Category: Uncategorized

Hashize iminsi aborora ingurube mu turere dutandukanye bataka igihombo bari gutezwa n'iyi ndwara ifata ingurube mu minsi ibiri igahita ipfa. Ni indwara imaze kwica ingurube zirenga 320 nk'uko bitangazwa na RAB, ikaba yaragaragaye mu turere twa Nyagatare, Kayonza, Rwamagana, Kamonyi, Rubavu no mu Mujyi wa Kigali.

Iyo ndwara itera umuriro mwinshi ingurube, igacika intege mu ngingo ikananirwa guhagarara, uretse ibi kandi ngo igatangira kuzana utuntu tw'amaraso ku matwi ku buryo mu minsi ibiri ihita ipfa.

Umuyobozi w'Ishami ry'Ubworozi muri RAB, Dr Ndayisenga Fabrice, yabwiye IGIHE ko urukingo ruje gukumira indwara rukanatanga umutekano ku borora ingurube hirya no hino mu gihugu.

Yavuze ko dose imwe ari 900 Frw nibura ingurube imwe isabwa guterwa ebyiri kugira ngo igire ubudahangarwa bwo guhangana n'iyi ndwara.

Ati 'Urukingo ruje gukumira iyi ndwara, ruratuma aborora ingurube bagira umutekano ariko nakongeraho akantu kuko urukingo rutazakumira izindi ndwara zituruka ku bororera ingurube mu mwanda, turakumira iyi ndwara ariko hari n'izindi zishobora kwibasira ingurube zabo cyane cyane izituruka ku mwanda.'

Yakomeje avuga ko aborozi b'ingurube basabwa kugira ubwirinzi ku matungo yabo ngo kuko nibatayarinda bizajya bibatwara amafaranga menshi bakingira indwara zitandukanye.

Ati 'Aho bororera ntabwo abantu bagomba kuhajagajaga uko biboneye bagomba kugira isuku yaba ku bakozi naho ingurube ziba, abantu benshi bazi ko ingurube ziba mu mwanda si byo, bazigaburira umwanda wasigaye muri restaurant kandi si byo bakagombye kuzigaburira ibintu byiza kandi bakazirinda kugera ku mwanda kuko niho zandurira izo ndwara zose.'

Dr Ndayisenga yasabye kandi aborozi b'ingurube kugana ubwinshingizi bw'amatungo ngo kuko leta ibatangira 40% bo bakiyishyurira 60% yavuze ko ibi bibafasha mu gihe haje indwara runaka ikabicira ingurube ngo kuko bahita bashumbushwa mu buryo bworoshye bigakuraho igihombo bari kuzagira.

RAB yatangiye gukingira indwara ya “Rouge” ingurube zo mu bice bitandukanye by’igihugu

Urukingo rumwe ruri guhabwa ingurube rugura amafaranga 900 Frw

Abafashwe bari bize amayeri yo kujya muri restaurant akaba ari ho banywera inzoga.
Umuvugizi wa Polisi mu Ntara y'uburengerazuba, CIP Karekezi Bonaventure, yavuze ko ibyakozwe n'aba bantu bitemewe.

Ati ''Ntabwo restaurant ari akabari, ibi ni ukurenga ku mabwiriza kandi mwarangiza mukegerana. Ibi ni ugukwirakwiza icyorezo nta kindi nababwira, mugomba kubahiriza amabwiriza ya leta n'abaganga agamije kwirinda covid-19 kuko ntireba imyaka, ntawe itahitana''.

Yaboneyeho kwibutsa abaturage ko kunywa inzoga bitabujijwe, ikibujijwe ari aho kuzinywera. Ati ''Ntabwo kunywa bibujijwe, ukeneye inzoga azijyana iwe utubari turafunze. Ntabwo Polisi izihanganira abarenga ku mabwiriza ya Leta”.

Ku ruhande rw'abafashwe basabye ko aho bafatiwe hafungwa kuko ari ho habateza kugwa muri aya makosa.

Abafashwe barimo kwica akanyota ubona nta cyo bitayeho

Iyi restaurant banyweragamo Polisi yasabye ko ifungwa

Abafashwe bari kunywa bagera ku 103

Aba bantu bari begeranye cyane

Polisi yagiriye inama abafashwe nk’uko bisanzwe bigenda

Amakuru y'uko uyu mwana yatawe muri ubu bwiherero yamenyekanye ku mugoroba wo kuri uyu wa Kabiri taliki 9 Gashyantare 2021, ubwo Urwego rwunganira Akarere mu gucunga umutekano Dasso rukorera mu Murenge wa Gacaca rwahabwaga amakuru n'abaturage bahanyuraga ko haba harimo umwana waririragamo.

Umunyamabanga Nshingwabikorwa w'Umurenge wa Gacaca, Anaclet Habinshuti, iri shuli riherereyemo, yemeje aya makuru avuga ko kuri ubu uru ruhinja rwajyanwe mu Bitaro bya Ruhengeri kandi ko rumeze neza nta kibazo tugaragaza.

Ati ” Byamenyekanye ku mugoroba Dasso zikora ibishoboka zimukuramo akiri muzima, ubu ari kwa muganga ariko nta kindi kibazo yari yagaragaza ameze neza, inzego zibishinzwe zatangiye iperereza ngo hamenyekane uwaba yabikoze kuko ntawe turakeka kuko n'iryo shuri ntabwo rizitiye n'ababa bari inyuma yaryo babikora.'

Uru ruhinja bigaragara ko rumaze iminsi mike ruvutse, ruri kwitabwaho mu Bitaro bya Ruhengeri ngo harebwe niba nta kindi kibazo gikomeye rwaba rwahuye nacyo nyuma yo gukurwa mu Kigo Nderabuzima cya Karwasa cyarwakiriye mbere.

Uruhinja rwatangiye kwitabwaho ngo harebwe niba nta kibazo gikomeye twahuye nacyo

Umutoza w’ikipe y’igihugu y’u Rwanda, Mashami Vincent avuga ko nyuma yo kunganya n’ikipe ya Maroc benshi mu banyarwanda batabyumvaga ariko nyuma y’uko itwaye igikombe babonye ko inota rimwe bayikuyeho rihagije.

Uyu munsi hari habaye ikiganiro n’itangazamakuru, hagarukwa ku rugendo rw’ikipe y’igihugu Amavubi muri CHAN 2020 yabereye muri Cameroun aho yagarukiye muri ¼ cy’iri rushanwa.

Mashami yasobanuye byinshi ku myiteguro y’ikipe y’igihugu ndetse akomoza umukino ku mukino.

Avuga ko ari amahirwe kuba baranganyije na Uganda umukino ufungura irushanwa byabafashije cyane kuko iyo bawutsindwa byari kuba bibi.

Ku mukino wa Maroc na wo banganyije 0-0, umutoza Mashami yavuze ko abantu nyuma y’uyu mukino abantu batabyumvaga ariko nyuma yo gutwara igikombe ndetse u Rwanda kikaba ari cyo gihugu cyonyine kitigezwe gitsindwa na Maroc babyumvise.

Ati'twaganyije na Maroc. Wenda icyo gihe ntabwo abantu babyumvaga ariko Maroc yitwaye neza, urebye uko yitwaye mu mikino ikurikiyeho mu by’ukuri biraduha icyizere ku ikipe yacu.'

Maroc yatwaye igikombe itsinze imikino yayo yose uretse Amavubi banganyije 0-0. Batsinze Togo 1-0, batsinda Uganda 5-2. Muri ¼ batsinze Zambia 3-1, ½ batsinda Cameroun 4-0 ku mukino wa nyuma batsinda Mali 2-0.

Yavuze kandi ko bababaye gusezererwa kuko ikipe yari afite itari ikwiriye kuviramo muri ¼ cya CHAN batageze ku mukino wa nyuma.

Ati'Ntabwo ndibusubire ku mvune, sindi busubire ku ikarita ya Olivier buri umwe afite uko yabibonye gusa icyo navuze ni uko tutari ikipe ibereye kugarukira hariya, nibyo twabwiraga abakinnyi twababwiraga ikipe dufite igomba kubona ibirenze ibyo twabonye ariko niko umukino wagenze.'

Yavuze ko ari ibyagenze neza cyangwa ibataragenze neza ari amasomo akomeye bakuyemo azabafasha mu marushanwa ari imbere.

Mashami Vincent avuga ko ibyabaye ku mukino wa Maroc benshi batabyumvaga

Aba bose uko ari 103 bajyanywe muri stade ya Rubavu kugira ngo bibutswe amabwiriza yo kwirinda iki cyorezo.

Umuvugizi wa Polisi mu Ntara y’Uburengerazuba CIP Bonaventure Twizere Karekezi, yagarutse ku byatangajwe na bamwe muri bariya bavuga ko bafatiwe mu kabari bari gufata amafunguro aho kunywa inzoga nk’uko ari byo bazize.

Aganira na Kigali Today dukesha iyi nkuru, yavuze ko abantu bakwiye kureka urwitwazo kuko amabwiriza akubiye mu byemezo by’Inama y’Abaminisitiri iheruka asobanutse.

Yibukije ko ariya mabwiriza avuga ko utubari tuzakomeza gufunga ndetse n’inzu zicuruza amafunguro (Restaurants) zemerewe gutanga amafunguro ariko ababihawe bakabijyana ntibabirire aho zikorera.

Uyu muvugizi wa Polisi mu Ntara y’Iburengerazuba, avuga ko abenshi mu bafashwe ari urubyiruko.

Ati 'Kandi rwagombye kuba badufasha kubahiriza amabwiriza yo kwirinda icyorezo cya COVID-19. Turabasaba kwirinda icyorezo kuko kica kandi ntitwifuza kubura abacu. Polisi ntizihanganira abica amabwiriza. Ntitubuza abantu kunywa inzoga ariko ntibyemewe kuzinywera mu kabari, kimwe n’amafunguro abayashaka bayajyana mu rugo.”

Abafatiwe mu tubari bo bisobanuye bavuga ko bari bagiye kwica isari ariko bakumva amafunguro atamanuka ntacyo bayamanuje akaba ari byo byatumye bafata n’inzoga zo kuyamanuza.

Gusa bavuga ko kugira ngo na bo badakomeza kugwa mu mutego wo kurenga ku mabwiriza yo kwirinda icyorezo cya COVID-19, inzego z’umutekano zikwiye gufunga utubari kuko iyo akabari gafunguye ari bwo bagwa mu moshya yo kujya kutunyweramo.

Photo : Kigali Today

UKWEZI.RW

Aba borozi bemeza ko iki kibazo kimaze igihe ariko ko cyarushijeho kwigaragaza mu gihe cyo guhangana n'ikwirakwira ry'icyorezo cya Covid-19.

Abaganiriye na IGIHE, basaba inzego zibishinzwe kubashakira amasoko ahagije boherezaho umusaruro uturuka ku mata kuko kugeza ubu hari litiro zisaga ibihumbi 10 zangirika buri munsi.

Perezida wa Koperative I.A.KI.B ikusanya ikanagura umusaruro mwinshi w'amata mu Karere ka Gicumbi, Uzabakiriho Gervais, yavuze ko nubwo Akarere kagerageje kubashakira amasoko mu Bigo mbonezamikurire byo muri aka Karere, bagikeneye ko haboneka isoko rihagije kuko ubu hakiri umusaruro utari muke wangirika.

Yagize ati “Twe muri koperative twakira litiro zigera ku bihumbi 40 ku munsi, Inyange yatuguriraga igatwara ibihumbi 20 gusa kuko iba iratwara n'ayo mu Mutara, izindi zose zarangirikaga; niko byatugendekeye mu kwezi kwa mbere kose.'

“Ubu turi kugemurira ibigo mbonezamikurire ariko nabwo hari umusaruro tutarabonera amasoko kuko hari iminsi tutagemura bikaba ngombwa ko ayo mata abogorwa”

Akomeza asaba inzego bireba ko zabashakira amasoko ahagije yakira uyu musaruro. Ati”Icyo dusaba leta, ni uko twabona uruganda rwakira uyu musaruro cyangwa andi masoko ahagije kuko hari litiro zirenga ibihumbi 10 tutarabonera isoko yangirika buri munsi.”

Harerimana Jean de Dieu ni umworozi akaba n'ucunda nawe yagize ati “Ubu ikintu turi gukura mu bworozi bw'inka ni ifumbire gusa naho amata nta kigenda kuko udafite ingurube ubu ari kuyabogora (kuyamena) kuko n'umuturage uri kuyamuhera ubuntu akakubwira ko n'ayo wamuhaye mbere atarayamara.”

“Njye nkoresha nk'ibihumbi 13 ku munsi mu bworozi bwanjye ariko turi mu gihombo kuko tugemura mu gitondo gusa hakaba igihe amaze nk'icyumweru batayavoma bakayabogora ngo yapfuye kandi yari mazima”

Umuyobozi w'Akarere ka Gicumbi, Ndayambaje Félix, yavuze ko muri aka karere haboneka umusaruro mwinshi w'amata ariko kuri ubu wabonewe isoko kuko basigaye bayaha abana bo mu bigo mbonezamikurire n'ubwo adahuza n'aba borozi bavuga ko iri soko ridahagije kuko hakiri umusaruro wangirika.

Ati ” Byagaragaye ko hari umusaruro w'amata ugera kuri litiro 28629 atari afite isoko ariko mu kwishakamo ibisubizo no kurwanya imirire mibi n'igwingira mu bana bato, ubu umusaruro w'amata yangirikaga usigaye uhabwa abana bato mu bigo mbenezamikurire birenga 1000, tuzakomeza gushaka igisubizo kirambye haba iri no mu bigo by'amashuri n'ahandi”

Umuyobozi Mukuru muri Minisiteri y'ubuhinzi n'ubworozi ushinzwe ubworozo, Dr Théogène Rutagwenda, yavuze ko habaye hashatswe igisubizo cyo mu gihe gito ariko bategereje uruganda ruteganyijwe kubakwa muri aka karere ruzatanga igisubizo kirambye.

Ati 'Muri Gicumbi bafite amata ariko bafite n'isoko kuko ni hafi ya Kigali, nta ruganda bafite ariko hari amata make ajya Kigali; Inyange hari amata igurayo ariko hari n'umushoramari uri ku mupaka witwa Miltoni ukora ibikomoka ku mata.'

'Birumvikana haracyari umusaruro mwinshi ariko bari kuganira ngo barebe uko hashyirwaho uruganda rutunganya uyu musaruro, iyo rero hagiye uruganda hari byinshi bikemuka, kuri iki cy'umusaruro mwinshi w'amata, Guverineri yari yatanze igisubizo ko aya mata yahabwa abanyeshuri bo mu bigo mbonezamikurire, si igisubizo kirekire ariko nacyo kirafasha”

Umusaruro w'ibikomoka ku bworozi by'umwihariko ibikomoka ku mata wariyongereye mu Rwanda, aho mu 1998, Umunyarwanda umwe yanywaga litiro esheshatu ku mwaka, kuri ubu akaba anywa litiro 68 ku mwaka mu gihe Ishami ry'Umuryango w'Abibumbye ryita ku Buzima, OMS, risaba ko umuntu akwiye kuba anywa litiro zirenga 250 ku mwaka.

Minagri igaragaza ko mu 2014, umusaruro w'amata wari litiro miliyoni 634.330 ku mwaka, mu 2018 ugera kuri litiro miliyoni 816.791.

Impuguke zigaragaza ko ubusanzwe amata afite 99% by'intungamubiri zihagije kandi zikenerwa n'umubiri, harimo Vitamin A, B12 na D zifasha umubiri kugubwa neza no gukomera. Arimo kandi imyunyungugu ifasha umubiri kugira imbaraga hamwe n'irinda umuvuduko ukabije w'amaraso.

Ni nyuma y’iminsi micy havuzwe inkuru y’urupfu rw’umushoferi w’Uyu muryango Mpuzamahanga wajyaga anatwara Ingabire Marie Immaculee uwuyobora.

Ni urupfu bamwe bahuje n’impamvu za politiki ariko nk’uko byagiye binasobanurwa, byavuzwe ko uriya mukozi wa Transparency International Rwanda yaguye mu bushyamirane bw’abantu babiri bariho bapfa amafaranga we akagenda agiye kubakiza, umwe muri bo akamukubita ikintu cyanamuviriyemo gupfa.

Ingabire Marie Immaculee wagiranye ikiganiro na Isimbi TV, yagarutse ku rupfu rw’uriya mugabo, ndetse anasobanura uko byagenze.

Yagize ati 'Yaratashye koko hanyuma ageze mu nzira ahura n’abantu ubwo wenda baziranye baricarana baza gutongana abantu b’abasore b’amaraso ashyushye mukunda gutongana no kurwana bikazamo.

We rero ahaguruka abakiza abajya hagati noneho icyo umwe yari ateruye gukubita mugenzi we aba ari we agikubita yikubita hasi arapfa, kuko tugiye no gukoresha ibizamini twazanze yaragize 'hemoragie interne’ yo mu mutwe (yaviriyemo imbere).'

Ingabire Marie Immaculee wababajwe n’urupfu rwa nyakwigendera, avuga ko gusa buriya umunsi we wari wageze gusa akavuga ko urupfu rwe ntaho ruhuriye n’impamvu za politiki nk’uko byagiye bigarukwaho.

Ati 'Ariko njya nibaza abanyarwanda ubundi bazi politiki icyo ari cyo ? Ibintu byose barabigira politiki ?'

Ubwo havugwaga inkuru y’urupfu rw’uriya mukozi wajya atwara Ingabire Marie Immaculee, hari abatangiye kuvuga ko buriya basha Ingabire. Gusa we arabihakana kuko uwashaka kumwica atamubura.

Yagize ati 'Ariko uwashaka kunyica akambura ni nde ? Mpora mu muhanda, mpora nicaye aha hanze no mu nzu mpaba gake uwashaka kunyica yambura ate, ese yaba anyicira iki ? ikintu ubona cyakemuka muri uru Rwanda kuko unyishe ni igiki ? Nta na kimwe.'

Ingabire Marie Immaculee usanzwe azwiho kugaragaza ibitagenda yifuza ko bikosorwa, ni umwe bazwiho kugaragaza ibitekerezo bemera.

UKWEZI.RW