Blog

Ibiterane bya Dana Morey byashyizweho akadomo kuri uyu wa 16 Nyakanga 2023. Imwe muri Korali zaririmbye muri iki giterane ni iyitwa Umucyo yatangiye mu mwaka wa 1998 yo muri Nyamata mu itorero rya EENR. 

Umutoza w'iyi Korali Dusabe James yagize ati'Turabibona mu buryo budasanzwe nicyo giterane tugiye gukoramo  kinini.' Agaruka ku kuba muri iki giterane batanga amahirwe yo kwegukana ibintu bitandukanye birimo na moto.

Ati'Ni ubumwe mu buryo bwiza abantu bagakwiye kureberaho bashobora kuba bakoresha kugira ngo bakurure abantu benshi kandi uko baba benshi niko nabakizwa biba ari uko.' Korali Umucyo imaze imyaka igera kuri 25 iri muzaserutse mu isozwa ry’igiterane cya Dana Morey

Iki giterane kandi cyaririmbye abahanzi bakomeye mu muziki wo kuramya no guhimbaza Imana barimo Theo Bosebabireba waririmbye indirimbo zitandukanye afite nababyinnyi barimo nuwamutwaye ku bitugu rwagati mu giterane. Theo Bosebabireba yishimiwe n’ibihumbi byitabiye isozwa ry’ibiterane bya Dana Morey

Kimwe na Rose Muhando wongeye kwerekana ko yaremewe guhimbaza Imana binyuze mu ndirimbo anabyina, hashimiwe kandi abantu bose bagize uruhare mu ishyirwamubikorwa ry'uru ruhererekane rw'ibiterane byahereye muri Nyagatare bikaba byasorejwe Bugesera. Rose Muhando yongeye gushimangira ubuhanga bukomeye afite mu mateka

Basengeye abantu bagaruka kandi ku buryo ibyo bakora byose babahangana umunsi kuwundi n'imbaraga z'abarozi n'abakonikoni ariko bitewe n'imbaraga z'Imana iteka bagatsinda.

Abantu batanze ubuhamya bwo gukira bari uwari ufite abana bari barwaye igicuri ariko bazagukira hari uwari ufite umwingo watangiye koroha kimwe nabari bafite izindi ndwara bakize zirimo umugongo.Abantu bakize indwara abandi bakira Yesu nk’umukizaHanafashwe umwanya wo gutwika ibirozi n’ibindi bifite aho bihuriye n’ubupfumuUmuvugabutumwa asize amateka akomeye aho abantu bakize indwara zitandukanye

Abantu kandi bongeye kugira amahirwe yo kwegukana ibihembo bitandukanye birimo moto ni we wayegukanye mu magambo y’ibyishimo Uwamahoro Francine ati”Ndashaka kubabwira ko iyo wizeye Imana byose bishoboka.”

Firigo nayo iri mubyatombowe Umurangamirwa Marie Claire umukobwa uri mu myaka micye ni we wayegukanye, hatanzwe televiziyo, igare na telefone igezweho.

AMAFOTO:SERGE NGABO-INYARWANDA.COM

   

Umuhanzi Osinachi Kalu Okoro Egbu uzwi ku izina rya Sinach aritegura kuza gukorera igitaramo mu Rwanda ku butumire bwa Women Foundation Ministries iyoborwa na Apostle Mignonne kabera.

Iki gitaramo giteganyijwe kuzaba ku wa 08 Kanama kugeza 11 Kanama 2023 kikabera muri Kigali Convention Center imiryango ikazajya ifungurwa kuva saa kumi.

Sinach  azahurira mu gitaramo na Pastor Jessica Kayanja ukomoka mu gihugu cya Uganda, Simfukwe Rehema Richard ukomoka mu gihugu cya Tanzania ndetse na Apostle Elhdj Diallo.

All Women Together ni igitaramo ngarukamwaka gitegurwa na Women Foundation Ministries aho iki gitaramo gifite intego igira iti “Kuva mu bubabare tujya mu butsinzi”

Ni iki kigira Sinach umuntu udasanzwe ku butaka bw’u Rwanda????

Umuhanzikazi Sinach ukomoka mu gihugu cya nigeria yubatse izina ku Isi hose cyane cyane mu ndirimbo ze zakunzwe nka I konw who I am, Way maker, He did it again, Awesome God ndetse n’izindi nyinshi.

Sinach ni umuhanzikazi umaze igihe mu mwuga wo kuririmba no kuramya Imana dore ko yatangiye umuziki mu mwaka wa 1994, kuri ubu akaba amaze imyaka 29 muri uyu mwuga.

Mu mwaka wa 2021, Umuhanzikazi Sinach yashyize hanze Album ye ya 12 yise Greatest Lord bituma aba umwe mu bahanzi bo kuramya bafite indirimbo nyinshi.

Ubwo aheruka mu Rwanda, yataramiye abantu benshi mu gitaramo yakoreye muri Parking ya Stade Amahoro iherereye i Remera abantu bemera kunyagirwa kuva saa kumi n’ebyiri kugeza saa ine kugira ngo bamubone aririmba.

Umuhanzi Sinach amaze gutaramira mu bihugu birenga 50 ku Isi yose kuva yatangira umwuga we wo kuririmba harimo ibihugu nka USA,Canada, UK, Jamaica, Rwanda ndetse n’ibindi bitandukanye.

Sinach yaherukaga mu Rwanda mu mwaka wa 2018 ubwo yari yatumiwe na Patient Bizimana mu gitaram Easter Celebration Pan African cyabaye tariki ya 01 mata 2018.

Umuhanzikazi Sinach ubwo aheruka mu Rwanda yatanze ibyishimo.

Nyuma y’imyaka itanu, umuhanzikazi Sinach agiye kongera gutaramira mu Rwanda.

AMASHUSHO:Ubwo Umuhanzikazi Sinach aheruka mu Rwanda yashimishije abitabiriye igitaramo cye

“>

Uyu mukinnyi yavutse taliki 10 Mata mu 1999 avukira ndetse anakurira Kinshasa mu murwa mukuru wa  Repubulika Iharanira Demokarasi ya Congo.

Jonathan Ifunga Ifasso yatangiye gukina ruhago nk’uwabigize umwuga muri 2017 ahereye mu ikipe y’iwabo yitwa AS Dauthins Noirs ikina shampiyona y’icyiciro cya mbere.

Nyuma y’umwaka umwe gusa muri 2018 yahise yerekeza mu ikipe yitwa Nyuki iherereye muri Kivu y’Amajyaruguru ,iyi kipe nayo ikina shampiyona y’icyiciro cya mbere muri iki gihugu.

Jonathan Ifunga Ifasso muri uwo mwaka yahise afasha Nyuki gutwara igikombe cy’igihugu bwa mbere mu mateka y’iyi kipe. Muri 2019 uyu mukinnyi yaje kwerekeza muri Difaâ Hassani El Jadidi ikina shampiyona y’ikiciro cyambere muri Morocco. 

Nyuma yo kumarayo imyaka 3,muri 2022 yaje gusubira iwabob muri Nyuki yari yaranyuzemo, mu mpeshyi ya 2022 yahise ajya muri AS Simba de Kolwezi arinayo yagikinira kugeza ubu.

Ikipe y’igihugu ye ya Repubulika Iharanira Demokarasi ya Congo 'Les Léopards' Jonathan Ifunga Ifasso yayikiniye umukino umwe wari uwa gishuti batsinzwemo na Burkina Faso ibitego 3-0,wabaye tariki 9 Ukwakira 2020.

Kuri ubu uyu mukinnyi ari mu Rwanda,yamaze kumvikana na Rayon Sports gusinya masezerano y’imyaka 2 igisigaye ni ugukora ikizamini cy’ubuzima.

Jonathan Ifunga Ifasso uzwiho gukinisha amaguru yombi 

Uyu mukinnyi w’umunye-Congo niwe witezweho gusimbura Onana  werekeje muri Simba SC 

Kuva ku itariki ya 14 Nyakanga 2023 Perezida wa Hungary kimwe mu bihugu bikize ku Isi, Katalin ari kubarizwa mu Rwanda aho yagiye asura ibikorwa bitandukanye birimo n'ibiterwa inkunga n'iki gihugu.

Hungary ikaba iheruka gutera  u Rwanda  inkunga ya miliyari zisaga 52Frw yo gushora mu buhinzi azishyurwa nta nyungu, izina ry'iki gihugu abakizi cyane bakaba bazi cyane umurwa wacyo wa Budabest  uri mu ikurura ba mukerarugendo cyane.

Perezida wa Hungary uri kubarizwa mu Rwanda yitwa Katalin Éva Veresné Novák, yabonye izuba kuwa 06 Nzeri 1977 ni  we Perezida wa Hungary ari mu banyapolitike bakomeye muri iki gihugu kuva na mbere y’uko abaye atorewe kuba Umukuru w'Igihugu. 

Yaciye agahigo ko kuba Perezida wa Hungary afite imyaka mike aho kuri 44 ari mu bagize ishyaka rya Fidesz ,mbere yo kuba Perezida yabaye umwe mu bagize inteko ishingamategeko y'iki gihugu kuva muri 2018 kugera muri 2022.

Yabaye Minisitiri w'Umuryango hagati ya 2020 kugera muri 2021.

Katalin yasoreje amashuri yisumbuye muri Ságvári Endre mu gace ka Szeged mu 1996, akomereza muri Kaminuza ya Paris Nanterre mu gihuhugu cy'u Bufaransa, avuga indimi neza zigera kuri enye zirimo Igifaransa, Icyongereza, Ikidage n'Icyesipanyolo.

Indi mirimo yakoze harimo kuba yarakoreye Minisiteri y'Ubabanyi n'Amahanga, ari inararibonye mu birebana n'ibikorwa bya gahunda z'Umuryango w'Ubumwe bw’u Burayi 

Yabaye kandi  Visi Perezida w'ishyaka riri ku butegetsi rya Fidesz hagati ya 2017 na 2021, ni we mugore wa mbere wabaye Perezida wa Hungary.

Katalin Novák ni umubyeyi w'abana 3 yabyaranye n'umuhanga mu birebana n'ubukungu uri no mu bayobozi bakomeye ba banki y'iki gihugu. 

Ikipe y’igihugu y’u Rwanda Amavubi mu bagore yasezerewe n’iya Uganda mu ijonjora ryo gushaka itike y’imikino Olempike ku giteranyo cy’ibitego 4-3.

Ni nyuma yo gutsinda u Rwanda 1-0 mu mukino wo kwishyura cyabonetse mu minota 30 y’inyongera, ni nyuma y’uko iminota 90 yari yarangiye ari 0-0 kandi umukino ubanza warangiye ari 3-3.

Wari umukino wo kwishyura w’ijonjora ryo gushaka itike y’imikino Olempike 2024 izabera mu Bufuransa aho ikipe y’igihugu y’u Rwanda Amavubi y’abagore (She-Amavubi) yari yakiriye iya Uganda (Crested Cranes).

Umukino ubanza wari wabereye kuri Kigali Pelé Stadium amakipe yombi yanganyije 3-3, umutoza Nyinawumuntu Grâce n’inkumi ze bakaba basabwaga gutsinda kuko nubwo batsindiye hanze itegeko ryo muri aya marushanwa igitego cyo hanze ntikibara.

Umunyezam w’u Rwanda, Ndakimana Angeline yakuyemo umupira ukomeye wa Najjemba Fauza ku munota wa 6.

Ku munota wa 20, Uganda yabonye andi mahirwe akomeye ku mupira Nabweteme yacomekeye Nyinagahirwa Shakira ariko umubana muremure.

Nyinawumuntu Grâce yakoze impinduka ku munota wa 28, Umwali Uwase aha umwanya Usanase Zawadi.

Ndakimana Angeline yongeye kurokora u Rwanda ku munota wa 35 ubwo yakuragamo umupira wa Nabweteme Sandra bari basigaranye umwe kuri umwe. Igice cya mbere cyarangiye ari 0-0.

She-Amavubi yagarutse mu gice cya kabiri ashaka igitego ndetse agenda abona amahirwe ariko kuyabyaza umusaruro biragorana.

Crested Cranes nayo ntabwo yari yicaye kuko yasatiriye cyane u Rwanda ariko ubwugarizi n’umunyezamu Ndakimana Angeline bakomeza kwitwara neza.

Umukino warangiye ari ubusa ku busa maze hahita hitabazwa iminota 30 y’inyongera kubera ko umukino ubanza banganyije 3-3 kandi muri iri rushanwa ibitego byo hanze bikaba bidakora.

Ku makosa ya Mukahirwa, Ikwaput Fazila yaboneye Uganda igitego cya mbere ku munota wa 12 w’iminota y’inyongera.

Umukino waje kurangira ari 1-0 maze Uganda ikomeza ku giteranyo cy’ibitego 4-3. Uganda my cyiciro gikurikiyeho izahura na Cameroun.

Minisitiri w’Intebe wa Uganda yakurikiranye uyu mukino ari kumwe na Minisitiri wa Siporo, Munyangaju Aurore Mimosa

She-Amavubi yaje gusezererwa

AMAFOTO: SHEMA Innocent