Category: Uncategorized

Myugariro w’umunyarwanda, Rwatubayye Abdul yamaze kubona ikipe yo mu cyiciro cya mbere muri Macedonia yitwa Shkupi FC.

Uyu musore wari umaze iminsi mu Rwanda nyuma yo gusoza amasezerano mu ikipe ya Corolado Switchbacks muri Amerika.

B&B FM dukesha iyi nkuru ivuga ko uyu mukinnyi yamaze kwerekeza muri iyi kipe ibarizwa mu magepfo ya Macedonia aho yayisinyiye amezi 6.

Shkupi FC kugeza ubu iri ku mwanya wa 2 n’amanota 33 mu gihe irushwa amanota 6 na Shkendija ya mbere cyane ko yo ifite amanota 39.

Rwatubyaye Abdul yakiniye amakipe atandukanye mu Rwanda, harimo APR FC batandukanye muri 2016 yerekeza muri Rayon Sports, Rayon Sports baje gutandukana mu ntangiriro za 2019 ubwo yerekezaga muri Amerika yakiniraga kugeza uyu munsi.

Rwatubyaye Abdul yabonye ikipe nshya

Ni kenshi abanyarwanda batandukanye aho bari hose ku isi bakomeje kwibaza uko bazajya babona filime nyarwanda, zaba izigezweho cyangwa n’izakanyujijeho cyera. Si ibyo gusa kandi kuko n’izinyura kuri Youtube akenshi usanga zitujuje iminota cyangwa zikaba zirimo amatangazo agenda azamo hagati, bityo akabangamira abantu kureba uko bashaka.

Niyo mpamvu urubuga nyarwanda rwa www.zacutv.com rukora nka Netflix rwashinzwe kugira ngo rufashe abakeneye kureba filime nyarwanda.

Uru rubuga kandi rwashyiriweho kuzamura impano z’abahanzi nyarwanda mu mwuga wa cinema barimo abakinnyi ndetse n’abazikora kugira ngo Abanyarwanda barusheho gukunda ibikorerwa mu Rwanda ndetse babikundishe n’abanyamahanga.

Zacutv ifasha gute abahanzi bo muri cinema?

Binyuze mu kigo cyitwa Zacu entertainment ltd gifite mu nshingano zacyo imishinga yo gukora amafilime, igihe iki kigo gifite filime kizakina, gihamagara abakinnyi bafite impano yo gukina binyuze mu matangazo, hibandwa ku baje mu mwuga ku nshuro ya mbere maze bagahabwa amahirwe yo kwerekana impano zabo muri filime nshya iba igiye gukinwa.

Abakora filime nabo bashyiriweho gahunda y’imikoranire n’iki kigo aho berekana filime bakoze, ikigo cyabona yujuje ibisabwa bakumvikana n’ikigo uburyo iyi filime izajya ica ku rubuga rwa zacutv.com kandi ba nyirayo bakishyurwa n’iki kigo.

Kureba filime kuri Zacutv.com bisaba iki?

1. Wiyandikisha unyuze kuri www.zacutv.com/app/signup cyangwa se kuri app ya ZACU TV ukareba ahanditse SIGN UP

2. Iyo umaze gushyiramo imyirondoro yawe uhita ukomereza aho wishyurira. Hari ibiciro bitandukanye bitewe nigihe ushaka kureba:

2$/ku cyumweru
5$/ku kwezi
20$/ku mezi 6
30$/ku mwaka

Aya mafaranga nubwo aza muma dollars ariko iyo ugiye kwishyura bitewe n’igihugu uherereyemo ahita yishyira mu mafaranga mukoresha. Urugero niba uri mu Rwanda ahita yivunja mu mafaranga y’amanyarwanda.

3. Iyo umaze kwishyura uhita utangira kureba filime zose ziriho .

Ni gute bishyura kuri zacutv.com?

Kuri zacutv wakwishyura muburyo bwose bukoroheye. Wakoresha Visa card, PayPal, debit/credit card cyangwa se Mobile Money.

kwishyura bikorwa kuri iyi link:https://www.zacutv.com/app/subscription/buy

Kuri zacutv.com ubu warebaho filime zigezweho nka City Maid,Seburikoko,Indoto,Bamenya,umurinzi,Papa sava n’izindi nyinshi…

Zacu tv kandi igira application yayo wasanga kuri Playstore cyangwa App store.

Uru rubuga ruriho filime zirenga igihumbi(1000) kandi zigenda ziyongera buri munsi. Kuva rwashingwa muri 2018 rumaze kwiyandikishwaho n’abantu barenga ibihumbi makumyabiri na birindwi (27,000 ) bareberaho filime.

Zacu tv igira umurongo watelefoni wo gufasha gusobanurira abantu bashaka kuyikoresha birushijeho. Uwo murongo ni : +250735260069 cyangwa ukandikira zacutv kuri [email protected] no kuri twitter,facebook na Instagram.

Uburyo wakiyandikisha ndetse ukanishyura

Hariho amafilime atandukanye

Application ya Zacu TV iboneka kuri Play Store

Rutahizamu w’umunya-Ghana wanyuze mu Rwanda mu ikipe ya Rayon Sports, Michael Sarpong yaguriye nyina inzu ifite agaciro ka miliyoni 35 z’amafaranga y’u Rwanda.

Muri Kanama 2020 nibwo Michael Sarpong yasinyiye Yanga yo muri Tanzania imyaka 2, hari nyuma yo gutandukana na Rayon Sports.

Nyuma yo guhabwa ikiruhuko kuko shampiyona muri Tanzania yahagaze kubera CHAN 2020 irimo kubera muri Maroc, Michael Sarpong yahise afata indege yerekeza iwabo muri Ghana n’ubwo umuyobozi wungirije wa Yanga yatangaje ko yagiye mu igeragezwa mu Bushinwa.

Uyu musore w’imyaka 25 yahagaurutse muri Tanzania tariki ya 19 Mutarama 2021 yerekeza iwabo muri Ghana ku mpamvu z’umuryango we.

Amwe mu makuru aturuka mu bantu be ba hafi avuga ikintu cyari kimujyanye ari ukugurira nyina inzu, ni nyuma y’ubuzima bubi yakuriyemo.

Uyu rutahizamu akaba yamaze kugura iyi nzu aho bivugwa ko ihagaze miliyoni 35 z’amafaranga y’u Rwanda.

Abinyujije ku rukuta rwe rwa Instagram, Sarpong yagiye ashyiraho amafoto ari muri iyi nzu, yaherekejwe n’amagambo asa nukangurira abantu kudacika intege.

Imwe yaherekejwe n’amagambo agira ati“kugeza ngeza aho nshaka mu buzima.” indi yagize ati“ubuzima buranyerera ntukagire uwo ushinyagurira.”

Sarpong yaguriye nyina inzu

Sarpong mu nzu yaguriye nyina

Umutoza w’ikipe y’igihugu y’u Rwanda, Mashami Vincent avuga ko batishimiye inota rimwe ryavuye ku mukino wa Maroc kuko bifuzaga kuwutsinda, ngo igisigaye ni ugutsinda uwa Togo byanze bikunze.

Ku munsi w’ejo hashize Amavubi y’u Rwanda yakinaga na Maroc umukino wa kabiri w’itsinda C muri CHAN 2020 irimo kubera muri Maroc, amakipe yombi yanganyije 0-0.

Nyuma y’uyu mukino, umutoza Mashami akaba yavuze ko batishimiye ibyavuye mu mukino kuko bashakaga amanota 3 yuzuye.

Ati'Ntabwo twishimye mu by’ukuri kuko twifuzaga gutsinda umukino, ariko twari dufite uwo duhanganye imbere yacu ufite iki gikombe, twifuzaga kubona umusaruro mwiza kugira ngo tube twakigira imbere ku rutonde tunongere amanota.'

Yakomeje avuga ko amahirwe basigaranye ari ayo gutsinda Togo bityo ko bibasaba gukoresha imbaraga zirenze izo bakoresheje mu mikino 2 bamaze gukina.

Ati'Abakinnyi bitanze mu buryo bwose, nibyo ntabwo twishimye kuko ntabwo tubonye amanota yose tubonye rimwe, hasigaye umukino wa Togo dusabwa gukoresha imbaraga zirenze izo twakoresheje muri iyi mikino ibiri ishize, nituwutsinda tuzaba turenze itsinda nta kabuza. Ntabwo byoroshye turasabwa imbaraga. Turasabwa kureba ibyacu.'

Muri iri tsinda kandi Togo nyuma yo gutsindwa na Maroc, ikaba yaraye itsinze Uganda igitego 1-0.

U Rwanda ruzasoza imikino y’itsinda C rukina na Togo tariki ya 26 Mutarama 2021, rukaba rusabwa gutsinda kugira ngo rugere muri ¼.

Muri iri tsinda Maroc ni iya mbere n’amanota 4, Togo ifite 3, u Rwanda rukagira 2 ni mu gihe Uganda ari iya nyuma n’inota 1.

Abasore b’u Rwanda bagerageje ariko biranga

Mashami ntabwo yishimiye ibyavuye mu mukino

Gusinzira neza ni ingenzi cyane ku mikorere myiza y’umubiri, kuko bifasha ingingo zitandukanye z’umubiri gukora neza. Mu gihe usinzira neza bihagije uba urinze umubiri wawe ibyago byo kwibasirwa n’indwara zikomeye zibasira umutima, impyiko, urwungano rw’ubwirinzi ndetse n’ubwonko.

Hari ibintu bitandukanye ushobora gukora bikagufasha gusinzira neza, kimwe muri ibyo kandi cy’ingenzi harimo amafunguro ufata mu ijoro mbere yo kuryama. Amafunguroy’ingenzi ushobora gufata akagufasha gusinzira neza:

Amata ashyushye

Amata ashyushye (cyangwa akazuyazi) kuva cyera yagiye akoreshwa nk’umuti wo kubura ibitotsi. Yuzuyemo ibituma usinzira nka tryptophan, melatonine, vitamini D ndetse na kalisiyumu. Kuba wafata akarahuri k’amata ugiye kuryama bishobora kugufasha gusinzira neza.

Amafi

Amafi cyane cyane akungahaye cyane ku binure bya omega-3 (nka salmon, fish fillet n’izindi). Vitamin D na omega-3 fatty acids bifasha mu kuringaniza mu mubiri umusemburo wa serotonin.

Serotonin akaba ariwo musemburo urekurwa n’ubwonko mu kugena gusinzira no gukanguka uko bikwiye. Uretse ibi amafi akizeho, abonekamo kandi myunyungugu y’ingenzi yitabazwa mu gusinzira neza harimo; potasiyumu, manyesiyumu, fosifore, zinc n’indi.

Umuceri w’umweru

Umuceri uribwa na benshi kandi kenshi. N’ubwo udakungahaye cyane (ugereranyije n’umuceri w’igitaka) kuri fibres, intungamubiri ndetse n’ibirinda umubiri uburozi (antioxidants), ariko ukize cyane ku binyamasukari byinshi (carbohydrates).

Ubushakashatsi bwagaragaje ko kurya ibyo kurya byongera isukari mu mubiri (high glycemic food) mbere yo kuryama bishobora gufasha gusinzira neza. N’ubwo ariko uyu muceri wagufasha gusinzira neza, ni byiza kuwurya mu rugero kubera intungamubiri zibonekamo ndetse na fibres ari nke.

Lettuce (cyangwa salade)

Abantu benshi usanga nijoro bahitamo kwirira salade gusa, izi mboga za lettuce zikunze gukoreshwa cyane kuri salade zifasha mu kurwanya kubura ibitotsi, bityo zikagufasha gusinzira neza. Ikinyabutabire kiboneka muri lettuce kizwi nka lactucin, gifasha mu gusinzira neza cyongera amasaha umara usinziriye no kugabanya igihe umara ku buriri utarasinzira.

Almonds

Almonds (utubuto tujya kumera nk’ubunyobwa) dukize cyane kuri melatonin, umusemburo ufasha mu kugena igihe cyo kuryamira no kubyukira. Guhekenya utu tubuto mbere yo kuryama bishobora kugufasha gusinzira neza.

Uretse ibi kandi hari ibindi bishobora kugufasha kubona ibitotsi no gusinzira neza:

Icyayi cya chamomile (chamomile tea)

Umuneke: Nawo ukize cyane kuri tryptophan ndetse na magnesium byose by’ingenzi mu gutuma ubasha gusinzira neza.

Cheese/Fromage: Ibonekamo cyane casein, iyi ikaba proteyine y’ingenzi dusanga mu mata, nayo igafasha mu gusana no gutuma imikaya ikura mu gihe uyifashe mbere yo kuryama.

Aya mafunguro atandukanye ari hejuru yagiye akoreshwa kuva cyera, mu kuvura ikibazo cyo kubura ibitotsi no gusinzira nabi, kandi nta ngaruka mbi atera ku mubiri, igihe cyose ariwe mu rugero.

Kugira ngo ubashe kubona ibyiza byinshi n’intungamubiri zihagije, ni byiza kuyarya byibuze amasaha 2 mbere yo kuryama kugira ngo wirinde kugugara mu nda (indigestion) n’ikirungurira.

Source: InyaRwanda.com

www.Healthline.com

[email protected]

Mu kiganiro yagiranye nimwe mu maradio hano mu Rwanda asobanura uburyo urukingo ni ruboneka uburyo ruzakoreshwa. Yagize ati” Turiho turitegura ko mu kwezi gutaha tuzaba twamaze kubona urukingo rwa Covid-19 ariko ntabwo bivuze ko urukingo ruzakuraho ubundi bwirinzi busanzweho burimo kwambara agapfukamunwa neza, gukaraba intoki n’amazi meza n’isabuni ndetse n’ubundi buryo bwose bwo kwirinda.”

Mubindi yagarutseho nuko urwo rukingo umuntu azajya arufata inshuro ebyiri ariko hakabanza gucamo imimsi 21 ihwanye n’ibyumweru bitatu.

Ikindi nuko bishoboka ko wakingirwa uyumunsi ariko kubera ko umubiri uba utaragira ubudahangarwa byashoboka ko wahita wandura ntabwo bivuze ko urukingo rwa kubuza kwandura kuko rukingira 95% bityo gatanu gasigaye gashobora gutuma wandura.

Hassani yavuze ko uRwanda rufite ibikoresho bihagije kandi bifite ubushobozi bwo kubika urwo rukingo kuburyo mu gihe izo nkingo zizaba zitwarwa hirya nohino mu intara bafite ibikoresho bifite ubushobozi bwo kumara iminsi 5 rubitse neza izo nkingo.

Kubijyanye n’ ibicyiro byuko urukingo rwa Covid-19 ruzaba ruhagaze bizaterwa n’ubwoko bw’urwo rukingo urugero. k’urukingo rwa AstraZeneca, nirwo ruhendutse muri zose. Dose imwe igura amadolari ane, ni hafi 4000 Frw. Bisobanuye ko u Rwanda rushatse gukingira abaturage bose b’igihugu bagahabwa dose ebyiri nk’uko biteganywa, wasanga rwakwishyura asaga miliyari 100 Frw.

Urukingo rwakozwe n’Abanyamerika rwa Moderna rwo rugura amadolari 33 ya Amerika, ni ukuvuga asaga ibihumbi 32 Frw, urwakozwe na Pfizer na BionTech rwo rugura amadolari 20, ni hafi ibihumbi 20 Frw.

Ku ikubitiro hazakingirwa abantu bafite aho bahurira no kwita ku barwayi ba Covid- 19 ndetse n’abantu bageze mu zabukuru bafite imyaka guhera kuri 65.

Bagabo John.

Umuvugizi w’Umusigire wa RIB, Dr Murangira B. Thierry, yavuze ko uyu mugabo yatawe muri yombi kuri uyu wa 22 Mutarama 2021, kuri ubu akaba afungiye kuri RIB ya Ruhango mu gihe uwahohoteye ari kwitabwaho kwa muganga.

Yakomeje avuga ko ibimenyetso byarangije gufatwa ko ndetse byoherejwe muri laboratwari ngo bisuzumwe.

Yagize ati: “Dosiye iri gukorwa izashyikirizwa Ubushinjacyaha mu gihe cyagenwe n’itegeko, ibimenyetso bikaba byakusanyijwe byoherezwa muri Laboratwari y’u Rwanda y’ibimenyetso bya gihanga byifashishwa mu butabera (Rwanda Forensic Laboratory).”

Dr Murangira yavuze ko kuri ubu uyu mugabo ari gukorerwa dosiye ngo izashyikirizwe Ubushinjacyaha, anaboneraho kwibutsa Abanyarwanda ko RIB itazihanganira abakora ibyaha nk’ibi n’ibindi byose.

Yagize ati: “RIB iributsa abantu bose ko itazihanganira umuntu uwo ari we wese ukorera undi ihohotera rishingiye ku gitsina ariryo gusambanya umuntu ku gahato, waba wabigerageje ukabigeraho cyangwa ntubigereho amategeko araguhana kandi ibihano biremereye.”

Hari amakuru avuga ko uyu mugabo w’imyaka 39 ibi byaha yabikoreye mu rugo rwe.

Umuyobozi w’Ibitaro bya Murunda yatawe muri yombi mu gihe hashize umunsi umwe RIB itaye muri yombi Umuforomo wo mu Karere ka Ruhango akekwaho gukoresha imibonano mpuzabitsina ku gahato umugore wari ugiye gusaba serivisi z’ubuvuzi.