Category: Uncategorized

cyamamare Lil Wayne w’imyaka 38, ni umwe mu bahanzi ku isi bakunzwe mu njyana ya Hip Hop yari amaze igihe mu buroko akurikiranyweho icyaha cyo gutunga imbunda mu buryo butemewe n’amategeko.

Perezida Donald Trump ageza ijambo rya nyuma ku bantu yavuze ko yakoze byinshi bishoboka yari ashoboye anongeraho igikorwa cyo gutanga imbabazi ku banyabyaha bagera 73 barimo na Lil Wayne wari warafatanwe imbunda.

Kuri Twitter ye, Lil Wayne yashimiye Donald Trump n’umucamanza Bradford Cohen nka bamwe mu bagize uruhare rukomeye ku mbabazi yahawe.

Dwayne Michael Carter Jr wamamaye mu muziki ku izina rya Lil Wayne mu magambo ye yagize ati : “Ndashaka gushimira Perezida Donald Trump kuba yaramenye ko mfite byinshi byo guha umuryango wanjye, ibihangano byanjye, ndetse n’umuryango wanjye muri rusange. Ndashaka kandi gushimira Bradford Cohen, ku bwo gukorana umwete kugira ngo mbone andi mahirwe kuri njye.”

Usibye Lil Wayne, umuhanzi Kodak Black ari mu bafunguwe kubera izi mbabazi zatanzwe na Perezida Donald Trump wasimbuwe na Joe Biden ku mwanya wa Perezida wa Leta zunze ubumwe za America.

Lil Wayne, icyaha cyo gutunga imbunda yagihamijwe mu Kwakira 2020 cyari gutuma afungwa imyaka 10.

Uyu muhanzi yahise asohora indirimbo ayita 'Ain’t Got Time,' avuga ku itegeko ryemerera abantu gutunga imbunda muri US.

Urubuga wealthy.net ruvuga ko Lil Wayne atunze agera kuri miliyoni 150 z’amadolari.

Abahanga mu bijyanye n’imyigishirize basanga ababyeyi batakagombye gucika intege kubera igihe kinini abana bamaze batajya ku ishuri, ahubwo hari ibyo bagomba kuzirikana.

Dr Ndayisenga Wilton ni umwalimu muri Kaminuza akaba n’impuguke mu burezi.

Yagize ati: “Kugira ngo umwana abashe kwiga amenye, ugomba kubanza kuba inshuti na we, wamara kuba inshuti na we wamwiyegereje yakwiyumvisemo, ni bwo abona ko ibyo umubwira bifite akamaro. Icya kabiri ugomba kugira gahunda, ubundi kwigisha neza ni ukugena uko umwana yiga neza kuri gahunda ukagena icyo yiga uyu munsi ku isaha iyi n’iyi ukongera ejo guto gutyo, buriya rero ni na byo twita ireme ry’uburezi kuko bivuze kugira ibikorwa bihoraho bisobanutse kandi biri mu murongo wa nyawe, warangiza ukaba inshuti y’umwana kuko umwana ahita ahindukira akaba inshuti y’ubumenyi, ni byo twita Science, ibyo ni byo abarimu dukora, ariko ubu ababyeyi ntibakiri ababyeyi gusa babaye n’abarimu, rero ibintu byarakomeye babyeyi mwoge magazi amazi ntakiri yayandi.”

Icyiciro cy’abiga mu mashuri y’inshuke ndetse n’abiga mu mashuri abanza kuva mu wa mbere kugera mu wa gatatu ni cyo cyari gisigaye kitaratangira amasomo.

Uretse mu Mujyi wa Kigali, ahandi abiga muri iki cyiciro batangiye amasomo ku itariki 18 z’uku kwezi nyuma y’amezi 10 bari mu rugo mu rwego rwo kwirinda Covid 19.

Nemeye Platini [P] yasohoye amashusho y’indirimbo ye nshya y’urukundo yise 'Helena’, akaba yayituye Umunyamabanga Mukuru w’Umuryango w’Ibihugu bivuga Igifaransa, OIF, Louise Mushikiwabo.

Iyi ndirimbo amashusho yayo yafatiwe Dubai, akaba yarifashishijemo umukobwa umenyerewe cyane ku mbuga nkoranyambaga, Mbabazi Shadia uzwi nka Saddyboo.

Ni indirimbo yaririmbye mu ndimi zitandukanye, Igifaransa(igice cyayo kinini), Icyongereza, Ikinyarwanda n’Iringala.

Yumvikana asaba umukobwa kumugirira impuhwe ntakomeze kumugerageza kuko abizi neza ko iyo amubonye ahita acika intege bitewe na bimwe mu bice by’umubiri we bimukurura.

Abinyujije ku rukuta rwe rwa Twitter, Nemeye Platini yashyizeho ubutumwa bugira buti' U Rwanda rugana muri Francophonie, Louise Mushikiwabo nizere ko iri bugushimishe, Helena niyo ndirimbo nshya yanjye.'

Rwanda vers la francophonie https://t.co/3t9tJf6m9n@LMushikiwabo J’espère que vous apprécierez.#helana est mon nouveau single.

— Platini 🅿️ (@NemeyePlatini) January 23, 2021

Iyi ndirimbo mu buryo bw’amajwi yatunganyirijwe muri Kina Music, ni mu gihe amashusho yakorewe muri Dric Entertainment.

Louise Mushikiwabo yatuwe indirimbo Helena

Mu mashusho y’indirimbo yifashishijemo Shaddyboo

Muri abo baminisitiri bamaze guhitanwa na Covid- 19 harimo uwari Minisitiri w’Ububanyi n’Amahanga witwa Sibusiso Moyo

Uwari Mimisitiri w’Umutekano mu gihugu witwa Ellena Gwaradzimba, ndetse n’uwari Minisitiri w’Ubwikorezi witwa Joel Biggie Matiza. witabye Imana kuya 19.1.2021 aguye mu bitaro bya St Annes iharare mu murwa mukuru wa Zimbabwe.

Imibare ikomeje kwiyongera y’abantu bahitanwa na Covid- 19 muri bimwe mu bihugu by’Afrika mugihe urukingo rutari rwatangira gutangwa.

Bagabo John

Ikipe y’igihugu y’u Rwanda yongeye gusiga inkuru nyuma y’uko umukinnyi Ngendahimana Eric yinjiye mu kibuga yambaye imyenda ibusanye(ikabutura ya nimero 24 n’umupira wa nimero 25), hari ku mukino wa Amavubi yaraye anganyijemo na Maroc.

Ku munsi w’ejo u Rwanda rwakinnye umukino wa 2 w’itsinda C muri CHAN 2020 irimo kubera muri Cameroun, ni umukino bahuyemo na Maroc ukarangira amakipe yombi anganyije 0-0.

Kuri uyu mukinnyi haje kugaragara ikintu kitahesheje isura nziza ikipe y’u Rwanda, aho Ngendahimana Eric yinjiye mu kibuga yambaye ikabutura idahuje nimero n’umupira, ibintu ibintu byavugishije benshi nyuma y’umukino.

Uyu mukinnyi ukina mu kibuga hagati yinjiyemo ku munota wa 73 asimbura Kalisa Rashid wasaga n’uwagize ikibazo cy’imvune.

Byagenze bite kugira ngo yinjire mu kibuga afite nimero zidahuye?

Benshi babivuze uko bashatse bamwe bati ikabutura ya nimero 25 yarabuze, abandi bati habaye kwibeshya.

Ubusanzwe ubwo berekanaga nimero abakinnyi bazambara muri CHAN 2020, Ngendahimana Eric yahawe nimero 25 ni mu gihe 24 ari iya Niyomugabo Claude.

ISIMBI yagerageje kuvugana n’abantu batandukanye bari muri Cameroun, ariko abenshi bahuriza ku kuba habayeho kwibeshya ku bashinzwe ibikoresho by’ikipe y’igihugu Amavubi(Kit Managers) ari bo Peter na Rujugiro.

Ubundi amategeko agena ko mbere byibuze y’amasaha 2 Kit Manager agomba kuba yagejeje ibikoresho muri Dressing Room(urwambariro) yamaze no gutegura imyambaro imanitse ubundi agaha umwanya abari buyobore umukino bakaza kugenzura ko ibintu byose byuzuye ndetse na televizyo iri bwerekane ikanyuramo ifata amashusho y’uko mu rwambariro rw’ikipe hameze.

Ubundi umukinnyi aba ateguriwe imipira ibiri(uwo ari bujyane kwishyushya[warm up] n’uwo ari bukinane) ndetse n’ikabutura imwe kuko iyo akinana niyo anakorana warm up.

Habayeho kwibeshya kuri Ngendahimana Eric bamutegurira ikabutura ya nimero 24 n’imipira 2 umwe wa nimero 24(utanditseho izina yagombaga kwishyushyanya) n’uwa nimero 25 (wanditseho izina yagombaga gukinana umukino).

Ngendahimana yagiye kwishyushya yambaye nimero zuhuye ikaburtura ari 24 n’umupira ari 24. Ngendahimana nawe akaba atarigeze agenzura ko nimero zihuye ahubwo yavuye kwishyushya ahita yambara umwenda yari yateguriwe wo gukinana wa nimero 25 unanditseho izina rye.

Ni ibintu bigoye kubyumva ukuntu abantu bose batigeze babona iri kosa kugeza umukinnyi yinjiye mu kibuga, gusa umuntu wese ubajije nta bisobanuro birenze ibi atanga.

Kuva u Rwanda rwagera muri Cameroun rwagiye rugaruka mu itangazamakuru cyane ahinini hashingiye ku myambaro, ari iyo bagiye bambaye yavugishije benshi, ubwo berekenaga imyenda bazakina bambaye nabwo ntibyuzweho ruwme kuko nko ku mwenda w’umunyezamu basibyeho Rwanda bandikaho amazina y’abakinnyi.

Yinjiye mu kibuga yambaye nimero zidahuye

Ni uko umwenda wari Eric Ngendahimana wari uteguwe ariko ntawabibonye

Ni urubanza aregwamo gutera imvururu n’imidugararo byabaye mu ntangiro z’uku kwezi ubwo abamushyigikiye bateraga inteko Ishinga Amategeko yaguyemo abantu bane.

Biriya bikorwa byananenzwe n’amahanga bavuga ko USA ihora yiyita umwarimu wa Demokarasi itari ikwiye kubamo ibikorwa nka biriya, byakurikiwe n’ibirego by’abagize inteko Ishinga amategeko muri kiriya gihugu ndetse byanashyigikiwe na bamwe mu bo mu ishyaka rimwe na Trump (Republicans).

Ubu abagize Inteko Ishinga Amategeko ku mpande y’amashyaka yombi (Democrats& Republicans) bahaye umwanya abazaburanira Trump kugira ngo bitegure bityo urubanza rukazaba tariki 08 Gashyantare 2021.

Donald Trump utarezwe bwa mbere dore ko hari ibindi birego yigeze gushinjwa ndetse Inteko Ishinga Amategeko igashaka kumweguza ariko Sena ya kiriya gihugu ikabimuhanaguraho.

Uyu muperezida waranzwe na byinshi ku buyobozi bwe, muri iki cyumweru ubwo Perezida Joe Biden yarahiraga, ntiyagaragaye muri uwo muhango kuko yari yamaze kuva muri White House.

Mu ijambo yavuze mbere yo kuva muri White House, Trump yavuze ko yahuye n’intambara itoroshye ariko ko yakoze ibishoboka akazinesha.

Perezida Donald Trump ubaye umwe mu baperezida bacye bayoboye manda imwe muri USA, yavuze kandi ko azagaruka mu buryo bumwe cyangwa ubundi.

UKWEZI.RW

Me Gatera Gashabana waburanye imanza zikomeye mu Rwanda ubu uri kunganira Paul Rusesabagina, yandikiye Urugereko rw’urukiko rukuru ruburanisha ibyaha mpuzamahanga, arumenyesha ko uburenganzira bw’umukiriya we buri guhonyorwa.

Biteganyijwe ko Paul Rusesabagina azatangira kuburana mu mizi ku wa Kabiri w’icyumweru gitaha.

Muri iyi baruwa ya Me Gatera Gashabana asaba ko itariki yo kuburanishirizaho umukiliya we ivaho.

Gashabana agaruka kuri buriya burenganzira bwangijwe ku mukiliya we nko kuba ngo atemererwa kwivuza kandi asanganywe uburwayi bwihariye ndetse ngo hari n’ibyo atemerewe gukora bimufasha gutegura urubanza nko gufatira inyandiko ze ndetse ngo akaba atemerewe gufata ikaramu n’urupapuro.

Uyu munyamategeko uzwi mu manza zikomeye zagiye zibaho mu Rwanda, yasabye ruriya rukiko gutegeka ko umukiliya we arekurwa nk’indishyi yo kuba yarambuwe uburenganzira ahabwa n’amategeko.

Ibi bisa nk’aho atari bishya kuko umuryango wa Rusesabagina, kuva yafatwa wakunze kuvuga ko afunzwe nabi ndetse ngo akaba atabasha kwivuza no kuvugana n’abo mu muryango we.

Leta y’u Rwanda yo yakunze guhakana ibi bivugwa, ivuga ko Rusesabagina afunzwe nk’abandi bafungwa kandi ko uburenganzira bwose yemererwa n’amategeko, abuhabwa.

IBYABA BIREGWA RUSESABAGINA :
1. Kurema umutwe w’ingabo utemewe cyangwa kuwujyamo,
2. Gutera inkunga iterabwoba,
3. Iterabwoba ku nyungu za politiki,
4. Gukora no kugira uruhare mu bikorwa by’iterabwoba,
5. Gutanga amabwiriza mu gikorwa cy’iterabwoba,
6. Kuba mu mutwe w’iterabwoba,
7. Kugambana no gushishikariza abandi gukora iterabwoba,
8. Ubufatanyacyaha ku cyaha cy’ubwicanyi buturutse ku bushake,
9. Ubufatanyacyaha ku cyaha cyo gufata umuntu ho ingwate,
10. Ubufatanyacyaha ku cyaha cyo kwiba hakoreshejwe intwaro,
11. Ubufatanyacyaha ku cyaha cyo gutwikira undi ku bushake inyubako,
12. Ubufatanyacyaha ku cyaha cyo gukubita cyangwa gukomeretsa ku bushake,
13. Ubufatanyacyaha ku cyaha cyo gushyira abana mu mirwano cyangwa ngo bakore imirimo ijyanye n’inshingano za gisirikare.

UKWEZI.RW