Blog

Manchester United FC yatsinzwe na Copenhagen ibitego 4-3, mu gihe ikipe ya Arsenal yatsindaga Sevilla ibitego 2-0 mu mikino y'umunsi wa 4 muri UEFA Champions League.

Mu ijoro ryo ku wa Gatatu tariki 08 Ugushyingo, ku mugabane w'i Burayi hakinwaga imikino y'umunsi wa 4 muri UEFA Champions League.

Amakipe atandukanye yari mu kibuga, Ikipe ya Manchester United mu itsinda A Saa 10: PM yari yerekeje muri Noruveje gukina na Copenhagen FC.

Ni umukino watangiye Manchester United imaze neza kuko ku munota wa 3, rutahizamu wayo Rasmus Hojlund yatsinze igitego cya mbere ahawe umupira na Scot McTominay, ikizere ku bafana ba Manchester United kiba kinshi.

Ku munota wa 28, Rasmus Hojlund yatsinze igitego cya Kabiri cya Manchester United ahawe umupira na Alejandro Garnacho.

Mbere y'uko igice cya mbere kirangira, ku munota wa 42, Marcus Rashford wa Manchester United yahawe ikarita y'umutuku. Ibi byatumye Manchester United itangira kugorwa, maze ku munota wa 45, FC Copenhagen itsinda igitego cya mbere cyatsinzwe na Mohamed no ku munota wa 45+9 ibona igitego cya Kabiri cyatsinzwe na Diogo Concalves kuri penaliti.

Mu Igice cya Kabiri Manchester United yabonye igitego cya gatatu cyatsinzwe na Bruno Fernandes kuri penaliti.

Ariko nyuma Copenhagen itsinda ibitego bibiri byatsinzwe na Lukas Lerager ku munota wa 83 na Ronny Bardghji ku munota wa 87. Umukino urangira Manchester United itsinzwe ibitego 4-3.

MURI iryo Tsinda rya Mbere ikipe ya Bayern Munich ibifashwijwemo na Harry Kane yatsinze ibitego 2-1 cya Galatasaray.

Source : https://yegob.rw/ucl-machester-united-yakaranzwe/

Nyabugogo ahazwi nko Mu Mashyirahamwe, Umugabo yagiye kwihagarika mu bwiherero rusange, yanga kwishyura igiceri cy'ijana baramukubita bamugira intere.

Umubyeyi ucunga ubu bwiherero rusange, yavuze ko yishyuje igiceri 100 uyu mugobo wari umaze kwihagarika maze ngo amubwira ko yajya aho ari kunywera inzoga akamwishyura.

Uyu mubyeyi wari uherutse umwana yakomeje avuga ko uyu mugabo yaje no kumurwanya maze amutura hasi bituma abari aho baramwahuka nawe baramukubita bamuhindura intere.

Ambulance yaje kuhagera maze ajyanwa kwa muganga, ndetse n'inzego z'umutekano nazo zahise zihagera ku gira ngo abamukubise bakurikiranywe.

 

Source : https://yegob.rw/nyabugogo-ahazwi-nko-mu-mashyirahamwe-umugabo-yagiye-mu-bwiherero-maze-abura-igiceri-cyo-kwishyura-bahitamo-kumukubita-bamugirira-intere/

Umusore witwa Nshimyumuremyi Bienvenue wari usanzwe ari umumotari mu mujyi wa Kigali akomeje gusaba ubutabera nyuma yo kumara ukwezi akubiswe n'itsinda ry'abajura bamutegeye mu nzira bakamwambura telefone ndetse ku buryo yakutse amenyo atandatu.

Nshimyumuremyi avugako yimwe ubutabera kuko nyuma yo kwamburwa ibye akanakubitwa yahise yibwa moto ye gusa atungurwa nuko ababikoze bafunzwe iminsi mike bahita barekurwa.

Umuvugizi wa RIB, Dr Murangira B Thierry yamaze impungenge uyu musore kuko yatangaje ko ibirego bye bizwi n'uru rwego ndetse kandi n'aba bakekwaho ku mwiba no kumukorera urugomo bari gukorwaho iperereza.

Source : https://yegob.rw/andi-makuru-mashya-kuri-wa-mumotari-uherutse-gukubitwa-nibisambo-bikamukura-amenyo-atandatu/

Abakinnyi 4 bahataniye igihembo cy’ukwezi k’Ukwakira ni Luvumbu Héritier ukinira Rayon Sport, umunyezamu wa Musanze FC Muhawenayo Gad, Victor Mboama rutahizamu wa Rayon Sports, na Hakizimana Muhadjri ukinira Police FC. 

Luvumbu Héritier mu Ukwakira yakiniye Rayon Sports imikino yose ndetse atsindira iyi kipe ibitego 3 atanga n’imipira 2 ivamo ibitego.

Muhawenayo Gad ni umunyezamu wa Musanze FC uri mu bakinnyi bari kuyifasha kuguma ku mwanya wa mbere muri shampiyona. Gad mu Ukwakira yakinnye imikino 4 muri 5 Musanze FC yakinnye aho yasibye umukino Musanze FC yatsinzwe na APR FC ibitego 2-1. 

Umukino wa Rayon Sports, As Kigali, na Kiyovu Sports, yose Muhawenayo Gad yayishoje atinjijwe igitego.

Victor Mboama ni rutahizamu wa APR FC witwaye neza mu Kwezi k’Ukwakira aho yakiniye iyi kipe imikino yayo yose 6, ayitsindira ibitego bigera kuri 4, harimo n’igitego yatsinze Mukura mu minota y’inyinga, APR FC itahana amanota 3

Umukinnyi wa Kane, ni Hakizimana Muhadjri ukinira ikipe ya Police FC, uyu musore yagize uruhare rweruye, mu gufasha Police FC gutsinda imikino ine yose yo mu Ukwakira, aho yatsinze ibitego bibiri, atanga imipira 2 ivamo ibitego.

Ushobora kugira uruhare mu gutora umukinnyi mwiza w’ukwezi uciye ku mbuga nkoranyambaga za InyaRwanda.com.

Umukinnyi w’ukwezi kwa nzeri yabaye Inemesit Sunday ukinira Etoile de L’est, mu gihe ukwezi kwa Kanama Peter Agblevor wa Musanze FC ariwe wari wegukanye iki gihembo.

Source : https://inyarwanda.com/inkuru/136306/luvumbu-na-mbaoma-mu-bakinnyi-bahataniye-igihembo-cyukwezi-kwa-10-136306.html

Ntacyo batakoze ngo babone intsinzi: Abasore b'ikipe y'igihugu Amavubi bagaritswe na Tanzania bakomeza urugendo rubaganisha mu mazi abira.

Ikipe y'igihugu y'u Rwanda Amavubi yabaterengeje imyaka 15 y'amavuko yatsinzwe umukino wayo wa kabiri n'ikipe y'igihugu ya Tanzania ibitego 2-1 ibi byatumye aba basore bakiri bato b'ikipe y'igihugu bisanga mu mazi abira kubera ko umukino ubanza batsinzwe nk'abadahari n'ikipe y'igihugu ya Zanzibar ibitego 3-0.

U Rwanda ruri mu itsinda B rukaba rukomeje guherekeza andi makipe ni mu gihe rusigaje umukino umwe ruzakina tariki 11/11/2023 n'ikipe y'igihugu ya Somalia.

Ibitego bibiri by'ikipe y'igihugu ya Tanzania byatsinzwe na Peter Andrew ku munota wa 35 w'umukino ndetse no ku munota wa  49 w'umukino mu gihe igitego kimwe cy'Amavubi cyatsinzwe na Niyongabo Patrick ku munota wa 89 w'umukino.

Source : https://yegob.rw/ntacyo-batakoze-ngo-babone-intsinzi-abasore-bikipe-yigihugu-amavubi-bagaritswe-na-tanzania-bakomeza-urugendo-rubaganisha-mu-mazi-abira/

Hamenyekanye abakinnyi ba Kiyovu Sports bamaze kumenyesha bagenzi babo ko batazagaruka muri iyi kipe kubera inzara irimo kubakata amara kandi ubuyobozi ubona ko butiteguye kubirangiza vuba

Hashize iminsi bivuzwe ko mu ikipe ya Kiyovu Sports harimo ikibazo gikomeye cy'inzara nyuma yaho iyi kipe ifashwe na Ndorimana jean Francois Regis uzwi nka General ndetse ubuyobozi ntibugire icyo bubitangazaho dore ko n'umutoza Koukours yabigarutseho mu minsi ishize ariko agahita acecekeshwa.

Ibi byongeye kugaruka nubwo ubu buyobozi bwari bumaze iminsi burimo gutanga agahimbazamusyi ku bakinnyi uko babaga batsinze umukino ariko ntabwo abakinnyi bamwe babyumva. Amakuru ahari kugeza ubu ni uko umutoza Petros Koukourus ndetse n'abamwe mu bakinnyi ngo batiteguye kugaruka mu kazi nkuko bisanzwe hatagize igikorwa.

Amakuru YEGOB dukesha Fine FM avuga ko uwitwa Emmanuel Karyowa agiye gusaba amezi 4 agasesa amasezerano na Kiyovu Sports dore ko bivugwa ko n'amafaranga yaguzwe atarayahabwa yose. Undi mukinnyi bivugwa ko agiye ni Sharif Bayo ukina mu kibuga hagati, Fofo Chabungula, ndetse n'abandi bakinnyi b'inkingi za mwamba muri Kiyovu Sports bafashe umwanzuro wo kudakomeza akazi.

Kugeza ubu ikipe ya Kiyovu Sports ifite amanota 15, ubona ko abakinnyi bihanganye bagakomeza guhatana ariko inkuru yamaze kumenyekana ko bigiye guhindura isura mu gihe abakinnyi ndetse n'abatoza ngo inzara ibageze ahabi.

 

Source : https://yegob.rw/hamenyekanye-abakinnyi-ba-kiyovu-sports-bamaze-kumenyesha-bagenzi-babo-ko-batazagaruka-muri-iyi-kipe-kubera-inzara-irimo-kubakata-amara-kandi-ubuyobozi-ubona-ko-butiteguye-kubirangiza-vuba/

Umukinnyi w'icyatwa niwe ubuyobozi bwa Rayon Sports bugiye gusimbuza abarimo Youseff Rharb ndetse na Abkar Mugadam hashobora kwiyongeraho na Ojera ushobora kugenda

Ikipe ya Rayon Sports muri iyi minsi irimo kuvugwa cyane nyuma y'amakuru arimo kuyivugwamo harimo abakinnyi ishobora gutandukana nabo ndetse nabo ishobora kugura kugirango ikomere kurushaho.

Amakuru ahari aravuga ko iyi kipe yatangiye ibiganiro n'umukinnyi witwa Hamis Cedric wanayikinnye kugirango aze ayifashe mu mikino isigaya kugirango Shampiyona urangire.

Uyu mukinnyi yakinaga mu gihugu cya Saudi Arabia mu ikipe yahembwaga asaga Milliyoni 40 ariko kubera ibibazo yagiranye n'iyi kipe bigatuma kubona indi bigorana cyane ari nacyo Kirimo guha amahirwe Rayon Sports ku kuba yamwegukana kuko arimo gushaka ikipe muri iyi minsi cyane ndetse akaba anabatizwa hano mu Rwanda.

Hamis Cedric agiye gusimbura abarimo Youseff Rharb ndetse na Abkar Mugadam, ndetse kandi bivugwa ko iyi kipe izanatandukana na Ojera hamwe na Luvumbu bashobora kwerekeza mu yandi makipe hatagize igihinduka.

Source : https://yegob.rw/umukinnyi-wicyatwa-niwe-ubuyobozi-bwa-rayon-sports-bugiye-gusimbuza-abarimo-youseff-rharb-ndetse-na-abkar-mugadam-hashobora-kwiyongeraho-na-ojera-ushobora-kugenda/

Kwizera Olivier ntacyiri kamara! Amavubi yahamagaye umuzamu ukina mu ikipe yo mu kiciro cya mbere i Burayi.

Umunyezamu Maxime Wenssens wa Union Saint-Gilloise yo mu Cyiciro cya Mbere mu Bubiligi yahamagawe bwa mbere mu Amavubi. Ikipe y'Igihugu iri kwitegura imikino yo gushaka itike y'Igikombe cy'Isi cya 2026.

Source : https://yegob.rw/kwizera-olivier-ntacyiri-kamara-amavubi-yahamagaye-umuzamu-ukina-mu-ikipe-yo-mu-kiciro-cya-mbere-i-burayi/

Umukuru w'umudugudu yafashe umwanzuro ugayitse wo kwiyahura nyuma y'ibidahesheje Imana icyubahiro  umugore we yari amufatiye mo

Mu karere ka Musanze, haravugwa inkuru y'Umukuru w'Umudugugudu wagerageje kwiyahura akoresheje ishuka, mu ijoro rishyira tariki 08 Ugushyingo 2023, abaturage baratabara.

Ni umugabo w'imyaka 57, umukuru w'umwe mu midugudu y'Akagari ka Kabeza, aho bivugwa ko gutekereza kwiyahura byaturutse ku makimbirane yagiranye n'umugore we, nk'uko bamwe mu baturage babibwiye Kigali Today dukesha iyi nkuru.

Muri uko gushwana, ngo Mudugudu yafashe icyemezo cyo kwiyahura, mu gihe atangiye kwinigisha ishuka abaturage baramutesha, ndetse bamusaba kurara mu cyumba cye bategeka umuhungu we mukuru kurara amurinze.

Source : https://yegob.rw/musanzeumukuru-wumudugudu-yafashe-umwanzuro-ugayitse-wo-kwiyahura-nyuma-yibidahesheje-imana-icyubahiro-umugore-we-yari-amufatiye-mo/

Biyongereye ku rutonde rw'abanyamuziki barimo James na Damiella, Ben na Chance, Papy Clever na Dorcas, Tracy Agasaro na Rene Patrick n'abandi bakora umuziki mu buryo bw'umwuga kandi bakundana/babana nk'umugabo n'umugore.

Itandukaniro ririmo ni uko Cedrick na Queen bazajya bakora indirimbo zisanzwe zizwi nka ‘Secullar’, ni mu gihe amatsinda yamamaye cyane mu Rwanda ari abakora indirimbo za ‘Gospel’.

Iyi ndirimbo y'iminota 3 n'amasegonda 26' Cedrick na Queen basohoye yitsa ku rugendo rw'urukundo rw'aba bombi, imibanire y'abo ya buri munsi n'imitoma itangaje iranga urukundo rwabo. Nko mu gitero cya mbere baririmba bagira inama abakundana, kutemerera buri wese washaka kwitambika urukundo rw'abo.

Cedrick yabwiye InyaRwanda ko yiyemeje gukorana umuziki n'umukunzi we kubera ko yujuje ibisabwa nk’umuhanzi wese. Ikirenze kuri ibyo, biri mu murongo wo gushimangira urukundo bakundana.

Yavuze ati 'Kuba nkora umuziki si ukwishimisha ndawukunda kandi kurundi ruhande ni akazi, gusa impamvu yo kuba umukunzi wanjye ari nawe mugore wanjye kuba narahisemo ngo dufatanya muri uru rugendo rwa muzika n'uko umukunzi wanjye yujuje ibisabwa mu bijyanye n'umuziki, ikindi kandi akaba ari imbaraga nungutse.'

Akomeza ati 'Abenshi dukunda guhisha ntidushime ibyo dufite ariko njye nahisemo gushima nogushimangira ko umukunzi wanjye ari imbaraga zanjye akaba umujyanama wanjye kuba rero twaba itsinda nk'uko bigaragara ari nako kuri nuko duhuje kandi dushyigikirana, rero kuba turi kumwe no kuba dukorana n'uko duhuje byaba urukundo rwacu ndetse n'impano yacu kandi nkeka nkanizera ko ari umugisha dufite byaba none cyangwa ejo hazaza.'

Asobanura ko kwandika indirimbo 'Turaberanye' biri mu rugendo rwo gushyira itafari ku rugendo rw'umuziki w'u Rwanda no kugaragaza impano ibarimo.

Kandi avuga ko bayanditse bagendeye ku mibanire mu rukundo rw'abo. Akomeza ati 'Ikindi ni uko twanditse ino ndirimbo tugendeye ku rukundo rwacu uko dukundana ndetse tukareba no ku bandi bantu bo hirya no hino bakundana tuvugamo ibibazo abantu bahura nabyo mu rukundo rwabo tubahumuriza ndetse natwe ubwacu tugira duti turaziranye.'

Cedrick asobanura ko hamwe n'umukunzi we Queen bazakomeza gukoresha impano Imana yabahaye, mu gutanga ubutumwa bw'urukundo no mu ndirimbo zihimbaza Imana.

Amani Cedrick usanzwe ari mu babyinnyi b'Itorero Inganzo Ngari, yaherukaga gushyira hanze indirimbo yise 'Neza' yatumye umukunzi we amuha impano ya moto.

Asobanura ko hari byinshi yashingiyeho mu guhitamo Queen, kuko mu kubyiruka kwe yifuzaga umuntu yakunda bya nyabyo ku buryo 'ntamuhemukira'. Yumvikanisha ko gushaka uwo muzabana, ukwiye gushaka 'uwo utahemukira kuruta uko washaka utaguhemukira'.

Cedrick avuga ko urukundo rwe na Queen rwanakomejwe no kuba yarabanje kuvugana nawe kuri telefoni mu bihe bitandukanye no mu biganiro, mbere y'uko batangira urugendo rwo gukundana.

Asobanura umukunzi we nk'umuntu ukunda umuziki cyane, kandi ukunda ahantu harimbishijwe. Avuga ko ubwo yiyemezaga kumwambika impeta, yatekereje kuri buri kimwe gisabwa ariko ntiyasiga inyuma guhimbira indirimbo umukunzi we.    

Ku wa 6 Mutarama 2023, ni bwo uyu musore yambitse impeta umukunzi we, nyuma bahamya urukundo rwabo imbere y'amategeko.

Uyu musore anavuga ko umukunzi we ari umuntu ugira urukundo rwinshi cyane, ku buryo agukunda akaba 'yanakurwanirira'. Kandi agatinya kubeshya umuntu akunda. 

Cedrick yatangaje ko yiyemeje gukorana umuziki n'umukunzi we Queen kubera ko yujuje buri kimwe gikenewe ku munyamuziki

Cedrick na Queen bakoranye indirimbo 'Turaberanye' bashingiye ku nkuru y'urukundo rw'abo

Cedrick avuga ko imyaka ine ishize ari kumwe na Queen yaranzwe n'ibihe by'urwibutso

Cedrick na Queen bavuga ko bashaka gushyira itafari ry'abo ku rugendo rw'umuziki

Cedrick asanzwe ari umwarimu wigisha kubyina umuco Nyarwanda

KANDAHANO UREBE AMASHUSHO Y'INDIRIMBO 'TURABERANYE' YA QUEEN NA CEDRICK

“>

Source : https://inyarwanda.com/inkuru/136305/cedrickqueen-couple-ya-mbere-yinjiye-mu-muziki-windirimbo-zisanzwe-video-136305.html