Blog

Ibi yabivugiye mu biganiro byabaye ku wa 28 Nyakanga 2026, byo kurebera hamwe ibyagezweho muri politiki yashyizweho yo gukemura amakimbirane hatisunzwe inkiko.

Umurerwa yavuze ko kubera umuco nyarwanda wigishaga abagore kwibombarika, kuguma mu rugo no kuvuga ari uko babanje gutekereza neza kugira ngo bavuge ibikwiye, bibazitira mu kwivuganira igihe bari gushaka ubutabera, bigatuma ikibazo cyabo kitumvikana mu buryo bunoze.

Yagize ati 'Umuco nyarwanda wahoze uteganya ko umugore akorera cyane mu rugo aho kujya mu ruhame ngo ajye impaka. Bityo rero, iyo umugore ari kubazwa ibibazo byinshi akarira, bamwe bashobora kumva ko ikibazo cye kidafite ishingiro nyamara kandi biterwa n'uburyo yarezwe.'

Mu muco nyarwanda ndetse no mu bindi bihugu byinshi byo muri Afurika, abagore bakunda guceceka mu gihe bashaka ibisubizo. Hari n'abahitamo guhisha ibibazo byabo kugira ngo barinde isura y'umuryango cyangwa urugo rwabo, rimwe na rimwe bakagana inkiko baramaze guhungabana.

Umurerwa yagize ati “Mu bihe byinshi bamwe mu bagore batugana badakeneye ubufasha mu by'amategeko gusa, ahubwo banakeneye ubujyanama mu by'imitekerereze, kuko baba bageze aho bananiwe mu marangamutima cyangwa bafite ihungabana.”

Ibyo byatumye muri Haguruka hashyirwaho ishami ry'ubujyanama mu by'imitekerereze, mbere yo kubunga bakabanza gufataumwanya wo kubatega amatwi, kubaremamo icyizere, kubihanganisha no kubereka impuhwe n'ubwubahane kugira ngo babashe kumva neza ikibazo cyabo no kubafasha kugera ku gisubizo kirambye.

Umurerwa yasabye abakemura ibibazo hashingiwe ku biganiro n'ubwumvikane, kumenya ko rimwe na rimwe umugore adashobora kuvuga ashize amanga nk'umugabo, bityo baba bakwiye no kugira ubumenyi bwo gufasha amarangamutima.

Yagize ati 'Twese dukwiye kugira ubushishozi n'imyumvire ishingiye ku buringanire, tukamenya ko abagore n'abagabo bashobora kwitwara mu buryo butandukanye bitewe n'umuco'

Umuvugizi w'Urwego rw'Igihugu rw'Ubugenzacyaha, RIB, Dr. Murangira B. Thierry, yavuze ko uru rwego ruhura n'inzitizi y'amarangamutima mu gushaka ubutabera.

Dr. Murangira yavuze ko hari igihe bamwe bakoresha amarira nk'uburyo bwo kwiyerekana nk'abahohotewe kandi atari byo, abaza uburyo bamenya niba ayo marira ari ay'ukuri cyangwa agamije kujijisha.

Ati 'Mwavuze ko ari ngombwa kugaragaza impuhwe no gusobanukirwa amarangamutima y'uwo muntu. Ariko se mwakora iki igihe ayo marira yaba ari ayo twita “amarira y'ingona”?, ni ukuvuga amarira agaragazwa agamije kuyobya abandi cyangwa kwigira uwahohotewe kandi atari ko biri.'

Umurerwa yamusubije ko kugira impuhwe no gufasha amarangamutima y'umuntu uri gusaba ubwunzi, bidakuraho gukurikirana ibimenyetso.

Yagize ati 'Kugira impuhwe si ukujya wemera ibyo umuntu akubwiye byose nta kubisesengura. Gusa bisaba kwihangana, gufata umwanya no gukora akazi ubikunze,… ariko icyo dushingiraho cya mbere ni ibimenyetso.'

Umurerwa yashishikarije abakora mu nzego zitandukanye z'ubutabera kujya mu mahugurwa abigisha kugira imyumvire ishingiye ku ihame ry'uburinganire, ababwira ko byabafasha mu kazi bakora.

Cyongeyeho kiti: 'Bityo rero, twiteze ko imiraba y'ubushyuhe bwinshi izaba muri iki gihe cy'impeshyi nayo izatuma umubare w'abapfa wiyongera.'

Mu kwezi kwa Kamena, u Budage bwari bwamaze guhura n'ibihe by'ubushyuhe bukabije burenze urugero, aho mu duce twinshi ubushyuhe bwari kuri dogere 40 cyangwa zirenga.

Zuchu yatangaje ko yitegura kwibaruka umwana we wa mbere, ashyira iherezo ku makuru yari amaze igihe avugwa ko yaba atwite.

Mu butumwa yasangije abakunzi be ku rukuta rwe rwa Instagram kuri uyu wa Kane, tariki ya 30 Nyakanga 2026, Zuchu yemeje ko yitegura kwakira imfura ye.

Aho yanditse ati “Urukundo ruri gukura kandi ndi kurya iby’abantu babiri. Ndizera ko umwana azavuka abyibushye.”

Iyi nkuru ije nyuma y’iminsi mike atangaje ko yatandukanye n’umugabo we, Diamond Platnumz, nyuma y’imyaka itandatu bari mu rukundo.

Mu bundi butumwa yari yashyize kuri Instagram ku wa 12 Nyakanga 2026, Zuchu yavuze ko gufata icyemezo cyo gutandukana na Diamond bitari byoroshye.

Yagize ati: “Nahisemo kwibanza no gutangira ubuzima bushya. Nifurije Diamond n’umuryango we amahoro n’ibyiza, kandi ngiye kwibanda ku buzima bwanjye, gukira ibikomere no guteza imbere umwuga wanjye.”

Kugeza ubu, Zuchu ntiyatangaje andi makuru ku nda ye cyangwa se umubyeyi w’umwana ategereje.

Zuchu agiye kwibaruka

Urwego rw’Igihugu Rushinzwe Iterambere (RDB), mu bubasha ruhabwa n’amategeko bwo kugenzura ibikorwa by’imikino y’amahirwe, rwahagaritse uruhushya rw’ibikorwa by’imikino y’amahirwe rwa Baron Sports Gaming Ltd (Forzza), bikubahirizwa guhera igihe iri tangazo risohokeye.

Ni itangazo ryasohotse kuri uyu wa Kane tariki ya 30 Nyakanga 2026.

Muri iri tangazo, RDB yavuze ko “Iri hagarikwa rireba aho iki kigo gikorera hose, ibikorwa by’abagikorera (agents) n’ibikorwa byacyo bibarizwa kuri murandasi. Iki kigo gisabwe guhita gihagarika ibikorwa byacyo byose mu Rwanda, kikanahagarika kubyamamaza hamwe no gukoresha ibyapa byo kwimenyekanisha.”

RDB ikomeza ivuga ko Forzza yahagaritswe kubera ko basanze ikora ibinyuranye n’uruhushya basabye.

Iti “Iri hagarikwa rishingiye ku gusanga iki kigo cyarakoraga ibikorwa bya kazino (Casino) inshuro zitandukanye bitari mu ruhushya rw’ibikorwa by’imikino y’amahirwe cyahawe. Ibi bikaba binyuranye n’itegeko rigenga ibikorwa by’imikino y’amahirwe.”

Yanasabye abaturage kandi kutitabira ibikorwa ibyo ari byo byose bya Forzza kandi ibikorwa yakora nyuma y’aho iri tangazo risohokeye, bizafatwa nko kwica amategeko.

Iti “Kubera iyo mpamvu, abaturage baragirwa inama yo kutitabira ibikorwa by’imikino bya Baron Sports Gaming Ltd (Forzza). Igikorwa icyo ari cyo cyose iki kigo cyakora nyuma y’aho iri tangazo risohokeye, kizafatwa nko kwica amategeko, gikurikirwe n’ibihano bigenwa n’amategeko.”

Yakomeje kandi kwibutsa abahawe impushya kuzikoresha icyo haziherewe kuko iyo babirenzeho, hakurikizwa amategeko.

Yagize iti “RDB kandi iributsa abahawe impushya z’ibikorwa bijyanye n’imikino y’amahirwe gukora bubahiriza amabwiriza agenga ibyiciro baherewe impushya.”

“Ibikorwa by’imikino y’amahirwe bitatangiwe uruhushya cyangwa ibidafitiwe uburenganzira ntibikemewe. Mu gihe bikozwe hakurikizwa ibiteganywa n’amategeko harimo ibihano byo guhagarikwa kw’ibikorwa cyangwa kwamburwa uruhushya.”

RDB kandi yavuze ko kwiyemeza kubungabunga imikorere myiza y’urwego rw’imikino y’amahirwe, ikanakurikirana ko ibikorerwa muri iyi mikino byubahariza amategeko no kurengera abayitabira n’inyungu z’abaturage.

RDB yahagaritse Forzza

Imyitwarire ya Leta ya RDC idatanga icyizere mu kubahiriza gahunda yo gusenya FDLR, Yolande Makolo yayigarutseho kuri uyu wa 30 Nyakanga, asubiza Minisitiri w'Itangazamakuru n'Itumanaho akaba n'Umuvugizi wa Guverinoma ya RDC, Patrick Muyaya.

Muyaya yatangaje ko mu kubahiriza ibigenwa n'amasezerano ya Washington, FDLR yashyize umukono ku masezerano yo kuyambura intwaro, gusubizwa mu buzima busanzwe no kuyishyira ahantu hatekanye igenzurirwa.

Mu butumwa yanyujije ku rubuga rwa X, Muyaya yavuze ko iyi ntambwe ari impinduka ikomeye mu gukemura ikibazo cya FDLR. Yabivuze yirengagije ko ibi atari byo amasezerano ya Washington ateganya.

Yolande Makolo yibukije Leta ya RDC ko amasezerano ya Washington atagena ubu bwumvikane na FDLR, ahubwo agamije kuyisenya.

Ati “Amasezerano ya Washington agena gusenya FDLR, ntabwo agena gahunda yo guhendahenda umutwe w'Abajenosideri Guverinoma ya RDC yakomeje guha intwaro no gukorana na wo. Itangazwa ryo gushyira hasi intwaro ku bushake rije mu gihe FDLR ikiri imbere mu gisirikare cya Congo ndetse ikomeje kurwanira imbere ku rugamba, ntacyo bizahindura.'

Yongeyeho ko gutangaza ko habayeho “kwambura FDLR intwaro ku bushake' mu gihe ikomeje kuba mu nzego z'ingabo za Congo ndetse no ku rugamba bidahagije, kuko ishyirwa mu bikorwa ry'amasezerano risaba ko habaho gusenywa kugaragara kandi kugenzurwa.

Yavuze ko gushyira mu bikorwa amasezerano ya Washington 'bivuze kuyambura intwaro mu buryo bufatika, aho kuba ikinamico. U Rwanda ruracyafite ubushake mu gushyira mu bikorwa aya masezerano. Akarere kacu gakwiriye amahoro ya nyayo, ituze, aho kuba ibintu biri mu nyandiko gusa.'

Ku mugoroba wo ku wa 28 Nyakanga 2026, Minisitiri ushinzwe ukwishyira hamwe kw'akarere muri RDC, Floribert Anzuluni, ari kumwe na Patrick Muyaya, batangaje ko FDLR yemeye gushyira intwaro hasi, bagaragaza ko ahasigaye ari ah'u Rwanda ngo rukureho ingamba z'ubwirinzi.

Iri tangazo ryaje nyuma y'ingendo Minisitiri Anzuluni yari amaze iminsi akorera mu bihugu bitandukanye bya Afurika n'u Burayi, aho yakwirakwizaga mu ibanga rikomeye umushinga wateguwe na FDLR washyizweho umukono na Perezida w'uyu mutwe, Victor Byiringiro.

Uyu mushinga witwa uwo “kwisenya kwa FDLR” washyikirijwe Perezida wa RDC, Felix Tshisekedi, tariki ya 30 Gicurasi 2026, ubutegetsi bwe bumaze igihe kinini bwaranze gusenya uyu mutwe burawushyigikira.

Ibi byabaye mu rukerera rwo kuri uyu wa Kane tariki ya 30 Nyakanga 2026, mu Mudugudu wa Gasogororo mu Kagari ka Kayonza mu Murenge wa Mukarange mu Karere ka Kayonza.

Amakuru IGIHE yahawe n'abaturage ni uko uwo musore yageze muri aka karere avuye mu Karere ka Nyamagabe, akaba yari yahaje aje gusura mukuru we.

Ku wa Gatatu ngo yiriwe asangira n'uwo mukobwa wicuruza bigeze nijoro baratahana babyuka bumva ko yamwishe.

Umunyambanga Nshingwabikorwa w'Umurenge wa Mukarange, Murekezi Claude, yabwiye IGIHE ko uwo mukobwa n'uwo muhungu bumvikanye gutahana bakajya kuryamana, bigakekwa ko hari ibyo batumvikanye byatumye yica uwo mukobwa amunize.

Umuvugizi wa Polisi y'u Rwanda mu Ntara y'Iburasirazuba, SSP Twizeyimana Hamdun, yabwiye IGIHE ko uwo musore bikekwa ko yishe uwo mukobwa yamaze gutabwa muri yombi, nyuma yo kumusanga mu nzu ya nyakwigendera.

Ati 'Ku mugoroba uyu musore yari ari kumwe n'uwo mukobwa bari gusangira inzoga, baranatahana. Bigeze saa Cyenda z'ijoro hari umuturage wahamagaye Polisi avuga ko hari umuturanyi we wumvishe umuturanyi we ataka arungurutse mu idirishya abona uwo musore ari kuniga uwo mukobwa. Yatubwiye ko yahise aza akinga urugi ashyiramo agakondo ahamagara Polisi.''

SSP Twizeyimana yakomeje avuga ko Polisi yahageze isanga urwo rugo rufungiye inyuma ndetse no mo imbere hafungiwemo ingufuri, zose barazica basangamo uwo mugabo ndetse n'uwo mukobwa yapfuye. Yavuze ko yahise atabwa muri yombi ndetse hanatangira iperereza kugira ngo hamenyekane icyatumye amwica.

Umurambo wa nyakwigendera wahise ujyanywa ku bitaro bya Gahini kugira ngo ukorerwe isuzuma. Polisi yashimiye abaturage batanze amakuru, ibasaba kujya batanga amakuru hakiri kare kugira ngo ibyaha nk'ibi bikumirwe. Uyu musore bikekwa ko yishe uyu mukobwa we yahise ajyanwa kuri Sitasiyo ya RIB ya Mukarange.

Ubutumwa bwo gufata mu mugongo uyu muryango bwatanzwe nyuma y'uko amakuru y'urupfu rwa Mukabalisa yamenyekanye mu gitondo cyo ku wa Kane tariki ya 30 Nyakanga 2026. Yaguye mu Bitaro byitiriwe Umwami Faisal i Kigali, aho yari amaze iminsi arwariye.

Mu itangazo Sena yashyize hanze, yavuze ko 'Sena y'u Rwanda ibabajwe no kumenyesha ko kuri uyu wa Kane tariki 30 Nyakanga 2026, Senateri Mukabalisa Donatille yitabye Imana mu Bitaro byitiriwe Umwami Faisal, i Kigali aho yari amaze iminsi arwariye[…] Sena yihanganishije umuryango we.'

Biteganyijwe ko umuhango wo gusezera kuri Mukabalisa uzatangazwa mu minsi iri imbere.

Senateri Mukabalisa Donatille yavukiye i Nyamata mu Karere ka Bugesera mu kwezi kwa Nyakanga 1960.

Mu rugendo rwe rwa politiki, Mukabalisa yatorewe kuba Umudepite mu Ukwakira 2003, akomeza uwo mwanya kugeza mu 2008. Nyuma yaho, kuva mu 2011 kugeza mu 2013, yabaye Umusenateri.

Mu 2013 yasubiye mu Mutwe w'Abadepite, aho yaje kugirwa Perezida wawo, umwanya yayoboye kugeza mu 2024 ubwo habaga amatora mashya y'abagize Inteko Ishinga Amategeko. Ntabwo yongeye kwiyamamaza nyuma yo kurangiza manda ebyiri yari amaze muri uyu mutwe w'Inteko.

Mukabalisa kandi yari Perezida w'ishyaka riharanira ukwishyira ukizana kwa buri muntu, PL (Parti Libéral), ryashinzwe ku wa 14 Nyakanga 1991.

Colonel Anthony Mpagaze ntabwo azaba afite icyicaro muri Belarus, ahubwo azaba areberera inyungu z'u Rwanda muri iki gihugu ariko aba i Moscow mu Busuriya, aho asanzwe akorera imirimo ijyanye n'inshingano ze.

Muri iki cyumweru Colonel Anthony Mpagaze yakiriwe muri Minisiteri y'Ingabo ya Belarus, kugira ngo yemezwe kuri uwo mwanya.

Muri uwo muhango, Colonel Mpagaze yagiranye ibiganiro n'abayobozi b'iyo minisiteri ku buryo ibihugu byombi byakomeza guteza imbere ubufatanye mu rwego rw'ingabo n'umutekano.

Uyu muhango witabiriwe kandi na Ambasaderi w'u Rwanda mu Burusiya no muri Belarus, Gen Maj Joseph Nzabamwita.

Defence Attaché ni umwanya uba muri za Ambasade, ugenewe abasirikare. Uwurimo aba ahagarariye inzego z'ingabo z'igihugu runaka mu kindi gihugu, aho aba ashinzwe guhuza inzego zombi, guteza imbere imikoranire mu bya gisirikare no gukurikirana ibikorwa by'ubufatanye mu bijyanye n'umutekano.

Kuba u Rwanda rugize umuyobozi wa mbere muri uyu mwanya muri Belarus ni indi ntambwe mu mubano w'ibihugu byombi, by'umwihariko mu rwego rwo gushimangira imikoranire hagati y'inzego z'umutekano n'ingabo.