Category: Uncategorized

Pastor Emmanuel Amani Ganza ubarizwa muri Leta Zunze Ubumwe za Amerika, yamaze gushyira hanze indirimbo nshya ‘Uri Uwera’ nyuma y’iminsi micye asohoye ‘Ni wowe’ ikubiyemo ishimwe ku Mana ku bwa byinshi yakoze. Izi ndirimbo zombi zagiye hanze ziri kumwe n’amashusho yazo yatunganyijwe n’aba Producers b’abahaga.

Pastor Emmanuel A. Ganza yavukiye muri Repubulika Iharanira Demokarasi ya Congo, akurira mu Rwanda no muri Kenya. Ni umugabo ucishije macye, ukunda Imana n’abantu. Ni umuramyi wagize izina rikomeye mu karere mu muziki wa Gospel, akaba abifatanya n’inshingano za Gipasitori. Ni we watangije akaba n’Umuyobozi Mukuru w’Itorero House of Grace International Church Worldwide rifite icyicaro muri Amerika. Ni ‘Worship Leader’, akaba umuhanzi ubarizwa muri label ye bwite yitwa Grace Centre (GC) ibarizwa muri New-York muri Leta Zunze Ubumwe za Amerika.

Umuhanzi akaba na Pasteri Emmanuel A. Ganza yiyemeje kwamamaza Ubwami bw’Imana binyuze mu ndirimbo

‘Ni wowe’ indirimbo uyu muramyi aherutse gushyira hanze, ifite iminota 4 n’amasegonda 9. Amajwi yayo yatunganyijwe na Boris (Kigali-Rwanda) ndetse na Matthew Adams (Los Angeles-CA, USA). Amashusho yayo yatunganyijwe na Jijo Drumbeats (Nairobi-Kenya). Pastor Emmanuel A. Ganza yabwiye InyaRwanda.com ko muri iyi ndirimbo ye ‘Ni wowe’ ubutumwa nyamukuru burimo ari ububwira abantu ko ntawuhwanye n’Imana ndetse ko nta kintu na kimwe cyagereranywa n’Imana.

Nyuma y’iyi ndirimbo, kuri ubu Pastor Emmanuel A. Ganza yamaze gushyira hanze indi nshya yise ‘Uri Uwera’ aririmbamo ko nta kindi afite yaha Imana uretse kuyiramya. ku ndirimbo ‘Ni wowe’ ni nabo babirambitse kuri iyi ngiyi yasohoye ‘Uri uwera’. Izi ndirimbo zombi zije zisanga izindi ze zinyuranye zakunzwe bikomeye, zihembura imitima ya benshi hirya no hino ku Isi. Uyu muramyi yadutangarije ko ari mu gihe cyo gukora cyane, akaba yariyemeje kugeza ku ku bakunzi be indirimbo zinyuranye azagenda ashyira hanze mu minsi iri imbere.

Vudeo y’indirimbo “Ni WOWE” waireba hano:

Video y’indirimbo”URUWERA” wayisanga hano:

Source: inyarwanda.com

[email protected]

Umukuru w’Igihugu yabitangaje kuri uyu wa Kane ubwo yakiraga indahiro z’abasenateri bashya binjiye muri sena y’u Rwanda, umuhango wabereye ku Ngoro y’Inteko Ishinga Amategeko.

Mu ijambo Perezida Kagame yagejeje ku bitabiriye umuhango wo kurahira kw’abasenateri, yavuze ko mu gihe igihugu kiri gusohoka mu bibazo byatewe na Coronavirus, bitakunda ko ibintu byose bihita bisubira uko byahoze.

Ati 'Maze iminsi mbona abantu batakamba ku bibazo byo gutwara abantu, ko bibahenda […] icyo ni ikibazo kubera ko umuntu akurikije amateka y’iki cyorezo duhanganye nacyo, uko tugenda tugisohokamo dutera intambwe, ntabwo ibintu byose byahera ko bisubira uko byari bimeze, ni nako icyo usaba abantu nacyo gikwiriye kuba kiganisha muri uko gutera intambwe'.

Perezida Kagame yavuze ko ibyifuzo by’abaturage birarebwaho, ariko ashimangira ko no kuba ingendo zarongeye gukorwa nyuma y’igihe abantu bari mu ngo, ibikorwa bimwe na bimwe bifuza nabyo ari intambwe nziza.

Ati 'Ibyo barabyiga, turareba ibishoboka ariko ku rundi ruhande bivuze ko aho abantu bashobora kumva ko kugenda bibahenda, bibangamiye ubwo nayo ni intambwe twateye kuko aho tuva nuko ahubwo nta wari ukwiye kuba agenda.'

'Ubu twavuye aho tutagendaga, tugeze aho tugenda ariko bikatuvuna. Ubwo turashaka ikibazo aho kiri kugira ngo abantu bashobore kugenda, hanyuma nacyo dushake umuti wacyo, ariko icyo kiroroshye kurusha ko twicaraga mu rugo ntitugire aho tujya ahubwo.'

Perezida Kagame yavuze ko icyorezo cya Coronavirus cyagize ingaruka ku gihugu n’ubuzima bw’abaturage, biza byiyongera ku bindi bibazo abantu bari bafite.

Yavuze ko mu gihe ibibazo byiyongereye, n’imbaraga zo kubirwanya zigomba kongerwa.

Ati 'Iyo ibibazo byikubye inshuro nyinshi, wowe ukuba inshuro nyinshi guhangana nabyo, ibyo wakoraga bigomba kwiyongera, kwihuta n’ubuziranenge. Ubundi twari dusanganywe ibibazo, hiyongereyemo ibindi by’icyorezo. Turasaba buri wese kugira ngo yongere intambwe mu mikorere, bityo nibwo twashobora guhangana nabyo.'

Perezida Kagame yasabye abayobozi kujya basobanurira abaturage ibibazo bihari, no kubereka ko ntako ubuyobozi butagize mu gushaka ibisubizo.

Ati 'Mujye mugerageza musoanurire abaturage, ntacyo tudakora, ntacyo tutagerageza kugira ngo tugabanya ingaruka z’ibyo bibazo ariko bajye bareba n’ahandi hose ntabwo umuti w’ibibazo uboneka uko umuntu abishaka akenshi bibamo kwihangana ariko ugakomeza gukora neza.'

Kuwa 14 Ukwakira 2020 nibwo Urwego Ngenzuramikorere (RURA ) rwatangaje ibiciro bishya by’ingendo, nyuma yo kwemerera imodoka zitwara abantu mu buryo bwa rusange gutwara abantu zifitiye ubushobozi bwo gutwara mu gihe bicaye. Ibyo biciro bisimbura ibyakurikizwaga mu gihe imodoka zari zitegetswe gutwara kimwe cya kabiri cy’abo zatwaraga hirindwa Coronavirus.

Ni ibiciro byinubiwe cyane n’abaturage ndetse bakomeza gusaba Guverinoma kugira icyo ikora kuko bihanitse. Kuri uyu wa Gatatu, RURA yatangaje ko ibyo biciro byari biherutse gushyirwaho byagabanyijwe, kubera ko Leta yemeye kwishyura 30 % by’igiciro umuturage yagombaga kwishyura.

RURA yatangaje ko kuri ubu umugenzi ukora ingendo zihuza intara azajya asabwa kwishyura 21 Frw bivuye kuri 25.9 Frw ku kilometero naho mu Mujyi wa Kigali yishyure 22 Frw ku kilometero avuye kuri 28.9 Frw. Ibiciro byatangajwe bizatangira kubahirizwa ku wa Gatanu, tariki ya 23 Ukwakira 2020

Wibuke ijambo wasezeranije umugaragu wawe, kuko wanyiringije. Iki nicyo kimara umubabaro mu makuba yanjye no mu byago byanjye, niko ijambo ryawe ryanyuzuye (Zaburi 119: 49-50).

Ese waba warigeze ugira ikintu runaka wibutsa Imana? Umwanditsi wa Zaburi aragira ati: “Ibuka amasezerano wasezeranije umugaragu wawe, kuko wampaye ibyiringiro!” Mubyukuri Imana iduha amasezerano binyuze muri Bibiliya naho andi akanyura mu bundi buryo butandukanye.

Bishobora guterwa n’ikibazo cyangwa igihe umuntu arimo, cyangwa bikanyura ku muvandimwe wawe w’umukristo. Ariko uko byagenda kose, Imana ubwayo niyo iduha ibyiringiro kugirango dukomeze gutegereza twihanganye kugeza igihe azasohora.

Twahawe amasezerano y’Imana kugira ngo aduhumurize kandi adukomeze mu mibereho ya gikristo:

Amasezerano y’Imana twarayahawe ngo aduhindure bashya kandi atwongeremo imbaraga. Umwanditsi wa zaburi aragira ati: 'Amasezerano yawe ampa ubuzima (yangize mushya).” Kubwibyo, iyo wakiriye amasezerano aturuka ku Mana ukwiriye kumenya ibi bikurikira:

• Ntukemere ko agucika
• Ntukemere ko ava mu bitekerezo byawe
• Ntukayibagirwe
• Kandi ntugomba kubyibuka gusa, ahubwo ufite uburenganzira bwo kuyibutsa
Imana.

Ukwiye kubwira Imana uti:”Mwami, mu Ijambo ryawe wavuze ibi n’ibi. Kandi nizeye iri jambo kandi ndagusaba kubikora neza bigasohora. Iri jambo ryawe ryampaye ibyiringiro, ikindi kandi ijambo ryawe ryampumurije no mubibazo byanjye byose. Mwami, mpagaze muri iri jambo kandi ndi imbere yawe ubu, nzi neza ko uri umwizerwa kandi ko utigeze usezerana ibyo utazasohoza”.

Muri macye mu bibazo byose duhura nabyo muri iyi si, dukwiye guhanga amaso ku Mana cyane ko yaduhaye amasezerano binyuze muri Bibiliya n’ubundi buryo bunyuranye. Ni ingenzi kwibutsa Imana amasezerano yaduhaye kuko bitwongeramo imbaraga mugihe duhuye n’imiyaga ndetse n’im

Source: www.topchretien.com

[email protected]

Mu gihe bamwe birengagiza ingaruka z’isukari ku buzima, abahanga benshi baratuburira kwirinda ingaruka mbi zayo, cyane cyane ku bana. Muri videwo yasohowe na Obs muri 2018, inzobere mu by’imirire Magali Walkowicz agereranya isukari 'n’ikiyobyabwenge' ku bana.

Nubwo kunywa isukari mu rugero byemewe, ni na ngombwa gutekereza ku ngaruka zayo ku bantu bose ariko cyane cyane ku bana, Kuri Magali Walkowicz, umwanditsi w’igitabo 'P’tits Déj ‘et snacks avuga ko ababyeyi bagomba kwitondera akamenyero guha abana ibintu birimo amasukari kuko bigira ingaruka ku buzima.

Umuganga w’imirire, agaragaza ingaruka zayo ku mwijima, yagize ati: 'Mu buryo bumwe, isukari ni ikiyobyabwenge ku bana.' Ibi kandi byashimangiwe na Robert Lustig, inzobere mu kuvura indwara z’abana muri kaminuza ya Californiya i San Francisco wasobanuye mu kiganiro cyo mu mwaka wa 2017 mu kinyamakuru The Guardian ko isukari igira ingaruka zikomeye k’ubwonko bw’abana.
Dore bimwe mu biribwa byiganjemo isukari

Mu nama nyunguranabitekerezo ya Paris Nash yabereye muri Institut Pasteur mu 2016, yaranzwe n’ikiganiro cyatanzwe na RTBF, abahanga mu kuvura indwara z’umwijima n’ubwonko bavugije induru kuko babonaga zigaragara mu bana ' kandibitewe n’isukari iri ku rugero rwo hejuru.

Umwarimu akaba n’umuyobozi w’ishami rishinzwe gusuzuma ingaruka z’imirire muri ANSES avuga ko 75% by’abana bafite imyaka 4-7, 60% by’abana bafite imyaka 8-12 na 25% y’abana bafite imyaka 13-17 banywa isukari irengeje ikenewe mu mubiri wabo.

Babyeyi! ku bw’ubuzima bw’abana banyu mugerageze kugabanya ikigerocy’isukari muha abana kugirango mubarinde kurwara umwijima, kugira ikibazoku bwonko, diabete ndetse n’umubyibuho ukabije.

Source: Healthline.com, inyarwanda.com

[email protected]

Perezida wa Repubulika yagarutse ku kibazo cy’ibiciro by’ingendo aho abantu bamaze iminsi bavuga ko ingendo mu modoka zitwara abantu mu buryo bwa rusange zihenze, na we koko avuga ko ari ikibazo gifite ishingiro.

Ati “Maze iminsi mbona abantu batakamba ku kibazo cy’ingendo ko bibahenda iyo bava ahantu bajya ahandi. Icyo ni ikibazo kubera ko na none nyine umuntu akurikije amateka y’iki cyorezo duhanganye na cyo, uko tugenda tugisohokamo, dutera intambwe, ntabwo ibintu byose byahera ko bisubira uko byari bimeze.”

Perezida wa Repubulika akomeza agira ati “Ni nako icyo usaba abantu na cyo cyaba kiganisha muri uko kwiyubaka, gutera intambwe kurusha guhera imbere, ugahera aho ugeze ukagerageza gutera imbere.”

Perezida wa Repubulika yijeje ko ibyo bibazo biri bwigweho harebwe ibishoboka.
Ariko na none yavuze ko n’ubwo abantu binubira ibiciro by’ingendo, kuba bagenda ahubwo ari indi ntambwe yatewe kubera ko mbere ntawagendaga.

Ati “Ariko na none bivuze ko aho abantu kumva ko kugenda bibahenda bibabangamiye ubwo na yo ni intambwe twateye kubera ko aho tuva ni uko ahubwo ntawari ukwiye kuba agenda.

Ubu twavuye aho tutagendaga, tugeze aho tugenda ariko bikatuvuna ubwo turashaka ikibazo aho kiri kugira ngo abantu bashobore kugenda hanyuma na cyo dushake umuti wacyo ariko icyo kiroroshye kurusha uko twicaraga mu rugo ntìtugire aho tujya ahubwo.”