Category: Uncategorized

Mu bisa no kwishongora, Munyakazi yabwiye KNC ko kuba ikipe ye ya Gasogi FC yatsinzwe na Gorilla FC byatumye abafana bayo batishima kandi umuyobozi wayo ajya yigamba ko ari ikipe itanga ibyishimo.

Uyu mukino wa gicuti wabaye ku wa kane w’iki cyumeru tariki ya 05 Ugushyingo 2020, warangiye Gorilla FC itsinze Gasogi United ibitego 3-1.

Munyakazi Sadate yifashishije urbuga rwa Twitter aho Gasogi yari imaze gushyiraho uko umukino wabahuzaga na Gorilla urangiye yagaragaje ukubishongoraho cyane ibintu byahise bizamura umujinya kuri mugenzi we KNC.

Sadate yagize ati “Pole cyaneeee mon ami KNC ndetse ni zindi nshuti zanjye ngo zari zaje gushaka ibyishimo i Gasogi (bambwirire ko ibyishimo biba ahantu hamwe gusa), ariko rero ibitego 3 ni byinshi gira wisubirehoooo.”

Pole cyaneeee mon ami KNC ndetse ni zindi nshuti zanjye ngo zari zaje gushaka ibyishimo i Gasogi ( bambwirire ko ibyishimo biba ahantu hamwe gusa), ariko rero ibitego 3 ni byinshi gira wisubirehoooo.

— Munyakazi Sadate (@SadateMunyakazi) November 6, 2020

KNC nawe ntiyigeze atinzamo ahubwo yahise amusubiza amubwira ko we ibyishimo yabigize imanza.

Ati “Hahahahahah none se ko ibyishimo wabigize imanza ahari umunezero ukashyira amatiku bareke baze kandi burya hatsindwa uwakinye ,harya wowe uzakina ryari ?mind your business.”

Aba bombi bakomeje guterana amagambo maze Sadate arongera ati “Nivugiraga Bao tatu wariye iyo unsubiza ko bibaho aho kurakara nk’ Umwana, naho ku byabaye byo bibaho”

Yakomeje agira ati “Isi ya none Ukuri guhindurwa ikinyoma niba bahunze Imanza n’amatiku yanjye bahungiye ubwayi mu kigunda, Naho Bao tatu zo ni Ingaruka za Kwizera Olivier wabuze mu izamu Pole Bro.”

KNC na Munyakazi Sadate bakunze kumvikana mu itangazamakuru baterana amagambo rimwe na rimwe agamije gushushya umukino iyo Gasogi United yabaga iri bukine na Rayon Sports.

Aba bagabo bombi ariko, bigeze kugaragaza uburakari no guterana amagambo ubwo Rayon Sports yashakaga gutwara rutahizamu Bola Lobota Emmanuel ikipe ya Gasogi United yaguze muri Repubulika Iharanira Demokarasi ya Congo, icyo gihe Gasogi inashinganisha uyu mukinnyi muri FERWAFA.

Ubusanzwe Hamwe Festival, ni serukiramuco rifite intego yo gusangiza abaryitabira akamaro k’ubuhanzi bw’uburyo bwose n’uko bwagira uruhare mu bijyanye no kurengera ubuzima. Muri iri serurikiramuco abahanzi, inzobere mu buzima ku rwego rw’Isi, n’abandi batandukanye bagomba kwerekana uburyo imbaraga z’ubuhanzi zafasha mu buzima.

Hamwe Festival itegurwa ku bufatanye na Kaminuza ya mpuzamahanga ya UGHE (University of Global Health Equity), uyu mwaka izaba guhera tariki 11 kugeza tariki 15 Ugushyingo 2020, ibe hakoreshejwe uburyo bw’ikoranabuhanga, aho abayikurikira hazifashishwa uburyo bw’amashusho azanyuzwa ku mbuga nkoranyambaga za Hamwe Festival zirimo Instagram na Youtube.

Hamwe Festival y’uyu mwaka izaba irimo inzobere mu by’ubuzima n’abahanzi batandukanye, bose bakomoka mu bihugu bigera kuri 20. Ku mugoroba wa tariki 11 Ugushyingo 2020 nibwo izafungurwa ku mugaragaro, aho abayobozi mu nzego za Guverinoma y’u Rwanda, Prof Agnes Binagwaho Umuyobozi wa Kaminuza ya UGHE (University of Global Health Equity) n’abandi bafatanyabikorwa bazageza impanuro n’ubutumwa ku bazayikurikira.

Hamwe Festival ku nshuro yayo ya mbere mu Rwanda, yatbereye mu bice bitandukanye by’umujyi wa Kigali hagati ya tariki 8 na 13 Ugushyingo 2019, icyo gihe abahanzi nka Oumou Sangaré ufite izina rikomeye mu muziki wa Afurika hamwe n’umunyarwandakazi Nirere Shanel bataramiye abayitabiriye.

Uyu mukandida w’abademokarate amaze kugira amajwi y’intumwa zitora (electoral votes) 253 mu gihe haba hacyenewe 270 ngo umukandida atsindire kuba perezida. Bwana Trump afite amajwi nkayo 214 kugeza ubu. Kuri iyi mibare ariko, hari abagaragaza ko Joe Biden yagize 264, bivuga ko baba babaze ko yamaze gutsinda muri Leta ya Arizona n’ubwo habura gato cyane.

Joe Biden ari n’imbere mu majwi amaze kubarurwa muri leta z’isibaniro za Georgia, Nevada, Pennsylvania na Arizona.

Mu ijambo ejo ku wa gatanu nijoro yagejeje ku bamushyigikiye ari mu mujyi wa Wilmington muri leta ya Delaware, ari ho cyicaro cy’ibikorwa bye byo kwiyamamaza, yagize ati : “Tugiye gutsinda aya matora”.

Yumvikanye mu mvugo nk’umuntu wifitiye icyizere kurushaho, mu gihe amajwi amaze kubarurwa agaragaza ko akomeje kurushaho gusiga Donald Trump.

Ubwo yavugaga iryo jambo, yari ari kumwe na Kamala Harris, senateri wa leta ya California, biyamamazanya nk’uwamubera visi perezida atsinze aya matora.

Yavuze ko ari hafi gutsindira amajwi 300 y’intumwa zitora, avuga ko abantu benshi cyane batoye kwiyamamaza kwe – abarenga miliyoni 74 – kurusha undi mukandida-perezida uwo ari we wese wabayeho mu mateka y’Amerika.

Joe Biden yavuze ko Abanyamerika bamuhaye inshingano zo kurwanya icyorezo cya coronavirus, guhangana n’ubukungu butifashe neza, imihindagurikire y’ikirere ndetse n’irondabwoko ryabaye akarande.

Uyu mukandida w’abademokarate wiyamamaje nk’ushaka ubumwe bw’Abanyamerika, yavuze ko igihe kigeze ngo “imvugo isesereza ive muri politike” ndetse habeho “gutanga ibitekerezo mu bwubahane”.

Ati : “Dushobora kuba tutavuga rumwe ariko ntabwo bivuze ko turi abanzi, turi Abanyamerika”. Ntiyigeze avuga Bwana Trump, mukeba we w’umurepubulikani.

Iri jambo rya Bwana Biden ubundi ryari ryarateganyijwe nk’ijambo ryajyaga kuba iryo kwishimira intsinzi, ariko yahisemo ahubwo kurivugamo uko ibintu bihagaze ubu muri rusange mu matora, mu gihe televiziyo zo muri Amerika zigengesereye zikaba ziretse kumutangaza ko yatsinze.

Bwana Biden yavuze ko yizeye ko kuri uyu wa gatandatu aza kugeza irindi jambo ku Banyamerika.

Joe Biden – mbere y’ubu wari wariyamamarije kuba perezida mu mwaka wa 1988 no mu 2008, ntabigereho, yaba abaye perezida wa mbere ushaje ubayeho mu mateka y’Amerika mu gihe yaba arahijwe mu kwezi kwa mbere, ku myaka 78.

Naramuka atangajwe muri iyi mpera y’icyumweru ko ari we watsinze amatora, biteganyijwe ko itsinda rye ritangira ubutegetsi bw’inzibacyuho ku wa mbere.

Urwego rushinzwe gucungira umutekano abategetsi bakuru b’Amerika rwohereje muri leta ya Delaware abo kongerera imbaraga abarinda Bwana Biden.

Urwego rw’indege za gisivile narwo rwagabanyije ingendo zemerewe kuba hejuru y’ikirere cyo mu mujyi wa Wilmington wo muri iyo leta, aho Bwana Biden ari.

Ariko, nta kigaragaza ko mu gihe kigufi kiri imbere Bwana Trump azemera kumuha ubutegetsi biramutse bibayeho agatsindwa aya matora.

Ejo ku wa gatanu nyuma ya saa sita z’amanywa, Bwana Trump yanditse kuri Twitter ati :

“Joe Biden ntakwiye kwiyitirira umwanya wa Perezida mu buryo butari bwo. Nanjye nshobora gukora nk’ibyo. Ibikorwa byo mu rwego rw’amategeko ubu biratangiye !”

Bwana Trump amaze iminsi avuga – nta gihamya atanga – ko habayeho uburiganya muri aya matora. Byatumye bamwe mu barepubulikani bagenzi be bavuga ko iyo mvugo ikwiye guhagarara.

Inkuru dukesha BBC

Umukinnyi ukina mu kibuga hagati uherutse gusinyira ikipe ya Mukura VS wanakiniye APR FC, Nkomezi Alex yasezeranye n’umukunzi we Murinda Claudine uba muri Amerika.

Uyu muhango wo gusezerana imbere y’amategeko wabaye ku munsi wo ku wa Kane tariki ya 5 Ugushyingo 2020 ubera mu Murenge wa Kigabiro mu Karere ka Rwamagana.

Mu gitondo cyo kuri uyu wa Gatandatu nibwo hagiye hanze ifoto y’ubu bukwe bwa Nkomezi na Claudine bamaze imyaka 2 bakundana.

Nkomezi Alex ni umukinnyi w’umunyarwanda uheruka gusinyira Mukura VS mu kwezi gushize, ni nyuma yo gutandukana na APR FC yari njiyemo muri 2019 n’ubundi avuye muri Mukura VS. yakiniye kandi amakipe nka Sunrise FC na AS Kigali.

Nkomezi Alex yasezeranye imbere y’amategeko na Murinda Claudine

Zari Hassan, umuherwekazi ukomoka muri Uganda wabyaranye n’umuhanzi w’icyamamare muri Tanzania, Diamond Platnumz yahakanye ko mu byamusubije muri Tanzania harimo kuba yasubirana n’uyu muhanzi ahubwo yari amushyiriye abana be.

Muri 2014 ni bwo Zari yabanye na Diamond Platnumz nk’umugore n’umugabo ndetse babyarana abana babiri, Umuhungu(Nylan) n’umukobwa(Tiffah).

Ku munsi w’abakundanye muri 2018(tariki ya 14 Gashyantare), Zari yareruye ashimangira ko yamaze gutandukana n’uyu muhanzi, icyo gihe yamushinjaga kumuca inyuma aho yavugaga ko yaryamanaga na Hamisa Mobetto.

Ku wa Kane w’iki cyumweru, Zari akaba yarageze muri Tanzania azanye n’abana be ndetse na Diamond ajya kubakira.

Nyuma kugera muri iki gihugu, inkuru zabaye nyinshi zivuga ko uyu mugore ashobora gusubirana na Diamond ariko we akaba yabiteye utwatsi aho avuga ko yari azaniye abana se kuko yari abakumbuye.

Ati'hari ibintu byinshi biri kuvugwa ku mbuga nkoranyambaga ariko njye nazanye abana kuko se yari abakumbuye yashakaga kubanona kandi akaba atabashaga kuza kuko nkeka ko afite ibintu byinshi byo gukora. Yashakaga kubona abana. Hari hashize imyaka 2.'

Yakomeje agira ati'turi ababyeyi n’ubwo yabonye undi, nshobora kuzakomeza kuza kuko ni mu rugo rw’abana banjye ntitaye kubyabaye hagati yanjye na se. Abantu benshi barimo kuvuga ko twasubiranye ariko sibyo kuko njye ndi hano kubera abana banjye gusa.'

Ubwo yabanaga na Zari, Diamond yabyaranye na Hamisa Mobetto ndetse akaba ari na kimwe mu bintu byatumye batandukana, nyuma yo gutandukana yakundanye na Tanasha Donna wo muri Kenya ndetse babyarana n’umwana w’umuhungu gusa baje gutandukana mu ntangiriro z’uyu mwaka.

Diamond yari yagiye kwakira abana be na Zari ku kibuga cy’indege

Zari ahamya ko nta gahunda yo gusubirana na Diamond afite