Blog

Ku mugoroba wo kuri uyu wa Mbere, tariki ya 24 Nyakanga 2023, ni bwo ikipe ya Rayon Sports yamuritse imyambaro izakoresha mu mwaka utaha w'imikino wa 2023-2024.

Ibinyujije ku mbuga nkoranyambaga zayo, Rayon Sports yerekanye iyi myenda izambara yakiriye imikino, yasohotse ndetse n'indi yiswe iya gatatu.

Mu kwerekana iyi myenda, Rayon Sports ikaba yifashishije abakinnyi bayo barimo myugariro wayo Mitima Isaac na Nsabimana Aimable ndetse n'abandi bakobwa.

Iyi kipe yahawe izina rya Gikundiro, mu gihe iri gukina yakiriye imikino izajya yambara ibara ry'ubururu bwiganje ku mipira ifite imirongo y'umweru ku ijosi no ku maboko. Ku makabutura n'amasogisi naho ni ubururu gusa.

Mu gihe yasohotse ni ukuvuga yasuye ikipe bazaba bahanganye, Rayon Sporta izajya  ikoresha ibara ry'umweru ku makabutura, ku mipira no ku masogisi, ku maboko no ku ijosi hakazaho akarongo k'ubururu.

Iyi myenda yose ikaba igaragaraho abaterankunda bayo barimo Kwesa Collection yanakoze uyu mwambaro, Choplife, imbere hakajyaho umuterankunga mukuru SKOL ndetse no ku ikabutura hariho Canal Plus.

Binyujijwe ku mbuga nkoranyambaga zayo, Hatangakwe ko iyi myenda izajya iyigurwa bihumbi 18 Frw ku mwambaro umwe cyangwa 15.000 Frw ku wifuza kurangura.

The post Amafoto — Rayon Sports yamuritse imyambaro mishya izakoresha mu mwaka w'imikino wa 2023-2024 appeared first on RUSHYASHYA.

Source : https://rushyashya.net/amafoto-rayon-sports-yamuritse-imyambaro-mishya-izakoresha-mu-mwaka-wimikino-wa-2023-2024/?utm_source=rss&utm_medium=rss&utm_campaign=amafoto-rayon-sports-yamuritse-imyambaro-mishya-izakoresha-mu-mwaka-wimikino-wa-2023-2024

Danny Mugisha Muparasi ni umwana muto w’impano ikomeye ubyarwa n’abanyempano mu mpano zitandukanye ariko cyane bazwi nk’abaririmbyi bakomeye mu ruhando rw’umuziki wo kuramya no guhimbaza Imana ari bo Innocent Muhire Muparasi na Annualite Umutesi Rugeruza.

Ababyeyi b’uyu mwana bamenyekanye cyane muri Korali Bethlehem ya ADEPR Gisenyi nk’inkingi zayo zikomeye, gusa uyu munsi wa none ntabwo bakiyibarizwamo by’igihe cyose nyuma y’aho batakibarizwa i Rubavu, ubu ni abaririmbyi muri Shalom choir ya ADEPR Nyarugenge.

Ku myaka 11, Danny Mugisha Mparasi yamaze kwinjira mu muziki wo kuramya no guhimbaza Imana, atangirira ku ndirimbo yaririmbanye n’abavandimwe be. Ni ndirimbo iryoheye amatwi n’amaso, akaba yarayikoze abitunguje ababyeyi be, abifashijwemo na Daniel Svensson – inshuti y’umuryango wabo.

Mu kiganiro na inyaRwanda, Daniel Svensson usanzwe ari umuririmbyi, umwanditsi w’indirimbo n’umunyamakuru, ni we wafashe iyi mpano nshya twise “IPFUNDO RITO” ayimurikira ababyeyi umuryango, inshuti ndetse n’umuryango mugari w’abahanzi n’abaririmbyi baririmba indirimbo zo guhimbaza no kuramya Imana.

Ni mu rugendo rwo gufata ukuboko uyu mwana akinjira muri studio no gusohoka kw’indirimbo “Nzahora Nshima” yanditswe na Danny Mugisha Mupaasi, ikorwa mu buryo bw’amajwi na Justin Pro, naho amashusho yayo afatwa ndetse atunganywa na Dusestin Levis.

Danny Mugisha yashyize hanze indirimbo ye ya mbere ku myaka 11

Svensson yatubwiye ko yaje kuvumbura impano ikomeye muri Danny yo kwandika no kuririmba, yiyumvamo ko akwiriye kuyifata aho ikingiraniye akayisohora hanze, ibiri muri we mu myaka mike afite bigafasha kandi bigahembura abatari bake.

Avuga kandi ko yasanze ubutunzi buri muri Danny buramutse bugiye ahabona bwamutera imbaraga zo kurushaho guhumekerwa n’ababyeyi mu nshingano zo kumurera bafite hakiyongeraho iyo kumufata ukuboko mu mpano yo kuririmba cyane ko nabo ari amapfundo abiri y’abaririmbyi.

Daniel Svensson kandi yakomeje atubwira ko atafashe uyu mwana nka “Manager” ahubwo ko ari ishyaka ryo kwerekana impano ikomeye itazwi kandi mu gihe kiri imbere izagera kure igafasha benshi.

Yabikoze atabanje kubisabira uburenganzira ababyeyi b’umwana, ariko nyuma y’uko indirimbo irangiye, yarayibamurikiye baranezerwa cyane, biyemeza gukomereza aho atangiriye bagashyigikira impano iri mu mwana wabo wabatunguye mu buryo bukomeye.

Danny Mugisha Muparasi w’imyaka 11, yavuze ko impamvu indirimbo ye yayise “Nzahora Nshima” ni uko nta wundi ukwiriye gushimwa, kuratwa no gusingizwa uretse Yesu Kristo we “waduhindukiye imbabazi mu cyimbo cy’urupfu tugahabwa ubuzima”.

Yashimiye Imana ko yamugabiye impano nziza yo kuririmba, ashimira ababyeyi be bamuba hafi ubuzima bwose, anashimira Daniel Svensson wamuhaye umwanya akamutega amatwi akamukorera igikorwa gikomeye cyo gushyira hanze impano ye.

Innocent Muhire Muparasi wahoze ari Perezida wa Bethlehem choir ifatwa nka nimero ya mbere mu Ntara y’Iburengerazuba, akaba Se w’uyu mwana Danny Mugisha Muparasi, yabwiye inyaRwanda ko “Danny yarantunguye birenze nta kindi navuga, gusa nzamushyigikira uko nshoboye.”

Muri “Nzahora Nshima”, Danny Muparasi aterura agira ati “Yesu niwe Mwami wanjye arankunda nanjye ndamukunda, yaramfiriye ku musaraba iteka ryose n’ashimwe. Nzahora nshima Yesu Kristo we wampindukiye imbabazi mu cyimbo cy’urupfu mpabwa ubuzima, yewe Yesu ndagushima”.

Danny Mugisha yemerewe ubufasha n’ababyeyi be nyuma yo kubona impano ye itangaje

Innocent Muhire Muparasi, umubyeyi wa Danny Mugisha Muparasi washyize hanze indirimbo ya mbere yise “Nzahora Nshima”

Annualite Umutesi Rugeruza, Mama wa Danny Mugisha Muparasi w’impano yo kwitegwa muri Gospel

Daniel Svensson wagaragaje impano ya Danny Mugisha Muparasi watunguye ababyeyi be

REBA HANO INDIRIMBO “NZAHORA NSHIMA” YA DANNY MUPARASI W’IMYAKA 11

Source : https://inyarwanda.com/inkuru/132359/danny-mugisha-imfura-ya-muparasi-wayoboye-korali-bethlehem-yinjiye-mu-muziki-ku-myaka-11-v-132359.html

Imyaka ibiri irongeye irihiritse irushanwa rya CECAFA Kagame Cup riterwa inkunga na Perezida w’u Rwanda, Paul Kagame ritaba, kuri iyi nshuro CECAFA iritegura yavuze ko nta mwanya waboneka wo kurikina.

CECAFA Kagame Cup ni irushanwa rihuza amakipe yabaye aya mbere mu bihugu byo mu Karere ka Afurika y’Iburasirazuba n’iyo hagati, rikaba ritegurwa n’Impuzamashyirahamwe y’umupira w’amaguru muri Afurika y’Iburasirazuba n’iyo hagati 'CECAFA'.

Ejo hashize ku wa Mbere, Umuyobozi Mukuru wa CECAFA, Auka Gecheo, yavuze ko iri rushanwa rihuza amakipe meza mu karere ka Afurika y’Iburasirazuba no Hagati rya 2023 ryagombaga kubera muri Sudani ryasubitswe kubera andi marushanwa menshi ya CAF na FIFA.

Ati “Ni amahirwe make ko nanone tutazabona iri rushanwa uyu mwaka. Twari dufite icyizere cyo kongera kuritegura kugira ngo dufashe amakipe yo mu karere kwitegura amarushanwa ya CAF azatangira mu kwezi gutaha.”

Iri rushanwa ryakinwe bwa mbere mu 1967 ryitwa CECAFA Club Cup ariko ryaje kwemezwa kumugaragaro nk’irushanwa ngaruka mwaka mu 1974.

Muri 2002 nibwo ryaje guhindurirwa izina ryitwa CECAFA Kagame Cup aho ryitiriwe Perezida w’u Rwanda, Paul Kagame wari utangiye kuritera inkunga aho atanga ibihumbi 60 by’Amadorali buri mwaka muri iri rushanwa.

Ni irushanwa rifasha amakipe kwitegura neza umwaka w’imikino ukurikiyeho kuko akenshi riba amakipe yaramaze kugura abakinnyi bashya rikabafasha kumenyerana n’abandi, rifasha kandi n’amakipe akina imikino Nyafurika kwitegura neza.

Gusa uwavuga ko iri rushanwa rigenda ricika amazi ntiyaba abeshye kuko guhera nyuma ya 2015 ntabwo rikiri ngaruka mwaka, CECAFA iritegura bisa n’aho nayo byayinaniye.

Akenshi ikintu kigorana mu gutegura irushanwa kiba ari amikoro, ariko benshi bibaza impamvu iri rushanwa rikomeza kugenda ritaba kandi hari amafaranga yo kuritegura bikayoberana.

Kuva nyuma ya 2015 ubwo Azam yaryegukanaga itsinze Gor Mahia 2-0 mu irushanwa ryabereye Dar es Salaam, iri rushanwa rimaze kuba 3 gusa.

Ryabaye 2018 ribera Tanzania ritwarwa na Azam FC itsinze Simba SC 2-1, 2019 yabereye mu Rwanda yegukanwa na KCCA itsinze Azam FC 1-0 ni mu gihe 2021 ryabereye Tanzania ryegukanywe na Express yo muri Uganda itsinze Nyasa Big Bullets 1-0.

Uku kugenda risimbagurika ritaba buri mwaka bigaragaza gucika amazi kwaryo kandi nyamara mu myaka itambutse ryabaga ari irushanwa ryubashywe kandi rikomeye aho n’umukinnyi yashoboraga kwigurishiriza.

Nubwo riterwa inkunga na Perezida w’u Rwanda, Paul Kagame, amakipe yo mu Rwanda nayo ntibiyabuza kuryitabira aseta ibirenge ndetse uwavuga ko ubu risigaye ari irushanwa batabara cyane ntiyaba abeshye.

APR FC ifite ibikombe 3 bya CECAFA Kagame Cup (2004, 2007 na 2010) iheruka kwitabira iri rushanwa 2019 ryabereye mu Rwanda ni mu gihe irya 2021 ryabereye Tanzania yikuyemo ku munota wa nyuma.

Rayon Sports ifite icyo mu 1998 nayo iheruka kwitabira iri rushanwa 2019 ubwo ryaberaga mu Rwanda, 2021 ntabwo yigeze iryitabira.

FERWAFA yakungukiye mu guhuzagurika kwa CECACA

Uko imyaka igenda ishira ni ko u Rwanda rugenda ruba igicumbi cy’imikino itandukanye yaba Basketball, Volleyball… ku buryo rwakira amarushanwa atandukanye buri mwaka.

Gusa mu mupira w’amaguru bigaragara ko ari ho bitarakunda uretse amarushanwa y’igikombe y’igihugu, amakipe akina imikino Nyafurika nta rindi rushanwa u Rwanda rushobora kwakira ngo rimare byibuze iminsi.

Kuba u Rwanda rudashobora kwakira igikombe cy’Afurika n’andi marushanwa ahanini kubera ikibazo cy’ibikorwa remezo (ibibuga).

Aha niho Ishyirahamwe ry’umupira w’amaguru mu Rwanda ryakuririye rikaba ryategura irushanwa ngaruka mwaka rizajya riba mu mpeshyi rigatumirwamo amakipe atandukanye yo muri Afurika rikabera i Kigali.

Iri rushanwa nubundi ryajya riba mu mpeshyi hitegurwa umwaka w’imikino utaha, niyo ryakwitwa 'Kigali Summer Tournament', ryafasha abakunzi b’umupira w’amaguru kuryoherwa n’ibiruhuko.

Mu Rwanda higeze kuba irushanwa nk’iri muri 2016 ubwo AS Kigali yateguraga 'AS Kigali Pre-Season Tournament' ni irushanwa ryajemo amakipe akomeye nka DR Congo arimo AS Vita Club, Sanga Balembe, Dauphins Noirs na Darling Club Motema Pembe. Ni irushanwa ryakunzwe cyane ndetse hakaba harabuze indi kipe yajya itegura irushanwa nk’iri.

2019 Rayon Sports yasezerewe na KCCA muri 1/4 mu irushanwa ryabereye i Kigali

APR FC ubwo iheruka muri CECAFA Kagame Cup 2019 yasezerewe muri 1/4 na AS Maniema

Source : http://isimbi.rw/siporo/article/amafaranga-perezida-kagame-atanga-muri-cecafa-akomeje-gutora-uruhumbu

Ikipe ya AS Kigali ibyayo bikomeje kugorana cyane kubera ko ibyo abakunzi b'umupira w'amaguru hano mu Rwanda ntibibaza ukuntu ikipe izabaho muri uyu mwaka ugiye kuza.

Ubwo Shampiyona y'icyiciro cya mbere hano sezo 2022/2023, yarangiraga nibwo uwari umuyobozi w'ikipe ya AS Kigali Shema Fabrice yasezeye ku nshingano zo gukomeza kuyobora iyi kipe ariko kuva icyo gihe kugeza ubu hakomeje kwibazwa niba iyi kipe itari buseswe burundu.

Impamvu zitandukanye benshi bibaza niba iyi kipe itagiye gukurwaho burundu

Kugeza ubu ikipe ya AS Kigali ntiharatangazwa abakinnyi iyi kipe izakoresha ndetse kandi iyi kipe abakinnyi bayifashije cyane umwaka ushize w'imikino hafi ya bose barimo kugenda berekeza mu yandi makipe nyuma yo kubona ko iyi kipe gahunda yuko izabaho muri uyu mwaka ugiye kuza idasobanutse.

Ku munsi wo ku cyumweru hari hategenyijwe inama y'inteko rusange ariko ntabwo yigeze iba. Ibi nabyo biri mu bikomeje kwibazwa ho cyane niba iyi kipe itakomeza kubaho kuko muri iyi nteko rusange niho hari buzatorerwemo abayobozi bagomba kurebera iyi kipe mu myaka iri imbere ndetse bakanareba uko AS Kigali iratangira gushyiramo abakinnyi ariko kugeza ubu ntawuzi uko bimeze.

Hari amakuru avuga ko umujyi wa Kigali abayobozi bose bagiye baganiriza kugirango bayobore iyi kipe bagize ubwoba bwo kuyifata bitewe ni uko ngo iyo barebye uko AS Kigali igomba kubaho ni ikipe ikomeye kandi igomba gutsinda ubwo bivuze ko hakenewe amafaranga yo gushyira muri iyi kipe kandi Umujyi uzatanga amafaranga macye.

Umupira w'amaguru hano mu Rwanda ubuze ikipe ya AS Kigali byaba ari ibintu bibabaje cyane kubera ko ni ikipe yatangaga akazi kuri aya makipe aba ashaka ibikombe cyane ndetse wasangaga nayo hari ibyo itwara ukabona ko yongereye guhatana.

Source : https://yegob.rw/ikipe-ya-as-kigali-yaba-igiye-gukurwaho-burundu/

Kiyovu Sports Company LTD iyobowe na Mvukiyehe Juvenal ntabwo avuga rumwe na Ndorimana Jean François Regis 'Général' uyobora Kiyovu Sports Association ku buryo bw'imigurire y'abakinnyi ndetse n'imyubakire y'ikipe.

Umwuka mubi ukomeje gututumba mu nzego z'ubuyobozi bwa Kiyovu Sports zigizwe na Mvukiyehe Juvenal ndetse na Ndorimana Regis uherutse gutorerwa kuyobora Kiyovu Sports Association mu gihe cy'imyaka itatu iri imbere.

Nyuma y'aya matora, ntabwo imikoranire ya Kiyovu Sports  iyobowe na Juvenal yakomeje gukorana neza na Regis uyoboye Kiyovu Sports Association ndetse byatumye hari ibyemezo bitaganiriweho hagati y'izi nzego byatangiye kugaragara bishyirwa mu bikorwa mu buryo butazwi.

Ibi byatangiye ubwo Niyonzima Olivier Sefu yerekezaga muri Kiyovu Sports, Ibi Juvenal yari abizi ariko adashaka ko Sefu asinyira Kiyovu kuko hari ibyo yarimo gupanga ndetse harimo n'umukinnyi ukina nka nimero 6.

Juvenal yabwiye Regis ko yareka gusinyisha Sefu kuko hari abandi bakinnyi beza baza bagafasha ikipe.

Gusa Juvenal ubwe aremeza ko Regis agomba gukora akazi ashinzwe kandi adahezwa ariko ibyo agiye gukora hakabaho kugirana inama. Kuva kuri uyu wa Kabiri, ihangana ryeruye rirakomeza, ndetse byitezwe ko aba bombi bazajya bajya kureba ikipe buri umwe afite amatwara ye.

Source : https://yegob.rw/bikomeje-kugorana-ibya-olivier-sefu-muri-kiyovu-byateje-akaduruvayo-mu-bayobozi-kuburyo-bashobora-no-gufatanwa-mu-mashati/

Yamwumvaga ataramubona: Umutoza wa Rayon Sports yanyuzwe n'ibintu Youssef Rhab yakoze ku myitozo ye ya mbere.

Umunya Maroc Youssef Rhab yemeje umutoza mushya w'ikipe ya Rayon Sports bitewe n'ubuhanga budasanzwe uyu musore yamugaragarije ubwo yakoraga imyitozo ye ya mbere muri Murera yaherukagamo umwaka ushize.

Ifoto:

Source : https://yegob.rw/yamwumvaga-ataramubona-umutoza-wa-rayon-sports-yanyuzwe-nibintu-youssef-rhab-yakoze-mu-myitozo-ye-ya-mbere-ifoto/

Iya Rihanna yo irasekeje: Mu buryo butunguranye yahashyizwe kukarubanda inzu zari zituwemo n'ibyamamare ubwo byari mu buzima bushariye.

Mu mafoto yashyizwe ku mbuga nkoranyambaga z'umunyakurukazi Anita Pendo yagaragaje inzu zari zituwemo n'ibyamamare bikomeye cyane ku Isi mbere y'uko bigafata gusa izi nzu zatumye bamwe mu byamamare byo mu Rwanda bicika ururondogoro.

Amafoto y'inzu n'amazina y'abahanzi:

Bimwe mu byo abantu bagiye batangaza nyuma yo kubona aya mafoto:

Source : https://yegob.rw/bamwe-bacitse-ururondogoro-abandi-babitereramo-urwenya-mu-buryo-butunguranye-yahashyizwe-kukarubanda-inzu-zari-zituwemo-nibyamamare-ubwo-byari-bikennye-amafoto/

Mwiseneza Josiane wegukanye ikamba rya Miss Popularity muri Miss Rwanda 2019, yatangaje ko yifuza ko irushanwa rya Miss Rwanda ryagaruka kuko muri 2023 ritabaye.

Mu kiganiro yagiranye na Inyarwanda dukesha iyi nkuru, Miss Josiane yagize ati 'Njye nifuza ko ri rushanwa rigaruka kuko hari abana b'abakobwa babifata nk'inzozi zawe. Icya kabiri ifatiye rurini sosiyeye Nyarwanda, ndetse yafashaga abakobwa bagenzi bange kwitinyuka nihereyeho. Iramutse igarutse, numva hakongerwa imbaraga mu kwita ku bana baturuka mu byaro, nubwo baba badafite ibikabyo, ariko usanga bafite mu mutwe kuko iyi ni Miss Rwanda ntabwo ari Miss Kigali'.

Miss Mwiseneza Josiane kandi yavuze ko kwegukana ikamba rya Miss Popularity 2019 byamunejeje cyene bigatuma agera kuri byinshi.

Ati ''Ikintu cyanshimishije muri iriya minsi, nabaga nzi umuntu nzi ko tutavugana, nkabona aranyihamagariye ati 'ndagushaka'. Akantumira tugahura, numvaga ari inzozi bidashoboka.''

Ubwo yabazwaga impamvu atakigaragara cyane ku mbuga nkoranyambaga, yagize ati ''Njyewe nkunda gukora ibintu byange mu mutuzo, si ngombwa ko ibintu byose nkoze bijya hanze. Yego gutwika nabishobora kuko nkurikiranwa n'abantu benshi, ariko simbikora kuko hari benshi mbereye ikitegererezo.''

Source : https://yegob.rw/miss-rwanda-ntabwo-ari-miss-kigali-mwiseneza-josiane-yatangaje-ko-kuba-miss-rwanda-itarabaye-ari-igihombo-ku-bakobwa-cyane-abo-mu-byaro/

Umukinnyi ukomeye APR FC yasinyishije akomeje kugereranwa n'umuhanzi wakanyujijeho mu myaka ishize kubera isura ye

Rutahizamu ukomeye wasinyiye ikipe ya APR FC akomeje gusekwa cyane nyuma yo kugereranwa n'umuhanzi wakunzwe mu myaka yo ha mbere kubera ukuntu asa.

Ku minsi w'ejo hashize nibwo ikipe ya APR FC yatangaje kumugaragaro ko yasinyishije rutahizamu ukomoka mu gihugu cya Sudani wari umaze iminsi akora imyitozo ariko gutangazwa byaratinze witwa Sharaf Eldin Shaiboub.

Uyu mukinnyi ari mu bakinnyi b'abayamahanga bageze mu Rwanda mbere ariko ntabwo ikipe ya APR FC yari yamutangaje kubera ko shampiyona yaho yakinaga ntabwo yari yakarangiye biba ngombwa ko bategereza kugirango uyu mukinnyi ahabwe ibyangombwa.

Sharaf Eldin Shaiboub nyuma yo gusinyisha akomeje kugereranwa n'umuhanzi witwa Makonikoshwa wakanyujijeho mu myaka yo ha mbere. Iyo urebye amafoto yaba bombi ubona basa neza cyane cyane ku misatsi uko biyogoshesha.

Shaiboub abamubonye mu myitozo y'ikipe ya APR FC ubona ko afite ubuhanga buhambaye ariko benshi bakomeje kwibaza ku mbaraga ze niba zizahangana n'abandi bakinnyi bakomeye andi makipe yaguze.

Sharaf Eldin Shaiboub na Makonikoshwa bakomeje kugereranwa

 

 

Source : https://yegob.rw/umukinnyi-ukomeye-apr-fc-yasinyishije-akomeje-kugereranwa-numuhanzi-wakanyujijeho-mu-myaka-ishize-kubera-isura-ye/

Harimo nayo mu buhinja bwe: Element yifashishije amafoto ateye ubwuzu maze yerekwa urukundo rudadanzwe ku isabukuru ye y'amavuko.

Umuvangamiziki Element yifashishije imbuga nkoranyambaga ze yagaragaje amafoto meza cyane harimo niyo mu bwana bwe maze abakunzi be bamwifuriza ibyiza gusa.

Amafoto:

Bimwe mu byo bagiye bamwifuriza ku isabukuru ye y'amavuko:

Source : https://yegob.rw/harimo-nayo-mu-buhinja-bwe-element-yifashishije-amafoto-ateye-ubwuzu-maze-yerekwa-urukundo-rudadanzwe-ku-isabukuru-ye-yamavuko-amafoto/