Nyuma y’imikino y’amakipe y’ibihugu yakinwaga hashakwa itike y’igikombe cyo ku Mugabane w’u Burayi cya 2024 (Euro 2024) ndetse no gushaka itike y’igikombe cy’Isi cya 2026 kizabera muri Mexico,Leta zunze ubumwe za Amerika ndetse na Canada imikino iraza amajoro yagarutse.

Kuri uyu kwa Kabiri harasubukurwa UEFA Champions League aho amakipe amwe agomba kwesurana ashaka itike izayakura mu matsinda nubwo hari ayamaze gukatisha.

Duhereye ku mikino ihari kuri uyu munsi saa Moya n’iminota 45,mu itsinda E ikipe ya Lazio yo mu Butaliyani  irakina na Celtic kuri Stadio Olimpico, Rome. Undi mukino wo muri iri tsinda urakinwa saa yine aho Feyenoord iraba yakiriye Atletico Madrid kuri de Kuip.

Aha biracyakomeye cyane kubera ko Atletico Madrid niyo ya mbere ifite amanota 8,Lazio ni iya ,2 ifite 7 mu gihe Feyenoord ari iya 3 n’amanota 6. 

Mu itsinda ry’urupfu F saa yine z’ijoro naho umuriro uraba waka, ikipe ya AC Milan yo mu Butaliyani iraba yakiriye Borussia Dortmund yo mu Budage kuri San Siro naho Paris Saint-Germain yo mu Bufaransa yakiriye Newcastle United yo mu Bwongereza kuri Parc de Princes. 

Kugeza ubu muri iri tsinda nta kipe irizera gukatisha itike ya 1/8 , Borussia Dortmund niyo ya mbere n’amanota 7,Paris Saint-Germain niyo ya 2 n’amanota 6,AC Milan ni iya 3 n’amanota 5 naho Newcastle United ni iya 4 n’amanota 4.

Mu itsinda G,saa yine z’ijoro ikipe ya Manchester City iraba yakiriye RB Leipzig kuri Etihad naho Young Boys iraba yakiriye FK Crvena Zvezda. Kuri ubu muri iri tsinda birasa nkaho byasobabutse kubera ko Man City niyo ya mbere mu itsinda n’amanota 12 naho LB Leipzig ni iya 2 n’amanota 9,izindi 2 zikaba zifite 1.

Saa yine n’ubundi mu itsinda H ikipe ya Shakhtar Donetsk iraba yakiriye Royal Antwerp naho FC Barcelona yakiriye FC Porto. Muri iri tsinda naho FC Barcelona ikeneye gutsinda uyu mukino kugira ngo ibone itike kuko ifite amanota 9 gusa inganya na FC Porto naho Shakhtar Donetsk ikaba ifite 6.

Ku munsi w’ejo kuwa Gatatu nabwo imikino izakomeza,mu itsinda A saa moya n’iminota 45 ikipe ya Galatasaray izaba yakiriye Manchester United,iyi kipe yo mu Bwongereza niba ishaka itike irasabwa gutsinda uyu mukino kuko kugeza ubu ni iya nyuma mu itsinda aho ifite amanota 3 ikaba irushwa na FC Bayern Munich ya mbere amanota 9.

Tukiri muri iri tsinda kandi saa yine z’ijoro,FC Bayern Munich yamaze gukatisha itike izaba yakiriye FC Copenhagen. 

Mu itsinda B saa yine z’ijoro, Sevilla izaba yakiriye PSV Eindhoven naho Arsenal yakiriye Lens. Aha Arsenal irasabwa gutsinda kugira ngo ibone itike kuko kugeza ubu niyo iyoboye ikaba ifite amanota 9 aho irusha PSV Eindhoven ya 2 amanota 4 ya 2 na Lens ya 3.

Mu itsinda C ,saa yine z’ijoro ejo kuwa Gatatu ikipe ya Real Madrid izaba yakiriye Napoli yo mu Butaliyani naho SC Braga yakiriye Union Berlin. Hano ikipe ya Real Madrid yamaze gukatisha itike n’amanota 12 , Napoli niyo iyikurikiye n’amanota 7 naho SC Braga ni iya 3 n’amanota 3.

Mu itsinda D nabwo saa yine z’ijoro Benfica yo muri Portugal izaba yakiriye Inter Milan naho Real Sociedad yakiriye FC Salzburg. Hano bisa nkaho byasobabutse, Real Sociedad na Inter Milan nizo ziyoboye n’amanota 10 mu gihe FC Salzburg ifite 3 naho Benfica ifite 0.

Manchester United ku munsi w’ejo izaba yagiye gushakira intsinzi muri Turkiya , umukino ubanza Galatasaray yari yayitsinze ibitego 3-2

Bamwe mu Baraperi ba hano mu Rwanda babifata nk’igisebo ndetse n'ikimwaro kuba iki  kigiye kuba ku nshuro y'a mbere mu Rwanda bararengeje ingohe abaraperi nyarwanda  kandi bemeza ko nabo bashoboye ndetse bifuzaga kugaragaza ko mu Rwanda naho bazi kurapa.

Icyamamare Winston Duke wamamaye muri Filime Black Panther akaba anaherutse guhabwa ubwenegihugu bw'u Rwanda,niwe uzayobora iki gitaramo cya Move Africa.

Abamaze gutangzwa ko bazatarama muri iki gitaramo barimo Bruce Melodie , Zuchu wo muriTanzania, Ariel Wayz, DJ Toxxyk na Sherri Silver.

Abaganiriye na InyaRwanda.com berekanye ko koko badahabwa agaciro ndetse ko babateye igisebo cyane ko ibyo bakoze muri iyi njyana byateshejwe agaciro.

Ni kenshi aba baraperi bagiye bagaragaza ko banyotewe no gutaramana na Kendrick Lamar ndetse bagaragaza ko bishimiye kuba agiye kuza mu Rwanda basaba kuzahurira nawe ku rubyiniro ari ubusabe bwabo ntibwumviswe.

Icyiciro cyambere cyatangajwe nta muraperi n'umwe wigeze utangazwa ndetse amakuru InyaRwanda yari ifite ngo ni uko hagombaga gutangazwa icyiciro cya Kabiri cyari cyitezwemo umuraperi.

Umuraperi Nyarwanda ahejwe ku meza ariraho!

Benshi ntibumva ukuntu umuraperi nyarwanda ahezwa ku meza ariraho ku buryo igikorwa nk'iki kiba ntahabwe umwanya we ukwiye muri iyi njyana.

Mu Rwanda dufite umuraperi Bushali umwe mu bayoboye iyi njyana akaba ari n'umwami w'iyi BK Arena igitaramo kizaberami dore ko afite amateka yo guhagurutsa imbaga muri iyi nyubako.

Uyu iyo atumirwa nta kabuza hari impinduka. Dufite abaraperi nka Kivumbi bahagaze neza, Bulldog, Riderman,Fireman, Ish Kevin, B Threy, Zeo Trap b'abandi batagakwiye guhezwa ku meza yabo.

Bushali ni umwe mu baraperi beza u Rwanda rufite

Hagakwiye gutangazwa umuraperi nyarwanda ndetse akerekanwa nk'abandi hatabayeho kubikora mu bwiru bitabaye ibyo ntaho injyana ya Rap yaba igana ntanaho yazamenera.

Babantu bavugira umuziki nyarwanda bagakwiye guhaguruka bakamagana ibiri kuba kuri iyi njyana ikundwa na benshi.

Abakoresha imbuga nkoranyambaga byagakwiye kwerekana ko batishimye ibiri kuba mu gutuma umuziki w'u Rwanda ukandamizwa Nyamara ab'imbere mu gihugu aribo bawubakundisha.

Urwego rw'Igihugu rw'Iterambere (RDB) rufatanyije na Global Citizen ndetse na PGLang, batangaje ko u Rwanda rugiye kuberamo igitaramo cyiswe 'Move Afrika: Rwanda' kizataramamo umuraperi w'icyamamare, Kendrick Lamar Duckworth.

Iki gitaramo kizabera muri BK Arena tariki 06 Ukuboza 2023, kikazanaririmbamo abandi bahanzi batandukanye bo mu Karere.

Muri ibyo birori kandi hazagaragaramo ubukangurambaga bugamije kurengera abaturage mu gusaba byihutirwa ko abayobozi b'Isi bafata iya mbere mu gushakira umuti ibibazo bibangamiye umugabane wa Afurika.

Muri ubwo bukangurambaga, bimwe mu bibazo by'ingenzi bizagaragazwa harimo, inkunga mu rwego rw'ubuzima, hibandwa cyane cyane ku bagore n'abakobwa; gukemura ikibazo gihangayikishije Isi ku ihindagurika ry'ikirere n'ingaruka zacyo ku kwihaza mu biribwa; ibibazo byo kuba ikiragano kizaza kidahabwa amahirwe mu rwego rw'ubukungu no gushishikariza abaturage kurushaho kubigiramo uruhare.

'Move Afrika' igamije guha imbaraga abatuye umubumbe mu kugaragaza ubusumbane buri mu guhanga imirimo no kwihangira imirimo kuri ba rwiyemezamirimo b'ejo hazaza byumwihariko ku Mugabane wa Afurika.

Iki gikorwa kandi kigamije no kugaragariza Isi ibyiza by'Umugabane wa Afurika. Ibi birori bigamije no kuzamura ishoramari mu baturage b'uyu mugabane, guhuza abahanzi, abacuruzi, ibigo ndetse n'abakozi, kandi bitange amahirwe yo guteza imbere ubumenyi ku murimo hatangwa n'amahugurwa.

Ku bufatanye n'Urwego rw'Igihugu rw'Iterambere RDB ibi bitaramo bya 'Move Afrika: Rwanda' biteganyijwe ko bizajya bibera i Kigali buri mwaka mu gihe cy'imyaka itanu iri imbere ni ukuvuga kugeza mu 2028. Biteganyijwe ko ibi bikorwa ngarukamwaka bizajyana no kongera umubare w'ibihugu bizajya biberamo.

Zeo Trap aherutse kwerekana ko atishimiye kuba nta muraperi watumiwe

B Threy ni umwe mu baraperi bakomeye

Level Up your Biz Initiative, ni gahunda yatangijwe na MTN Rwanda ifatanije na Inkomoko mu 2021, hagamijwe gufasha ba rwiyemezamirimo bato kwagura imishinga yabo.

Iyi gahunda igamije kongerera ubushobozi ba rwiyemezamirimo bakiri bato, hibandwa cyane cyane ku gutanga ubumenyi bukenewe mu bucuruzi buyobowe n'urubyiruko. Muri iki gihembwe, gahunda yagukiye mu matsinda 3 atandukanye, yibanda kuri kompanyi zigitangira, SMEs ziyobowe n'urubyiruko, ndetse n'abakozi ba MTN, bagaragaza ubushake bwo kuzamura iterambere ry'inganda nini ziyobowe n'urubyiruko mu Rwanda.

Ba rwiyemezamirimo bageze ku cyiciro cya nyuma bagiye gufashwa mu kwagura ibikorwa byabo muri uyu mwaka harimo uwashinze ikigo cya Ingoga Auto Ltd gitanga serivisi zo kugurisha ibikoresho by'imodoka hifashishijwe uburyo bw'ikoranabuhanga, kubigeza ku babikeneye no gukanika izagize ibibazo.

Undi rwiyemezamirimo ni uwatangije ikigo cya Cover Soko Ltd gitanga serivisi zitandukanye zirimo kugura ubwishingizi bw'ibinyabiziga hifashishijwe urubuga rwabo n'izindi.

Hari kandi kompanyi ya Inzora Agrotourism isanzwe ikora ubuhinzi bushingiye ku bukerarugendo binyuze mu gutembereza ba mukerarugendo mu bikorwa by'ubuhinzi, hagamijwe kubaha ubumenyi bukungahaye no kurushaho guteza imbere abaturage hubakwa iterambere rirambye ry'ubuhinzi.

Uruganda rwitwa 'Urugero Fashion Ltd' narwo rwatsinze muri gahunda ya 'Level Up Your Biz Initiative.' Aba, bakora imyenda ikorerwa mu Rwanda bakayicuruza bifashishije ikoranabuhanga cyane cyane Instagram yabo.

Abandi ni Examira Group Ltd, ikigo gifite urubuga ndetse na 'Application' bifasha abanyeshuri bo mu Rwanda kubasha gutangira amasomo hifashishijwe ikoranabuhanga, amasuzumabumenyi n'ibindi bizamini.

Ikigo  cyegukanye insinzi, ni Rainbow Health Food Ltd gitunganya ibikomoka ku buhinzi bikorwamo ifu y'igikoma y'abana ikungahaye ku ntungamubiri.

Aba ba rwiyemezamirimo uko ari batandatu bose nibamara kumurikira imishinga yabo abagize akanama nkemurampaka, batatu ba mbere buri wese azahabwa  miliyoni 2.5 Frw na miliyoni 1 Frw kuri buri wese muri batatu bazaba basigaye, bazifashisha mu kwagura imishinga yabo.

Umuyobozi ushinzwe Ikoranabuhanga n'Abakiliya muri MTN Rwanda, Saint Hilary Doe-Tamakloe, yashimangiye ko yashimangiye iyi sosiyete yitangiye guha imbaraga urubyiruko no guteza imbere igisekuru cy'abayobozi b'ejo  hazaza, bazazana impinduka nziza mu Rwanda. Yagaragaje ko guhanga udushya, kwihangana n’ubwitange by’abatsinze nk'urugero rwiza rwo kwihangira imirimo.

Ubwitange bwa MTN Rwanda mu kuzamura imibereho y'abaturage bugaragarira mu bikorwa nka “Level Up Biz.” Iyi sosiyete yizera ko binyuze mu gushora imari mu kubaka ubushobozi bw'urubyiruko mu Rwanda no gutera inkunga ubucuruzi butandukanye, bagira uruhare mu iterambere rusange ry'abaturage no kubiba imbuto z'ejo hazaza heza.

Ba rwiyemezamirimo batandatu bagiye gufashwa kwagura imishinga yabo

Bitezweho impinduka ikomeye muri sosiyete

‘Level Up your Biz’ ni gahunda ifasha ba rwiyemezamirimo bakiri bato kwagura ibikorwa byabo  

Ku nshuro ya mbere, umuhanzi Nyarwanda, Itahiwacu Bruce (Bruce Melodie) yahuye n’umunyabigwi mu muziki wa Amerika n’Isi yose muri rusange, Shaggy baheruka gukorana indirimbo.

Aba bombi bahuriye muri Leta Zunze Ubumwe za Amerika aho Bruce Melodie yitabiriye ibitaramo bya ‘iHeartRadio Jingle Ball Tour’ bitegurwa na iHeart Radio ku bufatanye n’Ikigo cy’Imari cyitwa Capital One, na Shaggy azaririmbamo.

Aba bombi bahuye nyuma yo gusubiramo indirimbo ya Bruce Melodie “Funga Macho” ikaza yitwa “She’s Around”, gusa bari batarahura bavuganaga kuri telefoni gusa cyane ko n’amashusho y’iyi ndirimbo buri umwe yayafatiye aho ari bakayahuza.

Mu mashusho magufi ndetse n’ifoto Bruce Melodie yasangije abamukurikira, yaherekejwe n’amagambo avuga ko we n’ikipe ye hari imishinga barimo kuganira n’uyu munyabigwi kandi yishimiye guhura na we.

Ibi bitaramo byatangiye tariki ya 26 Ugushyingo bikazasozwa ku wa 16 Ukuboza 2023, Bruce Melodie na Shaggy bazaririmba muri bibiri gusa ikiba uyu munsi tariki ya 28 Ugushyingo mu Mujyi wa Dallas muri Dickies Arena, haraba hari n’abandi bahanzi nka Flo Rida, AleXa, Big Time Rush n’abandi.

Aba bahanzi bazagaruka ku rubyiniro tariki ya 16 Ukuboza 2023 mu Mujyi wa Miami muri Amerant Bank Arena yakira ibihumbi birenga 20.

Ibi bitaramo bizazenguruka imijyi 10, byitezwemo abahanzi benshi ariko abahanzwe amaso ni; Usher, Olivia Rodrigo, Nicki Minaj, SZA, Niall Horan, One Republic, AJR, Sabrina Carpenter, Flo Rida, Melanie Martinez, David Kushner.