoresho nyamara abishyuye za miliyoni bose nta nu’mwe wigeze ahabwa ibikoresho na serivisi yabaga yemerewe.

Yatawe muri yombi, nyuma biza kwizerwa muri Gicurasi 2022 ko yahiriye mu nzu y'imbohe, ariko nyuma y'ubusesenguzi byavumbuwe ko umubiri we wasanzwe mu cyumba atari we. Yongeye guhigwa bukware guhera muri Werurwe 2023.

Uyu mugabo yagiye ashinjwa ibyaha bikomeye birimo ubwicanyi, gufata ku ngufu n'ibindi byibasira abari n'abategarugori yakorera ku mbuga nkoranyambaga. 

Muri 2012 yahamijwe icyaha cyo gutoteza no kwivugana Nomfundo Tyhulu umunyamideli wari umukunzi we.

Muri 2011 nabwo yahamijwe ibyaha by'ubujura no gufata ku ngufu abagore akatirwa igihano cya burundu.

Uyu mugabo nubwo bivugwa ko akomoka muri Afurika y’Epfo, nyamara ntakoresha ibyangombwa byaho nk’uko byagaragaye ubwo yafatirwaga muri Tanzania. 

Nk’uko byatangajwe na Minsitiri w'Ububanyi n'Amahanga wa Afurika y’Epfo, Aaron Motsoaledi yasanganwe pasiporo ya Amerika mu izina rya Tom Williams.

Ibi byaturutse ku kuba nyina Maria Mabaso ubwo yamwibarukaga kuwa 13 Kamena 1986, ntiyabashije kumwandikisha.

Kuwa 03 Gicurasi 2022 ni bwo Bester yatorotse gereza y'ibanga ya Mangaung Correctional Services, hahimbwa ikinyoma ko yapfuye.

Umurambo yifashishije acura umupangu wo gucika ni uw’uwitwa Katlego Bereng Mpholo.

Dr Nandipha Sekeleni Magudumana

Dr Nandipha ni inzobere mu buvuzi akaba na rwiyemezamirimo wanashinze Optimum Medical Solutions. Yabonye izuba kuwa 15 Nzeri 1989 mu gace ka Bizana ko muri Eastern Cape.

Yarezwe na nyina muri Port Edward muri South Africa. Kuva ku myaka itandatu yari afite indoto zo kuba Dogiteri.

Yize amashuri abanza mu ishuri rya Port Edward, asoreza ayisumbuye muri Port Shepstone. Afite impamyabumenyi y'icyiciro cya kabiri cya Kaminuza mu ishami rya 'Health Science' n’indi mu kubaga. Izi zose yazikuye muri Kaminuza ya Witwatersrand.

Yakomeje amasomo ye kugera abonye impamyabushobozi y'ikirenga mu buvuzi no kubaga, ibintu amaze imyaka itari micye akoramo.

Uyu mugore afite umugabo witwa Mr Vugo Magudumana bafitanye abana 2 ari bo Aziza na Ayana. Akunda gutemberera mu bice bitandukanye by'isi ari wenyine cyangwa n'umuryango we.

Ubuzima bw'uyu mugore ariko bwaje guhinduka cyane bitewe n'umubano  bivugwa ko afitanye na Thabo Bester umunyabyaha rurangiranwa.

Nyuma y’uko Bester ahimbye amayeri y’uko yitabye Imana, umuntu utaratangajwe amazina yatangaje ko yababonanye mu iduka bari guhaha bombi mu gace ka Sandton City.

Musaza wa Dr Nandipha, Nkosinathi Sekeleni yatangaje ko umuvandimwe we yagiye aca inyuma umugabo we kuri Bester mu bihe bitandukanye ndetse haje kumenyekana ko amafaranga uyu mugabo akura mu byaha bitandukanye anyuzwa muri Optimum Medical Solutions ngo abonerwe igisobanuro.

Muri Mata 2023 yaje gutabwa muri yombi ari kumwe na Bester muri Tanzania.

 Dr Nandipha ari mu nzobere mu birebana n’ubuvuzi no kubaga muri Afurika Yepfo.

Akurikiranweho ibyaha bifite aho bihuriye n’ihohoterwa ry’abantu n’uburiganya burimo nubwo bashakaga gukorera Miss Jolly

Thabo Bester yahimbye urupfu rwe maze atoroka gereza iri mu zikomeye z’ibanga muri Afurika y’EpfoNubwo avuka muri Afurika y’Epfo nta byangombwa by’iki gihugu agira ahubw afite ibya Leta Zunze Ubumwe za Amerika Miss Jolly agendeye ku byamubayeho yasabye abantu kugira amacyenga mu byo bakora byose no kugira umuco wo kugisha inamaMiss Jolly yari yijejwe za miliyari gusa ntizamuhuma amaso agisha inama maze inzego za Leta y’u Rwanda zikiza ubuzima bwe bwaganaga ahabi

U Rwanda ubu ruri mu biganiro n’abakinnyi benshi bafite inkomoko mu Rwanda bakina i Burayi ngo babe baza ukinira ikipe y’igihugu y’u Rwanda ndetse bamwe mu bo yifuza bakaba babarizwa mu makipe akomeye ku mugabane w’i Burayi.

Muri iyi nkuru tugiye kugaruka ku bakinnyi 5 begerewe basabwa kuba bakinira ikipe y’igihugu y’u Rwanda ndetse amahirwe menshi ni uko bashobora gutangira gukinira ikipe y’igihugu ku mukino wa Mozambique uzaba muri Kamena 2023.

Claus Babo Niyukuri (Haugesund, Norway)

Niyukuri ni myugariro wo mu mutima w’ubwugarizi ukinira Haugesund muri Norway. Yatangirije muri Kopervik nyuma ajya muri Vard mbere y’uko asinyira FK Haugesund ikina mu cyiciro cya mbere.

Babo Claus yavutse tariki ya 13 Gashyantare 2000, akaba avuka kuri nyina w’umunyarwandakazi ndetse na se w’umurundi. Bivugwa ko uyu mukinnyi yemeye gukinira Amavubi ndetse mu minsi ya vuba ashobora kuzambara umwenda w’ikipe y’igihugu.

George Lewis Igaba-Ishimwe Maniraguha (Arsenal, England)

George Lewis Igaba-Ishimwe Maniraguha yavutse tariki ya 16 Kamena 2000 avukira mu Rwanda ku babyeyi b’abanyarwanda.

Ubwo yari afite umwaka umwe bimukiye muri Tanzania nyuma baza gukomeza bajya muri Norway ubwo yari afite imyaka 4.

Yatangiriye urugendo rwe muri Stakkevollan IF mbere yo kwerekeza muri Tromsdalen maze muri 2015 yerekeza muri Tromso. Aha hose yakinaga mu makipe ya bato bayo.

Muri Werurwe 2020 nibwo yagiye gukora igeragezwa mu ikipe ya Arsenal yo mu Bwongereza ndetse aza no kuritsinda maze muri Kanama 2020 nibwo yerekeje muri iyi kipe aho ubu akina mu batarengeje imyaka 23.

Uyu mukinnyi w’imyaka 22 ukina asatira, bivugwa ko nawe ibiganiro bigeze kure ku kuba yaza gukinira u Rwanda ndetse amahirwe ahari ni uko abyemera n’ababyeyi be bakaba babyumva.

Noam Emeran (Manchester United, England)

Ni rutahizamu w’umunyarwanda wavutse tariki ya 24 Nzeri 2002 akaba ari umwana wa Fritz Nkusi wakiniye ikipe y’igihugu y’u Rwanda ndetse na nyina akaba ari umunyarwandakazi.

Noam Fritz Emeran akaba yatakira Manchester United y’abatarengeje imyaka 21 ndetse akaba agaragaza ahazaza heza.

Ni umwe mu bakinnyi bifuzwa n’ikipe y’igihugu y’u Rwanda. Nyuma y’ibiganiro birebire byanyuze no ku babyeyi be ubu amahirwe ahari ni uko umukino wa Mozambique bashobora kuzawukina.

Ndayisimiye Mike Trésor (Genk, Belgiam)

Ni rutahizamu wa Genk mu cyiciro cya mbere mu Bubiligi yavutse tariki ya 28 Gicurasi 1999 akaba avuka kuri nyina w’umunyarwandakazi ndetse na se w’umurundi wanakiniye ikipe y’igihugu y’u Burundi.

Trésor wakiniye amakipe atandukanye mu Bubiligi ndetse akinira n’abato b’ikipe y’igihugu y’u Bubiligi yari yizeye gukinira u Bubiligi ariko amakuru avuga ko yamaze kubona ko bitazakunda ndetse yamaze kwemerera u Rwanda kurukinira.

Warren Kamanzi (Toulouse FC, France)

Warren Håkon Christofer Kamanzi ni myugariro wo ku ruhande rw’iburyo mu ikipe ya Toulouse yo mu cyiciro cya mbere mu Bufaransa.

Uyu mukinnyi avuka ku mubyeyi umwe w’umunyarwanda, yavukiye muri Norway tariki 11 Ugushyingo 2000. Muri 2023 nibwo yasinyiye Toulouse FC yo mu Bufaransa imyaka itatu n’igice avuye muri Tromsø yo muri Norway.

Muri 2022 yahamagawe mu ikipe y’igihugu y’u Rwanda ariko yanga kwitabira ubutumire mu gihe yari afite icyizere ko Norway izamuhamagara ariko bisa n’aho icyizere cyaraje amasinde, nawe ashobora gukinira Amavubi.