Webrwanda Backend

Category: Uncategorized

  • Nta muntu wemerewe gushyira amashyanyarazi mu nyubako atabiherewe uburenganzira na RURA #Rwanda #RwOT via @kigalitoday #rwanda #RwOT

    RURA ivuga ko ibi bigamije gukumira inkongi n’izindi mpanuka zishobora guturuka ku muriro w’amashanyarazi.

    Itangazo rya RURA rimenyesha by’umwihariko abantu bose bafite, bari kubaka cyangwa bateganya kubaka inyubako zo guturamo mu Mujyi wa Kigali, ko guhera tariki ya 01 Werurwe 2021, nta muntu uzemererwa guhabwa amashanyarazi na REG/EUCL atabanje kugaragaza icyemezo cyerekana ko imirimo yo gushyira amashanyarazi (installation) mu nyubako ye, yakozwe cyangwa izakorwa n’umuntu ufite uruhushya rumwemerera gukora iyo mirimo rutangwa na RURA.

    Urutonde rw’abemerewe gukora iyo mirimo ruboneka ku rubuga rwa Interineti rwa RURA ari rwo www.rura.rw

    Abashyira amashanyarazi mu nyubako bazajya babanza kugaragaza icyemezo kibemerera gukora ako kazi gitangwa na RURA
    Abashyira amashanyarazi mu nyubako bazajya babanza kugaragaza icyemezo kibemerera gukora ako kazi gitangwa na RURA


    source https://www.kigalitoday.com/amakuru/amakuru-mu-rwanda/article/nta-muntu-wemerewe-gushyira-amashyanyarazi-mu-nyubako-atabiherewe-uburenganzira-na-rura

  • Rubavu: Polisi yafashe abiyitaga abayobozi ba sitasiyo ya Polisi bakambura abaturage – #rwanda #RwOT

    Umuvugizi wa Polisi mu Ntara y'Iburengerazuba, Chief Insepector of Police (CIP) Bonaventure Twizere Karekezi avuga ko umwe mu bafashwe yiyitaga umuyobozi wa Polisi muri sitasiyo ya Nyamyumba(Komanda) akabikora ari kumwe na mugenzi we.

    CIP Karekezi yagize ati 'Bariya bagabo bari bafite amakuru ko mugenzi wabo afite umuvandimwe ufungiye muri sitasiyo ya Nyamyumba kubera gukubita no gukomeretsa umuturage. Bahise batangira kumuhamagara bamubwira ko nabaha amafaranga bazamufungurira umuvandimwe kuko ngo aribo bayobora sitasiyo ya Polisi ya Nyamyumba.'

    CIP Karekezi akomeza avuga ko umuturage yabanje kuboherereza ibihumbi 10 barayanga bamubwira ko ari makeya arongera yohereza andi ibihumbi 10 ategereza ko umuntu arekurwa araheba.

    Ati 'Tariki ya 08 Mutarama Umuturage amaze gutanga amafaranga yategereje ko umuvandimwe we arekurwa aramubura nibwo yaje gutekereza ko ari abambuzi ajya kuri sitasiyo ya Polisi ya Nyamyumba atanga amakuru. Twahise dutangira iperereza barafatwa. Barabyemeye kuko twanarebye muri telefoni dusangamo ubutumwa bagiye bandikira uwo muturage bamusaba amafaranga ndetse harimo n'izigaragaza uko yagiye ayaboherereza.'

    Umuvugizi wa Polisi mu Ntara y'Iburengerazuba yakomeje agaya cyane abantu bagenda biyitirira Polisi bagamije kwambura abaturage avuga ko usibye no kuba ibyo bakora ari icyaha, baba barimo no gusiga isura mbi Polisi y'u Rwanda.

    Ati 'Nka buriya uriya muturage we yari azi ko amafaranga arimo kuyakwa n'abapolisi, nyamara sibyo. Serivisi za Polisi y'u Rwanda zitangwa binyuze mu mucyo, iyo hafashwe umuntu acyekwaho ibyaha ashyikirizwa ubutabera bugasuzuma ibye, byamuhama akabihanirwa yaba umwere akarekurwa.'

    Yakomeje akangurira abaturage kuba maso bakirinda abantu bose babashuka cyane cyane babahamagara ku matelefoni babizeza ibitangaza kuko muri iki gihe abambuzi babaye benshi.

    Abafashwe bahise bashyikirizwa Urwego rushinzwe ubugenzacyaha (RIB) rukorera muri Sitasiyo ya Polisi ya Gisenyi kugira ngo hakorwe iperereza.

    Itegeko nº68/2018 ryo ku wa 30/08/2018 riteganya ibyaha n'ibihano muri rusange mu ngingo ya 279 havuga ko Umuntu wese utabigenewe, wivanga mu mirimo y'ubutegetsi ya gisivili cyangwa iya gisirikare cyangwa wiha gukora umwe muri iyo mirimo, wiyita umukozi wa Leta atari we cyangwa wambara ku mugaragaro umwambaro w'ubutegetsi, umwambaro uhuriweho n'abahuje umurimo, urwibutso cyangwa ikimenyetso, agambiriye kuyobya rubanda, aba akoze icyaha. Iyo abihamijwe n'urukiko, ahanishwa igifungo kitari munsi y'imyaka ibiri (2) ariko kitarenze imyaka itatu (3) n'ihazabu y'amafaranga y'u Rwanda atari munsi y'ibihumbi magana atatu (300.000 FRW) ariko atarenze ibihumbi magana atanu (500.000 FRW).

    Ni mugihe ingingo ya 174 ivuga ko umuntu wese wihesha umutungo w'undi, imari ye yose cyangwa igice cyayo mu buryo bw'uburiganya yiyitiriye izina ritari ryo cyangwa umurimo adafitiye ububasha cyangwa akizeza icyiza cyangwa agatinyisha ko hari ikibi kizaba, aba akoze icyaha. Iyo abihamijwe n'urukiko, ahanishwa igifungo kitari munsi y'imyaka ibiri (2) ariko kitarenze imyaka itatu (3) n'ihazabu y'amafaranga y'u Rwanda atari munsi ya miliyoni eshatu (3.000.000 FRW) ariko atarenze miliyoni eshanu (5.000.000 FRW).

    Source : http://igihe.com/amakuru/u-rwanda/article/rubavu-polisi-yafashe-abiyitaga-abayobozi-ba-sitasiyo-ya-polisi-bakambura

  • Ikipe y' Amavubi yakoreye imyitozo ya mbere muri Cameroun [AMAFOTO] #rwanda #RwOT

    Nyuma y'uko ikipe y'igihugu y'umupira w'amaguru 'Amavubi', igeze amahoro i Douala muri Cameroun, yakoze imyitozo ya mbere kuri Sitade ya Bonamoussadi.

    Amavubi aherereye muri Cameroun aho yitabiriye imikino y'igikombe cy'Afurika cy'abakina imbere mu bihugu byabo 'TOTAL CHAN 2020', izatangira tariki 16 Mutarama kugeza 07 Gashyantare 2021.

    Ikipe y'u Rwanda iherereye mu itsinda C hamwe na Maroc, Togo ndetse na Uganda,izahura na Uganda mu mukino wa mbere tariki 18 Mutarama 2021, ubere kuri Stade de la Réunification i Douala.

    Izongera guhura na Maroc mu mukino wa kabiri tariki 22 Mutarama 2021, ni
    mbere y'uko isoza ihura na Togo tariki 26 Mutarama 20201, uzabera kuri Stade de Limbé/Buea.

    Source : https://impanuro.rw/2021/01/14/ikipe-y-amavubi-yakoreye-imyitozo-ya-mbere-muri-cameroun-amafoto/

  • Diplome yanjye sinzayibikura kuko ntabwo itwi… – #rwanda #RwOT

    ”Abantu barambiwe ibinti biri ‘Serieux cyane”. Aya ni amwe mu magambo avugwa na Bruce Melodie iyo agaruka ku bantu bari kwamamara muri iyi minsi nta mpano ikanganye bafite ahubwo imbuga nkoranyambaga ziri gutiza umurindi abantu bakamamara.

    Itahiwacu Bruce Melodie kuva yatangira kugaragara mu bahanzi bo guhangwa amaso kugeza ubu ari ku ruhembe rw'abahagaze neza. Muri Werurwe mu 2021 azatangira umwaka wa cyenda ahiriwe n'urugendo rw'umuziki ariko asanga abantu bo muri iyi minsi baryoherwa n'ibintu bidashamaje we yita ko ‘bitari Serieux’.

    Ni mu kiganiro aheruka kugirana na Inyarwanda aho yagarutse ku ngingo nyinshi zirimo kuba umuziki umeze nk'umuhanda w'umukara (kaburimbo) ku buryo buri wese afite uburenganzira bwo gukora umuziki ashaka nkuko abantu bose bagenda muri kaburimbo bidasabye ko basaba uburenganzira. 

    Yagize ati:''Muri iyi minsi ibintu byose si impano, ubu rero ntibigisaba kumenyekana kuko ufite impano yo kuririmba, kuko usanga abantu bararambiwe ibintu biri serieux bakaba bishakira no kuruhuka nyine babone umuntu ukora ibintu bisekeje bagakunda uwo''.

    Bruce Melodie arashima Imana yamurinze gusabiriza


    Bruce Melodie ntiyirata impano ye kuko asanga Imana yaramurebye imwicira ijisho imuha umuhogo ugoroye uvamo ijwi rigakundwa ku buryo asanga atabyiratana. Ati:''Sinajyaho ngo mvuge jye ndabarenze ba runaka ibintu ntagiye kwiga?''. Iyo asobanura iby’amasomo ye na diplome ntatinya kuvuga ko idashamaje ku buryo atatinyuka kubikura diplome ye.

    Yagize ati:''Noneho amanota ariho ntabwo ashamaje, amanota ariho ni mabi ariko nshima Imana''. Bruce Melodie yishimira kuba abayobozi bafata umwanya bakamuvugaho kuko hari abahanzi benshi nyamara abo bayobozi batajya bavugaho. Ati: “Buriya iyo uri umusani ntibakuvuge ntabwo biba bimeze neza''.

     Amateka ya Bruce Melodie

    Yitwa Itahiwacu Bruce Melodie agakoresha izina ry'ubuhanzi rya Bruce Melodies. Yavutse mu 1992, avukira i Kanombe mu mujyi wa Kigali. Se yitwa Gervain Ntibihangana naho nyina akitwa Velene Muteteri. Ni uwa kabiri mu muryango w'abana bane. 

    Amashuri abanza yayatangiriye ku kigo cyitwa Camp Kanombe i Kanombe. Amashuri yisumbuye yayatangiriye i Kanombe ahitwa EFOTEC, yaje kuyarangiriza ahitwa Islamique i Rwamagana. Nta kaminuza yigeze ajyamo kuko yahise yiyegurira umuziki ukaba umaze kumuhira.

    Uko Bruce Melodies yinjiye mu buhanzi

    Yakuriye mu kuririmba mu rusengero rwa Kanombe (rw'abarokore), ariko yabahimbiraga indirimbo noneho bakaziha abandi bakaba ari bo bazitera. Ntabwo bamuhaga umwanya wo kwigaragaza. Ibyo byaramubabaje bituma abivamo. Nyuma yaje kujya muri studio mu 2006, kuri Producer Jackson Daddoey ariko iyo ndirimbo ntabwo yigeze irangira.

    Uwo muproducer ntabwo yamurangirije indirimbo ndetse na murumuna we, Naason, yaje kumuha nawe iyo ndirimbo yaramunaniye. Ibyo byatumye acika intege asa nk'uretse umuziki.

    Yaje gusubira muri studio mu 2010, akora indirimbo yitwa 'Inkovu' ariko kubera amasomo ntabwo yabonye umwanya wo kuyamamaza cyane ngo imenyekane. 

    Yaje gusubira muri studio mu 2011 akora indirimbo yitwa 'Ngiye Kubivuga', nyuma aza gukora 'Tubivemo' yayikorewe na Producer Fazzo. Izo nizo ndirimbo yakwita indirimbo ze za mbere. 'Tubivemo' yo niyo ndirimbo yakoze yumva ibaye nk'uko yabitekerezaga.

    Nyuma yaho yakoze indirimbo yitwa 'Telefone' ari nayo ndirimbo yamwaguriye amarembo yo kwamamara atangira kujya aririmba mu ndirimbo z'abandi bahanzi (Chorus singer).

    Yagiye akorana n'abandi bahanzi bakomeye mu Rwanda no hanze. Kuririmba mu ndirimbo z'abandi bahanzi ni uko aba bahanzi bagiye bamwumva aririmba bakifuza ko yabaririmbira mu ndirimbo zabo. 

    Ubwo The Ben, Meddy na Kamichi berekezaga hanze y'u Rwanda, Bruce Melodies yasigaranye inkoni yo kuririmba mu ndirimbo zihuriwemo (Collabo) zigakundwa cyane bitewe n'ijwi azi gukoresha neza.

    Reba hano ikiganiro avugamo ko Diplome ye idakaze


     

     

     

     

    Source : https://inyarwanda.com/inkuru/102309/diplome-yanjye-sinzayibikura-kuko-ntabwo-itwika-bruce-melodie-wahiriwe-numuziki-ibyo-yize–102309.html

  • Mu Rwanda hateganyijwe imvura idasanzwe mu minsi itatu. – YEGOB #rwanda #RwOT

    Ikigo cy'Igihugu gishinzwe Ubumenyi bw'Ikirere (Meteo Rwanda) cyatangaje ko hagati ya tariki ya 13 na 16 Mutarama 2021 hazagwa imvura idasanzwe mu gihugu, kiburira Abaturarwanda kwitwararika.

    Mu itangazo Meteo Rwanda yatanze kuri uyu wa Gatatu tariki 13 Mutarama 2021, yavuze ko iteganyagihe ry'iminsi icumi ryakozwe ryagaragaje ko kuva tariki 11 kugeza tariki 20 z'uku kwezi hateganyijwe imvura iri hejuru y'ikigereranyo cy'isanzwe igwa, ndetse ryerekana ko hagati ya tariki 13 na 15 Mutarama ari ho hateganyijwe imvura nyinshi.

    Iryo tangazo rikomeza rivuga ko uduce tw'Uburengerazuba n'Amajyepfo ari two iyo mvura izagwamo cyane kurusha ahandi, ariko hibutswa ko iyo mvura izakomeza kugwa hirya no hino mu gihugu kugeza ku wa 16 Mutarama.

    Intara y'Uburengerazuba no mu Majyepfo y'uburengerazuba bw'Amajyepfo hagaragajwe ko hateganyijwe imvura nyinshi by'umwihariko, kuko hazagaragara iri hagati ya milimetero 20 na 50 ku munsi.

    Meteo Rwanda yasobanuye ko iyi mvura iri guturuka mu isangano ry'imiyaga iturutse mu Nyanja y'Abahinde ryongeye ubuhehere bw'umwuka mu kirere cy'u Rwanda.

    Kubera imvura imaze iminsi iboneka iminsi ikurikiranye mu bice byinshi by'igihugu ndetse ikaba inateganyijwe ko ikomeza mu minsi itatu iri imbere, Meteo Rwanda irashishikariza Abaturarwanda kwitwararika no gukurikiza amabwiriza bahabwa n'inzego zifite mu nshingano zazo gukumira ibiza.

    Like this:

    Like Loading…

    Source : https://yegob.rw/mu-rwanda-hateganyijwe-imvura-idasanzwe-mu-minsi-itatu/

  • Byagenze gute ngo Cristiano Ronaldo ntakine m… – #rwanda #RwOT

    Gusa amahirwe yaje kubaho rimwe, ndetse byari no kuba amateka yari kwandikwa mu bitabo, ariko birangira FC Barcelona yirangayeho amahirwe yo gusinyisha Cristiano Ronaldo yari ibonye iyatera inyoni.

    Ubu aba bakinnyi bafatwa nk’abayoboye ruhago ku Isi muri iki gihe, baba babarizwa i Camp Nou, bakina mu ikipe imwe, ikintu benshi mu bakunzi b’umupira w’amaguru bafitiye amatsiko menshi, ndetse bategereje kuzareba niba kizabaho.

    Joan Laporta wari Perezida wa FC Barcelona icyo gihe yatangaje ko babonye amahirwe yo gusinyisha Cristiano ariko birangaraho nubwo kuri ubu atabyicuza.

    Yagize ati”Twari muri gahunda yo gusinyisha Ronaldinho na Rafa Marquez, Abafana badusaba ko twabazanira Cristiano Ronaldo mu mwanya wa Marquez, icyo gihe yakinaga muri  Sporting Clube”.

    “Umwe mu bari bashinzwe kumushakira amakipe yaratwegereye atubwira ko afite umukinnyi mwiza agiye kugurisha muri Manchester United Miliyoni19  z’ama-Euros, ariko twe yamuduhera ku giciro gito cya Miliyoni 17 z’ama-Euros”.

    “Gusa twari twaramaze gushora amafaranga menshi kuri Ronaldinho, kandi icyo gihe Cristiano yakinaga cyane anyuze ku mpande kandi twari dukeneye cyane rutahizamu ukina hagati, twahisemo kumureka, kandi simbyicuza”.

    Laporta atangaza ko birangayeho kuko baba barasinyishije Cristiano muri Barcelona


    Ronaldinho niwe wabaye inzitizi ya Cristiano yo kudakinira FC Barcelona

    Abakunzi ba ruhago bategerezanyije amatsiko kuzareba niba Cristiano na Messi bazakina mu ikipe imwe

    Source : https://inyarwanda.com/inkuru/102320/byagenze-gute-ngo-cristiano-ronaldo-ntakine-mu-ikipe-imwe-na-messi-ronaldinho-yabaye-inzit-102320.html

  • Mu Rwanda mu minsi itatu iri imbere hagiye kugwa imvura idasanzwe #rwanda #RwOT

    Ikigo cy'Igihugu gishinzwe Ubumenyi bw'Ikirere (Meteo Rwanda) cyatangaje ko hagati ya tariki ya 13 na 16 Mutarama 2021 hazagwa imvura idasanzwe mu gihugu, kiburira Abaturarwanda kwitwararika.

    Mu itangazo Meteo Rwanda yatanze kuri uyu wa Gatatu tariki 13 Mutarama 2021, yavuze ko iteganyagihe ry'iminsi icumi ryakozwe ryagaragaje ko kuva tariki 11 kugeza tariki 20 z'uku kwezi hateganyijwe imvura iri hejuru y'ikigereranyo cy'isanzwe igwa, ndetse ryerekana ko hagati ya tariki 13 na 15 Mutarama ari ho hateganyijwe imvura nyinshi.

    Iryo tangazo rikomeza rivuga ko uduce tw'Uburengerazuba n'Amajyepfo ari two iyo mvura izagwamo cyane kurusha ahandi, ariko hibutswa ko iyo mvura izakomeza kugwa hirya no hino mu gihugu kugeza ku wa 16 Mutarama.

    Intara y'Uburengerazuba no mu Majyepfo y'uburengerazuba bw'Amajyepfo hagaragajwe ko hateganyijwe imvura nyinshi by'umwihariko, kuko hazagaragara iri hagati ya milimetero 20 na 50 ku munsi.

    Meteo Rwanda yasobanuye ko iyi mvura iri guturuka mu isangano ry'imiyaga iturutse mu Nyanja y'Abahinde ryongeye ubuhehere bw'umwuka mu kirere cy'u Rwanda.

    Kubera imvura imaze iminsi iboneka iminsi ikurikiranye mu bice byinshi by'igihugu ndetse ikaba inateganyijwe ko ikomeza mu minsi itatu iri imbere, Meteo Rwanda irashishikariza Abaturarwanda kwitwararika no gukurikiza amabwiriza bahabwa n'inzego zifite mu nshingano zazo gukumira ibiza.

    Source : https://impanuro.rw/2021/01/14/mu-rwanda-mu-minsi-itatu-iri-imbere-hagiye-kugwa-imvura-idasanzwe/

  • Mukobwa mwiza, nyamuneka itondere ibi bintu kuko bishobora gutuma umusore akwanga ugasigara uririra mu myotsi! – YEGOB #rwanda #RwOT

    Mukobwa burya ni byiza kumenya impamvu zatuma umusore ashobora kugukatira  mwakundanaga, akakwanga burundu nyamara wowe utabitekerezaga.Zishobora kuba impamvu nyinshi gusa hano twaguteguriye ibintu 9 bishobora kuba intandaro yo kwangwa n'umusore.

    1.Arahuze cyane

    Arahuze, n'ibintu bishoboka, ariko wowe ntubyumve. Bishoboka ko akazi ke (niba agafite) kamutwara umwanya munini. Ibi ntibisobanura neza ko afite undi mukobwa ariko abasore bamwe ntibazi guhangana nigitutu cy'akazi ngo babifatanye no kwita ku mukunzi ngo baganire, kumuhamagara, muri macye kuganira n'umukunzi kenshi.
    Ibi bishobora kubaho kenshi, kandi iyo bisobanuwe ukabyihanganira ni byiza, urukundo rurakomeza kandi rukanakura, bitabaye ibyo, aragukatira.

    2. Ntabwo ari wowe wenyine ahanze ijisho

    Icya mbere ugomba kumenya nuko atari wowe wenyine umusore ahanze ijisho, ashobora kuba afite undi muntu akunda cyane nubwo aba yaraguhisemo akagukomeza ku mpamvu ze. Mubihe nkibi, azahora agerageza gukora ibishoboka byose kugirango akomezanye nawe.
    Ariko mu buryo butunguranye, ashobora kugarukira wa wundi wundi ahora ahanze ijisho, niba ubyumva, uri amahitamo ya 2, kandi niba amahitamo ya 1 yongeye kuboneka, ntazazuyaza azahita agukatira, cyane cyane iyo hari ikintu, niyo cyaba gito gute, atakwishimiraho.

    3.Waramubabaje.

    Ugomba buri gihe gusubiramo intambwe zawe mugihe muheruka kuba muri mu mwuka mwiza nuko byari byifashe, kandi ukamenya gusaba imbabazi ku bibi byose waba uzi ko umukorera. Ariko niba ibi bihora bimeze gutya, ibi biganisha ku mpamvu ya 5.

    4.Akeneye ubufasha bwawe

    Muri icyo gihe arimo kunyura mu kintu tuvuge kitamworoheye, ariko, nyamara, niba umusore akunda umukobwa byimazeyo, ntazigera ashidikanya kukimuganirizaho. Nizera ko umubano ufitanye isano no kubwizanya ukuri. Niba umukunzi wawe yumva adafite umutekano iruhande rwawe — hari umuriro kumusozi — Birashoboka ko ashobora atakwiyumvamo cyane mu rukundo, agahitamo kwihisha munsi yumutaka wa 'Sinshaka kugutesha umwanya cyangwa kukubabaza', niba ushobora kumwisangaho no gutuma yashobora kuvuga ku kibazo afite, uaho uba uri mu rugendo rwiza mu rukundo rwanyu.

    5.Ntushobotse

    Birashoboka ko ushobora kuba udashobotse kwihanganirwa, uhora mu rujijo kandi ntuzi icyo ushaka. Igihe kimwe ushobora kuba ushaka kuvugana nawe gusa, kuganira nawe cyangwa se gukina nawe, ikindi gihe ugahindukira, bikamunanira kwihangana, nta kabuza amahirwe menshi nuko azagukatira.

    6.Ntagukunda

    Birashoboka ko yaba ari wowe wagaragaje ko utamwifuza, ariko niba ari Oya, bivuze ko ntagukunda. Na none kandi, hari aho usanga umusore akundana n'umukobwa kugirango yishimishe gusa, cyangwa mushimishanye ariko nta rukundo, bibaho ahanini, hari bamwe mu bakobwa babyemera, nubwo urukundo nyarwo rwashobora kuzamo kuri umwe nyuma.
    Muri iki gihe, umusore ntazikuramo umukobwa byoroshye -nubwo urukundo rutariho — abasore bamwe bifuza kubyungukiramo gusa nyuma byahinduka bakarya umunwa.

    7.Ntashobora gukunda.

    Ku basore bamwe na bamwe, urukundo n'uburebure butagerwaho, ku bandi ni intambara kuba bashobora kwerekana urukundo.

    8.Ahari hose ushaka kumukurikirana cyane no kumwinjirira mu buzima bwe bwihariye.

    Birashoboka ko umusore yagukatira bitewe nuka wamuhigaga cyane, ushaka kumenya buri kamwe kose ku buzima bwe, umukurikirana hirya no hino. Abakobwa bamwe na bamwe, mu byukuri bakurikirana abasore bakundana cyane, bamwe bashaka kubahamagara buri kanya, ko baganira igihe cyose bishoboka.

    9.Kutiha agaciro no kwiyubaha gake

    Birashoboka ko atiha agaciro nk'ako yagakwiye kwiha. Abasore bamwe na bamwe bumva ko ntaho bahuriye n'umukobwa bakunda, ko batari ku rwego rumwe. Abasore bamwe bumva batameze neza, kuko bumva batabaye umugabo nyawe k;umukobwa bakunda, cyane cyane ku bijyanye n'ubukungu, bumva ko batabashimisha, bikaba byatuma babakatira, nubwo umukobwa we btacyo biba bimutwaye.

     

    Niba ushaka umukunzi kanda kuri iyi link ukurikize ibisabwa http://yegob.rw/dating

    Like this:

    Like Loading…

    Source : https://yegob.rw/mukobwa-mwiza-nyamuneka-itondere-ibi-bintu-kuko-bishobora-gutuma-umusore-akwanga-ugasigara-uririra-mu-myotsi/

  • Umuhanzi Emmy yateye ivi asaba umukunzi we kuzamubera umugore(AMAFOTO) #rwanda #RwOT

    Umuhanzi nyarwanda Emmy usanzwe ukorera umuziki we muri Leta Zuze Ubumwe za Amerika, yateye ivi asaba Umuhoza Joyce kuzamubera umugore.

    Nsengiyumva Emmanuel uzwi nka Emmy mu muziki n’umukunzi we Joyce bamaze imyaka igera muri 3 bakundana, ku munsi w’ejo akaba ari bwo yateye ivi amwambika impeta amusaba ko yazamubera umugore undi nawe arabyemera.

    Ibi birori bikaba byarahuriranye n’isabukuru y’umukunzi wa Emmy aho byabereye ahantu ku nkengero z’ikiyaga.

    Abinyuije ku rukuta rwe rwa Instagram, umuhanzi Emmy yavuze ko yishimiye kuba Joyce yaramuhisemo.

    Ati“naguhisemo nzongera nguhitemo na none mbere y’ibindi byose nta gushidikanya. Intera byari nk’ikizamu cyo kumenya aho urukundo rwacu rushobora kugera. Ntewe ishema n’uko bwa nyuma tubikoze. Warakoze kunyizera. Ndagukunda Hoza.”

    Muri Nyakanga 2020 ubwo yari aje mu Rwanda byavuzwe ko muri gahunda zimuzanye yari aje kureba umukunzi we n’ubwo yabihakanye akavuga ko aje mu bukwe bwa mushiki nwe.

    Byabereye ku nkengero z’ikiyaga

    Ibyishimo byari byose

    Urukundo ni rwose…

    Byahuriranye n’isabukuru ye

    Source : http://isimbi.rw/imyidagaduro/article/umuhanzi-emmy-yateye-ivi-asaba-umukunzi-we-kuzamubera-umugore-amafoto

  • Asaga miliyoni 10 yagiye ku myambaro Amavubi yaserutse yambaye muri Cameroun #rwanda #RwOT

    Arenga miliyoni 10 z’amafaranga y’u Rwanda niyo yagiye ku myenda ya Made in Rwanda Amavubi y’u Rwanda yagiye yambaye muri Cameroun aho yitabiriye CHAN.

    U Rwanda rwahagurutse mu gitondo cyo kuri uyu wa Gatatu, saa 11h30′ zo mu Rwanda bari bageze Douala muri Cameroun aho itsinda C rizakinira ari naryo u Rwanda rurimo kumwe na Maroc, Uganda na Togo.

    Mu buryo butamenyerewe, Amavubi yahagurutse yambaye imyenda ya Made in Rwanda yakozwe n’inzu y’imideli ya Moshions.

    Iyi myambarire yavugishije abatari bake ku mbuga nkoranyambaga aho bamwe bishimiye uburyo Amavubi yaserutse asa ni mu gihe abandi bo babirwanyije bavuga ko bitari bikwiye kugenda bambaye nk’abanyamideli kandi bagiye gukina umupira w’amaguru.

    Mu gushaka kumenya byinshi kuri iyi myambaro niba yakodeshejwe cyangwa yaguzwe, ISIMBI yagerageje kuvugana n’umuyobozi wa Moshions, Twahirwa Moses avuga ko atavuga amafaranga yaguzwe icyo yatangaza gusa ari uko yahawe ikiraka cyo kudoda imyenda kandi akabibakorera.

    Moshions ikaba yarakoreye Amavubi amashati n’amapantaro bya Made in Rwanda biriho imigongo ku maboko no mu gatuza.

    Ntabwo wapfa kumenya igiciro nyacyo cy’iyi myenda yatanzweho kereka ba nyiri ubwite babyitangarije, ariko ukurikije ibiciro biri ku rubuga rwa Moshions, iyi myenda yatanzweho 10.575.000 z’amafaranga y’u Rwanda.

    Muri rusange babadodeye abantu 45(abakinnyi + Staff Technique). Iyo urebye ku rubuga rwayo ubona amashati badodewe yitwa ' Ntabana Inkingi Long Sleeves Shirt’ imwe iba ihagaze ibihumbi 115 by’amafaranga y’u Rwanda. Amapantaro badodowe yitwa 'Murenzi Pants’ imwe ikaba igura ibihumbi 120 by’amafaranga y’u Rwanda(ni nayo ihendutse bagira).

    Buri muntu akaba yahagurutse yambaye imyenda ihagaze ibihumbi 235 by’amafaranga y’u Rwanda, abantu 45 ni 10.575.000 frw.

    CHAN 2020(igiye kuba muri 2021 bitewe n’icyorezo cya Coronavirus cyatumye itaba umwaka ushize) izatangira tariki ya 16 Mutarama 2021 isozwe tariki ya 7 Mutarama 2021.

    Muhadjiri na Rugwiro bambaye amashati ya ‘Ntabana Inkingi Long Sleeves Shirt’ n’amapantaro ya ‘Murenzi Pants’

    Moshions niyo yambitse Amavubi, yabatwaye asaga miliyoni 10

    Source : http://isimbi.rw/siporo/article/asaga-miliyoni-10-yagiye-ku-myambaro-amavubi-yaserutse-yambaye-muri-cameroun