Webrwanda Backend

Category: Uncategorized

  • Umugore yahitanwe na Covid-19 mu Rwanda abandi bantu 150 barayikira #rwanda #RwOT

    Minisiteri y'Ubuzima yatangaje ko uyu munsi tariki ya 02 Werurwe 2021,umugore yishwe n'icyorezo cya Covid-19 mu Rwanda, bituma abamaze gupfa bose baba 265.Ni mu gihe handuye abantu bashya 125, hakira 150.

    Amakuru mashya kuri Covid-19 uyu munsi:

    Habonetse abanduye bashya:125
    Abanduye bose:19,111
    Hakize:150
    Abakize bose:17,472
    Hapfuye:1(Umugore w'imyaka 84 witabye Imana i Kigali )
    Abamaze gupfa bose:265
    Abakirwaye:1,374
    Abarembye:8

    Ubushakashatsi bwakozwe n'ikigo gishinzwe ubuzima mu Bwongereza, Public Health England (PEH), bwagaragaje ko urukingo rumwe rwa -AstraZeneca cyangwa urwa Pfizer-BioNTech rugabanya ingaruka zo kuba umuntu yaremba ku kigero kirenga 80%.

    BBC ivuga ko ubu bushakashatsi bwakorewe ku bantu bari hejuru y'imyaka 80, kuko aribo babanje guhabwa uru rukingo, ndetse ko rutangira kugaragaza umusaruro warwo neza mu byumweru bitatu cyangwa bine umuntu aruhawe.

    Nubwo byagaragaye ko urukingo rumwe rushobora kurinda umuntu kuremba, abahanga mu bya siyansi mu Bwongereza bavuze ko ari ngombwa ko abantu baterwa inkingo ebyiri kugira ngo zishobore gutanga umusaruro ufatika mu kurinda umuntu Covid-19.

    Ubu bushakashatsi kandi bwagaragaje ko urukingo rwa Pfizer rwagabanyije impfu za Covid-19 mu bantu bafite imyaka 80 ku kigero cya 83%, mu gihe urwa Astrazeneca rwo rwagaragaje ko rufite ubushobozi bwo kurinda abantu bakuze bari hejuru y'imyaka 70 kugaragaza ibimenyetso nyuma y'ibyumweru bitatu barutewe, ku kigero cya 60%.

    Umuyobozi mukuru ushinzwe ubuvuzi mu Bwongereza, Prof Jonathan Van-Tam, yavuze ko ibyavuye mu bushakashatsi bitanga ikizere ko gahunda yo gutanga inkingo izatuma ubuzima buhinduka mu gihe gito.

    Yongeyeho ati 'Icyemezo cyo gutera urukingo rwa Astrazeneca abantu bashaje, cyari kiza. Ibyavuzwe n'abayobozi bo mu Bwongereza ko rukora ku bantu bakiri bato gusa ntabwo ari byo.'

    Ushinzwe ubudahangarwa muri PHE, Dr. Mary Ramsay, yavuze ko hari ibihamya bigaragaza ko inkingo ziri kugabanya ubwandu bushya ndetse ko ziri no kuramira ubuzima bw'abantu. Gusa avuga ko hakenewe gukora ubushakashatsi bwimbitse ku bushobozi zifite bwo kurinda Covid-19 yihinduranyije yagaragaye muri Brazil, yanamaze kugera no mu Bwongereza.

    Kugeza ubu muri iki gihugu abantu miliyoni 20 bamaze guterwa dose ya mbere y'urukingo. Gusa ariko mu minsi 28 ishize hamaze gupfa abantu 104 bazize Covid-19, mu gihe abanduye bashya muri iyo minsi ari 5.455.


    Source : http://umuryango.rw/amakuru/mu-rwanda/ubuzima/article/umugore-yahitanwe-na-covid-19-mu-rwanda-abandi-bantu-150-barayikira

  • Kuki abantu badashaka kumenya ukuri k'uburyo Rusesabagina yahindutse intwari? – Perezida Kagame – #rwanda #RwOT

    Rusesabagina yavuzwe ku Isi hose kubera Filime Hotel Rwanda yakozwe ku nkuru ye y'uko yarokoye Abatutsi bari bahungiye muri Mille Collines mu 1994. Byatumye aba ikirangirire, ahabwa imidali itabarika, yitwa intwari kugeza n'aho ejo bundi aha ubwo yatabwaga muri yombi amahanga yavugaga ko 'Hotel Rwanda Hero' bitumvikana uburyo agezwa imbere y'ubutabera.

    Mu kiganiro Perezida Kagame yagiranye na Evgeny Lebedev, Umushoramari w'Umwongereza ufite inkomoko mu Burusiya washoye mu binyamakuru bikomeye byo mu Bwongereza nka Evening Standard na The Independent; baganiriye ku ngingo nyinshi harimo na Rusesabagina.

    Lebedev yari mu Rwanda mu mpera z'icyumweru gishize ubwo Perezida Kagame yasinyaga amasezerano yo kwinjira muri gahunda ya The Giants Club, igamije gutanga umusanzu mu rugamba rwo kubungabunga urusobe rw'ibinyabuzima.

    Mu nkuru Lebedev yatambukije muri The Independent avuga ibyo yaganiriye na Perezida Kagame ku ngingo zitandukanye zirimo ibibazo byatewe na Covid-19, urugendo rwo kubungabunga ibidukikije, ubukerarugendo n'ibindi.

    Perezida Kagame yabajijwe ku butwari bwa Rusesabagina, maze asubiza agira ati 'Reka twemere ko ibyo bintu byose byabayeho. Kuki abantu badashaka kumenya ukuri k'uburyo Paul Rusesabagina yahindutse intwari? Abantu babaye muri iriya hotel icyo gihe, kuki mutumva inkuru zabo?'

    Abarokotse Jenoside benshi bari bihishe muri iriya hotel bakunze kuvuga ko Rusesabagina yakabirije inkuru y'ibikorwa byamuranze ndetse ko yasabaga abantu amafaranga yo kuba barimo.

    Bernard Makuza wahoze ari Perezida wa Sena ndetse wigeze no kuba Minisitiri w'Intebe, ni umwe mu bari muri iyi hotel. Aherutse kubwira The New York Times ko Rusesabagina yishyuzaga abantu 'nubwo Sabena ubwayo yari yamusabye ko atishyuza abantu'.

    Yakomeje agira ati 'Paul yarabishyuje. Kandi Paul [Rusesabagina] yateye ubwoba abatari bafite uko bishyura ko aza kubasohora hanze'.

    Makuza yavuze ko filimi 'Hotel Rwanda' ishingiye ku nkuru y'impimbano yo muri Hollywood.

    Umwe mu bari abayobozi b'iyi hotel yavuze ko mu cyumweru cya nyuma, Rusesabagina yafunze amazi yo muri hotel, asaba abayashaka kujya basohoka bakayasanga hasi.

    Ati 'Niba mushaka amazi, mugomba kumanuka mukajya hasi kuri swimming pool umwe ku wundi'.

    Icyo gihe hanze kuri hotel ngo hari abasirikare barebaga umuntu umanutse agiye gushaka amazi ku buryo amazina yabo yashoboraga kuza guhita atambutswa kuri Radio RTLM ubundi bagahigwa.

    Terry George wanditse filime yagize icyamamare uyu mugabo, aherutse kuvuga ko mbere yo gutangira kuyikina, inyandiko yayo yagenzuwe n'abahanga hamwe n'abanyamakuru bareba ukuri kw'amakuru yose.

    Uyu George aherutse kwandika inkuru muri Foreign Policy avuga ko ubwo iyi filime yari imaze gusohoka mu 2004, Perezida Kagame yamushimiye nyuma [Kagame] akaza kwamagana Rusesabagina bitewe n'uko yanenze imiyoborere ye.

    Perezida Kagame ati 'Ibyo si ukuri. Nta kibazo mfite mu kuba umuntu yakora filime ku cyo aricyo cyose ariko niba umuntu agiye kuririra kuri iyo filimi, akayisobanura ukundi mu nyungu ze bwite, z'amafaranga cyangwa se politiki, birapfuye … ni igitutsi ku bapfuye, ni ugutesha agaciro.'

    Perezida Kagame yavuze kandi ko Rusesabagina yatangije umutwe wagize uruhare mu bitero byaguyemo inzirakarengane icyenda mu Majyepfo y'u Rwanda.

    Mu matariki atandukanye mu 2018, uyu mutwe wa FLN washinzwe na Rusesabagina wagabye ibitero mu bice byegereye ishyamba rya Nyungwe, usahura abaturage, wica abandi ndetse wangiza n'ibikorwa remezo bitandukanye.

    Perezida Kagame aganira na Lebedev ku wa 27 Gashyantare 2021 muri Village Urugwiro / Ifoto: Plaisir Muzogeye

    Source : http://igihe.com/amakuru/u-rwanda/article/kuki-abantu-badashaka-kumenya-ukuri-k-uburyo-rusesabagina-yahindutse-intwari

  • Kuki abantu badashaka kumenya ukuri k’uburyo Rusesabagina yahindutse intwari? – Perezida Kagame –

    Rusesabagina yavuzwe ku Isi hose kubera Filime Hotel Rwanda yakozwe ku nkuru ye y’uko yarokoye Abatutsi bari bahungiye muri Mille Collines mu 1994. Byatumye aba ikirangirire, ahabwa imidali itabarika, yitwa intwari kugeza n’aho ejo bundi aha ubwo yatabwaga muri yombi amahanga yavugaga ko “Hotel Rwanda Hero” bitumvikana uburyo agezwa imbere y’ubutabera.

    Mu kiganiro Perezida Kagame yagiranye na Evgeny Lebedev, Umushoramari w’Umwongereza ufite inkomoko mu Burusiya washoye mu binyamakuru bikomeye byo mu Bwongereza nka Evening Standard na The Independent; baganiriye ku ngingo nyinshi harimo na Rusesabagina.

    Lebedev yari mu Rwanda mu mpera z’icyumweru gishize ubwo Perezida Kagame yasinyaga amasezerano yo kwinjira muri gahunda ya The Giants Club, igamije gutanga umusanzu mu rugamba rwo kubungabunga urusobe rw’ibinyabuzima.

    Mu nkuru Lebedev yatambukije muri The Independent avuga ibyo yaganiriye na Perezida Kagame ku ngingo zitandukanye zirimo ibibazo byatewe na Covid-19, urugendo rwo kubungabunga ibidukikije, ubukerarugendo n’ibindi.

    Perezida Kagame yabajijwe ku butwari bwa Rusesabagina, maze asubiza agira ati “Reka twemere ko ibyo bintu byose byabayeho. Kuki abantu badashaka kumenya ukuri k’uburyo Paul Rusesabagina yahindutse intwari? Abantu babaye muri iriya hotel icyo gihe, kuki mutumva inkuru zabo?”

    Abarokotse Jenoside benshi bari bihishe muri iriya hotel bakunze kuvuga ko Rusesabagina yakabirije inkuru y’ibikorwa byamuranze ndetse ko yasabaga abantu amafaranga yo kuba barimo.

    Bernard Makuza wahoze ari Perezida wa Sena ndetse wigeze no kuba Minisitiri w’Intebe, ni umwe mu bari muri iyi hotel. Aherutse kubwira The New York Times ko Rusesabagina yishyuzaga abantu “nubwo Sabena ubwayo yari yamusabye ko atishyuza abantu”.

    Yakomeje agira ati “Paul yarabishyuje. Kandi Paul [Rusesabagina] yateye ubwoba abatari bafite uko bishyura ko aza kubasohora hanze”.

    Makuza yavuze ko filimi “Hotel Rwanda” ishingiye ku nkuru y’impimbano yo muri Hollywood.

    Umwe mu bari abayobozi b’iyi hotel yavuze ko mu cyumweru cya nyuma, Rusesabagina yafunze amazi yo muri hotel, asaba abayashaka kujya basohoka bakayasanga hasi.

    Ati “Niba mushaka amazi, mugomba kumanuka mukajya hasi kuri swimming pool umwe ku wundi”.

    Icyo gihe hanze kuri hotel ngo hari abasirikare barebaga umuntu umanutse agiye gushaka amazi ku buryo amazina yabo yashoboraga kuza guhita atambutswa kuri Radio RTLM ubundi bagahigwa.

    Terry George wanditse filime yagize icyamamare uyu mugabo, aherutse kuvuga ko mbere yo gutangira kuyikina, inyandiko yayo yagenzuwe n’abahanga hamwe n’abanyamakuru bareba ukuri kw’amakuru yose.

    Uyu George aherutse kwandika inkuru muri Foreign Policy avuga ko ubwo iyi filime yari imaze gusohoka mu 2004, Perezida Kagame yamushimiye nyuma [Kagame] akaza kwamagana Rusesabagina bitewe n’uko yanenze imiyoborere ye.

    Perezida Kagame ati “Ibyo si ukuri. Nta kibazo mfite mu kuba umuntu yakora filime ku cyo aricyo cyose ariko niba umuntu agiye kuririra kuri iyo filimi, akayisobanura ukundi mu nyungu ze bwite, z’amafaranga cyangwa se politiki, birapfuye … ni igitutsi ku bapfuye, ni ugutesha agaciro.”

    Perezida Kagame yavuze kandi ko Rusesabagina yatangije umutwe wagize uruhare mu bitero byaguyemo inzirakarengane icyenda mu Majyepfo y’u Rwanda.

    Mu matariki atandukanye mu 2018, uyu mutwe wa FLN washinzwe na Rusesabagina wagabye ibitero mu bice byegereye ishyamba rya Nyungwe, usahura abaturage, wica abandi ndetse wangiza n’ibikorwa remezo bitandukanye.

    Perezida Kagame aganira na Lebedev ku wa 27 Gashyantare 2021 muri Village Urugwiro / Ifoto: Plaisir Muzogeye

  • Huye: Ibihano ku bakerensa amabwiriza yo gukumira ikwirakwira rya COVID-19 byahanitswe –

    Mu minsi ishize mu Karere ka Huye hagiye hafatirwa abakora ibikorwa birenga ku mabwiriza yashyizweho agamije gukumira COVID-19 birimo guhindura restaurant utubari, kutambara neza agapfukamunwa, kurenza amasaha yo gutaha n’ibindi.

    Hari abagiye bafatwa bakagirwa inama bagahita barekurwa, hari abarazwaga muri Stade naho bandi bagacibwa amande. Kuri ubu buri kosa ryashyiriweho amande naho ayari yarashyizweho mbere arongerwa.

    Urugero ni aho uwafatwaga yakoresheje amakoraniro yacibwaga ibihumbi 10 Frw, kuri ubu azajya ahanishwa gutanga ibihumbi 200 Frw. Uwafatwaga yatorotse ahashyirwa abagaragayeho ubwandu bwa COVID-19 bakitabwaho yacibwaga amande y’ibihumbi 20 Frw ariko kuri ubu azajya atanga ibihumbi 100 Frw.

    Umuyobozi w’Akarere ka Huye, Sebutege Ange, yabwiye IGIHE ko habayeho kugenzura uko abantu bubahiriza amabwiriza yo kwirinda COVID-19 basanga hari benshi badohotse, biyemeza kongera ingufu mu kwigisha no gukaza ibihano.

    Ati “Icyagaragaye ni uko hari abadohotse ku mabwiriza n’abayarengaho nkana. Inama Njyanama rero ifata icyemezo cyo gukaza ibihano mu rwego rwo gukumira icyorezo cya COVID-19 kugira ngo buri wese yumve ko afite inshingano zo kwirinda no kurinda mugenzi we.”

    Imiterere y’amande yashyizweho kuri buri kosa:

    Urutonde rw’ayo mande rugaragaza ko uzafatwa atambaye agapfukamunwa, akambaye nabi cyangwa yambaye akanduye azajya atanga 5,000 Frw. Kukajugunya ahatarabugenewe ni ugucibwa 2,000 Frw. Kugenda mu masaha abujiwe ni uguhanishwa amande ya 5,000 Frw ku muntu umwe n’ibihumbi 10 Frw k’utwaye ikinyabiziga.

    Kutubahiriza intera ya metero hagati y’umuntu n’undi bihanishwa 5,000 Frw; umuntu uzinjira mu iduka, mu isoko n’ahandi hantu hahurira abantu benshi adakarabye intoki cyangwa akanga gupimwa umuriro no kwandikwa mu gitabo azahanishwa gutanga amande ya 5,000 Frw.

    Umuntu uzafatwa akora ubucuruzi bwemewe mu mujyi ariko adafite aho abantu bakarabira intoki mbere yo kwinjira azahanishwa amande y’ibihumbi 100 Frw naho mu cyaro ni ibihumbi 50 Frw.

    Uwishyura n’uwishyuza badakoresheje ikoranabuhanga buri umwe azajya acibwa amande y’ibihumbi 25 Frw. Gufungura akabari mu cyaro ni uguhanishwa ibihumbi 50 Frw; mu mujyi ni ibihumbi 100 Frw mu gihe muri hotel ari ibihumbi 150 Frw.

    Kujya muri siporo rusange kandi bibujijwe ni uguhanishwa gutanga ibihumbi 10 Frw ku muntu umwe n’ibihumbi 100 kuri nyir’inzu ikorerwamo siporo cyangwa uyoboye iyo siporo. Kwitabira amakoraniro abujijwe ni uguhanishwa gutanga ibihumbi 200 Frw k’uwatumiye n’ibihumbi 25 Frw ku witabiriye.

    Gukoresha amateraniro mu rusengero, Kiliziya n’umusigiti bitujuje ibisabwa cyangwa guterana hatubahirijwe amabwiriza yo kwirinda COVID-19 bibanishwa amande y’ibihumbi 150 Frw.

    Kuva no kujya ahantu habujijwe mu rwego rwo kwirinda ikwirakwira rya COVID-19 nta burenganzira umuntu abifitiye ahanishwa gutanga ibihumbi 20 Frw. Gutoroka ahagenewe kwita ku bafite ubwandu bwa COVID-19 nta burenganzira bihanishwa amande y’ibihumbi 100 Frw.

    Gutwara umugenzi kuri moto igihe atubahirije amabwiriza yo kwirinda COVID-19 bihanishwa ibihumbi 10 Frw naho ku igare bihanishwa 5,000 Frw. Kurenza umubare w’abateganijwe mu kazi nk’uko biteganywa n’amabwiriza, bihanishwa amande y’ibihumbi 100 Frw.

    Inama Njyanama y’Akarere ka Huye kandi yanzuye ko irindi kosa ryakorwa ritagaragara mu yavuzwe rizahanishwa amande y’ibihumbi 50 Frw, naho uzajya ashyirwa ahabugenewe kubera amakosa yakoze azajya yishyura ikiguzi cy’ibizamugendaho kandi ufatiwe mu ikosa ku nshuro ya kabiri igihano kizajya cyikuba kabiri.

    Uzabangamira abari mu gikorwa cyo kugenzura ko amabwiriza yo kwirinda COVID-19 yubahirizwa azahanishwa gutanga mande y’ibihumbi 10 Frw.

    Hafashwe umwanzuro ko amabwiriza yose yashyizweho azashyirwa mu bikorwa n’inzego zose zifatanya n’akarere kureba uko ingamba zafashwe na Guverinoma mu kwirinda COVID-19 zubahirizwa.

    Sebutege yavuze ko uku gukaza ibihano babyitezeho umusaruro mwiza mu guhashya icyorezo cya COVID-19 hagabanuka imibare y’abakomeza kucyandura.

    Akarere ka Huye kizeye ko abantu bazubahiriza amabwiriza kandi utabikoze na we akabihanirwa kuko aba ashyira ubuzima bwe n’ubw’abandi mu kaga.

    Bamwe mu baherutse kurazwa muri Stade Huye barenze ku mabwiriza yo kwirinda Coronavirus

    Mu Mujyi wa Huye hakunze gufatwa abantu barenze ku mabwiriza yo kwirinda Covid-19

    Umuyobozi w’Akarere ka Huye, Sebutege Ange, yavuze ko hagenzuwe uko abantu bubahiriza amabwiriza yo kwirinda COVID-19 basanga hari benshi badohotse

    [email protected]

  • Yatabarutse mu mahoro: Ubuhamya bwa Katsey Long warwaje Padiri Ubald –

    Padiri Ubald Rugirangoga wari uzwi mu bikorwa byo gusengera abarwayi, iby’isanamitima n’ubumwe n’ubwiyunge, yitabye Imana tariki 7 Mutarama 2021, aguye muri Leta Zunze Ubumwe za Amerika. Urupfu rwe rwaturutse ku bibazo by’ubuzima yasigiwe n’iki cyorezo.

    Kuri uyu wa Kabiri tariki 2 Werurwe 2021, nibwo habaye umuhango wo kumusezeraho bwa nyuma no kumushyingura mu cyubahiro, mu Karere ka Rusizi ahazwi nko ku Ibanga ry’Amahoro.

    Mbere yo gushyingura nyakwigendera, hatanzwe ubuhamya bw’abantu batandukanye barimo murumuna we, abihayimana ndetse na Katsey Long, Umunyamerikazi w’inshuti ye ari na we wamurwaje kugeza ashizemo umwuka.

    Katsey Long yavuze ko yamenyanye na Padiri Ublad Rugirangoga mu 2008 ubwo yasuraga Leta Zunze Ubumwe za Amerika ku butumire bwa Ilibagiza Immaculée.

    Katsey Long yakoranye na Padiri Ubald mu bikorwa by’iyogezabutumwa muri Amerika, bafatanya gukora filime mbarankuru n’igitabo kivuga ku bikorwa bye, kuko ubutumwa atanga atari ubw’u Rwanda gusa ahubwo bwari bugenewe Isi yose.

    Uyu mubyeyi yavuze ko ikintu yigiye kuri Padiri Ubald mu myaka yose bakoranye, ari uko yahoraga ashaka gufasha abantu, ari nabyo byatumye atangiza amasengesho yo gukizwa akoresheje urubuga rwa Facebook.

    Katsey Long yavuze ko ubwo Padiri Ubald Rugirangoga yarwaraga COVID-19 nawe yaje kwandura.

    Ati “Twese twanduye COVID-19 igihe kimwe. Nanduye icyorezo cya COVID-19 nkimukuyeho, ubwo yari arwaye nanjye nari ndwaye. Ariko njye narakize mwitaho ubwo yari mu bitaro.”

    Amashusho agaragaza Padiri Ubald mu minsi ye nyuma agaragaraza ko yari yanegekaye cyane. Long yavuze ko muri iki gihe yahuye n’ububabare bukabije ariko arabwakira kuko yari azi ko ari umugambi w’Imana.

    Ati “Yarababaye cyane ubwo yari mu bitaro, ariko yakira ububare kuko yari azi ko buturutse ku Mana. Yabwakiriye mu mahoro, abwakira nk’igihe cyo gusenga byimbitse no kwegerana n’Imana.”

    Mbere y’uko Padiri ashiramo umwuka yamaze ibyumweru bitandatu asenga cyane yiyambaza Yezu n’umubyeyi Bikiramariya n’ubwo byari bigoye kuri we kuvuga. Katsey Long avuga rwari urugendo rutoroshye ariko byari umugambi w’Imana kugira ngo abe aho umuryango we utari uri.

    Ubwo Ubald yari mu bitaro, Katsey Long yahuye n’Abanyarwanda babiri bahakoraga bakajya bamusura, ndetse bagafatanya gusenga mu Kinyarwanda. Mbere y’uko yitaba Imana kandi yabashije kubona abapadiri bamuturiye igitambo cya Misa ndetse amuha penetensiya ndetse amuha isakaramentu ry’ugusigwa kw’abarwayi.

    Ubwo yitabaga Imana Katsey Long yari kumwe na Padiri Ubald bari kuvuga ishapure y’impuhwe z’Imana.

    Ati “Twaganiriye ibintu byinshi ariko nabashije kumusengera ishapure y’impuhwe z’Imana, tugeze ku iyibukiro rya gatanu, umutima we warahagaze. Yapfuye ari mu mahoro. Ububabare burashira.”

    Uyu mugore yemeza ko inzira Padiri Ubald yaciyemo yamugejeje ku butagatifu kandi yizeye ko umunsi umwe na Kiliziya izabyemeza.

    Izindi nkuru wasoma:

    Katsey Long asanzwe atanga umusanzu wihariye mu bikorwa bigamije gutanga amahoro no kwimakaza ihame ryo kubabarirana ari naryo Padiri Ubald yaharaniraga mu buzima bwe

    Umunyamerika Katsey Long yari amaze imyaka irenga 12 ari inshuti ya hafi na Padiri Ubald

    Yatanze ubuhamya bw’uburyo babanye bakora ibikorwa bitandukanye by’ubugiraneza

    Padiri Ubald Rugirangoga ni umwe mu bomoye ibikomere bya benshi bari barabaye imbata y’amateka ashaririye y’u Rwanda

    Kanda hano urebe andi mafoto y’umuhango wo guherekeza Padiri Ubald

    Amafoto: Niyonzima Moïse

    Video: Mbabazi Jean de Dieu

  • Huye: Ibihano ku bakerensa amabwiriza yo gukumira ikwirakwira rya COVID-19 byahanitswe – #rwanda #RwOT

    Mu minsi ishize mu Karere ka Huye hagiye hafatirwa abakora ibikorwa birenga ku mabwiriza yashyizweho agamije gukumira COVID-19 birimo guhindura restaurant utubari, kutambara neza agapfukamunwa, kurenza amasaha yo gutaha n'ibindi.

    Hari abagiye bafatwa bakagirwa inama bagahita barekurwa, hari abarazwaga muri Stade naho bandi bagacibwa amande. Kuri ubu buri kosa ryashyiriweho amande naho ayari yarashyizweho mbere arongerwa.

    Urugero ni aho uwafatwaga yakoresheje amakoraniro yacibwaga ibihumbi 10 Frw, kuri ubu azajya ahanishwa gutanga ibihumbi 200 Frw. Uwafatwaga yatorotse ahashyirwa abagaragayeho ubwandu bwa COVID-19 bakitabwaho yacibwaga amande y'ibihumbi 20 Frw ariko kuri ubu azajya atanga ibihumbi 100 Frw.

    Umuyobozi w'Akarere ka Huye, Sebutege Ange, yabwiye IGIHE ko habayeho kugenzura uko abantu bubahiriza amabwiriza yo kwirinda COVID-19 basanga hari benshi badohotse, biyemeza kongera ingufu mu kwigisha no gukaza ibihano.

    Ati 'Icyagaragaye ni uko hari abadohotse ku mabwiriza n'abayarengaho nkana. Inama Njyanama rero ifata icyemezo cyo gukaza ibihano mu rwego rwo gukumira icyorezo cya COVID-19 kugira ngo buri wese yumve ko afite inshingano zo kwirinda no kurinda mugenzi we.'

    Imiterere y'amande yashyizweho kuri buri kosa:

    Urutonde rw'ayo mande rugaragaza ko uzafatwa atambaye agapfukamunwa, akambaye nabi cyangwa yambaye akanduye azajya atanga 5,000 Frw. Kukajugunya ahatarabugenewe ni ugucibwa 2,000 Frw. Kugenda mu masaha abujiwe ni uguhanishwa amande ya 5,000 Frw ku muntu umwe n'ibihumbi 10 Frw k'utwaye ikinyabiziga.

    Kutubahiriza intera ya metero hagati y'umuntu n'undi bihanishwa 5,000 Frw; umuntu uzinjira mu iduka, mu isoko n'ahandi hantu hahurira abantu benshi adakarabye intoki cyangwa akanga gupimwa umuriro no kwandikwa mu gitabo azahanishwa gutanga amande ya 5,000 Frw.

    Umuntu uzafatwa akora ubucuruzi bwemewe mu mujyi ariko adafite aho abantu bakarabira intoki mbere yo kwinjira azahanishwa amande y'ibihumbi 100 Frw naho mu cyaro ni ibihumbi 50 Frw.

    Uwishyura n'uwishyuza badakoresheje ikoranabuhanga buri umwe azajya acibwa amande y'ibihumbi 25 Frw. Gufungura akabari mu cyaro ni uguhanishwa ibihumbi 50 Frw; mu mujyi ni ibihumbi 100 Frw mu gihe muri hotel ari ibihumbi 150 Frw.

    Kujya muri siporo rusange kandi bibujijwe ni uguhanishwa gutanga ibihumbi 10 Frw ku muntu umwe n'ibihumbi 100 kuri nyir'inzu ikorerwamo siporo cyangwa uyoboye iyo siporo. Kwitabira amakoraniro abujijwe ni uguhanishwa gutanga ibihumbi 200 Frw k'uwatumiye n'ibihumbi 25 Frw ku witabiriye.

    Gukoresha amateraniro mu rusengero, Kiliziya n'umusigiti bitujuje ibisabwa cyangwa guterana hatubahirijwe amabwiriza yo kwirinda COVID-19 bibanishwa amande y'ibihumbi 150 Frw.

    Kuva no kujya ahantu habujijwe mu rwego rwo kwirinda ikwirakwira rya COVID-19 nta burenganzira umuntu abifitiye ahanishwa gutanga ibihumbi 20 Frw. Gutoroka ahagenewe kwita ku bafite ubwandu bwa COVID-19 nta burenganzira bihanishwa amande y'ibihumbi 100 Frw.

    Gutwara umugenzi kuri moto igihe atubahirije amabwiriza yo kwirinda COVID-19 bihanishwa ibihumbi 10 Frw naho ku igare bihanishwa 5,000 Frw. Kurenza umubare w'abateganijwe mu kazi nk'uko biteganywa n'amabwiriza, bihanishwa amande y'ibihumbi 100 Frw.

    Inama Njyanama y'Akarere ka Huye kandi yanzuye ko irindi kosa ryakorwa ritagaragara mu yavuzwe rizahanishwa amande y'ibihumbi 50 Frw, naho uzajya ashyirwa ahabugenewe kubera amakosa yakoze azajya yishyura ikiguzi cy'ibizamugendaho kandi ufatiwe mu ikosa ku nshuro ya kabiri igihano kizajya cyikuba kabiri.

    Uzabangamira abari mu gikorwa cyo kugenzura ko amabwiriza yo kwirinda COVID-19 yubahirizwa azahanishwa gutanga mande y'ibihumbi 10 Frw.

    Hafashwe umwanzuro ko amabwiriza yose yashyizweho azashyirwa mu bikorwa n'inzego zose zifatanya n'akarere kureba uko ingamba zafashwe na Guverinoma mu kwirinda COVID-19 zubahirizwa.

    Sebutege yavuze ko uku gukaza ibihano babyitezeho umusaruro mwiza mu guhashya icyorezo cya COVID-19 hagabanuka imibare y'abakomeza kucyandura.

    Akarere ka Huye kizeye ko abantu bazubahiriza amabwiriza kandi utabikoze na we akabihanirwa kuko aba ashyira ubuzima bwe n'ubw'abandi mu kaga.

    Bamwe mu baherutse kurazwa muri Stade Huye barenze ku mabwiriza yo kwirinda Coronavirus

    Mu Mujyi wa Huye hakunze gufatwa abantu barenze ku mabwiriza yo kwirinda Covid-19

    Umuyobozi w'Akarere ka Huye, Sebutege Ange, yavuze ko hagenzuwe uko abantu bubahiriza amabwiriza yo kwirinda COVID-19 basanga hari benshi badohotse

    [email protected]

    Source : http://igihe.com/amakuru/u-rwanda/article/huye-ibihano-ku-bakerensa-amabwiriza-yo-gukumira-ikwirakwira-rya-covid-19

  • Yatabarutse mu mahoro: Ubuhamya bwa Katsey Long warwaje Padiri Ubald – #rwanda #RwOT

    Padiri Ubald Rugirangoga wari uzwi mu bikorwa byo gusengera abarwayi, iby'isanamitima n'ubumwe n'ubwiyunge, yitabye Imana tariki 7 Mutarama 2021, aguye muri Leta Zunze Ubumwe za Amerika. Urupfu rwe rwaturutse ku bibazo by'ubuzima yasigiwe n'iki cyorezo.

    Kuri uyu wa Kabiri tariki 2 Werurwe 2021, nibwo habaye umuhango wo kumusezeraho bwa nyuma no kumushyingura mu cyubahiro, mu Karere ka Rusizi ahazwi nko ku Ibanga ry'Amahoro.

    Mbere yo gushyingura nyakwigendera, hatanzwe ubuhamya bw'abantu batandukanye barimo murumuna we, abihayimana ndetse na Katsey Long, Umunyamerikazi w'inshuti ye ari na we wamurwaje kugeza ashizemo umwuka.

    Katsey Long yavuze ko yamenyanye na Padiri Ublad Rugirangoga mu 2008 ubwo yasuraga Leta Zunze Ubumwe za Amerika ku butumire bwa Ilibagiza Immaculée.

    Katsey Long yakoranye na Padiri Ubald mu bikorwa by'iyogezabutumwa muri Amerika, bafatanya gukora filime mbarankuru n'igitabo kivuga ku bikorwa bye, kuko ubutumwa atanga atari ubw'u Rwanda gusa ahubwo bwari bugenewe Isi yose.

    Uyu mubyeyi yavuze ko ikintu yigiye kuri Padiri Ubald mu myaka yose bakoranye, ari uko yahoraga ashaka gufasha abantu, ari nabyo byatumye atangiza amasengesho yo gukizwa akoresheje urubuga rwa Facebook.

    Katsey Long yavuze ko ubwo Padiri Ubald Rugirangoga yarwaraga COVID-19 nawe yaje kwandura.

    Ati 'Twese twanduye COVID-19 igihe kimwe. Nanduye icyorezo cya COVID-19 nkimukuyeho, ubwo yari arwaye nanjye nari ndwaye. Ariko njye narakize mwitaho ubwo yari mu bitaro.'

    Amashusho agaragaza Padiri Ubald mu minsi ye nyuma agaragaraza ko yari yanegekaye cyane. Long yavuze ko muri iki gihe yahuye n'ububabare bukabije ariko arabwakira kuko yari azi ko ari umugambi w'Imana.

    Ati 'Yarababaye cyane ubwo yari mu bitaro, ariko yakira ububare kuko yari azi ko buturutse ku Mana. Yabwakiriye mu mahoro, abwakira nk'igihe cyo gusenga byimbitse no kwegerana n'Imana.'

    Mbere y'uko Padiri ashiramo umwuka yamaze ibyumweru bitandatu asenga cyane yiyambaza Yezu n'umubyeyi Bikiramariya n'ubwo byari bigoye kuri we kuvuga. Katsey Long avuga rwari urugendo rutoroshye ariko byari umugambi w'Imana kugira ngo abe aho umuryango we utari uri.

    Ubwo Ubald yari mu bitaro, Katsey Long yahuye n'Abanyarwanda babiri bahakoraga bakajya bamusura, ndetse bagafatanya gusenga mu Kinyarwanda. Mbere y'uko yitaba Imana kandi yabashije kubona abapadiri bamuturiye igitambo cya Misa ndetse amuha penetensiya ndetse amuha isakaramentu ry'ugusigwa kw'abarwayi.

    Ubwo yitabaga Imana Katsey Long yari kumwe na Padiri Ubald bari kuvuga ishapure y'impuhwe z'Imana.

    Ati 'Twaganiriye ibintu byinshi ariko nabashije kumusengera ishapure y'impuhwe z'Imana, tugeze ku iyibukiro rya gatanu, umutima we warahagaze. Yapfuye ari mu mahoro. Ububabare burashira.'

    Uyu mugore yemeza ko inzira Padiri Ubald yaciyemo yamugejeje ku butagatifu kandi yizeye ko umunsi umwe na Kiliziya izabyemeza.

    Izindi nkuru wasoma:

    Katsey Long asanzwe atanga umusanzu wihariye mu bikorwa bigamije gutanga amahoro no kwimakaza ihame ryo kubabarirana ari naryo Padiri Ubald yaharaniraga mu buzima bwe

    Umunyamerika Katsey Long yari amaze imyaka irenga 12 ari inshuti ya hafi na Padiri Ubald

    Yatanze ubuhamya bw’uburyo babanye bakora ibikorwa bitandukanye by’ubugiraneza

    Padiri Ubald Rugirangoga ni umwe mu bomoye ibikomere bya benshi bari barabaye imbata y’amateka ashaririye y’u Rwanda

    Kanda hano urebe andi mafoto y'umuhango wo guherekeza Padiri Ubald

    Amafoto: Niyonzima Moïse

    Video: Mbabazi Jean de Dieu

    Source : http://igihe.com/amakuru/u-rwanda/article/yatabarutse-mu-mahoro-ubuhamya-bwa-katsey-long-warwaje-padiri-ubald

  • Impamvu 30, muri nyinshi zinyereka ko Yesu Kristo ari byose kuri njye #rwanda #RwOT

    Niba wemeranywa nanjye ukavuga ngo,'Yego' ku ngingo ziri kuri uru rutonde, ukatura ukabyizera, ubuzima bwawe ntibuzigera buhungabana!. Mu mpamvu nyinshi zitabarika zitwemeza ko Yesu ari byose, twahisemo kuvuga kuri 30 zikurikira:

    Yesu Kristo ni buri kintu cyose kuri njye:

    Ni we mahoro yanjye: Yesu ni we ushobora kunkiza imidugararo n’imvururu byo mu isi.

    Ni we munezero wanjye: Umunezero nagira sinzigere nicuza, ni ukugira Yesu Kristo muri njye. Sinkeneye undi munezero!

    Ni we mpongano y’ibyaha byanjye byose: Yesu yajugunye ibyaha byanjye byose inyuma y’inyanja yo kwibagirwa. Ikindi kandi iyo umwanzi anyanduje, Yesu yongera kungirira imbabazi.

    Ni we wera: Yesu anyeza inshuro nyinshi kandi igihe cyose nkiriho. Urupfu rwe ruhora rurema ubuzima bushya muri njye. 2 Abakorinto 4:12

    Ni we mwungeri wanjye: Naho ntagira undi unyitaho, Yesu we abikorana gukiranuka kandi amanywa n’ijoro.

    Ni we ndirimbo yanjye: Nta yindi ngingo cyangwa izindi mpamvu zo kuririmba ibisingizo, atari Yesu Kristo.

    Ni we murwa wanjye: Ntabwo nkeneye undi murwa atari Yesu. Nta kintu nakimwe gihagije nkawe.

    Ni we nyungu yanjye: Inyungu zose nagira Yesu atazifitemo uruhare, zampindukirira ibihombo.

    Ni we bwishingizi bwanjye: Niba ibintu byawe byose bidafite ubwishingizi muri Yesu, ntiwezere ko ufite umutekano.

    Ni we ejo hazaza hanjye: Yesu ni we wo guhangwa amaso, nzamusanganira no kuri urya munsi, Haleluya!

    Ni we Mwami wanjye rukumbi, n’umuyobozi wanjye: “Ahubwo mwubahe Kristo mu mitima yanyu ko ari we Mwami, kandi mube mwiteguye iteka gusubiza umuntu wese ubabajije impamvu z’ibyiringiro mufite, ariko mufite ubugwaneza, mwubaha kandi mufite imitima itabacira urubanza, kugira ngo nubwo babasebya batuka ingeso zanyu nziza zo muri Kristo bamware”. 1Petero 3:15

    Ni we muryango wanjye: Yesu ni we mama, mushiki wanjye, na murumuna wanjye,…

    Ni we cyubahiro cyanjye: Ntabwo rwose nkeneye ikindi cyubahiro kitari muri Yesu. Ntacyo bitwaye naho abantu bansuzugura, bakabikora iminsi yose y’ubuzima bwanjye, Yesu mufite ntacyo bintwaye.

    Ni we gihome cyanjye, ingabo yanjye, n’umurinzi wanjye: Muri Yesu mfite umutekano wuzuye.

    Ni we Databuja: Yesu ni we mutoza mwiza, mwigiraho byose.

    Ni we muyobozi wanjye: Benshi nashoboraga kubishingikirizaho ngo banyobore, ariko Yesu nasanze ari we uzi neza inzira nkwiye kunyuramo. Izina rye rihabwe icyubahiro!

    Ni we mutware wanjye: Naho ntagira undi unkomeza cyangwa unyigisha kurwana, Yesu ni umurwanyi wanjye ukomeye, umutware w’ingabo z’Imana. Ntabwo ari umunyantege nke nk’abisi.

    Ni we kiruhuko cyanjye: N’igihe umubiri wanjye uzaba utakigira uburiri cyangwa umusego, umwuka wanjye uzaba ugifite ahantu heza ho kuruhukira. Ni muri Kristo Yesu!

    Ni we muganga wanjye: Nubwo hagera igihe abaganga bose b’isi bananirwa gukiza umubiri wanjye, Yesu we ashobora kunkiza.

    Ni we ntego yanjye: Kumera nka Yesu no kugira umutima nk’uwe, niho nsiganirwa kugera.

    Ni we umpumuriza: Ihumure rihagije kuri njye riruta byose, ni ukuba muri Yesu.

    Ni we mucamanza wanjye: Ntabwo bitangaje uko ab’isi bancira urubanza, Yesu ni we mucamanza mwiza utabera.

    Ni we biryo nahisemo: Yesu ni we mutsima w’Umwuka wanjye, umubiri n’ubugingo. Ntacyo nzakena mufite.

    Ni we myidagaduro yanjye kandi rwose ndishimye!: Indi myidagaduro yose irashira kandi akenshi igira ingaruka mbi. Kwidagadurira muri Yesu bitanga amahoro, byo mbona ntako bisi.

    Ni we mahirwe yanjye n’amajyambere yanjye: Ibyo Yesu yohereje mu nzira yanjye buri gihe binzanira amahirwe n’iterambere. Nta muntu n’umwe wigeze agira amahirwe meza n’iterambere nk’iryo dukomora kuri Yesu.

    Ni we bwenge bwanjye no gusobanukirwa kwanjye: Ubwenge bukomeye no gusobanukirwa neza kurutaho, Kumwumvira nta handi byaboneka atari muri Yesu.

    Ni we Jambo n’i inkota yanjye: Iyi ntwaro Yesu yaduhaye, iruta izindi zose.

    Ni we nshuti yanjye yo kwizerwa, ikiranuka. Ubundi bucuti ubwo aribwo bwose, butari kuri Yesu ntacyo bumaze.

    Ni we nyungu zanjye: Izindi nyungu zidafitanye isano na Yesu, ni ubusa.

    Ni we rutare rwanjye, ni urufatiro rwanjye: Yesu ni we ugumana nanjye, igihe byose byanshizeho.

    Ni we buzima bwanjye: Yesu we ahoraho iteka, bityo nanjye nzahoraho iteka. Ni we kuri, nta mpamvu n’imwe yo kumushidikanyaho.

    Source: ActiveChristianity.org

    [email protected]

    Source : https://agakiza.org/Impamvu-30-muri-nyinshi-zinyereka-ko-Yesu-Kristo-ari-byose-kuri-njye.html

  • Miss Mushambokazi yagaragaje abakobwa bamuryohereje ibirori ubwo yakorerwaga ibirori bya Bridal Shower[AMAFOTO] #rwanda #RwOT

    Uyu mukobwa ari mu myiteguro y'ubukwe hamwe na Mbonyumuvunyi Karim, bavuye mu murenge barabisinyira hasigaye ubukwe nyirizina.

    Miss Mushambokazi, yagaragaje umunezero yatewe n'abakobwa bamushyigikiye mu birori byo gusezera ubukumi bise Bridal Shower.

    Uyu mukobwa yashimiye abakobwa bose bitabiriye uyu muhango ahamyako bitari kugenda neza badahari.

    ku wa kane tariki 19 Gashyantare 2021 nibwo Mushambokazi na Mbonyumuvunyi, basezeranye imbere y'amategeko y'u Rwanda, mu Murenge wa Kimihurura mu Mujyi wa Kigali.

    Tariki 30 Mutarama 2021, Mushambokazi n'umukunzi we Mbonyumuvunyi Karim bakoze wo umuhango wo gushyingirwa ugendanye n'amahame y'idini ya Islam idini uyu musore asanzwe abarizwamo.








    Source : http://umuryango.rw/imyidagaduro/article/miss-mushambokazi-yagaragaje-abakobwa-bamuryohereje-ibirori-ubwo-yakorerwaga

  • Uwarwaje Padiri Ubald Rugirangoga yasabye ko yazagirwa umutagatifu [AMAFOTO] #rwanda #RwOT

    Padiri Rugirangoga yapfuye mu kwezi kwa mbere ari muri Amerika azize indwara y'ibihaha yazamuwe na Covid-19, nk'uko byavuzwe mu kumushyingura kuwa kabiri.

    Padiri Ubald azwi cyane mu Rwanda mu gusengera abarwayi, no mu bikorwa by'ubumwe n'ubwiyunge, gusaba no gutanga imbabazi nyuma ya jenoside.

    Yashyinguwe ku kigo yashinze kitwa “Ibanga ry'amahoro” kiri i Rusizi mu murenge wa Gihundwe mu burengerazuba bw'u Rwanda.

    Murumuna we Rugwizangoga wavuze ahagarariye umuryango, yavuze ko umutima wa Rugirangoga “wahoraga ufunguye kuri bose, abato n'abakuru, abakene n'abakire, aboroheje n'abakomeye.”

    Yavuze uko se wa Rugirangoga yishwe we afite imyaka irindwi, nyuma umuryango we ugahunga ubwicanyi bushingiye ku macakubiri ukajya i Burundi aho yize iseminari y'i Ngozi, akagaruka mu Rwanda kwiga iseminari nkuru ya Nyakibanda.

    Rugwizangoga usanzwe ukuriye polisi y'u Rwanda mu ntara y'amajyaruguru, muri uwo muhango yavuze ko ubwo mukuru we yari agiye gusubira mu Rwanda yamubwiye ati:

    “Data yishwe kubera urwango, twahunze kubera urwango, nsubiye mu Rwanda kwigisha urukundo kuko ineza itsinda inabi”.

    Ubald Rugirangoga yabaye padiri kuva mu 1984 yoherezwa mu butumwa iwabo i Nyamasheke ari naho jenoside yakorewe Abatutsi mu 1994 yasanze akorera.

    Yarokotse Jenoside ahungira mu Bufaransa, ariko agaruka mu Rwanda mu 1995 “kwigisha urukundo n'imbabazi”, nk'uko murumuna we yabivuze.

    Padiri Ubald yamenyekanye cyane mu bikorwa bigamije ubwiyunge, yayoboye imihango yo gusaba no gutanga imbabazi hagati y'abahamwe n'ibyaha bya jenoside n'abayirokotse mu gice cy'iwabo.

    Rugwizangoga yavuze ko mu bintu byababaje mukuru we kugeza apfuye ari uko “yigishije ineza n'urukundo muri paroisse ya Nyamasheke ariko mu 1994 abakristu bakica abakristu bagenzi babo.”

    Katsey Long umunyamerikakazi umaze imyaka 12 akorana na we mu ivugabutumwa, ari nawe wamurwaje agapfa bari kumwe, yavuze ko nawe yanduye Covid-19 ayimukuyeho ariko we agira amahirwe arayikira.

    Long yavuze ko ubutumwa bw'urukundo n'imbabazi bwa Ubald Rugirangoga butari ubw'Abanyarwanda gusa ahubwo bwari n'ubw'abandi bantu bose kw'isi.

    Uyu yasabye ko Rugirangoga “yazagirwa umutagatifu kuko ubutumwa bwe butakwiriye mu Rwanda gusa”.







    AMAFOTO: IGIHE

    Source:BBC

    Source : http://umuryango.rw/amakuru/mu-rwanda/ubuzima/article/uwarwaje-padiri-ubald-rugirangoga-yasabye-ko-yazagirwa-umutagatifu-amafoto