Blog

4 ×4 ni gahunda yo kongera umubare w'abaganga byibuze abarwayi 1000 bakabarirwa bane, kongera ibikorwaremezo by'ubuvuzi, indwara zikomeye zavurirwaga hanze bigakorerwa mu Rwanda n'ibindi.

Ni gahunda yatangiye gushyirwa mu bikorwa, kuko nk'ubu hari gahunda yo kongera umubare w'abarangiza kwiga mu mashuri y'ubuvuzi, ubuforomo n'ububyaza ku buryo bava ku 2000 bakagera ku 8000 buri mwaka.

Izo ndwara na zo zatangiye kuvurirwa mu Rwanda, uyu munsi gusimbuza impyiko, kubaga umutima, kureba imikuriye ya kanseri mu mubiri n'ibindi ubu biri gukorerwa mu Rwanda.

Ku bikorwaremezo na ho nubwo bisaba ingengo y'imari yihagazeho, ariko nko mu myaka irindwi ishize hakozwe, byinshi, hubakwa ibitaro bya Byumba, ibya Gatunda, Gatonde, Munini, Nyabikenke na Nyarugenge.

Iyo myaka isize ibitaro bya Kabgayi na Kibogora bivuguruwe, hubakwa ibyimukanwa bya Nyamata n'Ikigo cyihariye ku buzima bwo mu mutwe bya Kigali giherereye i Kinyinya.

Ibyo byose n'amavuriro mato n'ibigo nderabuzima byubatswe muri iyo myaka biri gufasha uru rwego ku buryo uyu munsi nta muntu ukirembera mu rugo ngo ni uko kugera ku ivuriro byasabye ibilometero.

Iyo urebye mu migabo n'imigambi ya FPR Inkotanyi ubona ko uwo muvuduko aho kugabanyuka ahubwo uzikuba, bijyanye n'imishinga yagutse uyu muryango watekereje ndetse kubishyira mu bikorwa bikaba bidashidikanywaho.

Mu myaka itanu iri imbere ugaragaraza ko ingingo y'ibikorwaremezo izakomeza kwimakazwa kuko hazagurwa bisa no kongera kubaka bushya, ibitaro bya Muhororo muri Ngororero, ibya Gisenyi ndetse bene iyo mirimo ku bya Masaka yo irarimbanyije.

Ikindi ni ukwimura no kwagura ibitaro bifatiye runini urwego rw'ubuzima mu Rwanda, birimo ibya Kaminuza bya Kigali bizimurirwa i Masaka, ibyitiriwe Umwami Faisal bizatangira kubakwa mu mpereza z'uyu mwaka bikasaziga byikubye hafi gatatu ndetse ari kaminuza y'ubuzima yujuje ibyangombwa.

Bizajyana no kuvugurura ibitaro bya, Ruhengeri, ibi byo amafaranga yanamaze no kuboneka, ibya Kabgayi, ibitaro bya Kacyiru, ibya Nyagatare, ibya Nyarugenge, Ibitaro bya Kaminuza bya Butare, ibya Kibagabaga n'ibya Muhima.

Kubaka ibikorwaremezo ni ingingo izitabwaho cyane kuko hazanashyirwaho Ikigo cy'Ubushakashatsi ku ndwara zandura, n'ibitaro byihariye bivura indwara z'umutima.

2029 izasiga n'Ibitaro bya Gisirikare by'u Rwanda bivuguruwe cyane ko na byo byabaye ibyigisha.

Bijyanye n'uko ibigo nderabuzima byamaze kugaragaza ubushobozi buri hejuru mu kwita ku Baturarwanda n'abanyamahanga babigana, 2029 izasiga bene ibyo bigo 14 byo hirya no hino mu gihugu bishyirwe ku rwego rw'ibitanga serivisi zo ku rwego rwa dogiteri ibizwi nka (medicalized health centre).

Uko bizubakwa ni na ko bizashyirwamo abaganga b'inzobere bahagije n'ibikoresho bijyanye n'igihe ari na ho uretse kuvura indwara byitezweho umusaruro urenze uwo.

Urimo ko abana bakingirwa bari 96% n'ababyeyi babyarira kwa muganga bari kuri 93% bose bazagera kuri 99%.

Ikindi ni uko uyu munsi hari intego ko abana bagwingiye bazava kuri 33%, imibare yagaragajwe mu 2020 igere kuri 15%, ingingo ikomeye cyane kuko umwana wagwingiye buriya kugira icyo amarira igihugu biba bigoye.

Iyi gahunda yo kwita ku buzima bw'Abaturarwanda kandi izanafasha kugabanya imfu z'ababyeyi bapfa babyara zive kuri 203 zigere kuri 60 ku bana ibihumbi 100 bavutse ari bazima.

Bizanakora kandi ku mfu z'impinja na zo zigabanuka zive ku 19 zigere ku 10 ku bana 1000 bavutse ari bazima, mu gihe iz'abataragera ku myaka itanu zizava kuri 45 zigere kuri 20 ku bana 1000 bavutse ari bazima.

Bijyanye n'uburyo Covid-19 yazambije ibintu byinshi cyane ko yari ije itunguranye, byasigiye amasomo menshi urwego rw'ubuzima ku buryo gahunda zo gukumira no kubaka ubushobozi bwo guhangana n'indwara zirimo n'ibyorezo, zikomeje gushyirwaho.

Mu gukomeza inzira yo kuvurira mu Rwanda indwara zikomeye, za zindi zijya kuvurirwa hanze, biteganywa ko 2029 izarangira hashyizweho ibigo bitanga serivisi z'ubuvuzi bw'indwara zihariye nka kanseri, umutima, impyiko n'ibindi.

Hazatezwa imbere ubuvuzi bw'indwara zihariye, hashyirwaho ibigo n'amavuriro bitanga serivisi zigezweho z'ubuvuzi bwihariye nk'ubwa kanseri, umutima, impyiko, ubuvuzi bw'abageze mu zabukuru n'ibindi.

Kuko bamaze kugaragaza ubushobozi buri hejuru, biteganyijwe ko iyi myaka itanu izasiga uru rwego ruvuguruwe abajyanama b'ubuzima bongererwe ubushobozi babashe gutanga serivisi z'ubuvuzi zegereye abaturage, bashyirwemo n'icyiciro cy'abanyamwuga bunganira amavuriro mato.

Ni urugendo ruzajyana no kwifashisha ikoranabuhanga rimwe ryanatangiye hano mu Rwanda nko kubagira umuntu hifashishijwe iya kure, ikoranabuhanga ryo kubaga abantu haciwe ahantu hato, iryo guhuriza intanga hanze y'umuntu IVF, iryo kubaga umuntu hagamijwe gukosora inenge n'ubwiza, iry'ubwenge buhangano ritarengejwe ingohe.

Hazongerwa inganda zitandukanye zikora imiti n'inkingo ziyongera ku rwa BioNTech, Akagera Medecines n'indi, muri wa mujyo wo korohereza abashoramari baza gushora imari mu Rwanda.

Serivisi zo kubungabunga ubuzima bwo mu mutwe, guha imbaraga ibwisungane mu kwivuza n'ubwishingizi bw'ubuzima bizatezwa imbere hongerwa umubare w'indwara zishingirwa.

2029 izasiga Ibitaro Byitiriwe Umwami Faisal byikubye gatatu ndetse ari kaminuza yigisha ubuvuzi

Abajyanama b’ubuzima biri gutekerezwa uko bubakirwa ubushobozi bakajya bafasha n’amavuriro mato

Ibitaro bya Kacyiru na byo biri mu bizagurwa

Mu myaka itanu iri imbere ibitaro bya Muhororo bizaba byarubatswe bushya

U Rwanda ruri gushyira ingufu mu kwita ku mikurire y’abana ku buryo mu myaka itanu iri imbere igwingira rizaba rigeze kuri 15%

Amafaranga yo kwagura Ibitaro bya Ruhengeri yamaze kuboneka

Ni ubutumwa batambukije kuri uyu wa Kabiri tariki 9 Nyakanga 2024, ubwo bifatanyaga n’abanya-Gicumbi, mu kwamamaza Paul Kagame mu bikorwa byabereye kuri Sitade ya Gicumbi.

Mu butumwa bwe, Junior Giti washinze Giti Business Group, yavuze ko kwitabira  ibikorwa byo kwamamaza Paul Kagame bigamije gushishikariza buri wese kugira uruhare mu matora ateganyijwe tariki 15 Nyakanga 2024 atora Paul Kagame.

Yavuze ko ari ku nshuro ya munani yitabiriye ibikorwa byo kwamamaza Paul Kagame ‘ariko kugeza uyu munsi nta gikorwa kirenze kwamamaza Paul Kagame’. Ati “Ni ibyishimo, ni ubusabane, ni umuryango, twese aha ngaha twisanzuye, twanezerewe.”

Junior usanzwe ari umujyanama wa Chriss Eazy, yashishikarije abatuye Akarere ka Gasabo na Kicukiro bitegura kwakira umukandida Paul Kagame kuzitabira ku bwinshi.

Ni mu gihe King James avuga ko gushyigikira Paul Kagame bituruka mu kuba ‘yaradukoreye byinshi’. Ati “Nta kintu natwe tutazamuha. Ubwo rero gahunda murayumva tariki 15 Nyakanga ni ugutora ku gipfunsi, dutora umusaza wacu kugirango dukomeze tujye imbere mu majyambere.”

Miss Nishimwe Naomie avuga ko gushyigikira Paul Kagame bituruka ‘ku byiza’ yagejeje ku Banyarwanda cyane cyane ‘urubyiruko nanjye ndimo’. Ati “Niyo mpamvu tuzamugwa inyuma, umuturage ku isonga.”

Umuhanzi wagwije ibigwi mu muziki w’u Rwanda, Massamba Intore avuga ko yabaye igihe kinini mu Karere ka Gicumbi, aho yakoresheje inganzo ye mu rugamba rwo kubohora Igihugu.

Uyu mubyeyi yavuze ko yabaye i Gicumbi igihe kinini, kandi afitanye amateka adasanzwe n’aka karere. Yavuze ko ari akarere kateye imbere ashingiye ku gihe yamaze akabamo.

Ati “I Gicumbi ni ahantu nzi cyane. Ni ahantu nabaye, mpafite amateka maremare. Ibintu byarahindutse, ibintu bisa neza, harasa neza, ni ibintu rero tugomba gusigasira.”

Yabwiye urubyiruko ko ‘uyu ari umwanya wanyu kugirango musigasire ibyagezweho’. Massamba wamamaye mu ndirimbo zinyuranye, yashishikarije abanyamuryango FPR-Inkotanyi n’abandi kuzatora neza tariki 15 Nyakanga 2024.

Umunyarwenya akaba n’umunyamakuru wa Kiss Fm, Rusine Patrick ashima cyane Paul Kagame, akumvikanisha ko mu myaka 30 ishize yateje imbere ibikorwaremezo n’ikoranabuhanga bituma Internet yarageze ku mubare munini w’abatuye u Rwanda.

Yavuze ko ari ku nshuro ya mbere agiye gutora, ndetse afite amatsiko y’uko bizaba bimeze kuri uriya munsi wa tariki 15 Nyakanga 2024. Ati “Amajwi ni hahandi agomba kujya, PK wacu turi kumwe cyane.”

Massamba Intore yatangaje ko yishimiye uburyo Gicumbi yahindutse- Kandi ni akarere yabayemo cyane mu gihe cy’urugamba

King James yumvikanishije ko atewe ishema no kuba ashyigikiye Paul Kagame ku mwanya w’Umukuru w’Igihugu
Umunyarwenya Rusine Patrick yavuze ko azirikana amahitamo ye tariki 15 Nyakanga 2024
 

Junior Giti yavuze ko amaze kwitabira ibikorwa byo kwiyamamaza Paul Kagame birenga umunani 

Miss Nishimwe Naomie yavuze ko Kandida-Perezida, Paul Kagame yateje imbere urubyiruko biri mu mpamvu amushyigikiye

Perezida Paul Kagame, yasubije Miss Nishimwe Naomie ko kuba Intare bisaba kubanza kumva no kumenya neza amateka y’u Rwanda mu rwego rwo guharanira gusigasira ibimaze kugerwaho mu rugendo rw’iterambere.

Ni mu kiganiro yagiranye n’abanyamakuru ndetse n’abavuga rikijyana ku mbuga nkoranyambaga (Social Media Influencers) ejo hashize tariki ya 9 Nyakanga 2024 ku Mulindi w’Intwari.

Iki kiganiro kibanze ku kugaragaza uko urugamba rwatangiye n’impamvu rwatangijwe kugeza ubwo imyaka 30 ishize u Rwanda rubohowe.

Nyampinga w’u Rwanda 2020, Nishimwe Naomie ni umwe mu bari bitabiriye iki kiganiro, yabwiye Perezida Kagame ko ari umwe mu bakoresha imbuga nkoranyambaga (content creator), maze Perezida Kagame ahita amubwira ati “ndatekereza njya nkubona kenshi.”

Naomie yakomeje abaza Perezida Kagame ati “waratubwiye ntituzabe imbwa tuzabe intare! Ni gute twaba Intare mu gihe twamenyereye amahoro n’iterambere gusa mu gihugu cyacu.”

Perezida mu kumusubiza yagize ati “Mukwiriye kubyumva, mukwiye no kubimenya. Mukamenya ngo ibi byiza ntabwo ari uku byari bimeze imyaka 30 ishize, hanyuma ukibaza ngo byagenze gute kugirango tube dufite ibi byiza.”

“Noneho igikurikiraho ni ukurinda ibyo byiza ufite. Kubirinda gute rero, hari uburyo bwinshi.”

Ku wa 25 Kamena 2024, Paul Kagame yiyamamariza mu Karere ka Nyarugenge, yabwiye abanyamuryango ba FPR- Inkotanyi n’abanyarwanda bose muri rusange kuba intare kuko u Rwanda rwagize Intare ziyobowe n’Intare.

Perezida Kagame yabwiye Nishimwe Naomie ko asanzwe amubona

Miss Nishimwe Naomie yabajije Perezida Kagame uko umuntu yaba Intare kandi yaramenyereye amahoro

Perezida Kagame yagiranye ikiganiro n’abavuga rikijyana

Yabigarutseho ku wa 9 Nyakanga 2024, mu ngendo akomereje mu gihugu hose, aho yari ageze mu Karere ka Muhanga mu bikorwa bye byo kwiyamamariza kuyobora u Rwanda hamwe n'abandi bakandida 50 b'ishyaka rye rya Green Party, bahatanira imyanya mu Nteko Ishinga Amategeko.

Dr Habineza yatangiye abwira Abanyamuhanga ko yiyumva nk'umwana wabo kuko umwe mu babyeyi be (Se umubyara) yavukiye muri Muhanga, akaba yumva ari ishema kugaruka iwabo abaganiriza ku migambi y'iterambere.

Mu migabo n'imigambi yabagejejeho, yababwiye ko nibamutora azateza imbere ubucukuzi bw'amabuye y'agaciro acukurwa mu gihugu hose na Muhanga irimo.

Yavuze ko aka Karere kari mu Turere ducukurwamo amabuye y'agaciro cyane, ariko ugasanga ubwo bucukuzi bukorwa mu buryo budakurikije amategeko.

Yagaragaje ko hari ikibazo cy'abacukura nta burenganzira bafite, ndetse ahubwo bikarangira bamwe mu babukora bagwiriwe n'ibirombe bagapfa.

Dr. Habineza yavuze ko natorwa, ubucukuzi bw'amabuye y'agaciro mu gihugu hose buzarushaho gukorwa neza, by'umwihariko hakifashishwa ikoranabuhanga, ariko n'abayobozi mu nzego z'ibanze bakajya batanga ibyangombwa babanje gushishoza mu kubitanga.

Ati “Twakagombye gucukura dukoresheje ikoranabuhanga, kugira ngo birinde ko abaturage basiga ubuzima mu birombe.'

Umukandida Dr Habineza yagaragaje ko mbere yo gucukura amabuye y'agaciro, byaba byiza habanje ibikorwa byo gupima neza hakamenyekana aho aherereye, aho kugira ngo abantu bareke gucukura mu kajagari bayashakisha, aho rimwe na rimwe birangira batanayabonye, ahubwo bikangiza ibidukikije.

Yagize ati 'Nasanze abantu bacukura uko babonye amabuye y'agaciro, bayabura, bakajya ahandi naho bikaba uko, ndetse na bya binogo bacukuye bagasiga bidasibwe. Ibyo si byo, nimutugirira icyizere, tuzashyiraho uburyo bwo gupima mbere ubutaka, abantu bacukure bazi neza ahari amabuye.'

Dr. Frank Habineza yakomeje avuga ko ababazwa n'uko ahenshi mu hacukurwa amabuye y'agaciro, abaturage baturiye ibyo ibirombe bakomeza guhera mu bukene, kubera ko ngo amabuye yose ahava, ahita yoherezwa mu bihugu by'amahanga.

Akaba yavuze ko naramuka atorewe kuyobora u Rwanda, muri buri karere hazubakwa uruganda rutunganya amabuye y'agaciro ahaboneka, mu rwego rwo kuyongerera agaciro ku isoko.

Nyuma yo kwiyamamariza i Muhanga mu Majyepfo y'u Rwanda, uyu mukandida perezida n'abandi bakandida 50 ayoboye mu ishyaka rye, bazakomereza ibikorwa byabo byo kwiyamamaza mu Karere ka Gicumbi, mu Ntara y'Amajyaruguru, ku wa 10 Nyakanga 2024.

Dr Frank Habineza yavuze ko natorwa azateza imbere ubucukuzi bw’amabuye y’agaciro

Ibi babigaragaje kuri uyu wa Kabiri tariki ya 9 Nyakanga 2024 ubwo abanyamuryango ba FPR-Inkotanyi bahuriraga hamwe mu kwamamaza Abakandida Depite b'uyu Muryango ari nako bumva imigabo n'imigambi yabo. Banaboneyeho kandi kwamamaza Paul Kagame, Umukandida wa FPR-Inkotanyi ku mwanya wa Perezida wa Repubulika.

Abaturage bo mu Murenge wa Ruramira babwiye IGIHE ko mbere ya Jenoside yakorewe Abatutsi bari mu bwigunge muri uyu Murenge nta mazi bafite, nta mashuri, amavuriro n'ibindi bikorwaremezo. Bavuze ko kuri ubu impamvu bashimira FPR-Inkotanyi ari uko yabakuye mu bwigunge ndetse imiyoborere myiza igaca gutwara abagore bagiye kubyara mu ngobyi.

Karimwabo Theogene utuye mu Murenge wa Ruramira mu Kagari ka Bugambira mu Mudugudu w'Agasharu, yagize ati ' Mbere twajyaga kwivuriza i Kaduha duhetse ababyeyi bagiye kubyara mu ngobyi, uyu munsi wa none kubera ko amavuriro yatwegereye basigaye babyarira hafi. Ibyo rero turabishimira Perezida Paul Kagame na FPR-Inkotanyi. Twajyanaga ababyeyi bagiye kubyara kwa muganga mu ngobyi hari n'ababyeyi babyariraga mu nzira ariko ubu ntibikibaho.'

Mutegwaraba Frida we yavuze ko muri uyu Murenge abaturage benshi bajyaga kwivuza magendu ariko ubu bakaba bashimira FPR-Inkotanyi ko ubuyobozi bwayo bwiza bwatumye nta muntu ukivuriza muri magendu.

Ati 'Umuntu yararwaraga ukagenda akaguha imiti atanazi ngo urwaye indwara iyi n'iyi kuko ntabwo bapimaga.Ubu rero batwegereje ibigo nderabuzima, amavuriro y'ibanze menshi kuburyo umuntu afatwa agahita ajya kwivuza kandi bakamuvurira kuri mituweli.'

Mutegwaraba yavuze ko ikindi bishimira mu buzima ari uko begerejwe abajyanama b'ubuzima babakurikirana umunsi ku munsi. Yavuze ko iyo hari umuturage ugize ikibazo cyangwa urwaje umwana Abajyanama b'ubuzima babanza kumufasha bakamuha ubutabazi bw'ibanze kuburyo hari n'igihe imiti bamuhaye ariyo imukiza.

Niyonsenga Joselyne we yavuze ko ashimira cyane FPR-Inkotanyi yabazaniye iterambere ryatumye nta mubyeyi ugitwarwa mu ngobyi agiye kubyara. Yavuze ko byabangamiraga ababyeyi cyane.

Ati 'Mu ngobyi hari ubwo wayijyagamo akaba ariho ubyarira rimwe na rimwe umwana akahaburira ubuzima, ubu rero basigaye batujyana mu Mbangukiragutabara, iba irimo umuganga kuburyo niyo ugize ikibazo agufasha. Ibi byose rero turabishima kuko byazanywe n'imiyoborere myiza ya FPR-Inkotanyi.'

Kandida Depite Kanamugire James yasabye abaturage gukomeza kugirira icyizere FPR-Inkotanyi abizeza ko nibatora Umukandida wayo ku mwanya w'Umukuru w'Igihugu ndetse no ku badepite izakomeza kubegereza ibikorwaremezo byinshi.

Kuri ubu mu Karere ka Kayonza bafite Ibitaro bibiri bikuru birimo ibya Gahini n'ibya Rwinkwavu, bafite ibigo Nderabuzima 15 ndetse n'Amavuriro y'ibanze 37 agiye ari mu tugari dutandukanye. Bafite kandi abajyanama b'ubuzima 1680 bose bafasha abaturage.

Abakandida Depite barimo Basiime Doreen, Uwamariya Odette na Kanamugire James nibo bari kwiyamamariza mu Karere ka Kayonza

Jim Inhofe yabaye Senateri uhagarariye Leta ya Oklahoma mu Nteko Ishinga Amategeko ya Leta Zunze Ubumwe za Amerika, akaba yaragize uruhare rukomeye mu guharanira umubano mwiza w'igihugu cye na Afurika.

Mu butumwa Umukuru w'Igihugu yanyujije ku rubuga rwa X, yavuze ko yihanganishije umuryango wa Senateri Inhofe n'abamukundaga bose, avuga uburyo yari inshuti ikomeye y'umugabane wa Afurika.

Ati “Kuva yasura Afurika bwa mbere mu myaka 25 ishize, ndetse n'inshuro zindi zakurikiyeho, Jim yari inshuti magara y'umugabane wacu, ndetse n'u Rwanda by'umwihariko. Umurunga Jim yasobetse hagati ya Afurika na Leta zunze Ubumwe za Amerika uzakomeza kuba izingiro ry'ibigwi azibukirwaho nk'umunyapolitiki.”

Inkuru y'urupfu rwa Inhofe wari ufite imyaka 89 y'amavuko yemejwe n'umuryango we, wasobanuye ko yashizemo umwuka ubwo yari akikijwe n'umugore we Kay n'abana be batatu: Molly, Jimmy na Katy Inhofe.

Umuryango w'uyu munyapolitiki watangaje ko yazize uburwayi ariko nta bisobanuro watanze kuri ubu burwayi.

Jim Inhofe wavutse mu 1934, yabaye Umusenateri mu Nteko Ishinga Amategeko muri Amerika uhagarariye Leta ya Oklahoma, umwanya yatorewe bwa mbere mu 1994.

Yari umwe mu bayoboke b'Ishyaka ry'Aba-Républicain. Mu Nteko ya Amerika yayoboye Komite Ishinzwe Ibidukikije n'Imirimo Rusange guhera mu 2003 kugera mu 2007, arongera ahabwa izo nshingano mu 2015 kugera mu 2017.

Mu 2022 Senateri Inhofe n'itsinda yari ayoboye basuye u Rwanda, Perezida Kagame abatembereza mu rwuri rwe, ruba uruzinduko rwa nyuma Inhofe yagiriye mu Rwanda nk'umusenateri kuko yiteguraga kujya mu kiruhuko cy'izabukuru.

Muri Mutarama 2023, nibwo yatangaje ubwegure bwe mu Nteko Ishinga Amategeko, agiye mu kiruhuko cy'izabukuru. Muri rusange yari amaze imyaka 29 muri Sena, ndetse ni we munyapolitiki wo muri Oklahoma wamaze imyaka myinshi muri uyu mutwe w'Inteko.

Mbere gato y'uko Senateri Inhofe asura u Rwanda mu Ukwakira 2022, Perezida Kagame yavuze ko umubano we n'u Rwanda wagize uruhare rukomeye mu gushimangira imikoranire ya Amerika n'u Rwanda.

Ati 'Twabonye imbaraga washyize mu gushaka kumenya no gusobanukirwa u Rwanda hamwe n'ibindi bihugu bya Afurika. Twabonye uburyo wasobanuriraga bagenzi bawe akamaro ka Afurika n'ibihugu nk'u Rwanda ku ruhando mpuzamahanga.'

Icyo gihe, Perezida Kagame yavuze ko Inhofe yerekanye ko umubano w'ingirakamaro na Amerika ari ufitiye inyungu impande zombi, mu kubumbatira umutekano no gushimangira ubukungu.

Mu Ukwakira 2022, Senateri Inhofe n’itsinda yari ayoboye basuye u Rwanda, Perezida Kagame abatembereza urwuri rwe

Perezida Kagame yashimye uruhare Senateri Inhofe yagize mu mubano wa Amerika na Afurika

Senateri Inhofe yari inshuti y’u Rwanda by’umwihariko

Perezida Kagame ubwo yari mu rwuri rwe ari kumwe n’itsinda ry’Abasenateri ba Amerika ryari riyobowe na Senateri Inhofe