Webrwanda Backend

Blog

  • Ibiciro byo kwinjira ku mukino w’Amavubi na Mozambique byamenyekanye #rwanda #RwOT

    Amatike yo ku mukino ugomba guhuza u Rwanda na Mozambique mu gushaka itike y’igikombe cy’Afurika cya 2023, yatangiye kugurishwa.

    Ni umukino w’umunsi wa 5 w’itsinda L aho u Rwanda ruri kumwe na Senegal, Mozambique ndetse na Benin.

    Uzaba ku wa Gatandatu w’icyumweru gitaha tariki ya 18 Kamena 2023 ukaba uzabera kuri Stade Mpuzamahanga ya Huye.

    Ibiciro byo kuri uyu mukino mukino bikaba byamaze gutangazwa ndetse n’amatike akaba yatangiye kugurishawa.

    Ni amatike ari mu byiciro 3 aho mu myanya y’icyubahiro ari ibihumbi 10, ahatwikiriye ni ibihumbi 5 ni mu gihe ahasigaye ari igihumbi.

    Amavubi akaba yarinjiye mu mwiherero ku munsi w’ejo aho yabanje kuwukorera i Kigali yitoreza kuri Kigali Pele Stadium ni mu gihe tariki ya 14 Kamena ari bwo izajya mu Mujyi wa Huye.

    Ibiciro by’umukino wa Mozambique yamaze kugera ku isoko

    Source : http://isimbi.rw/siporo/article/ibiciro-byo-kwinjira-ku-mukino-w-amavubi-na-mozambique-byamenyekanye

  • Karim Benzema yakiriwe nk’Umwami muri Al Itti… – #rwanda #RwOT

    Kuri sitade ya Al Ittihad, King Abdullah Sports City Stadium, byari ibirori ubwo ku munsi w’ejo mu masaha ya nimugoroba Karim Benzema yerekanwaga nk’umukinnyi mushya wa Al Ittihad.  Ni umuhango witabiriwe n’abafana benshi cyane b’iyi kipe dore ko bageraga ku bihumbi 60.

    Byatangiye uyu mukinnyi ari ahantu hihishe mu mwijima atagaragara, nyuma baza kwatsa amatara aragaragara. Yari yambaye imyambaro ya Al Ittihad ifite nimero 9 mu mugongo. 

    Abafana bahise batangira guturitsa ibishashi by’imiriro mu kirere ndetse yari yateguriwe n’abana imbere bambaye imyambaro isa, ahita abunyuramo abasuhuza.

    Karim Benzema kandi yeretse abafana b’ikipe agiye gukinira Ballon d’Or aheruka kwegukana mu mwaka ushize agikina muri Real Madrid.

    Karim Benzema yatunguranye yerekana na  Ballon d’Or ye

    Uyu mukinnyi w’imyaka 35 yafashe umwanzuro wo kujya gukina muri Saudi Arabia nyuma y’uko amasezerano ye muri Real Madrid yari yararangiye bakemeranya kongera undi mwaka umwe ariko mu gihe batarabikora ahita ahabwa akayabo k’amafaranga na Al Ittihad ngo ajye kuyikinira.

    Karim Benzema yasinye amasezerano y’imyaka 3 aho azajya ahabwa miliyoni 342 z’amayero ku mwaka ndetse yewe ngo azahabwa ibindi bifurumba by’amafaranga mu kwamamaza Saudi Arabia kugira ngo izakire igikombe cy’Isi cya 2030.

    Mu myaka 14 yamaze muri Real Madrid yatwaye ibikombe 4 bya shampiyona ya Espagne, ibikombe 5 bya Champions League ndetse n’ibikombe 3 bya Copa del Rey. Benzema kandi yatsinze ibitego 354, atanga imipira 165 yavuyemo ibitego mu mikino 648 yakinnye muri Real Madrid.

    Karim Benzema yakiriwe nk’umwami 

    Abafana bagera ku bihumbi 60 nibo bari baje guha ikaze Karim Benzema

    Benzema yasinye amasezerano azamugeza muri 2026 akina muri Al Ittihad

    Source : https://inyarwanda.com/inkuru/130354/karim-benzema-yakiriwe-nkumwami-muri-al-ittihad-ballon-dor-iratungurana-amafoto-130354.html

  • Abahanzi nyafurika ntibatanzwe! Urutonde rwa… – #rwanda #RwOT

    Abahatanira ibihembo bya BET Awards uyu mwaka bamenyekanye mu ijoro ryakeye.

    Drake azerekeza mu birori ari we urimo guhatana mu byiciro byinshi. Uyu muraperi azaba arimo guhatana mu byiciro birindwi, birimo: Best Male Hip-Hop Artist, Best Male R&B/ Pop Artist, Best Group ari kumwe na 21 Savage, and Album of the Year.

    Drake na GloRilla nibo bahatanye mu byiciro byinshi

    GloRilla uzwi cyane muri “Tomorrow 2” ni we mugore urimo guhatana mu byiciro byinshi, kuko izina rye ririmo guhatana mu byiciro bitandatu.

    21 Savage na Lizzo na bo bamugwa mu ntege, kuko bahatana mu byiciro bitanu. Beyoncé, Chris Brown, Ice Spice, SZA, n’umunya-Nigeria Burna Boy, na bo bahatana mu byiciro bine, tutibagiwe n’umuhanzi ukomoka muri Nigeria, Tems, Cardi B, Jack Harlow n’abandi bahatana mu byiciro bitatu.

    Abarimo Burna Boy, Tems, Asake, Wizkid, Ayra Starr bahagarariye Afurika

    Ababonye amahirwe yo guhatana mu byiciro bitandukanye, batowe na BET Voting Academy, igizwe n'itsinda ryubahwa ry'inzobere mu myidagaduro n'abagira uruhare mu bijyanye n'umuziki, itangazamakuru, kwamamaza ibicuruzwa bya digitale, itangazamakuru rya siporo, umubano rusange, n'abandi b'impuguke mu ngeri zitandukanye.

    Ibihembo nyirizina bizatangwa ku Cyumweru, tariki 25 z'uku kwezi.

    Hamenyekanye abahataniye ibihembo bya BET Awards 2023

    Dore urutonde rurambuye rw'abahatana muri BET Awards 2023:

    Album of the Year

    'Anyways, Life's Great' — GloRilla

    'Breezy' — Chris Brown

    'God Did' — DJ Khaled

    'Her Loss' — Drake & 21 Savage

    'Mr. Morale & The Big Steppers'- Kendrick Lamar

    'Renaissance' — Beyoncé

    'SOS' — Sza

    Best Female R&B/Pop Artist

    Ari Lennox

    Beyonce

    Coco Jones

    H.E.R.

    Lizzo

    Sza

    Tems

    Best Male R&B/Pop Artist

    Blxst

    Brent Faiyaz

    Burna Boy

    Chris Brown

    Drake

    The Weeknd

    Usher

    Best Group

    City Girls

    Drake & 21 Savage

    Dvsn

    Flo

    Maverick City Music & Kirk Franklin

    Quavo & Takeoff

    Wanmor

    Best Collaboration

    'Big Energy' (remix) — Latto & Mariah Carey feat. DJ Khaled

    'Boy's A lLar Pt. 2' — Pinkpantheress & Ice Spice

    'Call Me Every Day' — Chris Brown feat. Wizkid

    'Can't Stop Won't Stop'- King Combs feat. Kodak Black

    'Creepin'' — Metro Boomin, The Weeknd & 21 Savage

    'F.N.F. (Let's Go)' — Hitkidd & GloRilla

    'Tomorrow 2' — GloRilla & Cardi B

    'Wait For U' — Future feat. Drake & Tems

    Best Female Hip Hop Artist

    Cardi B

    Coi Leray

    GloRilla

    Ice Spice

    Latto

    Megan Thee Stallion

    Nicki Minaj

    Best Male Hip Hop Artist

    21 Savage

    Drake

    Future

    J. Cole

    Jack Harlow

    Kendrick Lamar

    Lil Baby

    Video of the Year

    'We (Warm Embrace)' — Chris Brown

    '2 Million Up' — Peezy, Jeezy & Real Boston Richey feat. Rob49

    'About Damn Time' — Lizzo

    'Bad Habit' — Steve Lacy

    'First Class' — Jack Harlow

    'Kill Bill' — Sza

    'Tomorrow 2' — GloRilla & Cardi B

    Video Director of the Year

    A$ap Rocky for Awge

    Benny Boom

    Burna Boy

    Cole Bennett

    Dave Free & Kendrick Lamar

    Director X

    Teyana 'Spike Tey' Taylor

    Best New Artist

    Ambré

    Coco Jones

    Doechii

    Flo

    GloRilla

    Ice Spice

    Lola Brooke

    Dr. Bobby Jones Best Gospel/Inspirational Award

    'Bless Me' — Maverick City Music & Kirk Franklin

    'Finished (Live)' — Tamela Mann

    'I've Got Joy' — Cece Winans

    'Kingdom' — Maverick City Music & Kirk Franklin feat. Naomi Raine & Chandler Moore

    'New' — Tye Tribbett

    'One Moment From Glory' — Yolanda Adams

    'The Better Benediction (Pt.2)' — PJ Morton feat. Lisa Knowles-Smith, Le'Andria Johnson, Keke Wyatt, Kierra Sheard & Tasha Cobbs Leonard

    Viewer's Choice Award

    'About Damn Time' — Lizzo

    'Break My Soul' — Beyoncé

    'First Class' — Jack Harlow

    'Jimmy Cooks' — Drake feat. 21 Savage

    'Kill Bill' — Sza

    'Last Last' — Burna Boy

    'Super Freaky Girl' — Nicki Minaj

    'Wait For U' — Future feat. Drake & Tems

    Best International Act

    Aya Nakamura (France)

    Ayra Starr (Nigeria)

    Burna Boy (Nigeria)

    Central Cee (UK)

    Ella Mai (UK)

    K.O (South Africa)

    L7nnon (Brazil)

    Stormzy (UK)

    Tiakola (France)

    Uncle Waffles (Swaziland)

    Viewer's Choice: Best New International Act

    Asake (Nigeria)

    Camidoh (Ghana)

    Flo (UK)

    Libianca (Cameroon)

    Maureen (France)

    MC Ryan SP (Brazil)

    Pabi Cooper (South Africa)

    Raye (UK)

    Werenoi (France)

    BET Her

    'About Damn Time' — Lizzo

    'Boy's A Liar Pt. 2' — Pinkpantheress & Ice Spice

    'Break My Soul' — Beyoncé

    'Her' — Megan Thee Stallion

    'Lift Me Up' from 'Black Panther: Wakanda Forever' — Rihanna & Ludwig Göransson

    'Players' — Coi Leray

    'Special' — Lizzo

    Best Movie

    'Black Panther: Wakanda Forever'

    'Creed 3'

    'Emancipation'

    'Nope'

    'The Woman King'

    'Till'

    'Whitney Houston: I Wanna Dance with Somebody'

    Best Actor

    Amin Joseph

    Brian Tyree Henry

    Damson Idris

    Daniel Kaluuya

    Demetrius 'Lil Meech' Flenory Jr.

    Donald Glover

    Michael B. Jordan

    Best Actress

    Angela Bassett

    Coco Jones

    Janelle James

    Janelle Monáe

    Keke Palmer

    Viola Davis

    Zendaya

    YoungStars Award

    Akira Akbar

    Alaya High

    Demi Singleton

    Genesis Denise

    Marsai Martin

    Thaddeus J. Mixson

    Young Dylan

    Sportswoman of the Year Award

    Alexis Morris

    Allyson Felix

    Angel Reese

    Candace Parker

    Naomi Osaka

    Serena Williams

    Sha'Carri Richardson

    Sportsman of the Year Award

    Aaron Judge

    Bubba Wallace

    Gervonta Davis

    Jalen Hurts

    LeBron James

    Patrick Mahomes

    Stephen Curry

    Source : https://inyarwanda.com/inkuru/130355/abahanzi-nyafurika-ntibatanzwe-urutonde-rwabahataniye-bet-awards-2023-130355.html

  • Ni Umurenge ubumbatiye amashyuza ! Byinshi w… – #rwanda #RwOT

    Uyu Murenge wa Nyamyumba uherereye mu Karere ka Rubavu mu Ntara y'Uburengerazuba utuwe n'abaturage 48,718, batunzwe n'ubucuruzi bwambukiranya imipaka , ubucukuzi bw'amabuye y'agaciro , ubuhinzi ndetse n'uburobyi.

    Benshi mu batuye muri uyu Murenge bakubwira ko ikiribwa cya mbere bakunda ari ubugari n'isambaza bitewe nuko uyu Murenge ukora ku Kiyaga cya Kivu kandi akaba ariho isambaza ndetse n'amafi byose bigemurwa mu Mujyi wa Gisenyi birangurirwa.

    ESE NI IBIHE BINTU BY'INGENZI BIGIRA UMURENGE WA NYAMYUMBA NYABAGENDWA BIGAKURURA N'ABAMUKERARUGENDO?

    Ukigera muri uyu Murenge wa Nyamyumba ikintu cya Mbere ubona ni 'Ikiyaga cya Kivu'.Ku kiyaga cya Kivu harangwa n'amafu ndetse n'ikirere cyiza ibintu bikundwa n'abahaturiye ndetse bigakurura n'abatuye mu Mujyi wa Rubavu , Goma n'ahandi bakaza kuharuhukira mu minsi isoza icyumweru (Week-end).

    Ikindi kintu gikurura abantu batandukanye kandi baturutse ahantu hatandukanye haba mu Rwanda no hanze y'u Rwanda, ni 'Amashyuza'.Amashyuza ni amazi ashyushye aba muri uyu Murenge wa Nyamyumba ndetse ni kimwe mu bizana Abanyamahanga benshi muri uyu Murenge dore ko buri wese ugiye kuyogamo yishyura ku buryo hari abo bitunze.

    Kuri aya mashyuza hagabanyijemo ibice 2 aho hari amashyuza rusange ndetse n'amashyuza yishyurwa n'abakerarugendo kimwe n'abandi basanzwe.

    Muri uyu Murenge wa Nyamyumba niho hantu hari igicumbi cy'amahoteri asurwa n'abantu batandukanye.Ibi bituma uyu Murenge uza imbere mu gukurura ba mukerarugendo nk'uko bigaragazwa n'amaso y'uwageze ndetse na bamwe mu bahakorera.

    Muri uyu Murenge hari Umusozi wa 'Buharara'.Umuntu uri kuri uyu musozi wa Buharara  aba yitegeye ikiyaga cya Kivu cyose ndetse areba n'Umujyi wa Goma.Uyu musozi nawo uri mu birangaza abagenzi n'abakerarugendo bakiyongeza iminsi nk'uko bamwe mu baturage baganiriye na InyaRwanda.com babyemeza.

    Uyu Murenge ufite byinshi birimo na Bralirwa uruganda rwenga inzoga , dore ko ariho rukorera .Usibye ibi byose tuvuze uri mu Mirenge ifite ibikorwa remezo byinshi kandi bifitiye abaturage akamaro nka Gas Methane.

    Umunyamabanga Nshingwabikorwa w'uyu Murenge, Eric Murindangabo  yatangarije InyaRwanda.com ko uyu Murenge ari umwe mu Mirenge yakira ba mukerarugendo benshi kandi baza umunsi ku munsi.Yakomeje avuga ko barimo gukomeza gukora cyane kugira ngo uyu mwaka umubare w'abasura uyu Murenge uziyongere.

    Umuturage witwa Patrick Ntahondi , twasanze mu isoko rya Nyamyumba rirema buri wa Mbere w'icyumweru, yavuze ko bashimira ubuyobozi bw'igihugu cy'u Rwanda ku bw'umutekano ndetse no kuborohereza mu gukora ubucuruzi bwabo.Uyu muturage yagize ati:'Urabona ko uyu Murenge wacu uzamo abazungu benshi , uhereye hano ku mazi ukagera ku mashyuza.Turashimira umuteka dufite , amahoro dufite ndetse n'ibikorwa remezo twegerejwe kandi tuzi neza ko bizakomeza kugenda neza'.

    N'ubwo aba baturage bavuga ibi, bamwe bemeza ko bakurikije uburyo inyubako ziri kuzamurwa muri uyu Murenge, bishobora kuzaba imbogamizi mu minsi iri imbere aho bavuga ko abaturage bashobora kuzabura aho bubaka kubera ko hose hazaba hubatse amahoteri, bakaboneraho gusaba ubuyobozi kuzaba maso kuri iki kibazo.

    Iri terambere twagarutseho riha akazi abantu bose, urubyiruko rukaroba , rugakora mu mahoteri ndetse n'ahandi rwabona bitewe n'amahirwe aharangwa.

    AMAFOTO TWAFASHE TURI MU BWATO MU KIYAGA CYA KIVU  AGARAGAZA UBWIZA BW’UYU MURENGE.




    Umusozi wa Buharara umuntu abonera hakurya.

    Aharikubakwa Icyambu cya Rubavu.

    Iyo uturutse kuri El Classico Beach werekza ku mashyuza utambuka kumato y’abarobyi b’amafi azwi nk’amakipe aroba isambaza.

    Iyo uhagaze hafi y’amashyuza ya 2 ugaterera amaso yakurya witegereza imisozi myiza y’Ibusoro.

    Amashyuza ni nyabagendwa

    Photo: Kwizera Jean de Dieu (2020). Ifoto igaragaraza isoko rya Nyamyumba rirema ku wa Mbere

    Akarwa k’abakobwa kari gasanzwe kagaragara hakurya hariya, karengewe n’ikiyaga cya Kivu gusa abahaturiye bavuga ko nyuma y’amezi 2 bazongera kugasura kagarutse hejuru.

    Source : https://inyarwanda.com/inkuru/130340/ni-umurenge-ubumbatiye-amashyuza-byinshi-wamenya-ku-murenge-wa-nyamyumba-wo-muri-rubavu-am-130340.html

  • Canal Business yashyize igorora abafite amaho… – #rwanda #RwOT

    Nyuma y’amapaki yari asanzwe akoreshwa muri Canal Business, kuri ubu yamaze kwiyongeraho andi makipe 2 ariyo Akwaba na Jambo. Duhereye ku ipaki ya Akwaba, ubu iri kugura 6,000 Frw ugasangaho amashene umunani gusa ntugire n’imwe wihitiramo. Ipaki ya Jambo yo iri kugura 7,000 by’amanyarwanda, ugasangaho amashene 8 ndetse ukanihitiramo andi abiri ushaka.

    Ese ubundi Canal + Business ni iki ikora ite?

    Canal+ Business ni uburyo bushya bugenewe abantu bafite Business zitandukanye kandi zakira abakiriya bakenera kureba televiziyo

    Reka dukoresha urugero. Uri umucuruzi ufite hoteli ahantu runaka wenda i Masaka. Iyo hoteli, ifite ibyumba 100 byose birimo televiziyo. Ubusanzwe kugira ngo abo bantu bose barebe ibiganiro bya Canal +, byasaba ko buri cyumba ukigurira ifatabuguzi ryacyo ryihariye. 

    Gusa iyo ukoranye na Canal + Business, bihita bicyemuka kuko uhabwa ifatabuguzi rimwe, ubundi ugahabwa uburenganzira bw’ikoranabuhanga, butuma buri muntu mu cyumba ashobora kureba umupira, undi akareba Zacu TV, undi akareba amakuru yo muri Tanzania, nta n’umwe ubangamiye undi.

    Mwizerwa Jean Felix usinzwe ibikorwa bya Canal+ Businness, avuga ko niyo bamaze gutanga ibikoresho, buri nyuma y’amezi 3 basura abakiriya babo barebako nta kibazo bahuye nacyo 

    Akarusho nk’iri fatabuguzi, ni uko ushobora kuba wararifashe wenda ufite abakiriya bakomoka mu Bufaransa, ariko ukaba ubonye abandi bakiriya bo muri Kenya, icyo gihe iyo ubonye amasheni waguze batayakunze, birashoboka ko ubwira muri Canal+ bagahita baguha andi abakiriya bashaka kandi ku buntu.

    Tariki 16 Ukwakira 2021, nibwo Canal + yatangije ubu buryo bwa Canal Business aho batangiranye amapaki agera kuri 4 arimo Basic, Essentiel, Prestige, Pack Vip.

    Icyo wamenya kuri aya mapaki, ubu nayo yamaze gushyirwaho igabanyirizwa, aho Besic yari ifite amaheni 8 ndetse n’andi abiri wakitoranyiriza, ubu ayo gutoranya yavuye kuri abiri ajya kuri atatu. 

    Ku ipaki ya Essentiel yaguraga 12,000 Frw, ubu iri kugura 10,500 Frw, ugahabwa amashene 16 ndetse n’andi 5 wakwitoranyiriza. Ku ipaki ya Pack Vip ufite ubufite ubushobozi bwo kureba amashene 99 ndetse ikaba igura 20,000 Frw.



    Canal+ yadabagije abakiriya bayo

    Source : https://inyarwanda.com/inkuru/130361/canal-business-yashyize-igorora-abafite-amahoteli-nibigo-byakira-abantu-benshi-130361.html

  • Ibyo utabwiwe ku mateka ya Rev Dr. Antoine Ru… – #rwanda #RwOT

    Mu mashuri abanza, yize imyaka ibiri mu mwaka umwe (muwa 1 no muwa 2) ahita ajya muwa gatatu kuko yatangiye kujya ku ishuri azi gusoma ariko atazi kwandika.

    Ati: 'Nize umwaka wa mbere n'uwa kabiri mu mwaka umwe njya mu wa gatatu. Ubwo sinzi uwo ntize. Nagiye kwiga nzi gusoma ariko ntazi kwandika, gusoma nari narabyiyigishije nkoresheje igitabo cy'Igifaransa nari naratoraguye, nkajya mbaza abana nti iyi nyuguti yitwa ngwiki bakambwira hanyuma nkaziteranya.'

    Yize amashuri yisumbuye mu iseminari nto ya Zaza aho yakuye impamabumenyi, akomereza muri kaminuza nkuru y'u Rwanda no mu zindi kaminuza zitandukanye, mu Bwongereza no muri Leta Zunze Ubumwe za Amerika. 

    Kugeza ubu, afite impamyabumenyi y'ikirenga mu bijyanye n'imiyoborere (Global Leadership) yakuye muri Fuller Theological Seminary muri Leta Zunze Ubumwe za Amerika ndetse akanagira impamyabumenyi y'ikirenga muri Tewolojiya. 

    Muri kaminuza y'u Rwanda yize indimi, nyuma aza kubona Master’s mu kwigisha icyongereza yakuye muri Kaminuza ya North Wales, mu Bwongereza.

    Pasiteri Antoine Rutayisire, yasobanuye impamvu atabaye padiri kandi yarize mu iseminari, ibyo yise 'imitingito yo mu busore' nk’uko yabitangarije IGIHE.

    Ati: 'Ibyo kutaba Padiri ni impamvu zanjye bwite […] Sinjya mbeshya ngo mvuge ngo ni uko numvaga ubupadiri ntabishaka. Urabizi iyo umuntu afite imyaka 19 ari umuhungu, hari imitingito iba imaze kuba myinshi mu mubiri kandi wareba hanze ukabona inkumi zose zabaye nziza. 

    Ukareba kuzaba ingaragu y'umupadiri, inkumi nziza hariya, imitingito mu mubiri nkumva bitazahura. Rero aho kugira ngo mbe padiri w'umutindi ugenda nkabyara abana ngasambana n'abagore b'abandi, mpitamo kujya aho barongora.'

    Rutayisire avuga ko yakiriye Yesu Kristo nk'umwami n'umukiza w'ubugingo bwe, mu 1983 ahita atangira umurimo w'ivugabutumwa. 

    Kuva mu 1990, yaretse akazi yari afite k'ubwarimu, yinjira mu murimo wo kwigisha ijambo ry'Imana kugeza mu 1994, ubwo habaga Jenoside yakorewe Abatutsi. 

    Nyuma ya Jenoside yakorewe Abatutsi, Rutayisire yayoboye Umuryango w'Ivugabutumwa, AEE, naho muri 2008 yayoboye Paruwasi ya Saint Etienne mu Biryogo ahava ajya kuyobora Paruwasi ya Remera aheruka gusezererwamo mu cyumweru gishize agiye mu kiruhuko cy'izabukuru.

    Akiri mu nshingano, yagiye arangwa n'inyigisho zuzuye ukuri, zisunikira abantu kwegera Imana no kwicisha bugufi, ibyo yakundiwe n'abatari bake.

    Pasiteri Rutayisire yakoze indi mirimo no hanze y'itorero, irimo kuba Komiseri muri komisiyo y'igihugu yari ishinzwe ubumwe n'ubwiyunge, akaba n'umwarimu mu mashuri yisumbuye na kaminuza.

    Pasiteri Antoine Rutayisire ubwo yasezerewe kuba umushumba w'Itorero rya Angilikani Paruwasi ya Remera tariki ya 4 Kamena 2023, asigira inkoni pasiteri Emmanuel Karegesa, yavuze ko nubwo agiye mu kiruhuko cy'izabukuru, azakomeza kubwiriza Ijambo ry'Imana kuko ari wo umuhamagaro we, nk'uko Kigali Today ibitangaza.


    Pasiteri Antoine Rutayisire n’umugore we Pasiteri Kayitesi Peninah, bamaranye imyaka 32 mu rushako.

    Ati: 'Ntabwo umuntu ajya mu kiruhuko cy'izabukuru kubera ko ananiwe ikigomba guhinduka nuko ntazaba nyobora Paruwasi ariko imiromo yose ya Pasiteri nzakomeza kuyikora. 

    Nubwo nsezeye muri Paruwasi nkajya mu muryango wanjye bivuze ko nsezeye ku ntebe y'ubuyobozi, ubu ngiye kuba umukirisitu, ariko nzakomeza imirimo mu itorero, nasezeye ariko ntaho ngiye.'

    Source : https://inyarwanda.com/inkuru/130241/ibyo-utabwiwe-ku-mateka-ya-rev-pastor-dr-antoine-rutayisire-uherutse-kujya-mu-kiruhuko-cyi-130241.html

  • Byose abishyize hanze! Miss Mwiseneza Josiane yavuze ku by’umusore wamwambitse impeta ndetse anahishura ibyari baragizwe ibanga ku rukundo rwa Prance Kid na Elsa – VIDEWO – YEGOB #rwanda #RwOT

    Miss Mwiseneza Josiane wegukanye ikamba rya Miss Popularity muri Miss Rwanda 2019, yatangaje byinshi ku rukundo rwe n'umusore wamwambitse impeta mu myaka yashije gusa bakaza gutandukana uwo musore akishakira undi mugore.

    Ubwo yaganiraga na Irene Murindahabi, Miss Josiane yavuze ko umusore wamwambitse impeta baje gutandukana kubera ko batahuzaga ngo yabonye bitavamo.

    Ndetse kandi yavuze ko urukundo rwa Prance Kid na Miss Rwanda 2017, Iradukunda Elsa we yari aruzi kuva mbere ngo yabimenye ubwo yari muri Miss Rwanda, gusa ku mbuga nkoranyambaga iby'urukundo rwa Prance Kid na Elsa byavuzwe cyane guhera mu mwaka wa 2022 ubwo Elsa yarwaniraga ishyaka Prance Kid wari waranzwe.

    Reba videwo aho hasi:

    Source : https://yegob.rw/byose-abishyize-hanze-miss-mwiseneza-josiane-yavuze-ku-byumusore-wamwambitse-impeta-ndetse-anahishura-ibyari-baragizwe-ibanga-ku-rukundo-rwa-prance-kid-na-elsa-videwo/

  • Ku mugabane w’i Burayi hasigayeyo Ballon d’Or… – #rwanda #RwOT

    Ballon d’Or ni igihembo gihabwa umukinnyi wahize abandi ku Isi kikaba gitangwa buri mwaka. Kugeza ubu umukinnyi ufite iki gihembo inshuro nyinshi ni Lionel Messi wagitwaye inshuro 7 agakurikirwa na Cristiano Ronaldo wacyegukanye inshuro zigera kuri 5.

    Abakinnyi 4 ni bo bonyine bafite Ballon d’Or bagikina, gusa bose bari kugenda bahunga umugabane w’i Burayi kuko umukinnyi umwe niwe uhasigaye gusa. 

    Byatangiye Cristiano Ronaldo ariwe uharurira abandi inzira mu mpera z’umwaka ushize ava muri Manchester United yo mu gihugu cyo mu Bwongereza, yerekeza muri Al Nassr yo muri Saudi Arabia aho ahembwa ibifurumba by’amafaranga. 

    Cristiano Ronaldo yabimburiye abandi bakinnyi bafite Ballon d’Or gusohoka ku mugabane w’i Burayi

    Mu mpera z’icyumweru gishize ni bwo umukinnyi wa kabiri ufite Balloon d’Or nawe byemejwe ko agiye kuva ku mugabane w’iburayi akerekeza muri Saudi Arabia, uwo ni Karim Benzema wafashe umwanzuro wo kuva muri Real Madrid akerekeza muri Al Ittihad aho azajya ahabwa akayabo.

    Ku munsi w’ejo umukinnyi wa 3, Lionel Messi nawe yatangaje ko agiye gukinira Inter Miam yo muri Leta Zunze Ubumwe za Amerika. Ibi bivuze ko mu bakinnyi 4 bagikina batwaye Ballon d’Or, umukinnyi umwe gusa ari we ukina ku mugabane w’iburayi kandi ariho hari hazwiho kugira amakipe afite abakinnyi bakomeye ku Isi. 

    Luka Modric watwaye Ballon d’Or ya 2018 ukina muri Real Madrid, niwe wenyine usigaye ku mugabane w’iburayi. Ibi bikomeje kwerekana ubukaka bw’umupira w’amaguru kuri uyu mugabane buri kugenda buyoyoka.

    Lionel Messi ufite Ballon d’Or nyinshi yamaze kwerekeza muri Leta Zunze Ubumwe za Amerika

    Karim Benzema ufite Ballon d’Or iheruka yamaze kuva ku mugabane w’i Burayi yigira muri Saudi Arabia

    Luka Modric ukina muri Real Madrid ni we mukinnyi wenyine watwaye Ballon d’Or  usigaye ku mugabane w’i Burayi

    Source : https://inyarwanda.com/inkuru/130346/ku-mugabane-wi-burayi-hasigayeyo-ballon-dor-imwe-gusa-130346.html

  • Ibyo utamenye ku buzima bwa Rose Muhando uteg… – #rwanda #RwOT

    Rose Muhando ni umuririmbyi w’icyamamare mu ndirimbo zihimbaza Imana, akaba akomoka mu gihugu cya Tanzania. Yavutse mu mwaka w'1976, avukira mu Mudugudu wa Dumila. Yavutse ari umuhererezi iwabo, avukira mu muryango w’aba Islam. Se umubyara yari Sheikh.

    Yakuze arererwa mu muryango we kandi anakurikiza amahame y’idini rya Islam. Yakundaga kwizera kwe kandi yishimira gukurikiza amategeko y'idini rye. Umuziki we wahinduye benshi bakira agakiza, abandi barahembuka mu buryo bw’Umwuka.

    Gusakugeza mu 1989 yaje kurwara cyane indwara imutera ububabare bukabije bw'umubiri. Ababyeyi be nabo ntibasinziraga. Bagerageje uburyo bwose kugira ngo umwana wabo akire aho baje gushaka n'abaganga gakondo ngo barebe ko hari ubuvuzi bamuha agakira, gusa naho byaje kwanga.

    Igihe kimwe Rose Muhando nyuma y’imyaka Itatu arwaye, ubuvuzi bwaranze, ubwo yari aryamye yaje kumurikirwa n'umucyo uturutse mu Ijuru, abona ukuboko ugufite urumuri imbere yumva ijwi rivuga riti'Ndi Yesu, naragukijije, kuva ubu ugire ubuzima bwiza, uhaguruke kandi unkorere'.

    Iri jwi ryavuze aya magambo inshuro eshatu. Nyuma ubwo Rose Muhando yakangukaga, umubiri we wari wabaye mwiza kandi wakize. Ni ibintu byemezwa n'ababyeyi be nubwo iryo ijwi bataryumvise ariko babonye gukira k'umwana wabo.

    Mu 2022 ubwo yaganiraga n’abanyamakuru i Kigali, yaragize ati “Narwaye hafi umwaka wose sinabasha gukira n'amashuri ndayareka. Ababyeyi banjye baramvuje bacika intege. Umunsi umwe nari ndyamye mu cyumba gikinguye papa na mama bandeba. Nabonye umucyo unyura mu nkingi.

    Uwo mucyo uramanuka kugera aho nari ndi mbona ukuboko nk'ukumuzungu harimo ikintu kirabagirana. Ikiganza kinkora mu mutwe ni naho nari ndwaye hava amazi menshi.

    Ijwi rivuye muri iyo nkingi riravuga riti ndi Yesu ndagukijije byuka unkorere. Iryo naryumvise gatatu. Wa mucyo uragenda kuva ubwo ndakira.'

    Kuva icyo gihe yahise ahinduka umukristo yizera Yesu nk’Umwami n'Umukiza we. Avuga ko nyuma yo kubona Kristo, yabonye icyerekezo kizima kandi gihamye.

    Rose Muhando ntabwo yigeze ashyingirwa ariko yahawe umigisha w'abana batatu. Asobanura ko gushaka bishobora gutuma adakorera Imana neza kubera inshingano nyinshi z’urugo.

    Rose Muhando avuga ko iyo ari mu Rwanda aba ameze nk'uri mu rugo kuko nyina ari ho yavukiye. Ati 'Reka mbabwire abantu b'i Kigali, ibyishimo byanjye ni uko mama yavukiye muri iki gihugu, iyo ndi hano mba numva meze nk'uri mu rugo, ndishimye cyane.'

    Mu kiganiro n'igitangazamakuru cya 'Citizens' muri Tanzaniya mu mwaka w' 2019, Rose Muhando yasangije byinshi ku mateka ye n'urubyaro rwe.

    Yasobanuye ko impano y'imfura ye irimo yiga amategeko muri kaminuza ya Tumaini, umwana wa kabiri Nicholas akaba ari umunyeshuri mu bijyanye n'imari naho Milan uheruka kuvuka yari akiri mu mashuri yisumbuye.

    Rose Muhando bwa mbere agira uruhare rugaragara mu muziki, ni igihe yari umutoza wa korari ahantu hatandukanye. Ariko yagaragaye cyane ari umutoza mu itorero ry' Anglican i Kilimanjaro.

    Mu gihe yari ari kumwe na korari ubwo yari umutoza, yatangiye kwandika indirimbo ze abenshi bakunda ubuhanga zabaga zandikanye, atangira kuzibonaho amafaranga, aza gutangira gusohora umuzingo w'indirimbo we wa mbere ari wo 'Uwe Macho'.

    Mu ntangiriro ya 2000 ubwo yinjiraga byeruye mu muziki, abahanzi b'indirimbo zo kuramya Imana, ntabwo bari bahari icyo gihe, bikaba byaratumye umuziki we wakirwa neza kandi, arakundwa bikomeye.

    Indirimbo ze zakunzwe harimo; Kiatu Kivue, Ni Bebe, Nkaza Mwendo, Wololo, Pendo La Yesu, Nipe Uvumilivu n’izindi. Mu myaka irenga 10 amaze akora mu ruganda rw’umuzika, yakoze alubumu nyinshi zirimo; Uwe Macho, Jipange Sawa Sawa, Utamu wa Yesu, Tazama Mungu Anacheka n’izindi.

    Mu 2005, Muhando yakiriye ibihembo bya muzika bya Tanzaniya harimo kugira indirimbo nziza ya Gospel “Mteule Uwe Macho” hamwe n'umuhanzikazi mwiza w’umwaka. Yaje guhabwa ikindi gikombe mu mwaka wa 2008 cya Groove Awards (irushanwa ryo muri Kenya) cy'umuhanzi mwiza w'ubutumwa bwiza muri Africa.

    Rose Muhando ategerejwe mu Rwanda

    Rose Muhando agiye kuza mu Rwanda mu biterane bikomeye bizabera mu Ntara y’Iburasirazuba. Azasangira uruhimbi na Theo Bosebabireba. Aha hose, kwinjira bizaba ari ubuntu ku bantu bose.

    Igiterane cya mbere kizabera i Rukomo muri Nyagatare tariki 7-9 Nyakanga 2023 kuva saa munani z'amanywa kugeza saa kumi n'ebyiri z'umugoroba. Igiterane cya kabiri kizabera mu Karere ka Bugesera kuwa 14-16 Nyakanga 2023.

    Ni ibiterane by’Ibitangaza n’Umusaruro byateguwe na “A Light to the Nations” iyoborwa ku rwegp rw’Isi na Ev. Dana Morey wo muri Leta Zunze Ubumwe za Amerika ari nawe uzabwiriza muri ibi biterane nk’uko inyaRwanda yabitngarijwe na Pastor Dr. Ian Tumusime, Perezida wa A Light to the Nations Africa Ministries.

    Source : https://inyarwanda.com/inkuru/130308/ibyo-utamenye-ku-buzima-bwa-rose-muhando-utegerejwe-i-nyagatare-ni-bugesera-mu-biterane-bi-130308.html

  • MU MAFOTO: Amavubi yakoze imyitozo ya mbere y… – #rwanda #RwOT

    Mu gitondo cyo kuri uyu wa kane nibwo abakinnyi bahamagawe n’umutoza w’ikipe y’igihugu y’u Rwanda, Amavubi, Carlos Alós Ferrer bakina imbere mu gihugu bageze mu mwiherero. 

    Nyuma yo kuhagera mu masaha ya ni mugoroba bahise bakora imyitozo ya mbere ikaba yabereye ku kibuga cya Kigali Pele Stadium.

    Ishyirahamwe y’umupira w’amaguru mu Rwanda (FERWAFA), ribinyujije ku mbuga nkoranyambaga ryashyize amafoto hanze agaragaza abakinnyi bakora imyitozo ndetse banavuga ko yagenze neza.

    Ni imyitozo itegura umukino wo ku munsi wa 5 mu itsinda L u Rwanda ruherereyemo mu gushaka itike y’igikombe cy’Afurika cya 2023 kizabera muri Cote d’Ivoire mu mwaka utaha. 

    Taliki 18 Kamena 2023 nibwo uyu mukino uteganyijwe kuri sitade mpuzamahanga y’akarere ka Huye, aho Amavubi azaba yesurana na Mozambique.

    Nshuti Innocent afite umupira mu myitozo

    Manzi Thierry na Fitina Ombolenga mu kirere bashaka gushyira umupira ku mutwe

    Ishimwe Pierre mu myitozo ya mbere y’Amavubi itegura umukino wa Mozambique

    Umunyezamu Ntwali Fiacre mu myitozo

    Carlos Alós Ferrer yereka abakinnyi ibyo gukora mu myitozo

    Mugisha Gilbert wa APR FC ku mupira

    Source : https://inyarwanda.com/inkuru/130351/mu-mafoto-amavubi-yakoze-imyitozo-ya-mbere-yitegura-kwesurana-na-mozambique-130351.html