Category: Uncategorized

Impuzamashyirahamwe y’umupira w’amaguru muri Afurika 'CAF’, yamaze gutangaza abazaboyoora umukino (match officials) wo mu itsinda F uzahuza u Rwanda na Mozamboque mu gushaka itike y’igikombe cy’Afurika cya 2021 kizabera muri Cameroun.

Uyu mukino uteganyijwe mu kwezi gutaha tariki ya 21 Werurwe 2021 ukazabera i Kigali mu Rwanda.

Ni umukino uzasifurwa n’abasifuzi bane bakomoka muri Senegal. Harimo Issa Sy uzaba ari umusifuzi wo hagati, Djibril Camara azaba ari umusifuza wo ku ruhande wa mbere, El Hadji Malick Samba azaba ari umusifuzi wo ku ruhande wa 2 ni mu gihe umusifuzi wa 4 azaba ari Adalbert Diouf.

Komiseri w’uyu mukino ni Solomon Gebresilassie Abebe ukomoka muri Ethiopia, ni mu gihe umunyarwandakazi, Nyamusore azaba ari we ushinzwe kugenzura ko abakinnyi n’abatoza bose ko bafite ibyangombwa by’uko nta cyorezo cya Coronavirus banduye(COVID-19 Officer).

Umukino wabereye muri Mozambique, u Rwanda rwatsinzwe n’iki gihugu ibitego bibiri ku busa.

Kugeza aka kanya u Rwanda ni urwa nyuma mu itsinda F n’amanota 2, Cameroun ni iya mbere n’amanota 10, Mozambique ifite 4 ya kabiri inganya na Cape Verde ya 3.

Amavubi azakira na Mozambique mu kwezi gutaha

Byatangajwe na Leta ya Tanzania isanzwe igenga Zanzibar ko uyu mugabo Maalim Seif Sharif Hamad wari Visi Perezida wa mbere muri kiriya kirwa yapfuye.

Perezida wa Tanzania, Dr John Pombe Magufuli yatangaje iyi nkuru y’akababaro mu butumwa yanyujije kuri Twitter ye.

Yavuze ko yakiriya iriya nkuru y’akababaro 'ijyanye n’urupfu rwa Visi Perezida wa Mbere wa Zanzibar, Maalim Seif Sharif Hamad, ndihanganisha Perezida wa Zanzibar, Dr. Mwinyi n’imiryango y’Abanya-Zanzibar, abayoboke b’Ishyaka ACT-Wazalendo n’Abanya-Tanzania bose. Aruhukire mu mahoro.'

Uyu wari umuyobozi mu nzego nkuru muri Zanzibar aherutse kujyanwa mu bitaro ku wa 09 Gashyantare 2021 arwaye COVID-19 gusa mu itangazo ryatangajwe ntihigeze hagaragaramo icyaba cyamuhitanye.

Tanzania ni kimwe mu bihugu bifatwa nk’ibyakomeje gusuzugura iki cyorezo cya COVID-19 ndetse ubuyobozi bukuru bwacyo bwatangaje ko butazigera bwakira inkingo z’iki cyorezo.

Perezida Magufuli ubwe aherutse gutangaza ko muri kiriya gihugu hatazigera habaho gahunda ya Guma mu rugo ndetse abwira inzego z’ubuzima kwitondera iby’inkingo zariho zivugwa, we yavugaga ko ari izo kwica abantu.

Minisitiri w’Ubuzima wa Tanzania, Dorothy Gwajima aherutse gusaba abaturage ba kiriya gihugu kwikingira kiriya cyorezo bakoresheje imiti gakondo ngo kuko inkingo ziherutse kubona zitazakandagira muri kiriya gihugu.

UKWEZI.RW

Iki cyaha gikekwa kuri Sheikh Hamdan Habimana unayobora Ijabo ryawe Rwanda, cyakozwe ku wa 13 Gashyantare 2021 ubwo ngo ariya mafaranga ashobora kuba yarayakuye mu modoka y’uyu mukobwa ubwo yari yayisize muri parking yo ku gitangazamakuru cya B&B FM Umwezi asanzwe akorera.

Bivugwa ko ubwo yavaga mu kiganiro yageze mu modoka ye aburamo amafranga yari yasizemo nyuma baza kwitabaza camera z’umutekano ziba muri iriya nyubako barebye basanga ni uyu Sheikh Hamdan Habimana wayinjiyemo.

Urwego rw’Igihugu rw’Ubugenzacyaha rwataye muri yombi uyu Sheikh Hamdan Habimana, ruvuga ko rwakiriye ikirego Tariki 14 Gashyantare 2021.

Umuvugizi w’Umusigire wa RIB, Dr Murangira B. Thierry yagize ati 'akurikiranyweho icyaha cyo kwiba amafaranga. Bivugwa ko yayibye umunyamakuru wa B&B FM- Umwezi. Byabereye mu Murenge wa Kinyinya mu Karere ka Gasabo, tariki 13 Gashyantare 2021.'

Mu kiganiro B&B Sports Plateau cyatambutse kuri uyu wa Gatatu, Abanyamakuru basanzwe bakorana n’uwakorewe icyaha gikekwa, bagarutse kuri kiriya gikorwa bavuga ko biriya atari ubujura gusa ahubwo ko hari ibindi bibyihishe inyuma.

Bagirishya Jean de Dieu uzwi nka Jado Castar uyobora iriya kiriya gitangazamakuru, yavuze ko uriya mugabo ashobora kuba yarinjiye mu modoka ya Clarisse ashaka kureba ibiri muri telephone cyangwa imashini bye.

Yagize ati 'Ababiri inyuma inama nabagira mubivemo. Mukore akazi kanyu n’undi akore ake.'

Clarisse Uwimana ni umwe mu banyamakuru bari muri Cameroon ubwo ikipe y’Igihugu Amavubi yari mu gikombe cya Afria cy’abakina imbere mu bihugu byabo, bivugwa ko bagiranye ibibazo n’abari bayoboye itsinda ryari riri kumwe n’iyi kipe.

Bariya banyamakuru bagiye babara inkuru y’ibyo bakorewe bitabashimishije ubwo bari muri ruriya rugendo, bigeze no gutangaza ko bafite n’ibindi byinshi bashobora gushyira hanze birimo n’amafoto yahishura byinshi batavuze.

UKWEZI.RW

Aba bantu 26 bari mu tubari tune tunyuranye two muri kariya Karere ka Huye, bafashwe mu mukwabu wo kugenzura iyubahirizwa ry’ariya mabwiriza wakozwe ku bufatanye bw’ubuyobozi bw’inzego z’ibanze n’inzego z’umutekano nka Polisi.

Umuyobozi w’Akarere ka Huye, Ange Sebutege avuga ko bariya bantu bafashwe kuri uyu wa Gatatu, byagezweho kubera amakuru yatanzwe n’abaturage.

Yagize ati 'Turashimira abaturage baduha amakuru kandi dusaba n’ahandi hakorwa ibikorwa nk’ibi binyuranyije n’amabwiriza ko bakomeza kuduha amakuru.'

Avuga ko ubuyobozi butazihanganira abarenga kuri aya mabwiriza kuko bishobora kubashyira mu kaga cyangwa bikagashyiramo bagenzi babo.

Ati 'Abantu bakwiye kumva ko COVID-19 ntaho yagiye. Ibyo bakora binyuranije n’amabwiriza bishobora gushyira ubuzima bwabo n’imiryango yabo mu kaga.'

Avuga ko aba bafashw bacibwa amande ndetse na turiya tubari bafatiwemo dufungwe. Ati 'Kandi buri wese arekurwe ari uko yipimishije COVID-19 yiyishyuriye.'

Photo : Igihe

UKWEZI.RW

Nyuma yo gutandukana n’ikipe ya FC Pyunik yo mu cyiciro cya mbere muri Armenia, myugariro mpuzamahanga w’umunyarwanda yasinyiye ikipe ya Urartu FC nayo yo muri iki gihugu.

Ku wa Mbere w’icyumweru hishize nibwo FC Pyunik yatangaje ko yatandukanye n’uyu myugariro nyuma y’umwaka n’igice ayikinira.

Uyu musore byari byitezwe ko ashobora kwerekeza mu gihuu cy’u Budage mu cyiciro cya kabiri ariko byarangiye agumye mu gihugu cya Armenia.

Ku wa Gatanu tariki ya 12 Gashyantare yakoze ikizami cy’ubuzima mbere yo gusinyira ikipe ya Urartu FC nayo ikina mu cyiciro cya mbere muri Armenia.

Ku munsi w’ejo hashize ku wa Gatatu tariki ya 17 Gashyantare, akaba yarashyize umukono ku masezerano yo gukinira iyi kipe mu gihe cy’umwaka n’igice.

Aganira na ISIMBI yavuze ko n’ubwo yasinyiye iyi kipe ariko muri Kamena 2021 ashobora gutandukana nayo.

Ati“nibyo uyu munsi nasinye(ku wa Gatatu). Ntegereje ko ikipe ibitangaza niyo mpamvu ntacyo nigeze mvuga ku mbuga nkoranyambaga zanjye. Ni umwaka n’igice ariko muri Kamena dushobora gutandukana bakabishyura.”

Biteganyijwe ko umukino we wa mbere ari uwo ku Cyumweru tariki ya 21 ikipe ye yasuye Ararat ya mbere ku rutonde rw’agateganyo.

Urartu FC ubu iri ku mwanya wa 6 n’amanota 15, ni mu gihe Ararat ya mbere ifite 18 ariko Urartu FC ifite umukino w’ikirarane.

@nirisarike1 has joined @UrartuFC of first division in Armenia. pic.twitter.com/jn6xBbEttW

— Canisius Kagabo (@KagaboCanisius) February 12, 2021

Nirisarike yatandukanye na FC Pyunik yerekeza muri Urartu FC

Umuvugizi wa Polisi mu Ntara y’Iburengerazuba , Chief Inspector of Police (CIP) Bonaventure Twizere Karekezi yavuze ko Twagirimana yafashwe atwaye moto ifite ibirango RE 318X itwara abagenzi ariko we akaba yari ayitwaye adafite icyangombwa kimwemerera gutwara abagenzi (Authorisation de transport) ndetse yanayitwaraga mu masaha atemewe gukoramo ingendo kuko amabwiriza avuga ko mu gihugu hose guhera saa moya z’umugoroba buri muntu agomba kuba ari mu rugo .

CIP Karekezi yagize ati 'Twagirimana yamaze gufatwa n’abapolisi atangira kugerageza kubaha ruswa ariko bahita bamufatira mu cyuho, abonye ko afashwe yatangiye kugerageza kubarwanya ngo yiruke ahunge ariko biba iby’ubusa baramufata.'

CIP Karekezi yakanguriye abantu kwirinda ruswa ariko cyane cyane igihe bafatiwe mu makosa kuko ruswa ari icyaha gihanwa n’amategeko ndetse ikamunga ubukungu bw’Igihugu. Yabasabye kutishyira mu bibazo bitari ngombwa.

Ati 'Abantu bakwiye kumenya ko iyo utanze ruswa cyangwa kuyakira uba ukoze icyaha cyakugiraho ingaruka igihe cyose ubihamijwe n’urukiko. Ni icyaha gihanwa n’amategeko hakabamo igifungo ndetse no gucibwa amande.'

Hashize ameze ane muri uyu Murenge wa Nyamyumba abapolisi bafashe undi mumotari wagerageje kubaha ruswa y’amafaranga y’u Rwanda ibihumbi 10. Icyo gihe bari bamufashe atwaye moto kandi adafite uruhushya rubimwemerera.

CIP Karekezi yakomeje avuga ko bitangaje kuba hari abantu batinyuka guha ruswa abapolisi bakirengagiza ko aribo bafite uruhare rukomeye mu kuyirwanya ari nayo mpamvu abagerageje kuyibaha bahita babafata bagashyikirizwa ubutabera.

Ati 'Usibye n’abapolisi, buri muturarwanda agomba kumenya ko ruswa ari icyaha bityo bakagira uruhare mu kuyirwanya batangira amakuru ku gihe aho bayibonye, ruswa imunga ubukungu bw’Igihugu.'

Twagirimana amaze gufatwa yahise ashyikirizwa Urwego rw’Igihugu rushinzwe ubugenzacyaha (RIB) kugira ngo hakorwe iperereza.

Itegeko no 54/2018 ryo kuwa 13/08/2018 rirwanya ruswa, ingingo ya 4 ivuga ko Umuntu wese utanga cyangwa usezeranya gutanga, mu buryo ubwo ari bwo bwose, indonke iyo ari yo yose, kuri we cyangwa ku wundi muntu kugira ngo hatangwe cyangwa hadatangwa serivise ahanishwa igifungo kirenze imyaka itanu (5) ariko kitarenze imyaka irindwi (7) n’ihazabu y’amafaranga y’u Rwanda yikubye inshuro kuva kuri eshatu (3) kugeza kuri eshanu (5) z’agaciro k’indonke yatse cyangwa yakiriye.

Ni indirimbo Albert NIYONSABA yatangaje ko ayimaranye iminsi, ariko akaba aribwo yumvise umutima we umwemerera kuyisangiza abakunzi be kandi abizeza ko atiraye, ahubwo uko iminsi yicuma arajya akomeza gukora umurimo w’Imana uko ashobojwe”.

Iyi ndirimbo nshya irabimburira izindi akiri gutunganya muri uyu mwaka ateganya kugenda ageza ku bakunda ubutumwa bwe uko iminsi igenda iza. Tuganira na Albert NIYONSABA mu magambo ye yagize ati “Iyi ndirimbo nayanditse nifashishije umurongo wo muri Bibiliya, Yeremiya 1:12 aho hagira hati

“Maze Uwiteka arambwira ati waroye neza, kuko ndinda ijambo ryanjye kugira ngo ndisohoze”

IJAMBO ni indirimbo iri mu njyana yihuta ariko kandi ifite umudiho ukunda kubyinika basirimba mu nsengero cyangwa mu masengesho. Yumvikanamo cyane amagambo y’icyizere no gutegereza icyo Imana yavuze aho umuhanzi Albert agira ati” icyo yavuze ni ukuri kose ugitegereze kizasohora, “Ni ryo ryatuvuzweho, ritugira abo turi bo, ni ryo ryashyizeho imfatiro duhagazeho”.

UMVA HANO IYI NDIRIMBO

Source: InyaRwanda.com

[email protected]