Blog

Mu nama y'Igihugu y'Umushyikirano yabereye muri Kigali Convention Center, tariki 23-24 Mutarama 2024, Perezida Kagame yavuze ko imyaka 30 ishize u Rwanda rwihoboye 'irimo ibyo byago ariko irimo n’igihugu guhinduka kiba igihugu gikwiye kitari ikijyanye n’ayo mateka.'

Ati “Imyaka 30 irimo ibintu bibiri: Irimo ibyo byago ariko irimo n’igihugu guhinduka kikaba igihugu kindi dukwiye, kitari ikijyanye n’ayo mateka nayo twibuka”.

Yavuze ko muri ibyo bigenda bihinduka mu rugendo rw’iterambere ry’u Rwanda n’ubuzima bw’abantu n’imiterere y’Igihugu’ bijyanye n’ukuntu ibisekuru bisimburana. Yavuze ko abagejeje imyaka 30 ingana n’iyo u Rwanda rumaze ‘igihugu kibitezeho guhindura igihugu neza’.

Itorero Inyamibwa rivuga ko imyaka 30 ishize u Rwanda rwibohoye hari byinshi rwagezeho bashaka kuzagaragaza mu gitaramo bazakora tariki 23 Werurwe 2024 muri BK Arena.

Ni ubwa mbere itorero ry'imbyino gakondo rizaba rikoreye igitaramo muri BK Arena, bikazaba ari amateka yanditswe n'itorero Inyamibwa. Ni inyubako yakira abantu ibihumbi 10, ku buryo benshi mu bahanzi bahataramiye bagiye bifashisha bagenzi babo.

Kugeza ubu, Israel Mbonyi niwe ufite agahigo mu bahanzi bo mu Rwanda, kuko amaze kuhakorera ibitaramo bibiri yuzuza BK Arena.

Umuyobozi Ushinzwe gukurikirana ibikorwa by’Itorero Inyamibwa, Rusagara Rodrigue, yabwiye InyaRwanda ko bahisemo gukorera iki gitaramo muri BK Arena bashingiye ku mubare mwinshi bagize mu gitaramo 'Urwejeje Imana' bakoreye muri Camp Kigali, ku wa 19 Werurwe 2023.

Akomeza ati 'Twifuje ko abantu babona ahantu hisanzuye kandi heza baza gutaramira. Umwaka ushize twari dufite abantu hafi ibihumbi bitanu, kuri iyi nshuro rero turifuza abantu barenga ibihumbi umunani.'

Uyu muyobozi anavuga ko batekereje guhitamo ahantu hagutse, bashingiye ku nsanganyamatsiko y'iki gitaramo, kuko isobanura neza ibikorwa 'u Rwanda rwagezeho kuva 1994 -2024'.

Akomeza ati 'Ubwo rero mu by'ukuri BK Arena ni kimwe mu bikorwa by'indashyikirwa u Rwanda rwagezeho nk'ahantu habera ibitaramo twagombaga rero kuhakorera igitaramo.'

Itorero Inyamibwa ririzihiza imyaka 26 rishinzwe. Iyi myaka ishize bashimangiye ibigwi, kandi bafite abanyamuryango benshi, kandi bamaze gutarama ku Isi hose.

Bamaze gutamira i Burayi inshuro ebyiri (2), mu Rwanda, mu bihugu byo mu Karere k’Afurika y’Iburasirazuba, Afurika yose… Nyuma y’imyaka 26, Inyamibwa bamaze kugira ibikorwa n’ibigwi bidasanzwe.

Imyaka 26 ishize batangiye bishimira ko ibikorwa by’abo byarenze kuba baratangiriye muri Kaminuza nk'abanyeshuri, ahubwo bikaba byaragiye ku rwego rw’Isi.

Mu 2022, iri torero ryaserukiye u Rwanda mu iserukiramuco rya mbere ku Isi ryitwa ‘Festival de Confolens’ ribera mu gihugu cy’u Bufaransa. 

Igitaramo 'Inkuru ya 30' cy'Itorero Inyamibwa kizabera muri BK Arena, ku wa 23 Werurwe 2024 

Inyamibwa bagiye gukora iki gitaramo nyuma yo gutanga ibyishimo bisendereye mu gitaramo 'Urwejeje Imana' bakoze, ku wa 19 Werurwe 2023

KANDA HANO UREBE BIMWE MU BYARANZE IGITARAMO CY’ITORERO INYAMIBWA MU 2023

Ikipe y’igihugu y’u Rwanda ya Handball yasoje imikino y’Igikombe cy’Afurika ku mwanya wa 14 ni nyuma yo gutsindwa na Congo Brazaville ibitego 42-28.

Wari umukino wa nyuma w’u Rwanda mu gikombe cy’Afurika cya 2024 kirimo kubera mu Misiri i Cairo muri Cairo guhera tariki ya 17 Mutarama 2024 kikazasozwa ejo ku wa Gatandatu tariki ya 27 Mutarama 2024 aho Misiri izakina na Algeria ku mukino wa nyuma.

U Rwanda na Congo Brazaville bakaba bahatabiraga umwanya wa 13 ni mu gihe Kenya yari izame gutsinda Zambia ku mwanya wa 15, bivuze ko Zambia yasoje ku mwanya wa 16 ari na wo wa nyuma muri iki gikombe cy’Afurika.

Uyu mukino w’u Rwanda na Congo Brazaville wakurikiranywe na Munyanziza Gervais ushinzwe amakipe y’igihugu muri Minisiteri ya Siporo wageze i Cairo ku munsi w’ejo hashize ku wa Kane.

Muri rusange ntabwo u Rwanda rwatangiye neza yaba mu bwugarizi ndetse n’ubusatirizi, byatumye iminota 10 ya mbere Congo iyisoza irurusha ibitego 5, byari 9-4.

Abasore b’u Rwanda barimo Emmy na General bagaruye bagenzi babo mu mukino maze iminota 20 igera gasigayemo 2, byari 14-12.

Ku munota wa 29 hasigayemo igitego kimwe byari 17-16, gusa baje gukora amakosa Congo ihita ibatsinda ibindi bitego 3, bagiye kuruhuka ari 20-16.

Igice cya kabiri u Rwanda rwagaragaje imbaraga nke no gukora amakosa bituma Congo izamura umubare w’ikinyuranyo cy’ibitego umukino warangiye ari 42-28.

Gutsindwa uyu mukino bivuze ko u Rwanda rwari rwitabiriye iki gikombe ku nshuro ya mbere rusoje ku mwanya wa 14 mu makipe 16.

Biteganyijwe ko ikipe y’igihugu y’u Rwanda iri mu Misiri izahaguruka igaruka mu Rwanda ku wa Mbere tariki ya 29 Mutarama 2024 saa 21h50′ ni mu gihe biteganyijwe ko bazagera mu Rwanda mu rukerera rwo ku wa Kabiri saa 3h25′.

Mu ijoro ryo ku ya 25 Mutarama 2024 muri Camp Kigali habareye igitaramo cyahuje abanyarwenya n’abakunzi babo. Iki gitaramo “Gen Z Comedy”, cyahuje ibyamamare mu ruhando rw’imyidagaduro biganjemo abanyamuziki, abakinnyi ba filime n’abandi.

Mu bitabiriye iki gitaramo cy’urwenya bafite amazina azwi mu myidagadro harimo Clapton Kibonge, Alex Muyoboke, Rumaga, Kanimba ukina muri Bamenya, Junior wabarizwaga muri Juda Music, Franko Kabano, Okkam, Rusine Patrick, Lynda na Zaba Missed Call, Jean Paul Bujyacyera [Guterman], Chita, Promesse Kamanda n’abandi.

Umusizi Rumaga yitabiriye iki gitaramo cy’abanyarwenya

Umunyarwenya Rusine yanyuze benshi binyuze mu rwenya rwe rugaragaza ubusinzi

Umunyarwenya Clapton Kibonge na Soleil bo muri filime nyarwanda bitabiriye iki gitaramo

Kanimba ukina muri Bamenya yanejejwe n’abanyarwenya bafite impano 

Lynda ukina muri Bamenya na Zaba bitabiriye iki gitaramo

Junior wabarizwaga mu itsinda rya Juda Music ntajya asiba mu gitaramo cy’abanyarwenya 

Chita na Promese Kamanda bari mu bitabiriye Gen Z Comedy

Buryohe Tv yitabiriye iki gitaramo cy’urwenya barizihirwa

Fally Merci nyiri iki gitaramo yashimiye buri wese witabiriye

Muhinde ukunzwe muri iki gitaramo yashimishije benshi

Umunyarwenya Rumi yanyuze benshi mu gitaramo 

Joseph ukunzwe yatanze ibyishimo

Umuhanzi Okkama yatanze inama ku rubyiruko zirimo guharanira kugera ku nzozi 

Family Gakuba banyuze benshi batambutsa urwenya

Freddy Musoni wa inyaRwanda yatashye ababara imbavu

Abanya-Kigali bizihiwe bikomeye mu gitaramo cy’urwenya

KANDA HANO UREBE AMAFOTO YAFASHWE MU GITARAMO CY’ABANYARWENYA BA GEN Z COMEDY

AMAFOTO: Freddy Rwigema – inyaRwanda

Mu minsi ishize, hari umuntu utari wamenyekana wiyise umunyabiywi mu muziki nyarwanda Makonikoshwa akajya ahamagara abantu biganjemo ibyamamare hano mu Rwanda abasaba amafaranga avuga ko ameze nabi yarembye.

Nyuma y’uko Makonikoshwa ahakanye ayo makuru akavuga ko nta kibazo afite, umuhanzi Muheto Bertrand uzwi nka B Threy yatangaje ko uwo muntu yamuhamagaye amwaka amafaranga hanyuma akayamuha azi ko ayahaye Makonikoshwa koko.

B-Threy mu butumwa yashyize kuri murandasi yagize ati: “Yambeshye ko wee! Namuhaye n’amafaranga nzi ko ariwe ndetse ndacyanafite nimero yakoresheje”.

Ni ubutumwa bwaherekeje ifoto y’uwo ujya gusa na Makonikoshwa.

N’ubwo bimeze bityo, Makonikoshwa ahamya ko nta kibazo na kimwe afite, ameze neza ndetse yatunguwe n'aya makuru mu gihe nyamara we ari muzima ahubwo ahugiye mu bikorwa by'umuziki.

Makonikoshwa azwi mu muziki yo mu myaka yatambutse irimo indirimbo nka “Nkunda Kuragira” n’izindi

B-Threy yahaye amafaranga uwiyita Makonikoshwa ndetse aracyafite nimero yakoresheje

B-Threy aherutse guteguza album yise “Muheto wa 2 mushya”

Tariki ya 22 Mutarama 2024 ni bwo hatangiye Kigali Youth Festival Exhibition muri Car Free Zone mu mujyi wa Kigali. Ku mugoroba w'uyu wa 26 Mutarama 2024 ni bwo riza gushyirwaho akadomo.

Iri murikabikorwa ryagarutsweho na Minisitiri w'Urubyiruko n'Iterambere ry'Ubuhanzi Jean Nepo Abdallah Utumatwishima kuwa 24 Mutarama 2024 mu Nama y'Igihugu y'Umushyikirano, asaba abantu kuryitabira.

Abagera kuri 80 barimo 40 bo mu mujyi wa Kigali n'abandi 40 baturutse mu Turere dutandukanye ni bo baryitabiye berekana imishinga yabo inyuranye irimo iy'ubugeni, ubukorikori, imideli n’indi ishingiye ku ikoranabuhanga.

Ubwo riza kuba risozwa kuri uyu mugoroba, abahanzi barimo Bosco Kwizera [Juno Kizigenza], Sano Shengero Aline [Alyn Sano] na Christian Rukundo Nsengimana [Chriss Eazy], byitezwe ko ari bo baza gutaramira abitabira.

Minisiteri y'Urubyiruko n'Iterambere ry'Ubuhanzi niyo yariteguye muri gahunda yayo yo gukomeza guteza imbere urubyiruko, ubuhanzi n'umuhanzi ifatanije n'Umujyi wa Kigali.

Ibikorwa bitandukanye bimaze iminsi bimurikwa mu Imbuga City Walk n’urubyiruko rwiganjemo urwo mu mujyi wa KigaliAlyn Sano, Juno Kizigenza na Chriss Eazy mu bahanzi bitezweho kuza gutaramira abitabira ibikorwa bisoza