Webrwanda Backend

Category: Uncategorized

  • RURA yavuze ku mushinga w’amabwiriza yateje impagarara agenga ubucuruzi bwo kuri internet –

    Ku wa 22 Gashyantare nibwo amakuru yamenyekanye ko RURA iri gutegura umushinga w’amabwiriza mashya azagenga ubucuruzi bwo kuri internet ndetse n’abatanga serivisi zo kugeza ibicuruzwa ku bakiliya.

    Ni umushinga wasobanuriwe abari muri izi nzego ku wa 19 Gashyantare mu nama yabahuje n’ubuyobozi bwa RURA.

    Ibikubiye muri uyu mushinga w’amabwiriza bimaze kujya hanze byaciye igikuba mu bantu ahanini biturutse ku ngingo zari ziwukubiyemo, harimo iyavugaga ko kugira ngo umuntu cyangwa ikigo gishaka gutanga izi serivisi zo kugeza ibicuruzwa runaka ku bakiliya gihabwe uburenganzira bwo kubikora, kizajya kibanza kwishyura 3000$ byo kugura uruhushya rucyemerera gutanga izi serivisi mu gihe cy’imyaka itanu.

    Uyu mushinga w’amabwiriza kandi wavugaga ko kugira ngo umuntu abone iki cyangombwa RURA izajya ibanza kugenzura ko afite ubushobozi mu bijyanye n’ibikoresho, nk’imodoka na moto n’igisanduku cyo gutwaramo ibintu gifite ibirango by’icyo kigo, kandi abazajya batanga izi serivisi bagasabwa kuba bafite ikoranabuhanga rishoboza umukiliya gukurikirana aho ibicuruzwa bye bigeze.

    Ku ikubitiro abari muri ubu bucuruzi bwo kuri internet bagaragaje ko batishimiye uyu mushinga w’amabwiriza mashya, bavuga ko ushobora gukoma mu nkokora ubucuruzi bwabo n’ubundi busanzwe butorohewe n’icyorezo cya COVID-19.

    Bamwe bagaragaje ko kuba RURA yarateguye aya mabwiriza igamije kunoza uburyo ubu bucuruzi bukorwa no kugira ngo abantu barusheho kubugirira icyizere ariko bakavuga ko amafaranga n’ibikoresho basabwa ari byinshi ku buryo byabagora ku yabona muri ubu bucuruzi bwiganjemo ibigo bikiri bito.

    Uyu mushinga w’aya mabwiriza mashya wongeye kugarukwaho cyane ku mbuga nkoranyambaga by’umwihariko mu bakoresha Twitter, bamwe bagaragazaga ko RURA itagakwiye kuba izana uyu kuko ngo ushobora guhutaza ibi bigo biri mu bucuruzi bwo kuri internet, mu gihe abandi bavugaga ko ukwiye gusobanurwa neza.

    Uwitwa Reilla Mutoni yagize ati “Ndi gutekereza uko turi gukuriraho imisoro imodoka zihenze na RURA igaca ibigo bikora ubucuruzi bwo kuri internet 3000$, ibintu bica intege ubucuruzi na ba rwiyemezamirimo, mu nkangure inzozi nizirangira.”

    Icyishatse yagize ati “Ubundi ni ikihe kibazo RURA ifite, turi kwigira iki niba ubucuruzi bwo kuri internet bugiye gucibwa 3000$ birababaje.”

    Bahati Ngarambe yagize ati “Ndatekereza ko RURA ikwiye gushyira imbaraga mu kumva ubukungu ikoreramo, ubu butumwa buvuguruzanya buteye impungenge ndetse ku kigero runaka buzambya ibyo umuntu yakwitega mu bucuruzi.”

    Gyslain nawe yunze mu rya bagenzi be ati “Birasa nk’aho RURA iri hano kugira ngo igenzure umubare w’abantu bakora ngo bagerageze kuva mu bukene.”

    RURA yamaze abantu impungenge

    Mu itangazo RURA yashyize hanze kuri uyu wa 23 Gashyantare 2021, yavuze ko uyu mushinga w’amabwiriza mashya ukiri mu nyigo kandi ko hazagenda habaho ibiganiro bigamije kuwunoza.

    Ati “RURA irashaka kumenyesha abantu ko umushinga w’amabwiriza agenga abatanga serivisi z’ubucuruzi bwo kuri internet by’umwihariko ibigo bitanga serivisi zo kugeza ibintu ku bakiliya, ukiri mu mu byiciro bibanza kugira ngo ubeho, ku bw’ibyo inyigo yatangiye kuzenguruka ku mbuga zitandukanye ntigomba gufatwa nk’iyemewe.”

    “Inama nyunguranabitekerezo yarakozwe hamwe n’abari mu bucuruzi bwo kuri internet b’imbere mu gihugu kugira ngo harebwe ibyakongerwa muri uyu mushinga w’amabwiriza.”

    Yakomeje ivuga ko hazakomeza kubaho izindi nama nyunguranabitekerezo kugira ngo “hashyirwego umurongo w’amabwiriza aboneye kandi yibonwamo na bose, ari nako yimakaza serivisi nziza, umutekano n’icyizere hagati y’abakiliya n’abatanga izi serivisi.”

    Ntiharatangazwa igihe uyu mushinga w’amabwiriza agenga ubucuruzi bwo kuri internet uzemerezwa kugira ngo usimbure ayo ubu bucuruzi bwagenderagaho yo mu 2015.

    RURA yavuze ko uyu mushinga w’amabwiriza agenga ubucuruzi bwo kuri internet ukiri kuganirwaho

  • RURA yavuze ku mushinga w'amabwiriza yateje impagarara agenga ubucuruzi bwo kuri internet – #rwanda #RwOT

    Ku wa 22 Gashyantare nibwo amakuru yamenyekanye ko RURA iri gutegura umushinga w'amabwiriza mashya azagenga ubucuruzi bwo kuri internet ndetse n'abatanga serivisi zo kugeza ibicuruzwa ku bakiliya.

    Ni umushinga wasobanuriwe abari muri izi nzego ku wa 19 Gashyantare mu nama yabahuje n'ubuyobozi bwa RURA.

    Ibikubiye muri uyu mushinga w'amabwiriza bimaze kujya hanze byaciye igikuba mu bantu ahanini biturutse ku ngingo zari ziwukubiyemo, harimo iyavugaga ko kugira ngo umuntu cyangwa ikigo gishaka gutanga izi serivisi zo kugeza ibicuruzwa runaka ku bakiliya gihabwe uburenganzira bwo kubikora, kizajya kibanza kwishyura 3000$ byo kugura uruhushya rucyemerera gutanga izi serivisi mu gihe cy'imyaka itanu.

    Uyu mushinga w'amabwiriza kandi wavugaga ko kugira ngo umuntu abone iki cyangombwa RURA izajya ibanza kugenzura ko afite ubushobozi mu bijyanye n'ibikoresho, nk'imodoka na moto n'igisanduku cyo gutwaramo ibintu gifite ibirango by'icyo kigo, kandi abazajya batanga izi serivisi bagasabwa kuba bafite ikoranabuhanga rishoboza umukiliya gukurikirana aho ibicuruzwa bye bigeze.

    Ku ikubitiro abari muri ubu bucuruzi bwo kuri internet bagaragaje ko batishimiye uyu mushinga w'amabwiriza mashya, bavuga ko ushobora gukoma mu nkokora ubucuruzi bwabo n'ubundi busanzwe butorohewe n'icyorezo cya COVID-19.

    Bamwe bagaragaje ko kuba RURA yarateguye aya mabwiriza igamije kunoza uburyo ubu bucuruzi bukorwa no kugira ngo abantu barusheho kubugirira icyizere ariko bakavuga ko amafaranga n'ibikoresho basabwa ari byinshi ku buryo byabagora ku yabona muri ubu bucuruzi bwiganjemo ibigo bikiri bito.

    Uyu mushinga w'aya mabwiriza mashya wongeye kugarukwaho cyane ku mbuga nkoranyambaga by'umwihariko mu bakoresha Twitter, bamwe bagaragazaga ko RURA itagakwiye kuba izana uyu kuko ngo ushobora guhutaza ibi bigo biri mu bucuruzi bwo kuri internet, mu gihe abandi bavugaga ko ukwiye gusobanurwa neza.
    Uwitwa Reilla Mutoni yagize ati 'Ndi gutekereza uko turi gukuriraho imisoro imodoka zihenze na RURA igaca ibigo bikora ubucuruzi bwo kuri internet 3000$, ibintu bica intege ubucuruzi na ba rwiyemezamirimo, mu nkangure inzozi nizirangira.'

    Icyishatse yagize ati 'Ubundi ni ikihe kibazo RURA ifite, turi kwigira iki niba ubucuruzi bwo kuri internet bugiye gucibwa 3000$ birababaje.'

    But what’s going on with @RURA_RWANDA , 🙄🙄🙄🙄🤨

    — Icyishatse (@IcyishatseL) February 23, 2021

    What are we studying for if e-commerce is going to be charged 3000$ @RURA_RWANDA birababaje🤨🤨🤨 https://t.co/NrddXMfPTA

    — Icyishatse (@IcyishatseL) February 23, 2021

    Bahati Ngarambe yagize ati 'Ndatekereza ko RURA ikwiye gushyira imbaraga mu kumva ubukungu ikoreramo, ubu butumwa buvuguruzanya buteye impungenge ndetse ku kigero runaka buzambya ibyo umuntu yakwitega mu bucuruzi.'

    I think @RURA_RWANDA should invest more in understanding the economy in which it operates.

    These contradicting messages are worrisome and to some extent deteriorate business confidence. https://t.co/1aE9cYewfb

    — #RwandaEconomics (@ebahatingarambe) February 23, 2021

    Gyslain nawe yunze mu rya bagenzi be ati 'Birasa nk'aho RURA iri hano kugira ngo igenzure umubare w'abantu bakora ngo bagerageze kuva mu bukene.'

    It seems like @RURA_RWANDA is there to regulate the number of people trying to make it out of poverty 🤦🏾♂️.

    — GYSLÄÍN (@hishignesss) February 23, 2021

    RURA yamaze abantu impungenge

    Mu itangazo RURA yashyize hanze kuri uyu wa 23 Gashyantare 2021, yavuze ko uyu mushinga w'amabwiriza mashya ukiri mu nyigo kandi ko hazagenda habaho ibiganiro bigamije kuwunoza.

    Ati 'RURA irashaka kumenyesha abantu ko umushinga w'amabwiriza agenga abatanga serivisi z'ubucuruzi bwo kuri internet by'umwihariko ibigo bitanga serivisi zo kugeza ibintu ku bakiliya, ukiri mu mu byiciro bibanza kugira ngo ubeho, ku bw'ibyo inyigo yatangiye kuzenguruka ku mbuga zitandukanye ntigomba gufatwa nk'iyemewe.'
    'Inama nyunguranabitekerezo yarakozwe hamwe n'abari mu bucuruzi bwo kuri internet b'imbere mu gihugu kugira ngo harebwe ibyakongerwa muri uyu mushinga w'amabwiriza.'

    Yakomeje ivuga ko hazakomeza kubaho izindi nama nyunguranabitekerezo kugira ngo 'hashyirwego umurongo w'amabwiriza aboneye kandi yibonwamo na bose, ari nako yimakaza serivisi nziza, umutekano n'icyizere hagati y'abakiliya n'abatanga izi serivisi.'

    Ntiharatangazwa igihe uyu mushinga w'amabwiriza agenga ubucuruzi bwo kuri internet uzemerezwa kugira ngo usimbure ayo ubu bucuruzi bwagenderagaho yo mu 2015.

    RURA yavuze ko uyu mushinga w’amabwiriza agenga ubucuruzi bwo kuri internet ukiri kuganirwaho

    Source : http://igihe.com/amakuru/u-rwanda/article/rura-yavuze-ku-mushinga-wayo-w-amabwiriza-mashya-agenga-e-commerce-warikoroje

  • Rubavu: Habonetse umurambo w'umugabo watwawe na Sebeya mu cyumweru gishize #rwanda #RwOT

    Umugabo w'imyaka 24 wari utuye mu Murenge wa Rugerero akagari ka Kabirizi yari amaze iminsi itandatu atwawe n'umugezi wa Sebeya, umurambo we wabonetse mu kiyaga cya Kivu mu Murenge wa Gisenyi.

    Umunyamabanga Nshingwabikorwa w'Umurenge wa Gisenyi, Uwimana Vedaste, yemeje aya makuru avuga ko uyu murambo washyikirijwe umuryango we bagahita bamushyingura.

    Ati' 'Uriya murambo wabonetse ku nkengero z'Ikiyaga cya Kivu mu masaha ya saa tanu, amakuru baduhaye ni uko yaguye mu mugezi wa Sebeya kuri tariki 16 Gashyantare ubwo yageragezaga kwambuka ari kumwe n'abandi ni uko aranyerera. Umurambo twawukuye mu mazi uterwa imiti nk'ibisanzwe ashyirwa mu bikoresho byabugenewe ashyikirizwa umuryango we ngo ujye kumushyingura''

    Imvura ikomeye yaguye mu Burengerazuba bw'u Rwanda yatumye Umugezi wa Sebeya wuzura maze amazi yawo asenya inzu 172, anangiza hegitari eshatu z'imirima y'abaturage.

    Inkuru ya IGIHE

    Source : http://umuryango.rw/amakuru/mu-rwanda/ubuzima/article/rubavu-habonetse-umurambo-w-umugabo-watwawe-na-sebeya-mu-cyumweru-gishize

  • Umugabo yarezwe kwica umugore utwite w'imyaka 28 bakundanaga #rwanda #RwOT

    Ntuthuko Ntokozo Shoba ashinjwa gucura umugambi wo kwica Tshegofatso Pule no kuriha uwamwishe.

    Umurambo w'uwo mugore utwite wari ufite imyaka 28 wabonywe unagana mu giti mu myaka ibiri ishize, uriho ibikomere byinshi byatewe no guterwa icyuma.

    Bwana Shoba ntabwo yasabwe kugira icyo avuga ku byo aregwa ubwo yagezwaga mu rukiko.

    Mu cyumweru gishize, urukiko rw'i Johannesburg rwakatiye undi mugabo witwa Mzikayise Malephane gufungwa imyaka 20, nyuma yo kwemera ko yishe Madamu Pule.

    Mu masezerano yo kwemera icyaha yasomwe mu rukiko n'umwunganizi we, Malephane w'imyaka 31 yavuze ko yahawe na Bwana Shoba amafaranga y'ama-rand 7,000 akoreshwa muri icyo gihugu (arenga 470,000Frw) ngo akore ubwo bwicanyi, ariko akayanga.

    Ni uko ngo ayo mafaranga arayazamura ayageza ku ma-rand 70,000 (arenga 4,730,000Frw), aza kwemera kwica uwo mugore.

    Malephane yabwiye urukiko ko Bwana Shoba “atashakaga ko umugore we amenya iby'uwo mwana utaravuka”.

    Abashinjacyaha bareze Bwana Shoba, watawe muri yombi mu cyumweru gishize, ibirego by'ubwicanyi, ubufatanyacyaha mu gukora ubwicanyi no kuburizamo intego z'ubutabera.

    Uyu mugabo w'imyaka 32 wari uboshye amaguru, yari yambaye ikositimu n'ishati by'umukara ubwo yagezwaga bwa mbere mu rukiko ku wa mbere, nkuko urubuga rw'amakuru TimesLive rwabitangaje.

    Tumisang Katake, wo mu muryango wa Madamu Pule, yavuze ko kubona Bwana Shoba mu rukiko kwabaye “gukorogoshora ibisebe bimaze igihe byari bitangiye gukira”.

    Yongeyeho ko umuryango wabo wari uzi ko Madamu Pule yari afitanye umubano na Bwana Shoba, ariko ko utari uzi “ubwoko bw'umubano bari bafitanye”.

    Nkuko umuryango we ubivuga, umukobwa wabo yari yagiye kureba Bwana Shoba mu nzu ye iri ahitwa i Florida mu karere ka West Rand muri icyo gihugu, ku ntera ya 16km mu burengerazuba bw'umujyi wa Johannesburg, mu kwezi kwa gatandatu mu 2019, nkuko bitangazwa n'urubuga rw'amakuru news24.

    Ngo uwo mugabo yari yamutumiye ngo bajyanye kugura ibyo kwitegura umwana wari uri hafi kuvuka.

    Ngo bagiranye intonganya, nuko nyuma umugabo ahamagara imodoka ya 'taxi-voiture', umushoferi wayo akaba yari Malephane.

    Ku itariki ya 5 y'ukwezi kwa gatandatu mu 2019, umurambo wa Madamu Pule wasanzwe unagana mu giti cyo mu gace ka Roodepoort mu karere ka West Rand.

    Urubanza rwa Bwana Shoba rwasubitswe kugeza ku itariki ya mbere y'ukwezi kwa gatatu, ubwo hazumvwa ubusabe ku gukurikiranwa arekuwe by'agateganyo.

    BBC

    Source : http://umuryango.rw/amakuru/mu-mahanga/ubutabera/article/umugabo-yarezwe-kwica-umugore-utwite-w-imyaka-28-bakundanaga

  • FERWAFA yavuze ko itatanze kawunga ibizi ko yangiritse irimo inyo #rwanda #RwOT

    Ishyirahamwe ry’umupira w’amaguru mu Rwanda rivuga ko ritatanze ibiribwa ku marerero y’umupira w’amaguru(Ijabo Ryawe Rwanda) babizi ko byapfuye cyane ko bigaragara ko bitarengeje igihe.

    Mu mpera z’icyumweru gishize, FERWAFA binyuze muri Ijabo Ryawe Rwanda yatanze ibiribwa ku marerero y’abana, ni ibiribwa birimo kawunga n’amavuta.

    Nyuma yo guhabwa ibi biribwa, bamwe basanze byarapfuye ndetse harimo ibirimo inyo, niko kuvuga ko bahawe ibiribwa byapfuye.

    Mu kiganiro umunyamabanga wa FERWAFA yagiranye n’ikinyamakuru ISIMBI, Uwayezu Francois Regis yavuze ko batanze ibyo biribwa batazi ko byapfuye kuko no ku mifuka bigaragara ko bitararenza igihe.

    Ati'mu by’ukuri ntawatanga ibyo biribwa abizi ko byapfuye. Hari ababihawe n’abatarabihawe, n’ubu urebye ibiri mu bubuiko ibiribwa bimwe bizarangiza igihe tariki ya 26 Gashyantare, ibindi ni tariki ya 13 Werurwe 2021, kandi ntabwo biragera. Rero icyabayeho ni uko hari ababifashe bafungura bagasanga hari ibyangiritse ariko si uko byarengeje igihe.'

    Akenshi kwangirika kw’ibiribwa bitararangiza igihe biterwa n’uburyo biba byarabitswemo. Amakuru ISIMBI yamenye ni uko ibi biribwa byari bimaze igihe mu bubiko bitarahabwa ba nyirabyo.

    Kawunga n’amavuta byahawe abanyamuryango b’IJABO RYAWE RWANDA

    Umunyamabanga wa FERWAFA avuga ko ibiribwa batanze batari bazi ko byapfuye

    Source : http://isimbi.rw/siporo/article/ferwafa-yavuze-ko-itatanze-kawunga-ibizi-ko-yangiritse-irimo-inyo

  • Ibitekerezo by’impuguke ku mushinga w’itegeko rigabanyiriza Urwego rw’Umuvunyi inshingano –

    Ni umushinga washyikirijwe Inteko Ishinga Amategeko ngo iwigeho nyuma y’uko wagejejwe ku Nteko Rusange yayo yateranye ku wa 11 Gashyantare 2021, igasanga ari ingenzi.

    Itegeko n° 76/2013 ryo ku wa 11/9/2013 rigena inshingano, ububasha, imiterere n’imikorere by’Urwego rw’Umuvunyi ricyubahirizwa kugeza ubu, rivuga ko urwo rwego rufite inshingano zo gukumira no kurwanya akarengane na ruswa, ndetse no kugenzura uko umutungo w’imitwe ya politiki n’abantu ku giti cyabo wabonetse n’uko wakoreshejwe.

    Iryo tegeko kandi rivuga ko urwo rwego rufite ububasha bwo kwaka ibisobanuro ku byemezo cyangwa ibikorwa bya Leta n’iby’abikorera abaturage binubira; kubikoraho iperereza mu gihe abaturage babonamo akarengane; kwerekana amategeko abangamiye imikorere myiza y’inzego za Leta cyangwa abaturage no kugeza kuri Guverinoma ibitekerezo byashyirwa mu mbanzirizamishinga y’amategeko cyangwa ingingo z’amategeko ariho.

    Inzobere mu by’amategeko zisanga hari izindi nzego za Leta nk’urw’Ubugenzacyaha (RIB) n’urw’Ubushinjacyaha (NPPA) zishobora kwegurirwa bumwe muri ubwo bubasha n’inshingano, urwo rwego rugasigara rwibanda kuri uswa n’akarengane gusa.

    Umwarimu muri Kaminuza y’u Rwanda wigisha iby’amategeko, Mulisa Tom, asanga kuba harashyizweho RIB bisobanuye ko ububasha bw’Umuvunyi bwo gukora iperereza ari ugutubura inshingano.

    Iyo mpuguke mu by’amategeko ivuga ko kandi ububasha bwo gukora ubushinjacyaha bukwiye kwegurirwa Urwego rw’Igihugu rw’Ubushinjacyaha.

    Ku kijyanye no gukurikirana imyanzuro y’inkiko n’ibyemezo bya Leta abaturage binubira, yavuze ko inkiko zifite abashinzwe kubikurikirana ndetse hari na ba noteri bashobora kuzuza izo nshingano.

    Ati “Ndatekereza ko izo nshingano zishizwe mu maboko y’inzego zibishinzwe, Urwego rw’Umuvunyi rwakwibanda cyane ku guhangana n’akarengane na ruswa, ndetse bikaba byatuma rubikora neza kurushaho.”

    Ni igitekerezo ahurizaho n’umuyobozi w’Ikigo gishinzwe Guteza imbere Amategeko no kuyashyira mu bikorwa (ILPD) Kayihura Didas, uvuga ko hakenewe ko iryo tegeko rivugururwa.

    Yagize ati ”Uko ibintu bimeze ubu, Urwego rw’Umuvunyi rufite inshingano nyinshi kandi ntirubasha kuboneza ku kurwanya ruswa n’akarengane kandi ari yo nshingano nyamukuru yarwo.”

    Minisitiri mu Biro by’Umukuru w’Igihugu, Uwizeye Judith, na we ku wa 11 Gashyantare 2021 yavuza ko mu bindi bihugu usanga Urwego rw’Umuvunyi rufite inshingano zihariye ku buryo “nta rundi rwego rwavuguruza umwanzuro warwo,” yongeraho ko no mu Rwanda ari byo byifuzwa.

    Ijambo rya nyuma ku ivugururwa ry’itegeko ryo mu 2013 rizatangwa n’Inteko Ishinga Amategeko, Umutwe w’Abadepite, nyuma yo gusesengura no kunonosora ibikubiye muri uwo mushinga hakumvwa n’ibitekerezo by’abantu bo mu ngeri zitandukanye.

    Impuguke mu by’amategeko zivuga ko Urwego rw’Umuvunyi rukwiye kugabanyirizwa inshingano, zimwe zigahabwa izindi nzego zibishinzwe zirimo RIB na NPPA

  • Hagiye gutangizwa umushinga uzatunganya amazi n’umuriro uzabyarira inyungu u Burundi n’u Rwanda –

    Ibi byatangajwe kuri uyu wa Mbere tariki 22 Gashyantare 2021, ku munsi wahariwe kwizihiza uruzi rwa Nil, cyane ko uyu mushinga ari umwe muri porogaramu zatangijwe n’umushinga w’ikibaya cy’uruzi rwa Nil(Nile Basin Initiative).

    The New Times yavuze ko uyu mushinga biteganyijwe ko uzubaka ikigega hafi y’umugezi wa Akanyaru, kizaba gifite ubushobozi bwo gutunganya meterokibe miliyoni 333 z’amazi azakoreshwa n’abantu ibihumbi 846.

    Kizatunganya amazi yo kunywa azakoreshwa n’abantu 614.200 mu Burundi no mu Rwanda, ndetse hazubakwa ikigega kizifashishwa mu kuvomerera hegitari 12.474 z’imirima yo mu bihugu byombi.

    Uyu mushinga kandi biteganyijwe ko uzatanga umuriro w’amashanyarazi ungana na Megawati 14.5, uzacanira ingo 141.111.

    Uretse ibi kandi, uyu mushinga uzagira uruhare mu bindi bikorwa bikoresha amazi, harimo ubworozi bw’ amatungo, kurinda imyuzure ya hato na hato iterwa n’imvura, kubungabunga ibidukikije, ndetse uzatanga akazi ku bantu.

    Umushinga w’ikibaya cy’uruzi rwa Nil (Nile Basin Initiative), watangije uyu w’Akanyaru uhuriweho n’ibihugu icumi bikora kuri iki kibaya, birimo u Rwanda, u Burundi, Tanzania, Uganda, Repubulika Iharanira Demokarasi ya Congo, Sudani y’Epfo, Sudani, Ethiopia ndetse na Misiri.

    Undi mushinga uri hafi kuzura ni uw’urugomero rwa Rusumo ruzatanga megawati 75 z’umuriro w’amashanyarazi, uzakoreshwa mu Rwanda, u Burundi no muri Tanzania.

    Umunsi wahariwe kwizihiza uruzi rwa Nil uyu mwaka wibanze ku ishyirwa mu bikorwa ry’imishinga ibyara inyungu. Wari ufite insanganyamatsiko igira iti “Kongera gutekereza ku mishinga ibyara inyungu mu karere gahuriye ku kibaya cy’uruzi rwa Nili”

    Minisitiri w’Ibidukikije, Mujawamariya Jeanne d’Arc, akaba anakuriye komite y’abaminisitiri b’uyu mushinga yavuze ko bagiye gufatanya mu gushyira imbaraga mu ikorwa ry’imishinga ibyara inyungu muri aka Karere.

    Yongeyeho ko kugira ngo abantu abantu babeho bakenera amazi, bityo kugira ngo atunganywe hakenewe ingufu za benshi no gushyira hamwe nka kimwe mu isoko y’iterambere.

    Hagiye gutangizwa umushinga uzatunganya amazi n’umuriro bivuye mu mugezi w’Akanyaru uzabyarira inyungu abaturage bo mu Rwanda n’i Burundi

  • Kasha yahawe miliyoni 1$ azayishoboza gutanga serivisi z’ubuzima ku bagore bo mu Rwanda na Kenya –

    Aya mafaranga yatanzwe n’Ikigo U.S. International Development Finance Corporation (DFC) cy’Abanyamerika, cyibanda ku ishoramari rikemura ibibazo bikigaragara mu bihugu bikiri mu nzira y’amajyambere.

    Umuyobozi Mukuru wa Kasha ku rwego rw’Isi, Joanna Bichsel, yavuze ko “Kasha yishimiye gukorana na DFC nk’umuterankunga w’igihe kirekire. Bitewe n’inkunga ifatika Amerika ikomeje gushora mu bikorwa mu bikorwa by’ubuzima ku rwego rw’Isi, ndetse n’inkunga iterwa ibigo bikizamuka byashoye mu rwego rw’ubuzima, dufite icyizere ku iterambere ry’ibikorwa bya Kasha mu Karere ka Afurika y’Iburasirazuba ndetse n’ahandi ku Mugabane wa Afurika. Dutewe ishema n’ishoramari rya DFC mu bihugu bikiri mu nzira y’amajyambere”.

    Umuyobozi Wungirije wa DFC ushinzwe ibikorwa mpuzamahanga, Algene Sajery, yavuze ko “ibikorwa by’ubuzima bw’abagore ni ingenzi cyane mu guteza imbere ubukungu bw’abagore n’abakobwa mu bihugu bikiri mu nzira y’amajyambere. DFC itewe ishema no gutera inkunga ibikorwa by’udushya bigamije guteza imbere ubuzima bw’abagore muri Afurika yo munsi y’Ubutayu bwa Sahara”.

    Kasha yatangiye ibikorwa byayo mu mwaka wa 2016, aho binyuze mu bucuruzi ikorera kuri internet, imaze gukorana n’abagore barenga 130 000, muri bo 63% bakaba babarirwa mu bafite amikoro aciriritse mu bihugu by’u Rwanda na Kenya.

    Kasha icuruza ibikoresho bifasha ubuzima bw’abagore

  • COVID-19 : Amabwiriza arahinduka ariko kwambara neza agapfukamunwa no guhana intera ntibihinduka- CP Kabera #rwanda #RwOT

    Yabigarutseho mu gitondo cyo kuri uyu wa mbere tariki ya 22 Gashyantare ubwo yari kuri televiziyo y’u Rwanda ubwo yari mu kiganiro cyagaragazaga ishusho yo kubahiriza amabwiriza yo kwirinda ikwirakwira ry’icyorezo cya COVID-19.

    CP John Bosco yabivuze mu gihe guhera kuri uyu wa Kabiri tariki ya 23 Gashyantare hatangira kubahirizwa amabwiriza mashya yashyizweho n’inama y’Abaminisitiri yateranye tariki ya 19 Gashyantare 2021, aya mabwiriza akazageza tariki ya 15 Werurwe 2021.

    CP Kabera yagize ati 'Leta igenda ifata ibyemezo bitewe n’imiterere y’icyorezo cya COVID-19, ariko abantu bagomba kumenya ko kwambara agapfumunwa kandi neza byo bitahindutse, guhana intera hagati y’abantu ni ngombwa, utubari turakomeza gufunga, ibirori n’andi makoraniro ahuza abantu ntabwo byemewe, abantu bagomba gukomeza kugira isuku bakaraba amazi meza n’isabune, bagomba gukomeza kubahiriza amasaha y’ingendo n’andi mabwiriza yose atangwa.'

    CP Kabera yavuze ko n’ubwo ibi bintu bivugwa kenshi ariko hakunze kugaragara bamwe mu bantu babirengaho nkana. Yibukije abantu bafite ibikorwa byo gucuruza amafunguro muri za resitora kuzirinda amakosa yakunze kubaranga mu minsi yashize mu rwego rwo kwirinda ko byakongera gukurura ibibazo byo gukwirakwiza COVID-19.

    Yagize ati 'Muribuka ko mu minsi yashize hari abantu bajyaga muri resitora gufata amafunguro ariko bakirirwamo barimo kunywa inzoga mu buryo bwa rwihishwa. Wasangaga hari abashyira inzoga mu materemusi bakanywera inzoga mu bikombe by’icyayi. Ugasanga abantu biriwe muri resitora ndetse bamwe ugasanga banasinze kandi utubari tutemewe.'

    Yavuze ko mu byemezo by’inama y’Abaminisitiri yo kuwa 19 Gashyantare harimo umwanzuro uvuga ko guhera tariki ya 23 Gashyantare resitora zemerewe gutangira ibikorwa byazo ariko hakubahirizwa umubare wa 30% w’abantu basanzwe bakira. CP Kabera yasabye abafite resitora kuzubahiriza iyo mibare kuko no mu bikorwa bya Polisi bya buri munsi bazajya babigenzura.

    Ati 'Bene resitora babashe kubahiriza imibare, bamenye umubare w’abantu bari basanzwe bakira noneho bahere aho bamenya 30% by’abantu bagomba kuzajya bakira. Igihe Polisi izaba irimo kugenzura izajya ibabaza iyo mibare.'

    Ku bijyanye no gukora siporo, Umuvugizi wa Polisi y’u Rwanda yavuze ko Minisiteri ya siporo yasohoye urutonde rwa siporo zemewe gukorwa ndetse n’amabwiriza agomba kubahirizwa mu kuzikora. (Amabwiriza ya misiteri ya Siporo)

    CP Kabera yongeye kwibutsa abantu ko kubahiriza amabwiriza yo kurwanya COVID-19 ari inshingano za buri muntu kandi akabikora atabanje kubihatirwa cyangwa ngo akorere ku jisho, buri muntu akumva ko hatagamijwe guhana abarenga ku mabwiriza. Yavuze ko Polisi ku bufatanye n’abaturage ndetse n’izindi nzego yiteguye kugenzura iyubahirizwa ry’amabwiriza yo kurwanya COVID-19.

    Ivomo : Urubuga-RNP

    UKWEZI.RW

    Source : http://www.ukwezi.rw/mu-rwanda/Ubuzima/article/COVID-19-Amabwiriza-arahinduka-ariko-kwambara-neza-agapfukamunwa-no-guhana-intera-ntibihinduka-CP-Kabera

  • Petersbakers yafunguye ishami i Rubavu idabag… – #rwanda #RwOT

    Baturage b’Akarere ka Rubavu na mwe bo muri Goma nimwakire umwami wa cake muri Kigali no mu Rwanda hose wabagendereye! Uwo ni Petersbakers kompanyi izwi n’iyonka muri Kigali kubera cake zabo zitangaza umuhisi n’umugenzi. Gukundwa no kwamamara kwa cake zikorwa n’iyi kompanyi, ikibyihishe inyuma ni ubuhanga bazikorana zikaryohera ijisho mu kuzirena, ukongeraho icyanga cyazo bigaherekezwa na serivisi nziza batanga.

    Ni inkuru wahamirizwa n’abantu benshi bazisogongeyeho. Uti abo bantu umuntu yabakura he? Muri bo harimo ab’amazina azwi mu gihugu yaba abahanzi b’ibyamamare, abanyamakuru baryubatse (izina), abakobwa batwaye amakamba y’ubwiza mu marushanwa anyuranye yaba Miss Rwanda, n’ayandi. Aba bose ugize umwe muri bo uganira nawe, yakubwira uburyo yakuriye ingofero Petersbakers. Si amakabyankuru, soma iyi nkuru urebe ibyamamre byakorewe cake na Petersbakers.

    TOP 50: Knowless, Buravan, MTN, Naomie, Liliane na Gitwaza mu byamamare byakorewe ‘Cake’ na Petersbakers imaze kuba ubukombe

    Petersbakers ifite icyicaro mu mujyi wa Kigali, i Remera hafi na Zigama CSS, hashize iminsi micye iyi kompanyi ishinze ibirindiro mu karere ka Rubavu, intego akaba ari ukugera mu gihugu hose. Mu itangazo Petersbakers yageneye abanya Rubavu, yasabye buri umwe ufite ubukwe, ibirori by’isabukuru y’amavuko, cyangwa ibindi birori ibyo ari byo byose, kubagana kuko bakorera cake zigezweho kandi mu gihe gito ugahita uyibona. Bafite kandi Fast Food, inkoko, ifi, burusheti zokeje neza n’icyayi cy’akataraboneka, Jus nziza n’ibyo kunywa bitandukanye.

    Ubusitani bwa Petersbakers ishami ry’i Rubavu

    Ku bantu batuye i Rubavu bifuje kuva kera amahugurwa yo gukora cake, nabo basubijwe, kuko muri Petersbakers bagufitiye amahugurwa y’amezo 3, ugasoza nawe wakwihangira umurimo. Amafaranga umuntu yishyura ku kwezi kumwe, ni macye cyane yoroheye buri wese. Petersbakers i Rubavu bakorera mu Kizungu ahateganye na Army Shop cyangwa ukabahamagara kuri telefone ikurikira; 0789944444 cyangwa ugakora ‘Order’ kuri www.petersbakers.com no kuri paji yabo ya Instagram ariyo @petersbakers_official1

    Petersbakers yageze no muri Miss Rwanda!

    Muri kompanyi zizahemba abakobwa bazegukana amakamba mu irushanwa rya Miss Rwanda 2021, harimo na Petersbakers izahemba 1,800,000 Frw umukobwa uzegukana ikamba rya 'Miss Congeniality 2021'. Petersbakers ifatwa nk’umwami wa cake mu Rwanda muri iki gihe, izaha abakobwa 20 bazagera mu mwiherero amahugurwa ajyanye no guteka indyo zitandukanye, gukora cake n'ibindi bijyanye n'ibizwi nka 'Banking' mu rwego rwo kubafasha kugira ubumenyi bwihariye nk'abari babereye u Rwanda.

    Mugwaneza Peter Umuyobozi Mukuru wa Petersbakers akaba na nyiri iyi kompanyi, yabwiye INYARWANDA ko bateye inkunga irushanwa rya Miss Rwanda kugira ngo bashyigikire urugendo rw'iterambere rw'umwana w'umukobwa no kubafasha kumenya uko bategura ibyo kurya byiza. Ati: “Gushyigikira abari n'abategarugori, ni byo dushyize imbere ni yo mpamvu tuzabaha amahugurwa baziga 'Banking' ariko bige no guteka muri rusange. Umwali aba agomba kumenya guteka, akamenya gutunganya ifunguro n'ibindi bishamikiyeho”.

    Gukorerwa cake na Petersbakers bisaba iki ?

    Gukoresha cake muri Petersbakers harimo inyungu nyinshi kuko Design yose washaka barayigukorera ndetse bakanarenzaho ku buryo nawe bigutangaza. Bashobora kandi no kuguhitiramo Design ijyanye n'ibirori byawe. N’iyo ubishatse bakuzanira cake yawe iwawe mu rugo cyangwa ahabereye ibirori. Ntabwo bahenda rwose dore ko ibiciro byoroheye buri wese by’umwihariko kuri ubu banashyizeho poromosiyo. 

    Petersbakers i Kigali, bahamagare kuri: 0786048392

    Petersbakers i Rubavu, bahamagare kuri: 0789944444

    REBA AMAFOTO Y’AHANTU PETERSBAKERS IRI GUKORERA I RUBAVU

    Iyi niyo nyubako Petersbakers ikoreramo mu karere ka Rubavu

    Umwami wa cake yatembereye abanya-Rubavu kandi yiteguye kubakirana yombi

    Petersbakers bamaze ukwezi barimbisha aho bari gukorera i Rubavu

    Umukiriya ni umwami! Abagana Petersbakers bashyiriweho ahantu heza ho kuganirira

    Ni nka Eden neza neza! Ni uburyohe kuganirira n’uwawe ahantu heza musangira amafunguro yateguranywe ubuhanga nk’ayo muri Petersbakers

    Abakunda ahantu hatuje kandi hari amafu, igisubizo ni Petersbakers i Rubavu

    Petersbakers yanze kwicisha irungu abanya-Rubavu n’abakunda gusohokera ku Gisenyi ku mazi

    Abanya-Rubavu bari bafite inzozi zo kwiga uko bakora cake z’agatangaza, Petersbakers yabikemuye! Hamagara gusa iyi telefone 0789944444

    Cake Petersbakers bakoreye Knowless Butera

    Kuri cake zo mu bukwe, Petersbakers ni ntakurikirwa!

    Source : https://inyarwanda.com/inkuru/103297/petersbakers-yafunguye-ishami-i-rubavu-idabagiza-abahatuye-ibashyiriraho-amahugurwa-yo-guk-103297.html