Urukiko rusesa imanza mu Bufaransa rwanze ikirego cya Félicien Kabuga gisaba gutesha agaciro icyemezo cy'izindi nkiko zategetse ko yohererezwa urukiko mpuzamahanga rwa ONU i Arusha ruburanisha imanza z'abakekwaho Jenoside yakorewe Abatutsi mu Rwanda.
Uru rukiko rwategetse ko ashyikirizwa urukiko mpuzamahanga, nk'uko biri mu mwanzuro w'urukiko BBC yaboneye kopi. Mu rukiko mu kwezi kwa gatanu Bwana Kabuga w'imyaka 85 nk'uko bivugwa n'urukiko, (ariko we avuga ko afite 87), ibyaha aregwa yabyise 'Ibinyoma'.
Urukiko rusesa imanza rwatesheje agaciro zimwe mu mpamvu zatanzwe n'uruhande rwa Bwana Kabuga zirimo uburwayi. Uruhande rwa Bwana Kabuga ntacyo ruratangaza ku mwanzuro w'uru rukiko.
Ruvuga ko kuba uyu uregwa ibyaha bya jenoside yarashakishijwe n'urukiko mpuzamahanga rwashyiriweho u Rwanda mu myaka irenga 15 ishize, akwiriye guhabwa urwo rukiko.
Uru rukiko rwashimangiye ko inkiko zabanje zagaragaje neza ko nta ngingo y'amategeko ibangamira kohereza Bwana Kabuga muri gereza y'urukiko rwa ONU i Arusha.
Umwanzuro w'urukiko ruri hejuru y'izindi mu Bufaransa nta handi ujuririrwa mu nkiko zaho. Ubucamanza bw'Ubufaransa bufite igihe kigera ku kwezi ngo bwohereze uregwa mu rukiko rwa ONU.
Ni iki Urukiko rwavuze?
Urukiko rusesa imanza rwavuze ko tariki 29/04/2013 urwego rwasigaye rurangiza imanza z'urukiko mpanabyaha rwa Arusha, rwatanze ku bihugu byose 'manda' yo gufata Kabuga no kumushyikiriza urwo rwego.
Urukiko ruvuga ko ibyo bituma Ubufaransa, bwemera ingingo za ONU zashyizeho urwo rukiko, bufite inshingano yo kubahiriza ibyo rusaba.
Bwana Kabuga yafashwe tariki 16 z'ukwezi kwa gatanu 2020 i Asnières sur Seine mu nkengero za Paris.
Ku ngingo y'amagara ya Bwana Kabuga, urukiko rwavuze ko inkiko zabanje zerekanye ko, mu kubazwa gutandukanye yakorewe, hari umusemuzi kuko uregwa atavuga igifaransa, nta bimenyetso bibangamiye uburenganzira bwa muntu ku magara ye igihe yaba yohererejwe urwego rwamusabye.
Uru rukiko rwavuze ko ingingo y'uruhande rw'uregwa ivuga ko yafashwe ibipimo bya ADN binyuranyije n'amategeko, nta shingiro ifite kuko 'byakurikije amategeko agenga gupima hagamijwe kwemeza umwirondoro w'uwafashwe ukekwaho ibyaha'.
Uruhande rw'uregwa rwari rwatanze ingingo y'ibyago biri mu kumuvana mu Bufaransa mu gihe cy'icyorezo cya Covid-19 no kumujyana aho atizeye ubuvuzi muri Tanzania.
Aha urukiko rusesa imanza rwavuze ko tariki 20/05/2020 umushinjacyaha wa ruriya rwego rw'i Arusha yizeje ko urwo rwego 'ruzita ku buzima bwe'.
Uru rukiko ruvuga ko rwemeje ibyavuzwe n'urukiko rw'ubujurire ko 'nta cyemezo cya muganga kibuza ko afungwa cyangwa yakoherezwa' ahandi.
Ku mpungenge z'uruhande rw'uregwa ko urwego rw'i Arusha rushobora kumwohereza mu Rwanda ngo kuko hari abandi rwahohereje, BBC dukesha iyi nkuru itangaza ko uru rukiko ruvuga ko 'nta kimenyetso cyangwa ingingo yashingirwaho yemeza' ibyo.
Munyaneza Theogene / intyoza.com
Ujya ufata umwanya wo kwitekerezaho ukisobanukirwa uwo uri we? Waba se uzi uwo uri we muri Kristo Yesu? . Ibi ni ibibazo bishobora kuba bigoranye kubibonera ibisubizo kuri buri wese, ariko nano by’ingenzi. Ni ngombwa ko tugira icyo tubivugaho nk’abakristo kugira ngo twungukirwe muri uru rugendo rugana mu ijuru.
Ibikuranga nibyo bisobanura uwo uri we, harimo imiterere y’ubuzima bwawe ubamo, imikorera yawe n’ibigutandukanya n’abandi. Kwimenya uwo uriwe neza ni ingenzi kuko bizagufasha kudatakaza intumbero yawe, n’umugambi Imana yakuremeye kubamo.
Uri umwana w’Imana
Icyakora abamwemeye bose bakizera izina rye, yabahaye ubushobozi bwo kuba abana b’Imana. Yohana 1: 12
Mu buryo busanzwe, benshi muri twe abo turibo bikunze kugaragazwa n’ubwenegihugu( Nationality), aho dukomoka ndetse no mu miryango yacu. Ariko umunsi twemeraga kwakira Yesu nk’Umwami n’Umukiza w’Ubugingo bwacu, twabonye umugabane mu muryango wo mu Ijuru, twahindutse abana b’Imana. Kuzirikana ko umuremyi wa byose ari so, niyo ntambwe ya mbere yo kumenya uwo uri we.
Imibiri yacu ni insengero z’Umwuka Wera, nkuko intumwa Pawulo yabyandikiye 1Abakolinto 6: 19-20 'Mbese ntimuzi yuko imibiri yanyu ari insengero z’Umwuka Wera uri muri mwe, uwo mufite wavuye ku Mana? Kandi ntimuri abanyu ngo mwigenge, Kuko mwaguzwe igiciro . Nuko rero mutume imibiri yanyu ihimbaza Imana.
Kuba twaraguzwe amaraso y’igiciro kinshi bikwiye gutuma duhora twubaha Imana, tukagendera mu bushake bwayo. Ni ryo tangiriro ry’abo turibo.
Menya Kristo
Umuntu wese iyo ari muri Kristo aba ari icyaremwe gishya, ibya kera biba bishize. 2Abakolinto 5:17
Ntabwo bishoboka ko usobanukirwa Yesu uwo ari we utaramumenye. Ni ingenzi rero ko wowe utari wakira Yesu nk’Umwami n’Umukiza w’Ubugingo bwawe ko umenya amakuru y’Umucunguzi wawe, ukacyira agakiza. Ukemera kuyoborwa n’ibyanditswe byera muri Bibiliya ni ko kuri kw’ibyaremwe byose, kubera ko mu byanditswe byera ariho tuvuganira n’Imana.
Twese dufite abantu runaka dufatiraho ikitegererezo, tugashima ibikorwa byabo bakoze tukumva twanagera ikirenge mu cyabo, kandi rwose ibyo ni byiza. Ariko Kristo wenyine niwe wa mbere dukwiye kwigiraho byose kuko kubaho kwacu ni we, dukwiye kugera ikirenge mu cye tukagendana nawe iminsi yose ku rugero rw’uko tuzagera aho atwifuza tukaba nka we.
Garuka ku Mana
Nabambanywe na Kristo ariko ndiho , nyamara si jye uriho, ahubwo ni Kristo uriho muri jye. Ibyo nkora byose nkiriho mu mubiri mbikoreshwa no kwizera Umwana w’Imana wankunze akanyitangira. Abagaratiya 2:20.
Isi yose yahuye na kaga k’icyorezo cya Covid 19 guhera mu mpera za 2019. Twese twagizweho ingaruka n’icyo cyorezo atari mu by’ubukungu gusa, ahubwo no mu marangamutima yacu. Byongeye kandi ubuzima bwacu bwasubiye inyuma kubera ibihe byabaye byo kuguma mu rugo.
Muri rusange rero nyuma y’iki cyorezo birasa nk’aho abantu bihugiyeho, barimo kugerageza kuzimangatanya ingaruka batewe na Covid 19 mu buryo bwabo. Ibihe bishobora kuzakomerera abantu bitewe n’uko batazirikana neza abo baribo muri Yesu kristo.
Iki ni igihe kigeze cyo kwegera Imana, tugakora ariko tunayiragiza ahazaza hacu hose kubera ko ariyo nyiri bihe no kumenya. Tugomba kugira ikizere ko Imana irikumwe natwe, ariko tukazirikana cyane ko ubo turibo twaremwe mu ishusho y’Imana, ko yaturutishije ibindi biremwa izatubeshaho. Nibwo tuzagera ku bikomeye kubw’ubuntu bwayo.
Source: bibleoffline.com
Source : https://agakiza.org/Uzi-uwo-uri-we-mu-maso-y-Imana.html
