Category: Uncategorized

The minister sounded the warning yesterday as he featured in a talk show to shed light on COVID-19 preventive measures following the gradual increase in new cases.

Shyaka said that sector executive secretaries, medical practitioners, business people and teachers are among other people often taken to stadiums for violating COVID-19 health guidelines.

'Whoever is caught violating guidelines should be held accountable. No one should be spared of punishment when caught in violation. If you are caught in a bar and taken to stadium along with others, you are also subject to equally pay imposed fines. The fines should even increase on account of misleading people,' he said.

Minister Shyaka revealed that a total of 40 people including sector and cell executive secretaries, leaders of village sub-units (amasibo) perceived as role models were registered among other people violating health guidelines over the past six months.

'If we consider teachers, agronomists, medical practitioners among other workers, the number can go up three or four times,' he said.

Shyaka urged Rwandans to strengthen COVID-19 preventive measures considering that one infected person can spread the virus to a large number.

Rwanda confirmed the first COVID-19 case on 14th March 2020. Since then, 6659 people were tested positive out of 667 894 sample tests of whom 5955 have recovered, 648 are active cases while 56 have succumbed to the virus.

Coronavirus symptoms include coughing, flu, and difficulty in breathing. The virus is said to be transmitted through the mucous membranes of the respiratory tract.

Rwandans are urged to adhere to COVID-19 health guidelines, washing hands frequently using soaps and safe water, wearing face masks and respecting social distancing.

IGIHE

Nyuma y’uko Minisiteri ya Siporo ifashe umwanzuro wo guhagarika shampiyona y’icyiciro cya mbere mu Rwanda umwaka w’imikino 2020-2021, bamwe mu bayobozi b’amakipe ntibemeranya n’uyu mwanzuro kuko bavuga ko bigiye kubatera igihombo gikabije kuko bari baririye bakimara kugira ngo bitegure.

Nyuma y’uko ibikorwa by’imikino bikomorewe mu Rwanda nyuma y’amezi 7 byarahagaze, tariki ya 4 Ukuboza 2020 shampiyona y’icyiciro cya mbere mu mupira w’amaguru yaratangiye.

Mu ijoro ryo ku wa Gatanu tariki ya 11 Ukuboza 2020, ubwo shampiyona yari isoje umunsi wa 3, Minisiteri ya Siporo yasohoye itangazo rihagarika iyi shampiyona kugeza igihe kitazwi.

Iri tangazo rya Minisiteri ryavugaga ko shampiyona ihagaritswe kubera ko hakomeje kuba ubwiyongere bw’ubwandu bwa Coronavirus mu makipe ndetse ko amakipe adakurikiza amabwiriza nk’uko FERWAFA na Minisiteri zayatanze.

Nyuma yo guhagarika iyi shampiyona, bamwe mu bayobozi b’amakipe bagaragaje ko batishimiye iki cyemezo ndetse bahamya ko kigiye kubatera igihombo gikabije.

Mvukiyehe Juvenal, perezida wa Kiyovu Sports yabwiye ISIMBI ko uyu mwanzuro batawishimiye ndetse ahamya ko utafatanywe ubushishozi, akaba abona bigiye kubatera igihombo gikabije bitewe n’ibyo batakaje bitegura shampiyona.

Ati'ntabwo twabyakiriye neza kuko ni umwanzuro ubona ko utafatanywe ubushishozi, ntabwo amakosa y’ikipe imwe niyo yaba ari amakipe 2 yatuma umwanzuro ufatwa ku makipe yose, hari uburyo amakipe yiyubatse, hari uburyo amakipe yatunganyije ibintu byayo, hari ibyo yatakaje, hari ibyo yemeye gukora, amakipe arirya akimara kugira ngo ibyo bigerweho, kuzana umwanzuro nkuriya ukawukubita aho ngaho ntabwo ari byo.'

'Twe twari twarateguye ibintu mu gihe kirambye, twishyuye aho abakinnyi bazaba mu gihe cy’amezi 5, twari twarateguye n’ibindi byose kuko twumvaga yaba FERWAFA na MINISPORTS ibintu byose barabyize nta kizabisubiza inyuma bituma dukora ibyo mu gihe kirambye none tugiye kubihomberamo. Ntabwo njye na Kiyovu Sports mpagarariye twishimiye uyu mwanzuro.'

Mvukiyehe Juvenal, perezida wa Kiyovu Sports yemeza ko bagiye guhura n’igihombo gikabije

Perezida wa AS Kigali, Shema Fabrice aganira na ISIMBI, yavuze ko n’ubwo ari icyemezo cyaje gitunguranye ndetse kitabura ingaruka mbi ariko na none ngo ubuzima bw’abakinnyi n’abatoza ni ingenzi.

Ati'Ni icyemezo cyaje gitunguranye ariko na none ku rundi ruhande ni icyemezo cyagakwiye gufatwa kugira ngo tunarinde n’abakinnyi n’abatoza bacu, niba abantu bateshuka ku mabwiriza yo kwirinda Coronavirus byatugiraho ingaruka, wajya gusanga ku munsi wa 5 abamaze kwandura ari benshi kandi byaba bibi kurushaho, ubwo amakipe namara kubahiriza ibisabwa shampiyona izagaruka.'

Yakomeje avuga ko ibihombo bitabura ariko nka AS Kigali atari cyane kuko bo bakiri mu mikino nyafurika bamaze kwandika basaba ko abakinnyi bapimwa bakaguma mu mwiherero ubundi basanga ari bazima bagakomeza imyitozo bitegura iyi mikino kandi bizeye ko bazabemerera.

Perezida wa AS Kigali, Shema Fabrice ngo n’ubwo hari ingaruka ariko ntiziruta ubuzima bw’abakinnyi n’abatoza

Perezida wa Bugesera FC, Gahigi Jean Claude avuga ko n’ubwo leta ari yo imenya inyungu z’abaturage bayo ariko na none ikwiye no kubafasha guhangana n’ingaruka z’iri hagarikwa rya shampiyona kuko bafite abakinnyi bagomba guhemba kandi ntibahagarika amasezerano yabo kuko bataye imiryango baje guhaha.

Ati'ni icyemezo gitunguranye ariko na none twemera ko ari icyemezo cyafashwe n’inzego nkuru z’igihugu tukumva rero igihe inzego nkuru z’igihugu zicaye zikumva hari ibishobora kubangamira abaturage, icyo gihe rwose nta kintu kiba kigomba kudutungura cyangwa ngo kitubangamire, igihe bazabonera ko shampiyona ari ngombwa ko isubukurwa twebwe nka Bugesera FC turiteguye gusubira muri shampiyona.'

'Birumvikana dufite amasezerano y’abakinnyi bagomba guhembwa niyo baba badakora kuko urumva baba barataye imiryango yabo ibyo byose nkeka ko nabo babirebyeho, izo ni imbogamizi abantu bazagaragaraza ariko na none ntabwo nkeka ko ziruta ubuzima bw’abantu, icyashoboka ni ukureba uburyo badufasha muri izo mbagamizi n’ibihombo twahuye nabyo.'

Gahigi avuga ko leta ikwiye kureba uburyo yabafasha guhangana n’ingaruka z’isubikwa rya shampiyona

Mu kiganiro Kick-Off cyo ku wa Gatandatu, perezida wa Gasogi United, Kakooza Nkuriza Charles 'KNC’ yavuze ko atemeranya n’iki cyemezo habe na gato kuko bibashyize mu gihombo gikabije.

Ati'ni icyemezo kibabaje, yego twemere ko ubuzima bw’abakinnyi bugomba kubahirizwa nk’ubw’abandi banyarwanda bose ariko iki ni icyemezo navuga ko cyafashwe nta bushishozi bubayeho. Icyaha ni gatozi niba hari amakipe atarubahirije amabwiriza bayahane, iyo hari amategeko n’amabwiriza agomba gukurikizwa utabyubahirije arahanwa.'

'Niba Rayon Sports yarishe amabwiriza bakabaye bareba ikibazo cyayo ariko shampiyona igakomeza. Kugeza uyu munsi makipe 16 ni Rayon Sports na Rutsiro zagize ikibazo gusa ariko ntabwo bivuze ko amakipe yose yagize ikibazo, ibi ni urucantege ni ibitwereka aho siporo yacu yerekeza. Badusabye ibyo tugomba kubahiriza turabikora, dushora amafaranga, dushaka aho abakinnyi bagomba kujya, hoteli zirishyurwa ariko ngo kuko Rayon Sports yagaragaje case byose bigahagarikwa, ntabwo ari byo ariko.'

Yasabye Minisiteri ya Siporo kwigira kuri Minisiteri y’Uburezi kuko hagiye hagaragaramo ubwandu ariko ntibafunze.

Ati'kuki Minisiteri ya Siporo itakwigira kuri Minsiteri y’Uburezi, mu Bugesera hari ikigo cyagaragayemo abanduye 36, cyarafunze se? MINEDUC yigeze ivuga ngo abanyeshuri batahe?Nk’ubu muri CECAFA U17 hari umukinnyi w’umugande wagarageje ubwandu, CECAFA yarahagaze se? Uganda yarirukanywe mu irushanwa se? Irushanwa rya Basketball riheruka kuba ko hagaragayemo abanduye ryigeze risubikwa? Ruhago yacu barimo kuyifata nk’idafite agaciro.'

KNC ahamya ko ibyakozwe ari ugutesha agaciro ruhago nyarwanda no guca intege abashoboramo amafaranga

Shampiyona yasubitswe nyuma y’uko abakinnyi bagera kuri 14 ba Rayon Sports, umutoza wa Rutsiro FC banduye iki cyorezo. MINISPORTS kandi ivuga ko n’ubwo abakinnyi babaga hamwe habagaho kutubahiriza amabwiriza aho basohokaga uko bishakiye, abayobozi bakabasura uko bishakiye kandi nta n’umwe wapimwe.

Rayon Sports na Rutsiro niyo makipe yagaragayemo ubwandu

Ni umunsi winjiye mu mateka nk’udasanzwe kuko aribwo imbaga y’abanyarwanda yari iteraniye mu Intare Arena, abakurikirana ibitangazamakuru bitandukanye biboneye n’amaso yabo Nishimwe Naomie yambikwa ikamba rya Nyampinga w’u Rwanda w’umwaka wa 2020 [ku izina rye n’ibyo akora hahise hiyongeraho 'Miss Rwanda 2020′].

Niwe watsinze irushanwa rijyamo abakobwa b’ibishongore baba bashaka guhamiriza abanyarwanda ko bifuza kuvamo uwabahagararira n’uwahize abandi mu kugaragaza umuco, ubwenge ndetse n’ubwiza rimaze kumenyekana nka 'Miss Rwanda’.

Kugira ngo wumve urugamba uyu munyarwandakazi wari ufite imyaka 21 y’amavuko yatsinze icyo gihe biragusaba kumenya ko icyo gihe amanota yatangwaga n’Umunyamakuru wa The NewTimes Munyaneza James ; umubyinnyi w’icyamamare Sherrie Silver ; Miss Mutesi Jolly ; Evelyne Umurerwa umaze imyaka 20 mu itangazamakuru n’umunyarwenya Ntarindwa Diogène.

Uretse iyo kipe itamenerwamo y’abagize akanama nkemurampaka, uyu mukobwa yagaragarijwe urukundo rudasnzwe n’imbaga y’abanyarwanda bamushyigikiye kuva ubwo yiyamamarizaga guhagararira Umujyi wa Kigali muri iri rushanwa kugeza ku munsi wa nyuma w’irushanwa.

Kuba yaratsindiye ikamba yari arikwiriye ntabwo turabigarukaho muri iyi nkuru ahubwo tugiye kugaruka ku byaranze urugendo rwe ahanini bitagenze uko yabiteguye kubera impamvu zitandukanye turagaragaza.

Kudakorana na Rwanda Inspiration Back Up byamugizeho ingaruka…

Nishimwe Naomie ni izina ryari rizwi cyane by’umwihariko mu bakoresha imbuga nkoranyambaga kuko mbere yo kwitabira irushanwa ry’ubwiza yari asanzwe azwi mu ndirimbo zamamaza MTN n’izindi z’abahanzi yagendaga yifata amashusho akazishyira ku mbuga nkoranyambaga.

Ubwo yitabiraga irushanwa rya Miss Rwanda 2020 ritegurwa na Rwanda Inspiration Back Up, uyu mukobwa yaravuzwe cyane ndetse abantu benshi by’umwihariko abari bamubonye bwa mbere batangazwa n’uburanga bwe.

Nubwo mu irushanwa akenshi cyane iri rya Miss Rwanda rikunze gutungurana, ariko abantu benshi batangiye kumuha ikamba ataranabasha kugera mu cyiciro cy’abakobwa 20 baba bagomba kujya mu mwiherero [ibizwi nka Boot camp].

Kuba yari ashyigikiwe n’abanyarwanda benshi bagendeye ku buranga bwe, hari n’abagaragazaga ko umushinga we wari ujyanye no kurwanya ubwigunge mu rubyiruko ndetse akabihuza n’agahinda gakabije. Miss Nishimwe ni umukobwa wa kabiri utarigeze akorana na Rwanda Inspiration Back Up mu gihe cy’umwaka amara yambaye ikamba

Uyu mukobwa arangije kwegukana ikamba rya Nyampinga w’u Rwanda yabonye ko uwo mushinga we, ndetse n’ibyo bikorwa bitandukanye yari asanzwe akora yabasha kubishyira mu bikorwa neza akoranye n’ikipe ye isanzwe imufasha.

Ubusanzwe n’ubwo nta mategeko cyangwa amabwiriza abiganga aharia azwi ariko buriya ngo umukobwa witabira iri rushanwa hari icyiciro ageramo akagirana amasezerano na Rwanda Inspiration Back Up iritegura.

Muri ayo masezerano haba harimo n’ingingo igaragaza ko Rwanda Inspiration Back Up ariyo izamufasha mu buryo bwo kumugira inama no kureberera inyungu ze igihe cy’umwaka azamara ashyira mu bikorwa umushinga we, ndetse no mu bindi birimo kwitabira amarushanwa mpuzamahanga y’ubwiza.

Ibi ariko kuri Miss Nishimwe ntabwo ariko byagenze kuko ku wa 17 Gashyantare 2020, aribwo yashyize ahagaragara itangazo rivuga ko atazakorana n’iki kigo nk’uko byari bisanzwe bigenda ku bamubanjirije.

Iryo tangazo ryavugaga ko 'Ndashaka kumenyesha abantu ko Miss Rwanda 2020, Nishimwe Naomie ariwe ufite mu nshingano ibijyanye no gucunga inshingano ze, umushinga we, ibikorwa bitandukanye n’aho azagaragara nka Nyampinga w’u Rwanda.'

Iri tangazo rya Miss Nishimwe ryaciye igikuba ndetse havugwa byinshi ariko ku ruhande rwa Rwanda Inspiration Back Up ho batangaje ko nta kibazo kandi ari uburenganzira bwe.

Ibi byashimangiwe mu kiganiro n’abanyamakuru cyagarutse ku myiteguro y’iri rushanwa kuri uyu wa Gatanu tariki 11 Ukuboza 2020, Miss Nimwiza Meghan Umuvugizi wa Rwanda Inspiration Back Up itegura irushanwa rya Miss Rwanda, wavuze ko kuba Miss Nishimwe Naomie atarishimiye gukorana nabo ari 'amahitamo meza’ kuri we kandi ko nta kibazo babigizeho.

Kuba uyu Nyampinga atarakoranye n’iki kigo hari amwe mu mahirwe yabuze ndetse hari n’ayo yagombaga kubura nk’uko bitangazwa n’abazi neza icyo amasezerano y’impande zombi ateganya.

Mubyo yabuze harimo kuba yaragombaga guhabwa hari ibihumbi 800Frw yagombaga kujya ahembwa buri kwezi n’ikigo Africa Improved Food, bivuze ko ku mwaka yari kwakira kuri konti ye miliyoni icyenda n’ibihumbi Magana atandatu [9,600,000 Frw].

Miss Meghan uvugira Rwanda Inspiration Back Up yavuze ko 'Ibihembo birimo imodoka, kujya muri Salon n’ibindi yarabihawe ariko niba atakoranye na kampani yagombaga gukorana nayo agakorera indi kampani twizeye neza ko iyo kompanyi imuhemba, kuko ntabwo yaba acyiyikorera.'

'Ariko ntabwo Africa Improved Food [AIF] izamuhemba umushahara. Ntabwo ushobora guhemba umukozi utakoze sibyo ?'

Uwari uhagarariye kompanyi AIF muri icyo kiganiro n’itangazamakuru, nawe yavuze ko batari guhemba Miss Nishimwe Naomie mu gihe atigeze akorana nabo mu gihe cy’umwaka umwe agiye kumarana ikamba

Mu nkuru INYARWANDA, iherutse gukora yavugaga ko ifite amakuru yizewe y’uko 'mu ngingo zigize kontaro Miss Nishimwe Naomie yashyizeho umukono harimo ko 'uyu mukobwa yagombaga kwamburwa ikamba nyuma y’uko yivanye mu maboko ya Rwanda Inspiration Back Up’.

Ibi ariko ngo abategura iri rushanwa ntabwo bigeze babikora ngo bamwambure ikamba nk’uko byateganywaga n’amasezerano.

Ibi ariko bishimangirwa n’amakuru yizewe agera ku kinyamakuru UKWEZI y’uko n’ubwo kubera impamvu z’uko hari amarushanwa mpuzamahanga y’ubwiza atarabaye kubera icyorezo cya COVID19, ngo uyu mukobwa n’ubundi ntabwo yari kujya kuyahagarariramo u Rwanda ahubwo hari kujya hajyayo ibisonga bye.

Impamvu nyamukuru yari gutuma Miss Nishimwe adaserukira u Rwanda muri ayo marushanwa mpuzamahanga asanzwe azwi ko u Rwanda ruyitabira, ngo ni uko Rwanda Inspiration Back Up ariyo iba ifitanye amasezerano n’abayetegura.

Ibi n’ubwo abategura iri rushanwa batemera kugira icyo babivugaho ariko hari amakuru yizewe avuga ko nko muri Miss World, u Rwanda rwari guhagararirwa n’igisonga cya mbere, Miss Umwiza Phionah.

COVID19 yaramuvangiye…

Muri Werurwe 2020, nibwo icyorezo cya COVID19 giterwa n’agakoko gashya ka Coronavirus cyari kigeze I Kigali kizanywe n’Umuhinde uba mu Rwanda bivugwa ko yari aherutse gukorera ingendo mu mahanga.

Kuva icyo gihe ubuzima bw’igihugu bwabaye nk’ubuhindutse ndetse nyuma y’iminsi hatangira icyiswe 'Guma mu Rugo’ cyatumye abanyarwanda bose bamara nibura amezi atatu nta wemerewe gusohoka ngo ajye mu mirimo.

Nyampinga w’u Rwanda nawe nk’umuntu wari wari ufite umushinga agomba gushyira mu bikorwa nawe yahise akomwa mu nkokora n’iki cyorezo cyahagaritse ubuzima bw’abanyarwanda ayo mezi yose.

Abakoresha imbuga nkoranyambaga bo banashyiragamo gutebwa bakamwita 'Miss Coronavirus’ bitewe n’uko ibikorwa yagombaga gukora bimugaragaza yambaye ikamba rya 'Miss Rwanda 2020′ byavangiwe n’iki cyorezo.

Icyakora nk’umuntu wari ufite umushinga ujyanye no kurwanya ubwigunge mu rubyiruko, ku 14 Ugushyingo 2020 yitabiriye iserukiramuco ryiswe 'Hamwe Festival’, aho yatanze ikiganiro anatangarizamo ko agifite umushinga wo gutangiza ikigo kivura ku buntu indwara zo mu mutwe agamije gufasha abakeneye ubuvuzi ariko badafite ubushobozi.

Mu bindi bikorwa yakoze harimo nko kuba ku wa 3 Nyakanga 2020 yasuye abaturage bo mu karere ka Nyabihu bagizweho ingaruka n’ibiza byari biherutse kukibasira.

Uyu mukobwa wari ushyiriye imfashanyo imwe mu miryango yazahajwe bikomeye n’ibi biza yayigeneye ibyo kurya bitandukanye yari yitwaje birimo ; umuceri, ibishyimbo, isukari, kawunga, cotex n’isabune byo kwifashisha mu kongera isuku.

Muri Kanama kandi abifashijwemo n’itsinda rireberera inyungu ze, riyobowe na Mama we, Uwimbabazi basinyanye amasezerano y’uko uyu mukobwa abaye Brand Ambassador w’Ikigo gicuruza telefone cya Itel.

Muri Nzeri 2020, yakoze ibikorwa byamaze icyumweru aho yaganiraga n’abangavu bo mu karere ka Nyaruguru babyariye iwabo.

Yavuze ko yahisemo kuganiriza aba bangavu barenga 500 bo muri aka karere mu rwego rwo kudahuriza hamwe benshi bikaba byateza ikibazo mu ngamba zo gukumira no kwirinda icyorezo cya Covid-19.

Muri uko kwezi kwa Nzeri kandi nibwo Miss Nishimwe Naomie yahuriye bwa mbere mu gikorwa icyo aricyo cyose na Rwanda Inspiration Back Up itegura Miss Rwanda.

Icyo gihe impande zombi zongeye guhurira mu bikorwa, hari ku wa 23 Nzeri 2020, ubwo uyu mukobwa yari yasuye ikigo gihinga kikanatunganya indabyo zigurishwa imbere mu gihugu no hanze yacyo, Bella Flowers.

Nyuma yo kwegukana ikamba rya Nyampinga uberwa n’amafoto, Miss Nishimwe Naomie yahise atsindira igihembo gitangwa na Bella Flowers, anagirwa ambasaderi w’iki kigo.

Bella Flowers ihemba Nyampinga uberwa n’amafoto muri Miss Rwanda, 1 200 000 Frw. Nka ambasaderi yagombaga kujya kwihugura byinshi ku buryo bahingamo indabyo n’uko zisarurwa kugeza bazijyanye ku isoko.

Miss Nishimwe ariko n’ubwo COVID19, yamukomye mu nkokora hari ibindi bikorwa yagiye akora birimo ubukangurambaga bwo gushishikariza abantu kubahiriza ingamba zashyizweho binyuze ku mbuga nkoranyambaga ze.

Abo yasimbuye bamuteye umugongo ?

Abakurikiranira hafi ibijyanye na Miss Rwanda ndetse n’ababa barayitabiriye, ni gake cyane uzabona Miss Mutesi Jolly, Miss Iradukunda Elsa, Miss Iradukunda Liliane ndetse na Miss Nimwiza Meghan mu bikorwa umwe yiherekeje. Miss Nishimwe abarizwa mu Itsinda rizwi nka ba Mackenzie rigezweho ku mbuga nkoranyambaga

Ibi hari ingero z’imishinga myinshi y’umwe muri aba usanga iyo ari mu ishyira mu bikorwa byawo bagenzi be baba bamuherekeje ndetse bose cyangwa akavuga ko bamuhaye ibitekerezo mu buryo bumwe cyangwa ubundi.

Mu bikorwa byose Miss Nishimwe yagiye agaragaramo nta hamwe yaherekejwe n’umwe muri aba bakobwa gusa nk’uko asanzwe afite itsinda ry’abakobwa batanu ryamamaye ku izina rya Mackenzies, akenshi nibo bamuherekeza.

Ibi ariko binashimangirwa n’uko ubuyobozi bukuru bwa Rwanda Inspiration Back Up buherutse gutangaza ko Iradukunda Elsa wabaye Miss Rwanda 2017 yagizwe Umuyobozi Ushinzwe Ishami rishinzwe abafatanyabikorwa.

Ku wa 25 Mata 2020, kandi Ubuyobozi bwa Miss Rwanda bwatangaje ko Nimwiza Meghan wabaye Nyampinga w’u Rwanda 2019, yahawe akazi ko kuba Umuvugizi w’iri rushanwa rya Miss Rwanda.

Ni mu gihe Iradukunda Liliane wabaye Miss Rwanda 2017 ashinzwe guhuza ibikorwa. Naho Mutesi Jolly Miss Rwanda 2016 akaba amaze imyaka ibiri ari mu Kanama Nkemurampaka k’iri rushanwa.

Aba bakobwa bose ubwo habaga ikiganiro n’abanyamakuru cyavugaga ku myiteguro y’irushanwa rya Miss Rwanda mu 2021, bari bari aho cyabereye mu gihe Miss Nishimwe nk’uherutse kwegukana ikamba nta wigeze ahagaragara.

Ku bashaka guhatanira kwinjira muri iri rushanwa rigiye kuba ku nshuro ya 11, kwiyandikisha byaratangiye aho biri gukorerwa ku rubuga rwa Miss Rwanda [ MISSRWANDA.RW ].

Aha Miss Naomie niho bigaragara ko yahuriye mu gikorwa na ba Nyampinga bagenzi be : ku ifoto hari Umuyobozi w’akarere ka Rwamagana Mbonyumuvunyi Radjab, Miss Jolly Mutesi, Guverineri w’Intara y’Iburasirazuba, Mufulukye Fred, Miss Nishimwe Naomie na Gen. Maj. Mubarak Muganga

Aha ni ku cyicaro cya Bella Flowers, mu ikipe yaherekeje Miss Rwanda harimo n’abategura iri rushanwa Guhera ku wa Kabiri tariki 8 Nzeri 2020, Miss Nishimwe Naomie wegukanye ikamba rya Miss Rwanda 2020 yaganirine abangavu bo mu Karere ka Nyaruguru babyariye iwabo Miss Nishimwe Naomie yatanze ikiganiro muri Hamwe Festival Miss Nishimwe yasinye amasezerano yo gukorana na Itel nka Brand Ambassador wayo mu gihe cy’umwaka Aha Miss Nishimwe yari yasuye abaturage bo mu karere ka Nyabihu bagizweho ingaruka n’ibiza

Mu mibereho ya buri munsi, nk’abakristo, hari gahunda Imana ishaka ko tugenderaho hatabayeho kwigomeka. Akenshi iyo turi mu mibababaro tuba dushaka guca mu nzira za bugufi kugira ngo tubashe gukemura ikibazo cyacu, ariko ni ngombwa kwemera kugendera kuri gahunda y’Imana.

Farawo amaze kureka ubwo bwoko bugenda, Imana ntiyabacisha mu nzira inyura mu gihugu cy’Abafilisitiya nubwo ari yo busamo, kuko Imana yibwiraga iti”Abantu be kwicuza ubwo bazabona intambara, ngo basubire muri Egiputa”. Ahubwo Imana ibagendesha ibizigu, ibacishe mu nzira inyura mu butayu ikajya ku nyanja itukura, Abisirayeli bava mu gihugu cya Egiputa bafite intwaro (Kuva 13:17-18).

Imana iduha ibyiringiro n’inzozi ko ibintu bimwe na bimwe bizabaho mu buzima bwacu, ariko ntabwo buri gihe itumenyesha igihe nyacyo cyo gusohora kw’imigambi yayo. N’ubwo bitesha umutwe kutamenya igihe ntarengwa, ariko akenshi nibyo bituma dukomeza gutegereza.

Iyo twemeye gahunda y’Imana, twiga kwizera no kwishimira ubuzima, mugihe Imana iba irimo gukemura ibibazo byacu. Mu gitabo cyo Kuva 13: 17-18 hatubwira ko mu rugendo rwabo bagana mu Gihugu cy’Isezerano, Imana yatumye Abisirayeli bafata inzira igoye kandi yoroheje cyane, kuko yari izi ko batiteguye kuyinjiramo. Babanje kunyura mugihe cy’amahugurwa kugira ngo batozwe kandi bagombaga kubaho mu bihe bigoye cyane.

Mugihe twemeye kugendera muri gahunda y’Imana, twiga kuba mu kwizera no kwishimira ubuzima

Ni nako bimeze mubuzima bwacu, Iyo tunyuze mugihe cy’amahugurwa, Imana idusaba gusa gukora ibyo idusaba kandi mugihe idusabye, tutabajije ibibazo cyangwa ngo tugerageze kugenzura byose.

Igihe bizafata ntabwo kitureba, icyo tugomba kumenya ni uko twiyemeza kugendera mu nzira Imana ishaka no kwitoza kubahiriza gahunda y’Imana.

Isengesho ry’uyu munsi

Mwami, ndashaka kugandukira gahunda yawe. Ntabwo buri gihe ndabyumva ariko nzi ko inzira zawe zitunganye. Ndakwizeye byimazeyo, unyogerere imbaraga kugira ngo mbashe kukwizera no kugendera mu nzira zawe zitunganye. Amen.

Source: www.topchretien.com

[email protected]