Blog

Yabitangaje mu ijoro ryo kuri iki Cyumweru tariki 30 Mata 2023, ubwo yari mu muhango wo gutanga ibihembo bya The Choice Awards wabereye muri Park Inn Hotel mu Kiyovu.

Ni ku nshuro ya gatatu ibi bihembo bitanzwe. Hagamijwe gushyigikira urugendo rw’iterambere rw’abahanzi mu ngeri zinyuranye, bashimirwa ibikorwa byiza baba barakoze. Abahawe ibihembo ni abahize abandi mu bikorwa mu mwaka wa 2022.

Mu ijambo ye, Busabizwa yashimye Isibo Tv ku bwo gutegura ibi bihembo bihuriza hamwe cyane cyane urubyiruko, ashima ababitwaye nk’umusaruro w’ibyo bakoze.

Yavuze ko udashobora gushimirwa igihe utakoze, ariko kandi abatatwaye ibihembo byabateye imbaraga zo gukora cyane kugirango n'abo umwaka utaha bazashimirwe.

Avuga ati “Buriya igihembo ntabwo cyizana, ababonye ibihembo (Award) n’uko babikoreye. Barabikoreye kandi ni imbaraga kuri bo, ndetse n’imbaraga ku bandi, kuko ubu nabo bagiye gukora kugirango umwaka utaha, aho tuzasubira guhurira nabo babe bahembwa.”

Uyu muyobozi yavuze ko Minisiteri y’Urubyiruko yishimira ibimaze gukorwa mu Inganda Ndangamuco, asaba ko hakomeza kubaho ubufatanye kugirango ‘turusheho kubiteza imbere ndetse duhange imirimo duhe urubyiruko akazi’.

Busabizwa yavuze ko muri Minisiteri y’Urubyiruko bafite imishinga myinshi yo gukoraho ijyanye no gutuma urubyiruko rugira ubuzima bwiza kandi bakiteza imbere, asaba buri wese kuzagira uruhare muri izi gahunda’.

Yanasabye ibitekerezo abahanzi kuri gahunda ijyanye no guhanga imirimo urubyiruko rukisangamo.

Ati 'Rwose turahari, dufite imishinga myinshi, turifuza y’uko mutugana ariko natwe tugira kugira uko dushoboye kose kugirango tubagezeho iyo mishinga dufite kugirango mwisangemo, namwe muzitange, muze tubiganireho tubateze imbere, duhange imirimo ndetse mukomeze guha imirimo urubyiruko.”

Yavuze ko bashyigikiye imyidagaduro, kandi nka Minisiteri barifuza gukorana na buri wese uri muri iyi ngeri y’ubuhanzi kugirango ‘dukomeze gushimisha urubyiruko’.

Busabizwa avuga ko ‘urubyiruko rugomba kwishima’, agasaba imbaraga za buri wese mu guteza imbere imyidagaduro binyuze mu bitaramo n’ibindi.

Ati “Duteze imbere imyidagaduro, duteze imbere ibitaramo, muze dufatanye turebe ukuntu twarushaho gushimisha urubyiruko rwacu.”

Uyu muyobozi yavuze ko mu gihe Leta iri kureba uko yakomeza guteza imbere imyidagaduro, urubyiruko rusabwa gukomeza kurangwa n’indangagaciro, kandi ‘bakabungabunga ubuzima bwabo’ birinda ibyonona ubuzima bwabo. 

Umunyamabanga Uhoraho muri Minisiteri y’Urubyiruko, Busabizwa Parfait yasabye abafite imishinga myiza yabateza imbere ikanateza imbere urubyiruko kubagana 

Busabizwa yashimye Isibo TV itegura ibi bihembo, avuga ko ababyegukanye babikoreye

Busabizwa avuga ko bafite gahunda yo gukora uko bashoboye urubyiruko rukiteza imbere

Busabizwa Parfait niwe washyikirije Bruce Melodie igihembo cya 'Best Male Artist of the year'

KANDA HANO UREBE UKO IBYAMAMARE BYATAMBUTSE KU ITAPI ITUKURA

“>

Kanda hanourebe amafoto menshi yaranze itangwa ry'ibihembo bya The Choice Awards

Nyuma yo kwegukana igikombe cy'umukinnyi mwiza w'umwaka wa Filime [Best Actor of the year] mu bihembo The Choice Awards byatanzwe mu ijoro ryo kuri iki Cyumweru tariki 30 Mata 2023, Niyitegaka [Papa Sava] yavuze ko anezerewe ariko kandi yihanganisha bagenzi be batabashije kugira aya mahirwe.

Uyu munyarwenya wabiciye bigacika yateruye ijambo rye yisunze iryavuzwe n’umuraperi Calvin Cordozar Broadus [Snoop Dogg] wigeze gutangira imbwirwaruhame ye abanza kwishimira, avuga ko iki gikombe agicyesha kuba yarakoze cyane.

Niyitegeka yashimye abamufasha umunsi ku munsi mu rugendo rwe rwa filime, cyane cyane abo bahuriye muri filime Papa Sava itambuka kuri Youtube ndetse na Seburikoko imaze imyaka irindwi itambuka kuri Televiziyo Rwanda.

Yihanganishije Mugisha Emmanuel [Clapton] amubwira ko kuba amuhigitse kuri iyi nshuro biteye ishema kuri we kuko nawe umwaka ushize yatwaye igikombe nk’iki. Ati “Kibonke yihangane ubushize yaragitwaye [Umwaka ushize].” Yanavuze ko na Bamenya aherutse gutwara igikombe ‘Cya 'Best Creator Award' mu bihembo bya Rwanda International Movie Award.'

Ati ‘Turasangira, twese ko turi ab’umukire umwe reka nanjye nyikubite mu kabati babibone.”

Mu 2015, nibwo 'Papa Sava' yinjiye mu rugendo rwo gukina filime nyuma yo gutanga ibaruwa asezera akazi ko kuba umwalimu.

Muri Nyakanga  2021, yabwiye BBC ati 'Ntanga ibaruwa isezera abantu baravuze bati ‘wa muntu we abantu bararangiza ari benshi bakabura akazi, wowe ufite akazi ka leta none uragasezeye?’, bati ‘ubanza warasaze’'

“Ndavuga nti ‘reka njye gusarira hanze aho kuzasarira mu ishuri’. Ngenda uko, ni uko.” 

Nyuma yo kwegukana igikombe, Papa Sava yishimiye avuga ko yashyize itafari rye ku rugendo rwa cinema mu Rwanda

Papa Sava yihanganishije Clapton amubwira ko amutwaye igikombe yari yegukanye umwaka ushize-Aha bari kumwe na Angel wo mu itsinda Angel na Pamella 

Niyitegeka Gratien [Papa Sava] ari kumwe na ‘Nyambo’ uzwi muri filime nka ‘The Messege’ wegukanye igikombe cy’umukinnyikazi wa filime w’umwaka [Best Actress of the year] 

Umusizi Rumaga Junior yashimye Papa wahigitse bagenzi be akegukana igikombe cya ‘Best Actor of the year’ 

Uhereye ibumoso: Phiona uzwi muri filime Indoto, Aisha Inkindi ndetse na Benimana Ramadhan [Bamenya] utabashije kwitwara neza muri ibi bihembo

REBA HANO UKO IBYAMAMARE BYASERUTSE MURI IBI BIRORI

“>

REBA HANO AGACE GASHYA KA FILIME ‘PAPA SAVA’ YA NITEGEKA GRATIEN

“>

Ni icyemezo gishobora kubaho nyuma y'uko Perezida Kagame aheruka muri Guinée Conakry ku wa 17 Mata 2023, aho yagiranye ibiganiro byihariye na Perezida Doumbouya, birimo n'ubufatanye mu by'ikoranabuhanga.

Amasezerano yasinywe n'impande zombi agamije ubufatanye mu ngeri zitandukanye zirimo n'ikoranabuhanga.

Ku wa Kane w'icyumweru gishize, Col. Doumbouya, yabwiye Guverioma ye ko we na mugenzi we w'u Rwanda baganiriye ku ngingo nyinshi zifitiye inyungu ibihugu byombi.

Yavuze ko hashyizweho Komisiyo y'Ubufatanye ihuriweho n'ibihugu by'u Rwanda na Guinée Conakry ndetse ko hari amatsinda y'inzobere ku mpande zombi agomba gukomeza kurebera hamwe uko amasezerano y'ubufatanye yashyizweho umukono ku wa 18 Mata 2023 azashyirwa mu bikorwa.

Yasabye Minisitiri w'Intebe gukora ibishoboka byose mu rwego rwo gufasha Komisiyo y'Ubufatanye ihuriweho n'ibihugu byombi kugira ngo itangire gukora, kandi amasezerano yashyizweho umukono mu bijyanye n'itumanaho, isakazamakuru mu by'ikoranabuhanga no gutangiza ikoranabuhanga mu mikorere ya Leta atangire gushyirwa mu bikorwa vuba.

Ikinyamakuru Vision Guinée cyanditse ko Minisitiri ushinzwe ubwikorezi we yahawe amabwiriza yo gutegura vuba ingendo zo mu kirere zihuza Conakry na Kigali.

Iki gihugu cyahoranye Ikigo cy'Indege, Guinee Airlines, kuva mu 1999, icyakora cyaje guhagarara mu 2004. Ku rundi ruhande, u Rwanda rufite RwandAir, ikigo gikomeje kwaguka ku rwego mpuzamahanga.

Minisitiri w'Ububanyi n'Amahanga we yasabwe gutegura uko hashyirwaho uhagarariye inyungu za Guinée Conakry mu Rwanda, mu rwego rwo gushimangira ubucuti n'ubufatanye hagati y'ibihugu byombi.

Muri urwo ruzinduko, Perezida Kagame yagaragaje ko gusangira ubumenyi n'ubunararibonye nk'Abanyafurika n'abandi bafatanyabikorwa hirya no hino ku Isi, bikenewe cyane kandi ari ingenzi.

Perezida Kagame yavuze ko mu rugendo rw'iterambere, ntacyo igihugu cyageraho kibaye nyamwigendaho.

Ati “Nta muntu umwe wigira ku buryo yagera ku byo ashaka abyifashijemo. Ni yo mpamvu ubufatanye mu bintu byose ari ingenzi cyane.”

Ubwo yari akiri muri Guinée Conakry, ku wa 18 Mata 2023 kandi hatashywe Ikiraro cyiswe “Pont Paul Kagame” cyari kimaze imyaka itatu cyubakwa mu Mujyi wa Dubréka muri icyo gihugu.

Colonel Mamadi Doumbouya uri ku butegetsi, yabufashe ahiritse Alpha Condé wayoboye Guinée kuva mu 2010 kugera mu 2021.

Biteganyijwe ko inzibacyuho iyobowe na Colonel Mamadi Doumbouya izarangira mu 2024.

---