Category: Uncategorized

Pasiteri Ndayizeye Isaïe ku ruhembe rw’imbere muri komite y’inzibacyuho ifite igihe kingana n’amezi cumi n’abiri uhereye ku wa 8/10/2020, gishobora kongerwa igihe bibaye ngombwa, yavuze ku cyerekezo gishya cya ADEPR.

Pasiteri Ndayizeye Isaïe usanzwe ari umushumba muri ADEPR Ntora English Church ndetse akaba yari n’umuyobozi w’ Umuryango Mpuzamahanga witwa ‘Hope International’, ubu ni umuvugizi wa ADEPR, yungirijwe na Pasiteri Rutagarana Eugène; Umuyobozi Nshingwabikorwa ni Pasiteri Budigiri Herman; Umuyobozi ushinzwe Umutungo, Imari n’Imishinga ni Umuhoza Aurélie mu gihe Umuyobozi ushinzwe Abakozi n’Ubutegetsi ari Gatesi Vestine.

Bahawe inshingano zirimo kuvugurura imiyoborere, amategeko, inzego z’imiyoborere n’inzego z’imirimo ndetse n’imikorere n’imikoranire muri ADEPR no gushyiraho uburyo buhamye kandi butanga umuti urambye wo kubaka ADEPR. Banasabwe gukoresha igenzura ry’imikorere, abakozi n’umutungo bya ADEPR kugira ngo rifashe muri ayo mavugurura no kwemeza no gushyira mu bikorwa amavugurura muri ADEPR.

Mu minsi ya mbere, ubuyobozi bushya bwa ADEPR bwabanje gusuzuma imiterere y’ibibazo by’ingutu biri mu itorero, uko byakemurwa n’uruhare rw’abakirisito mu kurisubiza ku murongo.

Umuvugizi w’Inzibacyuho wa ADEPR, Pasiteri Ndayizeye Isaïe, yavuze ku cyerekezo gishya bifuza kuganishamo Itorero

Nkuko tubikesha Igihe, mu kiganiro cyihariye Umuvugizi wa ADEPR, Pasiteri Ndayizeye Isaïe, yagarutse ku cyerekezo gishya bifuza guha itorero n’uko rihagaze nyuma y’ibihe bikomeye banyuzemo.

IGIHE: Ukibwirwa na RGB ko watekerejweho ngo uyobore ADEPR wabyakiriye ute?

Pst Ndayizeye: Si ikintu cyari cyoroshye kubera impamvu eshatu. Iya mbere ni uko itorero ryari mu bibazo. Narebaga kujya muri izo nshingano ari ikintu kitoroshye, kizasaba imirimo myinshi. Narasengaga nsaba ko Imana yaduha umuntu wayobora itorero muri iki gihe kigoye, hari n’abo natekerezaga. Nagize igihe gihagije cyo gusenga, gusa sinisengeye kuko sinitekerezaga.

Nabonaga hari ibibazo kandi nta muntu wifuza guhita avuga ngo reka njyeyo, ni Yesu gusa ugira uwo mutima. Uba wumva habanza abandi rimwe na rimwe.

Numvaga mfite akazi keza, nkunze kandi nishimiye. Nayoboraga Umuryango Mpuzamahanga witwa Hope International.

Bakibimbwira sinabyishimiye cyane. Nyuma yo kubiganira n’umuryango no kubisengera numvise Yesu anyemeje kubikora. Ikindi numvaga kugiririrwa icyizere n’igihugu ngo mfashe muri uyu murimo, mu itorero nkunda ari ibintu byo kwishimira.

IGIHE: Abarokore benshi batera intambwe bakavuga ko 'Imana yavuze’. Hari isezerano wari ufite ko uzicara ku ntebe y’Umuvugizi wa ADEPR?

Pst Ndayizeye: Isezerano rikuru ni umuhagamaro wo gukorera Imana, nakoreye Imana mu byiciro bitandukanye. Sinigeze nshaka kuba umuvugizi, numvaga nakora ibindi. Mu buryo butandukanye Imana yarabimpishuriraga ariko nkumva ni ibintu bizaba kera kuko numvaga nabanza kuba umusaza hanyuma nkinjira mu mirimo y’itorero.

IGIHE: Nk’uwari uzi ibibazo biri muri ADEPR, hari icyo wasabye RGB mbere yo kwemera inshingano?

Pst Ndayizeye: Iyo watangiye gushyiraho ubusabe mu murimo w’Imana uba utakiri umuhamagaro wawe. Icyari gikomeye ni ukumva uburemere bwabyo, icyo bivuze ku itorero, igihugu n’Ubwami bw’Imana. Icyo bivuze nicyo kiremereye kandi kiguha imbaraga zo kuvuga 'Yego’.

IGIHE: Ibyumweru bisaga bitatu birashize muri ku buyobozi, ni iki mwahaye umwihariko mu minsi ya mbere?

Pst Ndayizeye: Icya mbere cyari ukubanza kumva neza icyo tugiye gukora n’inshingano dufite njye na bagenzi banjye kandi twishimira ko twabisobanukiwe.

Icya kabiri ni ugusobanukirwa uko kizakorwa kandi nabyo twarabitangiye. Icya gatatu ni ukureba nubwo turi mu Nzibacyuho tugomba no kureba imibereho y’itorero tukita ku buzima bwa buri munsi bw’itorero.

Twabonye mu byo dukeneye harimo no gusenga. Hari abashumba twatangiye guhura kandi mu byo duhaye agaciro, gusenga ni iby’ibanze.

Twatangiye gusesengura amategeko asanzwe, inzego zari ziriho uko zikora n’inshingano zazo, twatangiye kwakira ibitekerezo by’abafite ibyo babona byahinduka ndetse turateganya no gukora igenzura rizadufasha kumenya neza uko ibintu bimeze.

IGIHE: Mu myaka ine ishize, ibibazo itorero ryagize birimo n’ibyakuruwe na Dove Hotel, ubu umwenda usigaye kwishyurwa ungana gute?

Pst Ndayizeye: Hari abavuze ko Dove Hotel yagurishijwe ariko sibyo, ni iya ADEPR kandi irakora neza. Umwenda urishyurwa ariko nta kibazo cy’umwihariko ifite, nta kibazo abakirisitu bakwiye kugira. Tuzakomeza gufatanya kugira ngo ibe iy’itorero umwenda wose numara kwishyurwa. Nta biganiro byigeze bibaho byo guha hotel abikorera ngo abe aribo bayicunga.

IGIHE: Murateganya gukora iki mu gushyiraho inzego no kwirinda ko zigongana nkuko byagenze nk’aho wasangaga Komite Nyobozi yinjira mu mikorere y’Inama y’Ubuyobozi (CA)?

Pst Ndayizeye: Ibyo byose birimo kugongana turi kubisesengura. Ibyo twifuza ni ibintu bizaba birimo imiyoborere iboneye. Byose birashingira mu mavugurura turi gukora, ubu turi kumva abantu, dusesengura ibitekerezo byabo. Uko ikintu kizajya kigera mu mwanya wacyo tuzajya tugikora, tugitangarize abayoboke. Iyo uvugurura ibintu hari abantu benshi wifashisha, kuko ari umurimo wagutse hanyuma Komite ikabihuza byose.

IGIHE: Mugiye ku buyobozi mu gihe kigoye aho ubukungu bwahungabanye, mutekereza iki ku kuringaniza imishahara y’abakozi ba ADEPR cyane ko byakunze kugarukwaho kuva hambere?

Pst Ndayizeye: Iyo uvuze imikorere harimo ibintu byose, abayobozi b’imidugudu, abashumba n’abakirisitu turahura na bo, turaganira tukabumva. Ibikubiyemo ibitekerezo byabo byadufasha tuzabirebaho ibikwiye byadufasha, tubihe umwanya. Muri rwa rugendo ibyo byose bizatekerezwaho muri ya mavugurura.

IGIHE: ADEPR ihagaze he mu kuba abahanzi n’amakorali yayo yagenderanira n’ayo mu yandi matorero?

Pst Ndayizeye: Ni amabwiriza yariho, ubu ayo tuzajya duhindura tuzajya tuyatangaza. Ayo tutarahindura, turacyakora isesengura ryayo. Dushyigikiye ivugabutumwa no kuba abantu bakomeza kuvuga ubutumwa bwiza.

IGIHE: Hari abavugabutumwa bashyizwe hanze y’itorero nka Mukeshimana Emeritha [Mama Charlène] na Riziki Chantal ndetse na Pasiteri Zigirinshuti Michel wahagaritswe kubera ubutumwa banyujije ku mbuga nkoranyambaga. Ni iki mutekereza ku ivugabutumwa ryifashishije murandasi?

Pst Ndayizeye: Kimwe mu bikenewe gushyirwamo imbaraga ni ugukoresha ikoranabuhanga, bitari mu ivugabutumwa gusa ahubwo no mu buzima busanzwe.

Hari igihe usanga umuntu atahaniwe ko yakoresheje ikoranabuhanga, ni ibintu byo kuganiraho, urumva muri rwa rugendo nubwo dukeneye gukora amavugurura tuzagenda tubirebaho.

Niba ari abantu barenganye, bahagaritswe, tuzabishakira umwanya. Kuri ubu icyo dushyize imbere ni ukureba ibikeneye guhinduka. Ubusanzwe abafite ibibazo hari inzego bazinyuzamo kandi dufite abapasiteri bafite umutima wo gufasha abakirisito.

IGIHE: Ni ikihe cyerekezo mushaka guha umuziki muri ADEPR cyane ko wabaye umuririmbyi, ukanahimba indirimbo zitandukanye.

Pst Ndayizeye: Umurimo w’uburirimbyi ni mwiza. Ivugabutumwa ryo mu ndirimbo rikwiye kwitabwaho, rigahabwa umwanya. Ikibazo cyariho mbere ni uko wasangaga kubona ishuri wabyigiramo bigoye.

Niba Itorero rimaze imyaka isaga 80, abantu baririmba banacuranga, kandi wareba amashuri yigisha ibya muzika, atangiye kuboneka ntaramara imyaka icumi. Byatumaga ababikora bishakishiriza byo kwirwanaho bitari iby’umwuga.

Aho dukwiye kugana ni ukwibaza ibyo tuzakora muri Komite y’Inzibacyuho, kuko mu nshingano dufite ni ugutekerereza itorero mu gihe kirambye. Muri byo ni ugutekereza uburyo hajyaho amashuri [ya muzika], uko dutekereza kwigisha abavugabutumwa n’abapasiteri bigisha ijambo ry’Imana, dukeneye no gutekereza buryo ki abaririmbyi, abakora mu gutunganya amajwi n’abacuranzi bigishwa.

Hari igihe wumva amajwi aryana mu matwi ariko ugasanga ntiwarenganya ababikora kuko na bo ni ukwishakiriza, ntibabonye uburyo babyiga neza. Aho Isi igana ni uko ibintu byose bikorwa bya kinyamwuga.

IGIHE: Ni iki muteganyiriza ishuri rya FATEK ryigisha Tewolojiya riheruka guhagarikwa kubera kutuzuza ibisabwa?

Pst Ndayizeye: Dukeneye kureba ko hariho uburyo buboneye abakora umurimo w’ivugabutumwa, abigisha, abakora imirimo ya kiyobozi, niba bigishwa ibyo bakora. Turi mu gihugu cyiza, gishaka ko ibintu bikorwa neza. Hari ibigenderwaho n’ibirebwaho ngo ikintu cyemerwe. Mu byo twumva tuzakora ni ukureba uko habaho ayo mashuri yigisha mu nzego zitandukanye. Yaba FATEK n’ubundi buryo ni kimwe mu byo tuzarebaho ku buryo haboneka amashuri abikora mu buryo bwemewe.

IGIHE: Bishop Sibomana Jean na Bishop Rwagasana Tom [ku ngoma ya Rev Karuranga] basabye gusubizwa inshingano. Ni iki batekerezwaho?

Pst Ndayizeye: Urubanza rwabo ruracyakomeje, dutegereje kureba ikizavamo. N’ibindi bitandukanye abantu bazagenda babiganira. Ibijyanye no gusubiza inshingano, hari inzira binyuramo kandi aho ni ho hareberwa niba koko bikwiye. Tugeze kuri uwo mwanzuro twabitangaza. Ibijyanye no kwamburwa inshingano, umuntu akumva yarenganye hari aho binyura.

IGIHE: Ni ikihe cyizere muha abanyetorero bamaze igihe bumva intambara z’urudaca muri ADEPR ko ibintu bigeye gusubira ku murongo?

Pst Ndayizeye: Turashimira Imana kuko abantu bakomeza gukizwa, bubaka insengero n’ibindi bikorwa.

Ibitaragenze neza mu buyobozi, icyo tubwira abantu ni uko imbere tubona hari impinduka nziza zijyanye n’amavugurura n’ibikwiye guhinduka mu mategeko. Hari igihe usanga iyo mikorere ishingiye ku buryo amategeko n’inzego byubatse. Turumva bijyanye n’isesengura tuzakora, twifuza ko muri izo mpinduka zizafasha itorero mu mikorere y’inzego z’ubuyobozi hirindwa kugongana n’inzego.

ADEPR ni itorero rimaze imyaka isaga 80 rikorera ku butaka bw’u Rwanda, aho yageze mu 1940. Rifite insengero 3280 mu gihugu hose, rifite abadiyakoni 82 000, korali 6318, abahanzi 200, imiryango 41 y’abanyeshuri biga muri za kaminuza, abavugabutumwa 2460 ndetse n’abapasiteri 1240.

Mu byibanze harimo kuvugurura amategeko, gutekereza ku ishyirwaho ry’ishuri rya muzika rigamije gutyaza ubumenyi bw’abanyamuziki muri ADEPR no gusesengura ibitekerezo by’abanyetorero birimo n’ibijyanye no kuringaniza imishahara.

Ikibazo ku kuringaniza imishahara kiri mu bigaragazwa cyane n’abashumba mu itorero aho usanga pasiteri umwe ahembwa ibihumbi 300 Frw muri Kigali, mugenzi we bari ku rwego rumwe mu cyaro agahabwa nka 50 000 Frw.

Pasiteri Ndayizeye Isaïe usanzwe ari umushumba muri ADEPR Ntora English Church, yatangaje ko atigeze asengera kuba umuvugizi ahubwo hari abandi yerekaga Imana kuko we 'atitekerezagaho’

Source: Igihe

[email protected]

Umutoza w’ikipe ya AS Kigali, Eric Nshimiyimana avuga ko yishimiye kubona umukinnyi we, umurundi Kwizera Pierrot yarakize n’ubwo bimusaba gukora cyane gukora cyane kugira ngo asubire ku rwego yari ariho.

Muri Nzeri 2019 ni bwo Kwizera Pierrot yasinyiye AS Kigali amasezerano y’imyaka 2, gusa kuva yayasinya nta mukino n’umwe yigeze akinira iyi kipe bitewe n’imvune yari afite yakuye mu ikipe y’igihugu y’u Burundi aho yababaye inyama zo mu itako.

Uyu mukinnyi akaba yarahise agenda ndetse na AS Kigali iza kumubura aho yavugaga ko itazi aho ari ariko yababwiye ko yagiye kwivuza, akaba yaragarutse muri AS Kigali mu kwezi gushize k’Ukwakira.

Eric Nshimiyimana akaba yavuze ko yishimiye kongera kubona Kwizera Pierrot kandi akamubona yarakize ameze neza.

Ati'Pierrot icyangombwa ni ugukira kandi tubona ko yakize, ariko bimusaba kwitoza cyane kuko afite ibiro byinshi gusa urabona ko arimo no gushota mbere ntabyo yabashaga Imana ishimwe ko yakize, igisigaye ni ukumushakira imikino akagaruka ku rwego rwe yariho.'

Kwizera yaraye akinnye iminota 45 mu mukino wa gishuti ikipe ye yatsinzemo Interforce 3-0.

Kwizera yarakize neza

Avuga kuri rutahizamu mushya wavuye mu gihugu cya Nigeria, Aboubakar Lawal, Eric Nshimiyimana yavuze ko ari umukinnyi mwiza yashimye urwego rwe.

Ati'Kuri rutahizamu Aboubakar ni umukinnyi ukinisha amayeri menshi cyane, navuga ko azi guhagarara neza mu kibuga, azi gukinisha abandi , mu minsi tumaranye nabonye ko ari umukinnyi mwiza.'

Eric Nshimiyimana akaba yizeye ko ikipe afite izamufasha kwitwara neza mu mikino nyafurika ya CAF Confederations Cup izahagarariramo u Rwanda.

Rutahizamu Aboubakar yashimwe n’umutoza Eric Nshimiyimana

Harimo haribazwa byinshi kuri Kagere Meddie rutahizamu w’Amavubi ukinira Simba SC muri Tanzania, ni nyuma y’uko umutoza wa Simba avuze ko atazamukoresha ku mukino wa Yanga kubera imvune nyamara akaba ari mu myitozo y’Amavubi yitegura Cape Verde.

Tariki ya 4 Ukwakira 2020 mu mukino wa shampiyona ya Tanzania ubwo Simba SC yatsindaga JKT Tanzania ibitego 4-0, harimo 2 bya Meddie Kagere, uyu musore yaje kugira ikibazo cy’imvune yo mu ivi yatumye atongera gukina imikino ya shampiyona yakurikiyeho.

Umutoza wa Simba SC, Sven Vandenbroeck akaba yaratangaje ko Meddie Kagere afite imvune atazamukoresha ku mukino wa Yanga uzaba tariki ya 7 Ugushyingo 2020 kuko azatangira imyitozo ku wa 6 Ugushyingo 2020.

Tariki ya 28 Ukwakira 2020, Meddie Kagere yaje mu Rwanda ndetse ahita ajya mu mwiherero w’ikipe y’igihugu ndetse atangira imyitozo, kuri ubu ameze nk’umukinnyi wakize neza kuko akorana n’abandi imyitozo.

Kuva muri Simba SC bivugwa ko afite imvune agahita ajya mu mwiherero w’ikipe y’igihugu, byazamuye umwuka mubi cyane muri Tanzania aho abafana b’iyi kipe bibaza ukuntu yanze gukinira Simba SC noneho irimo initegura umukino w’umukeba akavuga ngo afite imvune ahubwo akigira mu ikipe y’igihugu.

Abandi bavuga ko bishobora kuba byarakozwe n’umutoza abishaka kuko n’ubundi adakunda gukinsiha uyu mukinnyi, bikaba urwitwazo rw’uko yavunitse.

Andi makuru avuga ko uyu mukinnyi yoherejwe n’ikipe ya Simba SC mu Rwanda kugira ngo yivuze kuko ikipe y’igihugu ifitanye ubufatanye n’ibitaro bya King Faisal byo kuvura abakinnyi b’ikipe y’igihugu n’aho ibyo kuba ari mu myitozo y’Amavubi ngo Simba SC ntabyo izi.

ISIMBI yamenye amakuru y’uko uyu rutahizamu nta buvuzi na bumwe yigeze ahabwa n’ikipe ya Simba SC ahubwo bamubwiye ngo aruhuke bizikiza.

Uyu rutahizamu kandi ngo yavuye muri Tanzania aje mu mwiherero w’ikipe y’igihugu ndetse yoherejwe n’ubuyobozi bw’ikipe ye kuba arimo gukora imyitozo nta kibazo babifiteho kuko ari bo bamwohereje kandi ubuyobozi bw’iyi kipe buvugana umunsi ku munsi n’umutoza Mashami bamubaza uko uyu mukinnyi ahagaze.

Byitezwe ko hashobora kuzavuka ikibazo hagati y’abafana n’ikipe ndetse na Kagere mu gihe atakina umukino wa Yanga bivugwa ko afite imvune akazakina uw’u Rwanda na Cape Verde uzaba ku wa 12 Ugushyingo 2020 ndetse na 17 Ugushyingo 2020.

Kagere akomeje imyitozo mu Mavubi

Umutoza w’ikipe y’igihugu, Mashami Vincent avuga ko n’ubwo bivugwa rutahizamu wa Saint Etienne ashobora kutitabira ubutumire bw’ikipe y’igihugu ariko we akimutegereje nk’uko ategereje abandi cyane ko hari n’ibyo bavuganye.

Umwaka ushize nibwo rutahizamu wa Saint Etienne, Kevin Monnet Paquet yatangaje ko yiteguye gukinira u Rwanda, nyuma umutoza w’ikipe y’igihugu Mashami Vincent yatangaje ko bavuganye ndetse yiteguye gukinira u Rwanda.

Uyu mukinnyi yari mu bakinnyi umutoza yahamagaye kwifashisha ku mukino wa Cape Verde mu gushaka itike y’igikombe cy’Afurika cya 2022 uzakaba ku wa 12 na 17 Ugushyingo 2020.

Gusa nyuma yo guhamagarwa hagiye havugwa amakuru menshi ndetse ko ashobora no kutitabira ubu butumire cyane ko nta n’icyo yigeze abivugaho.

Mashami Vincent avuga ko akimutegereje nk’uko ategereje abandi cyane ko we hari n’ibiganiro bagiranye atapfa kuvuga.

Ati'Monnet Paquet turacyavugana ariko nk’uko dutegereje abandi bakinnyi na we turacyamutegereje, ubutumire twarabwohereje no mu minsi ishize twaravuganye n’ubwo ibyo twavuganye ntabivuga hano, turacyasabwa kumutegereza kuko ibyo twasabwaga twebwe twarabikoze kandi nawe nta mvune afite yatangiye gukina nkeka ko ntagihindutse azaza.'

Uyu mutoza kandi yakuyeho amakuru yavugaga ko uyu mukinnyi yaba yaranze kongera kuvugana na we atakitaba telephone ze, ahamya ko we bakivugana kandi afite icyizere ko azaza.

Kevin Monnet Paquet aracyategerejwe mu Mavubi

Mashami Vincent yizeye ko uyu rutahizamu azaza