Blog

Aba bombi batangiye bakira bagenzi babo aribo Emmalito na Isimbi Chritella, ubundi bakomeza bakira n'abandi barimo abahatanye n'abandi bagiye bafatiye runini imyidagaduro nyarwanda.

DJ Briane uhatanye mu cyiciro cy’umuvanzi w’umuziki w’umwaka yashimiye abamutoye agira ati: 'Abantu bantoye nibo banshyize muri The Choice Awards, ndabashimira cyane ndumva ntakindi navuga.'

Israel Mbonyi uri mu bahanzi bo kuramya no guhimbaza Imana yakomoye kuko umunsi we wagenze, n'uko yiteguye itangwa ry’ibihembo ati: 'Ni umurimo w'Imana turimo, umuntu wese wegukana iki gihembo ni intambwe twese tuba duteye.'

Umukinnyi wa filimi Papa Sava yashimiye abategura ibihembo, ahamya ko ari iby’ingenzi ati: 'Ibihembo iyo bije bidutera imbaraga, kandi ikiba cyose ndaza kucyakira kuko nditeguye.”

Bruce Melodie yakomoje ku kuba ingendo amaze iminsi akorera mu bihugu bitandukanye zari iz’akazi, kandi umusaruro zatanze uzajya ahagaragara vuba ati: “Ndishimye bya hatari ko mwabonye ko nabikoze, kandi nshimire abantoye. Harahiye byagenze neza n'ubwo byafata igihe ariko ibikorwa birahari.” 

Abafite amazina azwi bitabiye itangwa ry’ibi bihembo barimo Killa Man, Aissa Cyiza, Kalex, Yvan, Muyoboke Alex, Jojo Breezy, Chryso Ndasingwa, King Pazzo, Arstide Gahonzire, Coach Gael, Junior Rumaga, Japhet Mpazimaka, Manager wa Kenny Sol.

Hari kandi na Linda Priya, Zaba Missedcall, Murindahabi Irene, Bamenya, Aisha, Bahati, Kigali Boss Babes n’abandi banyuranye bose bari bambaye neza.Umuyobozi wa Park Inn, Umuyobozi wa Forzza, Umunyamabanga wa Leta muri Minisiteri y’urubyiruko n’Umuyobozi wa Isibo TVIsrael Mbonyi asuhuzanya na Phil PeterCoach Gael yari yabucyereye mu birori bya The Choice AwardsDJ Briane watowe cyane mu cyiciro cy’amatora kuri murandasi yashimiye abamutoye Umwe mu nkumi zibarizwa muri Kigali Protocal bari kwakira abitabiyeAbana bato nabo ntibacikanwe, uyu yari yambaye umupira wanditseho Yves SoundRwiyemezamirimo akanaba n’umunyamakuru Emmalito yari yabucyereyeMiss Muyango na Emmalito mu ifoto y’urwibutsoAissa Cyiza na Umuhire Rebecca, abanyamakuru ba Royal FMPhil Peter na Miss Muyango nibo bayoboye itangwa ry’ibihembo bya The Choice Awards 2022Abantu bari baje bambaye neza

Kigali Protocal niyo yakiriye abitabiye boseUmunyamakuru Janvier Iyamuremye n’umukinnyi wa filimi Killa Man

Umwe mu babyinnyi bakomeje kuzamuka nezaUmubyinnyi Jojo Breezy umaze kubaka izina mu kubyinaJojo Breezy yaje aherekejwe n’abagenzi be barimo General Benda

Abajyanama b’abahanzi Muyoboke Alex na Leandre ubifatanya n’umwuga w’itangazamakuruUmujyanama w’abahanzi Artside Gahonzire na we ari mu bitabiye

Uko shampiyona y’u mupira w’amaguru mu Rwanda ikomeza gukinwa ni na ko n’izo mu bindi bihugu ziri gukinwa. Nk’uko bisanzwe InyaRwanda.com buri wa mbere tubagezeho uko abakinnyi b’abanyarwanda bakina hanze bitwaye mu mpera z’icyumweru no mu cyumweru gishize muri rusange.

Duhereye ku mukinnyi ukina mu kibuga hagati mu ikipe y’igihugu, Amavubi, Mukunzi Yannick ikipe ye ya Sandviken IF yo muri Sweden, yatsinze ibitego 3-1 Umea muri shampiyona kuwa 6. Uyu mukinnyi yabanje mu kibuga, gusa ntabwo yarangije umukino kuko yaje gusimburwa. 

Undi mukinnyi ukinana na Yannick Mukunzi, Byiringiro Lague ntabwo yigeze ajya mu kibuga kuri uyu mukino ndetse nta nubwo yari ari mu basimbura gusa kuwa 3 muri kiriya cyumweru dusoje. 

Yari yakinnye umukino k Sandviken IF yatsinzemo Forsbacka IF ibitego 7-1. Muri ibi bitego harimo igitego cye yatsinze ndetse kikaba icya mbere atsinze kuva yahagera.

Kuri myugariro Imanishimwe Emmanuel ntabwo byagenze neza cyane, ku munsi w’ejo ikipe ye ya FAR Rabat yo muri Moroc yatsinze USM Alger ibitego 3-2 mu mukino wo kwishyura wa 1/4 muri CAF Confederation Cup gusa n’ubundi byarangiye basezerewe. 

Umukino ubanza bari batsinzwe ibitego 2-0 ubwo bahise basezerwa ku kinyuranyo cy’ibitego 4-3. Muri uyu mukino w’ejo Imanishimwe Emmanuel yabanje mu kibuga, gusa yaje gusimburwa ku munota wa 63 yabonye n’ikarita y’umuhondo.

Undi myugariro w’ikipe y’igihugu y’u Rwanda, Mutsinzi Ange ejo yakinnye umukino wose ikipe ye ya Jerv yo muri Norway itsindwa ibitego 2-1 n’ikipe ya Moss. 

Kuri Rubanguka Steve, ikipe ye ya Zimbru ikina icyiciro cya mbere muri Moldova, yatsinzwe na Milsami igitego 1-0, uyu mukinnyi w’umunyarwanda yabanje mu kibuga akina iminota 90 y’umukino.

Ikipe ya Rapfael York yitwa Gefle IF yatsinzwe na Landskrona igitego 1-0 kuwa 6, gusa uyu mukinnyi ukinira Amavubi ntabwo yigeze agaragara kuri uyu mukino kubera ikibazo cy’imvune afite.

Gor Mahia yo muri Kenya ikinamo Emery Bayisenge yo yakinnye kuwa 3 w’icyumweru gishize itsinda ibitego 2-1 Talanta kandi uyu mukinnyi yakinnye uyu mukino.

Ikipe ya Mukunzi Yannick yitwaye neza itsinda ibitego 3-1

Gor Mahia ikinamo Emery Bayisenge nayo yabonye intsinzi gusa yo yakinnye kuwa 3 w’icyumweru gishize

M1 amaze iminsi mu Mujyi wa Kampala mu gihugu cya Uganda, ari naho yahuriye na Joseph Mayanja [Jose Chamelone] bakora iyi ndirimbo.

Iyi ndirimbo bayikoze kuri uyu wa 30 Mata, ari wo munsi bombi bizihirizaho isabukuru y'amavuko. Chameleone agejeje imyaka 44 y'amavuko.

M1 yabwiye InyaRwanda ko bishimishije kuba yizihiza isabukuru y'amavuko ku munsi umwe na Chameleone. Avuga ko ubu bageze kure umushinga w'iyi ndirimbo.

Ati 'Ndi gukorana indirimbo na Jose Chameleone. Ni ukugenda gacye kuko nta 'Audio' ntabwo ndikuyibona, ariko twamaze no gufata amashusho yayo.'

Yavuze ko we na Chameleone banditse iyi ndirimbo bitaye cyane ku gukangurira abantu kwishima. Akomeza ati 'Ni indirimbo twise 'Free' muri macye ivuga ku kwibohora, ukumva umeze neza, ugakora uko icyo ushatse ntakibazo.'

Uyu muhanzi yavuze ko mu minsi ya vuba agaruka muri Kigali, hanyuma agategura uburyo bwo kumenyekanisha iyi ndirimbo.

Ndashaka guhita ngaruka muri Kigali, uba uteganya ko ibintu ukabibona ukabona biratinze ariko ndakomeza kubikurikirana.'

M1 aheruka gushyira hanze indirimbo yise 'Telefone', amashusho yayo yatunganyijwe na Jordan Hoechlin wakoranye n'abarimo Chris Brown, Patoranking, Otile Brown, French Montana n'abandi bakomeye.

Iyi ni indirimbo uyu muhanzi ashyize hanze nyuma y'imyaka ibiri yari amaze atumvikana mu muziki.

Yavuze ko impamvu yari yarahisemo kuba acecetse mu muziki ari ibibazo yagiye ahura nabyo, byatumye aba afashe akaruhuko.

Uyu musore yavuze ko ubu yongeye kwisuganya, ariko akaba asaba abashoramari gushora mu muziki kuko ari ikintu cyunguka iyo cyitaweho.

M1 yaherukaga gukora indirimbo mu 2020, ubwo yakoraga iyo yise ''Do it again''. Ni umuhanzi wibanda ku muziki w'injyana ya Dancehall. 

Yatangiye umuziki mu 2012, akora zimwe mu ndirimbo zitandukanye zirimo izamenyekanye cyane, kuva mu myaka irenga icumi ishize.

Uyu muhanzi yamenyekanye cyane mu ndirimbo zirimo 'Ibihu'', 'Perfect'', 'Iyo foto'', 'Uritonda'', 'Brenda'' ari kumwe na Bruce Melodie, 'Juliana'' yakoranye na Umutare Gaby n'izindi. 

Yanyuze mu maboko y'abakomeye mu gutunganya umuziki mu Rwanda, barimo Pastor P n'abandi.

 

M1 yatangaje ko ari gukorana na Jose Chameleone indirimbo bise 'Free' 

M1 yavuze ko bamaze gufata amashusho y'iyi ndirimbo kandi ishobora gusohoka mu minsi iri imbere

 

M1 yavuze ko bishimishije kuri we kuba yizihiza isabukuru y'amavuko ku itariki imwe na Chameleone 

KANDA HANO UREBE AMASHUSHO Y’INDIRIMBO ‘IBIHU’ Y’UMUHANZI M1 YAMENYEKANYE CYANE

“>

Mu ijoro ryo kuri iki Cyumweru tariki 30 Mata 2023, nibwo kuri Park Inn Hotel habereye umuhango wo gutanga ku nshuro ya gatatu ibi bihembo bigamije gushyigikira no guteza imbere abari mu ngeri zinyuranye z'ubuhanzi mu Rwanda.

Ni ibirori byitabiriwe n'abantu banyuranye, byaranzwe no kubanza kunyura ku itapi itukura (Red Carpet), hanyuma ibihembo bihabwa ababitsindiye.

Bruce Melodie yabimburiye abandi kwakira ibihembo, abicyesha indirimbo ye yise 'Funda Macho'.

Uyu muhanzi yanegukanye igihembo cy'umuhanzi w'umugabo w'umwaka 'Best Male Artist of the year'. Bivuze ko yegukanyemo ibihembo bibiri.

Mu 2021, iki gikombe cyatwaye na Niyo Bosco, ariko mu 2020 cyari cyegukawe n'ubundi na Bruce Melodie.

Akimara kwakira igihembo cy’umuhanzi w’umwaka [Best Male artist of the year] yashimye Isibo TV itegura ibi bihembo ‘yabonye ko twakoze’, anashima cyane ikipe ngari ya 1:55 Am bareberera inyungu ze mu muziki.

Uyu munyamuziki uherutse mu gihugu cya Nigeria, yavuze ko aba bahanzi bari bahataniye iki gikombe bakomeye, kandi harimo babiri [Kenny Sol na Juno Kizigenza] yafashije mu rugendo rwabo rw’umuziki.

Bruce yanavuze ko Chriss Eazy bari bahataniye iki gikombe, ariwe wamugiriye inama yo kureka kurapa ahubwo akaririmba. Anavuga ko Christopher ari umuntu bakoranye igihe kinini.

Ati “Aba bantu ni abahanga, ndabemera sana kandi bari gukora akazi neza kugirango umuziki ugere ku rwego rwiza.”

Gatete uzwi nka Dj Brianne ugezweho muri iki gihe, yongeye kugaragaza ko ahagaze neza mu kuvanga umuziki, yegukana ku nshuro ya gatatu igihembo cya Dj w'umwaka 'Best Dj of the year'. Yacyegukanye mu 2021 no mu 2020.

Mu ijambo rye, Dj Brianne yashimye abamutoye banyuze ku rubuga rwa Noneho.com bakamuhesha amahirwe yo kwegukana iki gikombe ku nshuro ya gatatu, anashima Imana ikimutije umwuka.

Yavuze ko iki gikombe agicyesha gukora cyane, ndetse n’abantu bamuha hafi nka Bruce Melodie na Coach Gael. Brianne yabiteyemo urwenya, avuga mu itora ryo kuri internet yakoreshejemo 10,000 Frw, hanyuma asaba abafana be kumutora.

Yanashimye Isibo Tv abasaba gukomeza gutegura ibi bihembo, avuga ko ibihembo nk’ibi bikwiye gukomeza gutegurwa. Ati “Iri n’itangiriro.” Brianne yanashimye byihariye M. Irene wamuzanye mu kibuga cy’umuziki.

Ibi bihembo byatanzwe hashingiwe ku majwi 60% y'abafana ndetse na 40% y'abari bagize Akanama Nkemurampaka. 

Bruce yegukanye ibikombe bibiri muri The Choice Awards ya 2022 

Bruce yegukanye igikombe cy'indirimbo nziza 'Best Video of the year' abicyesha indirimbo ye yise 'Funga Macho'-Igihembo yagishyikirijwe n’Umuyobozi Mukuru wa InyaRwanda.com, NGIRUWONSANGA Jean Claude 

Bruce Melodie yatwaye igikombe cy'umuhanzi w'umwaka 'Best Male Artist of the year' 

Dj Brianne ni ku nshuro ya gatatu yegukanye igikombe cya Dj w'umwaka 'Best Dj of the year' yacyegukanye mu 2020 ndetse no mu 2021 

Brianne yashimye Murindahabi Irene wamuharuriye inzira yo kwinjira mu muziki 

Umuyobozi wa Isibo Tv Kabanda Jean de Dieu niwe washyikirije igikombe Dj Brianne  

Bruce Melodie ari kumwe n’umunyemari Alvin Smith

Coach Gael yavuze ko n’ubwo ari umujyanama wa Bruce Melodie ariko ‘ndi umufana we cyane’ 

Uhereye ibumoso: Coach Gael, Bruce Melodie ndetse n'Umunyamabanga Uhoraho muri Minisiteri y’Urubyiruko, Busabizwa Parfait 

Busabizwa Parfait asuhuzanya na Bruce Melodie mbere y’uko amushyikiriza igikombe

KANDA HANO UREBE AKARI KU MUTIMA W’ABEGUKANYE IBIHEMBO THE CHOICE AWARDS

“>

Kanda hano urebe amafoto yaranze itangwa ry’ibihembo The Choice Awards

AMAFOTO: Sangwa Julien&Nathanael Ndayishimiye-INYARWANDA.COM