Webrwanda Backend

Category: Uncategorized

  • Inkoramutima za Perezida wa Uganda, Yoweri K. Museveni zikomeje kuvugwa mu buriganya na ruswa biteye ubwoba, abaturage bicira isazi mu jisho #rwanda #RwOT

    Ibinyamakuru byo muri Uganda ndetse n'imiryango irwanya ruswa n'akarengane byakoze ubucukumbuzi ku mikorere y'abatoni ba Perezida Yoweri K. Museveni, bisanga ruswa n'uburiganya bikorwa mu nzego za leta y'icyo gihugu nta handi biba uretse mu bihugu biyobowe mu buryo buteye agahinda. Rumwe mu ngero zitabarika zakozweho ubushakashatsi, ni urwa Dr Silver Mugisha utegeka Ikigo cy'Amazi, Isuku n'Isukura muri Uganda(NWSC), akaba umuyoboke ukomeye waNRM, n'inshuti y'akadasohoka ya Perezida Museveni n'umuryango we.

    Inkuru icukumbuye yashyizwe ahagaragra n'ikinyamakuru Sky News Uganda, ubundi gikunze gutangaza ibisingiza Perezida Museveni na NRM ye, irerekana uburyo uwo Silver Mugisha n'umugore we Annet  Katusiime Mugisha, bashinze 'Umuryango w'Abagiraneza', Bamugisha Community Welfare Limited(BCWL), nyamara ari ikiryabarezi kizafasha Dr Mugisha kwakira  amamiliyari ya ruswa.

    Imibare ya Sky News yerekana ko  hagati ya Mutarama 2017 na Kamena 2020 hari abakozi 150  ba NWSC bashyize miliyoni  zisaga 650 z'amashilingi ya Uganda muri Centenary Bank, kuri konti ya BCWL, cya kiryabarezi cya Dr Silver Mugisha n'umugore we Annet Katusiime Mugisha. Imibare yerekana kandi ko hari  ba rwiyemezamirimo batabarika barimo VAMBECO, SOGEA n'abandi, bagiye barunda amamiliyoni kuri Konti ya BCWL, impamvu n'icyo babaga bishyura kikaba kitagaragara, ari naho bikekwa ko ari ruswa batangaga ngo bahabwe akazi n'amasoko mu Kigo gishinzwe amazi,isuku n'isukura muri Uganda.

    N'ikimenyimenyi ngo  mu bakozi batanze 'akantu', abenshi ni abahawe akazi mu buryo bufifitse, abandi ntibahanwa kandi baranyereje amafaranga y'ikigo. Hari kandi ba rwiyemezamirimo bahawe amasoko manini bitanyuze mu ipiganwa, wareba amazina yabo, nayo ukayasanga mu bashyize amashilingi menshi kuri konti ya BCWL, ya Dr Silver na Annet Mugisha.

    Ikigo cya NWSC kandi gishinjwa kuba cyaraguze Crane Hotel ahitwa Bushenyi mu Burengerazuba bwa Uganda , kuri miliyari zisaga 5 z'amashilingi, kandi ngo itari ikenewe, dore ko  inzego zishinzwe imari n'umutungo wa leta zitagishijwe inama, mbere yo gusohora ako kayabo k'umurengera. Aha naho havugwamo'enjaulo', nk'uko Abagande babyita bashaka kuvuga'bitugukwaha'

    Ibinyamakuru n'imiryango irwanya ruswa n'akarengane bivuga ko ubujura buvugwa kuri Dr Silver Mugisha bwakozweho iperereza ndetse raporo igezwa mu biro bya Perezida Museveni, ariko byabaye nko kurega uwo uregera! Aha niho abasesenguzi bahera bavuga ko Perezida Museveni akingira ikibaba abamamyi bo mu ishyaka rye, ndetse nibanatinye kuvuga ko agabana nabo ibisahurano.

    Mu matora aheruka muri Uganda  'Umuryango w'Abagiraneza', BCWL, wa Dr Silver na Annet Mugisha   watanze akayabo ka miliyari 3  z'amashilingi mu gushyigikira NRM mu bikorwa byo kwamamaza umukandida Yoweri K. Museveni, waje no'gutsinda' ayo matora. Rimwe mu mashimwe uwo muryango wahawe, ni umwanya wegukanywe na Annet Katusiime Mugisha, madamu wa Dr Silver Mugisha, nk'umudepite wa NRM uhagarariye akarere ka Bushenyi. Ngayo nguko, uku niko 'somambike' ba Muzeyi Kaguta Museveni babayeho, abaturage basanzwe bicira isazi mu jisho.

    The post Inkoramutima za Perezida wa Uganda, Yoweri K. Museveni zikomeje kuvugwa mu buriganya na ruswa biteye ubwoba, abaturage bicira isazi mu jisho appeared first on RUSHYASHYA.

    Source : https://rushyashya.net/inkoramutima-za-perezida-wa-uganda-yoweri-k-museveni-zikomeje-kuvugwa-mu-buriganya-na-ruswa-biteye-ubwoba-abaturage-bicira-isazi-mu-jisho/

  • Nkubiri yasubiye mu rukiko, yerekana ko icyaha kiri mu byo ashinjwa cyashaje –

    Ibyaha Nkubiri aregwa bifitanye isano na miliyari 2 Frw ashinjwa kunyereza mu bucuruzi bw’ifumbire mvaruganda binyuze mu kigo cye cya ENAS, agahimba imikono byitwa ko ari iy’abantu bafashe ifumbire mvaruganda ntibishyure, ashyiraho n’abatarayihawe kugira ngo ahabwe amafaranga na Minisiteri y’Ubuhinzi n’Ubworozi.

    Uyu munyemari aregwa ibyaha birimo guhimba, guhindura inyandiko cyangwa gukoresha inyandiko mpimbano, guhisha ibintu byakoreshejwe cyangwa byagenewe gukoreshwa icyaha n’ubuhemu. Bifitanye isano n’ibikorwa byo gukwirakwiza ifumbire mvaruganda yakoraga mu Ntara y’Uburasirazuba.

    Kuri uyu wa Kabiri, tariki ya 9 Werurwe 2021, nibwo Nkubiri yongeye kugezwa mu rukiko.

    Ni iburanisha ryabaye hifashishijwe ikoranabuhanga rya Skype mu rwego rwo kwirinda ikwirakwira rya Coronavirus. Nkubiri n’umwavoka we bari muri Gereza ya Mageragere mu gihe abacamanza n’abashinjacyaha bari mu rukiko.

    Iburanisha ryagombaga gutangira saa Mbili ariko habaho imbogamizi zatumye rishyirwa saa Tanu n’iminota 20.

    Iburanisha rigitangira Nkubiri yahise asaba ijambo avuga ko mbere yo gutangira kuburana mu mizi hari inzitizi afite. Yavuze ko inyandiko mpimbano aregwa ntazo Ubushinjacyaha bwigeze bwerekana.

    Abunganira Nkubiri babwiye urukiko ko hari inzitizi ebyiri bafite zirimo kuba MINAGRI yaguma mu rubanza cyangwa niba ifite uburenganzira bwo kururegeramo indishyi ndetse n’iyerekeye ubuzime bw’icyaha, aho berekanye ko icy’inyandiko mpimbano cyashaje kuko kirengeje imyaka itatu.

    Abunganizi ba Nkubiri bavuze ko basanga nta nyungu ndetse nta n’ububasha MINAGRI ifite, ndetse itakabaye iri muri uru rubanza iregera indishyi. Bavuze ko niba hari umuntu wakabaye asaba indishyi z’icyaha Nkubiri akurikiranyweho ari uwahimbiwe umukono.

    Uhagarariye MINAGRI yagaragaje ko Leta ifite ubabasha bwo kuregera indishyi muri uru rubanza kuko yagizweho ingaruka n’icyaha cy’inyandiko mpimbano Nkubiri akurikiranyweho.

    Ubushinjacyaha nabwo bwahawe umwanya bugaragaza ko busanga MINAGRI ifite ububasha bwo kuregera indishyi muri uru rubanza.

    Nyuma yo kwiherera, Inteko Iburanisha yanzuye ko inzitizi zagaragajwe n’uruhande rwa Nkubiri Alfred z’uko MINAGRI nta bubasha ifite bwo kuregera indishyi nta shingiro zifite.

    Ku yindi ijyanye n’ubusaze bw’icyaha, urukiko rwavuze ko Ubushinjacyaha buzayitangira ibimenyetso mu iburanisha mu mizi.

    Umucamanza yanzuye ko iburanisha rizakomeza tariki 24 Werurwe 2021.

    Nkubiri aregwa bifitanye isano na miliyari 2 Frw ashinjwa ko yanyereje mu bucuruzi bw’ifumbire mvaruganda binyuze mu kigo cye cya ENAS

  • Abamotari bo muri Kigali batangiye gukingirwa Covid-19 –

    Gukingira Abamotari byakorewe i Gikondo mu Karere ka Kicukiro ahasanzwe habera imurikagurisha. Ni hamwe mu ho urukingo ruri gutangirwa muri Kigali.

    Mbere yo gukingirwa, buri mumotari yaganirizwaga ku bijyanye n’urukingo agiye guhabwa, kandi akanuzuza inyandiko igaragaza ko yemeye guhabwa iyo serivisi.

    Abamotari baganiriye na IGIHE, bishimiye ko bakingiwe mu ba mbere kuko ngo babona bari mu bafite ibyago byinshi byo kwandura no kwanduza abandi Covid-19 bitewe n’uko bahura n’abantu benshi umunsi ku wundi.

    Umwe muri bo ni Murangwa Jean Népomucène. Yabwiye IGIHE ko yasanze hari amakuru y’ibihuha yavugwaga ku rukingo rwa Covid-19.

    Ati “Mbonye nta kibazo nta n’ubwo wamenya ko baruguteye. Hari ibihuha bagenda baruvugaho ariko nasanze ari ukubeshya. Badukanguriye gukomeza kwirinda, kuko icyorezo kiracyahari. Turakingiwe nk’abamotari ariko ntabwo igihugu cyose gikingiye. Wenda nibamara gukingira igihugu cyose hazatangwa andi mabwiriza, ariko ubu turakomeza gukurikiza amabwiriza asanzwe.”

    Umuyobozi w’Impuzamashyirahamwe y’Abamotari, FERWACOTAMO, Ngarambe Daniel, yashimiye Leta y’u Rwanda kuko gukingira abamotari ari umusanzu ukomeye mu gukomeza kurinda Abaturarwanda iyi ndwara.

    Ati “Kubera ko duhura n’abantu benshi, bituma tuba mu bafite ibyago byinshi byo kwandura Covid-19.”

    Yibukije abo ayobora ko bakwiye gukomeza gushishikariza abagenzi gukaraba intoki, kwambara agapfukamunwa, kwishyura hakoreshejwe ikoranabuhanga no kwitwaza udutambaro dushyirwa mu mutwe nk’imwe mu ngamba zafasha mu kurinda ikwirakwira ry’iki cyorezo.

    Sosiyete itanga serivisi z’itumanaho mu Rwanda, Airtel, isanzwe ari umufatanyabikorwa wa FERWACOTAMO, yahaye buri mumotari wakingiwe agapfukamunwa n’ijire nshya.

    Uretse abakingiwe mu Mujyi wa Kigali, ibikorwa byo gukingira Abamotari hirya no hino mu gihugu bizakomeza kugeza ubwo bose bazaba bamaze gukingirwa.

    Ibikorwa byo gukingira Covid-19 mu Rwanda byatangiye ku wa 5 Werurwe 2021, mu minsi ine hamaze gukingirwa abantu 228.667. Inkingo ebyiri nizo zitangwa muri iyi gahunda harimo urwa AstraZeneca n’urwa Pfizer-BioNTech.

    Abamotari batangiye gukingirwa nka bamwe mu bafite ibyago byinshi byo kwandura iki cyorezo kuko bahura n’abantu cyane

    Babanzaga kuzuza inyandiko igaragaza ko bemeye kwikingiza ku bushake

    Mbere yo guhabwa urukingo, buri mumotari yasobanurirwaga imikorere y’urwo agiye guterwa, ufite n’ibibazo agasubizwa

    Mbere yo gukingirwa, buri mumotari yahabwaga amakuru yuzuye ku rukingo, akanuzuza inyandiko yemeza ko akingiwe

    Nyuma y’ibyumweru bine, abahawe uru rukingo bazongera guterwa urwa kabiri kugira ngo bizere ko bakingiwe neza

    Umuyobozi wa FERWACOTAMO, Ngarambe Daniel, yashimiye Leta y’u Rwanda yazirikanye Abamotari ikabakingira mu ba mbere

    Amafoto: Niyonzima Moïse

  • Abamotari bo muri Kigali batangiye gukingirwa Covid-19 – #rwanda #RwOT

    Gukingira Abamotari byakorewe i Gikondo mu Karere ka Kicukiro ahasanzwe habera imurikagurisha. Ni hamwe mu ho urukingo ruri gutangirwa muri Kigali.

    Mbere yo gukingirwa, buri mumotari yaganirizwaga ku bijyanye n'urukingo agiye guhabwa, kandi akanuzuza inyandiko igaragaza ko yemeye guhabwa iyo serivisi.

    Abamotari baganiriye na IGIHE, bishimiye ko bakingiwe mu ba mbere kuko ngo babona bari mu bafite ibyago byinshi byo kwandura no kwanduza abandi Covid-19 bitewe n'uko bahura n'abantu benshi umunsi ku wundi.

    Umwe muri bo ni Murangwa Jean Népomucène. Yabwiye IGIHE ko yasanze hari amakuru y'ibihuha yavugwaga ku rukingo rwa Covid-19.

    Ati 'Mbonye nta kibazo nta n'ubwo wamenya ko baruguteye. Hari ibihuha bagenda baruvugaho ariko nasanze ari ukubeshya. Badukanguriye gukomeza kwirinda, kuko icyorezo kiracyahari. Turakingiwe nk'abamotari ariko ntabwo igihugu cyose gikingiye. Wenda nibamara gukingira igihugu cyose hazatangwa andi mabwiriza, ariko ubu turakomeza gukurikiza amabwiriza asanzwe.'

    Umuyobozi w'Impuzamashyirahamwe y'Abamotari, FERWACOTAMO, Ngarambe Daniel, yashimiye Leta y'u Rwanda kuko gukingira abamotari ari umusanzu ukomeye mu gukomeza kurinda Abaturarwanda iyi ndwara.

    Ati 'Kubera ko duhura n'abantu benshi, bituma tuba mu bafite ibyago byinshi byo kwandura Covid-19.'

    Yibukije abo ayobora ko bakwiye gukomeza gushishikariza abagenzi gukaraba intoki, kwambara agapfukamunwa, kwishyura hakoreshejwe ikoranabuhanga no kwitwaza udutambaro dushyirwa mu mutwe nk'imwe mu ngamba zafasha mu kurinda ikwirakwira ry'iki cyorezo.

    Sosiyete itanga serivisi z'itumanaho mu Rwanda, Airtel, isanzwe ari umufatanyabikorwa wa FERWACOTAMO, yahaye buri mumotari wakingiwe agapfukamunwa n'ijire nshya.

    Uretse abakingiwe mu Mujyi wa Kigali, ibikorwa byo gukingira Abamotari hirya no hino mu gihugu bizakomeza kugeza ubwo bose bazaba bamaze gukingirwa.

    Ibikorwa byo gukingira Covid-19 mu Rwanda byatangiye ku wa 5 Werurwe 2021, mu minsi ine hamaze gukingirwa abantu 228.667. Inkingo ebyiri nizo zitangwa muri iyi gahunda harimo urwa AstraZeneca n'urwa Pfizer-BioNTech.

    Abamotari batangiye gukingirwa nka bamwe mu bafite ibyago byinshi byo kwandura iki cyorezo kuko bahura n’abantu cyane

    Babanzaga kuzuza inyandiko igaragaza ko bemeye kwikingiza ku bushake

    Mbere yo guhabwa urukingo, buri mumotari yasobanurirwaga imikorere y’urwo agiye guterwa, ufite n’ibibazo agasubizwa

    Mbere yo gukingirwa, buri mumotari yahabwaga amakuru yuzuye ku rukingo, akanuzuza inyandiko yemeza ko akingiwe

    Nyuma y’ibyumweru bine, abahawe uru rukingo bazongera guterwa urwa kabiri kugira ngo bizere ko bakingiwe neza

    Umuyobozi wa FERWACOTAMO, Ngarambe Daniel, yashimiye Leta y'u Rwanda yazirikanye Abamotari ikabakingira mu ba mbere

    Amafoto: Niyonzima Moïse

    Source : http://igihe.com/amakuru/u-rwanda/article/abamotari-bo-muri-kigali-batangiye-gukingirwa-covid-19

  • Umunyamakuru yafungiwe bitunguranye mu isomwa ry’urubanza rwa Idamange #rwanda #RwOT

    Kuri uyu wa Kabiri tariki 9 Werurwe 2021, nibwo Urukiko rw’Ibanze rwa Gasabo ruherereye i Kibagabaga hasomwe imyanzo ku ifungwa n’ifungurwa ry’agateganyo, mu rubanza ubushinjacyaha buregamo ibyaha bitandukanye Idamange Iryamugwiza Yvonne.

    Urukiko rwategetse ko Idamange afungwa iminsi 30 mu gihe hagikorwa iperereza hanakusanywa ibimenyetso ku byaha akurikiranweho. Umucamanza yavuze ko hari impamvu zikomeje zituma uregwa akekwaho ibyaha ashinjwa kandi hakaba hari impungenge ko yatoroka ubutabera aramutse arekuwe.

    Muri uru rubanza imyanzuro yasomewe mu cyumba cy’Urukiko mu gihe Idamange n’umwunganira mu mategeko bari babikurikiranye mu buryo bw’ikoranabuhanga bari aho afungiye i Remera. Idamange yahise avuga ko ajuririye imyanzuro y’urukiko.

    Mu gusoma iyi myanzuro kandi, ubwo yendaga kugera ku musozo, nibwo umunyamakuru Agnes Nkusi Uwimana yasabwe n’umucamanza ko amuhereza telefone ye kuko ngo yayifatishije amajwi, hanyuma umucamanza amusaba gukuramo ijambo banga (password) ngo arebe ibyo yafashe, nyuma ahita ahamagara umupolisi ngo amufunge aho yavuze ko asibye ibyo yari yafashe kandi yanabifashe bitemewe, umucamanza avuga ko azamwiregera akoresheje ububasha ahabwa n’amategeko hanyuma umunyamakuru bahita bamujyana kumufunga.

    Source : http://www.ukwezi.rw/mu-rwanda/3/article/Umunyamakuru-yafungiwe-bitunguranye-mu-isomwa-ry-urubanza-rwa-Idamange

  • Menya impamvu kureka filime z’urukozasoni (Pornography) ari bibi #rwanda #RwOT

    Filime z’urukozasoni (pornography) ni kimwe mu bintu byabaye ibiyobyabwenge mu buzima bwa benshi kuko uko umuntu agenda azamuka mu ntera yo kuzireba niko agenda yangirika mu bwonko. Ibi bitesha agaciro igikorwa cy’imibonano mpuzabitsina ubusanzwe Imana yashyiriyeho kongera ubumwe hagati y’umugabo n’umugore. Muri iyi nkuru turarebera hamwe icyakorwa mu kurwanya iyi ngeso.

    Dore zmwe mu mpamvu ukwiriye kugendera kure filime z’urukozasoni:

    1. Abenshi mubakobwa bakina izi filime baba barabijyanywemo kugahato binyuze mu icuruzwa ry’abantu cyangwa bakanafata ibiyobya bwenge kugirango bigabanirize ububabare ndetse birinde nokugira isoni nkuko bitangwamo ubuhamya nabamwe mubahoze bakora uyu mwuga.

    2. Uretse kuba imbata z’imibonano mpuzabitsina, usanga abakinnyi b’aya mafilime bakunda guhura n’ibindi bibazo bikomeye mubuzima wabo birimo gukuramo inda ndetse no kwandura indwara zitandukanye.

    3. Izi filime zihindura ishusho y’ukuri y’umugabo n’umugore Imana yabaremanye kuko zituma tubarebera mubijyanye n’ibitsina, ikibuno, amabere n’ibindi bifatika aho kwita kuzindi ndangagaciro bafite zirimo ubwenge, kubaha Imana n’indi mimaro itandukanye.

    4-Izi filime zitesha agaciro igikorwa cy’imibonano mpuzabitsina ubusanzwe cyagenewe kongera ubumwe hagati y’umugabo n’umugore nyamara ugasanga izi filime zitwerekako ntacyo bitwaye gukorana imibonano mpuzabitsina n’abo ubonye bose, guca inyuma uwo mwashakanye, gufata kungufu ndetse n’ibindi bikorwa biteye isoni.

    5. Kureba izi filime cyane bituma bamwe bahora bicira urubanza kugeza ubwo biyanga bakumva n’Imana yarabanze nyamara Yesu/Yezu yaraje kubohora imbohe nokubabarira abantu ibyaha byabo.

    6. Kubakirisitu, kureba izi filime bibabera umutwaro kuko bibabera ubundi buzima bagomba guhora bahisha abo babana ndetse n’abayobozi babo mu idini, bigatuma batanagaragara mumirimo inyuranye y’idini kuzageza aho bashyiriye ahagaragara ubu buzima (Yakobo:5:16).

    7. Gushaka no kureba izi filime usanga bitwara igihe kumunsi, mucyumweru, kukwezi ndetse nokumwaka nyamara icyo gihe cyakagombye gukoreshwa mukwita kumuryango, kunshuti, gusoma ijamo ry’Imana ndetse nogutekereza kubindi byakugirira akamaro.

    8. Filime z’urukoza soni zica ubwonko bw’uzireba zikabuhindura umucakara kuburyo bitoroshye kubyikuramo nk’ibindi biyobya bwenge bisanzwe.

    9. Umuntu ukunda kureba izi filime cyane, bishobora kumutera kuba indaya, gufata kungufu, kujya mubutinganyi, gukururira abana mubusambanyi, kwishora mubusambanyi n’abo mufitanye amasano yabugufi n’ibindi bishobora gutuma uhurwa cyangwa ugakunda imibonano mpuzabitsina kurwego rukabije.

    10. Iyo ukunda kureba izi filime kandi, ushobora guhura n’ibindi bibazo bikomeye birimo kurangiza vuba cyangwa guhurwa uwo mwashakanye cyangwa se ntushobore kugera kubyishimo byawe byanyuma mugihe cy’imibonano mpuzabitsina.

    11. Umuntu ukunda kureba izi filime ntibyamworohera kubona uko yigisha cyangwa arinda abana be kuzireba kandi nawe azireba doreko abana benshi bazireba bwambere bazikuye aho ababyeyi babo bazibika!

    12.Kureba filime z’urukozasoni bishobora kubangamira kuburyo bukomeye imibanire n’ibyiyumviro byacu kubo tudahuje igitsina.

    Dore inama enye zagufasha kwikura kuri filime z’urukozasoni

    Mubyukuri ntibyoroshye kwikura kubucakara bwokureba izi filime, ariko izi nama 4 zagufasha:

    1. Reba abantu wizeye kurusha abandi ubaganirize ikibazo ufite, ndetse ujye uhora ubamenyesha aho urugamba rwokwibuza kuzireba urugeze. Mugihe utangiye kubitsinda, shakisha imbaraga zo kubibwira uwo mubana.

    2. Itandukanye n’aho wakuraga izi filime kuburyo bworoshye harimo imbuga z’ikoranabuhanga, kuzisiba muri mudasobwa yawe, muri telefone yawe, gufunga imirongo zibaho kuri Televisiyo n’ahandi.

    3. Birumvikana ko ushobora guhura n’amahusho cyangwa n’izi filime utabigambiriye. Nibyizako wiyima umwanya wokuzireba ndetse ntushake kureba ibyisumbuye kubyo ukubitaniye nabyo munzira.

    4. Ntukibagirwe gusenga no gusoma Bibiliya burimunsi kuko bizagabanya kurarikira izi filime ndetse bikagukangurira no kutayoborwa n’umubili (Abaroma 6:6).

    source:amarebe.com

    [email protected]

    Source : https://agakiza.org/Menya-impamvu-kureka-filime-z-urukozasoni-Pornography-ari-bibi.html

  • BK yifatanyije n’abarokotse Jenoside yakorewe Abatutsi mu kwizihiza Umunsi Mpuzamahanga w’Abagore –

    Abagore bo mu Murenge wa Kinyinya, Akagari ka Gacuriro bibumbiye mu Muryango Rwanda Women Network ni bo Banki ya Kigali yasangiye na bo ku wa mbere tariki 8 Werurwe 2021 mu rwego rwo kubafasha nk’abagizweho ingaruka na COVID-19.

    Ubusanzwe, Rwanda Women Network igizwe n’abagore barokotse Jenoside yakorewe Abatutsi mu 1994, bakora ibijyanye n’ubukorikori birimo kuboha uduseke no gukora imbabura za kijyambere.

    BK yahisemo kwifatanya n’imiryango 100 iri muri Rwanda Women Network ibagenera ibiribwa binyuranye ndetse inabishyurira ubwisungane mu kwivuza (mituweli) mu mwaka wa 2021/2022.

    Umwe mu bagize Rwanda Women Network, Mukamurangwa Laurence, yavuze ko kubona ibiribwa bagenewe na BK bigiye kubafasha kwagura ibyo bakora.

    Ati “Bigiye kudufasha kwizigamira no kubasha gushora mu bikorwa by’ubucuruzi. Amafaranga nagombaga kujya guhahisha biriya byo kuntunga umuryango wanjye ndayashora nyacuruze noneho n’inyungu zibe nyinshi.”

    Umunyamabanga Nshingwabikorwa w’Umurenge wa Kinyinya, Twagirayezu Alfred, yashimiye BK ku gikorwa yatekereje.

    Ati “Ndagira ngo nshimire BK n’ubuyobozi bwayo. Uyu ni umunsi udasanzwe wo gushyigikira umugore. Ubufasha BK itanze burafasha gukomeza kwiteza imbere. BK ni umufatanyabikorwa mwiza kandi ndahamya ko tuzakomeza kuzuzanya, dushishikariza abagore bacu gufunguza konti muri BK kugira ngo bagume kwiteza imbere.”

    Yavuze ko ubusanzwe umugore muri uwo Murenge aza ku isonga kandi afatwa nk’umutima w’urugo, yemeza ko aho ava akagera ashyigikiwe n’ubuyobozi.

    Umuyobozi ushinzwe Serivisi z’Abakiliya muri Banki ya Kigali, Ngabire Rose, yavuze ko bahisemo gukorana n’abagize Rwanda Women Network kuko bagizweho ingaruka na COVID-19.

    Ati “Ni umunsi BK yizihiza buri mwaka, ariko noneho uyu munsi twahisemo kuza aha. Turabizi ko bagezweho n’ingaruka z’icyorezo cya COVID-19 cyatumye ibikorwa byabo bitajya ku isoko ndetse babura abaguzi. Twahisemo ko mu bikorwa byose twajyaga dukora kuri uyu munsi twabafasha.”

    “Kuza kubasura ni ukubibutsa ko mu ntambwe nto bafite bazakomeza gukora ibikorwa byabo na banki igakomeza kubaba hafi mu kubaha inama z’ijyanye n’uko bakwiteza imbere ndetse tukabaha n’inguzanyo bityo ibikorwa byabo bigakomeza gutera imbere.”

    Umuryango Rwanda Women Network washinzwe mu 2003 n’abagore 20 ugamije komora ibikomere basigiwe na Jenoside yakorewe Abatutsi mu 1994 no kongera kubaremamo icyizere cyo kubaho. Ubu bageze ku miryango 100 kandi n’ibikorwa byabo byagiye byaguka.

    Byari ibyishimo ku miryango yahawe ubufasha

    BK yatanze ibiribwa birimo umuceli, akawunga, amavuta n’ibishyimbo

    Umunyamabanga Nshingwabikorwa w’Akagari ka Gacuriro, Kayitesi Redempta, yashimiye ubufasha bwahawe abagore bo muri aka gace

    Umuyobozi ushinzwe Serivisi z’Abakiliya muri Banki ya Kigali, Ngabire Rose, asobanura impamvu bahisemo gukorana na Rwanda Women Network

    Abahawe ibiribwa bishimiye ubufasha bahawe na BK, bavuga ko bizabafasha kwizigamira kuko ayo bari gukoresha babigura bazajya bayakoresha mu bindi bikorwa bibyara inyungu

    Mukamurangwa Laurence ni umwe mu bahawe ubufasha na BK

    Amafoto: Niyonzima Moise

  • Bitunguranye imbwa za Biden zakuwe muri White House kubera ikintu gikomeye zakoze #rwanda #RwOT

    Imbwa za Joe n'umugore we Jill Biden zakuwe muri White House nyuma y'uko into muri zo yitwa Major, bivuzwe ko yariye ushinzwe umutekano.

    Ibinyamakuru muri Amerika, bivuga ko izi nyarubwana zasubijwe ku rugo rwa Biden ruri ahitwa Wilmington muri leta ya Delaware.

    Ni nyuma y'uko iriya yitwa Major igaragaje gusagarira abakozi muri White House.

    Biden n'umugore we bakiriye iyi mbwa Major y'imyaka itatu mu 2018. Yari iherutse kuba imbwa ya mbere yavuye mu nzu icumbikira izagize ibibazo ije kuba muri White House. Ngenzi yayo, Champ, ifite imyaka 13.
    CNN ivuga ko Major yari imaze iminsi isimbukira, imokera cyangwa ishaka gucakira abakozi n'abashinzwe umutekano muri White House.

    Izi mbwa zombi zazanywe muri White House nyuma y'iminsi ine Joe Biden abaye perezida.

    Umugore we Jill, mu kwezi gushize, mu kiganiro The Kelly Clarkson Show, yavuze ko ari gukora ibishoboka ngo izi mbwa zimererwe neza.

    Yagize ati: 'Ubu zigomba kujya muri 'ascenseur/elevator', ibyo ntizibimenyereye, kandi ubu iyo zivuye mu nzu abantu benshi baba bazireba. Ibyo rero nibyo ndimo, ngo buri wese amere neza, atekane.'

    Mu mwaka ushize, izi nyarubwana zagaragaye mu butumwa bwatanzwe na Jill Biden bwifuriza abantu Noheli nziza bunasaba Abanyamerika kwambara udupfukamunwa.

    White House ifite amateka maremare n'inyamaswa zicudika zikabana n'abantu.

    Trump yabaye perezida wa mbere mu myaka 100 yari ishize utari ufite imbwa. Mu 2019 yavuze ko yakumva 'atari we' abaye agendana n'imbwa muri White House, yongeraho ko nta n'umwanya yayibonera.


    Imbwa za Biden zakuwe muri White House kubera amahane

    Src: BBC

    Source : https://impanuro.rw/2021/03/09/bitunguranye-imbwa-za-biden-zakuwe-muri-white-house-kubera-ikintu-gikomeye-zakoze/

  • Umuhango wo gusinyana amasezerano mashya hagati ya Rayon Sports na SKOL wasubitswe #rwanda #RwOT

    Uwahaye amakuru IGIHE dukesha iyi nkuru yemeje ko uyu muhango wamaze gusubikwa ndetse n'igihe uzasubukurirwa ntibiramenyekana.

    Yagize ati 'Umuhango wimuwe kubera ingamba zihari zo kwirinda COVID-19, turateganya ko waba nyuma y'ibyemezo bizafatwa n'Inama y'Abaminisitiri itaha.'

    Amakuru Ikinyamakuru IGIHE cyamenye ni uko Rayon Sports yatangiye guhabwa ibyumvikanyweho mu masezerano avuguruye bivugwa ko SKOL yemeye kuzamura amafaranga yayihaga ku mwaka, akava kuri miliyoni 66 Frw, akagera kuri miliyoni 120 Frw.

    SKOL izongera kandi agaciro k'imyambaro igenera iyi kipe ubundi kari gasanzwe kuri miliyoni 20 Frw, ibi byiyongera ku zindi serivisi zitandukanye iha Rayon Sports dore ko igiteranyo cy'ayo yatanze mu mwaka w'imikino wa 2019/20 kingana na miliyoni 75 Frw.

    Iki kinyamakuru kivuga ko muri uyu mwaka w'imikino wa 2020/21, SKOL imaze guha Rayon Sports hafi kimwe cya kabiri cy'amafaranga impande zombi zemeranyijweho.

    Mu mpera z'umwaka ushize, Umuyobozi wa Rayon Sports, Uwayezu Jean Fidèle, yavuze ko hari miliyoni 25 Frw bagurijwe na SKOL.

    Uru ruganda ruherutse kandi gufasha Rayon Sports kwishyura umwenda wa miliyoni 6 Frw yari ibereyemo umutoza Ivan Minnaert wasabaga ko imitungo yayo yatezwa cyamunara. Hari kandi n'amafaranga yatanzwe muri Mutarama na Gashyantare hahembwa abakozi.

    Biteganyijwe ko uyu muhango wasubitswe kubera ingamba zo kwirinda COVID-19 uzasubukurwa nyuma y'ibyemezo bizafatirwa mu Nama y'Abaminisitiri itaha.

    Source : http://umuryango.rw/imyidagaduro/imikino/article/umuhango-wo-gusinyana-amasezerano-mashya-hagati-ya-rayon-sports-na-skol

  • Nyaruguru: Umuyobozi w’Ikigo Nderabuzima akurikiranyweho kunyereza arenga miliyoni 8 Frw –

    Ayo mafaranga bivugwa ko yayanyereje mu 2019 ubwo yayoboraga icyo Kigo Nderabuzima giherereye mu Murenge wa Rusenge.

    Umuyobozi w’Akarere ka Nyaruguru, Habitegeko François, yabwiye IGIHE ko yatahuwe ko yanyereje ayo mafaranga nyuma y’igenzura ryakozwe.

    Ati “Igenzura ryabaye muri uku kwezi gushize naho umutungo akekwaho kurigisa yawurugishije igihe yari akikiyobora mu 2019. Ayo akekwaho kurigisa ni 8.000.679 Frw. ubu twamushyikirije RIB y’Akarere ka Nyaruguru.”

    Habitegeko yavuze ko igenzura risanzwe rikorwa kandi rizakomeza mu rwego rwo gutahura abanyereza umutungo wa Leta.

    Ati “Ubutumwa naha abakozi n’abayobozi ni ukurya akagabuye bakirinda gufata umutungo w’abaturage; umutungo wa Leta bashinzwe bakawucunga neza, bakirinda kuwunyereza bagahazwa n’ibyo bagenerwa.”

    Mu karere ka Nyaruguru haheruka gutabwa muri yombi abayobozi n’abakozi batandukanye bakurikiranyweho kunyereza umutungo wa Leta n’ibyagenewe abaturage.

    Uheruka ni Umunyamabanga Nshingwabikorwa w’Umurenge wa Kibeho wakekwagaho kunyereza Miliyoni 30 Frw yari ateganyirijwe kubaka ibyumba by’amashuri watawe muri yombi muri Mutarama 2021.

    Mbere yaho mu 2020 hatawe muri yombi abandi bayobozi batandukanye barimo ba agoronome mu mirenge ya Ruheru, Nyabimata na Kivu; Gitifu w’Umurenge wa Kivu; Gitifu w’Akarere ka Nyaruguru; Umukozi ushinzwe ibikorwa rusange mu Karere, Umuyobozi w’Ishami ry’Ubuzima wabanje kuba ukuriye akana gashinzwe amasoko n’umukozi ushinzwe amakoperative mu Murenge wa Kivu.

    Abo bose bakekwagaho kunyereza umutungo wa Leta, ruswa no kurigisa ifumbire n’ishwagara byagenewe abahinzi.

    [email protected]