Umukinnyi wo hagati usatira izamu muri Rayon Sports, Sekamana Maxime, avuga ko afite intego yo gukora cyane ku buryo mu mwaka w'imikino wa 2020/21 azaba ari ku rwego rwiza.
Category: Uncategorized
-
RNC ikomeje gushinga Imizi I Bugande Aho Ubu Ivugwaho Gushinga Ikigo Kigisha abacengezamatwara bayo ingengabitekerezo no Guhungabanya Umutekano #rwanda #RwOT
RNC ikomeje gushinga imizi Uganda aho ubu iganje cyane mu migambi yayo mibisha ku Rwanda ikaba inakomeje kwangisha Abanyarwanda bahatuye ubutegetsi bw'u Rwanda. Ingirwashyaka rikaba n'umutwe w'iterabwoba RNC rya Kayumba Nyamwasa riravugwaho gushinga ikigo kigisha amatwara yawo Bugolobi muri Mpanga ya Kampala ku muhanda wa 21, ikigo kigisha ingengabitekerezo ya RNC kikaba cyarashinzwe mu nyungu z'urubyiruko rw'iyi ngirwashyaka.
Ubu ni uburyo bushya buri gukorwa na RNC nyuma yo kunanirwa gushinga ibirindiro mu misozi miremire ya Minembwe muri Kivu y'Amajyepfo.
Ikigaragara ni uko icyo kigo kitazarama kuko ibigo by'imyitozo byashinzwe na RNC muri iyi misozi miremire ya Minembwe nabyo byacanyweho umuriro na FARDC, byashenywe n'ingufu zikomeye abahonotse bakagerageza guhungira muri Uganda bikanga ahubwo bagatabwa muri yombi n'ingabo za Congo bagasubizwa mu Rwanda.
Iki kigo cya RNC kikaba kirinzwe bikomeye n'abakorera urwego rw'ubutasi bwa gisirikare (CMI) bambaye gipolisi ariko nk'uko bisanzwe bakaba batega bivamo kuko bavomera mu ruteteBiravugwa ko icyiciro cya 12 kimaze gusoza amasomo, kuri ubu hari kwigishwa icyiciro cya 13, aho abigamo bagenda bavanwa mu nkambi z'impunzi no mu bice batuyemo. Abanyarwanda n'Abagande bafite inkomoko mu Rwanda nka Hoima, Mubende, Kiboga, Kakumiro, Nakivale n'ahandi akaba aribo bakunda gushishikarizwa kwitabira ayo mahugurwa.
Usibye ingengabitekerezo yigishirizwa muri iki kigo, ngo hongewemo n'amasomo yo gusesengura, imbaraga, intege nke, amahirwe ndetse n'imbogamizi zihari hataramenyekana impamvu ; Gusa uko biri kose iyagukanze ntijya iba inturo ibyo bakora byose babikorana icyoba kuko babonye ibyabaye kuri benewabo muri Kongo.
The post RNC ikomeje gushinga Imizi I Bugande Aho Ubu Ivugwaho Gushinga Ikigo Kigisha abacengezamatwara bayo ingengabitekerezo no Guhungabanya Umutekano appeared first on RUSHYASHYA.
-
Hashyizweho uburyo bwo kwigisha amategeko y’umuhanda ku buntu kandi mu gihe gito #rwanda #RwOT
Uburyo aya masomo atangwamo hifashishwa ibiganiro by’amajwi bishyirwa kuri uru rubuga rwa 'MURANDASI TV’.
Amasomo atangirwa kuri uru rubuga ni asanzwe yigishwa mu mashuri yigisha amategeko y’umuhanda by’umwihariko ku bantu baba bashaka gukora ibizamini bya Provisoire.
Mwarimu Iraguha Clement utanga aya masomo yabwiye UKWEZI ko afite intego yo kwegereza abanyarwanda aya masomo cyane ko yari asanzwe afite ishuri ryigisha amategeko y’umuhanda no gutwara ibinyabiziga.
Yagize ati 'Nari nsanzwe nkora akazi ko kwigisha abantu amategeko y’umuhanda ndetse no gutwara ibinyabiziga, urumva rero nashatse gukora ikintu cyafasha abanyarwanda gukomeza kubona aya masomo kandi ni ibintu bizakomeza no mu gihe amashuri azaba yaratangiye.'
Kanda hano ubone andi masomo yagiye atangwa kuri MURANDASI TV
Iraguha avuga ko amasomo azajya atangirwa kuri uru rubuga azajya yibanda ku matageko y’umuhanda ariko hakazamo n’utuntu n’utundi aho abakurikira uru rubuga bazajya bamenyeshwa ibintu bitandukanye.
Yakomeje agira ati 'Nk’urugero, umuntu ashobora kuba akunda gutwara imodoka atazi amateka y’imodoka, uwayivumvuye cyangwa se akaba abona hari imodoka zizwi nka 'Automatic cyangwa Manuel ariko atazi aho zitandukaniye. Ibyo byose tuzajya tubibagezaho.'
Abategura kandi bakanatanga aya masomo bavuga ko kugira ngo umuntu ayakurikire bisaba kwiyandikisha kuri uru rubuga [Subscribe] ku rubuga rwa 'MURANDASI TV’ ari narwo runyuzwaho aya masomo umunsi ku munsi.
Kanda hano utangire amasomo y’amategeko y’umuhanda
Menya itandukaniro ry’imodoka za Automatic na Manuel
Kanda hano ubone andi masomo yagiye atangwa kuri MURANDASI TV
-
Ubuhamya:Nyuma y’agahinda gakabije,Samai yaboneye umunezero muri Yesu #rwanda #RwOT
Samai n’umugabo we bagize umugisha wo kubyara abahungu batatu n’abakobwa babiri. Abakobwa babo barashatse kandi bagira ingo zimeze neza, mubyukuri Samai yari mu buzima bwiza kuko ibyo yakeneraga byose yabibonaga, ariko igihe cyaje kugera abahungu be n’umugabo we barapfa maze afatwa n’agahinda gakabije, ariko nyuma yahuye na Yesu amuha amahoro atarondoreka.
Umugoroba umwe, umuryango wakiriye amakuru ateye ubwoba avuga ko umuhungu mukuru wa Samai yakoze impanuka ahita apfa. Iki gihombo cyasize umubabaro mwinshi mu muryango.
Nyuma y’imyaka mike, amakimbirane yariyongereye mu muryango mugihe umuntu yaroze ibiryo by’umuhungu wa kabiri wa Samai, ahita apfa. Icyo gihe umuryango wongeye gutungurwa n’umuborogo ukomeye. Imibereho yabo ntiyaboroheye kuko na mbere bari bakiri mu gahinda k’umuhungu wabo wri uherutse gupfa, bakimara gupfusha uwa kabiri, bahise bananirwa kwihangana.
Ku mugabo wa Samai, igihombo cyari kinini cyane. Ntiyashobora kwihanganira akaga kari kabagwiririye . Asanze nta gisubizo cy’akababaro ko mu muryango kandi nta byiringiro by’amahoro bihari, yahisemo kwiyahura.
Samai, umupfakazi w’imyaka 65 yasigaye wenyine ndetse atangira guhangana n’agahinda gakabije. We yibazaga amaherezo yabyo bikamuyobera.
Samai yari asigaranye umuhungu umwe gusa, ariko nyuma y’amezi make urupfu rwaramujyanye. Kubura umwana umwe byari bigoye; kubura abahungu batatu n’umugabo we byo ntibyari byoroshye.
Samai yagize ubwoba bisa nk’aho ubuzima bwe buzimiye ku buryo bwihuse, bitewe n’uko yari afite umubabaro urenze ubwenge bwe.
Abakobwa ba Samai n’abaturanyi bagerageje kumuhoza, ndetse abakobwa be bamwakiriye mu ngo zabo. Ariko Samai ntiyashoboraga kwakira ihumure. Amaze igihe runaka abana n’abakobwa be, Samai yasubiye mu rugo rwe nk’umupfakazi ndetse aba mu buzima bwo gutakaza ibyiringiro, bitewe n’uburemere bw’ikibazo cye cyo gukomereka umutima incuro enye.
Yitegereje ukuntu abayeho, umutaranyi wa Samai yamugiriye inama yo gutangira urugendo rw’umwuka kuko yabonga aribyo byamugabanyiriza kwigunga. Samai yatangiye kwitabira inama n’ibikorwa byo kuramya, ariko ibi byose ntibyamuhaye amahoro yashakaga, ahubwo agahinda karushagaho kwiyongera.
Umunsi umwe, inshuti yatumiye Samai mu gikorwa cyo kuramya cyayobowe na Pasiteri Ibraheem. Nuko iyo nshuti yasabye Pasiteri gusengera Samai, maze Pasiteri Ibraheem abasezeranya ko azamusengera kugira ngo Imana imwuzuze amahoro. Mubyukuri Samai yahisemo kujya yitabira amateraniro kuko yifuzaga cyane ikintu cyose gishobora koroshya ububabare bwo mu mutima we n’impungengezose yari afite.
Nyuma y’amateraniro, Pasiteri Ibraheem yasabye Imana gusimbuza amaganya ya Samai, inzozi mbi n’ubwoba ikamuha amahoro.
Bidatinze, Pasiteri n’umugore we bahoraga basura Samai buri gihe kugira ngo bamusengere kandi bamutere inkunga mu Ijambo ry’Imana. Samai yatangiye kwishimira gusinzira neza no kuruhuka kurota inzozi ziteye ubwoba.
Samai yaravuze ati: “Nyuma y’urupfu rw’abahungu banjye batatu n’umugabo wanjye, naravunitse rwose kandi nta mahoro nari mfite. Nanjye sinifuzaga kubaho, ariko nyuma yo kumenya Yesu Kristo, nize kubaho.'
Samai yahisemo gukurikira iyi Mana ishobora rwose kumuha ibyo akeneye no kumuha amahoro yo mu mutima.
Source:gospelforasia-report.org
Source : https://agakiza.org/Ubuhamya-Nyuma-y-agahinda-gakabije-Samai-yaboneye-umunezero-muri-Yesu.html
-
Breaking News: Urukiko rwo mu Bufaransa rusesa imanza rutegetse aho Kabuga yoherezwa kuburanira #rwanda #RwOT
Urukiko rusesa imanza rwo mu Bufaransa rwemeje ko Kabuga Félicien ufatwa nk'umuterankunga mukuru wa Jenoside yakorewe Abatutsi mu 1994, ashyikirizwa Urwego rwasigariyeho Urukiko Mpuzamahanga Mpanabyaha rwashyiriweho u Rwanda, ngo abe arirwo ruzamuburanisha.
Ni nyuma yuko uru rukiko rusesa imanza mu Bufaransa rwanze ikirego cya Félicien Kabuga gisaba gutesha agaciro icyemezo cy'izindi nkiko zategetse ko yohererezwa urukiko mpuzamahanga rwa ONU i Arusha.
Ni umwanzuro watangajwe kuri uyu wa Gatatu, wasuzumwaga nyuma y'uko Urukiko rw'i Paris rwaherukaga kwemeza ko yohererezwa uru rwego rukorera Arusha muri Tanzania, ariko Kabuga n'abavoka be bajurira bavuga ko akwiye kuburanira mu Bufaransa, kubera ubuzima bwe butameze neza.
Uru rukiko rwategetse ko ashyikirizwa urukiko mpuzamahanga, nk'uko biri mu mwanzuro w'urukiko nkuko ikinyamakuru BBC ducyesha iyi nkuru gikomeza kibitangaza.
Urukiko rusesa imanza rwatesheje agaciro zimwe mu mpamvu zatanzwe n'uruhande rwa Bwana Kabuga zirimo uburwayi.
Ruvuga ko kuba uyu uregwa ibyaha bya jenoside yarashakishijwe n'urukiko mpuzamahanga rwashyiriweho u Rwanda mu myaka irenga 15 ishize, akwiriye guhabwa urwo rukiko.
Uru rukiko rwashimangiye ko inkiko zabanje zaragaragaje neza ko nta ngingo y'amategeko ibangamira kohereza Bwana Kabuga muri gereza y'urukiko rwa ONU i Arusha.
-
Urukiko rw'i Paris mu Bufaransa rwategetse ko Kabuga yoherezwa i Arusha muri Tanzania #rwanda #RwOT
Urukiko rusesa imanza rwo mu Bufaransa uyu munsi ku wa Gatatu rwategetse ko Félicien Kabuga yoherezwa Arusha muri Tanzania, aho azaburanishirizwa ku byaha akurikiranyweho birimo gucura umugambi wa Jenoside yakorewe abatutsi yiciwemo Abatutsi barenga 1,000,000. Uruhande ruburanira Kabuga rwo rwifuzaga ko aburanishwa n'inkiko zo mu Bufaransa ku mpamvu zitandukanye, ruvugamo, ubwigenge bw'izo nkiko n'uburwayi bwe.
Kabuga w'imyaka 87 yafatiwe i Paris mu kwezi kwa gatanu nyuma y'imyaka irenga 20 ashakishwa n'ubutabera mpuzamahanga, Urukiko rusesa imanza nirwo ruri hejuru y'izindi mu bucamanza bwo mu Bufaransa, rugenzura niba harakurikijwe amategeko mu myanzuro yafashwe n'inkiko zabanje, rugafata kandi rugashimangira umwanzuro utajuririrwa.
Kabuga ubu afite igihe cy'ukwezi kumwe ngo abe yagejejwe imbere y'urukiko mpanabyaha ra LONI nk'uko amategeko abiteganya, Mu mpera z'icyumweru gishize, Kabuga yavanywe aho yari afungiwe kubera impamvu z'uburwayi.
Tubibutse ko Felicien Kabuga yavutse mu mwaka wa 1935, mu cyahoze ari Perefegitura ya Byumba, Komini Mukarange Segiteri Muniga. Kabuga niwe wari umucuruzi ukomeye mu Rwanda akagira n'ijambo muri MRND yari abereye umuyoboke, mu mugambi wa Jenoside akaba yari Perezida Komite yari ishinzwe ikigega gishinzwe umutekano w'igihugu' , akaba kandi Perezida wa Komite yashyizeho Radio Rutwitsi RTLM zombie ziri ku isonga mu gutegura no kurimbura umugambi wa Jenoside.Binyuze kuri Perezida Habyarimana, Felicien Kabuga yari akuriye akazu k'abantu bakomoka mu majyaruguru y'igihugu bari bakikije Habyarimana ndetse akaba yari afite ijambo ku basirikari, Interahamwe ndetse no ku butegetsi bw'igihugu.
Nubwo bigaragara ko hari abandi batanze imigabane muri RTLM, uyu ni umushinga wa Felesiyani Kabuga afatanyije na Ferdina Nahimana, Jean Bosco Barayagwiza nabandi kugirango bakwirakwize ibitekerezo by'umugambi wa Jenoside yo kurimbura Abatutsi nyuma yuko u Bufaransa bugize uruhare mu gushinga icyitwa Pawa. Ibyaha byose bya RTLM biri ku mutwe wa Kabuga Felesiyani.
Leta zunze ubumwe z'Amerika zari zarashizeho igihembo kingana na Miliyoni eshanu z'amadorali y'Amerika kumuntu wese watanga amakuru agaragaza aho Kabuga Felecien aherereye. Mu gushakisha Kabuga Felesiyani, Col Patrick Karegeya yagiye atambamira iperereza ryatangaga amakuru afatika kuri Kabuga akiri mu nzego z'ubuyobozi mu Rwanda mbere yuko afatwa agafungwa akanahunga igihugu kubera amakosa akomeye yakoze mu kazi. Nyuma yaho yashinze RNC na Kayumba Nyamwasa hamwe n'abandi nubwo baje gushwana bagatandukana.
Mu iburanisha ryo mu ntangiriro z'uku kwezi, umwunganizi we yabwiye urukiko ko Kabuga afite indwara imutera gutakaza ubushobozi bw'umubiri we n'ubwenge.Yavuze ko bityo adakwiye koherezwa ameze atyo muri kilometero 7 000 i Arusha muri Tanzania, aho yavuze ko atabona ubuvuzi bukwiriye.
Bamwe mu barokotse Jenoside yakorewe Abatutsi mu Rwanda bari bifuje ko Kabuga yakoherezwa kuburanira mu Rwanda. Icyifuzo ubu kitari mu birebwaho n'ubucamanza.
The post Urukiko rw'i Paris mu Bufaransa rwategetse ko Kabuga yoherezwa i Arusha muri Tanzania appeared first on RUSHYASHYA.
-
Gicumbi: Bateye urugo rw'umuturage bitwaje intwaro basambanya abana be babiri #rwanda #RwOT
Abantu batarameyekana bateye urugo rw’umuturage witwa Bizimana Jean Bosco wo mu Karere ka Gicumbi, binjira mu nzu yararagamo abana babiri b’abakobwa, umwe w’imyaka 17 n’undi ufite imyaka 20, barabasambanya babafatiyeho ibyuma bari bitwaje. -
Imyaka 6 ayitegura: Migambi agiye gusohora… #rwanda #RwOT
Imyaka 6 ayitegura: Migambi agiye gusohora Album y’indirimbo 50 y’urugendo rwagutse rw’umugenzi ugana mu Ijuru
Umuhanzi akaba n’umunyamakuru , umuhungu wa Mukeshabatware Dismas umunyabigwi mu bakinnyi b’ikinamico , Migambi Gilbert uzwi kandi nka Migambi Nyawe, agiye gupfundura agaseke k’umuzingo (Album) y’indirimbo 50 zishushanya urugendo ruvuguruye rw’umugenzi ugana mu Ijuru.
Migambi amaze iminsi yifashisha imbuga nkoranyambaga ze, agaragaza amashusho y’integuza ya Album ifite umwihariko yise 'Inyanja’ mu rwego rwo kugaragaza ivugabutumwa ryagutse afitiye abatuye Isi.
Ku wa 01 Ukwakira 2014, ni bwo Migambi umunyamakuru wa Magic Fm, yatangiye gutegura iyi Album. Azizihiza imyaka itandatu ayitegura ku wa 01 Ukwakira 2020 ari nabwo azasohora indirimbo ya mbere iriho.
Ni Album yahaye umwanya! Yayikozeho mu buryo bw’amajwi, yiyandikira buri ndirimbo iyigize, ayungurura amajwi n’ibindi byakomeje iyi Album y’indirimbo zihimbaza Imana.
'Inyanja’ izumvikanaho indirimbo ze bwite, n’izo yakoranye n’abandi bahanzi bakomeye bazamenyekana mu minsi iri imbere.
Migambi yabwiye INYARWANDA, ko indirimbo ziri kuri iyi Album, ari ubutumwa Imana yanyujije muri we bureba abagenzi bagana ijuru. Avuga ko igizwe n’ibihangano by’umwuka bikumbuza abazabyumva ijuru ndetse no kureka ibyaha 'bagahindukirira Uwiteka’.
Uyu muhanzi avuga ko imyaka itandatu ishize ategura iyi Album, imuha icyizere ko abanyarwanda bazakira neza ubutumwa bukubiyemo kandi bukagira umumaro uhambaye muri bo mu gihe cyabwo 'buhindure benshi kandi bukangure n’abaguye.
Migambi ati 'Imyaka 6 nkora iyi Album bisobanuye byinshi kuri njye ariko ikigenzi n’uko ari igisobanuro cy’umukozi ugandukiye Sebuja. Kandi ikaba urugero rwiza rwo kumvira Nyir’umurimo, ukagenda uko imbaraga zawe zingana kuko atari ku bwacu gushobora n’ubwo ari twe tugambirira.'
Akomeza ati 'Naho icyo nyitezeho, icyo cyo ni umurimo wa Data kuko ari we ureba ahazaza, gusa njye nakifuje ko uzayitega ugutwi atakinangira umutima we kuko ni njye na we Imana ishaka. Mbega byiza twese duhuriye mu ijuru! Isobanuye umubano wanjye udakuka n’Imana, isobanuye kwihangana no kumvira, buri kimwe cyose mu gihe cyacyo.'
Iyi Album 'Inyanja’ izaba igizwe na Mini-Album eshanu, iya mbere yayise 'Inyanja I (Uwiteka Abyemeye), 'Inyanja II’, Inyanja III’, 'Inyanja IV’ na 'Inyanja V’. Ikubiyeho indirimbo ziri mu njyana nyinshi Pop, Afro beat, R&B, Slow, Soul, Hip Hop, Gakondo, Zouk, Kizomba n’izindi.
Migambi avuka mu muryango w’abanyamuziki, kuri Se Mukeshabatware Dismas, umunyabigwi mu bakinnyi b’ikinamico. Migambi yabaye Producer by’umwuga kuva mu 2013, ari naryo pfundo ry’umuziki we. Muri iyo myaka yasohoye indirimbo yitwa 'Njya ntekereza’ atashyize ku rubuga rwa Youtube, ariko zimwe muri Radio za Gikirisitu zirayicuranga.
Source: Inyarwanda.com
Source : https://agakiza.org/Imyaka-6-ayitegura-Migambi-agiye-gusohora.html
-
Rwanda among first countries to receive Coronavirus vaccine #rwanda #RwOT
It is expected that at the outset, once the first vaccine is approved, Rwanda will be given a few vaccines, which will focus on protecting people working in the health sector and others who are considered to be most critical.
The first phase will protect about 3% of the population, which means that out of 12.5 million people living in Rwanda today, about 375,000 will be vaccinated against Coronavirus.
The United Nations World Health Organization (WHO) will also monitor the delivery of these vaccines, advising countries to first vaccinate health workers, as they are among the most likely to be infected with Coronavirus; yet it is not a must, therefore, each country will use the vaccine given to it as it pleases.
It is expected that in the middle of next year, Rwanda will be given other special vaccines, especially those in those categories that may be severely affected by Coronavirus, including elderly people and those with other diseases.
This category is likely to leave more than 10% of the population vaccinated against Coronavirus, and will focus on areas with the highest number of Coronavirus infections. As in Rwanda, Kigali will be given priority in light of the current rate of infection.
Rwanda is also likely to be vaccinated for the third time, in case of severe outbreaks of Coronavirus and there is an inability of its clinics to cope with the severity of the pandemic.
The phase is expected to be completed by the end of next year, at which point the WHO predicts that the pandemic could see its end completely.
The Director General of the Rwanda Biomedical Center (RBC) Dr. Sabin Nsanzimana, who recently told IGIHE that the Rwandan government plans to vaccinate at least 25% of the country’s population, saying this could significantly reduce the spreading rate.
At the time, he said, “once the vaccine is available, at least 25% of Rwanda’s population will be vaccinated for more effective results.'
The COVAX Forum is made up of a total of 156 countries, of which 92 developing countries which are eligible for funding, and the other 64 have the ability to multiply vaccinate, and are in the network in order to provide assistance.
All of these countries are home to 64% of the world’s population, so if they achieve their goal, it will help the Earth cope with the spread of Coronavirus. Meanwhile, the United States, China, and Russia are not in the forum.
In order for at least two billion people to be vaccinated against Coronavirus next year, the world needs $ 3.4 billion, of which $ 2 billion is needed no later than this year in order for developing countries to be vaccinated before next year.
Currently, there are about six vaccinations that have reached the third phase of the experiment, which is the last before they are approved and given to the public. It is not yet known when the vaccine will be approved, it is said that it might be released between November and December.
Meanwhile, Russia has announced that its vaccine has been approved and that the country will start giving it to their citizens next month, with more than 100 million expected to receive it. The vaccine, however, has not been approved by WHO.
Critics of COVAX say the way this forum will work will not be productive, for the vaccine is set to be given to countries that do not have high levels of Coronavirus, while countries with high levels of infection should be receiving the special attention.
However, WHO says that even if countries have a small number of infections, they could increase unexpectedly, which is why they need to be addressed early.
The phase is expected to be completed by the end of next year, at which point the WHO predicts that the pandemic could see its end completely.Nicole Kamanzi M.
Source : https://en.igihe.com/news/article/rwanda-among-first-countries-to-receive-coronavirus-vaccine
-
Facebook na RBC batangije ubufatanye bugamije kuzamura itangwa ry’amaraso mu Rwanda #Rwanda #RwOT via @kigalitoday #rwanda #RwOT
Mu itangazo rigenewe abanyamakuru ryatanzwe na RBC, ivuga ko ubwo bufatanye bugamije gushishikariza abantu bari hagati y’imyaka 18 na 60 kwitabira gutanga amaraso.
Buri wese uri muri icyo kigero azajya akoresha Facebook yiyandikishe nk’umuntu utanga amaraso (Blood Donor), kugira ngo ajye abasha kubona ubutumwa buturutse mu bigo byakira amaraso buvuga ko hakenewe amaraso, ndetse ajye anabasha guhamagarira inshuti ze n’abandi banyamuryango kwitabira gutanga amaraso.
Ubu bufatanye buje mu gihe mu Rwanda hakenewe cyane amaraso yizewe. Icyorezo cya Covid-19 cyatumye amaraso agabanuka mu isi yose, bitewe n’ingamba zirimo kubura uko agera ku bayakeneye, ndetse n’ingamba yo gutuma abantu baguma mu ngo zabo.
RBC ivuga ko gutanga amaraso ku bushake ari igikorwa cy’ingenzi, kandi ko ubu ari igihe amaraso akenewe mu Rwanda kurusha ibindi bihe byabanje.
Ubu buryo bwo gukoresha Facebook mu gutanga amaraso bufite ibice bitatu by’ingenzi.
Ubwa mbere, abantu bakoresha Facebook bafite ubushake bwo gutanga amaraso bazajya babigaragaza bakoresheje porogaramu ya Facebook (Application).
Hanyuma, ibigo byakira amaraso byizewe bisanzwe bikorana na RBC kandi bikeneye kuvugana n’abatanga amaraso, bishobora gushyiraho paji yihariye, imenyesha abatanga amaraso ko akenewe, ndetse bikagaragaza aho ushaka gutanga amaraso yakanda kugira ngo avugane n’ikigo iki n’iki.
Uburyo bwa gatatu, mu gihe utanga amaraso yamaze kubimenyekanisha, abatuye hafi ye bagaragaje ko na bo bafite ubwo bushake bazajya babona amamenyesha (notifications), hanyuma bahabwe uburyo bwo kuvugana n’ikigo niba koko bashaka gutanga amaraso.
Umuyobozi MUkuru wa RBC, Dr. Sabin Nsanzimana, yashimiye ubu bufatanye na Facebook, avuga ko buzazamura umuco wo gutanga amaraso ku bushake mu Rwanda.
Yagize ati “Tunejejwe no kugira Facebook nk’umufatanyabikorwa mu kwigisha Abanyarwanda ibisabwa mu gutanga amaraso ndetse n’aho azajya atangirwa. Ibi bizatuma habaho gutanga amaraso muri ibi bihe ububiko bw’amaraso bwari bumaze kugabanuka, bitewe n’icyorezo cya Covid-19 cyatumye abantu baguma mu ngo”.
Avuga kuri ubu bufatanye, Uhagarariye Facebook mu Burasirazuba no mu Ihembe rya Afurika, Mercy Ndegwa, yagize ati “Nka Facebook, tunejejwe no gufatanya na RBC n’abandi bafatanyabikorwa mu gutuma amaraso aboneka mu gihugu. Facebook yiyemeje kubaka imiryango itekanye, ari nay o mpamvu twifuje gutangiza ubu bufatanye na RBC”.
Kuva Facebook yatangiza uburyo bwo kwiyandikisha ku bashaka gutanga amaraso ku bushake muri 2017, abantu barenga miliyoni 70 bamaze kwiyandikisha nk’abatanga amaraso kuri Facebook.
Ubu buryo ubu bukoreshwa mu bihugu bya Kenya, Afurika y’Epfo, Zimbabwe, Niger, USA, Brazil, Bangladesh, u Buhinde, Taiwan na Pakistan.
