Blog

Amakipe igiye kuzajya iyahana ubutitsa! Rayon Sports yacunze abantu baryamye izana rutahizamu mushya w'imyaka itari mike ufite igihagararo nk'icya Goriyati.

Mu masaha y'urucyerera ubuyobozi bw'ikipe ya Rayon Sports bwifashishije imbuga nkoranyambaga z'iyi kipe bwerekanye rutahizamu wabo mushya w'umunya Senegal witwa Alon Paul Gomis w'imyaka 29 y'amavuko akaba yaje gusinyira iyi kipe y'ubukombe hano mu Rwanda nk'uko byatangajwe n'ubuyobozi bw'ikipe ya Murera.

Amafoto ya rutahizamu mushya wa Rayon Sports Alon Paul Gomis w'imyaka 29 y'amavuko:

Source : https://yegob.rw/amakipe-igiye-kuzajya-iyahana-ubutitsa-rayon-sports-yacunze-abantu-baryamye-izana-rutahizamu-mushya-wimyaka-itari-mike-ufite-igihagararo-nkicya-goriyati-amafoto/

APR FC ishaka kwica urushishi ikoresheje inyundo! Ikipe ya APR FC igiye gusinyisha abanyamahanga bakomeye cyane batumye abantu bikangamo.

Ikipe y'Ingabo z'Igihugu APR FC mbere y'uko yerekeza mu irushanwa rya Mapinduzi Cup rizabera Zanzibar muri Tanzania ikomeje kwibikaho intwaro karundura izajyana nazo mwiri rushanwa izahuriramo n'amakipe akomeye cyane arimo na Simba SC yo muri Tanzania ikinamo rutahizamu Leander Willy Essomba Onana wabiciye bigacika muri Rayon Sports.

Biravugwa ko ikipe ya APR FC igiye gusinyisha rutahizamu wataka aciye mu mpande abazwi nkaba semababa w'umunya Zimbabwe witwa Obriel Chirinda w'imyaka 26 y'amavuko akaba asanzwe akinira ikipe ya Buluwayo Chiefs y'iwabo.

Undi mukinnyi karundura uvugwa muri APR FC n'umukinnyi ukomeye cyane ukinira ikipe ya Kiyovu Sports ya hano mu Rwanda witwa Mugiraneza Froduard witezweho kujya yunganira umugande Taddeo Lwanga nk'uko umunyamakuru David Mugaragu dukesha iyi nkuru yabitangaje.

Amafoto y'abakinnyi bashobora gusinyira ikipe ya APR FC hatagize igihinduka:

Source : https://yegob.rw/apr-fc-ishaka-kwica-urushishi-ikoresheje-inyundo-ikipe-ya-apr-fc-igiye-gusinyisha-abanyamahanga-bakomeye-cyane-batumye-abantu-bikangamo-amafoto/

Uyu musore uherutse kuva muri Canada mu bitaramo bigera kuri bitandatu yahakoreye kandi akaba ari no kwitegura kwerekeza muri Uganda, ijambo rye, yashimiye byimazeyo  ikipe ngari imufasha mu muziki we wa buri munsi, cyane cyane ariko agaruka kuri Producer Element wo muri 1:55 Am umukorera indirimbo nyinshi.

Kenny Sol yegukanye igihembo muri Ethiopia

Kenny yagize ati:” Mbere na mbere nagira ngo mbashimire ku bwo kwibuka umuziki Nyarwanda mukawuha agaciro, ndagira ngo nshimire ikipe yanjye yitwa  Spectacular imfasha, ndagira ngo kandi nshimire byimazeyo Producer wanjye witwa Element guturuka i Kigali mu Rwanda, mwarakoze cyane ku bwo kutwizera”.

Yashimiye byimazeyo Producer Element

Uyu muhanzi mu kiganiro kigufi yagiranye na InyaRwanda.com, yavuze ko indirimbo ze zirimo ‘Jolie’ ndetse na  ‘One More Time” yakoranye na Harmonize, arizo  zikunzwe cyane muri Ethiopia.

Kenny Sol ari mu bahanzi nyarwanda bahagaze neza

Source : https://inyarwanda.com/inkuru/137850/kenny-sol-yegukanye-igikombe-muri-ethiopia-amafoto-137850.html

Biteye agahinda! Hamenyekanye inkuru mbi cyane ku bakunzi ba Rayon Sports n'abantu bose bifuriza ibyiza Murera.

Rutahizamu mushya w'ikipe ya Rayon Sports Alsény Camara Agogo ukomoka mu gihugu cya Guinée Conakry wari amaze iminsi mike asinyiye iyi kipe yavunitse akagombambari mu myitozo Rayon Sports yakoze uyu munsi aho uyu musore yahise ajyanwa igitaraganya mu bitaro bya CHUK ngo anyuzwe mu cyuma hamenyekane ubukana bw'iyi mvune.

Uyu mukinnyi avunitse mu gihe aribwo yari akimara gusinya amasezerano muri Rayon Sports aho yari yitezweho byinshi n'ubuyobozi bw'iyi kipe ndetse n'abakunzi bayo.

 

Source : https://yegob.rw/biteye-agahinda-hamenyekanye-inkuru-mbi-cyane-ku-bakunzi-ba-rayon-sports-nabantu-bose-bifuriza-ibyiza-murera/

Ni abana b'uwitwa Mukunda kuvuga August umaze imyaka 19 afunzwe aho inzu ye ihereye mu mujyi wa Kigali, Akarere ka Nyarugenge Umurenge wa Muhima yaje gutezwa cyamunara gusa abana be bayibagamo bakaba ibamba ubwo ubuyobozi bw'ibanze n'umuhesha w'inkiko bazaga kubasohora.

Ubwo aba bana bazaga gusohorwa muri ako kanya bavuze amagambo akomeye bashimangira ko badakwiye gusohorwa mu nzu nk'imbwa icyakora umusore mukuru muri bo yavuze ko asohoka muri iyi nzu yambaye amapingu cg arashwe naho bitabaye ibyo ntago ayivamo ngo dore ko muri ako kanya nta handi hantu ho kujya bari bafite.

Nkuko amakuru dukesha BTN akomeza abishimangira ngo nyuma y'uko ubuyobozi bw'ibanze n'umuhesha w'inkiko bumvishe gutakamba kwaba bana batari bafite aho berekeza, ubu bahawe igihe ntarengwa cy'iminsi 15 ngo babe basohotse muri iyi nzu bashake ahandi berekeza kuko nta bubasha bakiyifite ho.

Source : https://yegob.rw/ndasohoka-muri-iyi-nzu-nambaye-amapingu-cyangwa-mundashe-kigali-abavandimwe-barwanye-inkundura-banga-gusohoka-munzu-kandi-itakiri-iyabo/

Kubera kwitegura iminsi mikuru ya Noheri n'Ubunani, Minisiteri y'ubutegetsi bw'igihugu yatangaje ko umuganda wari kuzaba tariki ya 30 Ukuboza 2023 utakibaye.

Nkuko itangazo Mimisiteri y'ubutegetsi bw'igihugu yashyize kuri X yahoze yitwa Twitter rivuga, ni uko umuganda rusange usanzwe uba buri wagatandatu wanyuma w'ukwezi utakibaye kubera iminsi mikuru.

Iyi Minisiteri yaboneyeho no kwifuriza abatura Rwanda gukomeza kugira ibihe byiza by'impera z'umwaka.

Source : https://yegob.rw/itangazo-rya-minisiteri-yubutegetsi-bwigihugu-ku-bikorwa-byumuganda-muri-iyi-minsi-mikuru-isoza-umwaka/

Ku wa Kane tariki 21 Ukuboza 2023, Inama y'Abepisikopi m'u Rwanda yashyize itangazo ahagaragara rivuga ko Kiliziya itaha umugisha ababana bahuje igitsina kuko byaba bivuguruza itegeko ry'Imana ndetse n'Umuco Nyarwanda. Ubu ni uburyo busa n'ubuvuguruza ibikubiye mu rwandiko rwitwa Fiducia Supplicans, Ukwizera kwambaza Imana, rwatangajwe n'ibiro bya Papa Francis.

Iyi nyandiko yavuye kwa Papa ivuga ko umupadiri adakwiye gukora ubusesenguzi mu gihe agiye gutanga umugisha ku mubano ushingiye ku bitsina 'Bose baba bashaka urukundo n'impuhwe z'Imana'. Bityo nta numwe uba ukwiye guhezwa. Papa Francis yavuze ko abaryamana0 bahuje ibitsina nubwo ari icyaha ariko badakwiye gukunirwa ku rukundo n'impuhwe z'Imana.

Mu itangazo Abepisikopi bo mu Rwanda bashyize hanze rivuga ko Kiliziya idashobora guha umugisha umubano w'ababana bahuje igitsina kuko byaba bivuguruza itegeko ry'Imana n'umuco. Rigira riti 'Twebwe Abepiskopi banyu tubandikiye iri tangazo tugamije gukuraho urujijo no kubahumuriza nyuma y'uko havutse impungenge ku mugisha wahabwa umugabo n'umugore babana ku buryo butemewe na Kiliziya n'uhabwa ababana bahuje igitsina'.

Iri tangazo rikomeza rigira riti 'Umugisha ni ukwiyambaza Imana no kuyisaba inema yayo dusabira umuntu cyangwa ikintu, umugisha ugamije gutagatifuza, gukiza no gufasha umuntu guhinduka. Guha umugisha ababana mu buryo butemewe na Kiliziya ntabwo bigomba kwitiranywa n'isakaramentu ryo gushyingirwa. Kubana kw'abantu bahuje igitsina buhabanye rwose b'amategeko y'Imana n'umuco wacu.'

Inama y'Abepiskopi Gatolika mu Rwanda yabwiye Abapadiri, biyeguriye Imana, Abakirisitu b'umutima wubaha Imana, ko inyigisho Kiliziya itanga ku gushyingirwa gikirisitu zidahindutse. Ndetse bibutsa urubyiruko, ingo z'abashalanye bagomba guha agaciro isakaramentu ry'ugushyingirwa .

Source : https://yegob.rw/kiliziya-gatolika-mu-rwanda-yafashe-icyemezo-gitunguranye-kubijyanye-no-guhesha-umugisha-abatinganyi-bo-mu-rwanda-bazayigana/

Nyuma y’isuzumwa yakorewe, rutahizamu wa Rayon Sports, Umunya-Guinea, Alsény Camara, biragoye ko yazakina umukino w’umunsi wa 16.

Alsény Camara yagiriye ikibazo cy’imvune y’akagombambari (Cheville) mu myitozo y’ejo hashize ku wa Kane tariki ya 21 Ukuboza 2023.

Ni nyuma y’uko yarimo yiruka ashaka kwambura umupira agahita atsikira, kugenda bihita bimunanira bamutwara kwa muganga CHUK.

Uyu rutahizamu wasinyiye Rayon Sports tariki ya 7 Ukuboza 2023 aje kuyifasha mu mikino yo kwishyura ya shampiyona ya 2023-24 izatangira tariki ya 13 Mutarama 2024, yahise anyuzwa mu cyuma (Radiology) kugira ngo harebwe uko imvune ye imeze.

Amakuru ISIMBI yamenye ni uko basanze imvune idakomeye aho amagufwa nta kibazo yagize ahubwo ari imitsi yikanze gusa.

Bivugwa ko byibuze agomba kumara byibura ibyumweru hagati ya hanze y’ikibuga aho bigoye ko yazakina umukino w’umunsi wa 16 na Gasogi United.

Rayon Sports kugeza ubu iri ku mwanya wa 4 n’amanota 27, Musanze FC iri mbere yayo ifite 29, Police FC 31 mu gihe APR FC ya mbere ifite 33.

Alsény Camara azamara ibyumweru 2 hanze y’ikibuga

Source : http://isimbi.rw/siporo/article/bite-bya-rutahizamu-wa-rayon-sports-waraye-utwawe-mu-bitaro-chuk

Rayon Sports yamaze kwakira rutahizamu mushya ukomoka muri Senegal, Alon Paul Gomis uje gutanga imbaraga ze mu busatirizi.

Uyu mukinnyi w’imyaka 29 akaba yageze mu Rwanda mu rukerera rwo kuri uyu wa Gatanu tariki ya 22 Ukuboza 2023.

Ageze ku kibuga cy’indege Mpuzamahanga cya Kigali i Kanombe akaba yakiriwe na Ngabo Roben ushinzwe itangazamakuru muri Rayon Sports ndetse na Muhayimana Claude ukuriye abafana b’iyi kipe.

Uyu rutahizamu wakiniye amakipe nka ASC Kédia yo muri Mauritania, aje kurangizanya na Rayon Sports ngo abe yayikinira mu mikino yo kwishyura ya shampiyona ya 2023-24 izatangira tariki ya 13 Mutarama 2023.

Aje ahasanga umunya-Guinea, Alsény Camara uheruka gusinyira iyi kipe ariko akaba yaragize ikibazo cy’imvune ejo hashize mu myitozo ya nimugoroba.

Alon Paul Gomis yageze mu Rwanda aje muri Rayon Sports

Source : http://isimbi.rw/siporo/article/rayon-sports-yakiriye-rutahizamu-mushya

Uyu mugabo ku kibuga cy’indege yatangarije itangazamakuru ko yifuza kuguma mu Rwanda, akabasha kubona uburyo baryoshya nawe akifatanya nabo.

Yatangaje ko abantu bavuga ko mu Rwanda hari abakobwa beza, bataba babeshya kuko ari ukuri ndetse akaba ari nayo mpamvu ashaka kuhaguma akihera ijisho.

Dimpoz aje mu Rwanda aho yitabiriye umunsi mukuru w’ubukwe bw’inshuti ye magara, The Ben, aho azasezerana imbere y’Imana kuri uyu wa 23 Ukuboza 2023.

Ommy Dimpoz yigeze gutangaza ko The Ben ari inshuti ye magara bakunze kuganira ku bintu byinshi bitandukanye birimo n’imishinga ikomeye. 

Uyu muhanzi yavuze ko The Ben ari ingirakamaro mu buzima bwe ndetse no mu muziki we, kuko inshuro nyinshi amwiyambaza akamusaba ubufasha igihe aba ari gukora indirimbo.

Si ubwa mbere cyangwa ubwa kabiri uyu mugabo ageze mu Rwanda kuko akunze kuhataramira inshuro nyinshi. Mu ijoro ryo kuwa Gatatu tariki 24 Gicurasi 2023, yatanze ibyishimo mu gitaramo yakoze ubwo yaririmbiraga abitabiriye imikino ya kimwe cya kabiri (1/2) cy’imikino ya BAL iri kubera mu nyubako y’imyidagaduro ya BK Arena.

Iyi ikaba yari inshuro ye ya Gatatu ataramiye mu Rwanda ndetse akaba anashimira byimazeyo urukundo agaragarizwa iyo ari mu Rwagasabo.

Ommy Dimpoz yageze i Kigali mu bukwe bwa mucuti we The ben

Yakiriwe na Kigali Protocal

Avuga ko The Ben ari inshuti ye magara kandi amufasha mu muziki we

Source : https://inyarwanda.com/inkuru/137844/ommy-dimpoz-yageze-i-kigali-yitabiriye-ubukwe-bwa-the-ben-inshuti-yakadasohoka-amafoto-137844.html