Blog

Miss Keza Maolithia wabaye Igisonga cya mbere cya Nyampinga w’u Rwanda 2022, yerekanye umukunzi we bamaze iminsi mu buryohe bw’urukundo.

Uyu mukobwa witabiriye Miss Rwanda 2022 akaza kuba igisonga cya mbere cya Nyampinga w’u Rwanda 2022, ikamba ryegukanywe na Nshuti Muheto Divine.

Yifashishije amagambo yo mu Bakolinto ba mbere umurongo wa 13 (havuga ko urukundo rwihangana kandi ruhebuje kuba ingenzi), Miss Keza Maolithia yifurije umukunzi we umunsi mwiza w’abakundana.

Keza akaba yerekanye bwa mbere umukunzi we Cedric Rutazigwa, uyu munsi ku wa Gatatu tariki ya 14 Gashyantare 2024, akaba ari n’umunsi mpuzamahanga wahariwe abakundana.

Keza yerekanye umukunzi we Cedric

Aba bombi bamaze iminsi mu buryohe bw’urukundo

Nyuma y’uko benshi batishimiye amagambo Bruce Melodie aheruka gutangaza kuri The Ben, yaciye bugufi asaba imbabazi uyu muhanzi mugenzi we n’abakunzi be.

Mu kiganiro yakoze kuri Instagram tariki ya 9 Gashyantare 2023, Melodie yongeye gusa nushotora The Ben ndetse akoresha amagambo [asa n’akomeye ataranyuze benshi.->Itahiwacu Bruce yemeye guca bugufi asaba imbabazi umuhanzi The Ben n’abakunzi be barakajwe n’amagambo aherutse kuvuga kuri mugenzi we ubwo yavugaga ko yari yarazimye.

Ejo hashize mu kiganiro yagiranye na MIE, Bruce Melodie yasabye imbabazi ku bantu batakiriye neza ibyo yavuze.

Ati “Mu mbabarire ntabwo nzongera , mu mbabarire rwose ntabwo nzongera, ariko bamenye ko tuba turi mu myidagaduro.'

'Imyidagaduro yacu ibamo utuntu twinshi tw’amatiku ariko nta roho mbi ibibamo, nta mutima mubi.'

Bruce Melodie akaba yakomeje avuga ko ibintu abantu baba bavuga mu myidagaduro nta hantu na hamwe biba bihuriye n’ubuzima bwite bwa muntu, bityo ko abantu bareka ibintu byo gushaka gufungisha abantu.

Bruce Melodie na The Ben baheruka guhurira mu gitaramo gisoza Rwanda Day yabereye Washington D.C mu ntangiriro z’uku kwezi kwa Gashyantare.

Melodie yasabye imbabazi The Ben n’abakunzi be

The Ben we inshuro zose we avuga ko nta hangana rihari hagati ye na Melodie ahubwo bagakoze igitaramo bahuje imbaraga

The Ben yageze Kampala ari kumwe n'umugore we Uwicyeza Pamella. Yakiriwe n'abanyamakuru benshi bari bamutegerezanyije amatsiko. Yahise aganira n'itangazamakuru, avuga ko yishimiye kugaruka mu rugo kandi ko yiteguye gukora amateka ku munsi w'abakundana.

Nyuma yo kuganira n'itangazamakuru, yahise ajyanwa kuri hoteli aho yagombaga kuruhukira. The Ben yabwiye InyaRwanda ko muri Uganda ari mu rugo ndetse ko yiteguye gutanga ibyo afite agashimisha abakundana.

Mugisha Benjamin (The Ben), umuhanzi mpuzamahanga w’umunyarwanda, ategerejwe mu gitaramo ari buhuriremo na Sheebah Karungi, abanyarwenya bagezweho barimo Tenge Tenge Bo muri Uganda, Sintex wo mu Rwanda, n'abandi.

Iki gitaramo cyateguwe n’umunyarwenya Alex Muhangi, biteganyijwe ko kiba kuri uyu wa Gatatu ku munsi w’abakundana (Saint Valentin), tariki 14 Gashyantare 2024 kuri Uma Show Grounds.

Kwinjira ni ibihumbi 20 by'amagande n'ibihumbi 50 n'ameza y'ibihumbi 500. Kugeza ubu uteye icyumvirizo mu bategura iki gitaramo biravugwa ko amatike yamaze gushira.

The Ben yategerejwe umunsi Wose!

Indege yagombaga kugeza The Ben ku kibuga cy'indege mpuzamahanga cya Entebbe mu gitondo cyo ku itariki 13 Gashyantare 2024, yagize ibibazo cya tekinike birangira ahageze saa Cyenda zo mu rukerera rwo ku itariki 14 Gashyantare 2024 ari nawo munsi w'igitaramo.

The Ben ubwo yari ageze ku kibuga cy'indege 

The Ben agatoki ku kandi n'umugore we Pamella bageze ku kibuga cy'indege i Kampala

Thé Ben aganira n'itangazamakuru ryamutegereje amasaha 18 ku kibuga cy’indege

The Ben yakiriwe na Alex Muhangi wateguye iki gitaramo 

The Ben na Pamella bakirijwe indabo

Itorero ryagombaga kwakira The Ben 

Kuri uyu wa Kabiri tariki 13 Gashyantare 2024 nibwo Isi yose yizihije umunsi wahariwe Agakingirizo. Mu mujyi wa Kigali uyu munsi wizihirijwe muri Lemigo Hotel aho abitabiriye bari biganjemo urubyiruko n'abanyamakuru bahawe umukoro wo gukumira ubwandu bushya bwa virusi itera SIDA ndetse no kutagira ipfunwe ryo kugura agakingirizo.

Uyu munsi mpuzamahanga w’Agakingirizo [International Condom Day] wizihijwe ku bufatanye n'Ikigo cy'Igihugu cy'Ubuzima (RBC) hamwe n'abafatanyabikorwa bacyo harimo Umuryango Mpuzamahanga wa AHF [AIDS Healthcare Foundation], Ihuriro ry'Imiryango itari iya Leta (NGO's Forum) n’abandi. 

Mu biganiro byatanzwe n'abarimo Nteziryayo Narcisse wo muri AHF yatangaje ko uyu munsi watangiye kwizihizwa mu mwaka wa 2009 nyuma y'aho babonye ko hari indi minsi yizihizwa, hatekerejwe ko hagomba kubaho n'umunsi wahariwe Agakingirizo.

Dr.Julius Kamwesiga wa AHF yatanze ikaze kubitabiriye uyu munsi w’Agakingirizo

Yakomeje asobanura ko uyu muryango ushyize imbere gukangurira abanyarwanda bose cyane cyane urubyiruko kwirinda SIDA by'umwihariko hifashishijwe ikoreshwa ry'agakingirizo bikomeje kugenda biba ingorabahizi mu rubyiruko rudakozwa ibyo kugakoresha bishinze iraha. 

Hatanzwe ikiganiro nyigisho ku kamaro k’agakingirizo mu gukumira ubwandu bushya

Agaruka ku kibazo cy'abavuga ko udukingirizo twabuze mu mashuri ya Kaminuza, Nteziryayo Narcisse yasobanuye ko udukingirizo twashyizwe mu mashuri ya Kaminuza za Leta hakoreshejwe 'Condom Dispensers' kandi ko iyo dushize ababishinzwe babaha utundi. Icyakoze yavuze ko igihe twashize ntibahabwe utundi, haba habaye kurangara ku babishinzwe muri Kaminuza.

Dr. Ikuzo Basile uhagarariye ishami rishinzwe gukumira ubwandu bwa virusi itera SIDA mu Kigo cy'Igihugu cy'Ubuzima (RBC), na we mu ijambo rye, yagaragaje intego bafite irimo kugabanya ubwandu bushya bwa virusi itera SIDA, kurwanya ikwirakwizwa ry'iyi ndwara ikomeje kwiyongera uko bwije n'uko bucyeye dore ko ikoreshwa ry'agakingirizo riri hasi cyane. 

Yasabye urubyiruko ko rugomba gucika ku ngeso yo kwishora mu mibonano mpuzabitsina idakingiye, by'umwihariko kutagira ipfunwe ryo kugura agakingirizo dore ko benshi mu rubyiruko bagaragaje ko baterwa isoni no kujya kutugura aho bagenda biguruntege rimwe na rimwe bagera muri butike ntibatinyuke kukavuga mu izina bagahitamo kugahimba andi mazina.

Urubyiruko rwasabwe kudaterwa ipfunwe no gukura agakingirizo

Dr.Ikuzo yibukije urubyiruko ko agakingirizo nta soni gateye kandi ko ari igikoresho nk'ikindi cyose ku buryo kukagura bitagomba gukorerwa mu bwihisho. Yabwiye urubyiruko ko kugira ipfunwe ry'agakingirizo bitaguranwa ubuzima. 

Nooliet Kabanyana, Umunyamabanga Nshingwabikorwa w'Ihuriro ry'Imyiryango 139 itari iya Leta (NGO's Forum), mu kiganiro yatanze, yibukije urubyiruko kwibuka kugoresha agakingirizo igihe kwifata byabananiye anabibutsa ko kurwanya ubwandu bushya ari inshingano zabo.

Abitabiriye uyu munsi bibukijwe ko gukumira ubwandu bushya bwa SIDA ari inshingano zabo

Yakomoje cyane ku kuba umunsi wahariwe Agakingirizo warashyizwe ku itariki ya 13 Gashyantare mbere ya 14 Gashyantare ku munsi wa Saint Valentin w'abakundana. Yahamije ko impamvu ari uko bagirango bibutse urubyiruko kwibuka gukoresha agakingirizo kuri uyu munsi usanga benshi bizihiza urukundo rwabo bakora imibonano mpuzabitsina.

Urubyiruko rwibukijwe ko rwaha impano y’udukingirizo abakunzi babo ku munsi wa Saint Valentin

Kabanyana yasoje ababwira ko mu by'ukuri nta mpano yaruta guha agakingirizo umukunzi wawe ku munsi wa Saint Valentin dore ko uba uri kurinda ubuzima bwe kandi nawe wirinda. Urubyiruko rusabwe ibi mu gihe mu bushakashatsi buherutse gukorwa bwagaragaje ko ku mwaka abantu 5,000 bandura virusi itera SIDA biganjemo urubyiruko cyane cyane abana b'abakobwa kuva ku myaka 16.

Platini P yasusurikije abitabiriye uyu munsi anabibutsa akamaro ko gukoresha agakingirizo

Hamaze gutangazwa abakinnyi n’abatoza bazaba bahataniye ibihembo by’ukwezi kwa Mutarama 2024 muri shampiyona y’icyiciro cya mbere mu Rwanda.

Nk’ibisanzwe hazatorwa mu byiciro bine, Igitego cy’ukwezi gihataniwe na Ishimwe Irene yatsinze kuri Police FC, Ruboneka Bosco wa APR FC yatsinze kuri Police FC, Ssali Brian wa Sunrise FC yatsinze kuri Police FC na Benadata Janvier wa AS Kigali yatsinze kuri Gasogi United.

Igihembo cy’Umukinnyi w’Ukwezi gihataniwe na Adenyika Salomon wa Musanze FC, Ruboneka Bosco wa APR FC, Kabanda Serge wa Gasogi United na Akayezu Jean Bosco wa AS Kigali.

Icy’Umutoza w’Ukwezi gihataniwe na Guy Bukasa wa AS Kigali, Thierry Froger wa APR FC, Mayanja Jackson wa Sunrise FC ndetse na Ruremesha Emmanuel wa Muhazi United.

'Save’ y’Ukwezi ihataniwe na Khadime N’Diaye wa Rayon Sports kuri Gorilla FC, Nshimiyimana Marc Govin wa Gasogi United kuri Rayon Sports, Mfashingabo Didier wa Sunrise FC kuri Etoile del’Est na Hakizimana Adolphe wa AS Kigali kuri Kiyovu Sports.

Ukurikije aba bakinnyi batoranyijwe, hakaba hari ibintu byinshi byibajijwe ku buryo bwatoranyijwemo abakinnyi bahataniye ibi bihembo.

Nko mu cyiciro cya 'Save’ y’ukwezi, igihembo ubundi ni icy’abanyezamu, gusa mu buryo butunguranye hajemo na myugariro wa Gasogi United, Nshimiyimana Marc Govin (igitego yakuriyemo ku murongo ku mukino wa Rayon Sports).

Uyu mukinnyi ntabwo yakabaye ari muri iki cyiciro kubera ko igihembo cyitwa 'Save of the month’ kiba ari icy’abanyezamu n’aho ubundi mu mupira w’amaguru ntabwo umukinnyi utari umunyezamu akora 'Save’ ahubwo iyo akuyemo umupira wari kujya mu izamu bikaba igitego byitwa 'Clearance’.

Ikindi kibajijweho ni uburyo umukinnyi nka Ruboneka Bosco wa APR FC ahataniye igihembo cy’umukinnyi w’ukwezi n’umutoza we Thierry Froger akaba ahataniye igihembo cy’umutoza w’ukwezi kandi APR FC muri Mutarama yarakinnye umukino umwe gusa (wo batsinzemo Police FC 1-0) andi makipe yarakinnye imikino 3.