Webrwanda Backend

Category: Uncategorized

  • Imiryango irimo uw'Umunyarwanda igiye guhabwa impozamarira n'uruganda rwa Boeing – #rwanda #RwOT

    Muri Werurwe umwaka wa 2019, indege ya B-737-800MAX ifite ikirango ET- AVJ yakozwe n'uruganda rwa Boeing yari itwaye abagenzi 157 yakoze impanuka ikomeye maze abari bayirimo bose bahasiga ubuzima. Muri abo bagenzi harimo n'Umunyarwanda witwa Musoni Jackson.

    Ubuyobozi bwa Boeing bwemeye ko bwagize uruhare mu mpanuka z'indege ya Lion Air n'iya Ethiopian Airlines, bitewe n'ikibazo cy'ikoranabuhanga cyari mu ndege zarwo zakoze impanuka.

    Boeing yemeye ko abakozi bayo babiri babeshye itsinda ry'Ikigo cy'Indege cya Amerika gishinzwe iby'Indege, FAA, mu bigendanye n'amahugurwa yahawe abapilote ku ikoranabuhanga rishya ryari ryashyizwe mu ndege za Max rizwi nka MCAS.

    Umuyobozi wa Boeing, David L. Calhoun, yagize ati 'Twaratsinzwe mu ndangagaciro zacu no ku byo twitezweho.'

    Muri izi mpanuka, iya Ethiopian Airlines yaguyemo Umunyarwanda Musoni Jackson wakoreraga Ishami ry'Umuryango w'Abibumbye ryita ku Mpunzi muri Sudani y'Epfo, akaba yarasize umugore n'abana babiri.

    Nyuma y'iyo mpanuka, abo mu muryango we bari batanze ikirego mu Rukiko rwa Chicago muri Leta zunze Ubumwe za Amerika bavuga ko uruganda rwa Boeing rwagize uruhare mu mpanuka zabayeho bitewe n'ikoranabuhanga ry'indege zarwo ritari rimeze neza.

    Umuryango wa Musoni uri mu bazahabwa impozamarira na Boeing

    Source : http://igihe.com/amakuru/u-rwanda/article/imiryango-irimo-uw-umunyarwanda-igiye-guhabwa-impozamarira-n-uruganda-rwa

  • Ubuhindi: Inkongi y'umuriro yadutse mu bitaro yica abana 10 bari bamaze kuvuka #rwanda #RwOT

    Abandi bana barindwi bashoboye kurokoka mbere y'uko abashinzwe kuzimya umuriro bagera ku bitaro by'akarere ka Bhandara mu ntara ya Maharashtra iri mu burengerazuba bw'Ubuhindi.

    Minisitiri w'Intebe w'Ubuhindi Narendra Modi yavuze ko iyo mpanuka “iteye agahinda”.

    Icyateye uyu muriro kugeza ubu ntikiramenyekana mu gihe iperereza rikomeza.Abayobozi b'ibi bitaro bavuga ko uyu muriro wadutse nka saa munani z'ijoro.

    Ibinyamakuru byo muri ako karere bivuga ko imbaraga zakoreshejwe mu kurokora izi mpinja zagiye zikomwa mu nkokora n'ibiturika byari mu cyumba barimo.

    Umuforomakazi wari mu kazi,yavuze ko yahamagaye abayobozi amaze kubona umwotsi warimo kuva mu cyumba gishyirwamo abana bamaze kuvuka.

    Pramod Khandate ushinzwe ibijyanye no kubaga kuri ibyo bitaro yabwiye abanyamakuru ati: “Abayobozi b'ibitaro bashoboye kurokora abana barindwi ariko icumi bapfiriye muri iyo mpaka ibabaje”.

    Abayobozi benshi bo mu Buhindi batangaje ko bababajwe cyane n'iyi nkongi y'umuriro yishe izi mpinja zari zimaze kuvuka.

    BBC

    Source : http://umuryango.rw/amakuru/mu-mahanga/ubuzima/article/ubuhindi-inkongi-y-umuriro-yadutse-mu-bitaro-yica-abana-10-bari-bamaze-kuvuka

  • Ni umunya-Africa kavukire wanahakuriye ahava… – #rwanda #RwOT

    Kuri uyu munsi wa none Elon Musk mwene Errol Musk w'umunya-Africa y’Epfo ni umugabo ufite imyaka 49 n'amezi asaga 7, akaba amaze gushaka abagore bagera kuri 3. Yabyabye abana 7. 

    Ubu atunze miliyari zisaga $188.5 nk’uko Bloomberg index ibigaragaza ku rutonde rwayo rwo kuwa 6 Mutarama 2021. Urutonde rwasohotse kuwa 7 Mutarama 2021 rwasize afite angana na miliyari $195 bituma aba umukire wa mbere ku Isi magingo aya.

    Uyu mugabo ubutunzi bwe bushingiye ahanini ku bigo bye bibiri aribyo Tesla na Space X n'ibindi bigiye biciriritse. Musk ni intiti ikaba ityoza mu bijyane n'isanzure dore ko kuri uyu munsi wa none ikigo cye Space X gikora ibiraka byo kohereza ibyogajuru mu isanzure kiri mu biri gutuma atumbagira mu butunzi.

    Ubutunzi kuri Elon Musk ni ikintu gisa nk’igitangaje ariko akaba akunda gutebya, umunsi batangaza ko ariwe mukire wa mbere ku Isi, yahise atangaza ko biteye ubwoba. 

    Elon Musk ni muntu iki?

                 Elon Musk umukire wa mbere ku Isi (Jpg:Verge)

    Elon Musk yavutse kuwa 28 Nyakanga 1971 bivuze ko uyu mwaka azuzuza imyaka 50. Yabyawe na Errol Musk w'umunya-Africa y’Epfo na Maye Musk w'umunya-Canada. Elon Musk yize amashuli abanza n’ayisumbuye mu gihugu cya Africa y’Epfo aza kuhava ku myaka 17 aho yahise ajya kwiga muri Canada ari naho nyina umubyara yari yaragiye gutura nyuma y’uko atandukanye na se.

    Ubuhanga bwa Elon Musk bufite aho buturuka dore ko se umubyara yari inzobere (Engineer) muri Electromechanical engineering. Errol Musk ubyara Elon Musk kandi yabayeho umupilote ndetse n’umutwazi w'ubwato akora n'ibindi bintu bitandukanye bisaba ubuhanga. 

    Igipimo cy'ubwenge ‘Intelligent quotient’ (IQ) Elon Musk afite kingana na 155 bivuze ko ari hasi y'ubwenge bwo ku rwego rwo hejuru kuko ababufite baba bafite IQ ingana na 160 kuzamura, gusa abantu bafite IQ iri hejuru y'ijana na mirongo ine (140) nabo baba ari abahanga ndetse banafata mu mutwe vuba.

    Nyina yari umunyamideli wavukiye muri Canada gusa wakuriye muri Africa y’Epfo. Elon Musk afite abavandimwe babiri umwe w'umuhungu (Kimbal Musk) n'undi w'umukobwa (Tosca Musk). 

    Kimbal Musk yahoze ari umufatanyabikorwa wa Elon Musk mu ntangiriro z'ubucuruzi bwa Elon Musk ndetse nawe magingo aya ni umushoralamali karahabutaka. Mushiki we ni umushoramali-kazi mu gisata cy’amafilime ndetse ni nyiri ikigo cya Passionflix.

                          Elon Musk na nyina w’imyaka 72

    Ababyeyi ba Elon Musk batandukanye ahagana mu 1980, gusa Elon Musk we yakomeje kubana na Se muri Afrika y’Epfo. Ikintu Elon Musk avuga ko yicuza kurusha ibindi ni ukuba yarakomeje kubana na se igihe ababyeyi be bari bamaze gutandukana kuko avuga ko se yamukoreye ibintu bimeze nk'ihohotera ati 'Byari bibi cyane, ikintu cyose kibi utekereza yarakinkoreye'.

    Ku myaka 17 Elon Musk amaze gutangira kwiga muri kaminuza yo muri Pretoria muri Afrika y’Epfo nta gihe kinini yahize kuko yahize amezi agera kuri atanu mu gihe yari ari gushaka uko yajya kwiga muri Canada.

    Nyuma yaje kujya muri Canada muri kaminuza ya Queen’s University aha naho ntabwo yaharangije kuko nyuma y'imyaka ibiri yahise ajya kwiga muri Amerika muri kaminuza ya 'University of Pennsylvania', aho yakuye impamyabumenyi y'icyiciro cya mbere ya kaminuza. Yigaga ubukungu n'ubugenge (economics and physics).

    Ahagana mu 1995 yahise ajya gutura muri Califonia ari naho yahise ajya kwigira impamyabumenyi y'ikirenga muri kaminuza ya Stanford gusa. Aha yahize iminsi igera ku 2 kuko yahise ajya gushaka akazi nabwo ntiyanyurwa kuko yari afite inyota yo gushinga ikigo cy’ikoranabuhanga cye.

    Ese intumbero y'ubucuruzi bwa Elon Musk yatangiye giheki?

                       Elon Musk akiri umwana 

    Umunyarwanda yaragize ati 'Akaburiye mu isiza ntikaboneka mu isakara' ku ruhande rwa Musk ntabwo mu isiza kabuze ni nayo mpamvu mu isakara ahagaze neza nk'umukire wa mbere ku Isi mu 2021.

    Ubwo Musk yari umwana yakundaga gusoma ndetse yanize program za mudasobwa mbere y’uko yuzuza imyaka 12 aho yari afite imyaka 10, kuri iki kigero cy'imyaka 12 ni bwo yagurishije program ya mudasobwa ku mafaranga $500 aha hari mu 1982, aya mafaranga ugereranije nayo turi gukoresha uyu mwaka yaba angana na $1,306.37 (Hafi Miliyoni n’igice y’amanyarwanda).

           Se wa Elon Musk na Elon Musk 

    Bwana Musk yatangiye ikigo cy'ubucuruzi cya mbere yari yakise izina rya zip2 akaba yaragifatanyije na murumuna we Kimbel Musk na Greg Kouri aha hari mu 1995, ikaba yarakoraga ibijyanye no kubaka program za mudasobwa. 

    Aha byari bigoye kuko nta mafaranga bari bafite. Bakodesheje ibiro bito byo gukoreramo ari naho Elon Musk yararaga kuko nta mafaranga yo gukodesha inzu yari afite. Ku bw’amahire murumuna we yaje kubona akazi muri New York Times, batangira kwisuganya uretse ko nyuma baje kubona abafatanyabikorwa.

    Nyuma baje kugurisha iki kigo ahagana mu 1999 n'ikigo kitwa Compaq agera kuri miliyoni $307, Elon Musk yatwaye agera kuri Miliyoni $21.49 kuko yari afitemo imigabane ingana na 7%.

    Nyuma yahise ashinga ikigo X.Com akoresheje miliyoni $10 kikaba cyari kimeze nka Banki ikorera kuri murandasi ndetse n'uburyo bwo kwishyura hakoreshejwe Email. Iki kigo cyaje gukura gikorana na kompanyi yitwa Confinity kikajya gitanga ubufasha bwa serivise yitwa Paypal. Nyuma cyaje kugurwa n'ikigo cya Ebay ku mafaranga angana na miliyari $1.5.

    Umugabane wa Musk wanganaga na miliyoni $165 ndetse iki gihe yahise ashinga ikindi kigo gikora ibijyane n'ubwikorezi bwo mu isanzure aricyo yise Space X, aha hari mu 2002. Mu 2004 yahise aba umwe mu bari bagize ikigo cya Tesla cyamamaye cyane mu gukora imodoka z’agatangaza.


    Magingo aya, uyu mugabo ibigo bizwi ko ari ibye byakunze kumenyekana cyane ni bibiri ari byo Tesla na Space X, gusa afite n'ibindi byinshi abantu batakunze kumenya ari byo OpenAI, Neuralink na The Boring Company.

    Ikindi kintu cyatije umurindi ubutunzi bw'uyu mugabo harimo imishinga yagiye ahuriramo n'ikigo cya NASA ndetse harimo n’iyo iki kigo cyananirwaga akayikora.  Mu 2018, Musk yagizwe umuyobozi wa ‘Fellow of the royal society’ uwo mwaka ni bwo Musk yari yagizwe na Forbes Magazine umuherwa wa 25 ku Isi.

    Ni ayahe mahame Elon Musk agira avuga ko ariyo amuganisha ku ntsinzi?


    Elon Musk ni umwe mu bakire b’abanyabirori ndetse akaba ari umuntu ukunda kuvuga ko ntako bisa nko gukora ikintu mu mwanya wacyo. Yakunze kwiga ariko akabivanga n'ishoramali. Mu magambo ye akunda kuvuga ati ‘nta kiza ko guhora ugerageza’ ndetse ati ‘Guhozaho ni ingenzi cyane, ntukamanike amaboko mu gihe cyose utayamanikishijwe ku ngufu’. 

    Mu 2020 yakoze indirimbo benshi baratungurwa, ni indirimbo yise ‘Don’t doubt  ur vibe’, gusa iki gihe yatangaje ko gukora indirimbo nta gashya karimo kuko ubusanzwe akunda kuvanga imiziki kandi ko no kuririmba yabishobora.

    Mu buzima bw'urukundo Elon Musk ni umuntu ki?

    Elon Musk ni umugabo umaze gushaka abagore bagera kuri batatu: uwa mbere bahuriye muri kaminuza yo muri Canada yizemo mbere y’uko ajya kwiga muri America, 'Justine Wilson', wari umwanditsi w'ibitabo w'umunya-Canada bakaba barabyaranye abana 5 (Griffin Musk, Xavier Musk, Kai Musk, Saxon Musk na Damian Musk).

    Uwa kabiri ni Talulah Riley wari umukinnyi w’amafilimi w'umwongereza babyaranye umwana umwe ariwe Saxon Musk, uwa gatatu ni Grimes akaba ari umunyamuziki w'umunya-Canada ndetse baherutse kwibaruka umwana w'umuhungu bahaye izina ritangaje rya “X Æ A-12”.

    Elon Musk n’umugore we Grimes uherutse kumubyarira umwana w’umuhungu 

    Src: interestingengineering.com, wired.com, nytimes.com, businessinsider.com, observer.com..

    Source : https://inyarwanda.com/inkuru/102214/ni-umunya-africa-kavukire-wanahakuriye-ahava-afite-imyaka-17-aherutse-gusohora-indirimbo-n-102214.html

  • Ku ncuro ya mbere umuraperi T.I yashyize hanze ifoto y’umwuzukuru we amwishimiye cyane. – YEGOB #rwanda #RwOT

    Source : https://yegob.rw/ku-ncuro-ya-mbere-umuraperi-t-i-yashyize-hanze-ifoto-yumwuzukuru-we-amwishimiye-cyane/

  • Umuhanzikazi Clarisse Karasira yambitswe impeta n'umusore wamwimariyemo(AMAFOTO) – YEGOB #rwanda #RwOT

    Source : https://yegob.rw/umuhanzikazi-clarisse-karasira-yambitswe-impeta-numusore-wamwimariyemoamafoto/

  • Clarisse Karasira yagaragaje umusore bazarushingana #Rwanda #RwOT via @kigalitoday #rwanda #RwOT

    Clarisse Karasira yashyize kuri Twitter ifoto y’uyu musore amwambika impeta, maze ayiherekeresha amagambo agira ati “Nguyu uwo Imana yandemeye. UMUTWARE nkundira ubuhizi, ingabo idatatira IGIHANGO, Imfura ikunda u Rwanda ikarukorera ubutiganda, undutira bose muri ubu buzima. Ndagukunda King Dejoie.”

    Byaje kumenyekana ko uyu musore wari waragizwe ibanga yitwa Ifashabayo Sylvain Dejoie usanzwe aba muri Leta Zunze Ubumwe za Amerika, gusa muri iyi minsi akaba ari mu Rwanda.

    Uyu musore bivugwa ko ari n’umwe mu basanzwe bafasha Clarisse Karasira mu bikorwa bye bya muzika, dore ko yagaragaye amufasha gutegura igitaramo yari afite mu mpera z’umwaka wa 2020 ariko kikaza gusubikwa kubera icyorezo cya Covid-19.

    source https://www.kigalitoday.com/imyidagaduro/ibirori/Clarisse-Karasira-yagaragaje-umusore-bazarushingana

  • Musanze: Inzu zo muri santere z’ubucuruzi zatangiye kuvugururwa zisigwa amarangi asa #Rwanda #RwOT via @kigalitoday #rwanda #RwOT

    Gusiga inzu amarangi asa bizarinda umwanda n
    Gusiga inzu amarangi asa bizarinda umwanda n’akajagari kagaragaraga mu myubakire

    Irangi ry’ibara risa n’ivu cyangwa ‘gris’ mu ndimi z’amahanga ni ryo riri gusigwa inzu z’ubucuruzi. Abacururiza muri izi santere n’abahatuye, ngo ntibishimira kuba Akarere ka Musanze gahora kanengwa kugira umwanda; akaba ari na byo byabateye ishyaka ryo gukora iki gikorwa.

    Gasana Phocas ucururiza muri santere ya Byangabo yagize ati: “Kuva aho umukuru w’igihugu cyacu atunengeye kugira umwanda, natwe nk’abacuruzi twarigaye, dufata icyemezo cyo kwiminjiramo agafu, ngo tugire uruhare mu guca akajagari. Turi kwitabira gusiga amarangi mu nzu dukoreramo dore ko buri wese yajyaga yihitiramo iryo asiga, akabikora uko yishakiye; n’igihe inzu ishaje nyirayo ntayisane hakiri kare. Iki gikorwa twatangiye cyo gusiga amarangi mashya y’ibara twatoranyije tubanje kubyumvikanaho twese, mu rwego rwo guca uwo mwanda n’akajagari, twitabira kurimbisha Akarere kacu, kuko kagendwa n’abandi benshi baturutse mu bice bitandukanye. Dufite icyizere ko bizanatuma tutongera kuza mu myanya y’inyuma mu bijyanye n’isuku”.

    Hari abo muri santere z’ubucuruzi bakoreraga mu nzu zishaje n’izindi zisa nabi bitewe n’uko bari barabuze uburenganzira bwo kuzivugurura. None ubu bari koroherezwa muri iki gikorwa, bakaba bacyitezeho gutuma besa umuhigo urebana n’isuku muri uyu mwaka w’imihigo.

    Mukashema Aline ukorera muri santere ya Kimonyi yagize ati: “Inzu zari zarahindutse indiri y’umwanda, byaterwaga n’uko kuvugurura bitari byemewe. Ariko ubu abayobozi bari kugenda badufasha, bakaduha uburenganziro bwo kuvugurura inyubako, ni yo mpamvu mubona mu ma santere hirya no hino iyi gahunda twayigize iyacu, kuko natwe gukorera ahantu hasukuye bidufitiye inyungu”.

    Kugeza ubu inzu zo mu masantere 25 y’ubucuruzi yo mu Karere ka Musanze ni zo zimaze kuvugururwa, nk’uko bivugwa n’Umuyobozi w’aka Karere Nuwumuremyi Jeannine, uboneraho no gutangaza ko iki gikorwa kiri muri gahunda yagutse Akarere kihaye yo kunoza isuku.

    Yagize ati: “Ni igikorwa turimo kwibandaho nyuma y’impanuro umukuru w’Igihugu cyacu Paul Kagame atahwemye kuduha mu birebana no kwimakaza isuku. Byatumye natwe dufata ingamba zo kwegera abacuruzi, ababahagarariye n’abikorera muri rusange, baza gusanga ari ngombwa ko na bo bagira icyo bakora, biyemeza kugira isuku iyabo, binyuze mu kuvugurura aho bakorera. Ubu babishyizemo imbaraga, kandi kuba barabyumvise kimwe ni ikimenyetso cy’uko abacururiza muri izo santere n’abahafite inzu atari ba nyamwigendaho, ahubwo bumva uruhare rwabo mu byo Akarere kiyemeje kugeraho”.

    Yanasabye abacuruzi kwihutisha iki gikorwa, aboneraho no kwibutsa abaturage ko isuku itagarukira mu kuvugurura inzu no kuzisiga amarangi gusa.


    source https://www.kigalitoday.com/ubukungu/ubucuruzi/article/musanze-inzu-zo-muri-santere-z-ubucuruzi-zatangiye-kuvugururwa-zisigwa-amarangi-asa

  • Huye: Abana b’abanyeshuri baherutse kugongwa n’imodoka bamerewe bate? – #rwanda #RwOT

    Abagera kuri 12 barimo bane bari bakomeretse cyane bahise bajyanwa mu Bitaro bya Kaminuza bya Butare, CHUB, kwitabwaho n’abaganga.

    Ubuyozi bw’Akarere ka Huye bufatanyije n’ubw’ishuri bwaganirije abana basigaye mu kigo kugira ngo batuze kuko hari abari bahungabanyijwe n’ibyabaye kuri bagenzi babo.

    Kuri uyu wa Gatandatu, IGIHE yavuganye n’Umuyobozi w’iryo shuri, Sr Mukagahima Patricie, ubwo yari yagiye gusura umuryango w’umwana witwa Irakoze Joanna wahitanwe n’iyo modoka yabagonze.

    Sr Mukagahima yavuze ko abana bari bakomeretse bari koroherwa ndetse bamwe bakaba barasezerewe mu bitaro. Ati “Barorohewe baraho, mu bitaro hasigayemo babiri.”

    Umuyobozi wungirije ushinzwe Imibereho myiza y’Abaturage mu Karere ka Huye, Kankesha Annonciata, yabwiye IGIHE ko bafatanyije n’ubuyobozi bw’ishuri kuganiriza abana no kubahumuriza ndetse babagira n’inama.

    Bitewe n’uko hari abana bari bahungabanyijwe n’ibyabaye kuri bagenzi babo, babazaniye abashinzwe gufasha abahuye n’ihungabana nabo barabaganiriza babasha kutuza no kongera kwiga.

    Yavuze ko kandi bagiriye inama ubuyobozi bw’ishuri yo kurushaho kwita ku bana no gushakira imyenda yabugenewe abashinzwe kubambutsa umuhanda bagiye cyangwa bavuye aho barara.

    Abana nabo bagiriwe inama yo kujya bagira amakenga igihe bagiye kwambuka umuhanda, birinda kurangara kuko uwo muhanda unyurwamo n’ibinyabiziga.

    N’ubwo ari ubwa mbere kuri uwo muhanda habereye impanuka, hafashwe ingamba ko mu gihe abanyeshuri bari ku ishuri hazajya hashyirwamo ikimenyetso cyereka abatwara ibinyabiziga ko bagomba kwitonda.

    Kankesha yavuze ko mu bana 12 bari bajyanwe mu bitaro, muri bo 10 bakize barataha naho babiri basigaye bari kwitabwaho n’abaganga.

    Ati “Mu bitaro hasigayemo babiri, hari umwe wakomeretse cyane ku mutwe no ku gice cyo hasi n’undi umwe ubabara umutwe. Bari kwitabwaho kugira ngo nabo bafashwe gukira no kumera neza.”

    Abana 10 basezerewe mu bitaro babaye batahanye mu rugo n’ababyeyi babo kugira ngo babaganirize, babiteho babashe kumererwa neza, bazabashe kugaruka kwiga batuje.

    Ku wa 7 Mutarama 2021, Umuvugizi wa Polisi mu Ntara y’Amajyepfo, SP Kanamugire Théobald, yavuze ko imodoka yagonze abo banyeshuri yamaze gufatwa, uwari uyitwaye akaba agiye gushyikirizwa Ubushinjacyaha.

    Inkuru wasoma: Huye: Imodoka yagonze abanyeshuri 14 bagiye kuryama, umwe arapfa

    Abo banyeshuri bagonzwe n’imodoka ubwo bavaga aho ishuri riri bambuka bajya ku macumbi ari hakurya

    [email protected]

    source http://igihe.com/amakuru/u-rwanda/article/huye-abana-b-abanyeshuri-baherutse-kugongwa-n-imodoka-bamerewe-bate

  • Twitter yafunze burundu konti yakoreshwaga na Perezida Donald Trump – YEGOB #rwanda #RwOT

    Source : https://yegob.rw/twitter-yafunze-burundu-konti-yakoreshwaga-na-perezida-donald-trump/

  • Perezida Trump yavuze ko atazitabira irahira ry'ugomba kumusimbura, Joe Biden #rwanda #RwOT

    Perezida Donald Trump wa Leta zunze ubumwe za Amerika witegura gutanga ubutegetsi, ahamya ko atazitabira ibirori biteganijwe kuwa 20 Mutarama 2021 by'irahira rya Joe Biden ugomba kumusimbura ku ntebe y'umukuru w'Igihugu.

    Abinyujije kuri Twitter, yanditse ati: 'Kuri abo bose babimbajije, sinzitabira ibirori byo kurahira ku wa 20 z'ukwa mbere'.

    Umukuru w'igihugu uherutse gutorwa, yishimiye iyi nkuru, avuga ko ugusiba kwa Trump muri ibyo birori ari 'ikintu cyiza'.

    Perezida Trump, ubu ahanzwe amaso n'abarimo bashaka kumwirukana ku mwanya w'umukuru w'Igihugu itariki nyayo yo gutanga ubutegetsi itaragera, nyuma y'aho abantu batanu bapfiriye mu myigaragambyo yatewe n'abamushyigikiye bateye ku ngoro y'amakoraniro ya Amerika, Capitol (ingoro y'inteko ishinga amategeko).

    Joe Biden, avuga ko Perezida Trump atari akwiriye kuba muri Maison Blanche/White House. Hagati aho, avuga ko byamushimisha mu gihe icyegera cy'umukuru w'igihugu Mike Pence yakwitabira ibyo birori.

    Uwanyuma muri aba batanu uherutse gupfa ahitanywe n'iyo myigaragambyo ni umuporisi wakoreraga kuri Capitol, Brian Sicknick, yapfiriye mu bitaro nyuma y'aho akomerekeye muri yo myigaragambyo.

    Ibiro bya FBI bishinzwe iperereza hamwe n'igiporisi cya Washington barimo gukorera hamwe mu maperereza y'urupfiu rw'uyu muporisi.

    Iyi myigaragambyo yo kuri uyu wa gatatu ushize nkuko BBC ibitangaza, yabaye nyuma y'amasaha make Perezida Trump ahamagariye abamukunda kurwanya ibyavuye mu matora mu gihe inama y'inteko ishinga amategeko imitwe yombi yarimo yemeza itnstinzi ya Joe Biden mu matora y'umukuru w'Igihugu yabaye kuwa 03 Ugushyingo 2020.

    Nyuma yo gushyirwaho igitutu ndetse n'igitsure bikomeye, Perezida Trump nyuma yaje gusohora itangazo yifashe amajwi mu masaha yo ku mugoroba wo ku wa kane (nyuma y'uko haba imyigaragambyo) yamagana igitero cyakozwe ku ngoro, avuga ko 'bwari ubukozi bw'ikibi'.

    Munyaneza Theogene / intyoza.com

    Source : http://www.intyoza.com/perezida-trump-yavuze-ko-atazitabira-irahira-ryugomba-kumusimbura-joe-biden/