Blog

Ikibazo:
Ni gute wafata umuntu uri mu birometero birenga igihumbi uvuye aho uri?
Igisubizo:
Wamufata kuri telephone.

Source : https://yegob.rw/ni-gute-wafata-umuntu-uri-mu-birometero-birenga-igihumbi-uvuye-aho-uri-igisubizo/

FERWAFA ibonye Perezida mushya mu matora yari urucabana gusa batanu bamuteye umugongo.

Munyantwali Alphonse wari usanzwe uyobora ikipe ya Police Fc yagizwe Perezida mushya wa Ferwafa.

Yabaye Perezida nyuma yo gutorwa ku bw'iganze bw'amajwi 50, akaba kuri uyu mwanya yari umwe gusa.

Abantu batanu nibo bavuze oyo, mu gihe ijwi rimwe ryabaye imfabusa.

Agiye kuyobora FERWAFA imyaka ibiri yari isigaye kuri mandat ya Olivier Mugabo weguye.

Source : https://yegob.rw/batunu-ntibabujije-impala-gucuranga-ferwafa-ibonye-perezida-mushya-mu-matora-yari-urucabana-gusa-batanu-bamuteye-umugongo/

Uyu mugabo yatangaje ibi nyuma y'amasaha make Klemlin [Perezidansi y'u Burusiya] imushinje “kwigumura akoresheje intwaro.”

Umutwe w'abacanshuro wa Wagner umaze igihe ufasha Ingabo z'u Burusiya mu ntambara zimaze umwaka n'amezi atandatu zihanganyemo n'iza Ukraine.

Kuri ubu umwuka hagati y'impande zombi umaze igihe utifashe neza, bijyanye no kuba Prigozhin amaze igihe anenga mu buryo bukomeye ubuyobozi bukuru bw'Ingabo z'u Burusiya.

Ku wa Gatanu uyu mugabo w'imyaka 62 y'amavuko yashinje Igisirikare cy'u Burusiya kuba cyaragabye igitero cya misile ku barwanyi be, ibyatumye arahirira kugihana.

Yavuze ko abacanshuro ba Wagner bamaze kwambuka umupaka uhuza Ukraine n'u Burusiya banyuze mu mujyi wa Rostov-on-Don; ashimangira ko abarwanyi be bazakubita ahababaza buri muntu wese uzabitambika mu nzira.

Abategetsi mu Burusiya ku rundi ruhande bahakana ibyo umukuru w'abacanshuro ba Wagner avuga, bakamusaba guhagarika “ibikorwa bye biciye ukubiri n'amategeko.”

Prigozhin ku rundi ruhande we avuga ko “ubutegetsi bubi bw'igisirikare cy'u Burusiya” bukwiye guhagarikwa, ibyatumye yiyemeza guhanganira ubutabera.

Mu majwi aheruka kunyuza ku rubuga rwa Telegrame yagize ati: “Abatwiciye abantu ndetse n'ibihumbi mirongo by'ingabo z'u Burusiya bazahanwa. Ntihagire uhangana natwe. Uwo ari we wese uzahirahira akabikora azafatwa nk'inzitizi kandi tuzamwangiza. Ni na ko bimeze kuri za bariyeri n'indege zose zizitambika imbere yacu.”

Prigozhin cyakora yavuze ko Perezida Vladimir Putin, Guverinoma, Polisi ndetse n'Ingabo zishinzwe kurinda igihugu bazakomeza gukora uko bisanzwe.

Yasobanuye ko “iyi atari coup d'Etat ya gisirikare, ariko ni urugendo rwo gushaka ubutabera. Ibikorwa byacu kandi ntibyinjirira ingabo mu buryo ubwo ari bwo bwose”.

Hagati aho Perezida Vladimir Putin biciye mu muvugizi we, yatangaje ko ari gukurikirana umunota ku wundi ibiri kuba.

Ibiro Ntaramakuru by'Abarusiya (TASS) byo byatangaje ko kuri ubu umutekano wamaze gukazwa ku hantu h'ingenzi i Moscou, nko ku nyubako za Leta ndetse n'ibiro bishinzwe abinjira n'abasohoka.

Ukraine biciye muri Minisitiri w'Ingabo zayo yatangaje ko irimo ikurikiranira hafi ibiri kubera mu Burusiya, mu gihe Perezidansi ya Amerika na yo yavuze ko iri kubikurikirana ndetse ko iza kuvugana n'incuti za kiriya gihugu.

Umuyobozi wungirije w'Ingabo z'u Burusiya ziri muri Ukraine, Gen Sergei Surovikin, mu butumwa bw'amashusho yasabye Prigozhin guhagarika ibyo arimo agasubiza ingabo ze mu birindiro byazo.

Yunzemo ati: “Twese turi bamwe, turi abarwanyi. Ntushobora gukora ibyo umwanzi ashaka muri iki gihe kitoroshye ku gihugu cyacu.”

Lt Gen Vladimir Alekseyev wo mu ngabo z'u Burusiya we yavuze ko ibirimo gukorwa n'umukuru wa Wagner ari “ugutera inkota mu mugongo w'igihugu n'uw'umukuru w'Igihugu.”

Ibitangazamakuru byo mu Burusiya bivuga ko kuri ubu Urwego rushinzwe umutekano muri kiriya gihugu (FSB) rwatangije iperereza mpanabyaha kuri Prigozhin rushinja “kugumura ingabo no kugerageza guteza intambara y'abanyagihugu (guerre civile) mu Burusiya.”

Minisiteri y'Ingabo z'u Burusiya mu itangazo yasohoye yo yavuze ko ibyo uriya mugabo avuga ko abarwanyi be barashwe n'Ingabo z'u Burusiya ari ibinyoma.

Iyi Minisiteri yasabye abarwanyi ba Wagner kutumva amategeko ya Prigozhin ahubwo bagafata ingamba zo kumuta muri yombi.

Source : https://umuryango.rw/amakuru/mu-mahanga/umutekano/article/umukuru-w-umutwe-w-abarwanyi-ba-wagner-yahize-gukuraho-abayobozi-bakuru-b

Ni ingabo z'u Rwanda na Polisi zoherejwe yo gufasha Mozambique kugarura amahoro mu Ntara ya Cabo Delgado yari yarazengerejwe n'ibyihebe guhera mu mwaka wa 2017.

Ageze yo yakiriwe na Major Gen Eugene Nkubito uyobora inzego z'umutekano z'u Rwanda zikorera muri kiriya gihugu..

Gen Nkubito yamweretse ishusho y'aho ibikorwa byo kurwanya iterabwoba bigeze, ibyarangije gukorwa n'ibindi bateganya kuzakora mu gihe kiri imbere.

General Kabarebe yashimye umurimo inzego z'umutekano z'u Rwanda zakoze kandi zigikomeje gukora muri Mozambique, azisaba kudacika intege.

Muri Nyakanga 2021 ni bwo u Rwanda rwohereje ku nshuro ya mbere ingabo na polisi kurwanya ibyihebe mu Ntara ya Cabo Delgado.

Perezida wa Repubulika, Paul Kagame aherutse gutangaza ko gukemura ibibazo by'umutekano muri iyi ntara bigeze kuri 80%, aho 20% bisigaye na byo bizakemuka.

Source : https://umuryango.rw/amakuru/mu-rwanda/umutekano/article/gen-kabarebe-yasuye-abasirikare-b-u-rwanda-boherejwe-muri-mozambique-ashima

Lt Gen Mupenzi uri mu ruzinduko muri Pologne, we n'itsinda ayoboye bari baherekejwe na Amb. Shyaka Anastase, uhagarariye u Rwanda muri icyo gihugu.

Baganiriye ku mahirwe y'ubufatanye mu by'Ingabo zirwanira mu kirere hagati ya Polonye n'u Rwanda, harimo kandi kubaka ubushobozi no gusangira ubunararibonye.

U Rwanda na Polonye bisanzwe bifitanye umubano mu bijyanye n'umutekano, binyuze mu masezerano yashyizweho umukono tariki 05 Ukuboza 2023.

Aya masezerano yasinywe n'uwahoze ari Minisitiri w'Ingabo, Maj Gen Albert Murasira na Minisitiri w'Ububanyi n'Amahanga wungirije wa Polonye, Pawel Jabłoński wari mu ruzinduko mu Rwanda.

Source : https://umuryango.rw/amakuru/mu-rwanda/politiki/article/lt-gen-jean-jacques-mupenzi-uyobora-ingabo-z-u-rwanda-zirwanira-mu-kirere-ari

Ikipe y'Ingabo z'Igihugu yamaze kubona abayobozi bashya basimbura abarimo Umugaba Mukuru w'Ingabo z'u Rwanda,gusa kugeza ubu ikipe ya APR iracyakomeje kwibikaho ayo makuru kuko bitaratangazwa ku mugaragaro

Mu mwaka w'imikino ushize 2022/2023, hakomeje kuvugwa amakuru y'impinduka mu bayobozi bw'ikipe ya APR FC ariko inkuru yamaze kuba impamo.

N'ubwo kugeza ubu ubuyobozi bw'ikipe y'Ingabo bukiryumyeho, amakuru yamenyekanye avuga ko Lt Colonel Karasira Richard ari we Chairman mushya w'iyi kipe, mu gihe Uwayezu François wahoze ari Umunyamabanga Mukuru wa Ferwafa, yagizwe Chairman wungirije muri iyi kipe.

Source : https://umuryango.rw/imyidagaduro/imikino/article/uzasimbura-lt-general-mubarakh-ku-buyobozi-bwa-apr-yamenyekanye

Guvernoma ya Ethiopia yazamuye ingingo yo kubaka urugomero ku ruzi rwa Nile, yakunze guteza impaka hagati ya Ethiopia, Misiri na Sudani

Minisitiri w'intebe wa Ethiopia yatangaje ko muri uyu mushinga hazakenerwa nibura miliyali 4 na miliyoni 200 z,amadolali kugirango bigerweho.

Yabitangarije mu biganiro byabaye kuri uyu wa Kane i Addis Ababa, aho yashimangiye ko ayo madolali aramutse abonetse umushinga wajya mu bikorwa.

Ni inama yari ibaye ku nshuro ya kane n'ubundi ariko bikavugwa ko ntacyo iri butange kuri uru ruzi rwa Nile nyuma y'uko kuva muri 2011 uyu mushinga watangizwaga wagiye udindira.

Ikindi n'uko ibihugu birimo Misiri na Sudani bihuriye kuri uru rugomero ntagihe bitabwiye Ethiopia kureka kurwubaka, bitewe n'ingaruka ngo babona byagira kuri ibi bihugu.

Mu bindi bihugu byo mu gice cy'amajyepfo ya Nile birebwa n'uyu mushinga nka Uganda, RDC, Sudani y'Epfo na Tanzania, byo byari byohereje abaminisitri bo kuganira kuri iyo ngingo.

Source : https://umuryango.rw/amakuru/mu-mahanga/ubukungu/article/guvernoma-ya-ethiopia-yongeye-kubura-ingingo-y-iyubakwa-ry-urugomero-kuri-nile

Abakunzi b'ikipe ya Rayon Sports bayireberera umunsi ku munsi bakusanyije Milliyoni zirenga 45 zo kugura umukinnyi utaha izamu wakiniye iyi kipe mu minsi ishize akunda cyane n'abakunzi b'umupira w'amaguru benshi hano mu Rwanda.

Mu minsi ishize mu ikipe ya Rayon Sports havuzwe abakinnyi benshi bagiye kugarurwa hano mu Rwanda ndetse no kugura abakinnyi bashya bakomoka hanze y'u Rwanda barimo Bimenyimana Bonfils Caleb, Yousef Rharb ndetse n'abandi benshi bakomeye harimo ukomoka mu gihugu cya Cameroon ndetse n'umugande Ibrahim Orite.

Abakunzi ba Rayon Sports bakunda abakinnyi bakora ibintu bishimishije, bateguye amafaranga menshi cyane yo kugura umukinnyi wakiniye iyi kipe mu minsi ishize Kandi ukomeye. Amakuru YEGOB twamenye ni uko hateguwe Milliyoni zigera kuri 50 zo kugura rutahizamu Yousef Rharb wakunzwe cyane n'abafana b'iyi kipe benshi.

Ibi mu minsi ishize byaravuzwe cyane ariko ntibyashyirwa mu bikorwa ariko kugeza ubu amakuru ahari avuga ko iyi kipe mu cyumweru gitaha kuwa gatatu cyangwa kuwa Kane Yousef Rharb araba yageze hano mu Rwanda aje gusinya amasezerano y'imyaka 2 nyuma yo kwifuzwa cyane n'aba-Rayon benshi.

Yousef Rharb yavuye mu ikipe ya Rayon Sports mu mwaka wa 2022 asubira iwabo mu gihugu cya Marocco nyuma yo kutishimira uko yafashwe muri iyi kipe yari yajemo nk'intizanyo y'ikipe ya Raja Cassablanca ikina shampiyona y'icyiciro cya mbere muri Marocco.

 

Source : https://yegob.rw/abakunzi-bakadasohoka-ba-rayon-sports-bakusanyije-milliyoni-zirenga-45-zo-kugura-umukinnyi-ukomeye-cyane-wakiniye-iyi-kipe/

Umukinnyi w'umupira w'amaguru ukomoka muri Argentina, akaba yaraciye mu makipe atandukanye nka FCB n'izindi, yagize isabukuru y'amavuko.

Uwo ntawundi ni Leo Messi, wavutse taliki 24/6/1987, akaba yujuje imyaka 36.

 

 

Source : https://yegob.rw/isabukuru-nziza-lionel-messi-yujuje-akayabo-kimyaka/

Ibi bihembo byatangiye gutangwa kuva mu 1929, aho abahembwa batoranwa mu byiciro 24 bitandukanye, harimo umukinnyi mwiza, filime yagize amashusho meza, ukora amafilime mwiza n'abandi.

Uyu munsi, tugiye kwibanda kuri filime 10 za mbere zaciye agahigo ko kwegukana ibihembo byinshi bya Oscars (Academy Awards) kugeza ubu, twifashishije urubuga movieweb.com:

1.Titanic – 11 Oscars

Titanic yayobowe, yandikwa, kandi itunganwa na James Cameron. Iyi filime ivuga inkuru y'umugabo n’umugore baba bakiri bato batandukanye mu byiciro by'ubukungu: Leonardo DiCaprio akina ari uwo mu cyiciro cy'abakozi yitwa Jack Dawson naho Kate Winslet ni Rose DeWitt Bukater, umukobwa wo mu cyiciro cyo hejuru wasezeranije Caledon Hockley (Billy Zane) kuzashyingiranwa nawe.

Jack na Rose barakundana, ariko ibyago bigahora hafi yabo. Titanic ifatwa nk'imwe mu mafilime yinjije amafaranga menshi mu bihe byose, kandi yatsindiye ibihembo 11 bya Academy.

2. Ben-Hur – 11 Oscars

Ben-Hur yayobowe na William Wyler, kandi ishingiye ku gitabo cya Ben-Hur cyo mu 1880: A Tale of the Christ cyanditswe na Lew Wallace. Iyi filime ivuga amateka ya Yuda Ben-Hur (Charlton Heston), igikomangoma cy'Abayahudi bakize ushinjwa ibinyoma n'inshuti ye yo mu bwana Messala (Stephen Boyd) ko yagerageje ubuzima bwa guverineri mushya wa Yudaya. 

Yoherejwe mu bucakara, Ben-Hur abona kwihorera no gucungurwa. Filime yageze ku rwego rushimishije mu mateka ya sinema, ikomeje gushimisha benshi nyuma y'imyaka mirongo isohotse.

3.The Lord of the Rings: The Return of the King – 11 Oscars

Yatunganijwe kandi iyoborwa na Peter Jackson, hashingiwe ku gitabo cya J.R.R. Tolkien, The Lord of the Rings: The Return of the King. 

Iyi filime yerekana imikinire ikomeye y'abakinnyi bose, hibandwa cyane cyane ku bisobanuro bya Viggo Mortensen. Binyuze mu gutsindira ibyiciro hafi ya byose bya Oscar byatoranijwe, iyi filime yaramamaye cyane.

4.West Side Story- 10 Oscars

West Side Story yayobowe na Robert Wise hamwe na Jerome Robbins, kandi ishingiye no ku ikinamico ya Shakespeare yitwa Romeo na Juliet. Mu gihe filime yereka abayireba ibikorwa bya kera kandi bitangaje byakozwe n'abakinnyi bayikinnye. 

Igihangano kiri mu bwoko bw'umuziki, West Side Story yagumye mu mitima y'abakora muri sinema, kugeza aho Steven Spielberg yahisemo gusubiramo iyi filime nyuma y'imyaka 50 umwimerere wayo usohotse.

5.The English Patient – 9 Oscars

The English Patient yanditswe kandi iyoborwa na Anthony Minghella, ishingira ku gitabo cya Michael Ondaatje, Ubutaliyani, Intambara ya kabiri y’isi yose (Italy, World War II). 

The English Patient ni film yakozwe neza kandi izakomeza gukora ku marangamutima y'abantu igihe kirekire. Ni filime ikinamo abakinnyi batangaje bafite urwego rw'imikinire ruri hejuru hamwe nijwi ritangaje hamwe n'amajwi meza yatunganijwe na Gabrie Yared.

6.The Last Emperor – 9 Oscars

Yanditswe kandi iyoborwa n'umuyobozi w'umutaliyani Bernardo Bertolucci, John Lone ukina nka Puyi, niwe uba ari umwami wa nyuma w'Ubushinwa. Ivuga ibyerekeranye n’ubuzima bwe, kuva yambikwa ikamba kugeza “yongeye kujya kwiga politiki” muri Maoist China. Mu bihembo bya Academy Awards 9 byose yitabiriye, yarabitsindiye byose.

7.Gigi – 9 Oscars

Gigi yayobowe na Vincente Minnelli kandi ishingira kuri novella ya Colette. Yakorewe i Paris mu gihe cya Belle Époque. Iyi filime igaragaramo umukinnyi w'imena Leslie Caron ukina yitwa Gigi, umukobwa ukiri muto woroheje watojwe ibyo gushimisha abagabo b'abakire. 

Hagati aho, agakunda Gaston Lachaille (Louis Jourdan), umuhsore ukize uba wikundira iraha. Kimwe na The Last Emperor, Gigi yatwaye ibihembo byose bya Oscar yabashije gutoranwamo.

8.Amadeus – 8 Oscars

Iyobowe na Milos Forman kandi ishingiye ku ikinamico ya Peter Shaffer, ari nawe wayanditse, Amadeus ivuga amateka ya Wolfgang Amadeus Mozart (Tom Hulce) ndetse no guhangana kwe na Antonio Salieri w'umutaliyani mugenzi we (F. Murray Abraham). Amadeus, ni imwe muri filime nziza mu mwuga wa Forman kandi kugeza ubu, filime ikomeye yerekeye umuziki wa kera.

9.Gandhi – 8 Oscars

Gandhi, yayobowe kandi ikorwa na Richard Attenborough, yandikwa na John Briley. Ivuga amateka adasanzwe y’ubuzima bwa Mahatma Gandhi n’ibikorwa byen bya politiki kuva mu 1893 kugeza apfuye. 

Iyi filime yasohowe mu 1982, ntigaragaza gusa ishingiro ry'intambara za politiki hagati y'Ingoma y'u Bwongereza n'u Buhinde mu buryo butangaje bwa sinema, ahubwo inashimirwa cyane ko yagaragaje amateka mabi akubiyemo ingaruka mbi z'ubukoloni bw'Abongereza mu Buhinde.

10.Slumdog Millionaire – 8 Oscars

Yayobowe na Danny Boyle, yandikwa na Simon Beaufoy. Slumdog Millionaire ni ikinamico yo mu Bwongereza yo mu 2008 ivuga amateka ya Jamal Malik (Dev Patel) umusore ukomoka mu gace gakennye ka Mumbai. Slumdog Millionaire yatsindiye ibihembo byinshi kandi ica agahigo ko gutwara ibihembo byose mu birori bya Academy Awards ku nshuro ya 81.

Source : https://inyarwanda.com/inkuru/130994/filime-10-za-mbere-zimaze-gutwara-academy-awards-inshuro-nyinshi-130994.html