Blog

Mbonimpa John w'imyaka 65 wari umubyeyi w'Umuhanzi Mugisha Benjamin uzwi nka The Ben ndetse n'Umuraperi Green P, yitabye Imana mu ijoro ryo kuri uyu wa Gatanu. 

Abaturanyi b'uyu mugabo babwiye InyaRwanda ko yishwe n'uburwayi bwamufashe ku cyumweru gishize akajyanwa kwa muganga akavuzwa bikanga. 

Ku murongo wa telefone, James Emile Mucyo bucura bwo muri uyu muryango yemereye InyaRwanda ko uyu mubyeyi yitabye Imana, aguye mu bitaro by'Akarere ka Kicukiro bizwi nk'Ibitaro bya Masaka, nyuma y'iminsi isaga itanu arembye.

Mu Ijambo rimwe yagize ati 'Byarangiye'.

Aha twari ni mu Karere ka Kicukiro, mu murenge wa Kicukiro, Akagari ka Kicukiro mu Mudugudu wa Isoko. Abaturanyi b'uyu musaza bavuga ko yari asigaye aba wenyine muri urwo rugo. 

Mu bigwi aba baturanyi bavuga by'uyu mubyeyi witabye Imana birimo kuba ariwe wakoresheje umuhanda uva kuri Kaburimbo ukagera ku Gipangu yari atuyemo, kandi ko ari we wa mbere watunze imodoka muri ako gace. 

Mbonimpa John ubyara The Ben, Green P n'abandi yitabye Imana 

IMANA IMUHE IRUHUKO RIDASHIRA 

Myugariro wa Rayon Sports, Mitima Isaac yavuze ko nk’abakinnyi bababajwe n’uko batsinze Gasogi United ibitego bike.

Ni nyuma yo kuyitsinda 2-1 mu mukino ufungura shampiyona ya 2023-24 waraye ubaye ku wa Gatanu.

Mbere y’uyu mukino, perezida wa Gasogi United, Kakooza Nkuriza Charles yari yatangaje ko azatsinda Rayon 4-2 akayambura ubusa.

Mitima Isaac wakinnye iminota 90 yabwiye ISIMBI ko uretse amagambo nta kindi iyi kipe ibarusha, bityo ko bagombaga kubatsinda kuko byose bayiri hejuru.

Ati “Twari dukwiye gutsinda, mu bintu byose, mu mazina, mu gukina nk’ikipe twari hejuru ya Gasogi United uretse amagambo menshi aba yavuzwe ariko mu bintu byose dukwiye gutsinda Gasogi, ahubwo tuba tuyitsinze bike bikatubabaza.”

Agaruka ku bakinnyi ikipe ye yaguze yavuze ko ari ikipe yaguze abakinnyi ikeneye hasigaye guhuza.

Ati “Abakinnyi ikipe yaguze nibo yari ikeneye kuko urabona buri umwe arimo gukora akazi ke, haraburamo utuntu duke two kumenyerana ariko nibiza tuzaba tumeze neza.”

Ngo intego bafite muri uyu mwaka ni igikombe cya shampiyona no kwitwara neza mu mikino Nyafurika.

Ati “Intego ni igikombe, ubushize cyaraducitse ariko uyu mwaka dutangiye neza ndizera ko tugomba gukomerezaho nk’ikipe tukitwara neza no mu mikino Nyafurika.”

Mitima Isaac ni umukinnyi wakiniye Rayon Sports kuva 2021 avuye muri Sofapaka muri Kenya akaba ari ku mwaka we 3, akaba aheruka kongera amasezerano y’imyaka ibiri.

Nyuma yo gutangaza ko azatsinda Rayon Sports ariko ikamugarika mu mukino ufungura shampiyona yemeye ko iyi kipe yabatsinze bitewe n’amakosa bakoze.

Wari umukino ufungura shampiyona ya 2023-24 wabaye ejo ku wa Gatanu maze Rayon Sports iyitsinda 2-1.

Ni umukino wari wabanjirijwe n’amagambo menshi aho perezida wa Gasogi United, Kakooza Nkuriza Charles [KNC] yari yavuze ko azatsinda Rayon Sports akayambura ubusa.

Nyuma y’uyu mukino, KNC yavuze ko atavuga ko abakinnyi be bamutengushye kuko bafite imikino myinshi bazakina na Rayon Sports irimo.

Ati “Ntabwo uyu munsi abakinnyi badutengushye, ntekereza ko hari byinshi bazakora, bafite byinshi, dufite imikino myinshi Rayon Sports izatwakira, tuzakina.”

Yakomeje avuga ko yemera ko batsinzwe ko Rayon Sports yungukiye mu makosa bakoze.

Ati “Oya uko biri kose uko yadutsinze, yungukiye mu makosa yacu, mu mupira w’amaguru iyo ukoze amakosa barakurasa, ni nk’aho ari ibitego twitangiye ubwacu.”

“Ni ikipe nziza ariko urebye uburyo badutsinzemo wabonye ko umutoza yabibonye akuramo umwana wari urimo ashyiramo Mugabe umukino urahinduka ibyo rero iyo habaye amakosa aba bakinnyi baracyari bato, bashobora gutinya umukino ibyo ubyumve.”

Yavuze ko kandi ntacyo yavuga ku misifurire y’uwo mukino kuko n’ibyo yavuga yashidikanyijeho atabibonye neza.

Aya makipe amaze guhura imikino 10, Rayon Sports imaze gutsindamo imikino 6, banganya 3 ni mu gihe Gasogi United yatsinzemo 1.

Alyn Sano aganira na InyaRwanda yavuze impamvu indirimbo yayise “Sakwe Sakwe” kandi icuranze mu buryo buvanze no kuryoshya (Vibe) n'umuco nyarwanda akaba anavugamo ngo ntibakamucire urubanza Imana niyo izi ibye, mu kuvuga aho bihuriye,

Yagize ati: 'Ntabwo nzi ahantu umuco uba uri kuva, ariko njyewe ibintu byose bibaho ku isi mbibonamo umuco. Rero ntabwo ari umwihariko ngo ni umuco cyangwa se iki, gusa ariko by’umwihariko nyine umuntu aba afite aho ava kandi aba agomba guhagararira ahantu ava.

Na none impamvu indirimbo yitwa “Sakwe Sakwe” kandi rigarukamo rimwe ni ukubera ko mu buhanzi bwanjye, ntabwo mba ncaka ko igihangano cyanjye gihita gisobanuka ako kanya, kuko ntekereza ko iyo igihangano cy'umuntu gihise gisobanuka ako kanya, ntabwo umuntu aba agifite amatsiko yo kucyumva.

Iyo uyisobanukiwe ubwo biba birangiye kandi ngewe mba ncaka ibintu ngo bihore ari mu matwi cyangwa mu maso y'ubireba cyangwa cyangwa ubyumva, rero niyo mpamvu natangiye nsakuza abantu mbabaza, hanyuma indirimbo nkayita Sakwe Sakwe kugira ngo ikomeze nyine igarure iyo mpamvu nashatse ko abantu bumva iyo ndirimbo'.

Alyn Sano yavuze icyo yagendeyeho yandika indirimbo “Sakwe Sakwe” 

Alyn Sano avuga ko nta kintu yagendeyeho ahitamo iyi ndirimbo kugira ngo abe ariyo abanza kurekura kuko yahisemo, gusa ariko yari ataramenya indirimbo izakundwa gusa avuga ko indirimbo yayikoreye amashusho mbere y'uko album ijya hanze.

Alye asoza avuga ko nyuma video ya “Sakwe Sakwe”, andi mashusho nayo ari hafi kuza y'indi ndirimbo iri kuri album 'Rumuri', akaba avuga ko akunda abafana be cyane.

Alyn Sano yashyize hanze amashusho y’indirimbo “Sakwe Sakwe” 

Kanda hano urebe indirimbo nshya ya Alyn Sano “Sakwe Sakwe”

“>

Kanda hano urebe ikiganiro kirambuye Alyn Sano yagiranye n’inyaRwanda

“>

90+5 umukino urarangiye. Umukino wahuzaga ikipe ya Gasogi United yari yakiriye Rayon Sports, urangiye Rayon Sports itsinze Gasogi United ibitego 2-1.

90″ umusifuzi yongereyeho iminota 5, yo kutagira ikosa rikorwa kurivRayon Sports

90″ igitego cya Gasogi United. Malipangi wari ukorewe ikosa mu rubuga rw’amahina, umusifuzi agatanga penariti, Malipangi yaje no kuyiterera neza umupira uruhukira mu shundura.

89″ Rayon Sports ikoze impinduka, Ojera na Mannuel bavuye mu kibuga, Ndekwe na Rudasingwa barinjira

88″ Ganijiri Elie ahawe ikarita y’umuhondo ku ikosa akoreye myugariro wa Gasogi United Nshimiyimana Marc

Gasogi United nta gihindutse ishobora kuba ikipe ya mbere itangiye shampiyona itsindwa, 

80″ Rayon Sports ikoze impinduka, Kalisa Rachid yinjiye mu kibuga, asimbuye Luvumbu, naho Ngendahimana Eric asimbura Aura Moussa

75″ abafana bose ba Rayon Sports bacanye amatoroshi, ubona ko bizeye ko amanota atatu bari buyacyure.

63″ Rayon Sports ikoze impinduka za mbere, Youssef ava mu kibuga, asimbuye na Iraguha Hadji

60″ Gasogi United ikoze izindi mpinduka, Hamis Hakim ajya mu kibuga asimbuye Ishimwe Kevin

umuntu bita Luvumbu, Aruna Ojera na Youssef bari gutanga ibyishimo hano

Gasogi United iri mubuzima bugoye muri iyi minota, nyuma yo gukina iminota ibiri gusa

50″ Rayon Sports ihushije igitego ku mupira utewe na Bbaale umunyezamu wa Gasogi Unuted awukuramo nta nkuru.

47″ Gasogi United igarukanye imbaraga zikomeye ishaka kwishyura. Amakipe agarutse mu kibuga nta nimwe yakoze impinduka.

45″ igice cya kabiri kiratangiye

45″ igice cya mbere kirarangiye

45″ Rayon Sports ihujije igitego ku mupira uzamukanwe na Youssef ahereza Luvumbu, wahise atera mu izamu, umupira ukorwaho n’umukinnyi wa Gasogi United, ugera mu izamu wahinduye icyerekezo, umunyezamu akozaho akaboko urasohoka.

Alain Kirasa atangiye inzira y’umusaraba mu buryo atumva neza

40″ Mutima Isaac abaye umukinnyi wa mbere wa Rayon Sports ubonye ikarita y’umuhondo, ku ikarita yari akoreye Mudeyi, ariko ikosa barihannye umupira ufata mu rukuta

36″ Gasogi United iteye ishoti rigana hafi y’izamu, ku mupira wari utewe na Muteyi, ariko umupira ujya hejuru

Gasogi United yabuze ibyo ikina ndetse ubona ko kugera kuri uyu munota itarinjira mu mukino. Rayon Sports irimo irakina uko ishaka kugera naho bagera imbere y’izamu bakajya gutangira.

28″ Gasogi United ikoze impinduka kubera amakosa ari gukorwa mu kibuga, Udahemuka Jean ava mu kibuga hijira Mugabe Robert

21″ Henou Yao Asse kubera ikosa akoreye Luvumbu, ahawe ikarita y’umuhondo, ahita aba umukinnyi wa mbere uhawe ikarita muri uyu shampiyona

Abakinnyi Gasogi United yabanje mu kibuga

16. DAUDA BERELI IBRAHIMA

10. MALIPANGI THEODORE Yawanendji

22. UDAHEMUKA JEAN

06. HENOU YAO ASSE

26. NIYITEGEKA IDDRISSA

02. NSHIMIYIMANA MARC GOVIN

24.MUDERI AKBAR

15.KWIZERA Amaible

17. LISELE CEDRICK LISOMBO

19.DJOUMEKU MAXWELL

07.ISHIMWE KEVIN

18″ Igitego cya kabiri cya Rayon. Rayon Sports itsinze igitego cyiza cyane ku mupira uzamukanwe na Luvumbu, ahereza Bbaale nawe wahise apasa Ojera ashota mu izamu umunyezamu awugarura n’akaboko, usanga aho Youssef yari ahagaze ahita asunikira mu izamu.

11″ igitego cya Rayon gitsinzwe na Charles Bbaale ku mupira azamukanye abakinnyi ba Gasogi United barebera, yifunga munguni arekura ishoti rikomeye cyane, umupira unyura mu maguru y’umunyezamu wa Gasogi United uruhukira mu shundura.

02' umupira utangiranye imbaraga nyinshi cyane ku mpande zombi. Rayon Sports yambaye imyenda y'ubururu hose, mu gihe Gasogi United yambaye imipira ya Orange ndetse n'amakabutura y'umukara.

19:03' umukino uratangiye. Ku mugaragaro shampiyona y'icyiciro cya mbere mu Rwanda iratangiye, ikaba itangijwe na Charles Bbaale rutahizamu wa Rayon Sports.

18:57' Hadji Mudaheranwa ari gutanga ijambo ryikaze ndetse rinatangiza League ku mugaragaro

18:55' abayobozi ba League bayobowe na Mudaheranwa Hadji bagiye gusuhuza abakinnyi ku mpande zombi

18:50' amakipe avuye mu rwambariro

Abakinnyi 11 Rayon Sports yabanje mu kibuga

Bonheur Hategekimana

Ally Serumogo

Isaac Mitima

Abdul Rwatubyaye

Elie Ganijuru

Aruna Moussa Madjaliwa

Emmanuel Mvuyekure

Heritier Luvumbu

Youssef Rharb

Charles Bbaale

Joakiam Ojera

1.Imibare ivuga iki?

Kuva mu 2009, Rayon Sports imaze gukina imikino 14 ifungura shampiyona. Muri iyi mikino Rayon Sports yatsinze imikino 10 inganya 3 itsindwa umwe. Rayon Sports yakiriye imikino 7 itsindamo imikino 5.

Muri iyi mikino, Rayon Sports ntabwo iratsindwa umukino n’umwe yakiriwe, gusa yanganyije imikino ibiri, harimo uwo yanganyije na Gasogi United ubusa ku busa mu mwaka w’imikino 2019-2020.

Muri iyi mikino yose Gasogi United niyo kipe rukumbi yatumye Rayon Sports mu mukino ufungura shampiyona, iminota 90 iyimara idatsinze igitego, ubwo 2019-20 banganyaga ubusa ku busa.

Rayon Sports iheruka gutsindwa umukino ufungura shampiyona tariki 29 Nzeri 2012, ubwo yatsindwaga n’Amagaju FC ibitego 2-1. Mu myaka 14 ishize ni ubwa kabiri Rayon Sports igiye gukina umukino ufungura shampiyona ari ku wa gatanu. Ubwo biheruka kuba byari tariki 14 Ukwakira 2016 itsinda Police FC ibitego 3-0.

Ku ruhande rwa Gasogi United, iyi kipe yatangiye gukina icyiciro cya mbere mu mwaka w’imikino 2019-20 umukino wa mbere ufungura shampiyona, yahuyemo na Rayon Sports banganya ubusa ku busa. Gasogi United ntabwo iratsindwa umukino ufungura shampiyona, kuko mu mikino 4 imaze gukina yatsinze, 3 inganya

nu umukino uteganyijwe gutangira ku isaha ya saa 19:00 pm. Aya makipe agiye guhura ku nshuro ya 9, aho inshuro 8 ziheruka, Gasogi United yatsinze umukino umwe Rayon Sports itsinda 4 banganya imikino.

Kanda hano urebe amafoto menshi yaranze uyu mukino

AMAFOTO: Ngabo Serge-InyaRwanda.com

Byabaye kuri uyu wa Gatanu tariki 18 Kanama 2023 muri Village Urugwiro. Davido yari kumwe na Masai Ujiri washinze Umuryango Giants of Africa, uteza imbere impano mu rubyiruko rwiyumvamo umukino wa Basketball mu bihugu bitandukanye byo muri Afurika.

Mu 2014 Davido yataramiye i Kigali ndetse no mu 2018 atanga ibyishimo ku banya-Kigali. Ni ku nshuro ya gatatu agiye gutaramira i Kigali.

Mu 2022, Davido yavuze uburyo yiyumvise ubwo yabonaga Perezida Paul Kagame amwakira ku kibuga cy’indege mpuzamahanga cya Kigali, mu 2014, ubwo yasesekaraga Kigali mu gitaramo cyo Kwibohora cyiswe ‘Niwowe’.

Uyu munyamuziki ugezweho muri iki gihe mu ndirimbo ‘Unavailable’ yavuze ko afitanye umubano na ba Perezida benshi batandukanye. 

Yavugaga ku bintu byaranze umwuga we, mu kiganiro n'ikinyamakuru cyo mu Bufaransa gikunda gukora amakuru ku mideli n’ubuhanzi, ‘French Fashion Magazine’.

Davido yavuze ko umwuga we wamuhiriye akaba yaragiye atungurwa na byinshi, nko guhura na ba Perezida batandukanye, ariko akagaruka ku rwibutso rwe ubwo yahurana na Perezida w’u Rwanda, Paul Kagame muri 2014.

Davido yagize ati: “Ni ibintu biba bidasanzwe kugera mu gihugu no kubona ikaze rya Perezida. Ndibuka ko nageze mu Rwanda  ari ibintu byiza cyane, Perezida yaje kuntora/kumfata ku kibuga cy’indege ubwe'.

Akomeza avuga ko ari ibintu by’agaciro kuri we k’iteka. Ati “Ibintu nk’ibi bituma numva meze neza kuri njye, kandi nkishimira ibyo niyemeje.”

“Kumenya ko nshobora kubona Perezida nkashobora kuvugana na we.  muri iki gihe, vuba aha nahuye na benshi mvugana n’abo imbona nkubone.”

“Niyo mpamvu nkomeza kwibwira no gutekereza ko nazinjira muri Politiki, biba ari byiza nkazicara kuri iyo ntebe ibintu bigahinduka'.

Davido yageze i Kigali mu gitondo cyo ku wa Kane ari mu ndege ya RwandAir ahita yerekeza kuri Marrioot Hotel.

Mu masaha y'umugoroba yatunguye abakinnyi bitabiriye imikino ya 'Giants of Africa' arabasura, kandi bagirana ibiganiro anabaririmbira agace gato k'indirimbo ye 'Unavailable'.

Uyu muhanzi ategerejwe mu gitaramo kizaherekeza iserukiramuco 'Giants of Africa' kizaba kuri uyu wa Gatandatu tariki 19 Kanama 2022 muri BK Arena. Azahurira ku rubyiniro na Bruce Melodie, Tyla ndetse na Tiwa Savage.

Mu 2016 Davido yasinye amasezerano mu inzu ifasha abahanzi ya muzika ya Sony Music. Nyuma y'amezi make yatangaje ko yafunguye Label ye yise 'Davido Music Worldwide' ibarizwamo abahanzi nka Dremo, Yonda ndetse na Peruzzi.

Mu 2019, Davido yasohoye album ye ya kabiri yise 'A Good Time' nyuma y'indirimbo nka “If”, “Fall”, “Assurance”, “Blow My Mind” na “Risky”.

Muri uriya mwaka kandi, ikinyamakuru New African Magazine cyamushyize ku rutonde rw'abanyafurika 100 bavuga rikijyana.

Ku wa 13 Ukwakira 2020 yasohoye album ye ya Gatatu yise 'A Better Time'. Ku wa 31 Werurwe 2023, yasohoye album ye ya kane yise 'Timeless'. Ni umwe mu bahanzi bo muri Afurika bakurikirwa cyane ku rubuga rwa Instagram na Twitter.   

Perezida Kagame yakiriye muri Village Urugwiro, umunyamuziki Davido

Mu 2022, Davido yatangaje ko yakozwe ku mutima n’ukuntu Perezida Kagame yamwakiriye ku kibuga cy’indege- Aha yamwakiriye muri Village Urugwiro

Masai Ujiri washinze Giants of Africa [Uri uburyo] yari kumwe na Davido muri Vilage Urugwiro 

Mu 2014, Perezida Kagame ari kumwe n’umuryango we bakiriye ku kibuga cy’indege Davido

“>KANDA HANO UREBE AMASHUSHO Y’INDIRIMBO ‘UNAVAILABLE’

“>