Blog

Kiyovu Sports ishobora kwisanga nta yandi mahitamo ifite uretse kwemera ubusabe bwa rutahizamu wa yo, Mugunga Yves wifuza gusesa amasezerano cyangwa umwe mu bayobozi b’iyi kipe akaba yafungwa.

Ni nyuma y’uko tariki ya 12 Ukuboza 2023, Kiyovu Sports yandikiye rutahizamu wa yo Mugunga Yves imubaza icyatumye ata akazi akaba atakigaragara mu myitozo cyane ko yaherukaga mu bikorwa by’ikipe ku wa 6 Ukuboza 2023 mu mukino iyi kipe yatsinzwemo na Mukura VS 4-1.

Tariki ya 19 Ukuboza 2023, Mugunga Yves yasubije Kiyovu Sports ko yari arwaye infection yo mu maraso ariko na none akaba yifuza gusesa amasezerano na yo kuko amaze amezi 3 adahembwa ndetse n’amafaranga angana na miliyoni iyi kipe yamusigayemo ubwo yamuguraga, yahawe n’umunyamabanga w’iyi kipe, Karangwa Jeanine, sheki itazigamiye.

Tariki ya 20 Ukuboza 2023 na Kiyovu Sports yahise imusubiza ko umuganga w’ikipe ari we wemeza ko umukinnyi arwaye agendeye kuri raporo y’umuganga yashyikirijwe. Sheki yo ngo kuko itari mu izina rya Kiyovu Sports yayibashyikiriza bakayifatira umwanzuro, n’aho gusesa amasezerano byo ngo ni uburenganzira bwe ariko bikagira uburyo bikorwamo, gusa hejuru y’ibyo yahise ahagarikwa mu bikorwa byose bya Kiyovu Sports.

Byegenze gute kugira ngo Mugunga Yves ahabwe sheki itazigamiye

Uyu mukinnyi yari yanze gukina umukino wa APR FC wabaye tariki ya 2 Ukuboza 2023 kubera ideni bamufitiye ririmo umushahara ndetse na miliyoni y’amafaranga y’u Rwanda yari yasigaye ku yo yaguzwe.

Yababwiye ko byibuze nabona miliyoni y’amafaranga y’u Rwanda yemera akajya mu kibuga ibindi bikazaza nyuma, bamubwiye ko yaza agakina ubundi akayahabwa nyuma y’umukino cyane ko Kiyovu yari yizeye kubona amafaranga kuko ari yo yari yishyuje.

Bemeye kumusinyira Sheki ya miliyoni (iri mu mazina y’umunyamabanga wa Kiyovu Sports, Karangwa Jeanine) ajya mu kibuga ayifite, nyuma y’umukino agiye kubikuza asanga ntizigamiye.

Yarihanganye iminsi 3 ari nabwo yajyaga gukina umukino wa Mukura VS i Huye, nyuma yo gusanga nta mpinduka yahisemo guhita ahagarika ibikorwa byose by’ikipe birimo no gukora imyitozo.

Kiyovu Sports mu ihurizo, Mugunga yiteguye gukina iturufu nkuru

Kiyovu Sports yisanze mu mutego bigoye kwikuramo uretse gukora ibyo Mugunga Yves yifuza.

Amakuru avuga ko iyi kipe yagerageje gushaka uko yakura iyi sheki mu maboko ya Mugunga Yves biranga.

Bivugwa ko komite Nyobozi ya Kiyovu Sports yakoze inama ku wa Gatatu yiga kuri iki kibazo basanga ikosa rimwe bakora, umunyamabanga w’iyi kipe yahita afungwa kuko yatanze sheki abizi ko itazigamiye.

Basanze nta kundi bagira uretse kwemera ubusabe bwa Mugunga Yves bwo gusesa amasezerano cyane ko bufite ishingiro kuko amezi 3 adahembwa yuzuye, rero biteguye kwicarana na we bakaganira.

Abegereye Mugunga bavuga ko uyu musore mu gihe Kiyovu Sports itamwishyura ibirarane bye byose ngo inemere gusesa amasezerano, yiteguye gutanga iyi sheki maze uwayisinye agafungwa ari na byo ubuyobozi bwa Kiyovu Sports budashaka.

Igitaramo cya mbere bise 'Tedga's Magic Experience' bagikoze mu ijoro ryo kuri uyu wa Kane tariki 21 Ukuboza 2023, bagihuriyemo n'abasanzwe bazwi cyane mu muziki wa Karaoke nka Ange Mitsu, umunyarwenya Tycoon Ndahiro, Regy Banks, Dj Crush, Dj Louis n'abandi.

Aba basore bigaragaje cyane mu bitaramo binyuranye bishingiye ku rwenya bagiye batangamo ibyishimo nka Gen-Z Comedy, bituma bahangwa ijisho cyane n'itangazamakuru. Bamenyekanye ariko nyuma y'imyaka icyenda yari ishize bagerageza kugaragaza impano zabo.

Bavukiye kandi bakurira mu Burundi, baza mu Rwanda mu rwego rwo kwerekana impano zabo. Kuri bo 'twakiriwe neza mu Rwanda.'

Mu kiganiro na InyaRwanda, Tony Hayimana yavuze ko batekereje gutegura ibi bitaramo, kubera ko bari barabuze ahantu hanyaho ho kugaragariza iyi mpano.

Ati 'Igitekerezo ahantu cyavuye ni uko twahoza dushaka ahantu ho kugaragariza impano yacu. Twatekereje ahantu umuntu yajya akareba 'Magic'. Nk'uko wari ubivuze, tumaze igihe kinini mu Rwanda abantu batwiteze, ariko twashakaga ahantu ho gukorera.'

Hayimana yavuze ko bari bamaze iminsi mu biganiro n'ubuyobozi bwa Tedgas kugeza ubwo banzuye kujya bahakorera ibitaramo. Uyu musore asobanura ko ubufindo cyangwa se Magic, abantu babufata mu buryo butari bwo, kuko ari impano isaba ko abantu batekereza kabiri y'ibyo baba bari kubona

Ati 'Byadusabye kubyerekana gake gake, kugirango abantu babanze babimenye. Iki gitaramo ni kimwe muri byinshi bigiye kuza. Magic yubakiye ku bwenge, magic yubakiye kuri siyansi, magic yubakiye ku guhanga ibishya, kuko uburyo ubwenge b'umuntu bumeze, iyo hagize akantu gato ubwereka bituma umuntu atekereza ibindi.'

Yunganirwa na mugenzi we Hugues, uvuga ko mu gihe bamaze mu Rwanda uretse gutangiza ibitaramo bya 'Magic' batangiye no kwigisha abanyeshuri uko bikorwa.

Yavuze ko batangiranye n'abanyeshuri 10, ariko basigaranye abanyeshuri babiri, bitewe nuko hari abarambiwe bitewe n'uko batabashije gufata neza ibyiciro bitatu bya mbere.

Kuri we Hugues, kuba hari abanyeshuri 10 bavuyemo, ntibyabaciye intege, kuko bakomeje kwigisha abanyeshuri babiri basigaye. Ati 'Mu gihe cy'amezi abiri uba ubimenye, ariko kugirango umuntu agira uburambe, atinyuka guhagagara ku rubyiniro bisa nibura umwaka wose.'

Uyu musore avuga ko hari abari batanze amafaranga yo kwiga, ariko bacika intege 'bitewe nuko ibyo batekerezaga siko basanze bimeze'. Ati 'Ni byo bidutunze! Nibyo bitwishyurira inzu, ntakindi kidutunze mu Rwanda, nicyo cyatumye tuza mu Rwanda.'

Kuki umuntu ukora Karaoke atajya abasha gukora indirimbo ze?

Mbere yo kujya kuririmba, babimburiwe n'umukobwa witwa Ange Mitsu wamamaye cyane mu bitaramo bya Karaoke, aho aririmba zinyuranye.

Ange Mitsu yabwiye InyaRwanda, ko uyu mwuga 'uremeza' kuko usanga umuntu afata igihe kinini cyo gusubiramo indirimbo z'abandi bahanzi bikarangira we atimenye.

Yavuze ati 'Karaoke iraremeza niko nabyita. Karaoke tuyikora turirimba indirimbo zitandukanye, z'abahanzi batandukanye, ubwo rero wowe kugirango uzimenye ngo uri inde, uraririmba Celine Dion, uraririmba Garou, urumva indirimbo abakiriya bagenda bagusaba zose urusheho kiziga, kandi ukaziga muri rya jwi n'ubundi…iyo ushatse gukora indirimbo yawe ubwawe birakugora, uribura.'

Uyu mukobwa yavuze ko mu myaka yose amaze akora mu bitaramo bya 'Karaoke', byahinduye ubuzima bwe, kuko yabashije kwiyishyurira Kaminuza.

Yavuze ko nubwo ababyeyi n'abandi batabasha kumva neza uburyo iyi mpano yatanga umuntu ariko 'kuri njye byanteje imbere'.

Ange Mitsu avuga ko kuba hatangijwe ibitaramo bya 'Magic' bigaherekezwa n'umuziki wa Karaoke, biza gufasha abantu kwishimira iminsi mikuru n'impera z'umwaka.

Yavuze ko muri iki gitaramo yaririmbye indirimbo za Zahara mu rwego rwo ku mwunamira. Ange Mitsu avuga ko atangira Karaoke yaririmbaga cyane indirimbo za zahara.

Ati 'Kuri njyewe naramukundaga nk'umuntu uririmba Karaoke, nk'umuntu umuzi kuva cyera. Nk'indirimbo ye 'Loliwe' nayisubiyemo igihe kinini ntamuzi, byarambabaje cyane rero, kubona umuntu nk’uriya nafatiye urugero cyangwa se nagendeyeho yaba yaritabye Imana.'

Akomeza ati 'Igihe cyose nzajya nyiririmba bajye bumva ko ni ukumwunamira, kuko naramukundaga cyane.' 

Tony Hayimana ndetse na Hugues Kwizera bagize itsinda rya Magic Sounds batangije ibitaramo ngaruka kwezi

Hayimana yavuze ko batangiye urugendo rwo kwigisha bamwe mu basore n'abakobwa ibijyanye n'imiterere ya 'Magic'

Huguez Kwizera yavuze ko bari bamaze igihe batekereza gushaka ahantu hihariye ho gukorera ibitaramo by'ubufindo

Ange Mitsu yaririmbye indirimbo za Zahara mu rwego rwo kumwunamira

Mitsu yavuze ko agitangira urugendo rwa 'Karaoke' yakoze cyane indirimbo za Zahara

Ibi bitaramo bizajya biba buri kwezi mu rwego rwo kugaragaza uko 'Magic' ikorwa 

Umunyarwenya Taikun niwe yayoboye iki gitaramo cya ‘Magic’ yisunze urwenya runyuranye

Ibi bitaramo bya 'Magic' byahujwe n'ibitaramo bya 'Karaoke'

Umuyobozi wa Tedgas, Master Jab [Uri iburyo] yatunguwe n’ubuhanga bw’aba basore bakora ‘Magic’

Amafoto: Freddy Rwigema-InyaRwanda.com

Ni ubukwe butegerejwe n'abantu benshi cyane cyane abamenye uyu muhanzi mu gihe cy'imyaka 15 ishize ari mu muziki, byongerwa n'ibihangano bye yagiye ashyira hanze mu bihe bitandukanye kugeza kuri 'Ni Forever' aherutse gusohora.

Iyi ndirimbo ye nshya yabaye iya gatatu yaciye agahigo mu zarebwe cyane ku rubuga rwa Youtube mu gihe gito ikuzuza Miliyoni 1, nyuma ya 'My Vow' ya Meddy ndetse na 'Why' yakoranye na Diamond wo muri Platnumz.

The Ben afatwa nk'ikirango cy'umuziki w'u Rwanda, ahanini biturutse ku bikorwa bye byatume agira igikundiro cyihariye ku buryo n'iyo atavuga abafana be n'abakunzi b'umuziki muri rusange bakomeza kugaragaza inyota y'uko bamutegereje.

Inyandiko zinyuranye zigaragaza ko ubwo mu 2015 The Ben yigaga mu kigo cy'amashuri yisumbuye cya APADE muri Kicukiro yatangiye kugaragaza impano yo kuririmba. Icyo gihe yigaga amasomo ajyanye n'ubukungu (Economy).

Umunyamuziki Semivumbi Daniel [Danny Vumbi], ni umwe mu barimu bigishije igihe kinini The Ben ubwo yari mu mashuri yisumbuye.

Mu kiganiro yagiranye na InyaRwanda, Danny Vumbi yavuze ko abanyeshuri bari bazi The Ben 'nk'umusitari' ku kigo cy'amashuri, ku buryo bamwe bari baramenye impano ye.

Yavuze ati 'Yari umusitari! Abanyeshuri biganaga bo bari bazi ko azi kuririmba cyane, bigatuma nyine bamufata nk’umuntu w’icyamamare, udasanzwe, kuko wumvaga uburyo aririmba, niba yaririmbye mu rusengero cyangwa niba yaririmbye mu ishuri bakamufata nk’umwana nyine n’ubundi uzaba ikirangirire cyangwa icyamamare.”

Danny Vumbi wamamaye mu ndirimbo 'Ni Danger' avuga ko The Ben yigeze gukora ikosa ku ishuri, amuhanisha kuririmba ariko ntiyabikora neza.

Akomeza ati “Ndibuka njya kumenya The Ben ni uko hari akantu kari kabaye ku ishuri biba ngombwa ko mujyana imbere mubaza ikibazo kibaza ngo ariko The Ben wowe ko ntajya nkubona mu ishuri uba uri hehe? Ishuri ryose risakuriza rimwe ngo azi kuririmba.”

Danny Vumbi avuga ko icyo gihe yigisha The Ben nawe yari mu itsinda rya The Brothers yari ahuriyemo na bagenzi be. Ati “Kandi abantu bari bazi ko ndi muri The Brothers kuba bari bazi ko ndi muri The Brothers bose bahise basakuza rimwe ngo azi kuririmba.”

Akomeza ati “Yaririmbishije nabi, njyewe ngenda mu mutwe numva ari ibisanzwe. Ariko hari umunsi umwe yigeze kuririmba indirimbo ‘Happy Birthday’ ndavuga ni waoooo wa mwana nyine afite impano…”

Kuri we, kuba The Ben yarinjiye mu muziki ntibyamutunguye, kuko yari asanzwe abizi. Ariko kandi anishimira ko bakoranye indirimbo.

Yagize ati “Kuri sitade yaharirimbye n’ubundi akiri umunyeshuri, nibwo namenye ko azaba umuntu w’igitangaza, kuko urumva gufata ‘Microphone’ ukaririmba akapera uririmbira sitade, ukaririmba indirimbo abantu bose bazi ariko ukayiririmba mu buryo bwawe, ukumva umuntu aseshe urumeza, icyo gihe nyine umuntu aba afite impano idasanzwe…. The Ben ari mu bantu batangaje nyine.'

Danny Vumbi avuga ko atibuka neza uko The Ben yitwaraga mu mashuri yisumbuye cyane yo yamwigishaga isomo ry'imibare. Yavuze ko atatunguwe no kubona The Ben yinjiye mu muziki, kandi ko ari umwe mu bantu yumvishije indirimbo 'Bya Bihe' ya The Brothers mbere y'uko isohoka.

The Ben yagize izina rikomeye binyuze mu ndirimbo zirimo nka 'Urarenze', 'Ese Nibyo', 'Amahirwe yanyuma', 'Incuti yancuti', 'Wigenda', 'Amaso ku maso', 'I'm in Love' yo mu 2012 n'izindi zakomeje izina rye mu rugendo rwe rw'umuziki.

Yagiye  yagura imbago z'umuziki, akorana indirimbo n'abahanzi banyuranye barimo Sheebah Karungi wo muri Uganda bakoranye indirimbo 'Binkolera', 'No you no Life' yakoranye n'itsinda rya B2C ryo muri Uganda, 'This is Love' yakoranye na Rema Namakula wo muri Uganda, 'Why' yakoranye na Diamond wo muri Tanzania n'abandi.

Uyu munyamuziki anibitseho ibikombe birimo icy'umuhanzi w'umwaka wubakiye ku mudiho wa R&b mu bihembo bya Salax Awards mu 2008, mu 2009 yongeye kwegukana igikombe nk'iki, ndetse anatwara igihembo cy'umuhanzi w'umugabo w'umwaka. Mu 2010-11 yatwaye igikombe cy'indirimbo nziza.

The Ben avuga ko yatangiye umuziki mu mwaka wa 2007, nyuma y'imyaka ibiri yari ishize agaragaje impano yo kuririmba ari mu mashuri yisumbuye muri APADE.

Ati 'Mu 2007 nibwo ninjiye mu muziki, ariko hari hashize igihe gito ntangiye kuririmba bya hato na hato, niyo mpamvu ntashobora kuvuga ko nahisemo umuziki ahubwo wo wampisemo, kandi urwo rukundo narwiyumvisemo.'

The Ben yatangiye kugaragaza impano yo kuririmba yiga mu mashuri yisumbuye muri APADE

The Ben yigeze kuvuga ko yatangiye umuziki mu 2007 nyuma y'uko umuziki umuhisemo

Kuri uyu wa Gatandatu tariki 23 Ukuboza 2023, The Ben arahamya isezerano rye n'umukunzi we Uwicyeza

Danny Vumbi yavuze ko atatunguwe no kubona The Ben yinjiye mu muziki, kuko yatangariye impano ye akiri ku ntebe y'ishuri

KANDA HANO UREBE IKIGANIRO CYIHARIYE TWAGIRANYE NADANNY VUMBI AGARUKA KU BUZIMA BWE MU MASHURI KANDA

 “>

“>HANO UREBE AMASHUSHO Y’INDIRIMBO ‘NI FOREVER’ YA THE BEN

“>

Aganira n'InyaRwanda mu kiganiro cyihariye Yago yavuganye amarangamutima menshi ageze kuri Perezida Kagame.

Ati'Perezida wa Repubulika uburyo muri ino minsi narabishimye cyane naranamukunze cyane n'ubundi nsanzwe mukunda ariko noneho byarushijeho, kubona ukuntu abanyamuziki bafata amafoto na we, kuba bari kumwe na we bahabwa agaciro byaranshimishije cyane.'

Agaruka ku byishimo yatewe n'inshingano zongerewe Minisiteri y'Urubyiruko yagizwe Minisiteri y'Urubyiruko n'Iterambere ry'Umuhanzi ati'Noneho kumva ko uyu munsi dufite aho tubarizwa ni ikikwereka ko umuziki nyarwanda ugiye kugera ku rwego mpuzamahanga.'

Yagize kandi icyo asaba iyi Minisiteri ati'Icya mbere ni ukubabwira ngo bashishoze muri Minisiteri bamenye ngo umuhanzi abayeho ate uw'umunyarwanda abayeho ate,ibihangano bye byamutunga gute.'

Yongeraho ati'Biteye isoni kuba hari umunyamuziki wakoreye amafaranga muri 2022 akaba agejeje uyu munsi atarishyurwa kandi yarakoreshejwe akazi biteye isoni kuba umuntu yagukoresha ariko ntakwishyure.'

Kuri uyu wa 22 Ukuboza 2023 ni bwo Yago Pon Dat amurikira abakunzi b'umuziki umuzingo we wa mbere mu gitaramo kibera muri Camp Kigali ryanatangiye kurimbishwa na Gorilla Events Ltd imaze gushinga imizi mu birebana na Sound System,Lighting, Decoration n'ibindi.

Amatike akomeje kugurishwa binyuze kuri www.yago.rw na *727*50*2*15# abahanzi baza gutaramana na Yago barimo Double Jay, Kirikou, Levixone, Aline Gahongayire, Chriss Eazy, Niyo Bosco na Bushali.

KANDA HANO UREBE IKIGANIRO TWAGIRANYE NA YAGO

“>

Yago yashimye Perezida Kagame uruhare rukomeye akomeje kugira mu iterambere ry’ubuhanzi Yago mu gihe cy’umwaka umwe amaze mu muziki amaze kwegukana ibihembo bigera kuri 2Abahanzi banyuranye baraza gufasha Yago umurika umuzingo we wa mbere

Umuhanzi Nyarwanda mu Njyana Gakondo, Cyusa Ibrahim yavuze ko byibuze mu myaka 2 ari bwo azakora ubukwe.

Ni mu kiganiro yahaye ikinyamakuru ISIMBI, aho yavuze ko na we inzu abamo imaze kumubana nini hakenewe umumararungu.

Ati “ntawuvuma iritararenga ariko ku bw’Imana, ndumva ntashaka kurenza imyaka 2 pe ntarongoye, ni bya bindi nakubwiye umuntu yiha intumbero akarwana no kuzigeraho, iki kizu kimaze kumbana kinini pe, hakenewe umumararungu.”

Yavuze ko atagendera ku gitutu ngo runaka yakoze ubukwe, we azabukora nabona igihe cye kigeze kuko nta we bari mu irushanwa.

Nubwo yavuze igihe azakorera ubukwe ntiyigeze yerura ngo avuge umukunzi we, gusa mu ntangiriro z’uyu mwaka nibwo yavuzwe mu rukundo na Usanase Nadjima.

Yavuzwe muri uru rukundo nyuma y’uko mu mpera za 2022 ari bwo yemeje ko yatandukanye na Noach Jeanine bari bamaze umwaka bakundana.