Category: Uncategorized

Abahoze bakinira ikipe y’igihugu y’u Rwanda mu mupira w’amaguru bibumbiye mu ishyirahamwe ryitwa FAPA(Former Amavubi Players’ Assoscition), bandikiye ibaruwa ifunguye Minisiiteri ya Siporo n’Ishyirahamwe ry’Umupira w’Amaguru mu Rwanda 'FERWAFA’, babashimira ibyakozwe ariko bagira n’ibyifuzo babagezaho.

FAPA ni ishyirahamwe ryigizwe n’abahoze bakinira ikipe y’igihugu y’umupira w’amaguru mu bihe bitandukanye, yashinzwe ku igitekerezo cya bamwe mu banyabigwi barimo Jimmy Mulisa, Jimmy Gatete, Eric Nshimiyimana n’abandi, rikaba rigizwe n’abagabo n’abagore bakiniye Amavubi.

Mu ibaruwa bandikiye Minisiteri ya Siporo na FERWAFA, bashimye uburyo ikipe y’igihugu yitwaye muri CHAN 2020 ndetse babasa abakinnyi gukora cyane kugira ngo ubutaha bazarenge aho bagarukiye.

Muri iyi baruwa bakomeje bavuga ko bazi neza icyo bivuze kwambara umwenda w’ikipe y’igihugu nk’u Rwanda rwashegeshwe na Jenoside yakorewe Abatutsi mu 1994, ubu rukaba ari intangarugero mu iterambere biturutse ku miyoborere myiza.

Bashimira Guverinoma y’u Rwanda by’umwihariko Perezida Kagame ku bwo kudahwema gutera inkunga siporo by’unmwihariko umupira w’amaguru aho anafungura amayira aganira n’inzego ziwushinzwe ku Isi, ikintu bafata nk’umusingi ukomeye kuri ruhago y’u Rwanda.

Ntibibagiwe n’abikorera bakomeje gushora imari yabo mu iterambere ry’umupira w’amaguru mu Rwanda.

Bavuze ko nyuma y’aho u Rwanda rutahabishije kubakira ku bikorwa byiza rwagezeho muri ruhago nko; kujya mu gikombe cy’Afurika cya 2004, igikombe cy’Isi cy’abatarengeje imyaka 17 cya 2011 muri Mexique, Rwanda B yatwaye igikombe cya CECAFA 1999, Rayon Sports, APR FC na Atraco FC zatwaye CECAFA, abahoze bakinira Amavubi basabye MINISPORTS na FERWAFA gutegura ibiganiro bizahuza abarebwa n’umupira w’amaguru bakigira hamwe 'Iterambere rirambye ry’umupira w’amaguru mu Rwanda’.

Bimwe mu byo bagarageje byaganirwaho ni;

 Kongera ibibuga by’imyitozo n’ibindi bikoresho by’ibanze nk’imipira yo gukina haba mu mashuri ndetse no hafi y’abaturage

 Gutegura umupira w’ibanze mu bato ndetse no mu mashuri ku nzego zose

 Gushyira ubunyamwuga mu miyoborere y’umupira ku nzego zose hifashishwa abahoze bawukina n’ababifitemo ubumenyi

 Gutanga amahugurwa y’abakora mu mupira w’amaguru ku nzego zinyuranye nk’abayobozi, abatoza, abasifuzi, abaganga, ndetse n’itangazamakuru rya siporo

 Gushyiraho uburyo bw’igenga bufite inshingano zo gutegura no kuyobora amarushanwa y’igihugu y’umupira w’amaguru mu byiciro bitandukanye

 Kwiga ku buryo bwo gushishikariza abafatanyabikorwa kwitabira gutera inkunga ibikorwa bya siporo z’abana ndetse n’abagore ku nyungu y’imibereho myiza y’abaturage

Iyi baruwa ikaba yasinyweho n’abanyabigwi 18 bahagaraiye abandi ari bo; Murangwa Eugène, Eric Nshimiyimana, Kayiranga Jean Baptiste, Jimmy Mulisa, Karim Kamanzi, Djabil Mutarambirwa, Mbonabucya Desire, Gatete Jimmy, Kamanzi Michel, Hakizimana Moussa, Karekezi Olivier, Bizagwira Léandre. Nshizirungu Hubert, Karera Hassan, Nyinawumuntu Marie Grace, Munyaneza Ashiraf, Kalisa Claude na Manamana Elias.

Abakiniye Amavubi basabye ibiganiro ku iterambere ry’umupira w’amaguru mu Rwanda

'Muhore mukenyeye kandi amatabaza yanyu yake,mumere nk’abantu bategereza shebuja aho agarukira ava mu bukwe, kugira ngo ubwo azaza nakomanga bamukingurire vuba. Hahirwa abagaragu shebuja azaza agasanga bari maso. Ndababwira ukuri yuko azakenyera, akabicaza akabahereza. Naza mu gicuku cyangwa mu nkoko agasanga bameze batyo, bazaba bahirwa. Kandi mumenye ibi yuko nyir’inzu iyaba yamenyaga igihe umujura azazira, yabaye maso, ntiyakunze ko inzu icukurwa. 40Namwe muhore mwiteguye, kuko Umwana w’umuntu azaza mu gihe mudatekereza.' Luka 12:35-40.

Mvugiye ibyo kugira ngo hatagira ubashukisha amagambo yoshya, kuko nubwo ntari kumwe namwe ku mubiri ndi kumwe namwe mu mutima, nishima kandi mbona gahunda yanyu nziza n’uburyo mushikamye mu byo kwizera Kristo. Nuko rero nk’uko mwakiriye Kristo Yesu Umwami wacu abe ari ko mugendera muri we, mushōreyeimizi muri we kandi mwubatswe muri we, mukomejwe no kwizera nk’uko mwigishijwe, mufite ishimwe ryinshi risesekaye. Abakolosayi 2: 4-7

Ntabwo umuntu ashyiraho urufatiro rw’inzu ngo ahite yinjira mu nzu, ahubwo hakurikiraho kubaka. ibintu bigora umwana w’umuntu mu busanzwe ni ugutegereza. biratugora mu busanzwe kuburyo hari igihe ushobora no kuvuga nabi mu rugo kubera gutegereza. Guhabwa isezerano no gusohora kwaryo harimo gutegereza.

Imana ntabwo ijya ikora ikintu idashyizemo gutegereza, igihe Aburahamu yaherewe isezerano ryo kubyara siho yabyariye, mu baheburayo batubwirako ko intwari zapfuye zizeye nanubu bagitegereje, mu isi y’umwuka gutegereza n’inshingano. Mu isi y’umwuka gutegereza n’ingombwa. Yesu yigisha aya magambo yayabwiraga ab’igishwa be ko bagomba gutegereza, kandi guhitanye abantu benshi kuko bananiwe gutegereza.

Uko ubona abantu bitwaye, bitewe n’ibyo bategereje, abo ubona barangaye, bitewe n’uko bo nta kintu bategereje, iyo bakubajije ko ibi nibi utabyishimira uzajye ubasubiza ko hari ibyo utegereje. .hari ukuza gutatu kwa Yesu mu isi, ukwambere yaje nk’umwana w’intama uko kwaraje, ukwakabiri niko dutegereje, aho aza gutwara itorero rye mu buryo bw’ibanga, ntazakandagira mu isi arirembuze rigende isi ihure nakaga gakomeye, ukwa gatatu azaza aje kwima ingoma. Ikibazo gihari nuko abategereje Yesu batiteguye nyamara Isi yo iriteguye.

Amarenga yo kugaruka kwa Yesu yarayaciye, iryambere uburyo Enoki yagiye mu ijuru ntiwabusobanura, gusa yarabuze abiwe baramutegereje baramubura, ubwa kabiri ku bwa Nowa Imana iramubwira iti 'Ngiye kurimbura isi nkoresheje umwuzure kandi nzagukirisha inkuge.' Icyo gihe nta mvura yagwaga kuko ibimera byakuzwaga n’ikime, ibyo byatumaga babishyira mu nyurabwenge ntibabyumve akabaza bamuseka kugeza n’aho hagwiriye imvura ikabarimbura.

Muri iki gice mu mirongo ibanza, Yesu abwira abigishwa be ko bakwiriye gutangaza ubutumwa bwiza. kandi ibintu byose bivugamo Yesu ntabwo ari ubutumwa bwiza, ubutumwa bwiza ni ubukemura ikibazo isi ifite ari cyo cyaha, kuko nta kindi kibazo isi ifite uretse icyaha kandi nta kintu cyakivura keretse ubutumwa bwiza aribwo Yesu Kirisitu. Anavuga ko tudakwiye gutinya icyo aricyo cyose mugihe tubutangaza ahubwo dukwiriye gutinya uwica ubugingo n’umubiri akabimanura muri gihenomu.

igice cyakabiri arimo kuvuga ko dufite ubutware ku butunzi n’ibintu. Ibyananiye abantu twebwe tubifiteho ubutware, ntiducumuzwa na byo. Ibintu byaremwe mbere y’umuntu umuntu aremwa aje kubitegeka, ntabwo aribyo bigomba kumutegeka. Abatubwira ko tutazi kubyishima mo, biterwa nuko twajijutse tukamenya ibyo dutegereje. Ab’isi bigwizaho ibintu ariko bikabatera umuvumo kandi bikabasebya kuko ntacyo bategereje. Uhereye ku murongo wa 30 ari kutubwira ko dukwiriye kugira ubutware kugihe.

Satani we ngo aba azerera mu isi kandi ntabwo we apfusha igihe ubusa. Ariko itorero ryo ntiriri kubyaza igihe umusaruro, rirangaye bamwe amasaha menshi bayahariye watsapu, you tube ndetse no materairo usanga bahuze. Umuntu wese mu isi Imana yamugeneye igihe, hari abakimaze mu bitaro, abandi mu bigo by’abamugaye, ariko wowe igihe cyawe Imana yakiguhaye ubasha gukora no kujya aho ushaka hose none uri kukimaza iki? Dufite ubutware bwo gutegeka ibintu, igihe rero ntibikwiye kudutegeka ngo twibagirwe Imana ya biduhaye, ndetse ngo tubirutishe ubugingo buhoraho.

Benedata mushorere imizi muri Kristo kuko muriwe ariho Imana yashyize ubwuzure bwose bw’ubumana. Amazina yose duhamagara Imana kuberaibyo idukorera yabishyize muri Kirisitu Yesu, iyo uhamgaye Yesu byose uba ubihamgaye. Ntahandi tugomba kubishakira kandi nta mpamvu yo gutunga Imana iy’igice hari aho umwuzuro wayo uri, 'Ni muri Kirisitu Yesu'.

By Jean Jacques Karayenga

source: cepurhuye.org

[email protected]

Mu itorero rya mbere twese dukwiye kwigiraho, Bibiliya ivuga ko nta mukene wababagamo. Igira iti' Nta mukene wababagamo, kuko abari bafite amasambu bose cyangwa amazu babiguraga, bakazana ibiguzi by’ibyo baguze bakabishyira intumwa, na zo zikabigabanya abantu, umuntu wese agahabwa icyo akennye. Ibyakozwe n’Intumwa 4: 34-35

Ese muri iki gihe hari itorero dushobora gusangana izo ndanggaciro?, waba waramenye se ko Imana yashyize abakene mu nzira ngo tubakorereho umugisha? Turagaruka ku mategeko 2: Gundisha Imana umutima wose no gukunda mugenzi wawe nkuko wikunda.

Nta na kimwe tubuze ngo umukene yitabweho, kuko abakire bose baramutse bamenye ko gutanga bizana umugisha kuruta guhabwa abakene bose barara bariye. Abapfakazi n’imfubyi bagira aho baba, ariko umwuka wo kwikunda ukumva ko wahora ubireba byuzuye imbere yawe ubyitirirwa, binadukurikirana no mu rusengero/ mu itorero bigatuma umukene atitabwaho.

Iyi ni ingingo yagarutsweho na Pasiteri Habyarimana Desire, mu nyigisho yatambukije kuri Agakiza Tv. Ni mu ruhererekane rw’ibiganiro bigaruka ku ‘Kwizera’, aho tugaruka ku ijambo Yesu yavuze ngo ” Umwana w’umuntu naza azasanga kwizera kukiri mu isi?”.

Agakiza katari ko, kubura ku rukundo mu bantu, imbuto zigenda zibura mu bantu noneho ukagerekaho no kutita ku bakene, ni bimwe mu bimenyetso bigaragaza ko kwizera kurimo gukamuka mu bantu.

Pasiteri Desire ati' Hari igihugu kimwe nagiyemo( Quatar), mu makuru nakiriye yantangaj baravuze ngo ni igihugu kitagira umukene n’umwe!.

Ntabwo ari abakristo ni abayisilamu, bafashe indangagaciro za gikristo, bafata amahame meza ya Bibiliya bayinjiza mu buzima bwabo bitanga umusaruro mwiza w’uko nta mukene numwe ubabamo. Abakire bose bahirimbanira kujya gufasha umukene, none twebwe n’ibyabakene turabirya'.

Iyo urebye ukuntu abakene bafashwe muri sosiyete, batunzwe n’utuvungukira!. Ibihugu biteye imbere bitungisha ibihugu bikiri mu nzira y’amajyambere utuvungukira , kandi bakadukurikiza amahame akomeye atari no mu muco wacu. Abakire nabo bagize umugisha bagatera imbere batungisha utuvungukira abo basize mu byaro.

Muri rusange twavugaga hanze, ariko mu rusengero ho iyo urebye uko abakene bitabwaho birababaj!

Pasiteri Desire ati' Nigeze gukora inkuru ndahaguruka njya mu matorero akomeye muri Kigali mbaka bidget y’umwaka, narebaga ibintu 2: Liblique y’ivugabutumwa, n’iyo gufasha abakene. Uziko abakene badafashwa!, uziko wabonaga abantu binjije nka miliyoni Magana ugasanga abakene nta miliyoni bahawe. Yakobo yaravuze ngo itorero rizima ni iryita ku mfubyi n’abapfakazi mu mubabaro wabo.

Uziko umuntu atanga icyo yaratezeho amaramuko( Inkweto, imyenda) tukumva ntacyo bitubwiye!. Mu rusengero niho umuntu yakagombye kuza agahabwa ibyuzuye mu bice 3: Mu mwuka, mu marangamutima no mu mubiri.

Yesaya yaravuze ngo nimusenga mwibuke ko ibyo mwari gufungura mukwiye kubifashisha abakene bakarara bariye. Dufite amatorero ahora mu masengesho, ko tutarabona ibyo bari kurya babiha abakene?, hubwo barabibika ngo bazabisorezeho amasengesho. Muri zaburi havuga ko umuntu wita ku bakene Imana izamubyukiriza uburiri arwaye, Imana izamwitaho, Imana izamuha umugisha.

Imana yashyize abakene mu nzira yacu ngo tubakorereho umugisha

Kimwe mu bigaragaza ko kwizera kugenda gushira mu bantu, ni ukwizirikana, ni ukwikunda ntitube tukibona abakene bo muri twe. Ku batekereza ko kujya mu rusengero atari ngombwa ko ngo aho gutanga icyacumi n’amaturo bashobora kubisimbuza gufasha abakene bo hanze, ni ukwibeshya cyane uko siko kuri.

Urusengero ni umuryango kandi umukristo ajya mu rusengero kubera ibintu 2: Icyo ahafashirizwa mu mwuka, mu marangamutima no mu mubiri, Ikindi ni icyo ahakora.

Umuntu rero ashobora gutanga mu rusengero kandi agafasha n’abakene. Yesu yaravuze ngo ibyo mubikore ariko na byabindi ntimubyibagirwe. Niba ugize umugisha wo kubona amafaranga sibyiza kubanza kwihuta ujya gusiba ibirarane wagize.

Ukwiye kumenya ngo aya ni ayantunga, aya ni ayo nshobora gushora, aya ni ayo ngomba gukorehsa mu rusengero, aya ni ayo ngiye gufashisha abakene. Ntabwo Imana ishobora kugusaba ibirenze ibyo yaguhaye, ariko ibyo yaguhaye ubyitwaramo ute?

Gufasha abakene bikwiriye gukorwa, n’indi mirimo yose mu rusengero igakomeza. Ariko nanone abantu batanga bagirwa inama ko bakwiye gushyigikira umurimo bemeranya nawo ko ari umurimo w’Imana. Umurimo utemeranya nawo ko ufitanye isano n’ubwami bw’Imana, ushobora kuba urimo gufana, ushobora kuba urimo gushyigikira idini ryawe…

Uyu mukene turimo kuvuga we akwiye kuba abayeho ubuhe buzima, ubwo bukene abuterwa n’iki, agaragara gute mu itorero kandi akwiye gufatwa ate mu itorero?

Umuntu akwiye kumenya ngo ubu bukene bwo bushingiye kuki?. Ubukene buterwa n’ibintu byinshi: Hari abakena kubera umuvumo, kubera ubunebwe, kubera ishuli ry’Imana barimo. Hari igihe umuntu akena mu mwuka, mu marangamutima, no mu bitekerezo. Ibyo uzabimenya kuko wasabanye n’Imana uri muri benedata, ukijijwe.

Hari urugero rwiza muri Bibiliya: Igihe Sawuli yatakazaga indogobe akajya kuzishaka n’umukozi we iwabo, Samweli Imana yaramubwiye ngo 'Umuntu ugiye kuza afite inzara, umutegurire ukuguru( Kwi nka) n’ibyako’. 1Samweli 9:1-27, Ukuntu Sawuli Imana yamukemuriye ibibazo :

Yabanje kumugaburira bukeye imumenyesha ko azaba umwami, bukeye nanone umunsi wo gutaha Samweli aramubwira ngo urahura n’itsinda ry’abahanuzi umutinma wawe urahita uhinduka ukundi umwuka w’Imana akwinjiyemo. Urumva byahereye mu mubiri, mu marangamutima bigera no mu mwuka.

Umukene uje mu rusengero akwiye kubanza gukorerwa iby’ibanze, niba adafite ibyo kurya, kwambara icumbi… akabihabwa ibindi bikazakurikiraho.

Abakene bafatwa nka Lazaro

Umukene ntagira igitekerezo. Mu banyamatorero, umukire iyo ashatse kuza kuba umuyoboke w’itorero kumwigisha umubatizo ntibigorana ni kuri telephone, pasiteri amusanga mu rugo. Niyo atateranye uwo munsi baramuhamagara bakamubaza impamvu ataje gusenga, kandi abatizwa korari zamurambagije agahita ajya mu nama nyobozi, ejo ashobora guhita aba n’umushumba.

Uwo mutima ntabwo ari uwa Yesu kuko we imitima ayifata kimwe, hanyuma ibindi bikaza nyuma. Umukene ntagira igitekerezo na Yesu yarabivuze mu nyigisho ' Ngo iyo haje umukire mumwereka intebe nziza, ngo haza umukene mukamubwira muti wowe icara ku birenge, cyangwa hagarara hariya’. Ni ukuvuga ngo umukene nta fite umwanya mu isi, no mu murusengero ntahafite umwanya. Nta gitekerezo cy’umukene cyagenderwaho n’ubwo yaba ari umunyabwenege ate!.

None bashumba/ bakristo benedata, uyu muntu impano ze zizagaragara ryari? Ko ashobora kuba akennye iby’umubiri ariko mu mwuka ameze neza?. Ko Pawulo yavuze ngo 'Tugaragara nk’abakene tukaba dutungishije benshi?. Inshingano y’abanyamatorero n’abafite ubushobozi mu bayoboke babo, bakwiye gufasha uwo mukene akubakwamo ubushobozi bwo kuba uzafasha abandi mu gihe gikurikiyeho.

Ni ihame rikwiye kugenderwaho, iyo ufashije umukene uba umwubatsemo kuzafasha uri munsi ye, undi agafsha undi uri munsi ye hanyuma tukazisanga nta mukene uturimo. Abakene nabo ntabwo bakwiye kumva ko mu rusengero ariho bazamarwa ubwo bukene, cyangwa ko kuba bakennye ari byo byabahesha kuzajya mu bwimi bw’Imana. Ubukene bwa mbere ni ukutagira Yesu, ikibanze ni ukubanza kubakiza ibyaha ibindi biza ari inyongera.

Reba hano iki kiganiro cyose: Icyo Pastor Desire H. asaba abashumba n’abakristo muri kino gihe/bimwe mu bitera ubukene/ubushomeri

Source: Agakiza Tv

[email protected]

Uyu muti wagejejwe mu Rwanda muri Mutarama mu rwego rwo gushyigikira izindi ngamba zariho mu kwita ku banduye COVID-19.

U Rwanda rwakiriye doze zigera ku 18.000 z'uyu muti wa Favipiravir, ndetse watangiye gukoreshwa ku barwayi barembye hirya no hino mu gihugu.

Umuyobozi Mukuru wa RBC, Dr Sabin Nsanzimana, yavuze ko kuva uyu muti waza umaze kugaragaza ibimenyetso byiza mu kuvura abarwaye COVID-19, nkuko The New Times yabitangaje.

Yagize ati 'Umuti urakora neza. Turi kuwukoresha ku barembye kandi biri gutanga umusaruro. Nk'urugero, iyo umurwayi afite ibimenyetso nko kubabara umutwe n'umunaniro bahawe uyu muti, uburyo bari bameze byarahindutse baroroherwa.'

Uretse uyu muti, u Rwanda ruri no gushakisha ubundi buryo bwisumbuyeho bwo kuvura abarwayi ba COVID-19. Minisiteri y'ubuzima iherutse gutangaza ko hashobora gutangira gukoreshwa n'undi muti uzwi nka Monoclonal Antibodies mu kuvura COVID-19.

Monoclonal Antibodies ni umuti ukorerwa muri laboratoire wongerera umubiri ubudahangarwa mu guhangana na virusi ziwinjiramo.

Umuti wa Favipiravir ni umuti uca intege virusi binyuze mu kuyibuza kwikuba, aho wica ibyabashaga kuyitunga bikayigora kubaho mu muntu.

Uyu muti wakozwe n'ikigo cyo mu Buyapani cyitwa Fujifilm Holdings Corporation, gifite icyicaro i Tokyo. Wemejwe bwa mbere mu 2014 mu kuvura icyorezo cy'ibicurane byariho icyo gihe ndetse ukoreshwa na nyuma mu bwoko bushya bw'ibyo bicurane. Kuri ubu umuti ukaba warongeye kwemezwa mu gufasha mu buvuzi bwa COVID-19.

Ku makuru yatanzwe n'Ikigo cya Leta Zunze Ubumwe za Amerika gishinzwe amakuru ku by'imiti, umuti wa Favipiravir wakoreshejwe bwa mbere mu kuvura SARS-CoV-2 (COVID-19) muri Wuhan aho icyorezo cyahereye.

Ubwo icyorezo cyarushagaho gukwirakwira mu Burayi, uyu muti watangiye gukoreshwa nk'ubutabazi bwihuse mu Butaliyani, ukaba unakoreshwa mu Buyapani, u Burusiya, Ukraine, Uzbekistan, Moldova na Kazakhstan. ngo Uherutse no kwemezwa muri Arabie Saoudite ndetse no muri Leta Zunze Ubumwe z'Abarabu.

Mu bushakashatsi bwasohotse kuwa 14 Ukuboza 2020, bukozwe n'Ikigo cya Leta Zunze Ubumwe za Amerika gitanga amakuru ku miti, bwagaragaje ko Favipiravir na wo ari umuti wizewe wakoreshwa mu gufasha mu buvuzi bwa COVID-19.

Umuti wa Favipiravir wagaragaje ko utanga icyizere mu kuvura abarwayi barembye ba COVID-19

Amakuru avuga ko ku wa Gatanu tariki 5 Gashyantare 2021, ari bwo aba bakozi ba CMI, bafashe aba banyarwanda bari basanzwe ari abacuruzi mu murwa mukuru w'icyo gihugu, Kampala.

Bivugwa ko Munyurangabo na Mugisha bafashwe n'abakozi ba CMI batari bitwaje urwandiko rutegeka ko batabwa muri yombi cyangwa indi nyandiko yemewe n'amategeko, bahatirwa kuva mu modoka zabo bari barimo bahita bashyirwa mu zindi z'urwo rwego bajyanwa shishi itabona.

Munyurangabo yari umucuruzi uzwi mu Mujyi wa Kampala aho yakoraga ibijyanye na restaurant n'akabari kazwi cyane nka Pyramid i Kansanga, mu nkengero z'umujyi wa Kampala.

Ni mu gihe Mugisha we yafatanyanga na Munyurangabo aho yari umuyobozi wa 'Pyiramid Bar and Restaurant'.

Ni ahantu hari hamenyerewe ko Abanyarwanda cyangwa Abanya-Uganda bafite inkomoko mu Rwanda, bagakunda kuhasohokera cyane, ariko n'Abagande benshi bakaba bakundaga kujya gufatiramo amafunguro n'ibyo kunywa.

Umurinzi w'aka kabari yabwiye Virunga Post dukesha iyi nkuru, ko atumva icyo abayobozi be bazize ati 'Aka ni akabari gasanzwe gusa nk'akandi ako ariko kose muri Kampala.'

Mu ntangiro z'ukwezi gushize, na bwo undi mucuruzi w'Umunyarwanda wari ukomeye mu Mujyi wa Kampala, Napoleon Rebero, yaburiwe irengero nyuma yo gufatwa agatabwa muri yombi binyuranyije n'amategeko, bikozwe na CMI.

Rebero yari afite iduka mu gace k'ubucuruzi ka Kikuubo mu mujyi rwagati wa Kampala. Yajyanywe hamwe n'umugore we, ariko nyuma yiminsi ine umugore ararekurwa. Rebero akomeza gufungwa mu buryo butemewe n'amategeko.

CMI ishinja aba bacuruzi 'kuba ba maneko b'u Rwanda'.

Ibirego nk'ibi ni byo bishinjwa abanyarwanda amagana n'amagana b'inzirakarengane bitewe n'umugambi wa Perezida Museveni wo gushyigikira abashaka guhungabanya umutekano w'u Rwanda yagize kuva kera.

Museveni yahaye inshingano CMI zo gukorana n'umutwe w'iterabwoba wa RNC ya Kayumba Nyamwasa, hamwe n'andi matsinda arimo FDLR y'abasize bakoze Jenoside yakorewe Abatutsi mu Rwanda, kugira ngo bakore uko bashoboye bahungabanye umutekano w'u Rwanda, n'ubwo byabaniranye.

Bumwe mu buryo CMI na RNC bakoresha mu kugerageza ibikorwa byabo harimo gushimuta Umunyarwanda wese wishoboye cyangwa ufite ikindi gikorwa muri Uganda, ariko akaba adashyigikiye ibikorwa by'imitwe y'iterabwoba nka RNC.

Uburyo bakoresha ni ugushimuta inzirakarengane zigakorerwa iyicarubozo kenshi, zigahatirwa kwinjira muri RNC, babyanga bakajyanwa muri kasho za CMI, ndetse bamwe bakajyanwa gutorezwa I Minembwe muri Repubulika Iharanira Demukarasi ya Congo.

Urwitwazo rwo gushimuta aba Banyarwanda rukunze guhuzwa no 'Kwinjira mu gihugu bitemewe n'amategeko cyangwa kuba muri Uganda mu buryo butemewe n'amategeko', ariko iyo witegereje usanga abanyarwanda hafi ya bose bafatwa baba bafite ibyangombwa, abandi babaye muri Uganda imyaka myinshi ndetse rimwe na rimwe banahafite imiryango.

Icyamaze kugaragara ni uko mu gihe CMI iba igerageza gufata abanyarwanda basa nk'abishoboye aho muri Uganda, akenshi iba igamije kubasaba gutera inkunga ibikorwa bya RMC, babyanga bagahera ubwo batotezwa.

Ikindi iyo ubakurikiranye bose, usanga ibyo bashinjwa bifitanye isano ya hafi kandi bijya gusa, kuko bose nta kindi bashinjwa kitari 'kunekera u Rwanda cyangwa gutunga imbunda mu buryo butemewe'. Abantu benshi bagiye bashinjwa ibyo byaha barimo n'uzwi cyane, Rene Rutagungira wakorewe iyicarubozo n'ibindi bikorwa bibabaza umubiri. Kuba ibyo byaha bikunze kuba bisa, ni icyerekana uburyo uyu ari umugambi mugari wateguwe na Leta ya Uganda.

Mu by'ukuri ariko, nta na rimwe Uganda irajyana mu nkiko Umunyarwanda muri aba batabwa muri yombi ngo ahamwe n'ibi byaha baba babashinja. Abantu nka Rutagungira bagiye bahohoterwa bakajyanwa mu rukiko rwa gisirikare mu buryo bunyuranyije n'amategeko cyane ko ari umusivile.

Ikindi kimaze kwigaragaza muri ibi bikorwa, ni uko abanyarwanda benshi batabwa muri yombi mu buryo butemewe n'amategeko muri Uganda, n'iyo bamaze kugera muri kasho, bategereza igihe kinini mbere yo kugezwa imbere y'ubutabera, ndetse abenshi ntibanagezwa imbere yabwo burundu.

Bafite n'uburyo bumwe bafata aba banyarwanda, aho abakozi ba CMI bagenda bakazenguruka umuntu, bakamufata bakajugunya mu modoka zabo zifite ibirahure byijimye, ubundi bakamujyana muri kasho zayo, agakorerwa iyicarubozo, agafungirwa ahantu hatemewe, kandi nta bimenyetso bimushinja bitanzwe.

Leta y'u Rwanda imaze imyaka igaragaza ko ibi bikorwa bigayitse byo gufunga bya hato na hato abaturage bayo, ndetse muri Werurwe 2019, yanateye intambwe yo gusaba abanyarwanda kwirinda kujya muri Uganda.

Nyuma yaho, Angola yinjiye mu bibazo by'u Rwanda na Uganda itangira ubuhuza mu biganiro ku mpande zombi ndetse biza kuvamo amasezerano yiswe aya Luanda, akubiyemo ingingo zigaragaza uburyo bwo kongera kuzahura umubano hagati y'ibi bihugu bibiri by'ibituranyi.

N'ubwo aya masezerano yari yashyizweho umukono na Perezida wa Uganda, Yoweri Museveni ndetse n'uw'u Rwanda, Paul Kagame, igihugu cya Uganda kibinyujije muri CMI, cyakomeje gukora ibikorwa byo gufunga abanyarwanda mu buryo butemewe no gukorera iyicarubozo.

Ku rundi ruhande, iyo abo banyarwanda bifashije bamaze gufatwa bagafungwa, bagateshwa utwabo, akenshi usanga abakozi ba CMI basubira inyuma bakirara mu mitungo yabo, irimo amazu, imodoka n'imirima bakabitwara.

Abanyarwanda bakorera Kampala babayeho mu bwoba bwo gushimutwa na CMI