Blog

Wari umukino ubanza mu cyiciro cya mbere mu nzira ibanza aho u Rwanda rwatomboye Uganda. Uganda yari yahisemo kwakirira u Rwanda mu Rwanda kuri Kigali Pelé Stadium kubera ko iki gihugu nta Stade gifite yemewe na CAF.

Umukino watangiye ku isaha ya kumi z’umugoroba (16:00 PM) bitari bisanzwe mu Rwanda, kuko Uganda yashakaga ko umukino wayo abenegihugu bawukurikira ku masaha asanzwe y’iwabo.

Umukino ugitangira, ku munota wa 7, Uganda yabonye amahirwe akomeye aho Nyinagahirwa Shakira yacomekewe umupira agasiga ubwugarizi ariko agiye kuroba umunyezamu Mukantaganira Joselyne umupira awutereka muri koroneri.  Joselyne yongeye kurokora She-Amavubi ku munota wa 23 akuramo umupira ukomeye wa Nankya Shadia.

Ikipe y’igihugu yari yambaye imyenda mishya nyuma y’imyaka ikanu 

Amahirwe ya mbere y'u Rwanda yabonetse ku munota wa 32, ni kufura yatewe na Uzayisenga Lydia ku ikosa ryari rikorewe Alodie, yateye umupira maze umunyezamu Ruth awushyira muri koruneri. Ku munota wa 33, koroneri yatewe na Umwaliwase yaje kubyara igitego ku mupira wazamutse Mukahirwa Providence ahita afungura amazamu.

Ku munota wa mbere w'inyongera w'igice cya mbere Shakira Nyinagahirwa yishyuriye Uganda ku ishoti rikomeye yatereye inyuma y'urubuga rw'amahina. Amakipe yagiye kuruhuka ari 1-1. 

Mu gice cya kabiri, ku munota wa 50 Uganda yabonye penaliti ku ikosa umunyezamu yakoreye kuri Najjemba Fauzia maze yinjizwa neza na Nassuna Hasifah, Uganda ihita iyobora umukino n’ibitego 2-1. Ku munota wa 66, Nibagwire Libelle yatsindiye u Rwanda igitego cya kabiri kuri kufura maze biba 2-2.

Amakipe yombi yari yiyemeje gukina afungura, ndetse ubona ko Uganda yari yatangiye kugira igihunga kuko ibyo yari yiteze ataribyo yabonye.

Umunyezamu w'u Rwanda, Joselyne yagize ikibazo cy'imvune ku munota wa 80, asimburwa na Uwamahoro Diane waje no gutsindwa igiyego cya 3 cyatsinzwe na Ikwaput Fazila ku munota wa 84. Usanase Zawadi yaje kwishyurira u Rwanda ku munota wa 85 maze umukino urangira ari 3-3.

Amavubi y’abagore yari amaze umwaka atandika umukino n’umwe w’irushanwa, gusa abafana batashye bemeza ko ubwitange bagaragaje bakwiye kwitabwaho mu bihe biri imbere. 

Nyuma y'uyu mukino, biteganyijwe ko tariki ya 18 Nyakanga ari bwo hazaba umukino wo kwishyura na wo ukazabera kuri Kigali Pelé Stadium aho u Rwanda rusabwa kunganya biri munsi y'ibitego 2 rugakomeza.

U Rwanda rwagaragaje guhatana bidasanzwe nyuma y’igihe badakina 

Abakinnyi 11 Amavubi yabanje mu kibuga 

Abakinnyi 11 Uganda yabanje mu kibuga 

Nyuma y’uko ku mugoroba wo kuwa Kabiri tariki ya 11 Nyakanga 2023, abafundi n’abayede bagwiriwe n’urukuta rw’urusengero barimo kurusenya, abaturage bo mu kagari ka Juru mu murenge wa Gahini barasaba ubuyobozi guhagurikira insengero zishaje ziri mu murenge wabo.

Abaturage batuye mu murenge wa Gahini mu karere ka Kayonza baganiriye na InyaRwanda.com bavuga ko urwo rusengero rw’Itorero rya ADEPR , basenyaga rwubatswe hakoreshejwe ibiti ndetse rwari rusahaje cyane. 

Umwe mu baturage yavuze ko urusengero rwishe umufundi wari mu barimo kurusenya rwari ruriho ibiti byaboze.

Yagize ati “Urusengero rwari rumaze imyaka myinshi ku buryo ibiti byarwo byari byaraboze, icyo dusaba ubuyobozi nuko insengero zishaje zahabwa amabwiriza zigasanwa kugira ngo zitazagwira abakiristu basengeramo.

Undi muturage utuye mu murenge wa Gahini yabwiye InyaRwanda.com muri ako gace hari insengero zishaje zikwiriye kugenzurwa zitaragwira abazisengeramo kuko harimo izubakishije ibiti.

Yagize ati “Hari insengero zihari zishaje ku buryo hatabayeho kuzisana zanagwira abakirisito bazisengeramo. Abayobozi b’amatorero bakwiye kuzisana ndetse na Leta igafatira ibyemezo amatorero atazasana urusengero basengeramo.”

Ubuyobozi bw’Umurenge wa Gahini, bwemeza ko harimo gukorwa ubugenzuzi bareba niba insengero zujuje ibisabwa kugira ngo zisengerwemo.

Umunyamabanga Nshingwabikowa w’uwo Murenge, Rukeribuga Joseph, mu kiganiro yagiranye na InyaRwanda.com yavuze ko abantu batatu bakomeretse bajyanwe kuvurirwa mu bitaro bya Gahini.

Yagize “Abafundi babiri n’abayede babiri bagwiriwe n’urukuta barimo gusambura urusengero rwari rusahaje kugira ngo hubakwe urushya. Umuntu umwe yahise apfa abandi batatu bari ku bitaro barimo kuvurwa kandi nubwo batarataha bameze neza.”

Rukeribuga yakomeje avuga icyo Ubuyobozi burimo gukora kugira ngo hakemurwe ikibazo cy’abasengera mu nsengero zishaje. Yagize ati: “Twatangiye kugenzura insengero, ruriya narwo rwaragenzuwe tubasaba ko bubaka urusengero rutateza impanuka abarusengeramo.

Dukomeje kugenzura insengero zose tureba ko zubahirije ibisabwa. Urusengero ruzajya rwubakwa, harebwe ko rurimo kubakisha ibikoresho bitateza impanuka abaturage. Ubugenzuzi kandi turimo kubukora ku nyubako zose zihuriramo abantu bose.”

Abaturage babwiye InyaRwanda ko urusengero bariya bafundi n’abayede barimo gusenya ko bafite amakuru ko mu kibanza rwari rwubatsemo bashaka kuhubaka urundi ruzubakishwa rukarakara  bakavuga ko nabyo bidakwiye kuko rukarakara nazo iyo zubatswe nabi nazo zishobora gusenyuka.

Mu 2021 nibwo Joseline yinjiye mu bakinnyi ba filime abifatanya n'urugendo rwo kuririmba muri Orchestre Impala yubatse amateka akomeye mu muziki w'u Rwanda.

Kuva icyo gihe yiyabambajwe muri filime zirimo 'Umuturanyi' ya Clapton, 'The Message' ya Nyambo, 'My Heart' ya Killerman na 'Ndirirende' ya Nyirankotsa.

Yabwiye InyaRwanda ko yakuze yifuza kugira filime ye bwite n'ubwo urugendo rwe rwatangiriye mu kugaragara muri filime z'abandi.

Yavuze ati 'Impamvu natangiye gusohora filime yanjye nuko ari nzozi nari mfite. Kuva ngera muri cinema numvaga intego ari ukugera kure kandi nkagira filime yanjye atarugukina mu z'abandi gusa.'

Akomeza avuga ko iyi filime 'La Vie' yasohoye yubakiye ku nama z'ubuzima bwa buri munsi mu miryango 'yacu'.

Ati 'Kuko ibyo dukina byose n'ubuzima duhura nabwo rero tukahigira kwihangana, ubumuntu no kubana n'abandi.'

Joseline avuga ko ajya gutangira gushyira hanze iyi filime yahisemo kwifashisha amazina y'abakinnyi basanzwe bazwi kandi banakoranye mu zindi filime.

Ati 'Nakoranye n'abakinnyi dusanzwe dukorana kuko bujuje ibyo nifuzaga ku bakinyi nashakaga.'

Iyi filime ye irimo amazina akomeye y’abakinnyi bane basanzwe bahurira muri filime ‘Umuturanyi’ ya Clapton Kibonke. Nka Lynda, Nadia ndetse na Nyambo Jessica.

Yavuze ko mu gihe cy’iminsi micye ishize ashyize hanze iyi filime ‘yahise ikundwa cyane’ kandi biramutungura, kuko atari abyitezeho.

Avuga ko agace ka mbere k’iyi filime ariko ariko kamuteye umuhate wo gukomeza gushyira imbaraga muri iyi filime. Ati 'Ni Episode ebyiri maze gushyiraho ariko zarakunzwe cyane cyane ku buryo ntari mbyiteze.”

Joseline avuga ko ashaka gushyira itafari rye ku rugendo rwa cinema yo mu Rwanda, kandi ari no gutekereza gukora filime y’uruhererekane igaruka ku buzima bwo mu rugo.

Iyi filime yatangiye gushyira hanze ifite ibice birangira. Ati 'Nzagaragaza imibereho ya buri munsi. Abantu bambwiye ko mfite igitekerezo cyiza, ariko kuba nkora filime ikarangira si byiza, ahubwo nakora filime y’uruhererekane ku buryo abantu bazajya bayikurikirana buri munsi’.

Uyu mugore avuga ko icyerekezo cye ari ugukora filime zifite icyo zihindura ku buzima bw’abantu. Ati “Tuzakomeza gukina ubuzima bubaho, bwawe, bwanjye, ubwa bene wacu n’abandi bose. Ni bwa buzima duhura nabwo mu rugo.” 

Joseline yatangiye gushyira ahagaragara filime ye ya mbere yise 'La Vie' ishingiye ku buzima abantu banyuramo

Nyambo Jessica, umukinnyi w'imena muri filime 'La Vie' wanitiriwe iyi filime 

Audace Willy uzwi cyane muri filime zinyuranye- Muri filime 'La vie' akina yitwa Papi

Umukinnyi wa filime Ndayizeye Emmanuel uzwi nka Nick ari mu bakina muri iyi filime 'La Vie', aho akina yitwa 'Nickyson' 

'Alice' ukina muri filime 'La Vie' ya Joselyne yatangiye gushyira kuri Youtube

Umutoniwase Nadia witabiriye Miss Rwanda 2022 ari mu bakinnyi bagize iyi filime 

Joseline [Uri ibumoso] asanzwe ari mu baririmbyi babarizwa muri Orchestre Impala, aha baririmbaga muri gitaramo cya Makanyaga cyo kwizihiza imyaka 50 ishize ari mu muziki

REBA HANO AGACE KA MBERE KA FILIME 'LA VIE' YA JOSELYNE

“>

REBA HANO AGACE KA KABIRI KA FILIME 'LA VIE' YA JOSELYNE

“>

Ikipe y’igihugu y’u Rwanda y’abagore mu mupira w’amaguru yaserutse mu myambaro mishya yanganyije n’iya Uganda 3-3 mu mukino ubanza w’ijonjora ryo gushaka itike y’imikino Olempike ya 2024.

Uganda yari yahisemo kwakirira u Rwanda mu Rwanda kuri Kigali Pelé Stadium kubera ko iki gihugu nta Stade gifite yemewe na CAF.

Ku munota wa 7 w’umukino, Uganda yabonye amahirwe akomeye aho Nyinagahirwa Shakira yacomekewe umupira agasiga ubwugarizi ariko yashaka kuroba, umunyezamu Mukantaganira Joselyne akawohereza muri koruneri itagize icyo itanga.

Joselyne yongeye kurokora She-Amavubi ku munota wa 23 akuramo umupira ukomeye wa Nankya Shadia.

Amahirwe ya mbere y’u Rwanda yabonetse ku munota wa 32, ni kufura yatawe na Uzayisenga Lydia ku ikosa ryari rikorewe Alodie, yateye umupira maze umunyezamu Ruth awushyira muri koruneri.

Iyi koruneri yatewe na Umwaliwase maze Mukahirwa Providence ahita afungura amazamu.

Ku munota wa mbere w’inyongera w’igice cya mbere Shakira Nyinagahirwa yishyuriye Uganda ku ishoti rikomeye yatereye inyuma y’urubuga rw’amahina. Amakipe yagiye kuruhuka ari 1-1.

Ku munota wa 50 Uganda yabonye penaliti ku ikosa umunyezamu yakoreye kuri Najjemba Fauzia maze yinjizwa neza na Nassuna Hasifah. Biba 2-1.

Ku munota wa 66, Nibagwire Libelle yatsindiye u Rwanda igitego cya kabiri kuri kufura maze biba 2-2.

Umunyezamu w’u Rwanda, Joselyne yagize ikibazo cy’imvune ku munota wa 80 maze asimburwa na Uwamahoro Diane waje no gutsindwa igiyego cya 3 cyatsinzwe na Ikwaput Fazila ku munota wa 84.

Usanase Zawadi yaje kwishyurira u Rwanda ku munota wa 85 maze umukino urangira ari 3-3.

Nyuma y’uyu mukino biteganyijwe ko tariki ya 18 Nyakanga ari bwo hazaba umukino wo kwishyura na wo ukazabera kuri Kigali Pelé Stadium aho u Rwanda rusabwa kunganya biri munsi y’ibitego 2 rugakomeza.