Category: Uncategorized

Tariki ya 18 Mata 2025, abaturage bateye amabuye abashinzwe umutekano ubwo bageragezaga gufata ibicuruzwa byinjijwe mu gihugu binyuze mu nzira zinyuranyije n'amategeko (magendu), bigacururizwa mu isoko bise mpuzamahanga.

Ku wa Kabiri tariki 13 Gicurasi 2025 mu nteko y'abaturage, Minisitiri Biruta yaganiriye n'abatuye Imirenge ya Cyanzarwe na Rubavu, yiganjemo ubu bucuruzi butemewe bwambukiranya umupaka.

Ati 'Abakora ubucuruzi butemewe baba bakoze ibyaha, twebwe abaturage dusanzwe duhurira hehe no gushyigikira imikorere y'abo bantu? Inzego z'umutekano ziraje zikoze akazi kazo ko kubafata, abantu bagahaguruka ngo aba bantu ni abacu reka duhangane n'inzego z'umutekano, ibyo bintu muzabireke, kubera ko bifite ingaruka.'

'Ibyo bintu byo kwifatanya n'abagizi ba nabi mubivemo ejo bitazagira abo bigiraho ingaruka, kuko ababifatiwemo bakurikiranwa n'inzego zibishinzwe, kandi ntibikwiriye gukomeza.'

Yakomeje avuga ko guhangana n'inzego z'ubuyobozi n'iz'umutekano bidakwiriye kuko akazi baba bakora ari ako kubungabungira abaturage umutekano no kubashakira ibyiza.

Tariki 18 Mutarama 2023, nibwo Guverinoma y'u Rwanda yatangije imirimo yo kubaka iki cyambu giherereye mu Majyepfo y'Ikiyaga cya Kivu, mu koroshya ingendo zo mu mazi.

Iki cyambu ni kimwe muri bitanu biteganyijwe kubakwa ku nkombe z'Ikiyaga cya Kivu, aho icya Rubavu cyamaze kuzura, mu gihe icya Karongi n'icya Nkora mu Karere ka Rutsiro imirimo yo kubyuka itaratangira.

Umuyobozi w'Akarere ka Rusizi, Sindayiheba Phanuel, mu kiganiro na IGIHE yavuze ko nyuma y'intambara y'ingabo za Congo n'Umutwe wa M23 muri Kivu y'Amajyepfo, umutekano wagarutse bituma urujya n'uruza n'abantu n'ibicuruzwa rwiyongera hagati ya Bukavu na Rusizi.

Ati “Ubwikorezi bwo mu mazi bugira uruhare mu kwihutisha iterambere binyuze mu bwikorezi bw'ibintu byinshi n'abantu. By'umwihariko iki cyambu imirimo yo kucyubaka igeze ku kigero kirenga 85% kandi no muri iki gihe harimo hubakwa hakora abakozi barenga 300 bakora buri munsi”.

Icyambu cya Rusizi kizaba gifite ubushobozi bwo kwakira ubwato bune bunini, bubiri bupakira na bubiri bupakurura. Biteganyijwe ko ubwo bwato butazajya buhagera ngo buparike umwanya munini butegereje.

Ati “Turizera ko bizatuma urujya n'uruza rw'ibicuruzwa rwihuta cyane hagati y'Intara yacu y'Iburengerazuba na Kivu y'Amajyepfo. Turizera ko bizatuma abaturage bacu babona akazi n'imirimo y'ubucuruzi yiyongere”.

Iki cyambu cyitezweho ko kizajya cyakira abagenzi miliyoni 2 n'ibihumbi 300 n'imizigo ifite ubutemere bwa toni miliyoni 1,3 ku mwaka.

Icyambu cya Rusizi kizuzura mu mpera za 2025 gitwaye arenga miliyari 30 Frw kigatangira gukoreshwa ntangiriro za 2026.

Imirimo yo kubaka iki cyambu igeze kuri 85%, byitezwe ko izarangirana n’umwaka wa 2025

Icyambu cya Rusizi cyubatse hafi y’Umujyi wa Bukavu

Iki cyambu kizaba gifite ubushobozi bwo kwakira ubwato bune icyarimwe

Miliyari 30 Frw ni yo mafaranga azakoreshwa mu kubaka iki cyambu

Akenshi iyo abantu bavuga inzu ziciriritse, baba basobanura nk'iyo umuntu uhembwa ibihumbi 200 Frw ashobora kuba yabasha kwigondera mu gihe yaba afashe inguzanyo muri banki.

Abubaka inzu, basobanura ko bene izo nzu bigoye kugira ngo zubakwe bijyanye n'aho ibiciro bigeze ku isoko, ari nayo mpamvu bahitamo gushora imari mu nzu z'abafite amikoro yisumbuye kuko iziciriritse nta nyungu bazibonamo.

Charles Haba amaze imyaka irenga 20 ari mu bikorwa by'ubwubatsi no gucunga inyubako. Ni Umuyobozi Mukuru w'Ikigo, Century Real Estate Ltd.

Mu kiganiro The Long Form, yasobanuye ko rwiyemezamirimo ushora imari mu nzu ziciriritse, aba akeneye inyungu, kandi ko bigendanye n'aho ibiciro bigeze ku masoko, ijya kuzura itakiri inzu iciriritse umuturage wo hasi yakwibonamo.

Ati 'Niba inzu izagutwara miliyoni 45 Frw mu kuyubaka, hanyuma isoko rikagusaba kuyigurisha miliyoni 46 Frw, uzavuga uti nta nyungu irimo ubireke.'

Yakomeje agira ati 'Ubutaka burahenze, ikiguzi cy'inguzanyo kiri hejuru, ibikoresho birahenze, ariko uramutse uzamuye agaciro, hari abantu benshi bashaka kugura inzu kandi n'inyungu iri hejuru. Ni yo mpamvu abantu bikorera batihutira kujya mu bwubatsi bw'inzu ziciriritse kuko zitunguka.'

Ubushakashatsi bwa Minisiteri y'Ibikorwaremezo bwo mu 2023, bugaragaza ko ingo zo mu mijyi y'u Rwanda zingana na 8%, arizo zifite ubushobozi bwo kwishyura inguzanyo y'inzu ifite agaciro ka miliyoni 20 ku nyungu ya 11% mu gihe cy'imyaka 20.

Uramutse wubatse inzu za miliyoni 10 Frw, ingo zo mu mijyi y'u Rwanda zabasha kuyishyura ku nguzanyo ni 26%, ni ukuvuga ingo 250.000.

Bivuze ko 74% by'ingo zo mu Rwanda zituye mu mijyi, zidashobora kwigondera inguzanyo y'inzu ifite agaciro ka miliyoni 10 Frw mu gihe iyo nguzanyo yazishyurwa mu gihe cy'imyaka 20.

Haba asobanura ko umuti w'iki kibazo ari uko Guverinoma yashora imari mu bwubatsi, ikibazo kigakemuka. Yatanze urugero ku buryo yakemuye ikibazo cyo gutwara abantu n'ibintu mu Mujyi wa Kigali.

Ubwo buryo bw'aho Guverinoma igira uruhare mu kubaka inzu ziciriritse, yavuze ko buri hafi gutangira.

Ati 'Bazatangirana n'inzu zo gukodesha kuko iyo tuvuze inzu ziciriritse, ntituba tuvuga guciririka byo kugura ahubwo no gukodesha.'

Mu mbogamizi zituma kubaka izi nzu ziciriritse bigorana, harimo ikibazo cy'ubutaka binajyana n'imiterere y'igihugu, n'aho ibibanza bibonetse bikaba bihenze. Ibi byiyongeraho inguzanyo zihenze.

Ati 'Iyo ugize amahirwe ukabasha kubona inguzanyo yo kubaka inzu 100, ushobora kuyibona ku nyungu ya 15%. Fata ayo mafaranga, wongereho ay'igiciro cy'ubutaka, ay'ibikorwaremezo byose ubishyire ku gaciro k'inzu, mbere yo gushyiraho inyungu yawe, ntabwo bizorohera. Ni yo mpamvu ubona abikorera bajya aho babona inyungu, ntabwo turi abagiraneza.

Raporo ya Minisiteri y'Ibikorwaremezo igaragaza ko nibura inzu iciriritse ikwiriye kuba ari iyabasha kwigonderwa n'abinjiza hagati ya 200.000 Frw na 600.000 Frw.

Umushinga wiswe 'Bwiza Riverside Homes' watangiye gukorerwa i Karama mu Murenge wa Kigali mu Karere ka Nyarugenge ni umwe mu yo ba rwiyemezamirimo bashoyemo imari bashaka kubaka inzu ziciriritse

Byagarutsweho na Minisitiri w'Ubucuruzi n'Inganda, Sebahizi Prudence ubwo yagaragarizaga Abadepite bagize Komisiyo y'ingengo y'Imari n'umutungo bya Leta ibikorwa biteganyijwe mu ngengo y'imari ya 2025/2026 n'uko iy'imyaka itatu ishize yakoreshejwe.

Mu bikorwa biteganyijwe, Minisitiri Sebahizi yagaragaje ko harimo gutunganya icyanya cyahariwe inganda mu Karere ka Bugesera bizatwara arenga miliyari 8,7 Frw.

Sebahizi yabwiye IGIHE ko imirimo yo gutunganya icyo cyanya iri mu byiciro bitatu birimo icyo gukora inyigo, kubuka uburyo bwo gufata amazi akomoka ku myanda no kuyatunganya (Water treatment Plant) no kubaka imihanda.

Ati 'Ibyo byiciro byose bigiye bitandukanye mu ngengo y'imari ntabwo tuyakusanyiriza hamwe. Ntabwo yose azajya mu ngengo y'imari y'umwaka umwe ahubwo azagenda atangwa buhoro buhoro.'

Yavuze ko mu byihutirwa gukorwa ari ugutunganya uburyo bwo gufata amazi yanduye no kuyatunganya byagenewe amafaranga angana na 1,734,146,736 Frw bizanashyirwa mu bikorwa mu mwaka w'ingengo y'imari wa 2025/2026 kandi bizorohereza abashoramari kuba batangira kubaka inganda.

Ati 'Kubaka ubu buryo bwo gufata amazi, ni byo bizatuma uruganda rwa mbere rushobora kujyaho. Kubera ko ari icyanya cy'inganda harimo hegitare 20, ntabwo hazajyamo uruganda rumwe. Hazajyamo inganda zitandukanye ubwo uko hagenda haboneka abashoramari niko tuzagenda twongera ubuso ariko uzashaka gushyiraho uruganda nitumara kubaka ubwo buryo bwo gufata amazi ashobora kuba yatangira.'

Yakomeje ati 'N'uyu munsi umushoramari waza ashaka guhita yubaka, yatangira kuko mu gihe tuzaba turi gushyiramo ibikorwa remezo ni nko kubaha icyizere ko hashobora gukorerwa.'

Yavuze ko uburyo bwo gufata amazi y'imyanda bwatekerejwe mu rwego kubungabunga ibidukikije.

Yemeje ko inganda zitunganya impu zikwiye kujya ahantu habugenewe kugira ngo imyanda iziturukamo ibashe gutandukanywa no kwirinda guhumanya ibidukikije ari nayo mpamvu hatekerejwe kuziharira icyanya cyazo.

Ku bijyanye n'umusaruro w'impu mu Rwanda, Minisitiri Sebahizi yavuze ko uhari uhagije ku buryo ushobora gutanga umusaruro mwiza mu gihe inganda zaba zitangiye.

Umuyobozi w'Ihuriro ry'uruhererekane rw'abakora ibikomoka ku mpu mu Rwanda, Kamayirese Jean D'amour, yashimye ko urwego rw'impu rukomeje gutezwa imbere mu Rwanda.

Yavuze ko mu gihe inganda zaba zibonetse byakongerera agaciro impu zo mu Rwanda kandi bikashyigikira iterambere ry'Igihugu.

Ati 'Uruganda rubonetse urumva ko aho kugira ngo impu zacu zikomeze zijye mu bihugu duturanye kandi ku giciro gitoya zatunganyirizwa mu gihugu.'

Yakomeje ati 'Nihubakwa uruganda rutanganyirizwa impu mu Rwanda, byaba byiza runakozwemo n'umubare munini w'Abanyarwanda ariko bizatuma uruhu rrugira agaciro, tunoze n'ibyo dukora bikomoka ku mpu.'

Yasabye ko Leta yakomeza gukorana bya hafi n'ihuriro, hakubakwa amakasanyirizo rusange y'impu, kubaka ahacururizwa ibikomoka ku mpu n'ibindi bigamije guteza imbere impu mu Rwanda.

Icyanya cyahariwe inganda zitunganya impu kigiye gutunganywa

Muri abo 10 harimo abasore babiri barangije nibura amashuri yisumbuye. Umwe muri bo yacuruzaga i Dubai, ashakisha imibereho nk'abandi bose.

Mu mezi agize umwaka, Nzeri kukaba nta mikorere aho yabaga. Ku rundi ruhande we n'inshuti ze bagakunda kumva ngo impeta za zahabu n'ibindi bikoze mu mabuye y'agaciro bambara mu bukwe bihendutse i Dubai ariko muri Thailand ho bikaba akarusho.

Mu buhamya yahaye RBA, uyu musore utatangajwe umwirondoro yavuze ko yagiye muri Thailand yijyanye, akodesha icyumba cya hoteli yumva azahamara icyumweru akajyana imari agacuruza i Dubai. Uyu musore yavuye i Dubai muri Nzeri 2024 birangira amaze amezi atanu mu buzima bubi bwa mbere atigeze atekereza.

Ati 'Ni bwo bwa mbere nari ngiye muri Thailand. Ntabwo nari nzi ngo baca aha usibye ko haba hari ibyapa, ariko Thailand ho nasanze bari kuyobora abantu bababwira ngo muce aha, kandi nabonaga ari abakozi b'ibiro by'abinjira n'abasohoka, mfata ibikapu byanjye mbona umuntu ari kumbwira aho ngomba guca, ntabwo nari kumusuzugura, ndahaca ndagenda, mbona nisanze hanze.'

Nk'ahandi hose ugeze ku kibuga cy'indege hakurikiraho gufata taxi ijya kuri hoteli cyangwa ahandi werekeje.

Ati 'Nafashe taxi bisanzwe kuko nari nafashe hoteli ngomba kuraramo kuko njye nabaraga nkumva nintindayo ndaza kumarayo icyumweru kimwe nibura.'

Yafashe taxi yereka shoferi hoteli agiyemo, avuga ko ayizi ndetse bumvikana igiciro cy'urugendo, umugenzi yicara inyuma mu gihe shoferi yicaye imbere.

Hashize akanya ashishoje mu mwanya w'impande ya shoferi abona hari imbunda, ubwoba buramutaha ariko abanza no kugira ngo biri mu muco wabo ko umuntu yitwaza imbunda.

Bagenze amasaha ane bona kugarura ubwenge

Yaicaye mu modoka, shoferi ayihata ikirenge. Ku ikarita yari yarebyeho igihe afata icyumba cya hoteli yabonaga bitazafata iminota irenze 30 kugerayo uvuye ku kibuga cy'indege i Bangkok.

Bitunguranye yisanze bamaze amasaha ane mu muhanda, asaba shoferi telefone amubajije impamvu urugendo rwabaye rurerure undi amusubiza ko hasigaye isaha ngo bagereyo.

Ati 'Ese turacyagenda ko hoteli nayifashe inyereka ko ahantu nagombaga kujya ni hagati y'iminota 30 nkaba mbona dukoze urugendo rw'amasaha ane, aranyandikira aravuga ngo tugiye kuhagera, ngo dusigaje isaha imwe. Nti isaha imwe yiyongera ku masaha ane tumaze tugenda?'

Hashize isaha imodoka yarabitambitse, umushoferi avamo kandi ntabwo yari azi icyongereza, akuramo igikapu amwereka indi modoka ajyamo.

Yabanje kubaza ibibaye umushoferi wamuzanye avuga ko agize ikibazo gitunguranye agiye kubanza gukemura.

Ati 'Na none wa muntu nongeye kureba mbona afite imbunda. Aba ahinduye icyerekezo yinjira mu ishyamba rirerire mu muhanda w'igitaka. Turagenda nk'iminota 45, tugeze ahantu akata ahantu hameze nko mu gipangu.'

Uyu musore yibuka ko basanze abantu bafite imbunda ariko bameze nk'amabandi, ndetse basa nabi.

Ati 'Aho ni ho umutima wanyemeje ko bishobora kuba birangiye. Baduhindura imodoka badushyira mu modoka ifunguye inyuma, usangamo abandi bafite imbunda, ndetse byari bimaze kuba nijoro. Imodoka iva mu gipangu turagenda.'

Nyuma y'urugendo rw'iminota 15 bageze ku mazi aho bari babajyanye, mu modoka itagira amatara, imurikirwa n'umuntu wicaye hejuru ugenda acanye itoroshi.

Ati 'Njye nari nabonye ko napfuye byarangiye. Ariko aho hose twari turi guca wabonaga hari abasirikare benshi bafite imbunda avuza ihoni twinjira mu rupangu rurerure rugizwe n'amabuye'

Aha bahise bamufata amaraso ku rutoki, barapima mu buryo bwihuse ibisubizo bihita biboneka bamusubiza mu modoka barongera baragenda.

Ati 'Ninjiye ahantu yangejeje mu cyumba kinini nsanga harimo abantu benshi cyane. Ni urubyiruko rwinshi cyane kandi ni Abanyafurika bavanze na Srilanka n'abandi tudafite uruhu rumwe.'

Bahageze abashinwa babiri bari bahari bahita bamusanga amusaba kujya ku mashini ngo atangire akazi na we yisobanura avuga ko yari agiye kuri hoteli yishyuye.

Yongeye guhumbywa umushinwa yamukubise urushyi kare atangira kubona ko amazi atakiri yayandi. Aho ngo hari umunya-Ghana ubafasha gusemura bamubwira ko agomba kujya ku mashini agakora ibyo bamusabye ariko arabyanga.

Ati 'Umushinwa abonye ko ndi kujya impaka n'umusemuzi, bankubise imigeri, batanga itegeko abasirikare babiri banjyana mu cyumba cyijimye bamfunga amapingu ukuboko kumwe ku gitanda kimwe n'ukundi ku kindi gitanda barambamba. Nakubiswe umuriro mwinshi cyane.'

Yakomeje ati 'Akazi bari bagiye kumpa ni ubutekamutwe ariko ni uguteretana. Baguhaga nimero z'abagabo wowe ukandika nk'umukobwa. Bakaguha amafoto bakaguha ibintu byose. Twari dufite n'umuntu w'umunyamideli na we bari baramufashe muri ubwo buryo ariko n'amafoto ni we twakoreshaga, umukiliya yashaka kugira ngo muvugane kuri video mukabikora, tuba muri ubwo buzima, njye namazeyo amezi atanu.'

U Rwanda ruvuga ko ruri mu nzira zo gucyura n’abandi basigayeyo

Yahasanze n'abandi barimo Abanyarwanda

Uwageze muri Myanmar muri Nzeri 2024 yahasanze uwari waraturutse mu Rwanda muri Kanama 2024 agiye mu kazi yari yijejwe.

Uwahageze mnere yari yararangije amashuri yisumbuye ubuzima buramuhira ajya mu byo gucuruza imodoka ariko kubera gukoresha ikoranabuhanga cyane akabona links zirimo amahirwe yo kwiga cyangwa akazi hanze y'u Rwanda ahitamo guhindura ubuzima akajya guhahira ahandi kure.

Yagize ati 'Umunsi umwe nari ndi kuri facebook ndi kuyikoresha, mbona link ivuga ko hari amahirwe y'akazi ahari muri Thailand baravuga ngo ushaka amakuru arambuye wafungura iyo link bakaguha amakuru ajyanye n'akazi yose.'

Uyu bamusabye gukoresha amafaranga ye agashaka pasiporo, ajya no gushaka viza muri Kenya arayibona ariko bahita bamusaba kuyifotoza akayiha icyo kigo cyashakaga kumuha akazi.

Bahise bamubwira ngo asubire mu Rwanda yitegure kuzajya gutangira akazi ndetse nyuma y'iminsi itatu bahita bamwoherereza tike y'indege na hoteli azabamo ageze muri Thailand.

Ati 'Narasuzumye na mukuru wanjye arareba abona ni ticket y'ukuri ntabwo ari impimbano tureba hoteli na yo turayibona, ubwo ntangira kwitegura…'

Numa y'iminsi mike bahise bamwoherereza tike y'indege na hoteli azararamo ageze Bangkok anyura ku kibuga cy'indege cy'i Kanombe yemye.

Akigera muri Thailand yakiranywe urugwiro n'umugore wari ufite urupapuro ruriho amazina ye y'Ikinyarwanda, maze amusaba kuba ahagaze gato ariko ahita amufata ifoto.

Ati 'Muri ako kanya hahise haza umushoferi afata igikapu cyanjye arambwira ngo mukurikire.'

Igikapu bagishyize mu modoka, umusore akabona uko ibintu babimwijeje ari ko bimeze kuko yari ageze Bangkok.

Urugendo rugana kuri hoteli rwamaze amasaha abiri n'igice ariko agenda n'imodoka ebyiri zitandukanye.

Yageze kuri hotel araryama, abyutse asanga yahawe indi tike y'indege iva ku kibuga cy'indege i Bangkok ijya Maousote, intara ya Thailand yegeranye na Myanmar.

Bakoze urugendo rw'amasaha ane n'igice mu modoka, hashira isaha hakaza indi modoka bagashyiramo igikapu.

Ati 'Nagiye mu modoka eshatu turi mu rugendo rujya kwambuka umugezi tujye muri Myanmar. Ubwo ntabwo ndi kuvuga, sinzi aho ndi kujya tuva mu muhanda munini tujye mu gahanda k'igitaka katumanura gato, ni ko kajyaga kuri ayo mazi.'

'Ni amazi y'umugezi, bigiye kumera nka kuriya Nyabugogo imeze, ni yo itandukanya Thailand na Myanmar.'

Bakigera kuri ako kagezi hahise hagera abasore babiri basa nabi umwe afata igikapu, umushoferi ahita akata imodoka isubira inyuma, uyu musore asigarana n'abo babiri n'undi mukobwa bari bazanye.

Ati 'Nahise numva ikintu cy'ubwoba kandi mbere ntabwo nari nabugize. Baratwambutsa, hahita haza indi modoka nini na bwo bashyiramo ibikapu turagenda.'

Aho bajyaga bahageze hashize nk'iminota irindwi bagera ku gipangu kinini kandi kirinzwe n'abagabo bambaye impuzankano.

Ati 'Tukimara kwinjira ako kanya bahise banyaka telefone yanjye.'

Unaniwe kwinjiza amafaranga menshi yakubitwaga iz’akabwana

Gukurikiza amabwiriza ni inzira yo kubaho

Aba bombi bisanze mu mujyi wa Myawaddy uri hafi y'umupaka wa Myanmar na Thailand, hakaba ahantu hazwi nk'indiri y'ubutekamutwe n'imirimo isa n'ubucakara.

Umwe ati 'Hari umusore nasanze muri icyo kigo yarambwiye ngo niba nshaka kubaho aho sinjye impaka. Ibyo bambwira nemere mbikore.'

Yabikoze uko bamugiriye inama akareba abo yahasanze ukuntu bihebye, yakwibuka ko bari mu ishyamba rwagati nta hantu bahungira, bazengurutswe n'amazi n'abasirikare bafite imbunda, bityo amahitamo asigara ari ugukora akazi.

Uwaturutse mu Rwanda yahageze ari ku wa kabiri, atangira kwigishwa uko batuburira abantu kugeza ku wa Gatandatu yaka telefone ahamagara iwabo ababwira ko ahantu ari ibintu bitameze neza, ko n'akazi yari yemerewe atari ko yabonye ndetse ababwira aho aherereye.

Ibihano bikakaye byavuzaga ubuhuha

Uwageze muri ibi bigo byasaga nko gushyingurwa uri muzima.

Uyu musore wavuye Dubai yavuze ko mu gihe umuntu ahawe abantu yandikirana na bo ntibitange umusaruro yahabwaga ibihano biremereye

Ati 'Urabona iyi jerekani ya litiro 20 ya Jibu? Hari igihano baduhaga uyifashe ku rutugu ukajya umanuka uri kubara ukazamuka inshuro 400 cyangwa 500. Wagira ngo birakunaniye bakakujyana mu cyumba cy'umwijima bakagukubita umuriro.'

Yongeyeho ko 'Twakoraga imbunda iri ku mutwe. Byageze igihe mama kugira ngo mubwire ibihe ndimo ansabire n'ubutabazi, mama ntangira gucata na we muri za nimero bampaye zo gucata n'abakiliya nkakuramo nimero imwe nkashyiramo iya Mama kuko ndayizi mu mutwe nkamubwira ibyo nshaka kumubwira hanyuma nkayisiba.'

Yabwiye umubyeyi we ibihe bikomeye ari kunyuramo amusaba gukomera ariko anamusaba kumutabariza abinyujije muri Minisiteri y'Ububanyi n'Amahanga n'Ubutwererane y'u Rwanda.

Ati 'Mama namwandikiraga nk'umukiliya. Rimwe umushinwa yigeze kumpagarara hejuru ndi kuganira na mama, iyo aza gusemura akareba ibintu ndi kwandika ko bitandukanye n'ibyo batubwiye gukora bari guhita banyica.'

Yavuze ko abantu basizeyo barimo abakomoka mu bihugu byateye imbere ariko basigayeyo nyamara Abanyarwanda bari aho bari 10 bose baratabawe bakurwayo.

Ati 'Nari nararangije kubona ko napfuye byarangiye baranzura.'

Abashaka kugenda barye bari menge

Aba basore bombi basaba abashaka kujya mu bihugu by'amahanga kubanza gushishoza no kumenya neza aho bagiye kandi bakaba bafite abantu barenze babiri bazi neza ibyaho kuko hari igihe uguha amakuru yaba ari muri abo batekamutwe.

Ati 'Birasaba kugira ngo dushishoze birenze. Niba washishozaga wongere ushishoze. Ni ukwitonda kuko aho nanjye bashobora kunkoresha nkakuzana mu buryo nanjye ubwanjye ntashaka ariko ukaza. Hagomba kubaho gushishoza ukamenya amakuru y'ahantu ugiye. Myanmar ni ubwa mbere nari nyumvise kuva nabaho…nta makuru nari mfite.'

Guverinoma y'u Rwanda iherutse gutangaza ko hari abandi batanu basigaye muri ibi bigo bikora ubutekamutwe ariko hari gukorwa ibishoboka ngo bacyurwe mu gihugu.

Bisanze muri Thailand na Myanmar bakoreshwa ubucura kandi batemerewe kuhava

Ni igikorwa cyakozwe kuri uyu wa 13 Gicurasi 2025, mu rwego rwo kwifatanya na bo kwizihiza Umunsi Mpuzamahanga wahariwe Umubyeyi w'Umugore.

Niyonagize Chantal ni umwe mu babyariye mu Bitaro bya Kacyiru wahawe impano, avuga ko zigiye kumufasha kwita ku isuku y'umwana yabyaye.

Ati 'Amafaranga nari kuguramo ibikoresho by'umwana, ngiye kuyifashisha kugura ibindi na byo bizamfasha kwita ku mwana.'

Kandamutsa Evanice we yagize ati 'Tunejejwe n'impano batugeneye kubera ko igiye kumfasha ku bijyanye no kugirira isuku umwana wanjye.'

Umuforomo w'inzobere mu kwita ku buzima bw'abana mu Bitaro bya Kacyiru, Uwera Noella, yashimiye uru ruganda ku mpano rwahaye ababyeyi, anagaragaza ko ari igikorwa cy'ubumuntu kubera ko cyerekena ko hari abantu bazirikana umurimo ukomeye ababyeyi bakora wo kubyara.

Ati 'Byibutsa ababyeyi ko hari abantu babatekereza, bakora umurimo ukomeye kandi unatangaje kuko kuzana umuntu ku Isi ntabwo ari ibintu byoroshye ariko iyo babonye ko hari abantu babibuka bakabaha kubyo bakora ni ibintu bibashimisha.'

Umuyobozi Uhagarariye Ubucuruzi mu Ruganda Bonjour Hygiene Products Ltd, Butera Boaz, yavuze ko biyemeje ko bazajya bakora ibi bikorwa buri mwaka.

Yavuze ko biri mu rwego rwo kwifatanya n'ababyeyi babashimira umurimo baba bakoze utoroshye.

Ati 'Twahisemo ko buri mwaka tuzajya tujya mu bitaro tugafasha ababyeyi tubashimira ndetse tunabaha impano za 'pamper' dukora.'

Iki gikorwa cyabereye mu bindi bitaro bitandukanye birimo La Croix du Sud', Ibitaro bya Kibagabaga, ibya Muhima, ibya Kaminuza bya Kigali, ibya Nyarugenge na Polyfam.

Butera yavuze ko impamvu bahisemo ibyo bitaro ari uko usanga harimo ababyeyi baba batishoboye, na bo biyemeza kubashyigikira, ndetse avuga ko bari gukora ku buryo igikorwa cyakwagukira mu zindi ntara.

Abakozi b'Uruganda Bonjour Hygiene Products Ltd rukora ibikoresho by'isuku by'abana birimo basuye ababyeyi babyariye mu Bitaro umunani byo mu Mujyi wa Kigali

Abakozi b’Uruganda Bonjour Hygiene Products Ltd bageneye ababyeyi babyariye mu Bitaro bya Kacyiru impano

Umuforomo w'inzobere ku kwita ubuzima bw'abana mu Bitaro bya Kacyiru, Uwera Noella yashimiye Bonjour Hygiene Products yahaye ibikoresho abagore babyariye muri ibi bitaro

Umuyobozi ushinzwe ubucuruzi muri Bonjour Hygiene Products Ltd, Butera Boas, yavuze ko biyemeje ko buri mwaka bazajya bunganira ababyaye kubona ibikoresho by’isuku

Kandamutsa Evanice wabyariye mu Bitaro bya Kacyiru yagaragaje ko yishimiye impano yahawe n’Uruganda rwa Bonjour Hygiene Products Ltd

Ibi yabigarutseho kuri uyu wa Kabiri, tariki 13 Gicurasi 2025 mu nteko y'abaturage yamuhuje n'abaturage b'Imirenge ya Cyanzarwe na Rubavu.

Iyi nteko y'abaturage yabereye mu Mudugudu wa Bushengo, Akagari ka Gikombe ho mu Murenge wa Rubavu.

Ati 'Ikibazo cya magendu ni mureke tugishakire umuti mu mizi, dukumire abana bava mu mashuri kuko ari yo ntandaro y'ubuzererezi n'ibyaha bitandukanye, ntabwo abana tuzabanza kubashakira imirimo ngo batajya mu bucuruzi butemewe cyangwa ibindi byaha kandi barataye amashuri tukabyihorera, bakiva mu mashuri dufatanye n'abayobozi n'imiryango bakomokamo bayasubiremo kuko ni byo bizabaha amahirwe yo gukora umurimo ubatunga wemewe n'amategeko.'

Umuturage witwa Uwimana Amina utuye mu Murenge wa Rubavu, Akagari ka Gikombe ho mu Mudugudu wa Rubero na we yagarage gucikiriza amashuri

Ati 'Ikibazo dufite hano ni urubyiruko rucikiriza amashuri rukajya gukora ubucoracora muri Congo, bacora inkweto n'imyenda aho abakuru mu kwiriye kubashakira akazi abato mukabasubiza mu amshuri.'

Umuyobozi w'Isibo y'Indashyikirwa, mu Mudugudu wa Bwiru, mu Kagari ka Murambi, ho mu Murenge wa Rubavu Musabyimana Jean Claude, avuga ko uruzinduko rwa Minisitiri w'Umutekano rwari ingenzi.

Ati 'Atubwiye ko dukwiriye kujyana abana mu mashuri kuko ni abakeneye akazi batakabona batarize, natwe cyatubangamiraga kuko abana bahitaga bishora muri magendu, kuko Leta yakoze byose yewe igerekaho n'ifunguro bafatira ku mashuri.'

Yaboneyeho gusaba ababyeyi bagifite imyumvire yo kohereza abana muri magendu bagacikiriza amashuri, kumva ko abana babo bakwiriye kugira ubumenyi kuko aribo Rwanda rw'ejo.

Abaturage b’i Rubavu basezeranyije Leta ko bagiye kuzinukwa magendu

Uyu mugabo yafashwe ku wa 9 Gicurasi 2025, mu Kagari ka Rwesero, Umurenge wa Busasamana, Akarere ka Nyanza.

Amakuru avuga ko ku wa 5 Gicurasi 2025, uyu mwana Gisubizo, mbere yo kwicwa ngo yaturutse ku ishuri yigagaho rya GS Hanika ry'i Nyanza, ajya kureba Se mu mujyi wa Nyanza ngo amwogoshe aho yari asanzwe akorera ako kazi, maze aho kumwogosha ahubwo ngo amujyana kumwicira mu Karere ka Huye.

Nyuma yo kumwica ngo ntibyarangiriye aho, ahubwo yamuciye n'umutwe aranawutwika ariko ntiwakongoka.

Umuvugizi wa Polisi mu Ntara y'Amajyepfo, SP Emmanuel Habiyaremye, yabwiye IGIHE, ko uyu mugabo yahise atangira gushakishwa aho ku wa 9 Gicurasi 2025 yafatiwe mu Mudugudu wa Murambi, Akagari ka Rwesero, Umurenge wa Busasamana.

Ati ''Akurikiranweho icyaha cyo kwica umwana we w'imyaka 11.''

SP Habiyaremye yakomeje asaba abaturage bose kuzibukira ibyaha byose birimo no kuvutsa abandi ubuzima, kuko ubigerageje bitamugwa amahoro.

Uyu mugabo arakwekwaho kwica umwana we bwite

Byagarutsweho ubwo hagaragazwaga ibikorwa biteganyijwe mu ngengo y'imari y'umwaka utaha uzatangira muri Nyakanga 2025, mu gihe Abadepite bagize Komisiyo y'Ingengo y'Imari n'Umutungo bya Leta ikomeje gusesengura imbanziriza mushinga w'ingengo y'imari y'umwaka wa 2025/2026.

Minisitiri w'Uburezi, Nsengimana Joseph yagaragaje ko ingengo y'imari yagenewe iyo minisiteri ayoboye n'ibigo biyishamikiyeho izakomeza kwifashishwa mu kurushaho guteza imbere ireme ry'uburezi.

Mu mwaka w'ingengo y'imari wa 2025/2026 MINEDUC n'ibigo biyishamikiyeho yateganyirijwe ingana na 248.275.995.503 Frw, izifashishwa mu bikorwa bitandukanye.

Nka NESA muri uyu mwaka w'ingengo y'imari yagenewe arenga miliyari 17,5 Frw, nubwo biteganyijwe ko izakoresha arenga miliyari 24 Frw ku bizamini bya Leta.

NESA ni yo ifite mu nshingano gutegura ibizamini bya Leta bisoza icyiciro cy'amashuri abanza, icyiciro rusange cy'amashuri yisumbuye, kurangiza amashuri yisumbuye haba mu burezi rusange, amashuri nderabarezi ndetse no mu mashuri ya Tekinike imyuga n'ubumenyi ngiro.

Muri ibyo bizamini hazakenerwa ingengo y'imari izifashishwa yaba ari ukubitegura kugera ku bazabikosora no kugutangaza amanota.

NESA yerekanye ko gutegura ibizamini bya Leta by'umwaka wa 2025/2026 bizatwara arenga miliyari 2,9 Frw, kubicapa bizatwara arenga miliyari 4,4 Frw, ibikorwa byo kwiyandikisha bizatware arenga miliyoni 195 Frw, kubigeza kuri site bizakorerwaho bizatwara miliyoni 280 Frw.

Hari kandi ibikorwa by'ibizaminingiro bizatwara arenga miliyari 2,8 Frw, kugura ibikoresho by'ibizaminingiro bizatwara arenga miliyari 3,3 Frw, kugura ibindi bikoresho bizatwara arenga miliyoni 350 Frw.

Biteganyijwe kandi ko ibikorwa byo gukosora ibizamini bya Leta by'umwaka w'amashuri wa 2024/2025 bizatwara arenga miliyari 9,8 Frw, ibikorwa byo gutangaza amanota no kujurira biteganyirijwe miliyoni 55 Frw mu gihe gucapa icyemezo cyo kurangiza amashuri yisumbuye 'A level Certificate' bikazatwara arenga miliyoni 112 Frw.

Muri iyi ngengo y'imari NESA igaragaza ko ibi bikorwa byose bigomba kuba byamaze gushyirwa mu bikorwa bitarenze muri Nyakanga 2025.

Mu bindi bizakorwa harimo ibikorwa byo gukora ubugenzuzi, amahugurwa ku bayobozi bashinzwe uburezi ku nzego zitandukanye, kugurira mudasobwa abayobozi bashinzwe uburezi mu mirenge mu korohereza ubugenzuzi bw'amashuri ndetse no kugura internet bazajya bakoresha.

Arenga miliyari 24,3 Frw azagenda ku bizamini bya Leta mu 2025/2026