Blog

Kuri uyu wa 18 Ukwakira 2024 ni bwo Ikigo gikora imodoka cyo mu Bushinwa cya Yutong cyashyikirije Igitwara abantu ku buryo bwa rusange cya RITCO Ltd izo modoka.

Nubwo hashize igihe imodoka zikoresha amashanyarazi zarageze mu Rwanda ni ubwa mbere RITCO Ltd yinjiye byeruye mu bijyanye no gukoresha izo modoka, umushinga iki kigo cyari kimaze igihe cyiga.

Umuyobozi wa RITCO Ltd yavuze ko bamaranye hafi imyaka itanu bakorana na Yutong aho hamaze kugura imodoka 115, akemeza ko ubu batangiye urugendo rushya rw'imodoka z'amashanyarazi.

Ati 'Uyu munsi twazanye imodoka ebyiri, mu kugerageza ariko dufite gahunda yo kuzongera, ni uko ubu tutaritegura neza ku bijyanye no kuzimenya, kuzikanika, no kuzikora. Tugomba kubanza kumenya imbogamizi zirimo mu bijyanye n'imiterere y'igihugu cyacu ubundi tukayoboka byeruye.'

Nkusi yavuze ko bagomba kwiga cyane kuri izo modoka uko byagenda kose kuko ari ho Isi iri kugana, bikajyana n'intego ya leta yo kugabanya imyuka yangiriza ikirere yohereza ingana na 38% bitarenze mu 2030.

Yavuze ko nubwo ari imodoka zihenda ugereranyije n'iz'ikoresha ibikomoka kuri peteroli, ariko hari uburyo zungura cyane ugereranyije n'izo basanzwe bakoresha.

Ati 'Turashaka gusimbuza imodoka dufite iz'amashanyarazi ariko ni urugendo. Ubu dufite porogaramu yo kwigisha abakanishi bacu, abashoferi n'abandi bakozi bacu kugeza ubwo tuzabaho twifashije tutagifite Abashinwa baza kudufasha.'

Imodoka RITCO yazanye ni izo gukoreshwa mu mijyi. Zifite imyanya 21 ku bicaye ariko zikagira n'aho abantu bahagarara hisanzuye.

Zigenda ibilometero biri hagati ya 250 na 300 zitarasubizwa ku muriro. Zifite kandi ikoranabuhanga rikonjesha batiri byikoze ku buryo imodoka itashya, ikagira charger yayo ifasha mu gushyiramo umuriro mu gihe kitageze ku isaha.

Yutong yazanye izo modoka ni uruganda rumaze kwandika izina mu gukora no kugurisha bisi, kuko ku mwaka ikora izigera ku bihumbi 70, ikazohereza mu bihugu birenga 30 byo ku migabane yose.

Yihariye isoko ryo mu Bushinwa kugeza kuri 30%, n'iringana na 10% ku Isi hose mu bijyanye na za bisi. Yutong imaze kuzana mu Rwanda bisi zibarirwa muri 700.

Nubwo mu Rwanda ari bwo bwa mbere izanye bisi z'amashanyarazi, Yutong imaze kugira uburambe mu gukora izo modoka kuko kuva mu 2020 yari imaze kugurisha bisi z'amashanyarazi ibihumbi 133 mu bihugu bitandukanye.

Umuyobozi muri Yutong ushinzwe ubucuruzi, Grey Shen Guangyu, yavuze ko bahisemo u Rwanda bijyanye n'uko ari igihugu kimaze kwigaragaza mu korohereza abashoramari, igihugu gifite umutekano, isuku n'ibindi.

Ati 'Mu Rwanda ni ha handi ushora imari ukumva uratekanye, hafite isuku, gukuraho imisoro ku modoka z'amashanyarazi, abaturage bagira urugwiro n'ibindi. Ni urugendo dutangiye, dushaka gufatanya n'u Rwanda mu kugabanya imyuka yanduye. Tuzabigeraho kuko rumaze kuba urugero rw'ibishoboka. Twabonye ko zikenewe cyane.'

U Rwanda rwihaye intego y'uko bizagera mu 2030 u Rwanda ruzaba rumaze kugera ku kigero cya 20% y'imodoka zitwara abagenzi mu buryo bwa rusange zizaba zikoresha amashanyarazi, moto zikaba ari 30% naho imodoka z'abantu ku giti cyabo zikazaba ari umunani ku ijana.

Umuyobozi wa RITCO Ltd, Nkusi Godfrey yavuze ko mu minsi iri imbere bazaba bongereye imodoka z’amashanyarazi bafite

Umuyobozi muri Yutong ushinzwe ubucuruzi, Grey Shen Guangyu yavuze ko bagiye kongera bisi z’amashanyarazi bazana mu Rwanda

Umuyobozi muri Yutong ushinzwe ubucuruzi, Grey Shen Guangyu (ibumoso) ashyikiriza kontaki Umuyobozi wa RITCO Ltd, Nkusi Godfrey

Itsinda rya Yutong na RITCO Ltd nyuma yo kumurika imodoka zikoresha amashanyarazi

Abitabiriye imurikwa ry’imodoka z’amashanyarazi RITCO Ltd yaguze basobanuriwe uko zikora

Bisi zazanywe kuri iyi nshuro ni izikoreshwa mu ngendo zo mu mujyi

Bisi z’amashanyarazi RITCO Ltd yungutse ni uko zimeze

Zifite imyanya 21 n’undi mwanya wisanzuye wo guhagararamo

Abayobozi ku ruhande rwa Yutong na RITCO Ltd baganuye imodoka nshya zikoreshwa amashanyarazi

Ibyuma bikoresha amashanyarazi muri izo modoka ni uko bimeze

Dr. Mugenzi asimbuye Musabyimana Jean Claude wari Minisitiri w'Ubutegetsi bw'Igihugu kuva mu ugushyingo 2022, akaba yari yanagiriwe icyizere agaruka muri Guverinoma yarahiye muri Kanama 2024.

Dr. Mugenzi Patrice yari asanzwe ari Umuyobozi Mukuru w'Ikigo gishinzwe Amakoperative (RCA), akaba ari impuguke mu micungire y'ubuhinzi bubyara inyungu, afite uburambe bw'imyaka 15 mu kwigisha murio Kaminuza y'u Rwanda.

Yabaye umujyanama, umushakashatsi, ndetse n'inzobere mu micungire y'imishinga itandukanye, cyane cyane yita ku bushakashatsi ku mibereho myiza, isesengura ry'imikoranire mu bucuruzi, n'iterambere ry'icyaro.

Dr. Mugenzi afite impamyabumenyi y'ikirenga (PhD) muri Agribusiness Management yakuye muri Kaminuza ya Egerton muri Kenya, ndetse n;impamyabumenyi y'icyiciro cya Gatatu cya Kaminuza mu micungire y'ibigo, ubukungu, n'ubushakashatsi ku mikoreshereze y'ibicuruzwa yakuye muri Kaminuza ya Wageningen mu Buholandi.

Dr. Cyubahiro Mark Bagabe wagizwe Minisitiri w'Ubuhinzi n'Ubworozi asimbuye Musafiri Ildephonse, yari asanzwe ari Umuyobozi Mukuru w'Ikigo gishinzwe Ubugenzuzi, Amarushanwa n'Ubwiza bw'Ibigurishwa mu Rwanda (Rwanda Inspectorate, Competition and Consumer Protection Authority).

Mbere yaho, Dr. Bagabe yayoboye ibigo bitandukanye bya leta, birimo Ikigo gishinzwe Iterambere ry'Ubuhinzi n'Ubworozi mu Rwanda (RAB) n'Ikigo cy'Igihugu gishinzwe Ubuziranenge (RSB).

Dr. Bagabe afite uburambe bukomeye mu kuyobora, iterambere mpuzamahanga ry'ubuhinzi, no mu micungire y'ubuziranenge.

Yagize uruhare rukomeye mu bushakashatsi ku buhinzi, ikoranabuhanga mu buhinzi, no mu kubaka urwego rw'ubuziranenge muri Afurika.

Dr. Bagabe afite impamyabumenyi y'ikirenga (PhD) mu buzima bw'ibihingwa n'impamyabumenyi y'icyiciro cya kabiri cya kaminuza (MSc) mu ikoranabuhanga ryo kurinda ibihingwa yakuye muri Kaminuza ya Reading mu Bwongereza.

Dr. Mugenzi Patrice, Minisitiri w’Ubutegetsi bw’Igihugu

Dr. Mark Bagabe Cyubahiro, Minisitiri w’Ubuhinzi n’Ubworozi

Iki gitaramo cyatewe inkunga na SKOL binyuze muri Maltona, kizaba kuwa 27/10/2024 muri Camp Kigali aho guhera saa 14h00 abakunzi b'iyi korali bazafashwa bikomeye n'indirimbo za Family of Singers Choir ikunzwe mu ndirimbo nka “Nzamusingiza”, “Mwuka Wera”, “Ntabwo nkwiye kujya niganyira”, “Itwitaho”, “Ikidendezi”, “Adonai” n'izindi.

Mu rwego rwo kugaburira abakunzi ba Gospel indyo yuzuye kandi yujuje ubuziranenge, Family of Singers yatumiye umuramyi mpuzamahanga Israel Mbonyi umuntu atatinya kwita kibonumwe dore ko atakigaragara cyane ku butaka bwa Kigali bitewe n'ibitaramo mpuzamahanga akomeje kwitabira.

Mu gihe benshi bakomeje gushidikanya ko uyu muhanzi yaba ahari cyangwa adahari, amakuru adashidikanywa ni uko azaba ahari ndetse akaba yarabitangaje ku mbuga nkoranyambaga akoresha zirimo Instagram kandi akomeje gutumira abantu.

Abakunzi b’umuziki wa Gospel baherutse gutangariza Paradise ko bafite impungenge z’uko Camp Kigali yazaba ntoya, hakaba hibazwa icyo abategura iki gitaramo ‘Umuryango Mwiza Live Concert’ bazakora igihe cyose ihema rya Camp Kigali rizaba ritoya.

Israel Mbonyi uherutse gusohora indirimbo yise “Kaa Mami” kuri ubu imaze kurebwa n'abarenga 1,300,000 mu minsi micye, byitezwe ko azaririmba indirimbo zirimo “Nina Siri”, “Nitaamini”, “Sikiliza”, “Malengo ya Mungu”, “Baho”, “Yaratwimanye”, “Icyambu”, “Hari ubuzima”, n’izindi.

Umuyobozi wa Korali Family of Singers, Mujawamariya Eugénie, yavuze ko muri iki gitaramo “Umuryango Mwiza Live Concert”, Korali Family of Singers izaba yizihiza imyaka 15 imaze itangiye umurimo kandi ikaba ikomeje intego yatangiranye yo 'Guharanira ubusugire bw'umuryango' wo shingiro ry'Itorero ndetse n'Igihugu.

Ati 'Izina Family of Singers rero rikomoka kuri iyo ntego. Iyo witegereje abaririmbyi bayigize bagizwe n'ingeri zose zigize umuryango: abakuze, ibikwerere, urubyiruko n'abana bacu nta ndirimbo baba batazi. Dushishikariza kandi abashakanye gukorana uwo murimo mwiza. Family of Singers igira n'ibindi bikorwa byiza bishishikariza abagize umuryango kubana neza”.

Yabwiye inyaRwanda ko batumiye Israel Mbonyi kuko bakunda indirimbo ze kandi bakaba bamufata nk’umurikiwe n’Imana. Ati “Tumufata nk’uwamurikiwe n’Imana ngo ayamamaze binyuze mu ndirimbo, asenga, yicishije bugufi ndetse tumubona nk’umuntu ufite umutima Imana yishimira dukurikije ibyo igenda imukoresha bihembura imitima ya benshi.

Tumufata nk’uwarezwe neza kandi wujuje indangagaciro z’umukristo, bityo nka Korali irimo urubyiruko rwinshi akaba yarubera icyitegererezo cyo gukorera Imana n’umutima wawe wose n’imbaraga zawe zose”.

Menya aho mwabona amatike!

Biroroshye rero! Gurira itike hamwe muri aha hakurikira: Women Foundation, Bethesda Holy Church, Foursquare Gospel Church, Restoration Masoro, Zion Temple, The Choice Bakery & Coffee, Good News Enterprise, Omega Church, La Gardienne, EPR Kiyovu, EPR Kamuhoza;

EPR Kicukiro, EPR Karugira, EPR Kanombe, RAAH Super Market, Deluxe Super Market na La Mane Kicukiro. Ushobora kugura itike mu buryo bw'ikoranabuhanga unyuze kuri: www.rgticket.com mu gihe abadiaspora bashobora kugura tike banyuze kuri: www.radahmedia.com.

Kuri ubu itike ziragurishwa nko ku kiranguzo dore ko ushobora kugura itike ku mafaranga 5,000 Frw yonyine, ibaze unaniwe kwigomwa Pizza imwe y'i Kigali ugahomba ibyiza bizaboneshwa amaso n'abazazindukira mu ihema ry'ibonaniro rya Camp Kigali!! Ku bindi bisobanuro, mwahamagara kuri+250787500113 cyangwa se:+250783167000.

Family of Singers igiye gukora igitaramo gikomeye yatumiyemo Israel Mbonyi

Kuri uyu wa Gatanu tariki 18 Ukwakira 2024, Perezida Kagame yayoboye Inama y’Abaminisitiri yafatiwemo imyanzuro irimo no guha inshingano abayobozi banyuranye. Nyuma y’imyanzuro y’Inama y’Abaminisitiri, hahise hasohoka itangazo ryavuye mu Biro bya Minisitiri w’Intebe, rivuga ko Dr. Patrice Mugenzi yagizwe Minisitiri w’Ubutegetsi bw’Igihugu.

Dr Patrice Mugenzi wahawe kuyobora MINALOC, asimbuye Eng. Jean Claude Musabyimana wari umaze imyaka ibiri muri izi nshingano yari yarahawe n’Umukuru w’Igihugu tariki 10 Ugushyingo 2022. Dr. Mark Cyubahiro Bagabe, yagizwe Minisitiri w’Ubuhinzi n’Ubworozi akaba yasimbuye Dr Ildephonse Musafiri.

Undi wahawe inshingano nshya n’Umukuru w’Igihugu ni Aurore Mimosa Munyangaju wari Minisitiri wa Siporo uherutse gusimburwa na Nyirishema Richard, akaba yagizwe Ambasaderi w’u Rwanda muri Luxembourg. Eng Patricie Uwase wari Umunyamabanga wa Leta muri Minisiteri y’Ibikorwaremezo, yagizwe Umuyobozi Mukuru wa Rwanda Cooperation Initiative.

Inama y’Abaminisitiri yagejejweho ingamba zafashwe zo gukumira ikwirakwira rya Virus ya Marburg. Inama y’Abaminisitiri yihanganishije ababuze ababo bahitanywe n’indwara iterwa na Marburg. Yishimiye intambwe imaze guterwa mu kurwanya ikwirakwira ryayo, by’umwihariko umurava n’ubwitange by’abakozi bo mu rwego rw’ubuzima.

Inama y’Abaminisitiri yemeje iteka rya Perezida ritanga imbabazi ku bantu 32 bakatiwe n’inkiko n’Iteka rya Minisitiri ryemeza ifungwa ry’agateganyo ku bantu 2,017 bakatiwe n’inkiko. Yemeje kandi itangwa ry’Ubwenegihugu nyarwanda ku babusabye bujuje ibisabwa.

Dr. Patrice Mugenzi yagizwe Minisitiri w’Ubutegetsi bw’Igihugu

Dr. Mark Cyubahiro Bagabe yagizwe Minisitiri w’Ubuhinzi n’Ubworozi

Aurore Mimosa Munyangaju yagizwe Ambasaderi w’u Rwanda muri Luxembourg

Itangazo ry’Ibyemezo by’Inama y’Abaminisitiri

Ni ibyaha byiganje cyane muri iyi Ntara aho nk'icyaha cyo gukubita no gukomeretsa Nyagatare ariho cyakozwe cyane n'abantu 449, Gatsibo hakozwe ibyaha 69 mu gihe Kayonza hakozwe ibyaha 102. Ku cyaha kijyanye no kunywa ibiyobyabwenge Nyagatare niyo iza imbere n'ubundi n'ibyaha 262, Gatsibo ibyaha 7 naho Kayonza hakozwe ibyaha 64.

Umuvugizi wa Polisi y'u Rwanda mu Ntara y'Iburasirazuba, SP Twizeyimana Hamduni, yabwiye IGIHE ko ibyaha byo gukubita no gukomeretsa byagiye biterwa no kunywa ibiyobyabwenge byiganjemo kanyanga cyane cyane ku baturage bo mu Karere ka Nyagatare.

Yagize ati 'Urebye ni ibintu bishingiye ku ikoreshwa ry'ibiyobyabwenge nka kanyanga ituruka hakurya muri Uganda, kimwe n'abaturage bajya kuyinywerayo bagataha basinze ugasanga rimwe na rimwe bateje umutekano muke uvamo ibyaha byo gukubita no gukomeretsa. Abantu nibareke kunywa ibiyobyabwenge kuko nibyo bibatera ibyaha akenshi.'

SP Twizeyimana yakomeje avuga ko kuri ubu Polisi y'u Rwanda ifatanyije n'abaturage bari guhiga ibiyobyabwenge no kubifata kandi ko abo bafashe babashyikiriza Urwego rw'Ubugenzacyaha, RIB ibindi byiganjemo inzoga z'inkorano bakabimena.

Yavuze ko mu Nteko z'abaturage bakomeje gusobanurira abaturage ububi bw'ibiyobyabwenge ku buryo babireka, utabiretse abaturage n'inzego z'umutekano ngo bakaba batazamwemerera gukomeza kubikoresha.

Polisi yatangaje ko hagaragaye ibyaha bigera kuri 950 mu mezi atatu ashize

Iyi nama yateranye kuri uyu wa 18 Ukwakira 2024, iyobowe na Perezida Kagame, yafashe imyanzuro n'ingamba bitandukanye ndetse ishyira mu myanya abayobozi mu nzego zitandukanye.

Inkuru irambuye ni mukanya…

Ibyemezo by'Inama y'Abaminisitiri yateranye kuri uyu wa 18 Ukwakira 2024

Ikigamijwe ni ugutanga umusanzu mu iterambere ry'umuziki no gufasha abadukurikira kuruhuka no kunogerwa n'impera z'icyumweru. Kuri iyi nshuro abahanzi batandukanye bakoze mu nganzo batanga ibihangano bishya.

Kuri ubu, abahanzi nyarwanda baba abakora umuziki usanzwe ndetse n'abakora uwo kuramya no guhimbaza Imana bose bakoze mu nganzo.

Imwe muri izi ndirimbo, ni iyitwa 'Tamu Sana' y'umuhanzikazi Alyn Sano. Ni indirimbo yatwaye amafaranga akayabo k'amafaranga, ubariyemo ayo yatanze mu ikorwa ry'amajwi (Audio) ndetse n'ifatwa ry'amashusho (Video), gukodesha ubwato, itike ya buri wese wamufashije, aho kurara, amatike y'indege yafashe ajya muri Kenya n'ibindi.

Iyi ndirimbo y'iminota 3 n'amasegonda 30' yakoreye mu Mujyi wa Mombasa ndetse no muri Nairobi muri Kenya. Kandi yifashishijemo bamwe mu bakobwa bakunze kwifashishwa cyane n'abahanzi mu ndirimbo muri kiriya gihugu.

Mu kiganiro na InyaRwanda, Alyn Sano yavuze ko yahisemo gukorera iyi ndirimbo mu Mijyi ibiri bitewe n'ubutumwa buyigize. Ati 'Nashakaga kuzana no kwerekana ahantu hashya cyane cyane muri iyi mijyi ahanini bitewe n'ibyo naririmbye muri iyi ndirimbo, cyangwa se ku byo twashakaga kugeraho.'

Dore indirimbo 10 nshya InyaRwanda yaguteguriye zakwinjiza neza mu mpera z'icyumweru cya gatatu cy'Ukwakira 2024:

1.     Tamu Sana — Alyn Sano

“>

2.     Ishyamba — Yvan Muziki

“>

3.     God Forbid — Kenny K-Shot ft 2ezz

“>

4.     Ocean — Yago Pon Dat ft Passy Kizito

“>

5.     Mukwano – Sintex

“>

6.     Ndagukunda — Boukuru

“>

7.     Niseme Nini Baba — Elie Bahati

“>

8.     Yo Yote Uonayo — Papi Clever & Dorcas ft Merci Pianist

“>

9.     Nziyahura — Yee Fanta

“>

10.  Riding High — Chacha Imfurikeye ft Ella Rings

“>