Category: Uncategorized
-
Uzi ko Bibiliya yagufasha kwihanganira ibibazo? #rwanda #RwOT
Birashoboka ko hari umuntu wo mu itorero wakubabaje (Yak 3:2). Nanone birashoboka ko abo mukorana cyangwa abo mwigana baguseka kubera ko ukorera Uwiteka (1 Pet 4:3, 4). Bene wanyu na bo bashobora kukubuza kujya mu materaniro cyangwa kubwiriza (Mat 10:35, 36). Iyo ikibazo ufite kiguhangayikishije cyane, bishobora gutuma wumva wareka gukorera Uwiteka. Ariko uko ikibazo ufite cyaba kimeze kose, ushobora kwiringira ko Uwiteka azaguha ubwenge bwo gufata imyanzuro myiza, akaguha n’imbaraga zo kukihanganira.
Twakora iki ngo tubone inama zadufasha mu gihe dufite ikibazo?
None se twakora iki niba dushaka ko Ijambo ry’Imana ridufasha kwihanganira ibibazo dufite? Dore ibintu bine twakora: (1) Gusenga, (2) kwiyumvisha ibyo dusoma, (3) gutekereza ku byo dusoma, (4) gukurikiza ibyo dusoma.
Reka turebe uko twabikora. Tugiye gukoresha ubwo buryo, turebe uko twavana amasomo ku byabaye ku Mwami Dawidi no ku ntumwa Pawulo.
1.GUSENGA
Mbere y’uko utangira gusoma Bibiliya, jya ubanza usabe Uwiteka agufashe kubona inama zakugirira akamaro.
Gusenga. Mbere y’uko utangira gusoma Bibiliya jya usaba Uwiteka agufashe kubona ingingo zakugirira akamaro. Urugero, niba ushaka inama zagufasha kwihanganira ikibazo ufite, jya umusenga kugira ngo agufashe kuzibona mu Ijambo rye.â”Fili 4:6, 7; Yak 1:5.
2.KWIYUMVISHA IBYO DUSOMA
Kwiyumvisha ibyo dusoma. Uwiteka yaduhaye ubushobozi buhambaye bwo kwiyumvisha ibintu. Kugira ngo ibyo usoma muri Bibiliya ubashe kubyiyumvisha neza, jya ugerageza gusa n’ureba ibyabaye, use n’uwishyira mu mwanya w’uvugwa muri iyo nkuru. Jya ugerageza gusa n’ureba ibintu yarebaga kandi utekereze uko yiyumvaga.
3.GUTEKEREZA KU BYO DUSOMA
Gutekereza ku byo dusoma. Bisobanura kwita cyane ku byo usoma no kureba uko wabikurikiza. Ibyo bigufasha guhuza ibitekerezo maze ukarushaho gusobanukirwa neza ibyo usoma. Gusoma Bibiliya ariko ntutekereze ku byo usoma, byaba bimeze nko kureba uduce duto tw’ifoto turi ku meza ariko ntuduteranye. Gutekereza ku byo usoma byagereranywa no guteranya twa duce noneho ukabona ifoto yuzuye.
4.GUKURIKIZA IBYO DUSOMA
Yesu yavuze ko iyo tudakurikiza ibyo twiga, tuba tumeze nk’umuntu wubaka inzu ye ku musenyi. Akoresha imbaraga nyinshi ariko aba aruhira ubusa. Kubera iki? Ni ukubera ko iyo haje umuyaga ukaze n’umwuzure, ya nzu isenyuka (Mat 7:24-27).
Natwe iyo dusoma Bibiliya, tukiyumvisha ibyo dusoma, tukabitekerezaho ariko ntitubikurikize, tuba turuhira ubusa. Iyo duhuye n’ibibazo cyangwa ibigeragezo ntitubasha kubyihanganira kubera ko tuba dufite ukwizera guke. Ariko iyo twiyigisha kandi tugakurikiza ibyo twiga, dufata imyanzuro myiza, tukarushaho kugira amahoro, n’ukwizera kwacu kukarushaho gukomera (Yes 48:17, 18).
Nitwiga gusoma Bibiliya tuyishyizeho umutima izatugirira umumaro tukiri hano ku isi ndetse inatubere impamba izatwambutsa mu rugendo rugana mu ijuru.
Source: amasezerano.com
Source : https://agakiza.org/Uzi-ko-Bibiliya-yagufasha-kwihanganira-ibibazo.html
-
Ibyo EAC ikeneye nk’impinduka mu mboni y’inzobere –
Uwo muryango umaze imyaka isaga 30 usubukuye ibikorwa nyuma yo kubihagarika mu 1970 kubera imitegekere ya Perezida Idi Amin wari ayoboye Uganda yari iwuhuriyemo na Kenya na Tanzaniya, hari ibyo wagezeho birimo guhuza za gasutamo nyuma yo kwiyungwaho n’u Rwanda, u Burundi na Sudani y’Epfo.
Umudepite mu Nteko Ishinga Amategeko ya EAC y’uwo muryango (EALA), Gasinzigwa Oda, ubwo yari mu kiganiro “Imboni” cya Televiziyo y’u Rwanda yavuze ko hari intambwe nziza yatewe mu byiciro bimwe, ariko ko hari n’ibindi bigikenewemo ingufu.
Depite Gasinzigwa yavuze ko Itegeko nshinga rya EAC rikubiyemo ibigamije gushyigikira ubukungu birimo guhuza za gasutamo, gushyiraho isoko rusange, no gushyiraho ifaranga rimwe rikoreshwa mu bihugu binyamuryango.
Yakomeje ati “Aho tugeze usanga guhuza za gasutamo bigenda bigerwaho aho hahujwe amategeko agenga imisoro, ibiro [by’imisoro] 15 biri ku mipaka [y’ibihugu] birakora neza.”
Yasobanuye ko ari ibintu byoroheje gusangizanya amakuru no kumenyekanisha ibicuruzwa mu gihe bivanwa mu gihugu kimwe bijyanwa mu kindi.
Uretse guhuza za gasutamo byagezweho, uwo mudepite yavuze ko ibindi bizashyigikira ubukungu bw’uwo muryango bikiri mu nzira, aho bimwe biri mu ntangiriro.
Ati “Icyiciro turimo ni icy’isoko rusange kandi nacyo twifuza ko cyagenda neza. Ibijyanye n’amategeko y’ifaranga rimwe nabyo hari amategeko amaze gushyirwaho ariko turacyari muri urwo rugendo.”
Impirimbanyi iharanira Kwihesha Agaciro kwa Afurika (Panafricaniste) akaba n’umucuruzi, Shyaka Michael Nyarwaya, yavuze ko amateka y’imibereho ya EAC yagize uruhare mu kuba iterambere ryayo rigenda buhoro.
Ati “Ubundi iyo baba barawugezemo mu 1967 bose, imyaka 54 bari kuba bageze ku bintu bikomeye. Kubera ko bamaze imyaka 20 badakora (1970-1990), ubona ari ikintu cyo kubaka urugendo.”
Ni mu gihe umunyamategeko akaba n’Umusesenguzi mu bya Politiki, Me Gasominari Jean Baptiste, we asanga kuba intego za EAC zigenda buhoro biterwa n’impamvu zirimo kuba ibihugu byose bidafite imbaduko imwe, aho usanga “bidahuriza ku mugambi”.
Yagize ati “Hari ubwo usanga ibihugu bimwe bifite imyumvire itari yagera ku rwego rumwe n’urw’imyumvire y’ibindi. Hari bimwe usanga byarateye intambwe igaragara mu mitekerereze, ibindi ugasanga bikiri inyuma, bikaba byaremeye kwifatanya n’ibindi ariko mu by’ukuri bitari byiteguye.”
Aho uwo munyamategeko yatanze urugero rw’igitekerezo cyazanywe muri uwo muryango cy’uko hajya habaho urujya n’uruza hifashishijwe indangamuntu zo mu bihugu nta pasiporo, byashyigikiwe n’ibihugu bitatu gusa ari byo u Rwanda, Kenya na Uganda, “ibindi ntibirabyemera.”
Ati “Ariko twizera ko uko bazagenda babona ko birimo inyungu bazabyemera.”
Hari ibikeneye kunozwa muri EACMu myaka mike ishize hagiye humvikana ibibazo by’umutekano muke ku baturage b’ibihugu bimwe bakorera mu bindi kandi byose ari ibinyamuryango bya EAC. Ibyo byateje umwijyane hagati y’ibyo bihugu byitanaga ba mwana bituma umubano wabyo uzamo agatotsi.
Depite Gasinzigwa yavuze ko inyungu z’umuryango zigomba gupimirwa ku baturage, bityo ko hagomba kubaho ubushake bwa politiki mu gushyira mu bikorwa ibyo ibihugu binyamuryango bisabwa, hitabwa ku nyungu zabo.
Nihitabwa ku nyungu z’umuturage bizatuma abakorera mu bindi bihugu badahutazwa, ibihugu bishyire hamwe maze iterambere ry’umuryango rigerweho.
Yakomeje ati “Ntabwo biba byumvikana mu gihe ubona inyungu z’abaturage, ukaba waragiye mu muryango ari wowe ubyifuje nta gahato ukemera gufatanya n’ibindi bihugu ndetse n’inyungu zikaba zigaragara. […]Ibyo waba ufite byose bigaruka ha handi kuri rya soko rimwe. Niba u Rwanda rufite miliyoni zirenga 12 z’abaturage, nta gihugu gishobora kuvuga ngo nta nyungu gifite mu gucuruzanya n’u Rwanda kuko ni isoko.”
Yavuze ko amahoro n’umutekano ku baturage ari byo bigomba kwimirizwa imbere muri EAC kugira ngo babashe kwisanga mu bihugu binyamuryango byose.
Depite Gasinzigwa kandi asanga hagikenewe intambwe mu ishyirwa mu bikorwa ry’ibyo ibihugu binyamuryango byiyemeje, kwegera abaturage no kongerera ingufu abikorera.
Izo mpuguke zagaragaje ko hakenewe imiyoborere myiza imbere mu bihugu bigize uyu muryango, kugira ngo byubake neza politiki y’ubufatanye mu bayobozi babyo bashobore gusenyera umugozi umwe, kuko imishinga y’uwo muryango idindizwa akenshi n’abayobozi b’ibihugu bamwe batayishyigikira.
Agerageje kubishyira mu rwego rw’amategeko, Me Gasominari yavuze ko ikintu cya mbere kiranga amasezerano ari ubushake bw’abayakorana, bityo ko hakenewe kwigisha abantu “ikibazo cy’imyumvire” kikabanza kuvaho.
Ati “Iyo bigitangira haba hari n’urwikekwe abantu bataramenya niba bazakorana n’abandi [neza] cyangwa niba basangiye icyerekezo.”
Uwo munyamategeko yavuze kandi ko hakenewe ubushake bwo gushyira mu bikorwa ibyo amategeko y’uwo muryango ateganya, kuko iyo butagaragara bigorana ko intego zigerwaho.
Kugeza ubu EAC igizwe n’u Rwanda, u Burundi, Uganda, Kenya, Tanzania na Sudani y’Epfo. RDC na Somalia nabyo byatanze icyifuzo cyo kwinjizwa mu muryango ariko ntibirasubizwa.
Uwo muryango ufite isoko ry’abasaga miliyoni 170, inzobere zisanga hari intambwe umaze kugeraho ugereranyije n’indi miryango ndetse n’igihe umaze ushinzwe. Mu gihe ibyo bihugu bizaba byemerewe kuba ibinyamuryango, isoko rizaguka rigere ku basaga miliyoni 300, abacuruzi begere inyanja zambukirizwaho ibicuruzwa ndetse n’umutungo kamere ubirimo ufashe ibindi biri mu muryango.
Depite Gasinzigwa Oda asanga hagikenewe intambwe mu ishyirwa mu bikorwa ry’ibyo ibihugu binyamuryango bya EAC byiyemeje, kwegera abaturage no kongerera ingufu abikorera
-
Bamenya yahishuye umukobwa akunda byo gupfa akomoza no ku bukwe bwe #rwanda #RwOT
Bamenya aganira na ISIMBI TV yabajijwe ku muntu yaba yiyumvamo cyane ndetse yanagisha inama, maze avuga ko amaze igihe kirekire amenyanye nuyu mugore ufite umwana ,ndetse bamwe bavugaga ko ari umukunzi we, ariko ngo uburyo amukunda birenze urukundo rusanzwe.
Ati:' uyu mukobwa ndamukunda pe, mukunda birenze urukundo rusanzwe, azahora mu mutima wanjye nanjye nzahora mu we.'
Umunyamakuru amubajije igituma amakunda ati :'birarenze cyane,ndamushimira cyane ,sinshaka ko abantu bamenya ibyo yakoreye ,gusa ibyo yankoreye ntibifatika afite ibyo yampaye muri we byamuvuyeho binzaho,bimwe mu bintu binyubatse ni we mbikesha'
Bamenya yakomeje avuga ko ateganya ubukwe ,gusa ntiyatangaje igihe buzabera gusa ngo azabukora.
-
Umurambo wa Bob Kasango uherutse gupfira muri gereza warwaniwe n'abagize umuryango we rubura gica #rwanda #RwOT
Nk'uko bisanzwe, uyu muhango wagombaga gukurikirwa no kujya kumushyingura, gusa byaje gutungurana ubwo abagize umuryango batangiye kurwanira umurambo, bitewe no kutumvikana aho ugomba gushyingurwa.
Habaye imirwano, ku ruhande rumwe iyobowe na nyina wa Kasango, Rose Kabise n'urundi ruyobowe n'imfura ya nyakwigendera.
Rose Kabise n'itsinda ryari rimushyigikiye bashakaga ko umurambo w'umuhungu we ushyingurwa hafi y'urugo rwe (ku ivuko) mu Karere ka Tororo kari mu burasirazuba bwa Uganda.
Uyu mukecuru yavugaga ko byamutera agahinda umurambo w'umuhungu we, Bob Kasango, udashyinguwe muri Tororo, aho atuye.
Ni mu gihe itsinda ryari riyobowe n'imfura ya Kasango, ryo ryashakaga ko uyu murambo ushyingurwa mu Karere ka Fort Portal mu burasirazuba bwa Uganda, aho batuye.
Ubwumvikane ku mpande zombi bwabuze, ubwo umurambo wavanwaga muri kiliziya, itsinda rya Rose Kabise ryari ryaparitse imodoka yo kuwutwara, ryahise riwufata, rirawirukankana.
Itsinda ry'imfura ya Kasango naryo ryagerageje kwirukanka kuri iyi modoka kugira ngo igarure umurambo, ariko biba iby'ubusa. Daily Monitor ivuga ko ryahise rihamagara abapolisi kugira ngo bayihagarike.
Robert Aldridge Kasango wari ufite imyaka 46 y'amavuko yapfuye tariki ya 27 Gashyantare 2021 azize indwara y'umutima. Yafunzwe nyuma yo guhamwa icyaha cyo kunyereza amashilingi ya Uganda miliyari 15 yari agenewe abageze mu zabukuru.
-
Amagare : Hafungurwa Shampiyona ya Africa amakipe 3 y’u Rwanda yegukanye imidari #rwanda #RwOT
Uyu munsi wa mbere wa Shampiyona ya Africa iri kubera mu Misisi, habazwe igihe amakipe yakoresheje.
Mu cyiciro cy’ingimbi (abagabo batarengeje imyaka 18) bakoze intera ya Kilometero 28, u Rwanda rwari ruhagarariwe na Iradukunda Valens, Niyonkuru Samuel, Mugabo Hussein na Tuyizere Etienne, rwasoje ku mwanya wa kabiri inyuma ya Algeria.
Mu cyiciro cy’abagore, u Rwanda rugizwe na Ingabire Diane, Mukashema Josiane, Nzayisenga Valentine na Tuyishimire Jacqueline, rwaje ku mwanya wa kabiri rukirikiye Afurika y’Epfo yegukanye umudari wa zahabu.
Mu bagabo, u Rwanda ruhagarariwe na Areruya Joseph, Habimana Jean Eric (wasimbuye Mugisha Samuel kubera uburwayi), Mugisha Moïse na Nsengimana Jean Bosco, naho baje kwegukana umwanya wa kabiri.
UKWEZI.RW
-
U Rwanda rwatwaye imidari 3 ya Feza ku munsi wa mbere wa shampiyona nyafurika yo gusiganwa ku magare #rwanda #RwOT
Ku munsi wa mbere hakinwe gusiganwa n'ibihe nk'ikipe (Team Time Trial) mu bagabo,abagore n'ingimbi.
Ikipe y'Abagore n'iy'Ingimbi zakoze intera y'ibilometero 28. Abagore babaye aba kabiri inyuma ya Afurika y'Epfo, Ingimbi ziba iza kabiri inyuma ya Algeria.
Ikipe y'abagabo bakuru yatangiye gusiganwa ibilometero 42. Mugisha Samuel warwaye, asimburwa na Habimana Jean Eric mu gihe Areruya Joseph we atarangije isiganwa.
Itsinda ry'u Rwanda mu Misiri rigizwe n'abantu 22 barimo abakinnyi 14, abatoza babiri, umukanishi n'abaganga babiri; kongeraho umuyobozi n'abandi bakozi babiri b'Ishyirahamwe Nyarwanda ry'Umukino w'Amagare (FERWACY).
Ni ku nshuro ya gatatu Team Rwanda yitabiriye Shampiyona Nyafurika yabereye mu Misiri nyuma yo gukina iyo mu 2013 na 2017.
Abakinnyi batandatu bagize Ikipe y'Igihugu Nkuru y'abagabo ni Areruya Joseph, Habimana Jean Eric, Mugisha Moïse, Mugisha Samuel, Nsengimana Jean Bosco na Nzafashwanayo Jean Claude.
Aba bakinnyi bari gutozwa na Sempoma Félix, Maniriho Eric ni umukanishi mu gihe umuganga ari Ruvogera Obed.
Ikipe y'ingimbi igizwe n'abakinnyi bane ari bo Iradukunda Valens, Niyonkuru Samuel, Mugabo Hussein na Tuyizere Etienne.Itozwa na Byukusenge Nathan, Uwayezu Sandrine akora nk'umukanishi mu gihe Ruvogera Obed ari umuganga.
Abakinnyi bane bagize Ikipe y'Igihugu Nkuru y'Abagore ni Ingabire Diane, Mukashema Josiane, Nzayisenga Valentine na Tuyishimire Jacqueline, isangiye umutoza, umukanishi n'umuganga hamwe na basaza babo bato.
Ku munsi w'ejo hazabaho gusiganwa umuntu ku giti cye [ITT] mu bagore n'ingimbi.
-
Urukingo rwa Coronavirus rwa AstraZeneca rutegerejwe i Kigali –
Amakuru yizewe agera kuri IGIHE ni uko inkingo u Rwanda ruzakira ari izakozwe na Kaminuza ya Oxford yo mu Bwongereza za AstraZeneca. Uru rukingo ni narwo rwatanzwe muri iyi gahunda mu bindi bihugu bibiri bya Afurika, Ghana na Côte d’Ivoire, aho byombi byatangiye gukingira ku wa 1 Werurwe 2021.
Muri ibi bihugu byombi, inkingo zagezeyo mu kwezi gushize aho nka Ghana yakiriye dose 600.000 mu gihe ku wa 24 Gashyantare, Côte d’Ivoire yakiriye dose 504.000 byitezwe ko u Rwanda narwo rwakira izo muri icyo kigero.
Uru rukingo rwa AstraZeneca usibye kuba rwarakozwe na Kaminuza ya Oxford, Ikigo cyo mu Buhinde cyitwa Serum Institute nicyo cyarutunganyije. Ku wa 15 Gashyantare nibwo OMS yatanze uburenganzira bwo kuba rwatangira gutangwa. Agacupa karwo kaba kari mu icupa ririho igipapuro cy’icyatsi cyanditseho ngo COVISHIELD.
Mu cyumweru kimwe byitezwe ko dose miliyoni 11 z’urukingo rwa Coronavirus arizo zizakwirakwiza mu bihugu muri iyi gahunda ya Covax.
Mu nkingo zose za Coronavirus zimaze gukorwa, urwa AstraZeneca ni rwo rwonyine urebye rufite amabwiriza ashobora korohera abantu mu buryo bwo kurutwara no kurubika. Rushobora kubikwa mu bubiko busanzwe ahantu hari ubukonje ushobora no kubona muri firigo zikoreshwa mu buzima bwa buri munsi. Ariko nk’urwa Moderna rw’Abanyamerika rwo amabwiriza ni uko rubikwa ahantu hari ubukonje bwa dogere Celsius -20 rukaba rwahamara amezi atandatu.
Abahanga mu by’ubuzima bagaragaza ko nk’ibihugu bikennye cyangwa ibyo muri Afurika byinshi bishobora kuzahitamo gukoresha urwa AstraZeneca kuko nta mabwiriza menshi rusaba mu kurubika bitandukanye n’izindi zifite umwihariko ukomeye mu bukonje n’ibindi.
Mu kiganiro Minisitiri w’Ubuzima, Dr Ngamije Daniel, yagiranye na IGIHE mu Ukuboza 2020, yari yaciye amarenga ko u Rwanda rushobora kuzakoresha urukingo rwa AstraZeneca.
Ati “Ruriya rwa AstraZeneca ni urukingo rutatuvuna cyane mu buryo bwo kubika inkingo.”
Uru rukingo kandi nirwo ruhendutse muri zose. Dose imwe igura amdolari ane, ni hafi 4000 Frw. Bisobanuye ko u Rwanda rushatse gukingira abaturage bose b’igihugu bagahabwa dose ebyiri nk’uko biteganywa, wasanga rwakwishyura asaga miliyari 100 Frw.
Inkingo zizatangwa muri gahunda ya Covax ni izishobora guhabwa abaturage 20% muri miliyoni 12,7 batuye u Rwanda. Dr Ngamije icyo gihe yabwiye IGIHE ati “Nizo dufiteho uburenganzira ubu. 20% gusa ya miliyoni 12,7 by’abaturage ni zo tugomba kubona ariko n’uburyo bwo gushaka amafaranga bukaba burimo kugira ngo tuzabashe kuva kuri 20% tujya kuri 60% nibura.”
IGIHE ifite amakuru ko muri gahunda harimo ko uyu mwaka wa 2021 uzarangira nibura 60% by’Abanyarwanda bose bakingiwe Coronavirus.
Inkingo ziri gutangwa muri gahunda ya Covax inyinshi ni izakozwe na AstraZeneca, byitezwe ko u Rwanda narwo arizo ruzakira
-
Akarere kose ka Bugesera kabuze amazi –
Akarere ka Bugesera kose kabuze amazi nyuma y’aho imiyoboro migari yagaburiraga aka gace yangiritse kuri uyu wa Kabiri tariki ya 02 Werurwe 2021.
Imiyoboro ibiri yangiritse ni ivana amazi mu ruganda rwa Kanyonyomba n’uvana amazi mu ruganda rwa Ngenda.
Mu itangazo Ikigo gishinzwe Amazi, Isuku n’Isukura, Wasac, cyanyujije kuri Twitter cyavuze ko Akarere ka Bugesera kose kabuze amazi ariko ko abaturage bakwiye kwihangana mu gihe biri gutunganywa.
Ati “Twagize ikibazo ku matiyo avana amazi ku ruganda rwa Kanyonyomba na Ngenda. Mu gihe abakozi bacu bari gukorana umurava mu gusana ayo matiyo, turasaba abatuye mu karere kose ka Bugesera kwihanganira ibura ry’amazi tubizeza ko mu gihe cya vuba bongera kuyabona.”
Umuvugizi wa WASAC, Iraguha Dan, yatangarije IGIHE ko ibikorwa byo gusana iyi miyoboro birimbanyije kugira ngo abaturage batuye mu Bugesera babashe kubona amazi vuba bidatinze.
Amakuru IGIHE yamenye ni uko umuyoboro uvana amazi ku ruganda rwa Kanyonyomba n’uwa ngenda yaturitse bisanzwe.
Umuyoboro wavanaga amazi ku ruganda rwa Kanyonyomba wagemuraga angana na meterokibe 2500 ku munsi mu gihe uruganda rwa Ngenda rwohereza amazi angana na meterokibe 3300 ku munsi.
Mu karere ka Bugesera, amazi yabuze kubera imiyoboro yangiritse / Ifoto: IGIHE
-
Kagere Meddie avuga ko n’ubwo atabonye umwanya uhagije wo gukina intego itahindutse #rwanda #RwOT
Rutahizamu w’umunayrwanda ukinira ikipe ya Simba SC muri Tanzania, Meddie Kagere avuga ko n’ubwo atabonye umwanya uhagije wo gukina intego ari ukuba rutahizamu wahize abandi muri shampiyona.
Meddie Kagere ntabwo yahiriwe n’umwaka w’imikino wa 2020-2021 kuko atabonye umwanya uhagije wo gukina nk’uko byagenze mu myaka 2 itambutse.
Aganira n’ikinyamakuru Global Publishers yavuze ko n’ubwo uyu mwaka bitagenze neza ariko yiteguye gukoresha umwanya wose azahabwa akaba yaba rutahizamu wahize abandi muri shampiyona ya Tanzania.
Yagize ati“uyu ni umwaka wihariye muri iyi shampiyona, buri mukinnyi arakora neza. Kuri njye ngomba kurwana ku buryo umwanya wose nzahabwa wo gukina nzatsinda, intego ni ukuba rutahizamu wahize abandi.
Meddie Kagere na John Bocco ba Simba SC ni bo ba rutahizamu bayoboye abandi muri uyu mwaka w’imikino aho buri umwe afite ibitego 9.
Imyaka 2 itambutse ari nayo Kagere Meddie amaze muri Tanzania, yabaye rutahazamu watsinze ibitego kurusha abandi muri iyi myaka yose, akaba ari na we mukinnyi ufite aka gahigo muri iyi shampiyona mu myaka 11 itambutse.
Meddie Kager yiteguye guhangana kugeza ku munsi wa nyuma