Blog

Itangazo rigenewe abanyamakuru ryasohotse kuri uyu wa Mbere tariki 13 Ugushyingo 2023, rivuga ko iri rushanwa rizaba kuri Pasika tariki 1 Mata 2024.

Abategura iri rushanwa basobanuye ritakibaye muri uyu mwaka mu murongo wo kurushaho kuritegura neza no guha 'umwanya munini abayobozi bacu bo mu bihugu bitandukanye muri Afurika kugirango basoze igikorwa cyo guhitamo abakobwa bazahatana.'

Iri rushanwa risanzwe ryitabirwa n'u Rwanda. Buri gihe gihugu gihitamo umukobwa uzagiserukira binyuze mu bantu baba bafitiye uburenganzira.

Miss Africa yari yitezwe kuzaba muri uyu mwaka, kuko ibikorwa byo gushakisha abakobwa bazahatana no kwiyandikisha byari byatangiye gukorwa ku wa 20 Nyakanga 2023 mu bihugu bitandukanye muri Afurika, aho biyandikisha banyuze ku rubuga: www.missafrica.tv

Miss Africa isanzwe ibera muri Leta ya Cross River muri Nigeria, hagamijwe guteza imbere abakobwa bo muri Afurika no kuzamura urwego rw'ubukerarugendo rw'iyi Leta.

Ni irushanwa riri mu maboko ya Guverineri wa Cross River, Prof. Sen. Ben Ayade wiyemeje ubukangurambaga mu kurengera ibidukikije binyuze muri Miss Africa.

Mu 2022, iri rushanwa ryabereye mu nyubako ya Calabar International Convention Centere, ku wa 27 Ukuboza 2022, icyo gihe irushnwa ryegukanwe na Precious Okoye

Mu 2020, u Rwanda rwahagarariwe na Uwihirwe Yasipi Casmir wageze muri batanu ba mbere ndetse atsindira umwanya w'umukobwa wahize abandi mu gukora imyitozo ngororamubiri (Sport Prince).

Uyu mukobwa yanagizwe Ambasaderi wa Leta ya Cross River mu rwego rwo guteza imbere ubukerarugendo bwaho. Cyo kimwe na Jasinta Makwabe wari uhagarariye Tanzania.

Ikipe y’igihugu Amavubi yerekeje i Huye ahazabera umukino wa Zimbabwe na Afurika y’Epfo, umutoza akaba yasize abakinnyi 2 mu bo yari yahamagaye.

Mu gitondo cyo kuri uyu wa Mbere ni bwo ikipe y’igihugu Amavubi yerekeje i Huye gukomereza umwiherero yitegura umukino wa Zimbabwe tariki ya 15 Ugushyingo na Afurika y’Epfo tariki ya 21 Ugushyingo, bizaba ari mu ijonjora ryo gushaka itike y’igikombe cy’Isi cya 2026.

Umutoza Torsten Frank Spittler akaba yari yahamagaye abakinnyi 30, muri abo hakaba hari abakina hanze y’u Rwanda bataraza kimwe na Rafael York we utazitabira ubutumire kubera imvune.

Gusa bijyendanye n’imyitozo yari amaze iminsi akoresha, umutoza yahisemo gusiga abakinnyi 2, rutahizamu wa Kiyovu Sports, Mugunga Yves na Ishimwe Elie Tatou wa Mukura VS.

Mu bakinnyi bakina hanze y’u Rwanda bamaze kuhagera harimo Ntwari Fiacre, Sibomana Patrick Papy, Hakim Sahabo, Yves Hendrickx na Bizimana Djihad.

Mugunga Yves ntabwo yajyanye n’abandi i Huye

Elie Tatou na we yasezerewe

Urubanza ku bujurire bwa Ndagijimana Eric rwabaye mu gitondo cyo kuri uyu wa mbere tariki 13 Ugushyingo 2023 ahagana saa tatu. Muri sale ifite nimero Kabiri Urukiko Rwisumbuye rwa Nyarugenge.

Eric Ndagijimana yisobanuye avuga ko umutangabuhamya wamushinje mu Bugenzacyaha ubuhamya bwe  budakwiye guhabwa agaciro bitewe nuko utahabwa ikiraka cya Miliyoni 5 Frw ugiye kwiba Telefone  ya Miliyoni imwe na 400 Frw (IPhone 14 Pro max).

Eric Ndagijimana yabwiye Urukiko ko abatangabuhamya bagahawe agaciro ari abari bicaye ku meza yari yicayeho The Ben kandi uwitwa Aimable Musinga”Pilato” wamutanzeho ubuhamya muri RIB atageze i Burundi bityo ubuhamya bwe budakwiriye guhabwa agaciro.

Mu buhamya bwatanzwe na Aimable Musinga yavuze ko bahawe ikiraka cyo kwiba Telefone  ya The Ben kuri miliyoni 5 Frw we abivamo kuko yabonaga amafaranga ari make cyane kandi ataziranye na The Ben ku buryo yahisemo kwikura muri ubwo bujura. 

Ubushinjacyaha bwavuze ko Telefone  yabonetse mu bice bya Nyarugenge hakoreshejwe gupimira ku munara”Tracking” kandi ko nu’bundi ariho Eric Ndagijimana atuye. 

Ku kuba yaratashye atitabiriye igitaramo cyabaye ku itariki 01Ukwakira 2023 Eric Ndagijimana yabwiye Urukiko ko yari yagiranye ibibazo na Muyoboke Alex mu gitaramo cyabanje cyabaye ku itariki 30 Ukwakira 2023 cy’abanyamafaranga. 

Yemeye ko yashyamiranye na Muyoboke Alex kubera kwijandika mu bucuruzi bw’amatike. Eric Ndagijimana yabwiye Urukiko ko yarekurwa agakurikiranwa adafunze kuko atigeze yiba iriya Telefone  ya The Ben. Urukiko rwavuze ko umwanzuro ku bujurire uzosomwa ku itariki 17 Ugushyingo 2023 saa munani z’amanywa. 

Eric Ndagijimana yatawe muri yombi ku itariki 05 Ukwakira 2023. Yaburanye ku ifungwa n’ifungurwa ry’iminsi 30 y’agateganyo ku itariki  18 Ukwakira 2023. Umwanzuro wo gufungwa iminsi 30 y'agateganyo wasomwe ku itariki 23 Ukwakira 2023 ahita ajyanwa gufungwa mu igororero rya Nyarugenge riri i Mageragere.

 Uyu munsi rero tariki 13 Ugushyingo 2023 yajuriye. Amaze iminsi 38 afunze irimo 18 yamaze ari gukurikiranwa no gukorerwa iperereza mu bugenzacyaha n’ubushinjacyaha. 

Ni mu gikorwa cyabaye kuri iki Cyumweru tariki 12 Ugushyingo 2023, kibera ahitwa Minembwe muri Repubulika Iharanira Demokarasi ya Congo (RDC).

Iki gikorwa gisanzwe cyateguwe na Umoja Wetu Tv Minembwe, mu murongo wo guteza imbere umwana w'umukobwa no kwamagana ababasunikira gushaka batarageza imyaka y'ubukure.

Umuhango wo gutanga ikamba ku mukobwa wahize abandi witabiriwe n'abayobozi mu nzego zinyuranye za Leta, abakozi muri Monusco, abakuru b'urubyiruko, ababyeyi bashyigikiye abana b'abo n'abandi banyuranye.

Iri rushanwa ryabereye mu kibuga aho kubera mu nyubako. Gapfizi David uri mu bateguye iri rushanwa yabwiye InyaRwanda ko ari amateka adasanzwe bakoze mu gutegura iki gikorwa cyubakiye ku muco n'ubuzima bw'abanyamulenge.

Ni ubwa mbere iki gikorwa cyabaye. Abakobwa batandatu nibo batsindiye akamba muri iri rushanwa barimo Nyandamira Aline wegukanye ikamba rya Miss Mulenge 2023, Kamikazi Justine wari uhagarariye agace ka Gahwera wabaye igisonga cya Mbere, Mwamikazi Divine wo mu gace ka Ilundu wabaye igisonga cya kabiri;

Nyamarembo Nantone wo mu gace ka Gitavi wabaye Nyampina w'umuco [Miss Heritage], Nantungane Joyesuex wabaye umukobwa wakunzwe mu irushanwa [Miss Populaire] na Nyanome Esperance wabaye umukobwa uberwa n'amafoto [Miss Photogenic].

Ibihembo byatanzwe muri iri rushanwa byahawe buri mukobwa wabashije kugera muri 15 ba mbere mu rwego rwo kubaremamo icyizere cy'ejo hazaza no kubereka ka ko bose bafite amahirwe angana.

Nyandamira Aline w'imyaka 17 y'amavuko yahize bagenzi be 15 yegukana ikamba rya Miss Mulenge

Ni ubwa mbere hatowe umukobwa wambikwa ikamba rya Miss Mulenge mu rwego rwo gutinyura abandi bakobwa

Iri rushanwa ryabereye muri RDC kuri iki Cyumweru tariki 12 Ugushyingo 2023 muri Minembwe 

Ababyeyi ba Nyandamira Aline bari bamushyigikiye ahatanye muri iri rushanwa

Nyandamira Aline yahembwe ibihumbi 300 Frw, yemererwa no kwishyurirwa amashuri kugeza ageze muri Kaminuza