Category: Uncategorized

Kuwa Gatandatu tariki 30 Kamena 2018, nibwo habaye ubukwe bw’agatangaza bwarangaje benshi, bushimisha abatari bacye ndetse bunatangaza buri wese wabubonye, ubwo bukaba bwari ubwa Ntirenganya Jean de Dieu uzwi ku izina rya Gasongo na Nibagwire Veneranda uzwi ku kazina ka Sweety. Aba bombi bamamaye cyane mu mujyi wa Kigali kubera indeshyo yabo.

Nyuma y’amezi macye ubu bukwe bubaye, ikinyamakuru Ukwezi cyabonye amakuru y’uko ubu bukwe n’aba bageni bari mu barimo kwigwaho ngo bisuzumwe neza niba badashobora kwandikwa muri Guinness World Records nk’abantu baciye agahigo katareswa n’undi muntu ku isi.

Paulo Gabriel da Silva Barros na Katyucia Lie Hoshino bo muri Brazil basanzwe ari bo bazwi nk’abantu bagufi kurusha abandi bakoze ubukwe, ariko inyandiko igaragaza ibyo ubukwe bwa Sweety na Gasongo barimo kwigwaho, ivuga ko bo hari agashya k’umubare munini w’abandi bantu bagufi benshi babwitabiriye bakabagaragira, kuburyo ubwabyo byabahesha kuba ubukwe bwabo bwakwandikwa mu baciye uduhigo ku isi.

REBA VIDEO Y’UBUKWE BWOSE HANO :

Aba bombi nk’uko babyivugiye mbere yo gukora ubukwe, babanje kugerageza kureba ko babyara, maze biha akabyizi, ubu buri wese akaba afite umwana yagiye abyara ku wo babanje gukundana mbere, bivuga ko babanye buri umwe afite umwana yabyaye ku ruhande ariko bakazabarera nk’abana babo bashyize hamwe.

REBA VIDEO Y’UBUKWE BWOSE HANO :

Impunzi zageze mu Rwanda ku wa Kane tariki 19 Ugushyingo 2020, ni icyiciro cya kane cy’impunzi zaturutse muri Libya.

Ni nyuma y’uko hari ibyiciro bitatu byageze mu Rwanda kuva mu 2019, barimo 66 bo mu cyiciro cya mbere, 123 bo mu cya kabiri na 117 bo mu cya gatatu.

Ibinyujije kuri Twitter, Minisiteri y’Ibikorwa by’Ubutabazi yatangaje ko izi mpunzi zibanza gupimwa COVID-19 mbere yo kujyanwa gucumbikirwa mu Nkambi ya Gashora, ahashyizwe bagenzi babo bageze mu Rwanda mu byiciro byabanje.

Ikomeza ivuga ko 'Nyuma yo kwakirwa, barajyanwa kuri hoteli zakirirwamo abasuzumwa ibizamini bya COVID19. Nyuma yo kubona ibisubizo, bazaherekezwa mu Nkambi y’Agateganyo ya Gashora iherereye mu Karere ka Bugesera aho bazacumbikirwa.”

Umunyamabanga wa Leta muri Minisiteri Ishinzwe Ibikorwa by’Ubutabazi, Kayumva Olivier yabwiye RBA, 306, muri bo 121 bagiye gutura mmu bindi bihugu byo hanze birimo Canada na Sweeden abandi nabo bategereje ko gahunda zabo zitungana

Yagize ati 'Iyo bageze mu Rwanda hari ibihugu biba byatekereje kubakira, bakorana na CHR bagatanga imyirondoro nyabo bakagaragaza aho bari bavuye kugira ngo bagere muri Libya, hanyuma bakazagera igihe bakagenda.'

Amasezerano u Rwanda rwasinyanye n’Ishami ry’Umuryango w’Abibumbye ryita ku Mpunzi ndetse n’Umuryango wa Afurika Yunze Ubumwe ateganya ko buri mwaka u Rwanda rugomba kwakira impunzi 500, kuba hamaze kugenda 121, hazaza abandi kandi igihugu gitangaza ko kigifite ubushobozi bwa kwakira abandi bashobora kwaza.

U Rwanda rwaherukaga kwakira icyiciro cya gatatu cy’impunzi zaturutse muri Libya mu Ugushyingo 2019, ni icyiciro cyari kigizwe n’abantu 117 bageze mu Rwanda basanga abari baraje mu cyiciro cya mbere 66 na 123 bo mu cya kabiri.

Kugeza ubu nk’uko byatangajwe na UNHCR, impunzi zirenga 80 mu zo u Rwanda rwari rwakiriye zivuye muri Libya zamaze koherezwa mu bihugu bitandukanye by’amahanga byemeye kuzakira birimo Danemark, Norvège na Canada ndetse hateganyijwe ko hari n’abandi bashobora kujyanwa mbere y’uko uyu mwaka urangira.

Ku wa 10 Nzeri 2019 nibwo Guverinoma y’u Rwanda, Umuryango wa Afurika Yunze Ubumwe (AU) na UNHCR, bashyize umukono ku masezerano y’ubufatanye, azatuma iki gihugu cyakira impunzi zizaturuka muri Libya, aho zageze zishakisha inzira yazambutsa izijyana muri Méditerranée zikagera i Burayi.

Aya masezerano azatuma u Rwanda rwakira impunzi zigera kuri 500 yasinyiwe i Addis Ababa ku cyicaro cya AU, nyuma y’ubushake Perezida Kagame yagaragaje bw’uko u Rwanda rwakwakira izi mpunzi z’Abanyafurika.

Izi mpunzi zageze muri Libya zishakisha uko zakwerekeza ku Mugabane w’u Burayi aho zizeraga kubaho neza, kwambuka inyanja ya Méditerranée byaranze ziguma muri Libya ndetse zitangira kugirirwa nabi kugeza ubwo u Rwanda rwamenye ubuzima zibayemo rukiyemeza kuzitabara.

Mu rugendo rwazo hubahirijwe amabwiriza yo kwirinda Coronavirus arimo kwambara neza udupfukamunwa ndetse no guhana intera hagati y’abantu. I Kigali zakiriwe n’abakozi muri Minisiteri y’Ibikorwa by’Ubutabazi n’abo mu Ishami ry’Umuryango w’Abibumbye rishinzwe Impunzi (UNHCR).

Abantu babarirwa mu magana bamaze gupfira muri iyo mirwano yatangiye mu ntangiriro y’uku kwezi kwa 11.

Dr Tedros Adhanom Ghebreyesus ni umunya-Tigray ndetse yabaye Minisitiri w’ubuzima muri leta ya Ethiopia yabanjirije iyi iriho, yari iyobowe n’ishyaka TPLF.

Mu kiganiro n’abanyamakuru, Jenerali Berhanu Jula yavuze ko Dr Tedros “ntacyo atakoze” mu gushyigikira TPLF no kuyifasha kubona intwaro.

Jenerali Berhanu yagize ati: “Ntabwo tumwitezeho ko ahagarara ku ruhande rw’abanya-Ethiopia ngo yamagane aba bantu [bo muri TPLF]. Amaze igihe akora igishoboka cyose ngo abashyigikire, yakoze ubukangurambaga mu bihugu duturanye ngo byamagane intambara”.

“Yakoze kuburyo babona intwaro”.

Nyuma yo gutorerwa kuboyora OMS mu mwaka wa 2017, Dr Tedros yaramenyekanye cyane mu ntangiriro y’iki cyorezo cya coronavirus.

Ndetse bivugwa ko ari we munya-Tigray ubu wa mbere w’icyamamare mu mahanga.

Hagati aho, ishami rya ONU ryita ku mpunzi (HCR) ryaburiye ko amakuba yakwibasira akarere kose kagakenera imfashanyo y’amahanga, ubu yatangiye.

Kugeza ubu abantu barenga 30,000 bambutse umupaka wa Ethiopia berekeza muri Sudan.
y’umupaka muri Sudan

Abaturage b’abasivile babarirwa mu bihumbi bakomeje guhunga bambuka uwo mupaka, nkuko Axel Bisschop ukuriye HCR muri Sudan yabibwiye ikiganiro Newsday cya BBC dukesha iyi nkuru.
Yavuze ko myinshi muri iyo miryango irimo guhunga igenda n’amaguru kuko ubu ibintu bimeze nabi cyane kuburyo bataguma muri Ethiopia.

Yagize ati: 'Navuganye n’umukozi wo muri banki, abarimu bamwe, abaganga, bose bahurije ku kuba ibintu byari bimeze nabi cyane kuburyo batari kuhaguma… nuko bahava n’amaguru'

Ibipimo bya kabiri byerekanye ko Mohamed Salah, rutahizamu wa Liverpool n'uw'ikipe y'igihugu ya Misiri, agifite ubwandu bwa coronavirus.

Mu cyumweru gishize, ari kumwe n'ikipe y'igihugu cye, ni bwo uyu mukinnyi w'imyaka 28 bayimusanzemo bwa mbere, nubwo nta bimenyetso byayo yari afite.

Ku munsi w'ejo ku wa gatatu, ishyirahamwe ry'umupira w'amaguru mu Misiri ryemeje ko nanone Salah bamusanzemo Covid-19 ubwo bongeraga kumupima.

Bishoboka ko atazakina imikino ibiri ya Liverpool igiye gukurikiraho, kubera amategeko yo kwishyira mu kato.