Blog

Impuzamashyirahamwe y’umupira w’amaguru muri Afurika, CAF, yahaye umugisha Stade Mpuzamahanga ya Huye ko yujuje ibisabwa ikaba izakira umukino wa Mozambique n’u Rwanda.

Mu kwezi gushize nibwo CAF yari yamenyesheje u Rwanda kimwe n’andi mashyirahamwe kumenyesha aho azakirira imikino y’umunsi wa 5 wo gushaka ikite y’igikombe cy’Afurika bitarenze tariki ya 25 Mata 2023.

U Rwanda rwaje kwandikira CAF ruyimenyesha ko umukino wa Mozambique w’Umunsi wa Gatanu wo mu Itsinda L ryo gushaka itike y’Igikombe cya Afurika cya 2023 ruzawakirira kuri Stade Huye.

CAF yahise yohereza abagomba kuza kugenzura ngo barebe niba yujuje ibisabwa, kugeza ubu impungenge zari zose benshi bibaza aho uyu mukino uzabera cyane ko n’urutonde CAF iheruka gusohora byagaragaraga ko nta kibuga u Rwanda rufite cyemewe.

Mu itangazo FERWAFA yashyize hanze yavuze ko ubu Stade ya Huye yemewe, ari yo izakira uyu mukino.

Ati “Twishimiye kumenyesha Abanyarwanda ko stade ya Huye yemerewe ikwakira imikino yo guhatanira itike yo kuzakina CAN, nk’uko #CAF imaze kubimenyesha FERWAFA. Ubwo gahunda ni kuri 18/06/2023 i Huye i saa cyenda z’amanywa, twakira Os Mambas”

Uyu mukino uzaba tariki ya 18 Kamena 2023. Kugeza ubu u Rwanda ni urwa nyuma mu itsinda n’amanota 2, Benin na Mozambique zifite 4 mu gihe Senegal yamaze kubona itike ifite 12.

Stade Huye yahawe umugisha

Tina Turner yabonye izuba mu mwaka w'1939 Ugushyingo, hari tariki 26. Yavukiye muri Brownsville, Tennessee, atabaruka ku wa 24 Gicurasi 2023 muri Kusnacht mu Busuwisi.

Uyu muhanzi akomoka ku muryango wa Floyd na Zelma Bullock, ndetse ubwo bamaraga kumwibaruka bamuhaye amazina ya Anna Mae Bullock. 

Tina Turner yavukiye mu muryango utunzwe no kugabana imitungo, ariko byarangiye aje gutandukana nabo ajya kubana na nyirakuru muri Nutbush, Tennessee.

Tina amaze kugira imyaka 16, yaje kujyanwa mu kigo cya St Louis, Missouri aho mu 1956 yaje guhura n'umusore witwaga Lke Turner atangira kuririmba mu itsinda rye ryaririmbaga. 

Ubwo yatangiraga kuririmba, yahereye muri ba bairimbyi baba bari inyuma y'abandi muri Band, ariko bitewe n'impano ikomeye yari afite, mu minsi micye yahise azanwa mu baririmbyi b'imbere muri 'band'.

Mu busanzwe Tina y Anna Mae Bullock, nyuma uko yakomeje gukorana na Lke, yatangiye amwita izina ryanatumye amenyekana bwa mbere nka: Little Anne. Nyuma yaje kurihindura ubwo bajyaga kuririmbira hamwe, ni bwo yamuhinduye izina amwita Tina Turner.

Tina yahise atangira umwuga we hamwe na Lke wari uzwi nka Turners king of 'rehyms', kuko yabonaga ko ari impano ye kandi ayikunze.

Muri 1957 yatangiriye ku izina rya Little anne ari naryo yabanje kumenyekanaho. Nyuma aza no gushyingiranwa na na Lke mu mwaka wa 1962 bakora ubukwe bwanditse amateka.

Ntibyatinze kuko nyuma yo kurushinga baje kwibaruka abana babiri, ndetse biyandikaho n'abandi bana bakuye mu kigo barabarera baba umuryango wagutse cyane.

Urugo rwabo ntabwo rwagumyemo amahoro kuko Tina mu gukomeza umwuga we yaje guhura n'ihohoterwa rikomeye yakorerwaga n'umugabo we Lke, aho yagiriyemo ingaruka zikomeye zo ku mubiri no mu mutwe, ndetse n'ubukungu bwe busubira hasi.

Si ibyo gusa kuko yakorewe ihohoterwa ndengakamere aho yamenwagaho ikawa ishyushe mu maso bikamutera ibisebe, agakubitwa bikabije, izuru rye ryahoraga rikubitwa agahora ava amaraso mu mazuru. 

Mu myaka 20 y'urukundo rwe na Lke byamuteye kumva yakwiyahura kubera agahinda gakabije yatewe n'umugabo we.

Tina yaje gutandukana n'umugabo we basaba gatanya ndetse aza kwandika igitabo mu 2018 yise 'My love story' yasobanuyemo neza ukuntu yahuye n'ihungabana riteye ubwoba aho abyita ko yafatwaga ku ngufu.

Nyuma yo gutandukana n'umugabo we, yagerageje gukora cyane kugira ngo abeho neza, ariko kuko byari impano ye byahise bimuhira yongera kuzamuka.

Yakomeje akora indirimbo zimwe na zimwe zitandukanye zakunzwe n'umubare utari muke harimo nka The best, what's love got to do with it, lets stay together stream windos, Private dancer n'izindi nyinshi cyane.

Tina mu gukora neza yaje kwegukana ibikombe 8 bya 'Grammy Awards' ndetse ahabwa n'amahirwe yo gushyirwa muri 'Rock 'n' roll hall of fame mu 2021' nk'umuhanzi ku giti cye, bisimbura uko mbere yari yarashyizwemo muri 1991 nk'itsinda rye na Lke umugabo we batandukanye.

Tina yaje guhabwa izina ry'Umwamikazi wa Rock 'n' Roll kubera imbaraga yagaragazaga ku rubyiniro iyo yabaga ari gutaramira abamukurikiye. Ijwi yakoreshaga ntiryari risanzwe kuko ryari umwihariko kuri we.

Tina mu mwaka 1980 yaje kubona ibyishimo ku mugabo wamubengustwe w'Umudage Erwin Bac w'umunyemari ushora muri muzika. Muri uwo mwaka batangiye gukundanamo, baje gushyingiranywa mu 2013

Aba bombi bahise bajya kwibera mu Busuwisi, kuva icyo gihe kugeza aho Tina aviriye mu mubiri niho bari bakiba kuko yari yaranahawe ubwenegihugu.

Nyuma yuko basanze Tina afite ikibazo gikomeye cy'impyiko mu mwaka wa 2017, umugabo we yaje kumuha impyiko, gusa ntacyo byatanze kuko nyuma yakomeje kuremba aho baje kumusangamo n'izindi ndwara nyinshi zirimo Kanseri.

Mu rugendo rwa Tina rutoroshye yaje guhura n'ibyago mu mwaka wa 2018, umuhungu we w'imfura aza gupfa yiyahuye . Ibi byamuteye gushengurwa n'agahinda, ndetse nyuma umuhungu yari asigaranye nawe aza gupfa.

Uyu muhanzikazi yabereye icyitegererezo abahanzi benshi nka Beyonce, Kelly Rowland, Ciara n'abandi. Abo bose bakomeje bashimangira ubudahangarwa uyu mugore yagaragaje mu muziki. Basobanura ko yababereye urugero rwiza kandi abigisha byinshi batari bazi.

Tina yavuye mu mubiri kuya 24 Gicurasi 2023 azize uburwayi, bivugwa ko nta muhanzi upfa, ndetse we asigiye amateka abakunzi be, n'ishavu ryo kutazongera kumubona, kandi benshi bamwifuriza gutura aheza kandi akaruhukira mu mahoro.

Yakunzwe mu muziki na benshi ndetse abahanzi benshi bababajwe n’uko batazongera kumubona

Uwahoze ari umugabo we yamutoteje igihe kirekire mbere y’uko batandukana, ariko yatumye amenyekana mu muziki

Umwanditsi: Patience Muhoza

Umuziki nyarwanda wungutse itsinda rishya ry'impanga z'abakobwa bafite impano ikomeye yo kuramya no guhimbaza Imana. Yvette na Yvonne biyise 'Two sisters' batangiriye ku ndirimbo bise 'Amen' bakoranye na Tresor Zebedayo.

Mu kiganiro na InyaRwanda Yvette na Yvonne bavuze ko batangiye kwiyumvano impano y'umuziki bakiri bato cyane kuko bakuze baririmba muri korari nk'abandi bahanzi ariko kubera ko gukurira mu muryango ukunda Imana byatumye bakunda cyane umuziki wo kuramya no guhimbaza.

InyaRwanda: Mwatangiye kwiyumvamo impano y’umuziki ryari?
Yvette na Yvonne: Twatangiye kwiyumvano impano yo kuririmba, tukiri bato cyane kuko twakuriye muri korari bituma dukunda kuririmba cyane'

InyaRwanda: Mufite imyaka ingahe?
Yvette na Yvonne: Dufite imyaka 22 y'amavuko

InyaRwanda: Ni ryari mwafashe umwanzuro wo gukora nk’itsinda?
Yvette na Yvonne: Twatangiye gukora nk'itsinda mu kwezi kwa Mbere [Mutarama] 2022

InyaRwanda: Mufatanya umuziki no kwiga gute?
Yvette na Yvonne: Mu minsi yo kwiga turiga, ubundi muri weekend tugatekereza ku muziki n'uburyo wakorwa

InyaRwanda: Ni iyihe ntumbero mufite mu muziki?
Yvette na Yvonne: Intumbero dufite niyo gukomeza tukamamaza ubutumwa bwiza bugakwirakwira ku isi hose

InyaRwanda: Ni inde mufatiraho ikitegererezo?
Yvette na Yvonne: Tugendeye kuri Bibiliya dufatira urugero kuri dawidi, yararirimba agacurangira Imana imyuka mibi igahunga

InyaRwanda: Umuryango wabyakiriye ute mugiye gutangira kuririmba?
Yvette na Yvonne: Umuryango wacu wabyakiriye neza cyane, kuko n'ubusanzwe nabo barakijijwe bakunda Imana no kuyikorera

InyaRwanda: Ubushobozi mubukura he?
Yvette na Yvonne: Ubushobozi buva mu muryango n'inshuti

Yvette na Yvonne ni itsinda ry'impanga rishya mu muziki wo kuramya no guhimbaza Imana

Yvette na Yvonne nubwo batangiye umuziki mu buryo bweruye basanzwe ari abanyeshuri muri kaminuza  

Kanda hano urebe indirimb ‘Amen’ y’itsinda rya Yvette na Yvonne bakoranye na Tresor Zebedayo

Nyuma yo kwitabira igitaramo cyo kumurika umuzingo wa Gatandatu wa Mani Martin yise Nomade, Pastor P yagize icyo avuga. Ati: 'Umuziki w'u Rwanda uhagaze neza ku isi ariko wicaye ku ntebe y'abandi. Tugerageza kuwurira ku muziki w'abandi nka Nigeria ariko twe dukeneye gukora ibyacu'.

Pastor P yashimiye imyandikire ya Mani Martin. Yavuze ko Mani Martin afite imyandikire yihariye. Ati: 'Mani Martin ntabwo ari nk'abandi bahanzi baza muri studio bakahandikira indirimbo kuko we ategura inyandiko ze '.

Pastor P uri ufite umuzingo uriho umwimerere w'umuziki nyarwanda yazengurutse igihugu cyose yumva umwihariko w'imiririmbire yaho. Yanakebuye abahanzi bakora umuziki bashaka amaramuko ko baba bari guhemukira abana babo kuko batazabona ikibatunga. 

Ati:'Iyo ukoze umuziki ushaka amaramuko urahaga, ariko ntibiramba. Nyamara ubikoze neza abana bawe nibo bahaga'. 

Mani Martin yamuritse umuzingo wa Gatandatu ikaba igura ibihumbi 100 Frws.

Reba hano ikiganiro twagiranye na Pastor P

Munyantwali Alphonse uheruka kugirwa perezida wa Police FC bikanavugwa ko azanywe no kuyobora FERWAFA, we na Gacinya Denis wigeze kuyobora Rayon Sports bamaze gutanga kandidatire yo kujya muri Komite Nyobozi ya FERWAFA mu matora azaba mu kwezi gutaha.

Uyu munsi nibwo gutanga kandidatire mu matora ya Komite Nyobozi y’Ishyirahamwe ry’Umupira w’Amaguru mu Rwanda byarangiye, ni mu gihe byari byatangiye ku wa 22 Gicurasi 2023.

Uyu munsi kandi nibwo Munyankindi Alphonse wagizwe perezida wa Police FC tariki ya 28 Mata 2023, yatanze Kandidatire ye ku mwanya wo kuyobora FERWAFA.

Uyu mugabo wabaye Guverineri w’Intara y’Amafepfo akaba ari na we uhabwa amahirwe yo kuyobora FERWAFA mu gihe cy’imyaka 2 iri imbere.

Undi watanze Kandidatire ni Gacinya Chance Denis wigeze kuba perezida wa Rayon Sports, akaba yiyamamariza kuva visi perezida wa FERWAFA.

Nyuma yo gutanga kandidatire biteganyijwe ko tariki ya 29 kugeza 30 Gicurasi 2023, ni umwanya wo kuzuza dosiye y’abakandida nk’uko bisabwa na Komisiyo y’Amatora mu gihe kuva tariki ya 31 Gicurasi kugeza ku ya 6 Kamena 2023, ari umwanya wo gusuzuma kandidatire zakiriwe.

Ku wa 6 Kamena 2023, ni ugutangaza abakandida bujuje ibisabwa, ni mu gihe bukeye bwaho tariki ya 7 Kamena ari ugutanga ubujurire muri komisiyo y’amatora y’ubujurire.

Tariki ya 9 kugeza 12 Kamena 2023 ni ugusuzuma ubujurire bwakiriwe, ni mu gihe ku wa 13 Kamena ari ugutangaza ibyemezo bya kamisiyo y’amatora y’ubujurire.

Mu kiganiro n’itangazamakuru kizaba tariki ya 14 Kamena 2023, nibwo hazatangazwa urutonde ndakunda rw’abakandida bemerewe gupiganira kujya muri Komite Nyobozi ya FERWAFA.

Ku wa 15 — 23 Kamena 2023 ni ukwiyamamaza ku bakandida, mu gihe ku wa 24 Kamena 2023 ari bwo hazaba amatora.

Munyantwali Alphonse arahabwa amahirwe yo kuyobora FERWAFA

Gacinya ashobora kuzaba ari we umwungirije

Mu ijoro ryo kuri uyu wa Gatanu tariki 26 Gicurasi, umuhanzi Mani Martin yamuritse alubumu ya gatandatu yise 'Nomade' igizwe n'indirimbo umunani, mu gitaramo cyitabiriwe n'abanyamahanga benshi.

Ni igitaramo cyabereye kuri Institus Francais, ikigo cy'abafaransa gisanzwe gishyigikira impano zitandukanye z'abahanzi nyarwanda gihuruza ibyamamare bitandukanye, abanyamahanga benshi, ikirenze ibyo urubyiruko ni rwo rwa rwiganje.

Injira mu gitaramo cya Mani Martin

Mu masaha ya saa moya n'igice z'ijoro nibwo umurishyo wa mbere wavugijwe, abari bakoraniye muri iki kigo batangira kwizihirwa mbere gato y'uko Mani Martin n'abasore bamufashaga batangira kuririmba. Kuva saa moya na mirongo itanu uyu mugabo yahagurukije abari bitabiriye iki gitaramo, abinyujije mu ndirimbo yaririmbaga mu buryo bwa 'Live'

Saa mbili zuzuye , ibyamamare bitandukanye birimo umuhanzikazi Alyn Sano, Afrique, Phil Peter, Muyoboke Alex n'abandi nibwo binjiraga mu gitaramo baje basangamo abanda barimo Ruti Joel, Sandrine Isheja Butera, Andy Bumuntu na Ambasaderi wa Israel mu Rwanda bwana Rom Adam.

Kuva saa mbili n'iminota 20 [20:20 PM], igitaramo cyahinduye isura, nyuma yaho Mani Martin yari atangiye kuvangamo indirimbo zamuzamuriye izina mu muziki nyarwanda zirimo 'Akagezi ka Mushoroza' n'izindi, abafana bazakirana yombi.

Umuhanzi Ruti Joel kwifata byanze arahaguruka atangira gusirimba abyina zimwe muri izi ndirimbo zakunzwe na benshi mu bakurira umuziki nyarwanda. Nyuma umuraperi Fox Makari usanzwe yandikira abahanzi batandukanye, yasusurukije abantu mu njyana ya rap iri 'Live'.

Saa tatu n'iminota mirongo ine [21:40 PM], Mani Martin nibwo yari asoje kumurika alubumu 'Nomade' yari amaze imyaka itatu ategura igizwe n'indirimbo umunani arizo, 'Nomade', 'Babiri', 'Ingirakamaro', 'Lucifer', 'Paris', 'Nyambutsa' yakoranye na Bill Ruzima 'Sibira' yakoranye na Soul Bands wo muri Guinea Conakry, 'Wihogora' ya Inono Stars yasubiyemo.

Igisobanuro cya alubumu 'Nomade'

Izina 'Nomade' Martin avuga ko bisobanuye abantu batagira ubuturo, bagenda bimuka bava hamwe bajya ahandi bashakisha ubwatsi butoshye bw'inka cyangwa andi matungo bafite. Bagatura aho nyuma bakazakomeza n'ahandi. Martin avuga ko iyo mibereho ariyo yaranze sosiyete za kera ndetse ko n'ubu ariko abantu babayeho.

Ati 'Nomade bivuga abantu batagira ubuturo, bava hamwe bajya ahandi bashakisha ahari ubwatsi bwiza bw'inka cyangwa andi matungo bafite, bakarara aho. Ha mbere iterambere ritaraza niko abantu babagaho ndetse n'ubu niko tubayeho kuko tugende twimuka dushaka aho bimeze neza kurusha ahandi'

Yakomeje agira ati' Iki gisobanuro kandi gihura n'ubwana bwanjye, kuko nabayeho ubuzima bumeze gutyo kubera ko nari mfite impano yo kuririmba. Abantu bantwaraga hirya no hino mu nsengero ndirimba, kuri iyo myaka 11 nazengurutse u Rwanda ndirimba'

Martin aganira na InyaRwanda yavuze ko indirimbo 'Ingirakamaro' ariyo ndirimbo yamukoze cyane ku marangamutima kuko igaruka ku buzima bwa nyabwo yanyuzemo akiri muto bwo kubura umubyeyi. 

Ati 'Yarangoye cyane, nayiririmbye nyitura abantu nabuze ntabashije kubabwira ko mbakunda. Kuko nabuze umubyeyi [Mama] nkiri muto cyane. Kandi niwe muntu wenyine mu muryango wanjye wishimiraga kumbona ndirimba.'

Mani Martin kandi yahishuye ko amaze imyaka 23 aririmba kuko mu mwaka wa 2000 aribwo bwa mbere yagiye muri Studio kuririmba, ibyo bikamugira umwe mu bahanzi nyarwanda barambye mu muziki. 

Mu 2008 nibwo Mani Martin yashyize hanze alubumu ya mbere yiswe 'Isaha ya Cyenda', 2010 amurika 'Icyo Dupfana', 2011 ashyira hanze 'Intera y'Amahoro', 2012 asohora alubumu ' My Destiny', 2017 asohora 'Afro' na 'Nomade' ya 2023.

Ku mubano wihariye ukomeje kugaragara hagati ye n'umuhanzikazi Alyn Sano, Martin avuga ko ari inshuti z'akadasohoka kandi ko ari umwe mu bantu bashishikarije uno ukobwa gutangira gukora ibihangano bye ku giti cye.

Yagize ati' Alyn Sano ni inshuti ikomeye cyane kuri njyewe, navuga ko ndi umwe mu bantu batangiye kumwegera bakamubwira ko ashobora gukora imiziki ku giti cye akiririmba muri hoteli ' Martin yakomeje avuga ko bakoranye indirimbo iri hafi gusohoka yakozwe na The Major wo muri Symphony Band.

Uyu mugabo yasoje avuga ko nyuma y'iki gitaramo yo kumurika alubumu igura ibihumbi 100, ari gutegura iserukiramuco ryiswe 'Fusion Art Festival' ashobora gukora muri uyu mwaka wa 2023, rizaba rigizwe n'ubuhanzi bw'indirimbo, imideri n'ibindi.

Mani Martin yamuritse alubumu ya gatandatu yiswe 'Nomade' mu gitaramo cyitabiriwe n'abanyamahanga benshi 

Umunyamakuru Phil Peter ukorera ISIBO TV, yari mu babukereye bitabiriye igitaramo cya Mani Martin yamurikiyemo alubumu ya gatandatu

Umuhanzi w'umunyamakuru Andy Bumuntu niwe wa mbere waguze alubumu yari ihagaze ibihumbi 100 Frw

Umunyamakuru Sandrine Isheja Butera wa Kiss FM yizihiwe cyane mu gitaramo cya Mani Martin

Ambasaderi wa Israel mu Rwanda, Rom Adam ni umwe mu baje gushyigikira Mani Martin yamurikiyemo alubumu nshya 'Nomade'

Muyoboke Alex uzwi mu kazi ko kureberera inyungu z'abahanzi yarize ubwo Mani Martin yari ari kuririmba zimwe mu ndirimbo zigize alubumu nshya 

Umuhanzikazi Alyn Sano usanzwe ari inshuti ya Mani Martin ari mu bahanzi bari babukereye muri iki gitaramo cyabereye kuri Institus Francais

Reba Ikiganiro kirambuye InyaRwanda yagiranye na Mani Martinubwo yamurikaga alubumu nshya

“>

TECNO, ikirango cy'ikoranabuhanga rigezweho gifite ibikorwa mu masoko arenga 70 ku isi yose, yashyize ahagaragara ibikorwa byayo bishya by'uruhererekane rwa CAMON 20, igaragaza amashusho mu buryo butangaje ikaba ifite n'ubunararibonye bwo gufotora nijoro hamwe na n'uburyo bwiza bwa CAMON PUZZLE. 

“5000 Times/s Sensor-Shift OIS Anti-shaking technology” ya TECNO CAMON 20 Premier 5G hamwe na “50MP RGBW Ultra-Sensitive sensor”, bituma igikoresho kigira imikoreshereze ya SLR camera, itanga amashusho agaragara neza. 

Kamera yayo ya 108MP Ultra Definition itanga amashusho meza cyane mu gufotora no gufata amashusho. Uruhurirane rwa TECNO CAMON 20 rukubiyemo: CAMON 20 Premier 5G, CAMON 20 Pro na CAMON 20.

“TECNO CAMON 20 ihuza ikoranabuhanga rigezweho hamwe n'uburyo bugezweho bwa mu buryo bumwe butangaje, bukora neza. Kandi muri TECNO Rwanda, twishimiye gutangaza Bruce Melodie nka Ambasaderi wa TECNO CAMON20', Alex LIU ushinzwe ibikorwa byo kwamamaza. 

Yagize ati: “Ibihe byinshi by'inzenzi mu buzima bikenera amafoto. Gufata amashusho hamwe na videwo mu buryo buteye imbere kwa TECNO CAMON 20, bifasha abayikoresha gufata ibyo bihe byabo bidasanzwe neza mu buryo bwimbitse, mu gihe imigaragarire yayo myiza, imikoreshereze yayo inoze byuzuza ubunararibonye bw'uyikoresha.

Bruce’s kv

PHANTOM V Fold 120Hz ifite ecran 2 zidasanzwe hamwe na sisitemu ikomeye yo gufotora 5-lens yo kugereranya ibintu bitagereranywa.

PHANTOM, uyumunsi nayo yashyize ahagaragara Smartphone nshya yamamaye, PHANTOM V Fold, iranga kwinjira kw'ibicuruzwa byayo mu masoko acuruza ibikoresho nk'ibi. Iyi terefone itanga ubunararibonye ku mashusho binyuze mu bunini bwa ecran ebyiri na sisitemu yo gufotora yitwa 'ultra-clear 5-lens,' yo gukora amashusho ntagereranywa. PHANTOM V Fold izanye udushya tugezweho kuko ikomeje guhindura ubunararibonye bwa terefone nziza hifashishijwe ikoranabuhanga ridasanzwe n'imikorere idasanzwe.

Ubufatanye bwa TECNO na MTN

Desire Ruhinguka, umuyobozi mukuru n'umuguzi yatangaje ko MTN izafatanya na TECNO mu guha abakiriya bagura terefone GB 15 za MTN. Byongeye kandi, abaguzi bari guhitamo gukoresha gahunda ya Macye Macye, ibafasha kwishyura terefone mu byiciro bito.

Ubufatanye bwa TECNO na Radisson Blu Hotel Kigali

Ankur Tripathi, umuyobozi ushinzwe ibikorwa ni we watangije ubu bufatanye ku mugaragaro. Radisson Blu Hotel izatanga umurongo ku bakiriya bose ba TECNO Mobile kugira ngo biyandikishe muri gahunda yacu yo gutanga ibihembo, ibaha kugabanyirizwa serivisi kuri hoteri yacu. 

Byongeye kandi, Radisson Blu Hotel itanga 20% y'igabanyirizwa rya serivisi zacu zose muri hoteri mu gihe cy'ubufatanye, ishishikariza abashyitsi benshi gusura hoteri yacu kuva 1 kamena kugeza 30 Nzeri.

Ankur Tripathi, umuyobozi ushinzwe ibikorwa bya Radisson Blu Hotel atangiza ubufatanye na Tecno Mobile Rwanda ku mugaragaro

Ibiciro bya TECNO CAMON20 na PHANTON

CAMON 20 iraboneka ku mafaranga 232.900, CAMON 20 Pro ku mafaranga 263.900, CAMON 20 Premier ku mafaranga 469.000, na PHANTOM V Fold 5G ku mafaranga 1.079.000. 

Usibye ibyo, kuva ku ya 26 Gicurasi kugeza ku ya 26 Kamena, uzagura CAMON20 azaba afite inyungu yo kugabanirizwaho amafaranga 10,000, uzagura CAMON20 Pro azahabwa ecouteurs zo mu ijosi ku buntu;

Uzagura CAMON20 Premier 5G azabona Speaker ya Bluetooth ku buntu, naho uzagura PHANTOM V Fold 5G, 15 ba mbere bazabona urwembe rwoza amenyo naho 4 ba mbere bazahabwa amafaranga 40.000 yo kurya muri Radisson Blu Hotel. Izi terefone ziraboneka ku maduka ya TECNO Mobile Rwanda aherereye mu gihugu cyose.

TECNO ni ikirango cy’ikoranabuhanga gishya gifite ibikorwa mu bihugu n’uturere birenga 70 ku migabane itanu. Kuva yatangizwa, TECNO yagiye ihindura ubunararibonye bw'ikoranabuhanga ku masoko manini ku isi, ntiyahwema guharanira guhuza igishushanyo mbonera cya none, n'ikoranabuhanga rigezweho. 

Uyu munsi, TECNO yateye imbere, irazwi kandi iryoboye mu masoko yayo, itanga udushya tugezweho binyuze mu buryo butandukanye bwa terefone zigendanwa, imyenda ishobora kwambarwa, mudasobwa zigendanwa na tableti, sisitemu y’imikorere ya hios n’ibicuruzwa byo mu rugo bikoranye ubwenge. 

Iyobowe n'ikirangantego cyayo yise 'Stop At Nothing', TECNO yiyemeje gufungura ikoranabuhanga ryiza kandi rishya ku bantu bafite icyerekezo. Mu gukora ibicuruzwa byiza, byubwenge, TECNO ishishikariza abakiriya ku isi yose kutazigera bareka gukurikirana ibyiza byabo hamwe n'igihe kizaza cyiza.

Ku bindi bisobanuro, sura urubuga rwemewe rwa TECNO: www.tecno-mobile.com

REBA AYA MASHUSHO UMENYE BYINSHI KURI IZI TELEFONE NSHYA ZA TECNO

Umwanditsi: Brenda MIZERO