Category: Uncategorized

Urifuza gukora byinshi mu bwami bw’Imana? Urambiwe guhora mu bwana mu buryo bw’umwuka (Imatulité Spirituelle) ?

Nuramuka usomye iyi nyigisho, urabonamo ibisubizo by’ibibazo wibza haruguru. Iki kintu ni ingenzi kuko kumenya amakosa yacu dukora mu buzima bwa gikristo, ni iby’agaciro kugira ngo tuyakosore.

Irinde ubunebwe bwo mu mwuka

Ukurikije inkoranyamagambo ( Dictionary) , ubunebwe bushobora gusobanurwa nko kwanga akazi cyangwa nk’uburangare. Ni ukutagira ubushake bwo gukora umurimo runaka. Ubunebwe ni kintu kituyobora gukora ibintu nk’aho tutabyitayeho kandi bitanadushishikaje rwose.

'Ukoresha ukuboko kudeha azakena, ariko ukuboko k’umunyamwete gutera ubukire. Usarura mu cyi ni umwana ufite ubwenge, Ariko uryamira mu isarura ni umwana ukoza isoni.' Imigani 10: 4-5.

Niba ubunebwe butarwanyijwe, bizagira ingaruka mu bice byose by’ubuzima bwacu, harimo akazi, amasomo, imiryango cyane cyane ariko ubuzima bwo mu Mwuka. Umwuka Wera yaduhaye ubutware kandi ntiyifuza ko tuguma mu bunebwe.

Tugomba gukura mu buryo bw’Umwuka binyuze muguhindura imitekerereze yacu (Abaroma 12: 2).

'Kandi ntimwishushanye n’abikigihe, ahubwo muhinduke rwose mugize imitima mishya, kugira ngo mumenye neza ibyo Imana ishaka , ari byo byiza bishimwa kandi bitunganye rwose.'

Kora kandi witangire umurimo w’Imana

Nk’abakristu, tugomba kumva ko ari ngombwa gukorera Imana . Kristo yari urugero rwiza rwo kwitangira umurimo w’Imana : Niwe wagombaga gushyirwa mu mwanya wo hejuru kandi agomba gukorerwa n’abantu bose bari bamukikije, ariko yahisemo kubera abantu bose urukundo yishyira munsi y’abagombaga kumukorera bose, yitangira abari bakeneye ubufasha.

Ntukwiye kubura umwete ku murimo w’Imana, ahubwo usabwa gukomeze kugira ishyaka ryo mu mwuka, ukorera Umwami Yesu. ' Ku by’umwete ntimube ibyangwe , muhirimbane mu mitima mukorera Umwami wacu'Abaroma 12:11

'Ariko muri mwe si ko biri, ahubwo ushaka kuba mukuru muri mwe ajye aba umugaragu wanyu,kandi ushaka kuba uw’imbere muri mwe, ajye aba imbata yanyu nk’uko Umwana w’umuntu ataje gukorerwa , ahubwo yaje gukorera abandi no gutangira ubugingo bwe kuba incungu ya benshi.' Matayo 20: 26-28

Niba uri umukristo ukaba ntacyo ukora ngo itorero ritere imbere, haba harimo ikibazo mu by’ukuri. Birakwiye ko umukristo arangwa no gukora mu mirimo itandukanye y’ubaka ubwami bw’Imana ndetse imuteza imbere mu buryo bw’Umwuka nko: Gusura abarwayi, gufasha abatishoboye, kugaburira abashonje, n’ibindi .

https://www.agakiza.org/Waba-ugifitiye-Umumaro-Itorero.html

Soma Bibiliya, ushyire mu bikorwa ibyo wizemo

'Ibiri muri iki gitabo cy’amategeko ntukarorere kubihamisha akanwa kawe , ahubwo ujye ubitekereza ku manywa na njiro kugira ngo ubone uko ukurikiza ibyanditswemo byose. Ni ho uzahirwa mu nzira zawe , ukabashihwa byose' Yosuwa

1: 8

Twese tuzi neza uburyo Bibiliya ari ihishurwa ry’Imana, mu magambo yayo iyo tuyasomye kandi tukayahuza n’ubuzima bwacu tubamo bui munsi. Ni ukuvuga gushyira mu bikorwa icyo ijambo ry’Imana ridusaba. Bibiliya igomba kutuyobora no kutubera ubwirinzi . Tugomba guhora twibwira ibyo twize muri Bibiliya buri gihe kandi tukabibika mu mitima yacu.

Ntiwavuga ko ufite ubuzima mu Mana udasoma kandi ngo wige, ushyire mu bikorwa Ijambo ry’Imana. Tugomba kwiyemeza gusoma ibyanditswe byera no kurushaho kunoza ubumenyi kubijyanye na Bibiliya, kugira ngo turusheho gusobanukirwa no kumva byinshi kubyerekeye imyitwarire Imana ishaka ko tugira .

Ikindi twize neza ijambo ry’Imana bitubashisha kwerekana umucyo wa Kristo muri iyi si mu buzima bwose twaba turimo imbere y’abadukikije.

(https://agakiza.org/new_web/Inyungu-zo-gusoma-Bibiliya-buri-munsi.html)

Kwiyiriza ubusa no gusenga

'Nuko bamaze kwiyiriza ubusa no gusenga , baherako barambikaho ibiganza barabohereza' Ibyakozwenintumwa 13: 3

Hariho ingingo nyinshi muri Bibiliya zitwereka ko kwiyiriza ubusa no gusenga bifite akamaro ntagereranywa, kandi ibi byombi bigomba kubaho mu buzima bwacu bwa gikristo, buri gihe. Ntabwo Imana iduhamagarira gusabana n’abavandimwe bacu gusa, ahubwo inaduhamagarira kugirana nayo umubano wihariye .

Tugomba kwiyiriza ubusa kugira ngo tubambe kamere kandi Umwuka Wera akomezwe muri twe. Dusabwa gusenga buri munsi kugira ngo tumenye inzira z’Imana , aho ishaka kutuyobora n’ibyo ishaka ko dukora.

Kurikira n’ inyigisho’ Ni gute umuntu w’Imana yabaho adakora icyaha kandi ari mu isi y’ibyaha?’ by Pastor Desire H. (Video)

Source: Christian Today

[email protected]

Itangazo ryo ku wa 26 Nzeri 2020 ryashyizweho umukono na Minisitiri wa Siporo, Munyangaju Aurore Mimosa, rivuga ko ibikorwa bya siporo byemerewe gusubukurwa guhera kuri uyu wa Mbere, tariki ya 28 Nzeri 2020.

Ni icyemezo cyafashwe nyuma yo gusuzuma ingamba zatanzwe n’amashyirahamwe y’imikino itandukanye mu Rwanda yerekana uko yiteguye kwitwara mu gihe cy’isubukurwa ry’imikino mu myitozo no mu marushanwa.

Rikomeza riti 'Ishyirahamwe ritegura ingengabihe y’amarushanwa n’imyitoxo rirasabwa kubanza kubishyikiriza MINISPORTS ribisabira uburenganzira rikabanza kubuhabwa.”

Amashyirahamwe kandi yibukijwe ko ingamba zo kwirinda COVID-19 zikwiye kubahirizwa mu gihe cyose amakipe agiye gukora imyitozo n’aho bakorera hagashyirwaho ingamba zo kwirinda kugira ngo ubuzima bw’abakinnyi n’abandi bose bubungwabungwe.

Minisiteri ya Siporo yamaze kwemeza ko ibikorwa bya siporo byose mu gihugu bifunguye guhera uyu munsi tariki ya 28 Nzeri 2020.

Ni itangazo ryasohotse nyuma y’amezi 6 imikino mu gihugu yarahagaze kubera icyorezo cya COVID-19 cyari cyamaze kugera mu Rwanda.

Mu kiganiro n’itangazamakuru cyabaye ku wa 18 Nzeri 2020, Minisitiri wa Siporo ari kumwe n’umunyamabanga uhoraho muri MINISPORTS bemeje ko nyuma y’amezi 6 imikino yarahagaritswe mu gihugu, mu Kwakira izasubukurwa amakipe agatangira gukora imyitozo.

Icyo gihe umunyamabanga uhoraho muri MINISPORTS, Shema Maboko Didier yagize ati“Nk’uko nigeze kubikomozaho muri buri mukino twashyizeho ingamba, ubu turi kureba ingamba buri federasiyo yashyizeho mu gihe imikino yaba iri kuba. Bitarenze intangiriro z’ukwa 10 imikino n’amarushanwa biraza gutangira, amakipe yitegure imikino mpuzamahanga.'

'Hari federasiyo zimaze kuduha gahunda zitandukanye nka FERWAFA, Federasiyo ya Basket n’iz’iyindi mikino mu buryo bazakurikiza amabwiriza atandukanye.'

Mu itangazo ryashyizweho umukono na Minisitiri wa Siporo, Munyangaju Aurore Mimosa yandikiye amafederasiyo yose, yayamenyesheje ko ibikorwa bya siporo byose bisubukuwe guhera uyu munsi ku wa 28 Nzeri 202o.

Yamenyesheje kandi ko buri federasiyo igomba gutegura ingengabihe y’amarushanwa n’imyitozo bakabanza bakayishyikiriza Minisiteri ya Siporo.

Yabibukije ko ingamba zo kwirinda icyorezo zigomba gukomeza ndetse n’aho bakorera imyitozo hakajya izo ngamba mu rwego rwo gukomeza kubunga bunga ubuzima bw’abakinnyi n’abandi bose bazaba bahari.

Basubukuye iyi mikino mu gihe tariki ya 8 Kamena 2020 hari indi mikino yari yasubukuwe ari yo; Tennis, Golf, Cycling, imikino ngororamubiri, gutwara imodoka, Fencing, kugenda n’amaguru(jogging).

Imikino yose yafunguwe uyu munsi

Bagiye gukorera mu itsinda ry’ibitaro bizwi nka Parirenyatwa Group of Hospitals, aho bazamara igihe cy’amezi 12, nkuko ikinyamakuru Herald cya leta ya Zimbabwe kibitangaza.

Icyo kinyamakuru gisubiramo amagambo ya Dr Luo Weiqiang uyoboye iri tsinda avuga ko we na bagenzi be bazanamamaza ubuvuzi gakondo bw’Ubushinwa.

Ibiro by’uhagarariye Ubushinwa muri Zimbabwe byatangaje kuri Twitter ko iri ribaye itsinda rya 18 ry’abaganga b’Abashinwa baje kwifatanya na Zimbabwe mu kurwanya Covid-19.

Kugeza ubu muri Zimbabwe hamaze gutangazwa abantu barenga 7,800 banduye coronavirus, muri bo abarenga 200 imaze kubica, nkuko imibare ya Kaminuza ya Johns Hopkins yo muri Amerika ibigaragaza.