Category: Uncategorized

Uyu muhanzi yatangaje ku mbuga nkoranyambaga ze ko yakoze impanuka ari kumwe n’umuryango we, umugore we witwa Julie Batenga ndetse n’umwana wabo w’umuhungu witwa Dante.

Mu butumwa yanyujije kuri Facebook yavuze ko 'Shimwa Mana kubwo kumpa andi mahirwe yo kubaho. Nakoze impanuka ndi kumwe n’umuryango wanjye ariko bo nta kibazo bagize.'

Ibinyamakuru byo muri Uganda byatangaje ko uyu muhanzi yakoze impanuka ku mugoroba wo ku Cyumweru tariki 22 Ugushyingo 2020.

Amakuru ava mu nshuti za YKee Benda n’umuryango we avuga ko bari basohokanye nk’umuryango baza gukora iyi mpanuka ubwo bari mu nzira bataha, ako kanya bahita berekezwa kwa muganga kwitabwaho.

Mu gitondo cyo kuri uyu wa Mbere nibwo Ykee Benda yagiye ku mbuga nkoranyambaga ze ashyiraho amafoto amugaragaza yakomeretse mu maso ndetse abaganga bamudoze mu isura.

YKee Benda n’umuryango we bakoze impanuka ikomeye Imana ikinga ukuboko

Bishop Mukanziga avuga ko ari umukozi w’Imana wahamagawe mu gihe gikwiye kandi akaba abizi neza ko yahamagawe akaba anafite umwihariko wo gukundwa n’urubyiruko.

Mu kiganiro yagiranye na UKWEZI, yavuze ko adakunda kuremereza ibitekerezo ari nayo mpamvu usanga urubyiruko rumwisangamo kandi bikamworohera kubahamagarira kwakira agakiza.

Uyu mukozi w’Imana avuga ko hari abantu bakunze kwitiranya ibintu bagacira imanza umuntu bamurebeye kubyo yambaye cyangwa uko yasokoje umusatsi, bakamucira urubanza bamurebye uko asa gusa batarebye agakiza kamurimo.

Ati 'Ntabwo mbigereranya n’ubwibone, uzi ubwibone buba mu gasatsi k’umwimerere gateye kanta, uzi ubwibone buba mu myenda miremire igera ku birenge ? Ubwo bwibone nkubwiye nibwo buba muri wa muntu ufite imisatsi idefirije, uwambaye akajipo kagufi n’ibindi.'

Yakomeje agira ati 'Ubwo turebeye agakiza mu myenda, mu myenda no mu myisigire cyangwa uko umuntu agaragara twaba twarayobye.'

Reba hano ikiganiro na Bishop Mukanziga

Bishop Mukanziga kandi ntabwo yemeranya n’abantu 'Batenga’ Abakristo kuko n’Imana ubwayo itari yagera igihe cyo gutenga abantu kubw’ibyaha runaka bakoze.

Uyu mukozi w’Imana avuga kandi ko hari imyumvire yo hambere abantu bari bafite yumva ko abantu bariho muri iki gihe bakwiye gutandukana nayo kuko itakigezweho.

Yagize ati 'Erega ndagirango mbabwire ngo Imana ntabwo ari ishyirahamwe, nibabohore abantu ni bareke abantu bigenge mu gusenga, Imana ni iy’umuntu kugiti cye. Kandi uzabazwa wenyine, iyi Mana ntabwo izambaza n’umwana nabyaye.'

Avuga kandi ko ikijyanye n’iyi myumvire ari naho hava ikintu kidakunze kuvugwaho rumwe cy’abakozi b’Imana banga gusezeranya abageni ngo ni uko batwite.

Bishop Mukanziga avuga ko iyo umusore n’inkumi bamwegereye bakamubwira ko umukobwa afite inda ariko bifuza ko abasezeranya, ntabwo abashyiraho amananiza ahubwo abasezeranya.

Ati 'Nasomye ijambo ry’Imana rirambwira ngo ntabwo nanga umunyabyaha ahubwo nanga icyaha, rirambwira ngo kandi niyo byaba ibyaha tuku tuku nabyoza nkabihindura nka sherenge nta rundi rubanza. Iyo umuntu yatuye arababarirwa, igikurikira muha imbabazi.'

Yakomeje agira ati 'Iyo ari uwanjye, mba mbizi ko yabatijwe ariko iyo atari asanzwe asengera iwanjye, ndamubaza ko yabatijwe yaba atarabatijwe nkamubatiza ubundi agasezerana.'

Bishop Mukanziga avuga ko ku wa Gatanu saa kumi n’ebyiri ubukwe buzaba ku wa Gatandatu aribwo yatuza abagiye gushyingiranwa kugira ngo abatamara kwatura bagasubira gukora icyaha cyo gusambana.

Reba hano ikiganiro na Bishop Mukanziga

Umuvugizi wa RIB, Murangira B Thierry yabwiye UKWEZI ko uyu mugabo atigeze ashimutwa cyane ko n’ikimenyimenyi byatangajwe aho aherereye n’ibyaha akurikiranyweho.

Ati 'Ntabwo yashimuswe, urujijo ruveho ko yashimuswe, arafunzwe akurikiranyeho kuba akorana n’imitwe y’iterabwoba, ibndi bizamenyekana mu iperereza riri gukorwa.'

Murangira avuga kandi ko 'Ubutumwa rusange ni uko abantu birinda abashora mu bintu ibyo aribyo byose cyangwa abashishikariza kujya mu migambi mibi itubaka.'

RIB itangaza ko uyu mugabo usanzwe afite umugore n’abana bane akimara gufatwa, umuryango we wahise ubimenyeshwa ndetse na nyir’ubwite amenyeshwa uburenganzira bwe yemererwa n’amategeko burimo kwihitiramo umwunganizi mu mategeko.

Amakuru avuga ko Mutsindo wari utuye mu Murenge wa Nyarugunga, asanzwe akora ibijyanye no gutoza abana mu mikino ngororamubiri (Acrobatie).

Kuva mu cyumweru gishize, ku mbuga nkoranyambaga hakwiriye amakuru avuga ko yaburiwe irengero, ndetse benshi mu batavuga rumwe n’ubutegetsi bw’u Rwanda bandika ku mbuga nkoranyambaga ko yashimuswe.

Itegeko ryo mu 2018 rijyanye no kurwanya ibyaha by’iterabwoba risobanura ko umuntu uba cyangwa wemera kuba mu mutwe w’iterabwoba cyangwa ugira uruhare mu bikorwa by’umutwe w’iterabwoba cyangwa ukora ikintu cyose cyongerera ubushobozi undi mutwe w’iterabwoba, aba akoze icyaha.

Iyo abihamijwe n’urukiko ahanishwa igifungo kitari munsi y’imyaka 15 ariko kitarenze imyaka 20.

Uyu mugabo akurikiranyweho gukorana n’imitwe y’iterabwoba

Ibitego bya Danny na Byiringiro Lague bifashije APR FC gutsinda AS Arta Solar7 yo muri Djbouti ikinamo Alexander Song wakiniye Arsenal na FC Barcelona mu Bwongereza.

Wari umukino wa gicuti wa 11 APR FC yari igiye gukina yitegura umwaka w’imikino wa 2020-2021 by’umwihariko imikino nyafurika ya CAF Champions League aho izahura na Gor Mahia mu mpera z’iki cyumweru.

Umukino watangiye amakipe yombi yaba APR FC ndetse na AS Arta Solar7 bakina imipira miremire ndetse ubona ko abakinnyi batarabonana.

Ku munota wa 11 APR FC yabonye amahirwe ya mbere ku mupira Omborenga yahinduye imbere y’izamu Bizimana Yannick awuteye umunyezamu Sulait awukuramo.

Ku munota wa 13 na AS Arta Solar7 nayo yabonye amahirwe ariko Samuel ateye mu izamu Rwabugiri Umar awukuramo.

APR FC yongeye kubona Andi mahirwe ku munota wa 16 ku mupira Omborenga yahinduye imbere y’izamu ariko Danny ashyizeho umutwe umupira unyura hejuru y’izamu.

AS Arta Solar7 yakoze impinduka ku munota wa 30 Daoud wagize ikibazo cy’imvune yavuyemo hinjiramo Sodiq.

Manishimwe Djabel ku munota wa 34 yagerageje ishoti inyuma y’urubuga rw’amahina ariko umunyezamu awukuramo. Igice cya mbere cyarangiye ari 0-0.

APR FC yaje kubona igitego cya mbere ku munota wa 50 gitsinzwe na Danny Usengimana ku mupira yari ahawe na Imanishimwe Emmanuel Mangwende.

Mu gice cya kabiri APR FC yasatiriye cyane ariko kubona mu izamu biragorana.

Bizimana Yannick yahushije igitego ku munota wa 63 ku mupira yari ahawe na Mangwende agasigara arebana n’umunyezamu ariko akushyira hanze y’izamu.

Ku munota wa 72 APR FC yakoze impinduka za mbere havamo Yannick Bizimana hinjiramo Byiringiro Lague.

Uyu musore yaje kubonera ikipe ye igitego cya kabiri nyuma y’iminota 5 yinjiye mu kibuga, ni ku mupira yari ahawe na Mangwende.

Ku munota wa 83 AS Arta Solar7 yabonye kufura ku murongo w’urubuga rw’amahina ku ikosa Ange yakoreye Samuel ariko Alexandre Song ayiteye ugarurwa n’urukuta.

Kuri uyu munota Prince yahaye umwanya Anicet. Bukuru Christophe yahaye umwanya Bosco ku munota wa 87.

Byiringiro Lague yazamukanye umupira acika ubwugarizi bwa Arta Solar7 aha umupira Danny Usengimana arebana n’izamu ananirwa kuwushyira mu izamu uca hejuru yaryo. Umukino warangiye ari 2-0.

APR FC ikaba izakira Gor Mahia ku wa Gatandatu mu mukino ubanza w’ijonjora ry’ibanze rya CAF Champions League ni mu gihe umukino wo kwishyura uzaba tariki ya 5 Ukuboza 2020 muri Kenya.

AS Arta Solar7 uyu wari umukino wa kabiri ikinnye wa gicuti mu Rwanda uwa mbere yatsinzwe na AS Kigali 2-1.

APR FC itsinze AS Arta Solar7

Alexander Song n’ikipe ye ntibahiriwe n’imikino 2